شمالی وزیرستان کے علاقے میران شاہ میں سیکیورٹی فورسز اور دہشتگردوں کے درمیان ہونے والی جھڑپ کے دوران 3 دہشتگرد ہلاک اور 4 زخمی ہوئے ہیں جبکہ 3 سیکیورٹی اہلکار بھی شہید ہوئے ہیں-
باغی ٹی وی: پاک فوج کے شعبہ تعلقات عامہ (آئی ایس پی آر) کے مطابق فائرنگ کے تبادلے میں تین سیکیورٹی اہلکار بھی شہید ہوئے ہیں شہدا میں 40 سالہ صوبیدار اصغر علی، 26 سالہ سپاہی نسیم اور 22 سالہ سپاہی محمد زمان شامل ہیں تینوں شہداء کا تعلق فرنٹئیر کور سے تھا۔
آئی ایس پی آر کے مطابق ہلاک دہشتگردوں سے اسلحہ اور گولہ بارود برآمد ہوا ہے دہشت گردوں کے خاتمے کیلئےعلاقے میں آپریشن جاری ہے، پاکستان کی مسلح افواج دہشت گردی کی لعنت کو ختم کرنے کے لیے پرعزم ہیں بہادر سپاہیوں کی قربانیاں ہمارے عزم کو مزید مضبوط کرتی ہیں۔
جانی خیل میں سیکیورٹی فورسزا ور دہشتگردوں میں فائرنگ کا تبادلہ، 2دہشت گرد مارے گئے۔
باغی ٹی وی : آئی ایس پی آر کے مطابق دہشت گردوں سے بہادری سے لڑتے ہوئے 2 جوان بھی شہید ہوگئے شہید ہونے والوں میں نائب صوبیدار غلام مرتضیٰ اور حوالدار محمد انور شامل ہیں،شہیدنائب صوبیدار غلام مرتضیٰ کا تعلق بہاولپوراور حوالدار محمدانور کا سیالکوٹ سے ہے۔علاقے میں سیکیورٹی فورسز کا کلیئرنس آپریشن جاری ہے۔
آئی ایس پی آر کا کہنا ہے کہ پاکستان کی مسلح افواج دہشتگردی کی لعنت کو ختم کرنے کیلیے پرعزم ہیں،بہادر سپاہیوں کی ایسی قربانیاں ہمارے عزم کو مزید مضبوط کرتی ہیں۔
Today, the complete Pakistani nation celebrates the Silver Jubilee of Youm-e-Takbeer and commemorates the remarkable achievement of establishing Credible Minimum Deterrence. This achievement has reshaped the power dynamics in our region. 1/2
پاک فوج کے شعبہ تعلقات عامہ (آئی ایس پی آر) کے مطابق آج پوری قوم یوم تکبیر کی سلور جوبلی منارہی ہے کم سے کم قابل اعتماد ڈیٹرنس کے کامیابی سے شاندار حُصول کا دن منایا جارہا ہے اس کامیابی سے ہمارے خطے کی طاقت کی ڈائنامکس نے نئی شکل اختیار کی ہے-
Armed Forces pay rich tribute to the brilliant minds who conceived and achieved this accomplishment under daunting challenges. We salute the scientists and engineers who turned the impossible into a reality. Long Live Pakistan. *#YoumeTakbeer 2/2
آئی ایس پی آر نے کہا کہ بھرپور چیلجنز کے باوجود اس کامیابی میں کارفرما شاندار دماغوں کو مسلح افواج خراج عقیدت پیش کرتی ہیں ہم ناممکن کو حقیقت بنانے والے سائنسدانوں اور انجینئیرز کو سلام پیش کرتے ہیں،جنہوں نے ناممکن کو حقیقت میں بدل دیا، یہ وطن ہمیشہ قائم رہے گا، پاکستان زندہ باد-
دوسری جانب ترجمان پاک فضائیہ نے کہا کہ یوم تکبیر کے تاریخی دن، پاکستان کی جانب سے کیے گئے ایٹمی تجربات کی سلور جوبلی کے موقع پر پاک فضائیہ پوری پاکستانی قوم کے عزم کو سلام پیش کرتی ہے۔
