پاکستان کرکٹ ٹیم مینجمنٹ میں بڑی تبدیلیوں کی تیاری مکمل ہو گئی

تفصیلات کے مطابق ورلڈ کپ میں پاکستانی ٹیم کی بدترین کارکردگی کے بعد پاکستان کرکٹ ٹیم مینجمنٹ میں بڑی تبدیلیوں کی تیاری مکمل ہو گئی ہے، کوچ مکی آرتھر،بولنگ کوچ اظہر محمود،چیف سلیکٹرانضمام اورمینیجر طلعت علی کو فارغ کئے جانے کا امکان ظاہر کیا جا رہا ہے۔

کوئٹہ میں ہنگامہ خیز اجلاس اور قانونی کارروائی کے بعد بورڈ آف گورنرز کی میٹنگ 19جون کو لاہور میں طلب کی گئی ہے۔اجلاس میں شرکت کے لئے ایم ڈی وسیم خان اپنا دورہ مختصر کرکے منگل کو لاہور پہنچ رہے ہیں۔اجلاس میں ڈومیسٹک کرکٹ کی اصلاحات پر بھی بات کی جائے گی۔

امکان ہے کہ ڈومیسٹک کرکٹ کے نئے سیٹ اپ کو لانے کے لئے ورلڈ کپ کی تباہ کن کارکردگی کو جواز بنایا جائے گا اور ڈپارٹمنٹل کرکٹ کو آئندہ سیزن سے ختم کر دیا جائے گا۔

پی سی بی بورڈ آف گورنرز میٹنگ میں کل ورلڈ کپ میں پاکستان کرکٹ ٹیم کی کارکردگی اور ڈومیسٹک کرکٹ ڈھانچے کی تبدیلی پر بات ہوگی۔

انگلینڈ نے افغانستان کے خلاف ٹاس جیت کر بیٹنگ کا فیصلہ کیا ہے

تفصیلات کے مطابق
ورلڈ کپ میں آج افغانستان اورمیزبان انگلینڈ مدمقابل ہیں ،انگلینڈ نے افغانستان کے خلاف ٹاس جیت کر بیٹنگ کا فیصلہ کیا ہے ۔منچسٹر میں کھیلے جا رہے میچ میں انگلش کپتان آئن مورگن نے ٹاس جیت کر بیٹنگ کا فیصلہ کیا۔
افغانستان کے صدر اشرف غنی مانچسٹر میں اپنی کرکٹ ٹیم کی حوصلہ افزائی کے لئے موجودہوں گے۔اشرف غنی اپنی ٹیم سے ملیں گے اور میچ دیکھیں گے۔
آئی سی سی نے تصدیق کی ہے کہ میزبان انگلینڈ کے خلاف میچ کے موقع اشرف غنی اولڈ ٹریفورڈ پہنچیں گے۔یہ پہلا موقع ہے جب ورلڈ کپ میچ میں افغان صدر موجود ہوں گے۔

اولڈٹریفورڈ مانچسٹر میں اتوار کو جو ہلا گلا تھا منگل کو میزبان ٹیم کے میچ کےباوجود روایتی شور شرابا نہیں تھا۔میچ شروع ہونے سے قبل اسٹیڈیم کا بڑا حصہ خالی تھا افغانستان کے تماشائیوں کی تعداد میں کم تھی۔
پاکستان بھارت کے میچ کے ٹکٹ نایاب تھے جبکہ انگلینڈ افغانستان کے میچ کے ٹکٹ دستیاب ہیں۔

گراؤنڈ کے اطراف میں اتوار والی ہنگامی آرائی اور شور شرابا بھی نہیں تھا۔شہر میں دو دن پہلے بڑی تعداد میں غیر ملکی موجود تھے اب سب کچھ نارمل ہوگیا ہے اور ہوٹل کے ریٹس بھی معمول کے مطابق آچکے ہیں۔

