Category: موسم

کراچی میں بارش سے پھر زندگی عذاب بن گئی ، اربن فلڈنگ کا خدشہ ظاہر کردیا گیا

باغی ٹی وی : محکمہ موسمیات نے کراچی میں بارش کے چھٹے اسپل کے دوسرے روز بھی موسلا دھار بارش کی پیشگوئی کی ہے۔ شہرمیں پچاس سے ستر ملی میٹر تک بارش کا امکان ہے جبکہ کچھ علاقوں میں ستر ملی میٹر سے زائد بارش ہوسکتی ہے۔ شہرمیں دوبارہ اربن فلڈنگ کا خدشہ ہے۔

کراچی کے مختلف علاقوں میں وقفے وقفے سے بارش کا سلسلہ جاری ہے۔ کورنگی، لانڈھی، ڈیفنس، منظور کالونی، ملیر، شاہ فیصل کالونی، اورنگی ٹاوَن، آئی آئی چندریگر روڈ، صدر، کھارادر، نارتھ کراچی، ناگن چورنگی، گلبرگ، بفرزون ،عزیز آباد اور لیاقت آباد میں بارش کا سلسلہ جاری ہے۔

کراچی کے مکین بجلی کی فراہمی کے مسائل سے بھی دوچار ہیں۔ سرجانی ٹاؤن اور نیو کراچی کے مختلف علاقوں میں تین دن بعد بھی بجلی کی فراہمی بحال نہیں ہو سکی۔ جس سے علاقہ مکین سخت اذیت سے دوچار ہیں
کراچی میں کورنگی، لانڈھی، ڈیفنس، منظور کالونی، ملیر، گلشن اقبال سرجانی ٹاؤن سمیت کئی علاقوں میں کہیں ہلکی کہیں تیز بارش سے نشیبی علاقوں میں پانی جمع ہوگیا جس سے سڑکیں ندی نالے بن گئیں، شہر کے نشیبی علاقوں میں دوبارہ اربن فلڈنگ کا خدشہ ہے۔

زیریں سندھ کے مختلف علاقوں میں بھی موسلا دھار بارشوں نے تباہی مچا دی، حیدر آباد، میر پور خاص، ٹھٹھہ اور دیگر شہروں میں نشیبی علاقے زیر آب آگئے، بارش کا پانی گھروں میں داخل ہوگیا۔ پانی کی نکاسی نہ ہونے سے شہریوں کو شدید مشکلات کا سامنا ہے۔

میر پور خاص اور ڈگری میں بھی تیز بارش ہوئی، پمپنگ سٹیشن بند ہونے سے نشیبی علاقے زیر آب آگئے، کئی علاقوں میں بارش کا پانی گھروں میں داخل ہوگیا۔ ٹھٹھہ میں انتظامیہ کی غفلت سے ابر رحمت زحمت بن گئی، بارش کے پانی کی نکاسی نہ ہونے سے کچی آبادی زیر آب آگئی۔

عمر کوٹ میں بھی تیز ہواؤں کے ساتھ بارش ہوئی، پنگریو میں کئی گھنٹے تک جاری رہنے والی بارش نے نشیبی علاقوں کو ڈبو دیا، نالے اوور فلو ہوگئے جس سے بارش کا پانی دکانوں میں داخل ہوگیا۔

ریلوے نے سندھ میں شدید بارش کے باعث ٹرین ڈرائیوروں کو ہائی الرٹ جاری کر دیا۔ ڈرائیورز کو کوٹری، حیدر آباد اور ٹنڈو آدم کے درمیان 2 طرفہ ٹریک پر احتیاط کی ہدایت کی گئی ہے

میئر کراچی وسیم اختر جذباتی ہوکر رو پڑے

ملک کے متعد علاقوں میں‌ بارش متوقع ، شہری رہیں‌ تیار

باغی ٹی وی : محکمہ موسمیات نے آج سندھ، جنوب مشرقی بلوچستان، شمال مشرقی پنجاب، بالائی خیبرپختونخوا، کشمیر اور ملحقہ علاقوں میں گرج چمک کے ساتھ بارش کی پیشگوئی کی ہے۔

