Category: موسم

اسلام آباد: محکمہ موسمیات نے پنجاب کے میدانی علاقوں میں برفباری کی خبروں کو مسترد کردیا ہے۔

باغی ٹی وی : گزشتہ چند دن سے سوشل میڈیا پر پنجاب میں برفباری اور شدید ترین سردی کی خبریں گردش کررہی ہیں جن کے مطابق گجرات، جھنگ، ٹوبہ ٹیک سنگھ، ملتان، خانیوال،بہاولپور، قصور، وہاڑی، اوکاڑہ، ساہیوال،حافظ آباد، چکوال،جہلم، میانوالی،بھکر، لیہ، چنیوٹ، سرگودھا، خوشاب، ڈیرہ غازی خان، راجن پور اور رحیم یار خان میں برفباری کا امکان ہے۔

سماجی رابطے کی ویب سائیٹ ”ایکس“ پر اپنی پوسٹ میں میٹ آفس نے کہا کہ پنجاب کے میدانی علاقوں میں برفباری کے حوالے سے سوشل میڈیا پر چلنے والی افواہیں بے بنیاد ہیں۔ عوام سے گزارش ہے کہ ان جعلی خبروں کو نظر انداز کریں۔

واضح رہے کہ اس سے قبل میٹ آفس نے 12 جنوری سے 15 جنوری تک کی راتوں میں ریکارڈ سردی کی خبروں کو بے بےبنیاد قرار دیا تھا اس حوالے سے سوشل میڈیا پر کسی ذرائع کا حوالہ دیے بغیر وائرل پیغام میں کہا گیا تھا کہ 12 جنوری سے 15 جنوری تک کے دن اور رات ’پاکستان کی 100 سالہ تاریخ‘ میں سرد ترین ہوسکتے ہیں۔

اسلام آباد: آئندہ 24 گھنٹوں کے دوران ملک کے بیشتر میدانی علاقوں میں موسم سرد اور خشک رہے گا ، جبکہ رواں ہفتہ کے دوران پنجاب، خیبر پختونخوا اور بالائی سندھ کے میدانی علاقے شدید دھندکی لپیٹ میں رہیں گے۔

باغی ٹی وی: محکمہ موسمیات کے مطابق آئندہ 24 گھنٹوں کے دوران ملک کے بیشتر میدانی علاقوں میں موسم سرد اور خشک جبکہ شمالی علاقوں اور شمالی بلوچستان میں شدید سرد اور مطلع جزوی ابر آلود رہنے کی توقع ہے،گلگت بلتستان، بالائی خیبر پختونخوا اور کشمیر میں بعض مقامات پر بارش اور پہا ڑوں پر ہلکی برف باری کا امکان ہے،اس دوران پنجاب اور خیبر پختونخوا کے میدانی علاقوں اور بالائی سندھ میں شدید دھند/سموگ چھائے رہے گی جبکہ کشمیر اور خطہ پوٹھوہار میں صبح کے اوقات میں بعض مقامات پر کہرا پڑنے کا امکان ہے-

3 بار والا وزیراعظم اپنا اور خاندان کا احتساب کروا سکتا ہے تو یہ جج …

رپورٹ کے مطابق گذشتہ 24 گھنٹوں کے دوران ملک کے بیشتر علاقوں میں موسم سرد اور خشک جبکہ شمالی علاقوں اور شمالی بلوچستان میں شدید سرد رہا، پنجاب، بالائی سندھ اور خیبر پختونخوا کے میدانی علاقے شدید دھند /سمو گ کی لپیٹ میں رہے۔

ڈریپ کی جانب سے کھانسی کے شربت میں زہریلے مادے کا ا لرٹ جاری

ڈونلڈ ٹرمپ کے سول فراڈ کیس کی سماعت کرنے والے جج کو بم حملے کی …

اسلام آباد: محکمہ موسمیات کے مطابق آئندہ چوبیس گھنٹوں کے دوران پنجاب کے بیشتر شہروں میں موسم شدید سردوخشک رہے گا-

