ملک بھر میں بارشوں کا سلسلہ جاری ہے کئی علاقوں میں موسلام دھار بارش کے باعث نظام زندگی مفلوج ہو گیا۔

باغی ٹی وی : راولپنڈی اسلام آباد میں وقفے وقفے سے موسلادھار بارش کا سلسلہ جاری ہے اور ایم ڈی واسا کے مطابق اب تک 70 ملی میٹر سے زائد بارش ریکارڈ کی جاچکی ہے اور واسا کا عملہ و مشینری نشیبی علاقوں سے نکاسی آب کی سرگرمیوں میں مصروف ہے۔

واسا حکام کے مطابق نالہ لئی میں کٹاریاں اور گوالمنڈی پل کے مقام پر پانی کا بہاؤ 9 فٹ ہے اور پانی کے بہاؤ پر نظر رکھے ہوئے ہیں۔

اسلام آباد کے علاقے پاکستان ٹاؤن کی کئی گلیاں ڈوب گئیں اور پاکستان ٹاؤن زون فائیو کی سوسائٹی میں پانی گھروں میں داخل ہو گیا پاکستان ٹاون کی گلی نمبر 65 مکمل ڈوب گئی پانی گھروں میں داخل ہونے سے گاڑیوں کو نقصان ہو گیا –

میانوالی اور گردونواح میں گرج چمک کے ساتھ طوفانی بارش جاری ہے اور بارش سے نشیبی علاقے زیرآب اور گلیاں پانی سے بھر گئی ہیں۔ عیسیٰ خیل کے کئی علاقوں کے پہاڑی نالوں میں طغیانی آ گئی جبکہ چاپڑی محفوظ بند بھی ٹوٹنے کا خدشہ ہے۔

پشاور اور مضافات میں گہرے بادلوں کا راج،موسم خوش گوار ہو گیا دینہ اور گردونواح میں موسلادھار بارش ہوئی بارش شروع ہوتے ہی علاقہ بھر میں بجلی غائب ہو گئی کھاریاں اور پنڈادنخان میں موسلا دھا ربارش ہوئی-

ملتان ، آج سے جنوبی پنجاب میں بارشوں کا امکان ہے ملتان میں کم سے کم درجہ حرارت 28 سینٹی گریڈ ریکارڈ کیا گیا زیادہ سے زیادہ درجہ حرارت 39 سینٹی گریڈ تک جانے کا امکان ہے محکمہ موسمیات کے مطابق ہوا میں نمی کا تناسب 70 فیصد ریکارڈ کیا گیا-

میانوالی اور گردونواح میں گرج چمک کے ساتھ طوفانی بارش ہوئی ارش سے نشیبی علاقے زیرآب ،گلیاں پانی سے بھر گئیں عیسیٰ خیل کے کئی علاقوں کے پہاڑی نالوں میں طغیانی آ گئی چاپڑی محفوظ بند بھی ٹوٹنے کا خدشہ ہے

این ڈی ایم اے نے متعلقہ محکموں اور اتھارٹیز کیلئے نئی ایڈوائزری جاری کر دی کہا کہ صوبائی و ضلعی انتظامیہ ضروری احتیاطی اقدامات کریں خطرے سے دوچارعلاقہ مکینوں کا محفوظ انخلا یقینی بنایا جائے ہنگامی مشینری اور نکاسی آب کے آلات دستیابی یقینی بنائی جائےمقامی آبادی کو اربن فلڈنگ و احتیاطی تدابیر سے آگاہ رکھا جائے،سیلاب سے متاثرہ افراد کیلئے خوراک و ادویات کی پیشگی دستیابی یقینی بنانے کی ہدایت بھی کی متعلقہ حکام سیاحوں کو بھی موسمی حالات اور راستوں کی صورت حال سے آگاہ رکھیں،عوام غیر ضروری سفر اور نقل و حرکت سے گریز کریں،