لاہور، سیالکوٹ، گجرات، نارووال، بہاولپور، ملتان، ڈی جی خان، راجن پور اور رحیم یار خان میں بھی بارش ہوسکتی ہے۔صوبہ پنجاب کے بیشتر علاقوں میں دن کے دوران موسم گرم اور مرطوب رہے گا۔

اسلام کوٹ، مٹھی، نگرپارکر، تھر پارکر، عمر کوٹ، حیدرآباد، ٹھٹہ، بدین، میر پورخاص، خیرپور، لاڑکانہ، سکھر، شہید بینظیر آباد، سانگھڑاور دادو میں گرج چمک کے ساتھ بارش کا امکان۔

محکمہ موسمیات کے مطابق پشاور، ایبٹ آباد، سوات، دیر، مانسہرہ اور کرم میں چند مقامات پر بارش متوقع ہے۔ کراچی میں آج پھر بارش کا امکان ہے۔

کراچی میں گزشتہ دو روز ہونے والی بارش کا پانی نہیں نکالا جا سکا جس کے سبب شہریوں کو مشکلات کا سامنا ہے اور بعض علاقوں میں لوگ نقل مکانی پر مجبور ہوگئے ہیں۔

صوبہ بلوچستان کے اضلاع لسبیلہ، خضدار، قلات، ژوب، کوہلو، بارکھان، آواران، تربت اور گردونواح میں تیز ہواؤں کے ساتھ بارش کا امکان ہے۔

کشمیر میں بھی بارش ہوگی لیکن گلگت بلتستان میں آج مطلع جزوی طور پر ابر آلود رہے گا۔ گزشتہ 24 گھنٹے کا موسم ملک کے بیشتر علاقوں میں موسم گرم اور مرطوب رہا۔ تاہم زیریں سندھ، مشرقی بلوچستان، لاہوراور گلگت بلتستان میں بارش ہوئی.

کراچی میں بارش، پاک فوج سول انتظامیہ کے ساتھ متاثرہ علاقوں میں مصروف

ملک کے مختلف علاقوں میں بارش کا امکان

باغی ٹی وی : محکمہ موسمیات نے وفاقی دارالحکومت سمیت بالائی پنجاب، بالائی خیبر پختونخوا اور جنوب مشرقی سندھ اور کشمیرمیں تیزہواؤں اور گرج چمک کے ساتھ بارش کی پیش گوئی ہے۔

آج لاہور، سیالکوٹ، گجرات، گوجرانوالہ اورنارووا ل میں گرج چمک کے ساتھ بارش کا امکان۔ لیہ، بھکر اورڈی جی خان میں بعض مقامات پر گرج چمک کے ساتھ بارش متوقع ہے۔

محکمہ موسمیات کے مطابق کراچی، بدین، تھرپارکر، نگرپارکر، عمرکوٹ، ٹھٹھہ، شہید بینظیر آباد اور سکھرمیں بارش ہوگی۔ میرپورخاص، سانگھڑ اور مٹھی میں تیز ہواؤں اور گرج چمک کے ساتھ بارش کا امکان۔

پشاور، ایبٹ آباد، دیر، مانسہرہ، سوات، بونیر، مردان، کوہاٹ، کرم، بنوں، لسبیلہ، خضدار، بارکھان اور گردونواح میں تیز ہواؤں کے ساتھ بارش متوقع ہے۔

محکمہ موسمیات کے مطابق خلیج بنگال سے آنےوالا ہوا کے کم دبائو کا سسٹم اندرون سندھ موجود ہے۔

کراچی کے مختلف علاقوں میں رات گئے وقفے وقفے سے بونداباندی ہوئی ہے۔ صدر، آئی آئی چندریگر روڈ، گلستان جوہر، کلفٹن اور ملیرمیں بوندا باندی سے موسم خوشگوار ہوگیا۔

سپرہائی وے، سرجانی، سہراب گوٹھ ، فیڈرل بی ایریا، خداداد کالونی اور طارق روڈ میں بھی بونداباندی ہوئی۔

بارش برسانے والا مون سون کا سسٹم کراچی میں داخل ہونے کا امکان نہیں۔ ہوا کے کم دباو کا سسٹم ٹھٹہ بدین اور میر پورخاص سے ہوتا ہوا مٹھی میں داخل ہوا ہے۔

