Baaghi TV

Tag: آئی سی سی

  • چیمپئینز ٹرافی کے حتمی شیڈول کا اعلان آج کئے جانے کا امکان

    چیمپئینز ٹرافی کے حتمی شیڈول کا اعلان آج کئے جانے کا امکان

    دبئی: آئی سی سی چیمپئینز ٹرافی 2025 کی میزبانی سے متعلق حتمی شیڈول کا اعلان آج کئے جانے کا امکان ہے۔

    باغی ٹی وی : میڈیا رپورٹس کے مطابق پی سی بی اور بی سی سی آئی کے درمیان معاملات طے پا گئے ہیں، دونوں بورڈ کے درمیان معاہدے بھی اب آخری مراحل میں ہیں،دونوں بورڈز نے باہمی تعاون کے ساتھ آئی سی سی کو نئے مسودے پر یقین دہانی کروادی ہے جس کے بعد آج حتمی اعلان کئے جانے کی توقع ہے، چیمپئینز ٹرافی ہائبرڈ ماڈل کے تحت کھیلی جائے گی اور 2026 تک پاکستانی ٹیم کسی بھی آئی سی سی ایونٹ کے لیے بھارت کے دورے پر نہیں جائے گی۔

    اگر چیمپیئنز ٹرافی میں بھارتی ٹیم سیمی فائنل یا فائنل تک نہیں پہنچ پاتی تو ایونٹ کے دونوں سیمی فائنل اور فائنل پاکستان میں ہی کھیلا جائے بصورت دیگر ایک سیمی فائنل اور فائنل بھارتی ٹیم کے پہنچنے پر متحدہ عرب امارات میں کھیلا جائے گا۔

    چیمپیئنز ٹرافی میں پاک بھارت میچ بھی دبئی میں کھیلا جائے گا، اپنے تین گروپ میچز بھی بھارت دبئی میں ہی کھیلے گا، میڈیا ذرائع کے مطابق بورڈ کے ان آفیشل اجلاس میں آئی سی سی نے ہائبرڈ ماڈل کی منظوری دے دی ہے اور اس ضمن میں پاکستان اور بھارت میں اصولی معاہدہ بھی ہوگیا ہے۔

    علاوہ ازیں بھارتی میڈیا کی جانب سے یہ دعویٰ کیا گیا ہے کہ بورڈ کے ان آفیشل اجلاس میں آئی سی سی نے ہائبرڈ ماڈل کی منظوری دی اور اس ضمن میں پاکستان اور بھارت میں اصولی معاہدہ بھی ہو گیا ہے 2026 کے ٹی20 ورلڈ کپ کے لیے پاکستان ٹیم بھارت نہیں جائے گی اور پاک بھارت لیگ میچ کولمبو میں کھیلا جائےگا پاکستان کو کوئی زرتلافی نہیں ملےگا۔

    پاکستان 2027 کے بعد آئی سی سی ویمنز ٹورنامنٹ کی میزبانی کرے گا جب کہ 2026 کے ٹی20 ورلڈکپ کے ناک آؤٹ میچز کا معاملہ بعد طے ہوگا۔

  • چیمپئنز ٹرافی:وزیراعظم کا محسن نقوی پر مکمل اعتماد کا اظہار

    چیمپئنز ٹرافی:وزیراعظم کا محسن نقوی پر مکمل اعتماد کا اظہار

    اسلام آباد: وزیراعظم شہباز شریف نے آئی سی سی چیمپئنز ٹرافی کے حوالے سے پاکستان کرکٹ بورڈ (پی سی بی) کے چیئرمین محسن نقوی پر مکمل اعتماد کا اظہار کر دیا۔

    باغی ٹی و ی: وزیراعظم شہبازشریف سے وفاقی وزیرداخلہ اور چیئرمین پی سی بی محسن نقوی کی ملاقات ہوئی ہے، ملاقات کے دوران چیئرمین پی سی بی نے وزیراعظم کو آئی سی سی چیمپئنز ٹرافی ٹورنامنٹ کی پیشرفت کے حوالے سے آگاہ کیاشہباز شریف نے چیمپئنز ٹرافی سے متعلق چیئرمین پی سی بی محسن نقوی کے اصولی مؤقف کو سراہا۔