ریسکیو ذرائع کے مطابق کراچی میں لیاری کھڈامارکیٹ کے قریب عمارت گرگئی،لبے تلے دب کر ایک شخص جاں بحق ہو گیا ملبےتلے دب کرایک رکشہ بھی تباہ ہو گیا ،عمارت خستہ حالی کےباعث خالی تھی پولیس کے مطابق عمارت کی گیلری کاکچھ حصہ دوروزقبل بارش کےدوران گراتھا-

کرک میں احمد آباد،بابل خیل سمیت کئی علاقوں میں بارش کا پانی گھرووں اور دکانوں میں داخل گیا عوام اپنی مدد آپ کے تحت گھروں اور دکانوں سے پانی نکالنے میں مصروف ہے درجنوں دکانیں اور مکانات منہدم،تاحال جانی نقصان کی اطلاع نہیں –

قبل ازیں چیف آف آرمی اسٹاف جنرل قمر جاوید باجوہ سعودی عرب سے کراچی پہنچے اور حالیہ شدید بارشوں اور سیلاب سے متاثرہ علاقوں کا فضائی دورہ کر کے صورتحال کا جائزہ لیا۔

پاک فوج کے شعبہ تعلقات عامہ (آئی ایس پی آر) کے حوالے سے بتایا تھا کہ آرمی چیف جنرل قمر جاوید باجوہ نے کراچی کی سیلابی صورتحال کا جائزہ لینے کیلئے شہر کا فضائی دورہ کیا آرمی چیف کو کراچی کی تازہ ترین صورتحال اور فوج کی جانب سے سول انتظامیہ کی بھرپور معاونت پر بریفنگ بھی دی گئی آرمی چیف جنرل قمر جاوید باجوہ نے ریلیف اقدامات میں سول انتظامیہ کی عسکری معاونت کو سراہا۔

جنرل قمر جاوید باجوہ نے کراچی کور کو ہدایت کی کہ کراچی کے عوام کی سہولت کے لیے تمام تر وسائل بروئے کار لائے جائیں –

کراچی : محکمہ موسمیات نے شہر قائد میں آئندہ دو روز میں مزید بارشوں کی پیشگوئی کی ہے-

کراچی،دوسرے سسٹم میں تیز اور موسلا دار بارش کا امکان ہے 14 جولائی کی شام سے بارش برسانے والا ایک اور سسٹم آسکتا ہے، یہ سسٹم 18 جولائی تک اثر اندازرہےگا، سسٹم کا پھیلاؤ کراچی اور زیریں سندھ پر اب بھی موجود ،سسٹم کے تحت کبھی تیز اور کبھی معتدل بارش ہورہی ہے، گزشتہ دنوں بارش کا سبب بننے والا ہوا کا کم دباؤ گوادر کے جنوب میں ہے،تیز اور موسلا دار بارش کا سلسلہ آج شام تک جاری رہنے کا امکان ہے –

کراچی میں صفورا چورنگی،کرن اسپتال روڈ اور کراچی یونیورسٹی کے اطراف پانی جمع ہے نیپا وفاقی اردو یونیو ر سٹی،بیت المکرم،حسن اسکوائر اور پرانی سبزی منڈی کے اطراف پانی جمع ہو گیا،اب تک نکاسی آب کا انتظام نہیں کیا جا سکا،کچھ علاقوں میں بارش کا سلسلہ تھم گیا ہے-

رات گئے ہونے والی شدید بارش کے باعث چند گھنٹوں کے لیے ٹریفک معطل رہی آئی آئی چندریگر روڈ، کلفٹن، فیڈرل بی ایریا، پی ایچ اے، جیل روڈ میں بارش ہوئی شیر شاہ سمیت مختلف علاقوں میں موسلادار بارش کئی علاقے زیر آب آ گئے جبکہ نشیبی علاقوں سے رہائشیوں کی نقل مکانی جاری ہے

کراچی دنبہ گوٹھ میں پانی کے ریلے میں تین افراد کے ڈوبنے کی بھی اطلاع ہے ریسکیو حکام کے مطابق علاقہ مکینوں نے ایک شخص کو نکال لیا،دو افراد کی تلاش جاری ہے-