اندرون سندھ میں تیز بارشوں کا سلسلہ جاری ہے جبکہ کراچی میں ہلکی بوندہ باندی کا سلسلہ وقفے وقفے سے جاری رہنے کا امکان ہے۔

گزشتہ24 گھنٹوں کے دوران ملک کے بیشتر علاقوں میں موسم گرم اور مرطوب رہا۔ تخت بائی، بالاکوٹ، دیر،ڈی آئی خان، اسلام آباد، راولپنڈی، اٹک، گلگت بلتستان اور کشمیر میں گرج چمک کے ساتھ بارش ہوئی۔

سندھ حکومت نے ممکنہ بارشوں کے پیش نظر صوبے بھر میں الرٹ جاری کردیا

باغی ٹی وی : محکمہ صحت سندھ نے سندھ بھر میں ممکنہ بارشوں کے پیش نظر اسپتالوں میں ہائی الرٹ جاری کردی . سندھ کے تمام سرکاری اسپتالوں میں ہائی الرٹ جاری کر دیا گیا
اس سلسلے میں کہا گیا ہے کہ اسپتالوں میں ڈاکٹرز و عملہ کی موجودگی 24 گھنٹے ممکن بنائی جائے,
تمام ڈاکٹرز و اسٹاف کی چھٹیاں منسوخ کر دی گئی ہیںِ . اسپتالوں میں جہاں ضرورت ہے وہاں عملہ کا اضافہ کی جائے,

محکمہ موسمیات کا کہنا ہے کہ ہوا کے کم دباؤ کے زیر اثر جمعرات (شام یا رات) سے ہفتہ تک سندھ ، جنوبی پنجاب اور مشرقی بلوچستان میں مون سون ہوائیں شدت کے ساتھ داخل ہوں گی۔ جس کے باعث جمعرات کی شام یا رات سے ہفتہ تک کراچی، حیدر آباد، ٹھٹھہ ، بدین، تھرپارکر ، عمرکوٹ ، میرپورخاص ، سانگھڑ ، ٹنڈو اللہ یار ، مٹیاری ، ٹنڈو محمد خان ، جامشورو ، دادو اور شہیدبینظیرآباد میں تیز ہواؤں ، آندھی اور گرج چمک کے ساتھ بارش ہو سکتی ہے ۔

محکمہ موسمیات کا کہنا ہے کہ اس دوران کراچی اور حیدرآباد سمیت کہیں کہیں پر موسلادھار بارش کی بھی متوقع ہے جس کی وجہ سے اربن فلڈنگ کا بھی خدشہ ہے ۔

محکمہ موسمیات کے مطابق جمعہ اور ہفتہ کے روز بہاولپور، رحیم یار خان،خیرپور ، سکھر، لاڑکانہ ، قمبر شہداد کوٹ ، جیکب آباد ، کشمور ، گھوٹکی ، قلات ، جعفرآباد ، جھل مگسی ، خضدار ، لسبیلہ اور آواران میں بھی کہیں کہیں پر تیز ہواؤں اور گرج چمک کے ساتھ بارش کا امکان ہے

کہاں برسے گا بادل اور کہاں ہوگی شدت کی گرمی، جانیے موسم کی رپورٹ میں

باغی ٹی وی : محکمہ موسمیات کے مطابق اسلام آباد، راوالپنڈی سمیت پنجاب کے بیشتر علاقوں میں آج بارش کا امکان ہے۔ چکوال، جہلم ،اٹک، فیصل آباد، بہا ولنگر، ساہیوال میں آج بارش کا امکان ظاہر کیا گیا ہے۔

لاہور، خوشاب، نارووال، سیالکوٹ ، گوجرانوالہ، گجرات اور منڈی بہاؤالدین میں بارش کا امکان ظاہر کیا گیا ہے۔

محکمہ موسمیات کے مطابق مری، ٹوبہ ٹیک سنگھ، میانوالی، سرگودھا، بھکر، لیہ، ڈی جی خان اور ملتان میں گرد آلود ہواؤں کے ساتھ بارش متوقع ہے۔

