Tag: آتشزدگی

دبئی میں برج خلیفہ کے قریب 35 منزلہ عمارت میں خوفناک آگ بھڑک اٹھی-

باغی ٹی وی : خلیج ٹائمز کے مطابق پیر کی علی الصبح دبئی کے ڈاون ٹاؤن میں ایک اونچی عمارت میں آگ بھڑک اٹھی آگ نے دیکھتے ہی دیکھتے عمارت کی چار منزلوں کو اپنی لپیٹ میں لے لیا دبئی سول ڈیفنس نے تصدیق کی کہ تمام رہائشیوں کو بحفاظت نکال لیا گیا، کوئی زخمی یا جانی نقصان نہیں ہوا۔

بغیر پائلٹ کے عسکری ہیلی کاپٹر نے دو مشن مکمل کرلیے

پراپرٹی ڈویلپرایمار کے ترجمان نے تصدیق کی کہ آگ 8 بلیوارڈ واک نامی ٹاور میں لگی،متعلقہ حکومتی حکام کے تعاون سے صورتحال پر قابو پالیا گیا، اور کوئی جانی نقصان نہیں ہوا۔

پیر کی صبح 3.11 بجے آگ لگنے کی اطلاع ملتے ہی فائر فائٹرز پانچ منٹ سے بھی کم وقت میں جائے وقوعہ پر پہنچ گئے فائر بریگیڈ کے عملے نے دو گھنٹے کی مشقت کے بعد خوفناک آگ پر قابو پالیا۔ آگ لگتے ہی عمارت کو خالی کرالیا گیا تھا۔ آتشزدگی میں کسی کے ہلاک یا زخمی ہونے کی تاحال کوئی اطلاع نہیں۔

سعودی فضائیہ کا فائٹر طیارہ ایف 15 مشق کے دوران گر کر تباہ،پائلٹس محفوظ

سول ڈیفنس نے کہا کہ فیلڈ کمانڈر نے صبح 4:52 بجے تصدیق کی کہ آگ پر قابو پالیا گیا ہے صبح 6.08 بجے، فیلڈ کمانڈر نے اعلان کیا کہ آپریشن مکمل طور پر ختم ہو چکے ہیں اور یہ کہ ضروری کارروائی کرنے کے لیے سائٹ متعلقہ حکام کے حوالے کر دی جائے گی-

پراپرٹی ڈویلپر نے کہا کہ ایمار سخت پروٹوکول اور ضوابط کی پابندی کرتا ہے ہم اپنے رہائشیوں کی صحت اور حفاظت کو بہت سنجیدگی سے لیتے ہیں اور متعلقہ حکام کے ساتھ مل کر واقعے کی تحقیقات کر رہے ہیں۔ایمار واقعہ سے متاثر ہونے والے رہائشیوں کے ساتھ بھی کام کر رہا ہے تاکہ یہ یقینی بنایا جا سکے کہ ان کا خیال رکھا جا رہا ہے-

دوسری جانب ایسوسی ایٹڈ پریس کے مطابق دبئی پولیس، عمارت بنانے والے ایمار ڈیولپرز اور سول ڈیفنس نے 8 بلیوارڈ واک نامی ٹاورز میں آگ لگنے سے متعلق پوچھے گئے سوال کا جواب نہیں دیا تاہم سوشل میڈیا پر تصاویر اور ویڈیوز وائرل ہوگئیں ایسوسی ایٹڈ پریس کے نمائندے جب جائے وقوعہ پر پہنچے تو آگ پر قابو پالیا گیا تھا۔

متحدہ عرب امارات کا کورونا کی تمام پابندیاں ختم کرنے کا اعلان

حالیہ برسوں میں فلک بوس عمارتوں سے جڑی دبئی کی اونچی عمارتوں میں لگنے والی آگ نے ملک میں استعمال ہونے والی کلیڈنگ اور دیگر مواد کے کار آمد ہونے کے بارے میں سوالات اُٹھادیئے ہیں۔

میزائل تجربات جنوبی کوریا اور امریکا پر حملے کی تیاری ہیں، یہ جنگی مشقیں جاری رہیں گی،شمالی کوریا

جنوبی ویتنام کے شہر ہوچی من کے قریب موجود ایک بار میں آگ لگنے سے 32 افراد ہلاک ہو گئے ہیں۔

