Tag: افغانستان

کابل:افغانستان میں غذائی قلت سے دس لاکھ بچوں کے متاثر ہونے کا امکان ،اطلاعات کے مطابق افغانستان میں شدید غذائی قلت کے پیش نظر دس لاکھ بچوں کے متاثر ہونے کا امکان ہے۔اقوام متحدہ کے مطابق رواں سال افغانستان میں 5 سال سے کم عمر کے 10 لاکھ سے زائد بچے غذائی قلت کا شکار ہوسکتے ہیں۔

جاری کردہ رپورٹ کے مطابق افغانستان میں تقریباً 11 لاکھ بچے غذائی قلت کا شکار ہوسکتے ہیں اگر ایسا ہوا تو یہ تعداد 2018 میں جاری کردہ رپورٹ سے تقریباً دوگنی ہے۔ رپورٹ کے مطابق روس یوکرین میں جاری جنگ سے بڑھتی ہوئی غربت اور اشیاء ضروریہ کی بڑھتی ہوئی قیمتیں بھی اس حقیقت کا مظہر ہیں۔

واضح رہے، غذائی قلت کی وجہ سے بچے اپنے قد کے لحاظ سے بہت پتلے اور چھوٹے ہوتے ہیں، جس کے نتیجے میں مدافعتی نظام کمزور ہو جاتا ہے۔

اقوام متحدہ کے ادارہ فنڈ برائے اطفال یونیسیف نے کہا ہے کہ یوکرین میں جاری جنگ ، کورونا وبا اور موسمیاتی تبدیلی سے پہلے ہی دنیا بھر میں غذائی جنم لے رہی تھی اور خاندان اپنے بچوں کی غذائی قوت کو پورا نہیں کرپا رہے تھے۔

اطلاعات کے مطابق یونیسیف نے افغانستان میں تقریباً ایک ہزار علاج کے ادارے کھولے ہیں جہاں والدین اپنے غذائی قلت کے شکار بچوں کو لا سکتے ہیں۔علاوہ ازیں، طبی ماہرین کا ماننا ہے کہ دنیا میں بڑھتی ہوئی غذائی قلت کا شکار سب سے زیادہ بچے ہورہے ہیں۔

افغانستان میں گزشتہ روز ہونے والے چار مختلف بم دھماکوں کے نتیجے میں اب تک کم از کم سولہ افراد جاں بحق ہو چکے ہیں۔ داعش نے ان بم دھماکوں کی ذمہ داری قبول کر لی ہے۔

بدھ کے روز مزار شریف میں تین چھوٹی مسافر بسوں میں دھماکے ہوئے جن کے نتیجے میں کم از کم دس افراد ہلاک اور دیگر پندرہ زخمی ہوئے۔ ہلاک ہونے والوں میں خواتین اور بچے بھی شامل ہیں۔ نشانہ بننے والی بسیں صوبہ بلخ کے شمالی شہر میں شام کے مصروف اوقات میں مسافروں کو لے جا رہی تھیں۔

گزشتہ روز ہی افغان دارالحکومت کابل کی ایک مسجد میں بھی بم دھماکا ہوا تھا جس میں چھ افراد ہلاک اور اٹھارہ کے قریب زخمی ہونے کی اطلاعات ہیں۔ دھماکا خیز مواد منبر کے نیچے رکھا گیا تھا جو مغرب کی نماز کے وقت پھٹا۔

پولیس ترجمان خالد زدران نے ایک ٹویٹ میں کہا کہ دھماکا اس وقت ہوا جب لوگ حضرت زکریا مسجد میں نماز ادا کر رہے تھے۔گزشتہ برس طالبان کے اقتدار میں آنے کے بعد سے ایسے واقعات میں کمی دیکھنے میں آئی تھی تاہم رمضان کے مہینے سے داعش نے پھر اپنی گھناؤنی کارروائیوں میں اضافہ کر دیا ہے۔

کابل: افغانستان کے ٹی وی چینلز نے خواتین اینکرز کے چہرے ڈھانپنے کے حوالے سے طالبان کے حکم نامے کو مسترد کردیا۔

باغی ٹی وی : عرب نیوز کی رپورٹ کے مطابق افغانستان کے ٹی وی چینلز پر خواتین اینکرز طالبان کے حکم کی خلاف ورزی کرتے ہوئے اپنے چہروں کو ڈھانپے بغیر اسکرین پر آئیں۔

لاہور میں دسویں جماعت کی طالبہ کا دن دیہاڑے اغوا

افغانستان کے مشہور ٹی وی چینلز میں شمار طلوع نیوز، شمشاد ٹی وی اور ون ٹی وی نے ہفتے کو لائیو پروگرام نشر کیے، جس میں خواتین اینکرز کے چہرے نظر آرہے تھے۔

منہ ڈھانپے بغیر پروگرام پیش کیے جانے سے متعلق شمشاد ٹی وی کے ہیڈ آف نیوز عابد احساس نے ڈی ڈبلیو (DW) سے گفتگو کرتے ہوئے بتایا کہ ہماری خواتین ساتھیوں کو تشویش ہے کہ اگر وہ اپنے چہرے کو ڈھانپتی ہیں تو اگلے حکم میں انہیں کام کرنے سے روکنے کے لیے کہا جائے گا، یہی وجہ ہے کہ انہوں نے ابھی تک اس حکم پر عمل نہیں کیا۔