ڈائریکٹر محکمہ موسمیات کے مطابق بھارتی راجستھان میں بننے والے سسٹم کاکچھ حصہ بحیرہ عرب میں موجود ہے، کراچی میں بارشوں کاسلسلہ آج بھی جاری رہےگا-

ٹھٹھہ میں بارش نے تباہی مچا دی ٹھٹھ میں بھی مسلسل بارش کے بعد نکاسی آب نہ ہونے سے شہری پریشان ہیں ،مختلف علاقوں میں گھروں میں پانی داخل ہو گیا تاریخی شاہی بازار کی متعدد دکانوں میں پانی داخل ہونے سے ،تاجروں کو لاکھوں کا نقصان ہوا-

دوسری جانب محکمہ موسمیات نے سیالکوٹ ،نارووال ،سرگودھا، لاہور، ساہیوال، ملتان میں بھی بارش کی پیشگوئی کی ہے محکمہ موسمیات کے مطابق اسلام کوٹ ،میر پور خاص اوردادو میں تیز ہواؤں اور گرج چمک کے ساتھ بارش ہوسکتی ہے-

کراچی، ٹھٹھہ،بدین،مٹھی،تھرپارکر، عمر کوٹ میں تیز ہواوں اور گرج چمک کے ساتھ بارش متوقع ہے ڈی جی خان، بہاولپور، وہاڑی اور بہاولنگر میں تیز ہواؤں اور گرج چمک کے ساتھ بارش کا امکان ہے

ژوب، بارکھان ، خاران اور خضدار میں بھی آج موسلادھار بار ش متوقع ہے کوئٹہ ، لسبیلہ،پنجگور، تربت اورگوادر میں تیز ہواؤں اور گرج چمک کے ساتھ بارش کا امکان ہے-

راولپنڈی،مری، اٹک، جہلم، گجرات، گوجرانوالہ میں بھی آج موسلادھار بارش کی توقع ہے محکمہ موسمیات نے آج اسلام آباد میں تیز ہواوں اور گرج چمک کے ساتھ بارش کی پیشگوئی کی

محکمہ موسمیات نے کراچی کے جس علاقے میں کتنی بارشش ہوئی اعدادو شمار کر دیئے ہیں جس کے مطابق پی اے ایف فیصل بیس میں 7.5ملی میٹربارش ریکارڈ کی گئی، اولڈ ایئرپورٹ12،سرجانی ٹاون12.4 اورگڈاپ ٹاون میں 9.4ملی میٹر بارش ریکارڈ ہوئی-

اورنگی ٹاون 23.4 اورگلشن حدید میں 12.4ملی میٹربارش ریکارڈ کی گئی ڈیفنس فیزٹو52.5 اورناظم آباد میں 31.8ملی میٹر ریکارڈ ہوئی سب سے زیادہ بارش قائدآباد میں 76ملی میٹر ریکارڈ کی گئی نارتھ کراچی میں 2.3 ملی لیٹر،سعدی ٹاون میں 1.1 ملی لیٹر،یونیورسٹی روڈ کے قریب 1.0 ملی لیٹر بارش ہوئی جناح ٹرمینل پر 4.4 ملی لیٹر،گلشن حدید میں 6.5 ملی لیٹر بارش ریکارڈ کی گئی-

کراچی موٹر وے پولیس کے مطابق سپرہائی وے پر ٹریفک کی روانی متاثر ہوئی موٹروے پولیس کے دفترکےاطراف والی سڑک سے پانی کاریلا گزررہا ہے لٹھ ڈیم بھرنےکےباعث پانی کا ریلا سپرہائی وے پرآ گیا ملیر ندی کے قریب واقع رہائشی آبادیوں نے نقل مکانی شروع کر دی ملیر ندی یار محمد گوٹھ میں پانی کا ریلا داخل ہو گیا-

شاہراؤں پر کئی کئی فٹ پانی جمع ہونے کے بعد گاڑیاں، موٹر سائیکلز، آٹو رکشا وغیرہ پھنسے ہوئے ہیں رات گئے ہونے والی شدید بارش کے باعث چند گھنٹوں کے لیے ٹریفک معطل رہی کراچی حیدر آباد موٹروے پر پانی کا بڑا ریلا آ جانے سے ٹریفک کی روانی شدید متاثر رہی –

