Baaghi TV

Tag: آئی سی سی

  • پاکستان میں چیمپئنز ٹرافی نے ریکارڈ توڑ دیئے،17,700 کروڑ پاکستانی روپے کی ریکارڈ آمدنی

    پاکستان میں چیمپئنز ٹرافی نے ریکارڈ توڑ دیئے،17,700 کروڑ پاکستانی روپے کی ریکارڈ آمدنی

    آئی سی سی (ICC) نے پاکستان میں ہونے والی چیمپئنز ٹرافی 2025 سے تقریباً 17,700 کروڑ پاکستانی روپے کی ریکارڈ آمدنی حاصل کی ہے، یہ ایونٹ پاکستا ن کرکٹ کی تاریخ میں تجارتی لحاظ سے ایک بہت بڑی کامیابی ثابت ہوا ہے۔

    آئی سی سی (ICC) نے پاکستان میں ہونے والی چیمپئنز ٹرافی 2025 سے تقریباً 17,700 کروڑ پاکستانی روپے کی ریکارڈ آمدنی حاصل کی جبکہ خالص منافع 16,300 کروڑ پاکستانی روپے سے تجاوز کر گیا جبکہ 2025 کی چیمپئنز ٹرافی کے لیے مجموعی انعامی رقم میں 53 فیصد اضافہ کیا گیا، جس میں فاتح ٹیم کو 2.24 ملین ڈالر (تقریباً 62 کروڑ سے زائد پاکستانی روپے) ملیں گے۔

    یہ ٹورنامنٹ فروری 2025 میں پاکستان میں منعقد ہوا، جو دو دہائیوں بعد ملک میں ہونے والا بڑا آئی سی سی ایونٹ تھا یہ اعداد و شمار ایونٹ کی تجارتی مقبولیت اور پاکستان میں کرکٹ کی واپسی کے حوالے سے ایک اہم سنگ میل ہے۔

  • ٹی 20 ٹیموں کی سالانہ رینکنگ جاری

    ٹی 20 ٹیموں کی سالانہ رینکنگ جاری

    انٹرنیشنل کرکٹ کونسل (آئی سی سی) نے ٹی20 ٹیموں کی سالانہ رینکنگ جاری کردی ہے-

    انٹرنیشنل کرکٹ کونسل کی تازہ ترین مینز ٹی 20 انٹرنیشنل ٹیم رینکنگ میں بھارت نے پہلی پوزیشن برقرار رکھی ہے جب کہ انگلینڈ اور آسٹریلیا بالترتیب دوسرے اور تیسرے نمبر پر موجود ہیں بھارت 275 پوائنٹس کے ساتھ سرفہرست ہے تاہم اس کی برتری کم ہو کر صرف 13 پوائنٹس رہ گئی ہے انگلینڈ 262 پوائنٹس کے ساتھ دوسرے جب کہ آسٹریلیا 258 پوائنٹس کے ساتھ تیسرے نمبر پر موجود ہے۔

    رینکنگ اپڈیٹ میں مئی 2025 کے بعد کھیلے گئے تمام میچز کو 100 فیصد جب کہ گزشتہ 2 سال کے میچز کو 50 فیصد وزن دیا گیا ہےبھارتی ٹیم نے گزشتہ دو برسوں میں ٹی20 فارمیٹ میں نمایاں کارکردگی دکھائی ہے، جس میں 2024 اور 2026 کے ٹی20 ورلڈ کپ جیتنا بھی شامل ہے، کپتان سوریہ کمار یادو کی قیادت میں ٹیم ان دونوں ایونٹس کے درمیان تمام سیریز میں ناقابلِ شکست رہی۔

    ٹاپ 7 ٹیموں کی پوزیشنز میں کوئی تبدیلی نہیں آئی، نیوزی لینڈ 247 پوائنٹس کے ساتھ چوتھے، جنوبی افریقا 244 پوائنٹس کے ساتھ پانچویں، پاکستان 240 پوائنٹس کے ساتھ چھٹے جب کہ ویسٹ انڈیز 233 پوائنٹس کے ساتھ ساتویں نمبر پر موجود ہیں دیگر ٹیموں میں بنگلہ دیش ایک پوائنٹ اضافے کے بعد 225 پوائنٹس کے ساتھ آٹھویں نمبر پر آگیا ہے جب کہ سری لنکا 6 پوائنٹس کی کمی کے باعث نویں پوزیشن پر چلا گیا جب کہ افغانستان 220 پوائنٹس کے ساتھ دسویں نمبر پر ہے۔

