Category: موسم

ملک کے بیشتر علاقوں میں آج موسم گرم اور مرطوب رہنے کی پیشین گوئی

باغی ٹی وی روپورٹ کے مطابق : بارش کے بعد موسم خوشگوار ہو گیا لیکن گرمی نے پھر زور پکڑ لیا . محکمہ موسمیات کے مطابق ملک کے بیشتر علاقوں میں آج موسم گرم اور مرطوب رہے گا تاہم اسلام آباد، بالائی پنجاب، بالائی خیبرپختونخوا، کشمیر اور گلگت بلتستان میں آندھی اور گرج چمک کے ساتھ بارش کا امکان ہے۔

صوبہ سندھ کے کچھ علاقوں میں بھی بارش کا امکان ہے۔ کراچی میں آج بھی ہلکی بارش ہو گی جبکہ سکھر میں گرد آلود ہوائیں چلنے کا امکان ہے۔

سب سے زیادہ بارش سندھ کے علاقے روہڑی میں 56 ملی میٹر، لاڑکانہ میں 27 ملی میٹر، سکھر میں 20 ملی میٹر، جیکب آباد اور کراچی میں 2 ملی میٹر بارش ریکارڈ کی گئی۔زشتہ روز سندھ، پنجاب، خیبر پختونخوا، کشمیر، گلگت بلتستان اور بلوچستان کے بیشتر حصوں میں آندھی اورگرج چمک کے ساتھ بارش ہوئی۔

پنجاب کے ضلع فیصل آباد میں 44 ملی میٹر، ساہیوال میں 30 ملی میٹر،جھنگ میں 15 ملی میٹر، اوکاڑہ میں 13 ملی میٹر، نور پور تھل اور منگلا میں 6 ملی میٹر، قصور میں 04 ملی میٹر، لاہور میں 2 ملی میٹر اور اسلام آباد میں ایک ملی میٹر بارش ریکارڈ کی گئی۔

خیبر پختونخوا کے علاقے دیر میں 10 ملی میٹر، میر کھانی میں 8 ملی میٹر، کالام میں 4 ملی میٹر، دروش میں 3 ملی میٹر، بونیر میں 2 ملی میٹر، مالم جبہ اور مردان میں ایک ملی میٹر بارش ریکارڈ کی گئی۔

کشمیر کے ضلع مظفرآباد میں 3 ملی میٹر اور گلگت بلتستان کے علاقے گوپس میں 3 میٹر بارش ریکارڈ کی گئی۔

حیدرآباد(مورخہ 8 جولائی 2020): حکومت سندھ کے ترجمان اور وزیر اعلی سندھ کے مشیر برائے قانون، ماحولیات، موسمیاتی تبدیلی اور ساحلی ترقی بیرسٹر مرتضی وہاب کی ہدایات پر صوبے میں موسمیاتی تبدیلی کی پالیسی کے مسودے پر ماہرین سے مشارت جاری ہے اور اس ضمن میں محکمہ ماحولیات، موسمیاتی تبدیلی اور ساحلی ترقی حکومت سندھ نے مہران یونیورسٹی برائے انجینئرنگ و ٹیکنالوجی جامشورو کے پاک امریکہ تحقیقی مرکز برائے آبی امور کے تعاون سے پالیسی کے مسودے پر یونیورسٹی کیمپس میں مشاورتی اجلاس منعقد کیا جس میں آبی و زرعی امور، ماحولیاتی معاملات اور موسمیاتی حفاظتی شعبے کے ماہرین اور محققین نے شرکت کی۔

اجلاس کے آغاز میں ادارہ تحفظ ماحولیات حکومت سندھ کے ایڈیشنل ڈائریکٹر جنرل وقار حسین پھلپوٹو نے خطبہ استقبالیہ دیا جبکہ پانی کے معیار کے معروف ماہر اور مذکورہ تحقیقی مرکز کے پروفیسر رسول بخش مہر نے مذکورہ پالیسی کے مسودے پر حاضرین کو تفصیلی پریزینٹیشن دی۔
ا نہوں نے مسودے کی بہتری کے لیے تجویر کیا کہ زیر بحث پالیسی میں سندھ کے تمام علاقوں کو ان کی ماحولیاتی و موسمیاتی خصوصیات کے حساب سے ان میں علیحدہ علیحدہ ناگزیر موسمیاتی تبدیلیوں سے نبردا ٓزما ہونے کی استعداد پیدا کی جائے اور اس کے تمام مندرجات کو پائیدار ترقی کے عالمی اہداف کے عین مطابق بنایا جائے۔