    وزیراعظم شہباز شریف نے چیمپئنز ٹرافی ٹورنامنٹ کے حوالے سے محسن نقوی پر مکمل اعتماد کا اظہار کرتے ہوئے کہا کہ چیمپئنز ٹرافی ٹورنامنٹ سے متعلق آپ کا مؤقف ہر پاکستانی کے دل کی آواز ہے، آئی سی سی میں آپ نے پاکستان کے 24 کروڑ عوام کی ترجمانی کی، پاکستان کی عزت سب سے پہلے ہے اور اس کے بعد کچھ اور ہے۔

    اس موقع پر چیئرمین پی سی بی محسن نقوی نے بتایا کہ پی سی بی پاکستان میں چیمپئنز ٹرافی کے انعقاد کے لیے مکمل طور پر تیار ہے، پاکستان اور کرکٹ کی جیت چاہتے ہیں، انشاء اللہ چیمپئنز ٹرافی کے حوالے سے اچھی خبر سامنے آئے گی۔

  • جنوبی افریقہ کے 3 سابق کرکٹرز کرپشن کیس میں گرفتار

    جنوبی افریقہ کے 3 سابق کرکٹرز کرپشن کیس میں گرفتار

    پولیس نے جنوبی افریقہ کے 3 سابق کرکٹرز کو کرپشن کیس میں گرفتار کرلیا ہے۔

    میڈیا رپورٹس کے مطابق جنوبی افریقہ کی پولیس کا اس حوالے سے کہنا ہے کہ 3 سابق کرکٹرز کرپشن کیس میں گرفتار کرلیا ہے، سوٹ سوبے، سولوکیلی اور ایم بھالاتی پر میچ فکسنگ کے الزامات ہیں۔کرکٹ جنوبی افریقہ کے مطابق تینوں کھلاڑیوں کو 2017 میں کرکٹ سے معطل کیا جاچکا ہے۔اس سے قبل انٹرنیشنل کرکٹ کونسل (آئی سی سی) کے انسداد بدعنوانی ٹریبیونل نے میچ فکسنگ کا الزام سچ ثابت ہونے پر دو کھلاڑیوں پر پابندی عائد کردی تھی۔رپورٹس کے مطابق انٹرنیشنل کرکٹ کونسل میں اماراتی کھلاڑیوں محمد نوید اور شیمان انور کو میچ فکسنگ کا قصور وار قرار دیاگیا تھا۔متحدہ عرب امارات کی کرکٹ ٹیم کے کپتان محمد نوید اور بلے باز شیمان انور پر 2019 میں کرپشن کا الزام عائد کیا گیا تھا۔آئی سی سی کی جانب سے لگائے گئے الزامات کے مطابق محمد نوید اور شیمان انور نے 2019 کے ٹی20 ورلڈ کپ کے لیے کوالیفائی ہونے والے اماراتی ٹیم کے کھلاڑیوں کو میچ فکسنگ کی پیش کش کی تھی۔رپورٹ کے مطابق بعد ازاں اماراتی کرکٹ بورڈ نے محمد نوید پر ٹی ٹین لیگ سے متعلق دو کرپشن کیسز کا الزام عائد کیا گیا تھا۔

    سکیورٹی فورسز کی خیبرپختونخواہ میں کارروائیاں، 8 خارجی دہشتگرد ہلاک

    چین کا تائیوان کو ہتھیاروں کی فروخت کی امریکی منظوری پر شدید ردعمل

    پہلا ٹی ٹونٹی، پاکستان کا ٹاس جیت کر بیٹنگ کا فیصلہ

    پہلا ٹی ٹونٹی، پاکستان کا ٹاس جیت کر بیٹنگ کا فیصلہ

  • جے شاہ نے چیئرمین آئی سی سی کا چارج سنبھال لیا

    جے شاہ نے چیئرمین آئی سی سی کا چارج سنبھال لیا

    دبئی: بی جے پی رہنما اور وزیر داخلہ امیت شاہ کے بیٹے اور بھارتی کرکٹ بورڈ کے سیکرٹری جے شاہ نے آئی سی سی چیئرمین شپ کا چارج سنبھال لیا۔

    باغی ٹی وی : آئی سی سی نے بھی تصدیق کر دی ہے کہ جے شاہ نے بطور آئی سی سی چیئرمین عہدے پر کام کا آغاز کر دیا ہے، چیئرمین آئی سی سی کی حیثیت سے جے شاہ کے عہدے کی مدت شروع ہو گئی ہے۔