28 May, 2023: On the silver jubilee of conduct of nuclear tests by Pakistan marking the historic day of Youm-e-Takbeer, Pakistan Air Force salutes the resolve of entire Pakistani nation. https://t.co/dvQnhGTb38
ترجمان کہا کہ 28 مئی 1998 کے دِن پاکستان نے بھارت کے اشتعال انگیز ایٹمی تجربات کے جواب میں ایٹمی دھماکے کرکے اپنی ایٹمی صلاحیت کا ثبوت دیا پاک فضائیہ نے اس دوران اپنے سی-130 طیاروں کے ذریعے جوہری اور حساس آلات کو ٹیسٹ سائٹ تک پہنچایا۔
پاک فضائیہ کے لڑاکا طیاروں نے ٹیسٹ سے قبل اور اس کے دوران فضائی سیکیورٹی فراہم کی اس دوران پاک فضائیہ کے لڑاکا طیارے ہائی الرٹ پر رہے جبکہ ہمارے شاہین پائلٹس دشمن کی کسی بھی قسم کی جارحیت سے نمٹنے اور پاکستان کی خودمختاری کے تحفظ کے لیے ہمہ تن تیار تھے۔
ترجمان پاک فضائیہ نے کہا کہ اس تاریخی دن کی مناسبت سے پاک فضائیہ، پاکستان کی فضائی سرحدوں کی حفاظت کے اپنے عزم کا اعادہ کرتی ہے کہ وہ اسی لگن اور عزم کے ساتھ ملک کی فضائی سرحدوں کا دفاع جاری رکھے گا۔
پاکستان کے ایٹمی دھماکوں کے پچیس برس مکمل ہونے پر وزیراعظم شہباز شریف نے کہا کہ دشمنوں کی ہمیشہ کوشش ہوتی ہے کہ افواج اور عوام کو ٹکرا دے، قوم کا اتحاد ہی پاکستان کی اصل جوہری قوت ہےاس وقت کے وزیراعظم نواز شریف نےکسی سپرپاورکی دھمکیوں کی پروا نہیں کی اور نہ ہی اربوں ڈالر کی پیش کش انہیں آہنی عزم و ارادے سے ہٹاسکی ہمیں پاکستان کو اب معاشی قوت بنانا ہے، معاشی کمزوری دور کرنا آج کا ایٹمی پروگرام ہے۔
جنرل ہیڈ کوارٹرز راولپنڈی میں شہداء اور غازیوں کے اعزاز میں تقریبِ تقسیم اعزازات منعقد کی گئی
ڈی جی آئی ایس پی آر کے مطابق چیف آف آرمی سٹاف جنرل سید عاصم منیرنے آپریشنز کے دوران بہادری اور قوم کے لئے شاندار خدمات پر پاک فوج کے افسران و جوانوں کو فوجی اعزازات سے نوازا۔51 افسران کو ستارہ امتیاز(ملٹری) ،22 افسران و جوانوں کو تمغہ بسالت اور 2 جوانوں کو اقوامِ متحدہ کے خصوصی میڈل کے اعزاز سے نوازا گیا۔ تقریب میں بڑی تعداد میں پاک فوج کے سینئر افسران اور شہداء کے اہلخانہ نے شرکت کی،
ڈی جی آئی ایس پی آر کے مطابق آرمی چیف جنرل سید عاصم منیر کا کہنا تھاکہ بلاشبہ شہداء کی فرض شناسی اور عظیم قربانیوں کے طفیل ہم ایک آزاد فضا میں زندگی بسر کر رہے ہیں شہداء کی قربانیاں اور غازیوں کی خدمات ہمارا قیمتی اثاثہ اور سرمایہِ افتخار ہیں۔پاک فوج بطور ادارہ اپنے سے منسلک ہر فرد کو اور اسکے لواحقین کو ہمیشہ یاد رکھتا ہے اور ہمارا یہ رشتہ بطور خاندان قابلِ فخر اور فقید المثال ہے۔ افواجِ پاکستان کا ہر سپاہی اور آفسر تمام علاقائی، لسانی، اور سیاسی تعصبات اور امتیازات سے بالاتر ہو کر صرف اور صرف اپنے فرائض اور ذمہ داریوں کو مقدم رکھتا ہے مضبوط فوج مملکت کی سلامتی اور اتحاد کی ضامن ہوتی ہے آرمی چیف نے حالیہ دنوں میں فوجی تنصیبات، یادگاروں اور شہداء کی حرمتوں پر حملوں کو انتہائی افسوس ناک قرار دیتے ہوئے کہا کہ یہ ناقابلِ برداشت ہیں ۔