باغی ٹی وی : دی گارجئین نے ویتنام کے سرکاری سرکاری میڈیا کے حوالے سے بتایا کہ مذکورہ بار ہوچی من شہر کے قریب ایک رہائشی علاقے میں موجود ایک عمارت کی دوسری منزل پر واقع تھا جہاں آگ لگنے کا واقعہ پیش آیا –

ویتنامی وزارت سکیورٹی کے مطابق بار میں آگ لگنے کے واقعے میں 32 افراد ہلاک ہو گئے ہیں جن میں 17 مرد اور 15 عورتیں شامل ہیں جبکہ 11 افراد شدید زخمی ہو گئے ہیں۔

جنوبی کوریا میں سمندری طوفان ہنا منور نے بڑے پیمانے پر تباہی مچا دی

ویتنامی سرکاری میڈیا کے مطابق 8 افراد کی لاشیں بار کے واش روم سے ملی ہیں جن کی موت ممکنہ طور پر دم گھٹنے کے باعث ہوئی، آگ لگنے کے بعد عمارت میں دھواں بھر گیا تھا اور ایمرجنسی ایگزٹ نہ ہونے کے باعث زیادہ ہلاکتیں ہوئیں۔

بدھ کو سرکاری میڈیا نے رپورٹ کیا کہ بہت سے لوگ شعلوں سے بچنے کے لیے بالکونی میں جمع ہو گئے، جو لکڑی کے اندرونی حصے میں تیزی سے پھیل گئی، جبکہ دیگر افراد نے جان بچانے کیلئے عمارت سے چھلانگ لگادی-

ویتنامی حکام کے مطابق آگ پر قابو پالیا گیا ہے ریسکیو اہکار اندر پھنسے لوگوں کو تلاش کرنے کی کوشش کر رہے ہیں ویتنام کے وزیر اعظم فام من چن نے بدھ کے روز اعلی خطرے والے مقامات بالخصوص کراوکی بارز کے مزید معائنے کا حکم دیا۔

سوشل میڈیا پر وائرل تصاویر میں بار سے دھوئیں کے بادل اٹھتے ہوئے دکھائی دے رہے ہیں جو تجارتی مرکز ہو چی من سٹی کے شمال میں تھوان این شہر کے ایک پرہجوم رہائشی محلے میں واقع ہے-

عوامی سلامتی کی وزارت کے باضابطہ ترجمان، کانگ این این ڈان اخبار نے کہا کہ مرنے والوں کی تعداد 32 ہو گئی ہے، جن میں 17 مرد اور 15 خواتین مارے گئے ہیں۔

ایران میں دو ہم جنس پرست خواتین کو موت کی سزا

سرکاری میڈیا کے حوالے سے بنہ ڈونگ حکام کی ایک رپورٹ کے مطابق آگ لگنے کی ابتدائی وجہ بجلی کا شارٹ سرکٹ بتایا گیا ہے۔

کراوکی بار کے قریب رہنے والے گواہ نگوین سانگ نے بتایا کہ جب فائر ٹرک جائے وقوعہ پر پہنچے تو ایک استقبالیہ نے بتایا کہ اندر 40 افراد پھنسے ہوئے تھےبہت سے لوگ مرکزی دروازے سے باہر بھاگے، لیکن بہت سے دوسرے گرمی برداشت نہ کر سکے اور وہ نیچے کود پڑے، ان کے ہاتھ اور ٹانگیں ٹوٹ گئیں۔

پولیس نے سرکاری میڈیا کو بتایا کہ آگ لگنے سے پہلے بار کے آگ سے بچاؤ کے ضوابط کی جانچ کی گئی تھی۔

اس سے قبل ویتنام کے، ہو چی من شہر کے ایک اپارٹمنٹ کمپلیکس میں 2018 میں لگنے والی آگ میں 13 افراد ہلاک ہو گئے تھے 2016 میں، دارالحکومت ہنوئی میں ایک کراوکی سہولت میں آگ لگنے سے 13 افراد ہلاک ہوئے، جس سے بارز اور کلبوں میں آگ سے بچاؤ کے اقدامات کے بارے میں ملک بھر میں جائزہ لیا گیاجبکہ گزشتہ ماہ ہنوئی میں ایک اور کراوکی بار میں آگ بجھانے کی کوشش کے دوران تین فائر فائٹرز ہلاک ہو گئے۔