مشاورت میں حصہ لیتے ہوئے مذکورہ تحقیقی مرکز کے ڈاکٹر بخشل لاشاری نے کہا کہ متعلقہ شعبہ جات کے تمام اعداد و شمار کی روشنی میں زیر نظر پالیسی مرتب کی جائے اور اگر موجودہ مسودے میں کوئی اعداد و شمار موجود نہیں ہیں تو انہیں فوری اکٹھا کیا جائے ساتھ ہی ساتھ ایسے تمام اقدامات کو پالیسی میں واضح کیا جائے جن کے ذریعے موسمیاتی تبدیلیوں کے مختلف شعبہ جات پر پڑنے والے اثرات کا تدارک کیا جائے گا اور خاص طور پر شعبہ انسانی صحت کو اس ضمن میں اولین ترجیحات کے شعبوں میں رکھا جائے۔
معروف ماحولیاتی مشیر ڈاکٹر عبدالخالق انصاری نے کہا کہ موسمیاتی تبدیلی کے اثرات کم سے کم کرنے کے لیے جس طریقے کو اختیار کیا جائے گا اس کی وضاحت کے ساتھ پالیسی میں تشریح کی جائے اس کے علاوہ کاربن کے اخراج کو روکنے کے تمام روایتی اور جدید طریقوں کو بھی پالیسی پر عملدرآمد کے دوران متعارف کرانے کی یقین دہائی کرائی جائے۔

سندھ کی زرعی یونیورسٹی ٹنڈوجام سے تعلق رکھنے والے ماہر زرعی امور ڈاکٹر اسماعیل کنبھر کا اس حوالے سے کہنا تھا کہ موسمیاتی تبدیلیوں کے اثرات کو زائل کرتے ہوئے آگے بڑھنے کے عمل میں خواتین کی شرکت بھی یقینی بنائے جائے کیونکہ کسی بھی باشعور معاشرے کی نصف آبادی کو نظرا نداز کرتے ہوئے بنائی گئی پالیسی کی کامیابی بہت مشکل ہوجاتی ہے۔ اس کے علاوہ مویشیوں پر موسمیاتی تبدیلیوں کے اثرات کا بھی جامع احاطہ کیا جائے اور دیہی ترقی کی سرگرمیوں کو بھی محفوظ اور پائیدار بنانے کی حکمت عملی کو شامل کیا جائے۔
ایس اے وی کے ڈاکٹر الطاف سیال نے مذکورہ پالیسی کو بہتربنانے کے لیے تجویز دی کہ صوبے کے عالمی طور پر تسلیم شدہ قدرتی اثاثوں اور ذرائع کی بحالی، حفاظت اور فروغ کے لیے بھی خصوصی توجہ دینے کی ضرورت ہے تاکہ قدرت کے قیمتی ذرائع کو اپنی اصل شکل میں قائم رکھتے ہوئے ماحولیاتی توازن کو مزید بگڑنے سے بچایا جاسکے۔

سی ایس سی کے ذولفقار ہالیپوٹو نے پالیسی کے مسودے کی تعریف کرتے ہوئے کہا کہ سندھ کے دیہی اور شہری علاقوں کو موسمیاتی تبدیلیوں سے ہم آہنگ کرنے کے لیے ایسے تمام اقدامات لینے کی ضرورت ہے جس سے ترقی کا عمل بھی متاثر نہ ہو اور قدرت کا بنایا ماحولیاتی توازن بھی اپنی اصل شکل میں موجود رہے۔ اس کے علاوہ انہوں نے زمینی پانی کے زیاں کو روکنے کی تجاویز کو بھی مذکورہ پالیسی سے مطابقت رکھنے کی تجویر دی۔
مہران انجینئرنگ یونیورسٹی کے ڈاکٹر تنویر پھلپوٹو نے کہا کہ کاربن کو فضاء میں شامل ہونے سے روکنے کے مجوزہ طریقوں کو بھی پالیسی میں شامل کیا جائے تاکہ موسمیاتی حدت کی تخفیف میں سندھ بھی اپنا کردار ادا کرسکے اس کے علاوہ سندھ کی جھیلوں کی دگرگوں ماحولیاتی حالت کے سدھار کے لیے سنجیدہ کوششوں کی ضرورت پر بھی انہوں نے خاص طور پر زور دیا۔ ساتھ ہی ساتھ ماحولیاتی امور کو زیادہ سے زیادہ نصاب میں شامل کرنے کی تجویز بھی دی۔

