Category: موسم

ملک بھر میں مون سون بارشوں کا نیا سلسلہ آج سے شروع ہو گا جبکہ بیشتر علاقوں میں موسم گرم اور مرطوب رہیگا۔

تفصیلات کے مطابق محکمہ موسمیات کے مطابق آئندہ 24 گھنٹوں کے دوران ژوب، قلات، سبی، ڈی جی خان، بہاولپور، میرپورخاص ڈویژن میں کہیں کہیں بارش کا امکان ہے۔

جبکہ ہزارہ، کوہاٹ، پشاور، بنوں، ڈی آئی خان، راولپنڈی، لاہور، گوجرانوالہ، فیصل آباد، ساہیوال، ملتان، حیدرآباد، لاڑکانہ، سکھر ڈویژن، اسلام آباد اور کشمیر میں چند مقامات پر تیز ہواوٗں /آندھی اور گرج چمک کے ساتھ موسلا دھار بارش کی پیش گوئی کی گئی ہے۔

گزشتہ 24 گھنٹوں کے دوران ملک کے بیشتر علاقوں میں موسم گرم اور مرطوب رہا تاہم لاہور، ژوب، قلات اور حیدر آباد ڈویژن میں چند مقامات پر تیز ہواوٗں/آندھی اور گرج چمک کے ساتھ بارش ہوئی

سب سے زیادہ بارش لاہور(سٹی 18)، ژوب 04، خضدار 03، بارکھان 01، مٹھی 02 ملی میٹر بارش ریکاڑ کی گئی۔

ملک بھر میں آئندہ 24 گھنٹوں کے دوران مزید بارشوں کا امکان ہے جبکہ چند علاقوں میں بدستور موسم گرم اور مرطوب رہے گا۔

تفصیلات کے مطابق محکمہ موسمیات کی جانب سے جاری کی گئی موسم کی تازہ ترین صورتحال کے مطابق ہزارہ، راولپنڈی، گوجرانوالہ، سرگودھا، فیصل آباد، لاہور ڈویژن، اسلام آباد اور کشمیر میں کہیں کہیں بارش کا امکان ہے۔

جبکہ مالاکنڈ، پشاور، کوہاٹ، مردان، بنوں، ڈی آئی خان، ژوب، قلات، ڈی جی خان، ملتان اور ساہیوال ڈویژن میں چند مقامات پر تیز ہواوٗں/آندھی اور گرج چمک کے ساتھ موسلا دھار بارش کی پیش گوئی کی گئی ہے۔

محکمہ موسمیات نے رواں ہفتے کے دوران ملک کے بالائی اور وسطی علاقوں میں تیزہواوٗں/آندھی کے ساتھ مزید مون سون بارشوں کی پیشگوئی کی ہے۔

لاہور میں منگل کو شدید بارش سے پورا شہر زیر آب آ گیا، مجموعی طور پر 142ملی میٹر بارش ریکارڈ کی گئی اور کئی مواقعوں پر گاڑیاں اور مکانات پانی میں ڈوب گئے جبکہ بارشوں کے نتیجے میں ہلاکتوں کی بھی اطلاعات موصول ہوئیں۔

آزاد کشمیر میں بارش کے نتیجے میں کم از کم 23 افراد ہلاک جبکہ 100 سے زائد مکان و دکانیں تباہ ہونے سے سینکڑوں افراد بے گھر ہو گئے

تلہ گنگ میں آندھی کے بعد موسلادھابارش سے موسم خوشگوار ہوگیا،  گرمی کی شدت سے پریشان عوام نے سکھ کا سانس لیا ۔ ماہر زراعت  کے مطابق فصلوں کیلئے بارشوں کی اشد ضرورت ہے

میکسیکو میں‌ قدرت کا کرشمہ شدید گرمی میں برفباری اتنی کہ نظام مفلوج ہو کر رہا گیا

حال ہی میں‌ پاکستان کے شمالی علاقے چترال میں جون کے مہینے میں پڑنے والی برف باری کی خبر نے سب کو حیران کردیا مگر اس موسم میں برف باری صرف چترال میں نہیں بلکہ بعض دوسرے ملکوں میں بھی موسمیاتی تبدیلی کے ایسے ہی مظاہر دیکھنے میں آئے ہیں۔ اس کی تازہ مثال میکسیکو کی ہے جہاں حال ہی میں پڑنے والی برف باری نے نظام زندگی مفلوج کردیا
براعظم امریکا کے ملک میکسیکو میں موسم گرما میں شدید برف باری نے لوگوں اور ماہرین موسمیات کو حیران کردیا۔ میکسیکو کے شہر’گواڈا لہارا’ میں اتنی زیادہ برف باری ہوئی کہ سڑکیں بند ہوگئیں، مواصلاتی نظام درہم برہم اور گاڑیوں اور گھروں کو نقصان پہنچا
ھالیکو ریاست کے گورنر انریکہ الوارو نے سوشل میڈیا پر لکھا کہ’میں نے اس موسم میں برف باری پہلی بار دیکھی ہے۔ سچ یہ ہےکہ آج برف باری دیکھ کر یقین نہیں کیا جا سکتا۔ ایسے مناظر اس سے قبل کبھی نہیں دیکھے گئے۔ دیکھنے والا ہرشخص حیران ہے آج موسم کو کیا ہوگیا ہے۔ گرمی کےموسم میں‌برف باری سے سردی کی شدت میں اضافہ ہوگیا ہے۔