    امریکا نے 6 پوائنٹس حاصل کرکے دو درجے ترقی کرتے ہوئے 13 ویں پوزیشن حاصل کرلی ہے جب کہ نیدرلینڈز اور اسکاٹ لینڈ بالترتیب 14ویں اور 15ویں نمبر پر موجود ہیں نیپال اور عمان نے ایک، ایک درجہ بہتری حاصل کی ہے جب کہ متحدہ عرب امارات اور کینیڈا ایک، ایک درجہ تنزلی کا شکار ہوئے ہیں۔

    ٹی 20 ورلڈ کپ میں ڈیبیو کرنے والی اٹلی کی ٹیم نے 11 پوائنٹس حاصل کرکے 3 درجے ترقی کی اور 23 ویں نمبر پر آگئی اٹلی نے اپنے پہلے ہی میچ میں نیپال کو 10 وکٹوں سے شکست دے کر نمایاں کارکردگی دکھائی آئی سی سی رینکنگ میں شامل ٹیموں کی تعداد 102 سے کم ہوکر 98 رہ گئی ہے کیونکہ فجی، گیمبیا، یونان اور اسرائیل گزشتہ تین برسوں میں مطلوبہ آٹھ ٹی20 میچز نہ کھیلنے کے باعث فہرست سے باہر ہوگئے ہیں۔

    دوسری جانب آئی سی سی ویمنز ٹی 20 سالانہ رینکنگ میں ٹاپ 10 ٹیموں کی پوزیشنز جوں کی توں برقرار ہیں۔ آئی سی سی کے مطابق آسٹریلیا پہلے نمبر پر براجمان ہے جب کہ انگلینڈ دوسرے اور بھارت تیسرے نمبر پر ہے،اس کے علاوہ نیوزی لینڈ چوتھے اور جنوبی افریقا پانچویں نمبر پر موجود ہیں جب کہ ویسٹ انڈیز چھٹے، سری لنکا ساتویں اور پاکستان آٹھویں نمبر پر موجود ہے۔

  • آئی سی سی پلیئر آف دی منتھ کے لیے نامزدگیوں کا اعلان، 2 پاکستانی پلئیرزبھی شامل

    آئی سی سی پلیئر آف دی منتھ کے لیے نامزدگیوں کا اعلان، 2 پاکستانی پلئیرزبھی شامل

    انٹرنیشنل کرکٹ کونسل (آئی سی سی) نے فروری 2026 کے لیے پلیئر آف دی منتھ کے لیے نامزدگیوں کا اعلان کردیا ہے-

    پلیئر آف دی منتھ کے لیے نامزدگیوں میں پاکستان کے اوپنر صاحبزادہ فرحان، انگلینڈ کے آل راؤنڈر ول جیکس اور امریکا کے فاسٹ بولر شیڈلے وین شالکوک کو شارٹ لسٹ کیا گیا ہے جب کہ آئی سی سی ویمنز پلیئر آف دی منتھ کے ناموں میں پاکستان کی فاطمہ ثنا، سری لنکا کی ہرشیتھا سمارا وکرما اور بھارت کی ارون دہاتی ریڈی شامل ہیں۔

    آئی سی سی کی جانب سے جاری اعلامیے کے مطابق رواں سال فروری میں ہونے والے ٹی 20 ورلڈ کپ 2026 کے دوران نمایاں کارکردگی دکھانے والے کھلاڑیوں کو مینز پلیئر آف دی منتھ کے لیے نامزد کیا گیا ہے،پاکستان کے اوپنر صاحبزادہ فرحان اس فہرست میں شامل ہیں، جنہوں نے ٹورنامنٹ میں شاندار بیٹنگ کا مظاہرہ کیا اور وہ ٹی 20 ورلڈ کپ 2026 میں سب سے زیادہ رنز بنانے والے بیٹر رہے۔