انجینئر عبدلملک نے جنگلات کی حفاظت اور بہتری، این جی او سافکو کے صدر سلیمان ابڑو نے موسمیاتی تبدیلی کی روک تھام کے لیے عملی اقدامات،ڈاکٹر زبیر احمد نے کاربن کے اخراج کا حساب رکھنے اور سندھ یونیورسٹی کے شعبہ ماحولیات کے ڈاکٹر امان اللہ مہر نے ماحولیاتی شعور اجاگر کرنے کی تجاویز پیش کیں۔
واضح رہے کہ محکمہ ماحولیات، موسمیاتی تبدیلی اور ساحلی ترقی حکومت سندھ کی جانب سے سندھ موسمیاتی تبدیلی کی پالیسی کے مسودے پر ماہرین کی مشاورت جاری ہے جس کے تحت مختلف نجی، سرکاری اور غیر سرکاری اداروں اور ماہرین موسمیاتی تبدیلی کی رہنمائی، مشاورت اور مدد سے پورے سندھ میں مذکورہ شعبے کے تنظیمی ڈھانچے کے خدو خال بنانے کے ساتھ ساتھ اس کے لیے افرادی قوت کے انتخاب اور ان کی استعداد میں اضافے کے علاوہ مذکورہ عنوان پر عوامی شراکت کے فروغ کے لیے عملی اقدامات اٹھائے جائیں گے۔

کراچی والے ہوشیار ہو جائیں ، آج بھی بارش کی توقع

باغی ٹی وی :کراچی میں آج بھی گرج چمک کے ساتھ بارش متوقع، محکمہ موسمیات نے پیش گوئی کی ہے کہ آج دوپہر کے بعد بارش برسانے والا سسٹم عمان کی جانب بڑھ سکتا ہے۔

کراچی کے باسیوں پر بادل مہربان لیکن گرمی اور حبس کا زور نہیں ٹوٹ سکا۔ شہر قائد میں آج بھی بارش کی پیش گوئی۔ محکمہ موسمیات کے مطابق دوپہرکی وقت میں مینہ برسنے کا امکان ہے۔ شہر قائد میں گزشتہ دو روز سے مون سون بارشوں کا سلسلہ جاری ہے۔ ڈائریکٹر محکمہ موسمیات سردار سرفراز کا کہنا ہے شہر میں آج دوپہر بھی گرج چمک کے ساتھ بارش ہوسکتی ہے ۔تاہم امید ہے کہ بارش برسانے والا سسٹم آج رات تک شہر سے عمان کی جانب بڑھ جائے.

باغی ٹی وی کی رپورٹ کے مطابق محکمہ موسمیات کے مطابق شمال مشرقی بلوچستان پر ہوا کا کم دباؤ موجود ہے۔

محکمہ موسمیات کے مطابق نم دھارہوائیں بلوچستان کے شمال مشرقی اور جنوبی علاقوں میں داخل ہورہی ہیں،  کمزور مغربی ہوائیں بھی بلوچستان  کے بالائی علاقوں پر اثر انداز ہو رہی ہیں ۔ کوئٹہ سمیت بلوچستان کے اکثر اضلاع میں موسم خشک اور گرم رہنے کا امکان ہے۔

محکمہ موسمیات کے مطابق صوبائی دارلحکوت کوئٹہ میں 33 ڈگری سینٹی گریڈ ریکارڈ کیا گیا، نوکنڈی 42 ڈگری سینٹی گریڈ کے ساتھ صوبے کا گرم ترین علاقہ ریکارڈ  ریکارڈ کیا گیا، سبی میں 43ڈگری سینٹی ڈگری ریکارڈ کیا گیا، تربت میں 44 ڈگری سینٹی گریڈ ریکارڈ کیا گیا

محکمہ موسمیات کے مطابق گوارد میں 32 ڈگری سینٹی گریڈ ریکارڈ کیا گیا، قلات میں32 ڈگری سینٹی گریڈ ریکارڈ کا امکان ہے، جیونی میں 32 ڈگری سینٹی گریڈ ریکارڈ کیا گیا ہے

