Baaghi TV

Tag: آتشزدگی

  • چین کے اسپتال میں خوفناک آتشزدگی،21 افراد ہلاک متعدد زخمی

    چین کے اسپتال میں خوفناک آتشزدگی،21 افراد ہلاک متعدد زخمی

    چین کے دارالحکومت بیجنگ کے ایک اسپتال میں خوفناک آتشزدگی سے 21 افراد ہلاک اور متعدد زخمی ہوگئے۔

    باغی ٹی وی: چائنیز میڈیا کے مطابق آتشزدگی کا واقعہ بیجنگ کے چانگ فینگ اسپتال میں پیش آیا ایمرجنسی رسپانس ٹیموں کو دوپہر ایک بجےسےذرا پہلے اطلاع ملی کہ دارالحکومت کے شہر فینگٹائی ڈسٹرکٹ میں واقع بیجنگ چانگ فینگ ہسپتال میں آگ لگ گئی ہے ایمرجنسی ٹیموں نے فوری کارروائی کرتے ہوئے 2 گھنٹے بعد آگ پر قابو پالیا گیا –

    اسرائیل اورفلسطین کےدرمیان امن مذاکرات میں سہولت فراہم کرنےکیلئےتیارہیں،چین


    مقامی حکام کے مطابق اسپتال سے 71 مریضوں کو دوسری جگہ منتقل کردیا گیا ہے جبکہ واقعے میں 21 افراد ہلاک اور متعدد زخمی ہوئے کئی مریضوں، ان کے رشتہ داروں اور ڈاکٹروں نے عمارت کی کھڑیوں سے چھلانگ لگا کر جان بچائی۔

    سوشل میڈیا صارفین نے دوپہر کے وقت ہستپال کے بیرونی ایئر کنڈیشنگ یونٹس پر بیٹھے لوگوں کی ویڈیوز پوسٹ کیں جب کہ ویڈیو میں دیکھا گیا کہ کئی افراد رسیوں کے ذریعے عمارت سے چھلانگ لگا رہے تھے

    سوڈان جھڑپیں: امریکی سفارتی قافلے پربھی فائرنگ

    حکام کا کہنا ہے چین میں اسپتالوں میں آتشزدگی کے واقعات کی تعداد بہت ہی کم ہے تاہم بیجنگ کے اسپتال میں آگ لگنے کی وجہ تاحال معلوم نہیں ہوسکی تاہم تفتیش جاری ہے۔

    فوری طور پر یہ واضح نہیں ہوسکا کہ ہسپتال میں موجود تمام لوگوں وہاں سے نکال لیا گیا ہے یا نہیں، آگ نجی ہسپتال کے ایڈمٹ مریضوں کے شعبے کی مشرقی عمارت میں لگی تھی آگ سے متاثر ہونے والے افراد کو ہنگامی علاج کے لیے دوسرے نامعلوم ہسپتال لے جانے کے بعد ہلاکتوں کی تصدیق کی گئی آگ میں زخمی ہونے والے افراد کی تعداد یا ان کی حالت کے بارے میں مزید تفصیلات دستیاب نہیں ہیں۔

    کویت کے ولی عہد کا قومی اسمبلی کو تحلیل کرنے کا اعلان،الیکشن کرانے کا فیصلہ

  • نیو کراچی: آتشزدگی سےمتاثرہ 2 فیکٹریاں زمین بوس،4 ریسکیو اہلکار ہلاک،فائرفائٹرز سمیت 13 افراد زخمی

    نیو کراچی: آتشزدگی سےمتاثرہ 2 فیکٹریاں زمین بوس،4 ریسکیو اہلکار ہلاک،فائرفائٹرز سمیت 13 افراد زخمی

    نیو کراچی صنعتی ایریا میں 2 فیکٹریوں میں آگ لگنے کے واقعہ میں متاثرہ دونوں عمارتیں زمین بوس ہوگئیں، ملبے تلے دب کر 4 ریسکیو اہلکار جاں بحق ہوگئے۔

    باغی ٹی وی : پولیس کے مطابق گزشتہ روز نیو کراچی صنعتی ایریا میں 2 فیکٹریوں میں آگ لگی تھی،آگ کے باعث عمارتیں کمزور ہوگئیں ،بدھ ا ور جمعرات کی درمیانی شب مسلسل کولنگ کے دوران دونوں عمارتیں گر گئیں ایک فیکٹری میں کپڑے کا گودام ہے، جبکہ دوسری فیکٹری میں موٹر سائیکلوں کے اسپیئر پارٹس بنتے ہیں۔

