Category: کھیل

ویمن فٹ بال ورلڈ کپ ٹورنامنٹ کا پری کوارٹر مرحلہ آج سے شروع ہوگا۔ تفصیلات کے مطابق فرانس میں رواں میگا ٹورنامنٹ میں ٹیموں کے درمیان عالمی ٹائٹل کے حصول کیلئے سنسنی خیز مقابلوں کا سلسلہ جاری ہے۔
میگا ایونٹ میں آج بروز ہفتہ دو پری میچز کھیلے جائیں گے پہلے میچ میں نائیجیریا کا مقابلہ جرمنی سے ہوگا جبکہ دوسرا پری کوارٹر فائنل میچ آسٹریلیا اور ناروے کی ٹیموں کے درمیان کھیلا جائیگا۔

پری کوارٹر فائنل مرحلہ 25 جون کو ختم ہوگا، اس کے بعد میگا ٹورنامنٹ کے کوارٹر فائنلز 27، 28 اور 29 جون کو کھیلے جائیں گے جس کے بعد چار ٹیمیں سیمی فائنل مرحلے کے لئے کوالیفائی کریں گی۔ میگا ٹورنامنٹ کا پہلا سیمی فائنل میچ 2 جولائی کو کھیلا جائے گا جبکہ دوسرا سیمی فائنل میچ 3 جولائی کو کھیلا جائے گا۔ ٹورنامنٹ کی دو فائنلسٹ ٹیموں کے درمیان فائنل ٹاکرہ 7 جولائی کو ہوگا۔

ورلڈ کپ کے اٹھائیسویں میچ میں آج افغانستان بھارت کا مقابلہ کرے گی. افغانستان ورلڈ کپ کے 5 میچز کھیل چکی ہے اور سارے ہار چکی ہے. افغانستان کو ایک میچ میں بھی فتح نصیب نہ ہوئی. دوسری جانب بھارت 4 میچز کھیل چکی ہے اور ایک میں بھی شکست نہ ملی. پوائنٹس ٹیبل پر بھارت چوتھے اور افغانستان آخری نمبر پر ہے.

باغی ٹی وی کی رپورٹ کے مطابق شیکھر دھون آج کا میچ بھی نہیں کھیلیں گے مگر روہت شرمہ آج کے میچ میں بھی اچھا کھیل دکھانے کا ارادہ رکھتے ہیں. دونوں ٹیمز کی جانب سے پلیئنگ الیون میں کوئی تبدیلی نہیں کی جائے گی. بھارت آج کا میچ بھی جیتنے کے لیے پر عزم ہے.

ورلڈ کپ کے ستائیسویں میں سری لنکا نے انگلینڈ کے خلاف ٹاس جیت کر بیٹنگ کا فیصلہ کیا ہے. پوائنٹس ٹیبل کے مطابق سری لنکا چھٹے نمبر پر ہے. سری لنکا پانچ میچز کھیل چکی ہے اور ایک میچ جیت چکی ہے. دو میچز میں شکست ملی اور دو میچز بارش کی وجہ سے نہ کھیلے جا سکے.

سری لنکا کے لیے آج کا میچ جیتنا ضروری ہے ورنہ سیمی فائنل تک کی رسائی مشکل ہے. دونوں ٹیمز کے کپتان میچ جیتنے کے لیے پر امید ہیں. ایون مورگن آج کے میچ میں بھی اچھا کھیلنے کا جزبہ رکھتے ہیں.

پاکستان کی بد ترین پرفارمنس پر محمد حفیظ نے بیان دیا ہے کہ پوائنٹس ٹیبل پر سب سے نیچے خود کو دیکھ کر ہم پر دباؤ سے زیادہ ہم کو دکھ ہے لیکن اگر ہسٹری کو دیکھا جائے تو پاکستانی ٹیم ہمیشہ ڈاؤن ہو کر ہی اٹھی ہے.

باغی ٹی وی کی رپورٹ کے مطابق محمد حفیظ کہتے ہیں کہ پوری ٹیم کم بیک کے لیے پوری کوشش کر رہی ہے اس لیے قوم سے اپیل ہے کہ ہمیں سپورٹ کرتے رہیں. ہم نے اگلے چار میچ جیتنے کا کوئی پلان نہیں بنایا. ہم صرف اگلے میچ کی تیاری کر رہے ہیں جو 23 جون کو جنوبی افریقہ کے ساتھ انگلینڈ کے شہر لورڈز میں ہونے والا ہے.

جنوبی افریقہ کے ساتھ میچ کی پریکٹس میں کوئی کمی نہیں چھوڑ رہے. ٹیم کا حصہ ہونے کے ناطے میں یہ کہہ سکتا ہوں کہ شعیب ملک کے ساتھ پوری ٹیم پر اعتماد ہے. پچھلے پانچ میچز میں اچھا کھیل نہیں پیش کر سکے لیکن ہم ایک نیا سفر شروع کریں گے. کوشش کر رہے ہیں انشا اللہ کامیاب بھی ہوں گے.

شاہد آفریدی نے ٹویٹ کیا ہے کہ وہ GT20 سیزن 2 کے لیے بہت پر جوش ہیں. شاہد آفریدی کہتے ہیں کہ وہ بہت خوش ہیں کہ ایک بار پھر سے وہ بریپٹن وولوز کا حصہ بنیں گے اور انکے ساتھ معروف کرکٹرز ڈیرن سیمی شکیب الحسن وہاب وکی اور ٹاپ پلیئرز بھی ہوں گے.

سیزن 2 کا آغاز 22جولائی سےکینیڈا کے شہر ٹورونٹو میں ہونے والا ہے. GT20 بیس اوورز کا کھیل ہے اور گزشتہ برس شروع ہوا تھا اور کینیڈا میں کھیلا گیا تھا. ٹورنامنٹ گزشتہ برس جون اور جولائی میں 6 ٹیموں کے ساتھ کھیلا گیا تھا. ہر ٹیم میں چار کھلاڑی کینیڈا کے اور باقی انٹرنیشنل تھے.

ایونٹ کا پہلا ٹائٹل ٹیم وینکوور نائٹس کے نام رہا. ٹورنامنٹ میں ٹاپ سکورر لینڈل سیمونز رہے اور سب سے زیادہ وکٹس شیلڈن کوٹرل نے لی.