دوسری جانب دائریکٹر محکمہ موسمیات سردار سرفراز کا کہنا ہے کہ کراچی میں دوپہر کے بعد بارش ہو سکتی ہے جب کہ کراچی میں آج رات اور کل صبح بھی مون سون باریشوں کا امکان ہے

محکمہ موسمیات کے مطابق بارش کا سسٹم اومان کے ساحل کی طرف جائے گا۔ سسٹم نکل جانے کے بعد کراچی میں حبس میں کمی کا امکان ہے۔ شہر میں آج دن کے اوقات میں موسم گرم اور مرطوب رہے گا۔ سمندر میں موجود ہوا کے کم دباؤ سے شہر میں سمندری ہوائیں معطل ہیں۔ اس وقت شمال مغربی ہوائیں 18 کلو میٹر کی رفتار سے چل رہی ہیں۔

محکمہ موسمیات کے مطابق کراچی شہر میں آج موجودہ درجہ حرارت 32 ڈگری سینٹی گریڈ ریکارڈ کیا گیا ہے جب کہ زیادہ سے زیادہ درجہ حرارت 35 سے 37 ڈگری سینٹی گریڈ تک جانے کا امکان ہے۔ ہوا میں نمی کا تناسب 70 فیصد ہے جب کہ د نگاہ چار کلو میٹر ہے۔

باغی ٹی وی کی رپورٹ کے مطابق اسلام آباد سمیت ملک کے اکثر بالائی علاقوں میں مون سون بارشوں کا آغاز ہو گیا

مون سون بارشوں کے نتیجے میں ہفتہ و اتوار کو پنجاب اور خیبر پختونخوا کے ندی نالوں اور بڑے شہروں میں اربن فلڈنگ کا خدشہ ہے جبکہ اس دوران کشمیر، گلگت بلتستان اور کے پی کے پہاڑی علاقوں میں لینڈ سلائیڈنگ کا بھی امکان ہے۔

گرمی کے ستائے شہریوں کیلئے اچھی خبر یہ ہے کہ جڑواں شہروں اسلام آباد و راولپنڈی سمیت ملک کے اکثر علاقوں میں مون سون بارشوں کا آغاز ہوچکا۔ بارش برسنے سے جڑواں شہروں کا موسم خوشگوار ہوگیا۔ محکمہ موسمیات کے مطابق مون سون بارش برسانے والی ہوائیں اب شدت سے ملک کے بالائی و وسطی علاقوں میں داخل ہوچکی ہیں جبکہ آج ہفتہ کو مون سون ہواوں کی شدت میں مزید اضافہ ہوجائے گا۔

محکمہ موسمیات کے ترجمان راشد بلال کا کہنا ہے کہ آج سے منگل تک کشمیر ، گلگت بلتستان ، پنجاب اور خیبر پختونخوا میں آندھی و گرج چمک کے ساتھ بارش کا امکان ہے۔اس عرصے کے دوران موجودہ گرم و مرطوب موسمی صورتحال کی شدت میں کمی کا امکان ہے۔

محکمہ موسمیات کے مطابق بلوچستان کے مشرقی علاقوں بشمول ژوب، بارکھان،لورالائی، موسی خیل،سبی اور کوہلو جبکہ سندھ کے کچھ حصوں سکھر، لاڑکانہ، جیکب آباد، شہید بینظیر آباد، اور میر پور خاص میں بھی ہفتہ سے پیر کے دوران گرد آلود ہواؤں و گرج چمک کے ساتھ بارش کا امکان ہے۔

موسلا دھار بارش سے ہفتہ و اتوار کو بڑے شہروں میں اربن فلڈنگ جبکہ پہاڑی علاقوں میں لینڈ سلائیڈنگ کا خدشہ ہے۔

دوسری جانب محکمہ واسا نے کہا ہے کہ 5 جولائی سے 9 جولائی تک مون سون کی تیز بارشوں کی اطلاعات ہیں۔ لاہور میں کہیں بھی گٹر کا ڈھکن نہ ہو تو 1334 پر کال کر کے ابھی WASA کی مدد لیں۔ پلاسٹک بیگز وغیرہ گٹر اور نالوں میں پھینکنے سے اجتناب کریں

محکمہ موسمیات نے بارش کی خوش خبری سنادی

باغی ٹی وی ، شدید گرمی کے بعد موسم خوشگوار ہونے کی نوید بھی آ گئی، محکمہ موسمیات نے ملک بھر میں آئندہ ہفتے سے باقاعدہ مون سون بارشوں کی خوشخبری سنا دی ہے۔ آج اسلام آباد میں پہلی پری مون سون بارش سے گرمی کا زور ٹوٹ گیا۔