    جے شاہ نے اپنے بیان میں کہا کہ آئی سی سی چیئرمین کا عہدہ سنبھالنے پر فخر محسوس کر رہا ہوں، آئی سی سی ڈائریکٹرز اور رکن بورڈز کی حمایت اور اعتماد کا شکر گزار ہوں،یہ کھیل کے لیے پُرجوش لمحہ ہے، ہم اولمپکس 2028 کی تیاری کر رہے ہیں، ہم کرکٹ کو شائقین کے لیے مزید دلچسپ بنانے کی کوشش کر رہے ہیں، ہم ایک اہم موڑ پر ہیں جہاں مختلف فارمیٹس ایک ساتھ موجود ہیں۔

    آئی سی سی چئیرمین کو ایک ماہ کی توسیع دینے کا فیصلہ

    انہوں نے کہا کہ خواتین کے کھیل کی ترقی کو تیز کرنے کی ضرورت ہے، کرکٹ میں عالمی سطح پر بے پناہ صلاحیت موجود ہے، کھیل کو نئی بلندیوں تک لے جانے کے لیے آئی سی سی ٹیم اور رکن ممالک کے ساتھ قریبی کام کرنے کا منتظر ہوں۔

    پاکستان ہائبرڈ ماڈل پر راضی، بھارتی میڈیا کا دعویٰ

  • آئی سی سی چئیرمین کو ایک ماہ کی توسیع دینے کا فیصلہ

    آئی سی سی چئیرمین کو ایک ماہ کی توسیع دینے کا فیصلہ

    دبئی: آئی سی سی کے چیئرمین گریگ بارکلے کو ایک ماہ کی توسیع دینے کا فیصلہ کیا گیا ہے-

    باغی ٹی وی : کرکٹ ویب سائٹ کے مطابق گریگ بارکلے کے منصب کی میعاد یکم دسمبر کو ختم ہو رہی ہے، گریگ بارکلے کا تعلق نیوزی لینڈ سے ہے، انہوں نے اگست میں یہ منصب چھورنے کا اعلان کیا تھا، پہلے کہا گیا تھا کہ گریگ بارکلے 30 نومبر کو منصب چھوڑ دیں گے،اب ان کی مدت میں ایک ماہ تک کا اضافہ کیا جاسکتا ہے۔

    بورڈ آف کنٹرول فار کرکٹ ان انڈیا (BCCI) کے سکریٹری جے شاہ کو انٹرنیشنل کرکٹ کونسل (ICC) کا چارج سنبھالنے کے لیے انتظار کرنا پڑ سکتا ہے، کرکٹ پاکستان کی رپورٹس کے مطابق معلوم ہوا ہے کہ ان کی تقرری میں ایک ماہ کی تاخیر ہو سکتی ہے۔

    بی سی سی آئی کے سکریٹری جے شاہ یکم دسمبر سے آئی سی سی کا چارج سنبھالنے کے لیے تیار تھے تاہم، موجودہ چیئرمین گریگ بار کلے کو ایک ماہ کی توسیع دینے کا فیصلہ کیا گیا ہے تاکہ آئی سی سی کی قیادت میں ہموار منتقلی کو یقینی بنایا جا سکے۔

    بارکلے کے بعد آئی سی سی کے چیئرمین کے منصب پر جے شاہ فائز ہوں گے جو بلا مقابلہ منتخب ہوئے ہیں، انہیں یکم دسمبر کو چارج لینا ہے، اب ایسا لگتا ہے کہ آئی سی سی میں قیادت کی تبدیلی میں کم و بیش ایک ماہ کا وقت لگے گا،گریگ بارکلے نیوزی لینڈ کرکٹ (بورڈ) کے چیئرمین تھے، آئی سی سی کے چیئرمین کے منصب کے لیے منتخب ہونے پر انہوں نے قومی منصب چھوڑ دیا تھا تاکہ آئی سی سی میں ڈھنگ سے خدمات انجام دے سکیں۔

  • پاکستان ہائبرڈ ماڈل پر راضی، بھارتی میڈیا کا دعویٰ

    پاکستان ہائبرڈ ماڈل پر راضی، بھارتی میڈیا کا دعویٰ

    بھارتی میڈیا کا کہنا ہے کہ پی سی بی نے آئی سی سی چیمپئنز ٹرافی کےلیے ہائبرڈ ماڈل پر مشروط رضامندی ظاہر کردی۔