برکینا فاسو میں فوجی قافلے کے قریب بم دھماکا،35 افراد ہلاک

قاہرہ: مسلمان نوجوان مصر کے دارالحکومت قاہرہ کے قریب شہر کے گرجا گھر میں لگی آگ میں پھنسے متعدد لوگوں کو باہر نکالنے کوشش میں زخمی ہو گیا-

باغی ٹی وی : عالمی خبررساں ادارے کے مطابق نوجوان محمد یحیٰی ابو مروان نے اپنی جان کی پرواہ نہ کرتے ہوئے پانچ بچوں سمیت متعدد لوگوں کی جان بچائی ،امدادی کام کے دوران ابومروان کی پاؤں کی ہڈی ٹوٹ گئی اور اب ہسپتال میں ہیں۔

مصر: حکومت کا چرچ میں ہلاک ہونے والوں کے لواحقین کو 100,000 مصری پاؤنڈ دینے کا…

ابو مروان کا کہنا ہے کہ وہ گرجا گھر کے قریب ہی رہتے ہیں، وقوعہ کے روز وہ اپنے گھر سے نکلے تو دیکھا گرجا گھر میں ہولناک آگ لگی ہوئی اور اندر سے لوگ ’بچاؤ بچاؤ‘ کی آوازیں لگا رہے ہیں۔

ابو مروان کے مطابق یہ منظر دیکھتے ہی وہ جان کی پروا کیے بغیر آگ میں کود پڑے اور پھنسے لوگوں کو بچانے کی کوشش کی عینی شاہدین نے کہا ہے کہ نوجوان محمد ابو مروان نے پانچ بچوں کو گرجا گھر سے باہر نکالا ہے جبکہ متعدد مرد اور خواتین کی نکلنے میں مدد کی ہے-

ایک عینی شاہدین کا کہنا تھا کہ آگ میں محصور ایک بزرگ کو جب نکالنے گئے تو اٹھاتے وقت وہ پھسل گئے اور پیر میں شدید زخم لگ گئے بزرگ کو اٹھائے لنگڑاتے ہوئے جب باہر آئے تو درد کی وجہ سے زمین پر بیٹھ گئے۔

دوسری طرف امبابہ ہسپتال کی طبی ٹیم نے کہا ہے کہ ابو مروان کا پیر ٹوٹ گیا ہے اور اور ہڈی جڑنے کے لیے دو ماہ کا عرصہ درکار ہے۔

مصرمیں کالج کے پہلے سال ہی میڈیکل کی طلبہ کی ریکارڈ تعداد ناکام

واضح رہے کہ قاہرہ کے نزدیک شہر کے گرجا گھر میں آگ لگنے سے 41 افراد ہلاک ہوئے ہیں جیزہ کے امبابہ محلے میں واقع قبطیوں کے ابوصفین چرچ میں آتشزدگی کے وقت پانچ ہزار افراد جمع تھے، سیکیورٹی ذرائع نے بتایا تھا کہ گرجا گھر میں اجتماعی دعائیہ تقریب کے دوران میں بجلی کے شارٹ سرکٹ سے آگ لگی تھی-

قبطی مشرق وسطیٰ کی سب سے بڑی عیسائی برادری ہیں، جو مصر کی 103 ملین آبادی میں سے کم از کم 10 ملین ہیں مصر حالیہ برسوں میں کئی مہلک آگ کا شکار ہو چکا ہے مارچ 2021 میں، قاہرہ کے مشرقی مضافات میں ایک ٹیکسٹائل فیکٹری میں آگ لگنے سے کم از کم 20 افراد ہلاک ہو گئے 2020 میں، دو ہسپتالوں میں آگ لگنے سے کوویڈ کے 14 مریض ہلاک ہوئے۔

ایران میں ہیٹ اسٹروک سے 500 سے زائد مزدوراسپتال داخل، متعدد جاں بحق ہوگئے

اسپین کے شہر بارسلونا میں آتشزدگی کی روک تھام کے لیے بکریوں اور بھیڑوں پر مشتمل ٹیم بنائی گئی ہے جن کا بس کام ہے زیادہ سے زیادہ سبزہ چرنا-