    صاحبزادہ فرحان نے ٹورنامنٹ میں 383 رنز اسکور کیے اور اس طرح ایک ہی ایڈیشن میں سب سے زیادہ رنز بنانے کا ریکارڈ قائم کیا، اس سے قبل یہ ریکارڈ 2014 کے ایڈیشن میں ویرات کوہلی کے 319 رنز تھا صاحبزادہ فرحان نے 160.25 کے اسٹرائیک ریٹ اور 76.60 کی اوسط سے رنز بنائے اور ٹورنامنٹ میں 2 سنچریاں بھی اسکور کیں مردوں کے ٹی 20 ورلڈ کپ کے ایک ہی ایڈیشن میں دو سنچریاں بنانے والے وہ پہلے بیٹر بھی بن گئے، ان کی سنچریاں نمیبیا اور سری لنکا کے خلاف آئیں۔

    ول جیکس

    انگلینڈ کے آل راؤنڈر ول جیکس بھی نامزد کھلاڑیوں میں شامل ہیں جنہوں نے بیٹنگ اور بولنگ دونوں شعبوں میں نمایاں کارکردگی دکھائی جب کہ انہوں نے ٹورنامنٹ میں 173.21 کے اسٹرائیک ریٹ سے 194 رنز اسکور کیے اور 11 وکٹیں بھی حاصل کیں ول چیکس ٹی20 ورلڈ کپ کے ایک ہی ایڈیشن میں چار مرتبہ پلیئر آف دی میچ کا ایوارڈ حاصل کرنے والے پہلے کھلاڑی بھی بنے۔

    شیڈلے وین شالکوک

    امریکا کے فاسٹ بولر شیڈلے وین شالکوک نے بھی اپنی بولنگ سے ٹی 20 ورلڈ کپ میں سب کو متاثر کیا۔ انہوں نے ٹورنامنٹ میں 13 وکٹیں حاصل کیں اور ٹاپ وکٹ ٹیکرز میں شامل رہے انہوں نے ایونٹ کے ابتدائی میچ میں بھارت کے خلاف 4 وکٹیں حاصل کیں اور پاکستان کے خلاف بھی گروپ مرحلے میں 4 وکٹیں لے کر نمایاں کارکردگی دکھائی جب کہ ان کی اکانومی ریٹ 7.76 رہی۔

    آئی سی سی کے مطابق تینوں کھلاڑیوں کو ٹی 20 ورلڈ کپ کے اختتام پر اعلان کردہ آئی سی سی ٹیم آف دی ٹورنامنٹ میں بھی شامل کیا گیا تھا جب کہ شیڈلے وین شالکوک کو 12ویں کھلاڑی کے طور پر رکھا گیا تھا۔

    ویمنز پلیئر آف دی منتھ ایوارڈ کے امیدواروں کا اعلان

    دوسری جانب انٹرنیشنل کرکٹ کونسل نے فروری 2026 کے لیے ویمنز پلیئر آف دی منتھ ایوارڈ کے امیدواروں کا اعلان کر دیا ہے، جس میں مینز کے ساتھ ویمنز کیٹیگری میں بھی تین کھلاڑیوں کو شارٹ لسٹ کیا گیا ہے خواتین کی فہرست میں سری لنکا کی ہرشیتھا سماراوکرما، پاکستان کی کپتان فاطمہ ثنا اور بھارت کی اروندھتی ریڈی شامل ہیں۔

    ہرشیتھا سمارا وکرما
    آئی سی سی کے مطابق سری لنکا کی بیٹر ہرشیتھا سمارا وکرما نے ویسٹ انڈیز کے خلاف ون ڈے سیریز میں نمایاں کارکردگی دکھاتے ہوئے ٹیم کی 2-1 سے فتح میں اہم کردار ادا کیاانہوں نے تین ون ڈے میچز میں 57 کی اوسط اور 60.85 کے اسٹرائیک ریٹ سے مجموعی طور پر 171 رنز اسکور کیے اور سیریز میں ان کی اننگز 66، 35 اور 70 رنز پر مشتمل تھیں اور وہ سیریز کی سب سے زیادہ رنز بنانے والی بیٹر رہیں۔