    باغی ٹی وی : بھارتی میڈیا کا دعویٰ ہےکہ پاکستان کرکٹ بورڈ چیمئنز ٹرافی کے لیے ہائبرڈ ماڈل پر مشروط طور پر مان گیا ہے، پاکستان کی شرط ہے کہ آئندہ انڈیا میں ہونے والے آئی سی سی ایونٹس میں پاکستان کے لیے بھی ہائبرڈ ماڈل ہوگا،اگر انڈیا پاکستان میں نہیں کھیلے گا تو پاکستان کے لیے بھی وہی فارمولا ہونا چاہیے۔

    رپورٹ کے مطابق پی سی بی کی شرط ہےکہ اگر انڈیا چیمپئنز ٹرافی کے سیمی فائنل اور فائنل میں نہ پہنچا تو یہ میچز پاکستان میں ہی ہوں گے یو اے ای میں ہونے والے میچز کی گیٹ منی سے اماراتی بورڈ پی سی بی کو حصہ دےگا،آئی سی سی چیمپئنز ٹرافی پر حتمی فیصلہ اگلے ایک دو روز میں متوقع ہے۔

    دوسری جانب دبئی میں گفتگو کرتے ہوئے چیئرمین پی سی بی محسن نقوی کا کہنا تھا کہ وہ کچھ کریں گے جس سے ملک اور کرکٹ کی جیت ہو ، ایسا فیصلہ ہوگا کہ آئی سی سی کے مستقبل کے ایونٹس بھی اسی فارمولالے کے تحت ہوں گے، ون سائیڈ فیصلے نہیں کرنے دیں گے، جیت ہم نے کرکٹ کی کرنی ہے، فیصلے برابری کی بنیاد پر ہونے چاہئیں، ہم بھارت جائیں اور وہ پاکستان نہ آئیں، ایسا نہیں ہوسکتا ہے، لانگ ٹرم بات کرنا ہوگی، فیصلے صرف چیمپئنز ٹرافی تک محدود نہیں کیے جاسکتے، طویل مدت پر ٹورنامنٹس کے لیے فارمولا طےکرنا ہوگا۔

    ذرائع پی سی بی کا کہنا ہےکہ پاکستان کی شرائط نہ مانی گئیں تو پاکستان چیمپئنز ٹرافی کا ہائبرڈ ماڈل بھی نہیں مانےگا۔

  • آئی سی سی چیمپئنز ٹرافی ،معاملات مثبت سمت میں بڑھنے کا امکان

    آئی سی سی چیمپئنز ٹرافی ،معاملات مثبت سمت میں بڑھنے کا امکان

    آئی سی سی چیمپئنز ٹرافی کیلئے اسٹیک ہولڈرز کے درمیان معاملات مثبت سمت میں آگے بڑھ رہے ہیں

    آئی سی سی چیمپئنز ٹرافی کے انعقاد کے حوالے سے اسٹیک ہولڈرز کے درمیان معاملات اب مثبت سمت میں آگے بڑھ رہے ہیں۔ چیمپئنز ٹرافی کی میزبانی کے بارے میں گزشتہ روز دبئی میں ہونے والا آئی سی سی کا ہنگامی اجلاس اہمیت کا حامل تھا، تاہم اس اجلاس میں کوئی حتمی فیصلہ نہیں کیا جا سکا تھا۔

    آئی سی سی، پاکستان کرکٹ بورڈ (پی سی بی) اور بھارتی کرکٹ بورڈ (بی سی سی آئی) کے درمیان اس معاملے کو حل کرنے کے لیے اتفاق رائے پر بات کی گئی تھی۔ اجلاس میں یہ فیصلہ کیا گیا تھا کہ اس معاملے کو تینوں اداروں کے مشترکہ اجلاس کے ذریعے حل کیا جائے گا۔ اسی سلسلے میں ایک نیا اجلاس آج دوبارہ بلانے کا فیصلہ کیا گیا تھا۔تاہم، اس کے بعد اطلاعات موصول ہوئیں کہ آج ہونے والی آئی سی سی بورڈ میٹنگ ملتوی کر دی گئی ہے۔ لیکن ذرائع نے بتایا ہے کہ چیمپئنز ٹرافی کے وینیو اور شیڈول سے متعلق پس پردہ بات چیت کا سلسلہ جاری ہے، اور جلد ہی اس بارے میں کوئی اہم پیشرفت متوقع ہے۔