محکمہ موسمیات کے مطابق کراچی، ٹھٹھہ اور میرپور خاص میں بھی بارش کا امکان ظاہر کیا گیا ہے.پشاور، ایبٹ آباد، کوہاٹ، بنوں، ڈیرہ اسماعیل خان، وزیرستان، صوابی، مردان، بونیر،چارسدہ، نوشہرہ اور سوات میں بارش کا امکان ہے، ایبٹ آباد ،مانسہرہ اور کرم میں تیز ہواؤں اور گرج چمک کے ساتھ بارش متوقع ہے۔

ملک بھرمیں کہاں ہوگی بارش اور کہاں آئے گی آندھی طوفان

باغی ٹی و ی : محکمہ موسمیات نے راوالپنڈی، چکوال، جہلم ،اٹک، فیصل آباد، بہا ولنگر، ساہیوال میں آج بارش کا امکان ظاہر کیا ہے۔

لاہور، خوشاب، نارووال، سیالکوٹ ، گوجرانوالہ، گجرات اور منڈی بہاؤالدین میں بارش کا امکان ظاہر کیا گیا ہے۔محکمہ موسمیات کے مطابق مری، ٹوبہ ٹیک سنگھ، میانوالی اور سرگودھا میں گرج چمک کے ساتھ بارش کا امکان ہے۔

بھکر، لیہ، ڈی جی خان اور ملتان میں گرد آلود ہواؤں کے ساتھ بارش متوقع ہے۔محکمہ موسمیات کے مطابق کراچی، تھرپارکر، ٹھٹھہ، میرپور خاص اور سانگھڑ میں بھی بارش کا امکان ظاہر کیا گیا ہے۔

باغی ٹی وی : ملک بھر میں آج گرج چمک اور تیز ہواؤں کے ساتھ بارش کا امکان ہے۔

محکمہ موسمیات کے مطابق وفاقی دارالحکومت اسلام آباد میں آج تیز ہواوَں اور گرج چمک کے ساتھ با رش کا امکان ہے جبکہ پنجاب کے دیگر علاقوں لاہور، نارووال، سیالکوٹ، گوجرانوالہ ڈیرہ غازی خان (ڈی جی خان)، ملتان اور بہاولپور میں بھی تیز ہواؤں اور گرج چمک کے ساتھ بارش متوقع ہے۔

خیبر پختونخوا کے اضلاع پشاور، کوہستان، ایبٹ آباد، مانسہرہ، مردان اور بنوں سمیت دیگر علاقوں میں تیز ہواوَں کے ساتھ بارش کی پیش گوئی ہے۔ کوہاٹ اور وزیرستان میں بھی تیز ہواؤں اور گرج چمک کے ساتھ بارش ہو سکتی ہے۔

بلوچستان کے علاقوں ژوب، زیارت، لورالائی، موسیٰ خیل، سبی، لسبیلہ آواران، خضدار اور گردو نواح میں تیز ہواؤں اور گرج چمک کے ساتھ بارش کا امکان ہے۔کشمیر اور گلگت بلتستا ن میں مطلع جزوی ابر آلود رہنے کے ساتھ بارش متوقع ہے۔

لاہور سمیت پنجاب کے مختلف علاقوں میں بادل برسے جس سے موسم خوشگوار ہو گیا۔

باغی ٹی وی :باغوں کے شہر لاہور میں صبح سویرے کالی گھٹائیں چھا گئیں جس کے بعد کہیں ہلکی اور کہیں تیز بارش ہوئی جس سے گرمی اور حبس میں کمی آ گئی۔ موسم بھی سہانا ہو گیا۔

محکمہ موسمیات کا کہنا ہے آج اسلام آباد، بالائی خیبرپختونخوا، مشرقی بلوچستان، کشمیر اور گلگت بلتستان میں بھی تیز بارش کا امکان ہے، جموں میں زیادہ سے زیادہ درجہ حرارت 36، سری نگر 29 اور لیہہ 21 ڈگری سینٹی گریڈ رہے گا۔
ملک کے بیشتر علاقوں میں موسم گرم اور مرطوب رہیگا ۔ تاہم بالائی خیبرپختونخوا، بالائی پنجاب، مشرقی بلوچستان، زیریں سندھ کشمیراورگلگت بلتستان میں تیز ہواؤں اورگرج چمک کے ساتھ بارش کا امکان۔