    کچے کےعلاقے میں پولیس کا آپریشن 3 ڈاکو ہلاک 6 گرفتار

    فائر بریگیڈ حکام کا کہنا تھاکہ 10 فائر ٹینڈرز اور 6 واٹر باؤزرز نے آگ بجھانےکےعمل میں حصہ لیا واٹر بورڈ کی جانب سے آگ بجھانے کے لیے فائر بریگیڈ کو واٹر ٹینکر بھی فراہم کیے گئے۔عمارت میں دھواں بھر جانے سے آگ بجھانے کے عمل میں تاخیر ہوئی آگ لگنے کی وجہ تاحال سامنے نہیں آئی ہے، کولنگ کا عمل جاری تھا کہ دونوں عمارتیں گر گئیں-

    ریسکیو حکام کے مطابق واقعہ میں 4 ریسکیو اہلکار جاں بحق اور 11 فائر فائٹرز سمیت 13 افراد زخمی ہوئے ملبے کے نیچے سے چاروں ریسکیو اہلکاروں کی لاشیں نکال لی گئی ہیں، جاں بحق افرادکی شناخت محسن،افضال،سہیل اور خالد شہزاد کے نام سے ہوئی ہے۔

    شیخوپورہ میں 14سال کی یتیم لڑکی سے مبینہ زیادتی کا واقعہ

    جائے وقوعہ پر ڈپٹی کمشنر سینٹرل طلحہ سلیم بھی موجود رہے دوسری جانب گورنر سندھ کامران ٹیسوری نے فیکٹری گرنے کے واقعہ کا نوٹس لیتے ہوئے ایڈمنسٹریٹر کراچی ڈاکٹر سیف الرحمان سے رابطہ کیا گورنر سندھ نے زخمیوں کو فوری طبی امداد فراہم کرنے کی ہدایت کی۔

  • موسمیاتی تبدیلیاں،پنجاب میں گرمی کی شدت اورجنگلات میں آتشزدگی کے واقعات میں اضافہ ہوسکتا ہے

    موسمیاتی تبدیلیاں،پنجاب میں گرمی کی شدت اورجنگلات میں آتشزدگی کے واقعات میں اضافہ ہوسکتا ہے

    لاہور: پراونشل ڈیزاسٹر مینجمنٹ اتھارٹی( پی ڈی ایم اے) پنجاب نے خبردار کیا ہے کہ موسمیاتی تبدیلیوں کی وجہ سے ہیٹ ویو اور گرمی کی شدت میں اضافہ ہوسکتا ہے-

    باغی ٹی وی: ڈائریکٹر جنرل پی ڈی ایم اے کی ہدایت پر ڈائریکٹر کوارڈینیشن کی زیر صدارت ہیٹ ویو اور فاریسٹ فائر بارے کمیٹی روم میں اہم اجلاس منعقد ہوا جس میں سول ڈیفنس، جنگلات، زراعت، تعلیم، لوکل گورنمنٹ انڈسٹریز حکام شریک ہوئے-

    دنیا بھر میں سمندروں کی سطح کا درجہ حرارت تاریخ کی بلند ترین سطح پر …

    اجلاس میں ڈائریکٹر پی ڈی ایم اے طارق محمود بخاری نےکہا کہ تمام متعلقہ ادارے ہیٹ ویو کے مضر اثرات سے بچاؤ اور انتظامات بارے پلان پی ڈی ایم اے کو جمع کروائیں۔ محکمہ تعلیم بچوں کے امتحانی شیڈول بارے فی الفور پی ڈی ایم اے کو آگاہ کرے۔

    انہوں نےکہا کہ موسمیاتی تبدیلیوں کی وجہ سےہیٹ ویو اورگرمی کی شدت میں اضافہ ہو سکتا ہےجبکہ گرمی کی شدت بڑھنے سے جنگلات میں آتشزدگی کا سامنا کرنا پڑ سکتا ہے محکمہ جنگلات فاریسٹ فائر سےبچاؤ کے لیے خصوصی ٹیمیں تشکیل دے کر رپورٹ جمع کروائے۔