    فاطمہ ثنا

    پاکستان ویمن ٹیم کی کپتان فاطمہ ثنا بھی نامزد کھلاڑیوں میں شامل ہیں۔ انہوں نے جنوبی افریقا کے خلاف 3 ون ڈے میچز میں 117 رنز بنائے اور دو وکٹیں بھی حاصل کیں اس کے علاوہ ٹی 20 سیریز میں بھی وہ نمایاں رہیں جہاں انہوں نے پہلے میچ میں 90 رنز کی اننگز کھیلی جب کہ تیسرے میچ میں ناقابل شکست 47 رنز اسکور کیے اور دو وکٹیں بھی حاصل کیں۔

    اروندھتی ریڈی

    بھارت کی فاسٹ بولر اروندھتی ریڈی آسٹریلیا کے خلاف تین ٹی 20 میچز کی سیریز میں سب سے زیادہ وکٹیں لینے والی بولر رہیں۔ بھارت نے یہ سیریز 2-1 سے جیتی،ریڈی نے سیریز کے تین میچز میں بالترتیب 4 وکٹیں دے کر 22 رنز، 2 وکٹیں دے کر 30 رنز اور 2 وکٹیں دے کر 35 رنز حاصل کیے، جس کے ساتھ ان کی اوسط 10.87 اور اکانومی ریٹ 7.25 رہی۔

    آئی سی سی کے مطابق پلیئر آف دی منت ایوارڈ کے فاتح کا فیصلہ آزاد آئی سی سی ووٹنگ اکیڈمی اور دنیا بھر کے شائقین کی ووٹنگ سے کیا جائے گا، شائقین آئی سی سی کی ویب سائٹ پر اپنے پسندیدہ کھلاڑی کو ووٹ دے سکتے ہیں، ووٹنگ میں آئی سی سی ووٹنگ اکیڈمی کے ارکان کے ووٹوں کا حصہ 90 فیصد جب کہ شائقین کے ووٹوں کا حصہ 10 فیصد ہوتا ہے۔ پلیئر آف دی منت ایوارڈ کے فاتح کا اعلان ہر ماہ کے دوسرے ہفتے میں آئی سی سی کے ڈیجیٹل پلیٹ فارمز پر کیا جاتا ہے۔

  • ٹی 20 ورلڈ کپ: سیمی فائنل کا مشروط شیڈول جاری

    ٹی 20 ورلڈ کپ: سیمی فائنل کا مشروط شیڈول جاری

    دبئی: انٹرنیشنل کرکٹ کونسل (آئی سی سی) نے ٹی 20 ورلڈ کپ کے سیمی فائنلز کے وینیوز سے متعلق نیا اور مشروط شیڈول جاری کر دیا۔

    آئی سی سی کی جانب سے سپر ایٹ مرحلے کے اختتام کے حوالے سے تمام اسٹیک ہولڈرز کو بھیجے گئے اعلامیے میں واضح کیا گیا ہے کہ پہلا سیمی فائنل مخصوص شرائط کے تحت سری لنکا کے شہر کولمبو یا بھارت کے شہر کولکتہ میں منعقد کیا جا سکتا ہے اگر سری لنکا سیمی فائنل کے لیے کوالیفائی کر جاتا ہے تو پہلا سیمی فائنل کولمبو میں ہی کھیلا جائے گا، چاہے اس کا مقابلہ بھارت سے ہو یا کسی اور ٹیم سے اسی طرح اگر پاکستان سیمی فائنل تک رسائی حاصل کر لیتا ہے تو وہ 4 مارچ کو کولمبو میں اپنا سیمی فائنل کھیلے گا۔

    عالمی سطح پر سونے کی قیمت میں ریکارڈ اضافہ

    آئی سی سی کا کہنا ہے کہ اگر پاکستان سیمی فائنل میں جگہ بنانے میں ناکام رہتا ہے لیکن سری لنکا کوالیفائی کر جاتا ہے تو اس صورت میں بھی اس کا سیمی فائنل کولمبو میں ہی ہو گاتاہم اگر پاکستان اور سری لنکا دونوں سیمی فائنل تک نہ پہنچ سکے تو دونوں سیمی فائنلز بھارت میں منعقد ہوں گے جن میں ایک کولکتہ جبکہ دوسرا ممبئی میں کھیلا جائے گا۔