باغی ٹی وی : غیر ملکی میڈیا کے مطابق ایک ادارے Pau Costa Foundation کی جانب سے اس طریقہ کار پر 2016 سے اسپین میں کام کیا جارہا ہے اور اس کے عہدیدار Guillem Canaleta نے بتایا کہ ماضی میں اس طرح جنگلات کو آتشزدگی سے بچایا جاتا تھا، ہم نے کچھ نیا نہیں کیا۔

مصر: حکومت کا چرچ میں ہلاک ہونے والوں کے لواحقین کو 100,000 مصری پاؤنڈ دینے کا اعلان

بارسلونا میں اس پروگرام کا آغاز اپریل میں Collserola پارک سے ہوا تھا 290 بھیڑوں اور بکریوں کو انڈر گروتھ کے لیے استعمال کیا ہے کولسیرولا نیشنل پارک 20 ہزار ایکڑ رقبے پر پھیلا ہوا ہے اور وہاں ہر سال آگ لگنے کے اوسطاً 50 واقعات سامنے آتے ہیں عام طور پر یہ آگ زیادہ نہیں پھیلتی مگر یہ خطرہ موجود ہےکہ کسی دن بڑےپیمانےپرآتشزدگی سےملحقہ آبادیاں متاثرہوسکتی ہیں-

اس پائلٹ پراجیکٹ کا اختتام جولائی میں ہوا مگر اب اسے بارسلونا کے دیگر حصوں میں بھی جلد شروع کیا جائے گا، یہ بحیرہ روم کے بندرگاہی شہر کے 1.6 ملین باشندوں کو دیہی علاقوں کے بارے میں تعلیم دینے میں بھی مدد کرتا ہے-

چرواہوں میں سے ایک ڈینیئل سانچیز نےکہا کہ سب سےبڑا چیلنج لوگوں کو دیہی زندگی کےبارے میں دوبارہ تعلیم دینا ہےجب وہ جانوروں کو چرانے کے لیے باہر لے جا رہے تھے سالہ ریوڑ کی دیکھ بھال کے لیے سینٹ لورینک ساول سے بارسلونا منتقل ہوا، جو کہ اندرون ملک سے کچھ 50 کلومیٹر (30 میل) دور واقع ہے۔ وہ بھیڑوں اور بکریوں کے پاس پارک میں ایک شیڈ میں سوتا ہے۔

امریکی انخلا کے فیصلے نے قومی سلامتی کو مضبوط کیا،وائٹ ہاؤس

8,200-ہیکٹر (20,262-ایکڑ) پارک نیویارک کے سینٹرل پارک سے 22 گنا بڑا اور پیرس کے بوئس ڈی بولون سے آٹھ گنا بڑا ہے اس کے دیکھنے کے مقامات بارسلونا کے وسیع و عریض نظارے پیش کرتے ہیں، اور پیدل سفر کے راستے اسے جوگرز، سائیکل سواروں اور سیر کے لیے نکلنے والے لوگوں میں مقبول بناتے ہیں۔

واضح رہے کہ بارسلونا پہلا شہر نہیں جہاں بھیڑ بکریوں کو آتشزدگی کی روک تھام کے لیے استعمال کیا جارہا ہے اس سے قبل امریکی ریاست کیلیفورنیا میں متعدد کمپنیوں نے بکریوں کی خدمات اسی مقصد کے لیے حاصل کیں جبکہ شمالی پرتگال میں گھوڑوں کے ذریعے Faia Brava reserve کو بچایا گیا جبکہ کینیڈا کے صوبے برٹش کولمبیا میں بھی مویشیوں کو آتشزدگی کا خطرہ کم کرنے کے لیے استعمال کیا جارہا ہے-

یاد رہے کہ یہ ایک قدیم حکمت عملی ہے جس کو دنیا کے مختلف حصوں میں آتشزدگی کی روک تھام کے لیے استعمال کیا جارہا ہے جس میں جن علاقوں میں آگ لگنے کا خطرہ زیادہ ہوتا ہے وہاں سبزہ چرنے والے مویشیوں کو چھوڑ دیا جائے جو ایسی خشک نباتات کھالیں جو آگ کے لیے ایندھن کا باعث بن سکتی ہیں۔

مصرمیں کالج کے پہلے سال ہی میڈیکل کی طلبہ کی ریکارڈ تعداد ناکام