خیال رہے کراچی اور اس کےاطراف میں وقفےوقفےسے ہلکی اور تیزبارش کا سلسلہ جاری ہے جبکہ محکمہ موسمیات نے کراچی میں آئندہ دو روز کے دوران مزید بارشوں کی پیشگوئی کی ہے گزشتہ دنوں بارش کا سبب بننے والا ہوا کا کم دباؤ گوادر کے جنوب میں ہے،محکمہ موسمیات کے مطابق تیز اور موسلا دار بارش کا سلسلہ آج شام تک جاری رہنے کا امکان ہے-

محکمہ موسمیات کا کہنا ہے کہ کراچی میں آج بھی وقفے وقفے سے بارش کا سلسلہ جاری رہنے کا امکان ہے۔

باغی ٹی وی : چیف میٹرولوجسٹ سردار سرفراز کے مطابق شہرقائد میں بارش کا سلسلہ آج بھی وقفے وقفے سے شام یارات تک جاری رہ سکتا ہے جب کہ شہر کے مضافات میں تیز بارش ہوسکتی ہے۔

بلوچستان میں طوفانی بارش سے تباہی،اموات میں اضافہ،670 مکانات کو پہنچا نقصان

چیف میٹرولوجسٹ نے بتایا کہ مون سون سسٹم میں شدت برقرار ہے اور بارش کے باعث شہر کے نشیبی علاقوں میں اربن فلڈنگ کا خدشہ ہے۔

دوسری جانب وفاقی دارالحکومت میں کئی گھنٹوں تک جاری رہنے والی شدید بارش کے باعث سیکٹر ایچ 13 پانی میں ڈوب گیا تقریباً 4 گھنٹے جاری رہنے والی موسلا دھار بارش کے باعث اسلام آباد کے سیکٹر ایچ 13 کے علاقے میں عمارتوں کی بیسمنٹ میں پانی داخل ہو گیا۔

تیز ہوا کے ساتھ ہونے والی بارش کے باعث امدادی ٹیموں کے بروقت نہ پہنچنے کے باعث عمارتوں کی بیسمنٹ میں پانی داخل ہونے سے لوگوں کا لاکھوں روپے کا سامان خراب ہو گیا ہے-

سیاسی ایڈمنسٹریٹر نے کراچی کو ڈبو دیا،جماعت اسلامی

جبکہ راوالپنڈی کے بھی بعض مقامات پر شدید بارش کا سلسلہ جاری ہے جس کے باعث نشیبی علاقے زیر آب آ گئے ہیں-

صوابی میں بارشوں کے باعث نالوں میں طغیانی آگئی اور ٹھنڈ کوئی روڈ ڈوب گیا ریسکیو ذرائع کے مطابق صوابی میں متعدد افراد اور گاڑیاں پھنس گئی،ریسکیو ٹیم امدادی کاروائیوں میں مصروف ہیں،مختلف ندی نالوں میں بہنے والی 6 سے زائد گاڑیوں نکال لیا گیا 18سے زیادہ افراد کو بھی ریسکیو کرلیا گیا ہے-

صوابی میں مکان کی چھت گرنے سے ماں اور بیٹی جاں بحق ہو گئے :ملبے تلے دب کر 3 افراد زخمی ہو گئے ،زخمیوں میں خاتون اور دو بچے شامل ہیں-

آزاد کشمیر کے علاقوں میرپور ،بھمبر ،باغ اور گردونواح میں موسلا دھار بارش جا ری ہے ملکہ کوہساراور گردو نواح میں موسلا دھار بارش ہوئی جبکہ منڈی بہاؤالدین میں موسلا دھار بارش،سڑکوں پر پانی کھڑا ہو گیا-

عید پربارشوں کی پیشگوئی ، پی ڈی ایم اے نے الرٹ جاری کر دیا