    ذرائع کا کہنا ہے کہ آئی سی سی بورڈ میٹنگ کسی بھی وقت، ممکنہ طور پر آج رات یا کل بلائی جا سکتی ہے۔ یہ بات بھی سامنے آئی ہے کہ اسٹیک ہولڈرز کے درمیان معاملات اب مثبت سمت میں آگے بڑھ رہے ہیں اور جلد ہی اس اہم ٹورنامنٹ کے حوالے سے کوئی حتمی فیصلہ متوقع ہے۔چیمپئنز ٹرافی کے حوالے سے یہ پیشرفت کرکٹ دنیا میں اہمیت کی حامل ہے کیونکہ یہ ٹورنامنٹ بین الاقوامی کرکٹ کے منظرنامے پر ایک اہم مقام رکھتا ہے اور اس کی میزبانی کے لیے مختلف ممالک اور کرکٹ بورڈز کے درمیان مسلسل مشاورت جاری ہے۔

    یہ پیشرفت پاکستان کرکٹ کے لیے بھی ایک بڑی خوشخبری ہو سکتی ہے کیونکہ پاکستان میں بین الاقوامی کرکٹ کی واپسی کی کوششیں مسلسل جاری ہیں، اور آئی سی سی چیمپئنز ٹرافی کا انعقاد پاکستان کے کرکٹ شائقین کے لیے ایک تاریخی موقع ہوگا۔آگے آنے والے دنوں میں مزید اطلاعات اور تفصیلات سامنے آئیں گی جس سے اس ٹورنامنٹ کے انعقاد کے بارے میں حتمی فیصلہ کیا جا سکے گا۔

  • پاکستان کو چیمپئنز ٹرافی ہائبرڈ ماڈل نہ ماننے پرمنتقلی کی دھمکی

    پاکستان کو چیمپئنز ٹرافی ہائبرڈ ماڈل نہ ماننے پرمنتقلی کی دھمکی

    انٹرنیشنل کرکٹ کونسل کا چیمپئنز ٹرافی کی میزبانی سے متعلق فیصلے کے لیے اہم اجلاس کل تک کے لیے ملتوی ہوگیا۔

    غیر ملکی میڈیا رپورٹس کے مطابق بھارت مکمل چیمپئنز ٹرافی پاکستان سے باہر لے جانے کےلیے لابنگ کررہا ہے لیکن پی سی بی نے بھی بھارتی حربے بلاک کرنے کی تیاری مکمل کرلی ہے، پاکستان کرکٹ بورڈ کوئی بھی آپشن اپنی شرائط کے بغیر تسلیم نہیں کرے گا۔ ایونٹ کی میزبانی کے فرائض پاکستان کے سپرد ہیں تاہم بھارتی انکار کے بعد آئی سی سی کے پیش کردہ ہائبرڈ ماڈل کو چیئرمین پی سی بی اور حکومت نے ماننے سے صاف انکار کرتے ہوئے دوٹوک پیغام دیا ہےکہ فیصلہ برابری کی بنیاد پر ہوگا۔پاکستان کا کہنا ہے کہ اگر بھارت کو کسی قسم کا فائدہ پہنچایا گیا تو پاکستانی ٹیم آئندہ ایونٹس میں روایتی حریف کے خلاف کسی بھی میدان میں کھیلنے کے لیے نہیں اترے گی۔ اُدھر بھارتی کرکٹ بورڈ (بی سی سی آئی) اپنے اسپانسرز اور پیسے کا رعب دکھاتے ہوئے انٹرنیشنل کرکٹ کونسل (آئی سی سی) کو ہائبرڈ ماڈل پر ایونٹ کروانے کے لیے مجبور کرے گا۔پاکستان نے بورڈ میٹنگ سے قبل ہی ٹرافی کا قابل قبول فارمولا طلب کیا تھا۔ اس سلسلے میں چیئرمین پی سی بی محسن نقوی نے پاکستان کے واضح مؤقف سے آئی سی سی کو آگاہ کردیا ہے۔ محسن نقوی کا کہنا تھا کہ ہم زخم سہہ لیں گے لیکن ہم اپنی عزت پر بات نہیں آنے دیں گے۔ پی سی بی چیمپئینز ٹرافی کے تمام انتظامات تقریباً مکمل کرچکا ہے اور حتمی فیصلے کا انتظار ہے۔دوسری جانب براڈ کاسٹرز کی جانب سے شیڈول کے لیے دی گئی ڈیڈلائن بھی ختم ہوچکی ہے، دونوں ممالک کے درمیان ڈیڈلاک کی وجہ سے معاملات بورڈ ممبرز کی ووٹنگ کے ذریعے حل کیا جاسکتا ہے۔