آرمی چیف نے 25 مئی کو ”یومِ تکریمِ شہداءِ پاکستان “ منانے کا اعلان کیا،
راولپنڈی: ٹانک میں سیکیورٹی فورسز کے آپریشن کے دوران 3 دہشت گرد ہلاک اور 2 جوان شہید ہوگئے۔
باغی ٹی وی : آئی ایس پی آر کے مطابق سیکیورٹی فورسز نے دہشت گردوں کی موجودگی کی اطلاع پر ٹانک میں انٹیلی جنس بیسڈ آپریشن کیا، اس دوران سیکیورٹی فورسز اور دہشت گردوں کے درمیان شدید فائرنگ کا تبادلہ ہوا جس کے نتیجے میں 3 دہشت گرد مارے گئے جب کہ آپریشن کے دوران 2 جوان شہید ہو گئے۔
آئی ایس پی آر کا کے مطابق دہشت گردوں سے جھڑپ کے دوران 39 سالہ نائیک محمد عتیق سکنہ ضلع چکوال اور 36 سالہ نائیک رجب علی سکنہ ضلع اٹک بہادری سے لڑتے ہوئے شہید ہوگئے۔
آئی ایس پی آر کے مطابق ہلاک ہونے والے دہشت گرد سیکورٹی فورسز اور معصوم شہریوں کے خلاف دہشت گردی کی متعدد کارروائیوں میں ملوث تھے، علاقے میں دہشتگردوں کی تلاش کیلئے سرچ آپریشن جاری ہے۔
آئی ایس پی آر کے مطابق مارے جانے والے دہشت گردوں کے قبضے سے ہتھیار اور گولہ بارود برآمد ہوا۔ ہلاک ہونے والے دہشت گرد بھتہ خوری، فورسز اور شہریوں کے قتل میں ملوث تھے۔
آئی ایس پی آر کے مطابق سیکیورٹی فورسز دہشت گردی کے خاتمے کے لیے پرعزم ہیں جبکہ جوانوں کی قربانیاں سیکیورٹی اداروں کے عزم کو مزید مضبوط کرتی ہیں۔
لاہور: پاک فوج میں اعلیٰ افسران کے تبادلے کئے گئے-
باغی ٹی وی :تفصیلات کے مطابق لیفٹیننٹ جنرل فیاض حسین شاہ جی ایچ کیو راولپنڈی میں بطور آئی جی آرمز برقرار رہیں گے لیفٹیننٹ جنرل سید عامر رضا کو کمانڈر 4 کور لاہور تعینات کر دیا گیا ہے۔
جبکہ میجر جنرل شاکر اللہ خٹک کو چیئرمین ایچ آئی ٹی ٹیکسلا تعینات کر دیا گیا ہےلیفٹیننٹ جنرل سلمان فیاض غنی کو لاہور سے تبادلہ کر کے جی ایچ کیو رپورٹ کرنے کا حکم دے دیا۔
راولپنڈی: آرمی چیف جنرل سید عاصم منیر نے آج لاہور کا دورہ کیا۔
باغی ٹی وی: آئی ایس پی آر کے مطابق آرمی چیف نے شہداء کی یادگار پر پھولوں کی چادر چڑھائی اور مادر وطن کے لیے جانیں قربان کرنے والے شہدا کو زبردست خراج عقیدت پیش کیا آرمی چیف کو 9 مئی (یوم سیاہ) کے واقعات پر بریفنگ دی گئی آرمی چیف نے جناح ہاؤس اور فوج کی ایک تنصیب کا بھی دورہ کیا جس پر سیاسی طور پر حوصلہ افزائی کرنے والے فسادیوں نے حملہ کیا اور توڑ پھوڑ کی۔
آئی ایس پی آرکے مطابق کور ہیڈ کوارٹرز میں گیریژن افسران اور سپاہیوں سے خطاب کرتے ہوئےآرمی چیف نے کہا کہ سانحہ 9 مئی میں ملوث منصوبہ سازوں، اکسانے والوں، حوصلہ افزائی کرنے والوں اور مجرموں کے خلاف مقدمے کا قانونی عمل پاکستان آرمی ایکٹ اور آفیشل سیکرٹ ایکٹ کے تحت شروع ہو چکا ہے۔
سید عاصم منیر نے اس بات پر زور دیا کہ فوج اپنی طاقت عوام سے حاصل کرتی ہے اور فوج اور پاکستان کے عوام کے درمیان دراڑ پیدا کرنے کی کوئی بھی کوشش ریاست کے خلاف ایک ایسا عمل ہے جو کسی بھی حالت میں نہ تو قابل برداشت ہے اور نہ ہی قابل معافی ہے۔