واضح رہے افغانستان کی ٹیم اب تک ایونٹ میں چار میچ کھیل چکی ہے اور تمام میں اسے ناکامی کا سامنا کرنا پڑا ہے جب کہ ورلڈکپ کی فیورٹ انگلینڈ کو چار میں سے تین میچوں میں کامیابی اور ایک میچ میں پاکستان کے ہاتھوں شکست کا سامنا کرنا پڑا۔

شیشہ پینے کی وڈیو پر شعیب ملک نے ٹویٹ کی جس پر شائقین کرکٹ نے سخت رد عمل دیا

باغی ٹی وی رپورٹ کے مطابق قومی کرکٹ کے سینئر کھلاڑی شعیب ملک نے ٹوییٹ کرتےہوئے کہا ہے کہ وہ گزارش کرتےہیں کہ تمام لوگ اور میڈیا والے دوسرے کی فیملی کی عزت کریں زاتی معاملات اور نجی مصروفیات پر کھیل اور کارکردگی کا حصہ نا بنائیں.اس کے ٹویٹ کے جواب میں اس کےجواب میں شائقین نےبہت واٹ لگائی.ایک نے ٹویٹ کے جواب میں کہا کہ آپ وہاں ںجی دورے پر نہیں گئےتھے جو پکنک مناتےپھریں. اگر ایسا شوق ہے تو اپنے پیسے پر جائیں اور جتنی مرضی سیر کریں اور شیشہ پیئیں.اسی طرح دیگر نے بھی اس کے جواب میں سخت رد عمل کا اطہار کیا…
واضح رہے کہ قومی ٹیم کی انتہائی خراب کارکردگی کے بعد شائقین کرکٹ بہت نالاں ہیں.اور وہ کسی قسم کی کوئی جسٹفکیشن سننا گوارا نہیں کرتے.

ورلڈکپ میں‌ بھارت کے ساتھ کھیلے جانے والے اہم میچ میں بھارت سے بری طرح‌ شکست کے بعد پاکستانی ٹیم میں‌ اختلافات کی خبریں منظر عام پر آرہی ہیں. یہ بھی کہا گیا ہے کہ اندرونی اختلافات بھی پاکستانی ٹیم کی ناقص کارکردگی کا ایک سبب ہے.

باغی ٹی وی کی رپورٹ کےمطابق بھارتی میڈیا کی طرف سے بھی پاکستانی ٹیم میں‌ اختلافات کی خبریں‌ شائع اور نشر کی جارہی ہیں. بھارت سے شکست کے بعد پاکستانی ڈریسنگ روم سے کھلاڑیوں کے اختلاف کی خبروں‌سے ڈریسنگ روم کا ماحول پریشانی کا شکار ہو گیا ہے ۔ میڈیا رپورٹس میں‌ بتایا گیا ہے کہ آج سرفراز احمد جب ہوٹل آئے تو وہاں موجود ایک صحافی نے قومی ٹیم کے کپتان سے ٹیم میں اختلافات سے متعلق سوال کیا تو انہوں نے جواب دینے سے گریز کیا اور پھر کہ سارا کچھ میرے حساب سے چل رہا ہے ۔

واضح‌ رہے کہ اس سے قبل سرفراز احمد نے ڈریسنگ روم میں‌ کھلاڑیوں‌ کو کھری کھری سنا دیں اور کہا تھا کہ اگر کوئی سمجھتا ہے کہ خراب کارکردگی پر صرف میں‌ گھر جاؤں‌ گا تو ایسا نہیں ہے میرے ساتھ اور بھی کئی جائیں‌ گے اس لئے سب کو اپنی کارکردگی بہتر بنانی چاہیے.

ورلڈ‌ کپ میچ میں‌ بھارت سے شکست کے بعد پاکستانی ٹیم کے کپتان سرفرازاحمد ڈریسنگ روم میں‌ کھلاڑیوں پر برس پڑے اور دھمکی آمیز لہجے میں‌ کہاکہ خدانخواستہ ٹیم کیساتھ کچھ برا ہوا تومیرے ساتھ اوربھی لوگوں کو گھر جانا پڑے گا.