ایک خاتون پریزینٹر نے نام نہ ظاہر کرنے کی شرط پر کہا کہ طالبان اقتدار میں آکر پھر سے سخت موقف اخیتار کررہے ہیں جبکہ اس حکمنامہ کے بعد سے ہم ملک چھورنے کا سوچ رہے ہیں۔

افغانستان میں خواتین میں خودکشی کے رجحان میں اضافہ

یاد رہے کہ طالبان نے افغانستان میں ٹی وی نشریات کا حصہ بننے والی تمام خواتین کو نشریات کے دوران چہرے کو ڈھانپنے کا حکم دیا تھا۔

حکومت افغانستان نے ٹی وی چینلز پر تمام خواتین اینکرز کو نشریات کے دوران اپنے چہرے ڈھانپنے کا حکم دیا ہے۔
یہ حکم وزارت امر بالمعروف و نہی عن المنکر کے ایک بیان میں سامنے آیا ہے۔ pic.twitter.com/uWfLMEd22N

— افغان اردو (@AfghanUrdu) May 20, 2022

افغان وزارت امربالمعروف ونہی عن المنکر کی جانب سے جاری کردہ حکم میں کہا گیا تھا کہ اس کا اطلاق افغانستان میں تمام میڈیا اداروں میں کام کرنے والی تمام خواتین پر ہوگا یہ فیصلہ حتمی ہے اور اس میں کوئی تبدیلی نہیں ہوگی-

اس سے قبل خواتین پریزینٹرز کے لیے صرف سر پر سکارف پہننا لازمی تھا جبکہ گزشتہ دنوں افغان طالبان کی حکومت نے لڑکیوں کے سیکینڈری اسکولز جانے پر بھی پابندی لگادی تھی تاہم وزیر داخلہ سراج الدین حقانی نے اسکول کھولنے سے متعلق اچھی خبر کا جلد اعلان کیا تھا۔

طالبان کی حکومت اس سے قبل خواتین کے پارکوں میں جانے اورریسٹورنٹس میں کھانا کھانے پربھی پابندی عائد کرچکی ہے۔ عوامی مقامات پرخواتین کومکمل پردہ کرکے کے آنے کا حکم بھی دیا گیا ہے۔

سابق نائب افغان صدر رشید دوستم سمیت40جلا وطن افغان رہنماؤں کا قومی مزاحمت کونسل بنانےکا فیصلہ

کابل: افغان صوبے بدخشاں میں خواتین میں خودکشی کے رجحان میں اضافہ دیکھنے میں آیا ہے۔

باغی ٹی وی :غیر ملکی میڈیا کے مطابق افغانستان کے علاقے بدخشاں کے محکمہ صحت کے حکام کا بتانا ہےکہ گزشتہ 3 ماہ کے دوران تقریباً 30 افراد کو خودکشی کی کوشش کرنے پر اسپتال لایا گیا جن میں زیادہ تعداد خواتین کی تھی 29 کیسز میں سے 27 خواتین اور 2 مرد تھے متاثرین میں سے 2 زندگی کی بازی ہار گئے جب کہ دیگر کی جان بچالی گئی-

ترجمان کا کہنا تھا کہ خواتین میں خودکشی کے بڑھتے رجحان کی بنیادی وجہ گھریلو تشدد اور غربت ہے جس کےباعث صوبے کی خواتین خودکشی جیسے انتہائی اقدام کو ترجیح دینے پرمجبور ہیں جب کہ اس کی ایک اور وجہ گھر کے سربراہ کا بھی موجودہ حالات میں بیروزگار ہونا ہے جس سے معاشی تنگ دستی میں اضافہ ہوا ہے۔

ترجمان کا کہنا تھا کہ حالیہ دنوں میں خودکشی کرنے والے ایک شخص کی بیوہ نے بتایا کہ بیروزگار ہونے کی وجہ سے ان کے گھریلو مسائل میں بے پناہ اضافہ ہوا جس سے ان کے شوہر نے خودکشی کی-

برطانوی رکن پارلیمنٹ عصمت دری اور جنسی تشدد کے الزام میں گرفتار

ایک اور خاتون کا کہنا تھا کہ وہ اور ان کے شوہر دونوں ہی بیروزگار تھے ، ان حالات میں جب بچوں نے کسی چیز کا تقاضہ کیا تو اسے خریدنے کے لیے ان کے پاس رقم نہیں تھے جس پر وہ ہر وقت پریشان رہتے اور اسی وجہ سے ان کے شوہر نے خودکشی کرلی۔

صوبائی حکام نے صوبے میں خودکشی کے بڑھتے رجحان پر شدید تشویش کا اظہار کیا ہے جب کہ عوام کا کہنا ہے کہ خراب معاشی حالات ہر گزرتے دن کے ساتھ مسائل میں اضافہ کررہے ہیں جس وجہ سے لوگ خودکشی کی طرف بڑھ رہے ہیں۔

چین کا متحرک ہدف کو نشانہ بنانے والے ہائپر سونک میزائل کی تیاری پر کام شروع