انہوں نے کہا کہ دشمن اور دشمن قوتیں اور ان کے حامی جعلی خبروں اور پروپیگنڈے کے ذریعے انتشار پھیلانے کی بھرپور کوشش کر رہے ہیں لیکن دشمن کے ایسے تمام عزائم کو قوم کے تعاون سے ناکام بنایا جائے گا، انشاء اللہ۔
بعد ازاں آرمی چیف نے سروسز ہسپتال لاہور کا بھی دورہ کیا اور ڈی آئی جی علی ناصر رضوی کی خیریت دریافت کی جو 9 مئی کے واقعے میں سیاسی شرپسندوں کے ہاتھوں زخمی ہوئے تھے۔
آرمی چیف نے قربان لائنز کا بھی دورہ کیا اور پولیس حکام سے ملاقات کی اورپولیس کے شہدا کو خراج عقیدت پیش کیا، فسادات / توڑ پھوڑ کے دوران ان کی پیشہ ورانہ مہارت اور تحمل کو سراہا اور LEAs کو ان کی صلاحیتوں میں اضافے، انٹیلی جنس شیئرنگ اور تربیت کے لیے فوج کے مکمل تعاون کا یقین دلایا۔
قبل ازیں آمد پر کور کمانڈر لاہور نے آرمی چیف کا استقبال کیا۔
باغی ٹی وی کی رپورٹ کے مطابق پاک فوج کے تین جوان بلوچستان میں پاک سر زمین پر قربان ہو گئے
آئی ایس پی آر کے مطابق بلوچستان کے علاقے زرغون میں افسوسناک واقعہ پیش آیا، سیکورٹی فورسز کی چیک پوسٹ پر دہشت گردوں نے فائرنگ کی جس کے نتیجے میں پاک فوج کے تین جوان شہید ہو گئے ہیں، ڈی جی آئی ایس پی آر کے مطابق دہشت گردوں کے حملے کے بعد پاک فوج کے جوانوں نے بھی بھر پور جوابی کاروائی کی، جس کے بعد حملہ آور دہشت گرد بھاگ گئے، جوابی کاروائی میں ایک دہشت گرد جہنم واصل بھی ہوا ہے،
ڈی جی آئی ایس پی آر کے مطابق کوئلے کی کانوں سے بھتہ خوری روکنے کے لیے چیک پوسٹ حال ہی میں بنائی گئی تھی
وزیراعظم محمد شہباز شریف نے بلوچستان کے علاقے زرغون , مارگٹ میں سیکورٹی فورسز کی چیک پوسٹ پر حملے کی شدید مذمت کی ہے،وزیراعظم نے حملے میں شہید ہونے والے پاک فوج کے جوانوں, سپاہی ضمیر احمد ، سپاہی مدثر اور لانس نائیک عبدالقدیر کو خراج عقیدت پیش کیا ہے وزیراعظم نے شہداء کی بلندی درجات کی دعا اور لواحقین سے اظہار تعزیت کی ہے،وزیراعظم نے حملے میں زخمی ہونے والوں کی جلد صحت یابی کی دعا کی ہے اور کہا ہے کہ شہداء کی قربانیوں کو پوری قوم سلام پیش کرتی ہے،
سابق صدر آصف علی زرداری نے بلوچستان میں سکیورٹی کے چیک پوسٹ پر حملے کی مذمت کی ہے، آصف علی زرداری نے سکیورٹی فورسز کے جوانوں کی شہادت پر اظہار افسوس کیا ہے، آصف علی زرداری نے شہید جوانوں کے خاندانوں سے ہمدردی اور تعزیت کا اظہار کیا ہے، اور کہا ہے کہ دھرتی اور امن کی خاطر جانیں قربان کرنے والے جوانوں پر قوم کو
فخر ہے،
پی پی پی چیئرمین و وزیر خارجہ بلاول بھٹو زرداری نے کازرغون میں سیکیورٹی فورسز کی چوکی پر حملے کی مذمت کی ہے،پی پی پی چیئرمین نے دہشتگردانہ حملے میں سکیورٹی فورسز کے تین جوانوں کی شہادت پر اظہارِ افسوس کیا ہے،
بلاول بھٹو زرداری نے شہداء کے لواحقین سے دلی تعزیت و یکجہتی کا اظہار کیا ہے، اور کہا ہے کہ ارضِ وطن کی خاطرسکیورٹی فورسز کی قربانیاں بے مثال ہیں ریاستی عملداری کو چیلینج کرنے والوں کو منہ توڑ جواب دیں گے، شہداء کے لہو کے ہر قطرے کا حساب لیں گے ،