    دنیا میں موسمیاتی تبدیلیوں کے مزید خطرناک انکشاف

    طارق محمود بخاری نے یہ بھی بتایا کہ ہیٹ ویو سے بچاؤ کے لیے محکمہ صحت سمیت دیگر متعلقہ اداروں کو خصوصی ہدایات بھی جاری کی جا چکی ہیں، ہیٹ ویو سے بزرگ شہری اور بچے زیادہ متاثر ہو سکتے ہیں۔ بچاؤ کے لیے شہریوں کو احتیاطی تدابیر پر عمل پیرا ہونا ہوگا ہیٹ ویو کے مضر اثرات سے بچاؤ اور حفاظتی تدابیر بارے عوام الناس کو موثر آگاہی فراہم کی جائے پی ڈی ایم اے کسی بھی ہنگامی صورتحال سے نمٹنے کے لیے ہمہ وقت تیار ہے۔

    گرین ہاؤس گیسوں کے اخراج سےانٹارکٹیکا برف کا پگھلاؤ عالمی سمندری نظام درہم برہم کرسکتا …

  • فلپائن میں کشتی میں آگ لگنے سے 3 بچوں سمیت31 افراد ہلاک

    فلپائن میں کشتی میں آگ لگنے سے 3 بچوں سمیت31 افراد ہلاک

    فلپائن میں کشتی میں آگ لگنے سے 3 بچوں سمیت31 افراد ہلاک ہوگئے،کشتی میں 250 مسافر سوار تھے-

    باغی ٹی وی: فرانسیسی خبررساں ادارے "اے پی” کے مطابق فلپائن کے جنوبی علاقے میں رات گئے سفر کرنے والی ایک کشتی میں آگ لگ گئی آٹھ گھنٹے تک رات بھر جاری رہی جس کے نتیجے میں 3 بچوں سمیت 31 افراد ہلاک جبکہ 7 لاپتہ ہوگئے جبکہ کشتی میں 250 مسافر سوار تھے۔

    امریکا میں دو بلیک ہاک ہیلی کاپٹر گر کر تباہ


    آگ لگنے کے بعد متعدد افراد نےایم وی لیڈی میری جوئے 3 کشتی سے چھلانگ لگا دی موقع پر موجود کوسٹ گارڈ کی کشتیوں بحریہ، ایک قریبی فیری اور مقامی ماہی گیروں نے تاریک سمندر سے 212 افراد کو ریسکیو کرلیا واقعہ میں 23 افراد زخمی ہوئے۔ کشتی صوبہ سولو سےجولو ٹاؤن کی جانب روانہ ہوئی تھی جہاں باسلن جزیرے کےقریب اس میں آگ بھڑک اٹھی۔

    آذربائیجان نے اسرائیل میں اپنے پہلے سفارتخانے کا افتتاح کر دیا

    جنوبی جزیرہ نما صوبے باسلن کے گورنر جم ہاتمان نے کہا کہ امدادی کارکن جمعرات کو کم از کم سات لاپتہ افراد کی تلاش کر رہے ہیں، جلی ہوئی فیری کو باسیلان کے ساحل پر لے جایا گیا جہاں مسافروں کے کیبن کے بجٹ والے حصے میں 31 میں سے 18 متاثرین کی لاشیں برآمد ہوئیں جو جہاز میں آگ لگنے کی وجہ سے ہلاک ہو گئے انہوں نے کہا کہ ہو سکتا ہے کہ مزید لوگ فیری پر موجود ہوں جو اس کے مینی فیسٹ میں درج نہیں تھے۔

    پاکستانی نژاد نومنتخب اسکاٹش فرسٹ منسٹرحمزہ یوسف کی سرکاری رہائشگاہ پرافطاری اور نماز کی ادائیگی

    ریجنل کوسٹ گارڈ کے کمانڈر ریجرڈ مارفی نے کہا کہ فیری کے کپتان نے کوسٹ گارڈ کے اہلکاروں کو بتایا کہ اس نے جلتی ہوئی فیری کو قریبی ساحل پر چلانے کی کوشش کی تاکہ زیادہ سے زیادہ لوگوں کو زندہ بچایا جا سکےانہوں نےکہا کہ آگ تقریباً آٹھ گھنٹے تک جاری رہی۔