    کرکٹ ماہرین کے مطابق آئی سی سی کا یہ فیصلہ انتظامی اور لاجسٹک معاملات کو مدنظر رکھتے ہوئے کیا گیا ہے تاکہ ٹورنامنٹ کے شیڈول کو بہتر انداز میں منظم رکھا جا سکے۔

    کمرہ عدالت میں خاتون جج کے خلاف نازیبا الفاظ کا استعمال،وکیل کو قید اور جرمانہ

  • پاک بھارت ہائی وولٹیج مقابلہ:آئی سی سی کا بڑا اعلان

    پاک بھارت ہائی وولٹیج مقابلہ:آئی سی سی کا بڑا اعلان

    انٹرنیشنل کرکٹ کونسل نے جدید ٹیکنالوجی اور عالمی سطح پر شائقین کی شمولیت کے ذریعے آئی سی سی مینز ٹی ٹوئنٹی ورلڈ کپ 2026 کو تاریخ کا سب سے زیادہ قابل رسائی عالمی کرکٹ ایونٹ بنانے کیلئے بڑا عالمی مہم پروگرام شروع کر دیا ہے۔

    آئی سی سی کے مطابق تمام میچز کو آئی سی سی ویب سائٹ اور ایپ پر ICC.tv کے ذریعے 80 سے زائد خطوں میں دکھایا جا رہا ہے جبکہ پہلی بار منتخب میچز یوٹیوب پر بھی براہ راست نشر کیے جا رہے ہیں ان میں بھارت اور پاکستان کے درمیان گروپ اے کا بڑا میچ کولمبو میں شامل ہے جس کیلئے جاپانی اور باہاسا زبان میں کمنٹری بھی فراہم کی جا رہی ہے۔

    آئی سی سی ٹی وی پر انگریزی کے ساتھ ہندی، اردو اور نیپالی کمنٹری بھی دستیاب ہے۔ بھارت میں براڈکاسٹ پارٹنر JioStar میچز کو متعدد علاقائی زبانوں میں نشر کر رہا ہے ریڈیو نشریات برٹش براڈکاسٹنگ کارپوریشن تیار کر رہی ہے جو عالمی سطح پر آئی سی سی ایپ پر دستیاب ہیں۔

    مشترکہ بزنس فورم میں شرکت کیلئے وزیرِ اعظم 2 روزہ سرکاری دورے پر آسٹریا روانہ

    ٹورنامنٹ کے دوران آئی سی سی نے نیا Creator Club اور Match Insights فیچر بھی متعارف کروایا ہے جس سے شائقین کو حقیقی وقت کے اعداد و شمار کے ذریعے کھیل کو بہتر سمجھنے میں مدد مل رہی ہے شائقین کو مزید قریب لانے کیلئے عالمی سطح پر فین پارکس بھی قائم کیے گئے ہیں۔ بھارت میں Marriott Bonvoy اور سنیما چین PVR Inox کے ذریعے میچز دکھائے جا رہے ہیں سری لنکا میں Dialog جبکہ Budweiser نے بھی فین ایکٹیویشنز شروع کی ہیں۔

    متحدہ عرب امارات کے شہر دبئی میں STARZPLAY پروموشن کر رہا ہے جبکہ Coca-Cola نے نیپال کے شہر کھٹمنڈو میں فین پارک قائم کیا ہے پاکستان میں فین پارکس کراچی اور لاہور میں قائم کیے گئے ہیں جہاں ڈیجیٹل پارٹنر Tapmad کے ذریعے میچز دکھائے جا رہے ہیں۔

    قلات میں سیکیورٹی فورسز کا آپریشن، فتنہ الہندوستان کے 4 دہشتگرد ہلاک

  • پاک بھارت ٹاکرا:محسن نقوی کولمبو روانہ

    پاک بھارت ٹاکرا:محسن نقوی کولمبو روانہ

    کولمبو میں ہونے والا پاک بھارت میچ دیکھنے کیلئے چیئرمین پاکستان کرکٹ بورڈ (پی سی بی) محسن نقوی لاہور سے سری لنکا روانہ ہو گئے ہیں –