نگران وزیراعلیٰ پنجاب محسن نقوی نے بلوچستان کے علاقے زرغون میں سکیورٹی فورسز کی چیک پوسٹ پر دہشت گردوں کے حملے کی شدید مذمت کی ہے۔محسن نقوی نے شہید ہونے والے سکیورٹی فورسز کے3 جوانوں کی عظیم قربانی کو خراج عقیدت پیش کیا۔نگران وزیراعلیٰ محسن نقوی نے شہدا کے لواحقین سے دلی ہمدردی و تعزیت کااظہار کیاہے۔محسن نقوی نے کہاکہ شہید جوانوں کی بہادری کوسلام پیش کرتے ہیں۔ شہید ہونے والے بہادر سپوت قوم کے ہیرو ہیں – شہداء نے وطن عزیز کے امن کے لئے اپنی جان کی قربانی دی-اللہ تعالیٰ شہداء کے درجات بلند کرے اورلواحقین کو صبر جمیل عطا فرمائے
خیبرپختونخوا کے شہر بنوں کے علاقے جانی خیل میں سیکیورٹی فورسز کے آپریشن کے دوران دو دہشت گرد ہلاک ہوگئے۔
باغی ٹی وی : آئی ایس پی آر کے مطابق سیکیورٹی فورسز نے خفیہ اطلاع پر بنوں کے علاقے جانی خیل میں میں آپریشن کیا، سیکیورٹی فورسز نے آپریشن دہشت گردوں کی موجودگی کی خفیہ اطلاع پر کیا اس دوران سیکیورٹی فورسز اور دہشت گردوں کے درمیان فائرنگ کا تبادلہ ہوا۔
آئی ایس پی آر کے مطابق سیکیورٹی اہلکاروں سے فائرنگ کے تبادلے میں دو دہشت گرد ہلاک ہوگئے ہلاک دہشت گرد سیکیورٹی فورسز اورعام شہریوں کے خلاف دہشت گردی کی کارروائیوں میں ملوث تھے ہلاک دہشت گردوں سے اسلحہ اور گولہ بارود بھی برآمد کیا گیا –
آئی ایس پی آر کے مطابق مقامی افراد نے دہشت گردی کے خاتمے کے لیے پاک فوج کی کاوش کو سراہا، مقامی لوگوں نے دہشت گردی کی لعنت ختم کرنے میں مکمل تعاون کا یقین بھی دلایا۔
راولپنڈی:آرمی چیف جنرل سید عاصم منیر نے آج سیالکوٹ گیریژن کا دورہ کیا۔
آئی ایس پی آر کے مطابق آرمی چیف جنرل سید عاصم منیر نے شہداء کی یادگار پر پھولوں کی چادر چڑھائی اور شہداء کو شاندار خراج عقیدت پیش کیا جنہوں نے قوم کے فخر، عزت اور وقار کے لیے اپنی جانیں قربان کیں۔
پاک فوج کے شعبہ تعلقات عامہ کی جانب سے جاری بیان میں کہا گیا ہے کہ آرمی چیف جنرل سید عاصم منیر نے سیالکوٹ گیریژن کا دورہ کیا جہاں کور کمانڈر گوجرانوالہ نے ان کا استقبال کیا، اس موقع پر آرمی چیف نے یادگار شہداء کا دورہ کیا اور پھول بھی چڑھائے اپنے دورہ کے دوران آرمی چیف جنرل سید عاصم منیر نے فارمیشنز کی لگن، بلند حوصلے اور پیشہ ورانہ مہارت کو سراہا اور پراپیگنڈا وار فئیر سمیت دیگر چیلنجز سے نمٹنے کیلئے تیاری پر توجہ مرکوز رکھنے پر زور دیا۔
آئی ایس پی آر کے مطابق اس دوران گفتگو کرتے ہوئے آرمی چیف جنرل سید عاصم منیر نے کہا کہ ریاست اورمسلح افواج تمام شہداء اور اہل خانہ کو ہمیشہ مقدم رکھتے ہیں اور شہداء کی عظیم قربانیوں کو انتہائی عزت، وقار کی نگاہ سے دیکھتے ہیںجنرل سید عاصم منیر نے مزید کہا ہے کہ شہداء ہمارے ماتھے کا جھومر ہیں ان کا احترام عوام کے دلوں میں ہمیشہ قائم رہے گا، کسی کو شہدا اور ان کی یادگاروں کی بے حرمتی کی ہر گز اجازت نہیں دی جائی گی۔