اس بارے مٰں محکمہ موسمیات نے جڑواں شہروں سمیت لاہور، سیالکوٹ، گجرات، گوجرانوالہ، جہلم، ہری پور، ایبٹ آباد، مظفر آباد، ملک کے بالائی علاقوں اور تھرپارکر میں بھی پری مون سون کی نوید سناتے ہوئے کہا ہے کہ بارشوں سے گرمی کی شدت میں بھی نمایاں کمی ہوگی۔

موسم کا حال بتانے والوں کا کہنا ہے کہ 25 جون سے باقاعدہ مون سون بارشوں کا امکان ہے۔ توقع ہے رواں سال ملک بھر میں اچھی بارشیں ہوں گی۔

بروز ہفتہ مورخہ 20 جون کے روز صوبہ سندھ اور بلوچستان میں موسم شدید گرم رہے گا۔ تاہم اسلام آباد، بالائی پنجاب، کشمیر اور خیبر پختونخوا میں آندھی اور گرج چمک کے ساتھ بارش کا امکان ہے۔ اس دوران بھکر، لیہ، ملتان، ڈی جی خان، سکھر، لاڑکانہ اور شہید بینظیر آباد میں گرد آلود ہوائیں اور آندھی چلنے کی بھی توقع ہے۔

گزشتہ 24 گھنٹے کے دوران ملک کے بیشترعلاقوں میں موسم گرم اور خشک جبکہ وسطی اور جنوبی علاقوں میں شدید گرم رہا۔ تاہم بگروٹ میں 02 ملی میٹر بارش ریکارڈ کی گئی۔

گزشتہ روز دادو 50، موہنجو داڑو 49 اور جيکب آباد میں 48 درجہ حرارت ڈگری سینٹی گریڈ ریکارڈ کیا گیا۔

لاہور شہر میں جون کے مہینے میں‌ کب بارش ہو گی ، بتادیا گیا

باغی ٹی وی جون کے سخت موسم میں بارش کو سب کو انتطار ہے . اس سلسلے میں مون سون کی بارشوں کا پہلا سپیل لاہور میں داخل ہونے کو تیار ہے۔ شہر میں مون سون کی پہلی بارش 25 جون کو متوقع ہے۔

واسا کے او اینڈ ایم ڈائریکٹرز کو الرٹ جاری کرتے ہوئے منصوبوں پر کام 25 جون تک مکمل کرنے کی ہدایت کر دی گئی ہے تاکہ تیز بارشوں میں جاری ترقیاتی منصوبوں پر کوئی حادثہ پیش نہ آ سکے۔

مراسلہ کے مطابق یکم جولائی سے 30 ستمبر تک فوکل پرسن واسا کنٹرول روم میں تعینات کیا جائے۔ نکاسی آب کے لئے الائیڈ محکمے واسا کے ساتھ تعاون میں کام کریں۔ نکاسی آب کے لئے واسا کنٹڑول روم قائم کر دیا گیا۔

محکمہ موسمیات کے مطابق سندھ ، بلوچستان ، پنجاب اور خیبرپختونخوا کے بیشتر علاقوں میں بنیادی طور پر آج موسم گرم اور خشک رہنے کی توقع ہے۔ تاہم شام اوررات کے اوقات میں کشمیر، پوٹھوہار ریجن، لاہور، سرگودھا، گوجرنوالہ ، اسلام آباد، وادی پشاور،مردان اور کوہاٹ میں آندھی اور گرج چمک کے ساتھ بارش کا امکان ہے۔ اس دوران جنوبی پنجاب،شمال مشرقی بلوچستان اوربالائی سندھساحلی علاقوں تھر پارکر،ٹھٹھہ،بدین، کراچیمیں بھی کہیں کہیں آندھی اورگرج چمک کے ساتھ بارش متوقع ہے۔

موسم کی صورت حال، رواں ہفتے شدید گرمی کی پشین گوئی

باغی ٹی وی رپورٹ کے مطابق رواں ہفتے شدید گرمی ، ہفتے کے آخر میں پری مون سون اور رواں ماہ کے آخر میں مون سون بارشوں کی پیشگوئی