    حکام کا کہنا ہے کہ کشتی میں آگ لگنے کی وجوہات جاننے کے لیے تحقیقات جاری ہیں-

    شام، ترکی، ایران اور روس کے نائب وزرائے خارجہ کی اپریل میں ماسکو میں ملاقات …

  • اسلام آباد: سعودی پاک ٹاور میں آگ بھڑک اٹھی

    اسلام آباد: سعودی پاک ٹاور میں آگ بھڑک اٹھی

    اسلام آباد: سعودی پاک ٹاور میں آگ بھڑک اٹھی۔

    باغی ٹی وی: اسلام آباد میں ہولناک آتشزدگی کا واقعہ پیش آیا ہے جہاں سعودی پاک ٹاور میں آگ بھڑک اٹھی،آگ کو بجھانے کے لئے فائر بریگیڈ کی گاڑیوں کی مدد سے آگ پر قابو پانے کی کوشش جاری ہے۔

    سول ڈیفنس کی ٹیمیں جائے وقوعہ پر پہنچ گئیں، جو آگ بجھانے میں مصروف ہیں جبکہ سوشل میڈیا پر گردش کرنے والی تصاویر اور ویڈیوز میں مال کی عمارت سے دھواں اٹھتا دکھائی دے رہا ہے-


    میڈیا کے مطابق ہنگامی خدمات کی وجہ سے علاقے میں ٹریفک میں خلل پڑ سکتا ہے لوگوں کو حادثہ پیش آنے والے علاقے سے دور رہنے کا کہا جارہا ہے جب تک کہ صورتحال مستحکم نہ ہو جائے۔

    تاہم ابھی تک کسی کے زخمی ہونے اور جانی نقصان کی اطلاع نہیں ہے،آگ کیسے لگی اس حوالے سے ابھی اطلاعات سامنے نہیں آئی-

  • کراچی:آگ لگنے سے 100 سے زائد جھگیاں جل گئیں،خاتون سمیت 2 بچے زخمی

    کراچی:آگ لگنے سے 100 سے زائد جھگیاں جل گئیں،خاتون سمیت 2 بچے زخمی

    کراچی میں ضلع ملیر کے علاقہ گلشن قادری میں آگ لگنے سے 100 سے زائد جھگیاں جل گئیں۔

    باغی ٹی وی: ذرائع کے مطابق کراچی میں ضلع ملیر کے علاقہ گلشن قادری میں آتشزدگی کے باعث 100 سے زائد جھگیاں جل کر خاک ہو گئیں، آگ لگنے سے جھگیاں جلنے کے نتیجے میں خاتون اور 2 بچےجھلس کر زخمی ہو گئے جنہیں فوری طبی امداد کے لیے اسپتال منتقل کردیا گیا۔

    کاربن ڈائی آکسائیڈ اخراج کرنے والے ممالک کی فہرست جاری

    ریسکیو ذرائع کا کہنا ہے کہ ریسکیو ٹیموں نے جھگیوں میں رہائش پذیر تمام افراد کو باحفاظت نکال لیا ہے جب کہ فائربریگیڈ کی 7 گاڑیاں جائے وقوعہ پہنچیں اور جھگیوں میں لگی آگ پر قابو پالیا جبکہ کولنگ کا عمل جاری ہے۔

    ذرائع کے مطابق آگ لگنے کی وجہ تاحال معلوم نہیں ہوسکی۔

    ملک بھر میں کورونا کے 53 کیسز رپورٹ

  • کراچی:سائٹ ایریا میں مچھر مار کوائل بنانے والی فیکٹری میں آگ بھڑک اٹھی

    کراچی:سائٹ ایریا میں مچھر مار کوائل بنانے والی فیکٹری میں آگ بھڑک اٹھی

    کراچی: سائٹ ایریا غنی چورنگی کے قریب قائم مچھر مار کوائل بنانے والی فیکٹری میں آگ بھڑک اٹھی-

    باغی ٹی وی : آتشزدگی کی اطلاع ملتے ہی فائر بریگیڈ کا عملہ موقع پر پہنچ گیا جبکہ علاقہ پولیس نے مذکورہ علاقے کو اپنے گھیرے میں لے لیا فائر بریگیڈ نے بتایا کہ آگ کی اطلاع 10 بجکر 10 منٹ پر ملی تھی جس پر فوری طور پر فائر بریگیڈ کا عملہ 5 گاڑیوں کے ہمراہ موقع پر روانہ کیا گیا اور آگ کی شدت کو دیکتھے ہوئے فائر بریگیڈ کی مزید 2 گاڑیوں کو موقع پر پہنچایا گیا۔

    فائر بریگیڈ حکام کے مطابق آگ پر 6 فائر ٹینڈرز،2 باؤزر، اور واٹر ٹینکر کی مدد سے قابو پایا-