    ریلوے آمدن میں اضافہ ،بلند ترین سطح پر پہنچ گئی

    سونے کی اونچی اڑان، آج بڑا اضافہ

    جنرل ساحر شمشاد کا نیول آپریشنل بیس اورماڑہ کا دورہ

    پسند کی شادی پر باجوڑ سے علاقہ بدر کیے گئے میاں بیوی کراچی میں قتل

    آرمی چیف کا نیشنل کاؤنٹر ٹیررازم سینٹر کا دورہ،مشقوں کا مشاہدہ کیا

  • چیمپئنز ٹرافی: زخم سہہ لیں گے لیکن اس بار توہین برداشت نہیں کریں گے،محسن نقوی

    چیمپئنز ٹرافی: زخم سہہ لیں گے لیکن اس بار توہین برداشت نہیں کریں گے،محسن نقوی

    لاہور: چئیرمین پی سی بی محسن نقوی نے چیمپئنز ٹرافی سے متعلق آئی سی سی کو واضح پیغام بھیج دیا۔

    باغی ٹی وی : ذرائع کے مطابق چئیرمین پی سی بی نے پاکستانی موقف آئی سی سی آفیشلز کے سامنے رکھ دیا،چیئرمین پی سی بی محسن نقوی نے چیمپئنز ٹرافی کے حوالے سے اہم اجلاس سے قبل آئی سی سی کے عہدیداروں سے بات چیت کی اور اپنے انہیں واضح کردیا۔

    آئی سی سی کے عہدیداروں کو چئیرمین پی سی بی نے پاکستان کے واضح مؤقف سے آگاہ کر دیا اور دوٹوک پیغام دیا کہ پاکستان اپنے مؤقف پر واضح انداز میں کھڑا ہے،انہوں نے واضح پیغام دیا ہے کہ ہم زخم سہہ لیں گے لیکن اس بار توہین برداشت نہیں کریں گے۔

    دوسری جانب انٹرنیشنل کرکٹ کونسل نے پاکستان میں ہونے والی آئی سی سی چیمپئنز ٹرافی 2025 کے مستقبل پر غور کے لیے 29 نومبر کو بورڈ میٹنگ بلالی ہے، آئی سی سی کے ترجمان نے تصدیق کی ہے کہ یہ میٹنگ آن لائن منعقد ہوگی اور تمام بورڈ ممبران کو ایجنڈا بھیج دیا گیا ہے۔

    ذرائع کے مطابق میٹنگ کے دوران چیمپئنز ٹرافی کے شیڈولنگ اور مستقبل پر غور کیا جائے گا، اجلاس میں چیمپئنز ٹرافی پر مختلف آپشنز پر تبادلہ خیال کیا جائے گاان آپشنز میں چیمپئنز ٹرافی کا ہائبرڈ ماڈل، پاکستان سے مکمل منتقلی، یا ٹورنامنٹ کا التوا شامل ہیں،بورڈ کی ترجیح چیمپئنز ٹرافی کے لیے ہائبرڈ ماڈل کو اپنانا ہے، تاہم پاکستان کرکٹ بورڈ پہلے ہی اس ماڈل کی مخالفت کرچکا ہے بورڈ اراکین کی رائے اور تجاویز کو مدنظر رکھتے ہوئے چیمپئنز ٹرافی کے پر آئی سی سی کوئی حتمی فیصلہ کرے گا۔

  • چیئمپنز ٹرافی: ہائبرڈ ماڈل کے تحت کرانے کا پلان سامنے آگیا

    چیئمپنز ٹرافی: ہائبرڈ ماڈل کے تحت کرانے کا پلان سامنے آگیا

    آئی سی سی چیمپئنز ٹرافی 2025 ہائبرڈ ماڈل کے تحت کروانے کی صورت میں ٹورنامنٹ کے 10 میچز اور ایک سیمی فائنل پاکستان میں جب کہ بھارت کے میچز اور ایک سیمی فائنل متحدہ عرب امارات میں کرانے کا پلان ہے۔