باغی ٹی وی:محکمہ موسمیات کے مطابق لا ہور سمیت میدانی علاقوں میں صبح اور رات کے اوقات میں سموگ اور شدید دھند پڑنے کا امکان ہے ، ترجمان محکمہ موسمیات کے مطابق گزشتہ چوبیس گھنٹوں کے دوران پنجاب کے اکثر علاقوں میں موسم شدید سرد، خشک رہا،بعض علاقوں میں دھند چھائی رہی جس سے حد نگاہ انتہائی ہو گئی جبکہ آئندہ چوبیس گھنٹوں کے دوران صبح اور رات کے اوقات میں لاہور، سیالکوٹ، گوجرانوالہ، نارووال،سرگودھا،بدوملہی، اوکاڑہ،فیصل آباد، ٹوبہ ٹیک سنگھ،جھنگ،خانیوال ،ملتان ، بہا ولپور ، ڈیرہ غا زی خان اور گر دو نواح میں شدید دھنداورسموگ چھائے رہنے کاا مکان ہے،جبکہ آئندہ 24گھنٹوں کے دوران بارش کا کوئی امکان نہیں۔

دوسری جانب ہوا میں نمی کا تناسب 96فیصد رہا،لا ہور میں آلودگی کی مجموعی شرح 243رہی،اسی طرح شہر کے دیگر علاقوں سی سی آر پی آفس 292،فیز8ڈی ایچ اے 342،پو لو گرا ؤنڈ317،فیز 8 ایوی گرین 258،سی سی آر پی آفس 292،یو ایس قونصلیٹ 346،سید فدا حسین روڈ 255اور فاسٹ یونیورسٹی میں 234ریکارڈ کیا گیا۔

اسلام آباد: محکمہ موسمیات نے ملک کے بالائی اور وسطی علاقوں میں موسم سرد اور مطلع ابر آلود رہنے کی پیشگوئی کی ہے۔

باغی ٹی وی : محکمہ موسمیات کے مطابق ملک کے بالائی اور وسطی علاقوں میں موسم سرد اور مطلع ابر آلود رہنے کے ساتھ چند مقامات پر ہلکی بارش ،بوندا باندی اور بلند پہاڑوں پرہلکی برف باری کا امکان ہے جبکہ میدانی علاقوں میں شدیددھند،سموگ چھائے رہنے کا امکان ہے۔

آج ملک کے بیشتر علاقوں میں موسم سرد اور خشک جبکہ بالائی علاقوں میں مطلع جزوی ابر آلود رہے گا تاہم صبح کے اوقات میں خطہ پوٹھوہار ، بالائی خیبر پختونخوا ،کشمیر اور ملحقہ پہاڑی علاقوں میں بعض مقامات پر ہلکی بارش اور پہاڑوں پر ہلکی برف باری کا امکان ہےاس کے علاوہ پنجاب ، خیبر پختونخوا کے میدانی علاقوں اور بالائی سندھ میں شدیددھند ،سموگ چھائے رہنے کا امکان ہے۔

بھارت کے مشہور موٹیویشنل اسپیکر کا نئی نویلی بیوی پر تشدد،مقدمہ درج

محکمہ موسمیات کے مطابق کو ئٹہ سمیت بلو چستان کے کے بیشتر اضلاع میں موسم خشک اور سر درہے گا ضلع قلات میں درجہ حرارت منفی دو ڈگری سیٹی گریڈ ریکارڈ کیا گیاوادی کو ئٹہ اورگر د نواح میں موسم خشک اور سرد رہےگا کو ئٹہ شہر میں کم سےکم درجہ حرارت 2ڈگر ی سینٹی گر یڈ یکارڈ کیا گیا اسی طرح گوادر اور جیونی میں 13،سبی 8،نوکنڈی 5،تربت میں کم سے کم 12،ڈگری سینٹی گر یڈ ریکارڈ کیا گیا سب سے کم درجہ حرارت قلات میں منفی دو ڈگری سینٹی گریڈ ریکارڈ کیا گیا-

9 مئی کے واقعات ، اشتہاری ملزمان کی جائیدادیں ضبط کےکی کارروائیاں شروع

اسلام آباد: ملک کے بالائی اضلاع میں موسم شدید سرد اور خشک رہے گا –

باغی ٹی وی: محکمہ موسمیات کے مطابق جمعہ کے روز ملک کے بیشترعلاقوں میں موسم سرد اور خشک جبکہ بالائی اضلاع میں شدید سرد اور مطلع جزوی ابر آلود رہے گا تاہم پنجاب ، خیبر پختونخوا کے میدانی علاقوں اور بالائی سندھ میں صبح اور رات کے اوقات میں دھند /سموگ چھائے رہنے کا امکان ہے۔

محکمہ موسمیات کے مطابق آئندہ 24 گھنٹوں کے دوران کوئٹہ،ژوب،چمن پشین میں ہلکی بارش اور پہاڑوں پر ہلکی برفباری جبکہ صوبے کے دیگر اضلاع میں موسم خشک اورشدید سرد رہنے کا امکان ہے-