• ملک کے تمام میدانی علاقوں میں رواں ہفتے شدیدگرمی پڑے گی ۔اس دوران بیشتر علاقوں کا درجہ حرارت 40 سے 45 سینٹی گریڈ تک جانے کا امکان۔ جبکہ پنجاب اور خیبر پختونخواہ میں ہیٹ انڈیکس 45 سینٹی گریڈ سے بڑھ جائے گا۔
• رواں ہفتے کے آخرمیں اسلام آباد، راولپنڈی ، لاہور، سیالکوٹ، گجرات ، گوجرانوالہ ، جہلم ، ہری پور، ایبٹ آباد، مظفرآبادسمیت ملک کے کچھ بالائی علاقوں اور تھرپارکر میں پری مون سون کی پہلی بارش کا امکان ہے۔

• ملک میں مون سون بارشوں کا آغاز رواں ماہ کے آخر میں متوقع ہے۔ رواں سا ل ملک بھر میں مون سون کی اچھی بارشوں کا امکان ہے۔
نوٹ مزید تفصیل جانیے۔ محکمہ موسمیات کے یوٹیوب چینل ، ویب سائیٹ اور موبائل ایب پر ۔
سوشل میڈیا پر مختلف ذرائع سے پھیلائے جانے والی موسم کی اطلاعات کو نظر انداز کریں۔

ملک کے کن حصوں‌ میں‌ بارش کا امکان ، بتایا محکمہ موسمیات نے

باغی ٹی وی رپورٹ کے مطابق محکمہ موسمیات کی پیشگوئی کے مطابق آئندہ بارہ گھنٹے کے دوران ملک کے بیشتر علاقوں میں موسم زیادہ تر گرم اور خشک جبکہ وسطی اور جنوبی علاقوں میں شدید گرم رہے گا۔

تاہم گلگت بلتستان، کشمیراوراس کے ملحقہ پہاڑی علاقوں میں گرج چمک کے ساتھ بارش کا امکان ہے۔ آج صبح اسلام آباد اور مظفر آباد 21، لاہور 30، کراچی 31، پشاور 25، کوئٹہ 18، گلگت 16 اور مری 17 ڈگری سینٹی گریڈ ریکارڈ کیا گیا۔

مقبوضہ کشمیر کے بارے میں محکمہ موسمیات کی پیشگوئی کے مطابق سرینگر، جموں، لیہ، پلوامہ، اننت ناگ، شوپیاں اور بارہ مولہ میں مطلع جزوی طور پر ابر آلود رہے گا۔

آج صبح سری نگر، پلوامہ اور بارہ مولہ میں درجہ حرارت چودہ ڈگری سینٹی گریڈ، جموں چھبیس، لیہہ چار، اننت ناگ اور شوپیاں میں سولہ ڈگری سینٹی گریڈ ریکارڈ کیا گیا۔

ملک کے بیشتر حصوں موسم خوشگوار

باغی ٹی وی : محکمہ موسمیات کے مطابق اتوار کی رات کو خطہ پوٹھوہار سمیت پنجاب، بالائی خیبر پختونخوا، شمال مشرقی بلوچستان، اسلام آباد اور کشمیرمیں آندھی اور گرج چمک کے ساتھ بارش کا امکان ہے۔

ہفتے کو پنجاب، شمال مشرقی بلوچستان، بالائی سندھ ، گلگت بلتستان اور کشمیر میں تیز ہواؤں اور گرج چمک کے ساتھ بارش ہوئی جبکہ ملک کے دیگر علاقوں میں موسم گرم اور خشک رہا۔

سب سے زیادہ بارش پنجاب کے ضلع سیالکوٹ میں 77 ملی میٹر، نارووال میں 34 ملی میٹر، گوجرانوالہ میں 31 ملی میٹر، رحیم یار خان میں 24 ملی میٹر، گجرات میں 20 ملی میٹر، منڈی بہاؤالدین میں 08 ملی میٹر، لاہور میں 04 ملی میٹر، اٹک میں 03 ملی میٹر، خان پور میں 02 ملی میٹر، ساہیوال میں ایک ملی میٹر بارش ریکارڈ کی گئی۔

کشمیر کے علاقے گڑھی دوپٹہ میں 13 ملی میٹر، کوٹلی میں 08 ملی میٹر، راولاکوٹ میں 03 ملی میٹر، سندھ کے علاقے چھوڑ میں 06 ملی میٹر، روہڑی اور جیکب آباد میں ایک ملی میٹر بارش ریکارڈ کی گئی۔