    میڈیا رپورٹس کے مطابق انٹرنیشنل کرکٹ کونسل کا اجلاس 29 نومبر کو طلب کیا گیا ہے، پاکستان کرکٹ بورڈ (پی سی بی) نے آئی سی سی اجلاس کے لیے تیاری شروع کردی ہے۔ آئی سی سی کی جانب سے پی سی بی کو اگر ہائبرڈ ماڈل کے لیے مجبور کیا گیا تو بورڈ حکومت سے اجازت طلب کرے گا تاہم ابھی تک پاکستان کرکٹ بورڈ کا ہائبرڈ ماڈل قبول کرنے کا کوئی ارادہ نہیں ہے۔ بھارتی کرکٹ بورڈ ( بی سی سی آئی) جے شاہ کی آئی سی سی میں انٹری سے قبل تنازع کا حل چاہتا ہے جس کے لیے آئی سی سی نے چیمپئنز ٹرافی کے حوالے سے بورڈ میٹنگ 29 نومبر کو طلب کر رکھی ہے۔ آئی سی سی اور بی سی سی آئی نے چیمپئنز ٹرافی 2025 ہائبرڈ ماڈل کروانے کی صورت میں پی سی بی کو مالی فائدہ پہنچانے کا بھی پلان تیار کرلیا ہے۔ آئی سی سی نے ہائبرڈ ماڈل کے لیے پلان بھی تیار کیا ہوا ہے جس کے تحت ٹورنامنٹ کے 10 میچز اور ایک سیمی فائنل پاکستان میں کرانے کا پلان ہے جب کہ بھارت کے میچز اور ایک سیمی فائنل یو اے ای میں ہوگا۔آئی سی سی کے پلان کے مطابق اگر بھارت فائنل میں نہیں پہنچا تو فائنل پاکستان میں ہوگا تاہم بھارت کے فائنل میں پہنچنے کی صورت میں ٹورنامنٹ کا فائنل متحدہ عرب امارات میں ہوگا۔ہائبرڈ ماڈل ہونے کی صورت میں تمام اضافی اخراجات آئی سی سی اور بی سی سی آئی اٹھائے گا۔یاد رہے کہ آئی سی سی ون ڈے ورلڈکپ 1996 اور 2008 کے ایشیا کپ کے بعد پاکستان کو ایک عرصے بعد پہلی بار چیمپئنز ٹرافی کی میزبانی ملی ہے، جس کے تمام میچز اگلے سال 19 فروری سے 19 مارچ تک پاکستان کے تین بڑے شہروں کراچی، لاہور اور راولپنڈی میں کھیلے جائیں گے۔بھارت نے ایشیا کپ 2008 کے بعد سے پاکستان میں کوئی میچ نہیں کھیلا، جبکہ 13-2012 میں پاکستان کے دورہ بھارت کے بعد سے دونوں ممالک کے درمیان کوئی دو طرفہ سیریز بھی نہیں کھیلی گئی ہے۔گزشتہ سال بھی ایشیا کپ کی میزبانی پاکستان کو ملی تھی لیکن بھارت نے پاکستان آنے سے صاف انکار کردیا تھا جس کے بعد ہائبرڈ ماڈل کے تحت بھارت کے تمام میچز سری لنکا میں شیڈول کیے گئے تھے، جہاں کولمبو میں کھیلے گئے فائنل میں بھارت نے آسانی سے سری لنکا کو شکست دے کر ٹائٹل اپنے نام کرلیا تھا۔پاکستان اس چیمپئنز ٹرافی میں دفاعی چیمپئن کے طور پر شریک ہوگا، آخری بار چیمپئنز ٹرافی 2017 میں ہوئی تھی جو پاکستان نے سرفراز احمد کی قیادت میں جیتی تھی۔

    فضل الرحمان کی اسلام آباد میں پرتشدد واقعات کی مذمت

    ایف آئی اے چھاپہ، مینیجر سمیت 2 ملزمان گرفتار

    جلا ہوا پی ٹی آئی کا کنٹینر لوگ دیکھنے پہنچ گئے

    3 دن میں اسلام آباد آنے والے 3 منٹ میں بھاگ گئے، ناصر حسین شاہ