    ذرائع کے مطابق وہ میچ سے قبل قومی اسکواڈ سے ملاقات کریں گے اور کھلاڑیوں کی حوصلہ افزائی بھی کریں گے اس کے علاوہ وہ مختلف کرکٹ بورڈز کے سربراہان سے بھی ملاقاتیں کریں گے –

    ذرائع کا کہنا ہے کہ آئی سی سی کے دیگر عہدیداران اور بھارتی کرکٹ بورڈ کے آفیشلز بھی اس اہم میچ کے موقع پر کولمبو میں موجود ہوں گے، یوں پی سی بی اور بھارتی بورڈ کے نمائندے ایک ہی مقام پر جمع ہوں گےسری لنکا کرکٹ کی جانب سےمختلف بورڈز کے عہدیداروں کو مدعو کیا گیا ہے اور امکان ظاہر کیا جا رہا ہے کہ بنگلادیش کرکٹ بورڈ کے صدر بھی اس موقع پر شریک ہوں گے۔

    بنگلادیش نیشنلسٹ پارٹی کا شہباز شریف اور آصف زرداری سے اظہارِ تشکر

    آئی سی سی نے ایشیا کے پانچ بڑے کرکٹ کھیلنے والے ممالک پاکستان، بھارت، بنگلادیش، افغانستان اور سری لنکا کے سربراہان کو مدعو کیا ہے تاکہ باہمی مکالمے کے ذریعے حالیہ کشیدگی کو کم کیا جا سکے۔

    بنگلادیش کرکٹ بورڈ کے صدر امین الاسلام نے ایک انٹرویو میں بتایا کہ یہ ملاقات کولمبو میں پاک بھارت میچ کے موقع پر سائیڈ لائنز پر ہوگی اس اجلاس کا مقصد تینوں ممالک کے درمیان تعلقات کو بہتر بنانا ہے جو ورلڈ کپ سے قبل بعض معاملات پر کشیدہ ہو گئے تھے، آئی سی سی چاہتا ہے کہ یہ نمائندے ایک ساتھ بیٹھیں، میچ دیکھیں اور مثبت بات چیت کے ذریعے مسائل کا حل نکالیں۔

    آلو کے کاشتکاروں کیلئے وزیراعلی پنجاب نے وزیراعظم کو خط لکھ دیا

  • پاک بھارت میچ فیصلہ:محسن نقوی کمال کرتا جا رہا جبکہ آئی سی سی نے اپنی ساکھ کھو دی

    پاک بھارت میچ فیصلہ:محسن نقوی کمال کرتا جا رہا جبکہ آئی سی سی نے اپنی ساکھ کھو دی

    حکومتِ پاکستان نے قومی کرکٹ ٹیم کو آئی سی سی ٹی20 ورلڈ کپ میں بھارت کے خلاف میچ کھیلنے کی اجازت دے دی ہے اس فیصلے کے بعد شائقینِ کرکٹ کی جانب سے مختلف ردِعمل سامنے آ رہے ہیں –

    سوشل میڈیا پر ایک صارف نے تبصرہ کرتے ہوئے کہا کہ بالآخر آئی سی سی نے اپنی ساکھ کھو دی ہے پورا بھارت میچ کے لیے پاکستان کی منتیں کر رہا تھا اور اب پاکستان 15 فروری کو ٹی20 ورلڈ کپ میں بھارت کے خلاف میدان میں اترے گا،جبکہ مزمل نامی صارف نے کہا کہ محسن نقوی کمال کرتا جا رہا ہے آئی سی سی کے ساتھ میٹنگ کے لیے بنگلہ دیش کے صدر کو پاکستان بلایا اور اسے ساتھ بیٹھا کر آئی سی سی کے ڈپٹی چئیرمین ساتھ میٹنگ کی بسنت کی خوشیوں میں بھی شامل کیا۔