باغی ٹی وی کی رپورٹ کے مطابق سرفراز احمد جو بہت کم گو سمجھے جاتے ہیں‌ بھارت سے شکست کے بعد غصہ میں‌ کھلاڑیوں‌ کو بہت کچھ کہہ گئے. انہوں نے کھلاڑیوں‌ کو سخت وارننگ دیتے ہوئے کہاکہ اگر کوئی سمجھتا ہے صرف میں گھرچلا جاؤں‌ گا تو ہہ اسکی حماقت ہے. میرے ساتھ اور بھی لوگوں‌ کو گھر جانا پڑے گا. انہوں نے کہاکہ خراب کارکردگی کو بھول کرآگے بڑھیں اورٹیم کی کارکردگی بہتر بنائیں.

رپورٹ کے مطابق سرفراز احمد ڈریسنگ روم میں بولتے رہے اور لڑکے ندامت سے سر جھکائےکھڑے رہے. اس موقع پر قومی ٹیم کے ہیڈکوچ مکی آرتھر بھی موجود تھے تاہم وہ بھی خاموش رہے. سرفراز کی باتوں پر سینئر کھلاڑی بھی خاموش رہے. واضح رہے کہ پاکستان کل ورلڈ‌کپ کے اہم میچ میں انڈیا سے بری طرح ہار گیا تھا اور ٹیم کی کارکردگی انتہائی خراب رہی.

شیعب ملک اور اس کی فیملی کے ساتھ گردش کرتی ویڈیو میچ سے دو دن پہلے کی ،شعیب اجازت سے باہر گئے پی سی بی کی وضاحت آگئی،
تفصیلات کے مطابق :شیعب ملک اور اس کی فیملی کے ساتھ گردش کرتی ویڈیو میچ سے دو دن پہلے کی ،شعیب اجازت سے باہر گئے پی سی بی کی وضاحت آگئی،ترجمان پی سی بی کے مطابق کھلاڑی میچ کی رات ہوٹل میں ہی موجود تھے اور کسی کھلاڑی نے کرفیو ٹائم کی خلاف ورزی نہیں کی۔

بھارت کے خلاف قومی ٹیم کی ناقص کارکردگی پر پی سی بی کا کہنا ہے کہ جلد بازی میں کوئی فیصلہ نہیں لیں گے، ورلڈکپ کے بعد کپتان، سلیکٹرز اور کوچزکی کارکردگی کا جائزہ لیا جائےگا۔

پاکستانی کھلاڑیوں‌ کی میچ سے قبل رات بھر آوارہ گردی، کیفے میں شیشہ پیتے رہے، سوشل میڈیا پر تصاویر وائرل
واضح رہے کہ پاکستان اور بھارت کے درمیان ورلڈ کپ کے کرکٹ‌ میچ میں‌ پاکستانی ٹیم کی بیٹنگ لائن ریت کی دیوار ثابت ہوئی ہے اور 337 رنز کے ہدف کے تعاقب میں اس کے پانچ کھلاڑی 137 رنز پر آؤٹ ہو گئے. کچھ دیر کیلئے بارش کی وجہ سے میچ رکا تاہم دوبارہ شروع ہو گیا اور پاکستان شکست سے دوچار ہو گیا. پاکستان کا ایک کھلاڑی صرف 13 سکور پر آؤٹ ہو گیا. آؤٹ ہونے والے پہلے کھلاڑی امام الحق تھے. بھارت نے پاکستانی ٹیم کو فتح کیلئے 336 رنز کا ہدف دیا ہے. بھارت کے پچاس اوور کے اختتام پر پانچ کھلاڑی آؤٹ‌ہوئے . محمد عامر نے دس اوور میں سینتالیس سکور دے کر تین کھلاڑی آؤٹ کئے. میچ کے دوران کچھ دیر کیلئے بارش کی وجہ سے میچ روک دیا گیا تاہم بارش رکنے پر دوبارہ کھیل کا آغاز کیا گیا. بارش کی وجہ سے میچ کے اوورز کم نہیں کیے گئے تاہم اننگز بریک 15 منٹ کا کردیا گیا ہے. پاکستان انڈیا میچ میں ویرات کوہلی نے اپنے تیز ترین گیارہ ہزار رنز بھی مکمل کر لئے ہیں.