    حکام کا کہنا تھا کہ فیکٹری میں مچھر مار کوائل سمیت دیگر سامان تیار کیا جاتا ہے جبکہ فیکٹری میں موجود ملازمین کو بحفاظت باہر نکال لیا گیا۔ فیکٹری میں کیمیکل کے علاوہ گیس سلنڈرز کی موجودگی کے بارے میں بھی بتایا گیا ہے جس پر فائر بریگیڈ کے عملے نے ابتدائی طور پر سلنڈر کو پھٹنے سے خود بچانے کی کوشش کرتے ہوئے متعدد سلنڈر باہر نکالے۔

    رات گئے تک فائر بریگیڈ کا عملہ آگ بجھانےمیں مصروف رہا۔ عملے کو آگ بجھانے کے دوران پانی کی کمی کا سامنا رہا جس کی وجہ سے واٹر باؤزر کو پانی بھر کر بھی لانا پڑا۔ آگ کی اطلاع ملنے پر سائٹ بی پولیس اور رینجرز کی نفری بھی موقع پر پہنچ گئی جبکہ فیکٹری کی بجلی بھی منقطع کر دی گئی،آگ لگنے کی وجہ تاحال معلوم نہیں ہو سکی،اس حوالے سے تحقیقات جاری ہیں-

  • کراچی : فشری میں لانچوں میں آگ لگ گئی

    کراچی : فشری میں لانچوں میں آگ لگ گئی

    کراچی کے علاقے فشری میں لانچوں میں آگ لگ گئی، فائر بریگیڈ کی 5 گاڑیوں نے آگ پر قابو پایا۔

    باغی ٹی وی: فائر بریگیڈ کے مطابق آگ کالا پانی کی برتھ نمبر سات اور آٹھ پر لگی،آگ لگنے سے ایک لانچ مکمل جل گئیں جبکہ 3 لانچوں کا نقصان پہنچا-

    فشری سکیورٹی حکام کے مطابق مختلف سینٹروں سے فائر بریگیڈ کی پانچ گاڑیاں آگ بجھانے میں مصروف رہیں، تیز ہوا کی وجہ سے آگ پھیل گئی تھی۔

    اپرکوہستان میں بس اور کار کھائی میں جاگریں، 17 افراد جاں بحق

    دوسری جانب عید گاہ میں فائر بریگیڈ ہیڈ کوارٹر کی بجلی بند ہونے کی وجہ سے پانی کی فراہمی معطل ہوگئی تھی فائر بریگیڈ آپریٹر کا کہنا تھا کہ ہیڈ کوارٹر میں فائر ٹینڈرز میں پانی نہیں بھرا جا سکتا، کراچی پورٹ ٹرسٹ اور نیوی سے بھی مدد لی گئی ہے تاہم کچھ دیر بعد فشری میں لگنے والی آگ پر قابو پا لیا گیا جس کے بعد کولنگ کا عمل جاری ہے۔

    لانچ مالک کا کہنا ہے کہ ہم نے مختلف لوگوں سے ادھار لیکر لانچ تیار کی تھی،ہماری 20سال کی محنت ضائع ہوگئی ،حکومت مدد کرے ، پہلے بھی آگ لگی تھی ،اس وقت بھی کچھ نہیں کیا گیا تھا۔

    وندر میں مسافر کوچز سے لاکھوں روپے مالیت کا اسمگل شدہ سامان برآمد

  • گھر میں آتشزدگی کے واقعہ،ماں سمیت 7 بچے دم گھٹنے سے جاں بحق

    گھر میں آتشزدگی کے واقعہ،ماں سمیت 7 بچے دم گھٹنے سے جاں بحق

    فرانس کے شمال مشرقی علاقے میں گھر میں آتشزدگی کے واقعے میں ماں اور 7 بچے دم گھٹنے کے باعث چل بسے۔

    باغی ٹی وی: غیرملکی خبررساں ادارے کے مطابق گھر میں آتشزدگی کا واقعہ پیرس سے 82 کلو میٹر دور چارلے سرمانے شہر میں پیش آیا گھر میں آگ رات کو لگی جب سب سو رہے تھے اور دیکھتے ہی دیکھتے گراؤنڈ فلور سے دھواں پورے گھر میں پھیل گیا گھر میں آگ لگنے کی اطلاع پڑوسیوں نے دی اور ریسکیو آپریشن میں 80 فائر فائٹرز نے حصہ لیا۔