    فیضان لاکھانی نے لکھا کہ جب ایک ایسے ملک کا صدر عوامی سطح پر آپ کا شکریہ ادا کر رہا ہو اور وہ بھی ایسے میچ کے لیے جس میں اس کی اپنی ٹیم نہ کھیل رہی ہو تو یہ واضح ہوتا ہے کہ یہ سب کھیل سے کہیں بڑا معاملہ تھا اس سے پاکستانی کی کرکٹ کی دنیا میں اہمیت کا اندازہ ہوتا ہے اور یہ بھی پتہ چلتا ہے کہ اس معاملے کو حل کرنے کے لیے حکومتی مداخلت کی ضرورت کیوں تھی۔

    ایک اور صارف نے لکھا کہ پاکستان جیت گیا، پاکستان کے بنا انٹرنیشنل کرکٹ نہیں ہو سکتی پاکستان نے آئی سی سی سے ساری شرطیں منوا لیں ہیں،ایک صارف نے لکھا کہ پاکستان عالمی کرکٹ کا دل ہے اور پاکستان کے بغیر کرکٹ نامکمل ہے بھارت اور آئی سی سی نے خود یہ ثابت کر دیا ہے۔

    دوسری جانب پاکستان اورآئی سی سی کے درمیان معاملات طے ہونے کے بعد بھارت میں واویلا مچ گیا۔

    بھارتی میڈیا پر شائع رپورٹ میں کہا گیا ہےکہ ورلڈ کرکٹ پاکستان کےبغیر نہیں چل سکتی، ہمیں نہ چاہتے ہوئے بھی ان سے ہاتھ ملانا پڑے گا اور گلے ملنا پڑے گا بھارت میڈیا نے مؤقف اپنایا کہ پاکستان نے سفارتی و اسٹریٹیجک طریقے سے بنگلادیش کوجیت لیا پاکستان نے کمزور ہوکر بھی شرائط منوالی، یہ ہندوستان کی بےعزتی ہے،اس کے علاوہ بھارتی میڈیا نے حارث روف کے اشارے کا حوالہ بھی دیا۔

  • بنگلہ دیش کی 200 ملین سے زائد کرکٹ مارکیٹ کی ترقی میں تعاون جاری رکھیں گے،آئی سی سی

    بنگلہ دیش کی 200 ملین سے زائد کرکٹ مارکیٹ کی ترقی میں تعاون جاری رکھیں گے،آئی سی سی

    آئی سی سی کا کہنا ہے کہ وہ بنگلہ دیش کی 200 ملین سے زائد کرکٹ مارکیٹ کی ترقی میں تعاون جاری رکھے گا۔

    ٹی ٹوئنٹی ورلڈ کپ میں پاکستان نے بھارت سے میچ کھیلنے کی حامی بھر لی جس کے بعد انٹرنیشنل کرکٹ کونسل کا کہنا ہے کہ پی سی بی سے بات چیت وسیع تر رابطے کے عمل کا حصہ تھی، دونوں فریقوں نے کھیل کے مفاد میں کام کرنے کا عزم کیا۔

    آئی سی سی نے واضح کیا کہ تمام رکن ممالک ایونٹس سے متعلق اپنے وعدوں کا احترام کریں گے اور ٹی ٹوئنٹی ورلڈ کپ کو کامیاب بنانے کے لیے ہر ضروری اقدام اٹھائیں گے تمام ممبرز مشترکہ طور پر ایونٹ کی کامیابی کے لیے ہر ممکن کوشش کریں گے۔

    آئی سی سی نے اس عزم کا بھی اعادہ کیا کہ وہ بنگلہ دیش کی 200 ملین سے زائد کرکٹ مارکیٹ کی ترقی میں تعاون جاری رکھے گا ٹی ٹوئنٹی ورلڈ کپ میں عدم شرکت کی صورت میں بھی اس کے بنگلہ دیش کرکٹ پر طویل مدتی منفی اثرات مرتب نہیں ہونے دیے جائیں گے۔