گذشتہ 24 گھنٹوں کے دوران ملک کےبیشتر علاقوں میں موسم سرد اور خشک جبکہ شمالی علاقوں میں شدید سرد رہا اس دوران ملک میں کم سے کم درجہ حرارت لہہ منفی 10،اسکردومنفی 7 ،گلگت منفی 6،استور،قلات، گوپس منفی5 اورکالام میں منفی 4 ڈگری سینٹی گریڈ ریکارڈ کیا گیا۔

دوسری جانب اسلام آباد میں پولن کی مجموعی مقدار میں کمی ریکارڈ کی گئی ہے جبکہ فضا میں پولن کا تناسب بھی نچلی سطح پر رہا،محکمہ موسمیات کے مطابق گزشتہ 24 گھنٹوں کے دوران وفاقی دارالحکومت کے مختلف سیکٹرز میں پولن کی مجموعی مقدار 39 سے کم ہو کر 33 پولن فی مکعب میٹر ریکارڈ کی گئی اس دوران جنگلی شہتوت کے پولن کی مقدار صفر رہی جبکہ گھاس کے پولن کی مقدار 03 اور فنجائی کی مختلف اقسام کے پولن کی مقدار 30 فی مکعب میٹر ریکارڈ کی گئی ہے۔

اسلام آباد: محکمہ موسمیات کے مطابق ملک کے بیشتر میدانی علاقوں میں موسم سرد اور خشک جبکہ بالائی علاقوں میں مطلع ابر آلودرہے گا ۔

باغی ٹی وی : محکمہ موسمیات کے مطابق پنجاب کے بیشتر علاقوں میں موسم خشک اور سرد رہے گا مری، گلیات اورگردونواح میں بھی موسم سرد رہنے کا امکان ہے بہا ولپور ، ساہیوال ، سرگودھا، لاہور ، گوجرانوالہ، نارووال ،فیصل آباد، ٹوبہ ٹیک سنگھ،جھنگ،خانیوال ،ملتان ، خان پور،رحیم یار خان ، سیالکوٹ ، حافظ آباد ، گجرات، منڈی بہاؤالدین ، جہلم ،بھکر ،لیہ ،ڈیرہ غا زی خان اور گر دو نواح میں صبح اور رات کے اوقات میں شدیددھند / سموگ چھائے رہنے کا امکان ہے۔

محکمہ موسمیات کے مطابق خیبرپختونخوا صوبہ کے بیشتر بالائی اضلاع میں موسم سرد اور مطلع جزوی ابرآلود رہے گا تاہم صبح اور رات کے اوقات میں مردان، صوابی، چارسدہ نوشہرہ اور پشاورمیں دھند چھائے رہنے کا امکان ہے تاہم کشمیر اورگلگت بلتستان میں مطلع ابر آلود رہنے کے ساتھ چند مقامات پر ہلکی بارش اور پہاڑوں پر ہلکی برفباری کا امکان ہے۔

نگران وزرا کو ہٹانے کی درخواست الیکشن کمیشن میں سماعت کیلئے مقرر

محکمہ موسمیات کے مطابق بلوچستان کے بیشتر اضلاع میں موسم سرد اور خشک جبکہ شمالی اضلاع میں شدید سرد موسم رہے گا کراچی سمیت سندھ کے بیشتر اضلاع میں موسم خشک رہے گا تاہم جیکب آباد، موہنجوداڑو، سکھر، لاڑکانہ ، دادو، گھوٹکی اور پڈعیدن میں صبح اور رات کے اوقات میں دھند/سموگ چھائے رہنے کا امکان ہے-

محکمہ موسمیات کے مطابق کراچی شہر کا گزشتہ روز کم سے کم درجہ حرارت 14.5ڈگری سینٹی گریڈ ریکارڈ کیا گیا جبکہ شہر میں آئندہ 24 گھنٹوں کے دوران موسم خشک اور رات میں خنکی رہنےکا امکان ہے شہر کا زیادہ سے زیادہ درجہ حرارت 28 سے 30ڈگری سینٹی گریڈ رہنے کا امکان ہے، ہوا میں نمی کا تناسب 70 فیصد ہے اور شمال مشرق سے چلنے والی ہوا کی رفتار 8کلو میٹر فی گھنٹہ ہے۔

پنجاب کے سرکاری اسپتالوں میں بیڈ شیٹس کا نیا نظام نافذ کرنے کا فیصلہ