کرکٹ ورلڈ کپ میں پاکستانی کرکٹ ٹیم کی خراب کارکردگی پر پنجاب اسمبلی میں قرارداد جمع کروا دی گئی جس میں مطالبہ کیا گیا کہ کرکٹ ٹیم کی خراب کارکردگی پراعلیٰ سطحی کمیٹی تشکیل دی جائے

پاکستانی کھلاڑیوں‌ کی میچ سے قبل رات بھر آوارہ گردی، کیفے میں شیشہ پیتے رہے، سوشل میڈیا پر تصاویر وائرل

باغی ٹی وی کی رپورٹ کے مطابق کرکٹ ورلڈ‌ کپ میں پاکستان کی کرکٹ ٹیم کی جانب سے ناقص کارکردگی پر مسلم لیگ ن کی رکن اسمبلی عنیزہ فاطمہ کی جانب سے پنجاب اسمبلی میں قرارداد جمع کروائی گئی ہے جس میں چیئرمین پی سی بی،چیف سلیکٹرسمیت ذمہ داران کےاستعفےکامطالبہ کیا گیا ہے، قرارداد کے متن میں کہا گیا ہے کہ ورلڈ کپ میں بھارت کےہاتھوں شکست پرپوری قوم میں غم وغصہ پایاجاتاہے،پاکستانی کرکٹ ٹیم نےورلڈکپ میں بری کارکردگی کامظاہرہ کیا ہے،ورلڈکپ کےلیےپی سی بی نہ توپلاننگ کی اورنہ ہی قوم کوبہترین کھلاڑی دےسکے، متن میں مزید کہا گیا کہ بھارت سے شکست پرشائقین کرکٹ میں انتہائی مایوسی پائی جارہی ہے ،کھلاڑیوں کےحوالے سے وزیراعظم بھی انھیں ریلو کٹے قرار دے چکےہیں .قرارداد کے ذریعے مطالبہ کیا گیا ہے کہ کرکٹ ٹیم کی خراب کارکردگی پراعلیٰ سطحی کمیٹی تشکیل دی جائے ،کمیٹی تحقیقات کرےکہ میچ سےقبل کھلاڑی نائٹ کلب میں کس طرح پارٹیاں مناتے رہے

واضح رپے کہ پاکستانی کرکٹ ٹیم کے کپتان سرفراز احمد نے انڈیا سے شکست کے بعد تبصرہ کرتے ہوئے کہا ہے کہ ابھی چار میچز باقی ہیں اچھا سے اچھا کرنے کی کوشش کریں گے. ادھر بھارتی کپتان ویرات کوہلی نے کہا ہے کہ بولنگ پلان کےمطابق کی جائے تو میچ آسان ہوجاتاہے
واضح رہے کہ اس میچ میں بھارت کے روہت شرما عمدہ بیٹنگ پر مین آف دی میچ قرار رہے. میچ کے دوران پاکستانی کرکٹ ٹیم کے کپتان سرفرازاحمد 12 ، محمد حفیظ 9 ، امام الحق 7 اور شعیب ملک صفر پر آؤٹ ہوئے. پاکستانی کھلاڑی فخر زمان واحد کھلاڑی تھے جو نصف سنچری بنانے میں‌ کامیاب ہوئے. بابر اعظم 48 رنز بنا کر نمایاں‌ رہے.