    فلم سیلفی کی پروموشن، اکشے کمار اور سلمان خان کی ویڈیو سوشل میڈیا پر وائرل

    مقامی پراسیکیوٹر نے تصدیق کی کہ گھر میں آگ کپڑے سکھانے والی مشین میں لگی اور دم گھٹنے سے ماں اور 7 بچے انتقال کرگئے۔ ہلاک ہونے والے بچوں کی عمریں 2 سے 14 سال کے درمیان ہیں اور مرنے والوں میں 5 بچیاں اور 2 بچے شامل ہیں۔

    پراسیکیوٹر نے بتایا کہ ایسا لگتا ہے کہ باپ نے آگ بجھانے کی کوشش کی جبکہ بچوں اور ان کی ماں گھر کی دوسری منزل پر دھویں اور شعلوں میں پھنس گئےگھر میں دھواں بھر جانے کے دوران، فائر فائٹرز کو گھر کی اوپر کی کھڑکیوں تک سیڑھیاں لگانے میں دشواری کا سامنا کرنا پڑا، جو کہ 2,600 باشندوں کے گاؤں کے بیچ میں ایک تنگ گلی میں واقع ہے۔

    چلی : ہیٹ ویو کے باعث متعدد مقامات پرلگی جنگلات کی آگ بے قابو، 23 افراد ہلاک اور…

    گھر کی برقی کھڑکیوں کے شٹر بند کر دیے گئے تھے کیونکہ ناقص ایپلیا کی وجہ سے بجلی کی بندش شروع ہو گئی تھی۔

    حکام کے مطابق بچوں کو بچانے کی کوششوں کے دوران والد بری طرح جھلس گئے جنہیں تشویشناک حالت میں اسپتال منتقل کردیا گیا ہے واقعے کی تحقیقات شروع کردی گئی ہیں۔

  • چلی : ہیٹ ویو کے باعث متعدد مقامات پرلگی جنگلات کی آگ بے قابو، 23 افراد ہلاک اور 979 زخمی

    چلی : ہیٹ ویو کے باعث متعدد مقامات پرلگی جنگلات کی آگ بے قابو، 23 افراد ہلاک اور 979 زخمی

    چلی کے جنوب وسطی حصے میں ہیٹ ویو کے باعث متعدد مقامات پرلگی جنگلات کی آگ مزید پھیل گئی-

    باغی ٹی وی: "روئٹرز” کے مطابق خوفناک آگ نےامریکی شہر فلاڈیلفیا کے بھی بڑے حصے کو اپنی لپیٹ میں لے رکھا ہے، مختلف حادثات میں 23 افراد ہلاک اور 979 افراد زخمی ہوگئے ہیں جب کہ رہائشی علاقوں سے 1100 افراد کا انخلاکرایا گیا ہے-

    حکام کے مطابق جنگلات کی آگ کے باعث متاثرہ حصوں میں 88 گھرتباہ اور ایک لاکھ 16 ہزارایکڑ اراضی جل کرراکھ ہوگئی ہے۔

    وزیرداخلہ کا کہنا ہے کہ درجہ حرارت 40 ڈگری سینٹی گریڈ ہونے کے باعث مزید 76 مقامات پر آگ بھڑک اٹھی ہے اور شدید گرمی کی وجہ سے آگ بجھانے میں مشکلات کا سامنا ہے جو پھیل رہی ہے اور ہنگامی صورتحال مزید خراب ہوتی جا رہی ہے۔

    غیر ملکی میڈیا کے مطابق حکومت نے آفت زدہ صورتحال کا دائرہ کار جنوبی ریجن تک بڑھا دیا ہے،کیونکہ جنوبی نصف کرہ کے موسم گرما میں مقامی درجہ حرارت 104 ڈگری فارن ہائیٹ (40 سیلسیس) سے تجاوز کر گیا تھا۔

    یاد رہے کہ گزشتہ روز ہی شدید گرمی کے باعث جنگلات میں آگ لگنے کے بعد حکام نے ریڈ الرٹ جاری کردیا تھا اور آگ چلان نامی علاقے میں لگی تھی حکام کے مطابق آگ ارجنٹائن سے آنے والی خشک اور گرم ہواؤں کی وجہ سے لگی حکام کے مطابق خطرے کے پیش نظر جنوبی علاقوں میں سات پارکوں کو بھی عارضی طور پر بند کر دیا تھا۔