  • نہ میں دھمکی سے ڈرتا ہوں، نہ حکومت اور فیلڈ مارشل کا آپ کو پتا ہی ہے،محسن نقوی

    نہ میں دھمکی سے ڈرتا ہوں، نہ حکومت اور فیلڈ مارشل کا آپ کو پتا ہی ہے،محسن نقوی

    محسن نقوی نے کہا کہ آئی سی سی اور بنگلہ دیش کرکٹ بورڈ کے درمیان معاملہ چل رہا ہے، پاکستان بھی انتظار کررہا ہے اور بنگلہ دیش کی حمایت میں وہی کیا جو کرنا چاہیے تھا۔

    لاہور میں میڈیا سے گفتگو کرتے ہوئے کہا کہ چیئرمین پاکستان کرکٹ بورڈ محسن نقوی نے کہا ہے کہ ورلڈ کپ میں مسئلہ بنگلہ دیش کا تھا، اور ابھی آئی سی سی سے بات چیت چل رہی ہے، ہم نے بنگلہ دیش کا مؤقف سامنے نہیں آنے دیا تھا، آئی سی سی اور بنگلہ دیش کرکٹ بورڈ کے درمیان معاملہ چل رہا ہے، پاکستان بھی انتظار کررہا ہے اور بنگلہ دیش کی حمایت میں وہی کیا جو کرنا چاہیے تھا۔

    انہوں نے کہا کہ گھر آئے مہمان کی عزت کرنا سیکھا ہے، اور اگر کوئی خود چل کر آئے تو بہت ساری چیزیں بھول جاتی ہیں بنگلہ دیش سے اطلاعات کا انتظار ہے،ایک سوال کے جواب میں کہ کیا اس معاملے پر کسی دوست ملک نے مداخلت کی، انہوں نے کہا کہ بہت سارے دوست ممالک نے ہم سے بات کی، ہم نے انہیں اپنے مؤقف سے آگاہ کیا، آگے دیکھتے ہیں کیا ہوتا ہے۔

    بھارت کے خلاف میچ نہ کھیلنے پر پاکستان پر پابندی کی دھمکیوں اور بھاری جرمانے عائد کیے جانے کے سوال پر چیئرمین پی سی بی نے کہا کہ نہ میں دھمکی سے ڈرتا ہوں، نہ حکومت اور فیلڈ مارشل کا آپ کو پتا ہی ہے، اس لیے کوئی مسئلہ نہیں ہے۔

  • آئی سی سی کی ہنگامی میٹنگ آج، بنگلا دیش بورڈ کے سربراہ لاہور پہنچ گئے

    آئی سی سی کی ہنگامی میٹنگ آج، بنگلا دیش بورڈ کے سربراہ لاہور پہنچ گئے

    بنگلادیش کرکٹ بورڈ کے سربراہ امین الاسلام آئی سی سی کے ہنگامی اجلاس میں شرکت کے لیے پاکستان پہنچ گئے۔

    ذرائع کے مطابق امین الاسلام ممکنہ طور پر پی سی بی اور آئی سی سی کی ہنگامی میٹنگ میں شرکت کریں گے، دونوں کرکٹ بورڈ کے سربراہ آئی سی سی کے اجلاس میں ورچوئل شرکت کریں گے،چیئرمین بی سی بی امین الاسلام پاکستان کرکٹ بورڈ کے سربراہ محسن نقوی سے ملاقات بھی کریں گے، بی سی بی صدر امین الاسلام آئی سی سی اجلاس میں شرکت کے بعد شام کو ڈھاکا کے لیے واپس روانہ ہو جائیں گےممکنہ طور پر ایشین کرکٹ کونسل کے اجلاس میں دیگر بورڈ ممبرز بھی شریک ہوں گے۔

    پاکستان نے ٹی ٹوئنٹی ورلڈ کپ میں بھارت کے خلاف میچ کھیلنے سے انکار کر دیا تھا جس پر آئی سی سی کی ایک اور ہنگامی میٹنگ آج ہوگی ذرائع کا کہنا ہے کہ ملاقات میں پاک بھارت میچ سے متعلق بھی گفتگو متوقع ہے، اعلی ٰحکام کی اہم ملاقات میں مختلف آپشنز پر غور ہو گا، ذرائع کا کہنا ہے کہ آئی سی سی کی جانب سے پاکستان کو منانے کی کوششیں جاری ہیں۔