محکمہ موسمیات کے مطابق ملک میں مون سون بارشوں کا آغاز،اسپیل 5 جولائی تک جاری رہے گا،پی ڈی ایم اے نے اربن فلڈنگ کا الرٹ جاری کردیا –
باغی ٹی وی :آزاد کشمیر،خیبر پختونوا،بلوچستان سمیت مختلف علاقوں میں بارش سے موسم خوشگوار ہو گیا محکمہ موسمیات نے کراچی ،حیدرآباد،بدین،عمر کوٹ، ٹھٹھہ اور دادو میں اربن فلڈنگ کا خدشہ ظاہر کر دیا-
بلوچستان کے 13 اضلاع کے ندی نالوں میں طغیانی کا الرٹ جاری کر دیا گیا بلوچستان کے علاقےتمبو میں گرج چمک اور تیز ہواؤں کے ساتھ موسلادھار بارش ہوئی آسمانی بجلی گرنے کے واقعات بلوچستان کے ضلع کوہلو کی سب تحصیل تمبو کے مختلف مقامات پر پیش آئے جس میں 2 افراد جاں بحق اور 6 زخمی ہوگئے۔
لیویز حکام کا کہنا ہے کہ زخمیوں میں خواتین اور بچے بھی شامل ہیں جنہیں ڈی ایچ کیو اسپتال منتقل کردیا گیا ہے اس کے علاوہ بارشوں اور تیز ہواؤں کی وجہ سے کئی علاقوں میں بجلی کے کھمبے گر گئے اور سپلائی معطل ہوگئی جبکہ نشیبی علاقے زیر آب آگئے بارش کی وجہ سے سیلابی صورتحال کے سبب رابطہ سڑکوں پر آمدورفت متاثر ہو گئی۔
اس کے علاوہ مظفرآبادمیں بھی بارش ہوئی،سڑکوں پرپانی جمع ہونے کی وجہ سے گاڑیاں اور موٹرسائیکلیں پھنس گئیں دوسری جانب کراچی کے مختلف علاقوں میں بھی رات گئے بارش ہوئی جس سے موسم خوشگوار ہوگیا۔
محکمہ موسمیات کا کہنا ہے کہ بارشوں کے باعث پہاڑی علاقوں میں لینڈ سلائیڈنگ کا خطرہ ہے جبکہ سلام آباد ، راولپنڈی اور لاہور میں نشیبی علاقے زیر آب آنے کا خدشہ ہے علاوہ ازیں گوجرانوالہ، سیالاکوٹ اور فیصل آباد میں بھی نشیبی علاقے زیر آب آ سکتے ہیں-
محکمہ موسمیات کے مطابق خضدار، آواران ، بارکھان، اور کوہلو کے ندی نالوں میں بھی طغیانی کا اندیشہ ہے،صوابی میں بھی مون سون بارش سے موسم خوشگوار ہو گیا مردان اور گرد و نواح میں رات سے بارش کا سلسلہ جاری ہے بارش سے گرمی کا زور ٹوٹ گیا،موسم خوشگوار ہو گیا –
