Tag: آزادی مارچ

اسلام آباد:آوسارے مل کر سلیکٹڈ وزیراعظم کو گھر بھیجیں: اکیلاکچھ نہیں کرسکتا ، بلاول بھٹو آزادی مارچ کے جلسے سے خطاب کرتے ہوئے چیئرمین پیپلز پارٹی کا کہنا تھا کہ پاکستان کی عوام صرف جمہوریت کو مانتے ہیں لیکن یہ کس قسم کی جمہوریت ہے کہ 70 سال ہونے کے باوجود ملک میں شفاف انتخابات نہیں ہو سکے۔کشمیر پر تاریخی حملہ ہوا اور ہمارا وزیراعظم کہتا ہے کہ میں کیا کروں، کشمیر کے لیے صرف تقریریں اور ٹوئٹس کرتے ہیں، ہر پاکستانی آخری دم تک کشمیر کے لیے لڑے گا، کوئی سودا قبول نہیں کرے گا۔

بلاول بھٹو نے کہا کہ مولانا فضل الرحمان نے تمام سیاسی جماعتوں کو اکٹھا کر کے ایک واضح پیغام اسلام آباد، وفاق اور پارلیمان کے لیے بھیجا ہے کہ اس ملک کے عوام سلیکٹڈ اور کٹھ پتلی نظام کو نہیں مانتے۔بلاول بھٹو نے کہا کہ یہ کس قسم کی آزادی ہے کہ را کے سربراہ کا انٹرویو تو نشر ہو سکتا ہے، بھارتی پائلٹ کا انٹرویو تو چل سکتا ہے لیکن صابق صدر آصف زرداری، مولانا فضل اور شہباز شریف کے بیانات نشر نہیں ہو سکتے۔

آزادی مارچ سے خطاب کرتےہوئے چیئرمین بلاول بھٹو نے کہا کہ ہماری معیشت بھی آزاد نہیں ہے، ہمارا وزیر خزانہ کون ہو گا آئی ایم ایف طے کر رہا ہے، معاشی دہشت گردی سے ہر طبقے کا معاشی قتل کیا جا رہا ہے، جو ایک پاکستان کا دعویٰ کرتے تھے، عوام کو تکلیف اور امیروں کو ریلیف دے رہے ہیں۔وزیراعظم کو تنقید کا نشانہ بناتے ہوئے بلاول بھٹو زرداری کا کہنا تھا ہمارا وزیراعظم نااہل، نالائق اور سلیکٹڈ ہے،

چیئرمین پیپلز پارٹی نے کہا کہ مولانا فضل الرحمان کو یقین دلاتا ہوں کہ ہر جمہوری قدم میں ان کے ساتھ ہوں گے اور اس سلیکٹڈ اور کٹھ پتلی وزیراعظم کو مل کر گھر بھیجیں گے۔ان کا کہنا تھا کہ تمام سیاسی جماعتوں، مزدور، کسانوں اور پورے پاکستان کا ایک ہی نعرہ ہے ’گو سلیکٹڈ گو‘۔

اسلام آباد: مولانا کا آزادی مارچ جہاں جہاں سے گزررہا ہے تلخ یادیں اور حقائق چھوڑ کر آگے بڑھ رہا ہے ، اطلاعات کے مطابق مولانا کا آزادی مارچ کارواں دیکھنے والے چھ افراد رش کے باعث کھنہ پل سے نیچے جاگرے، گرنے والے 6 افراد میں سے دوافراد موقع پر ہی جانبحق ہوگئے

ذرائع کے مطابق باقی 4 افراد شدید زخمی ہوگئے جن کو قریبی ہسپتال منتقل کردیا گیا ہے، پولیس حکام کاکہنا ہےکہ جانبحق افراد کی شناخت، 13 سالا طلحہ اور 40 سالا شفقت عباسی کے نام سے ہوئِی ہے،

باغی ٹی وی کے ذرائع کے مطابق طلحہ منیر راولپنڈی اور شفقت عباسی برما ٹاون کا رہائشی ہے، پولیس حکام کا کہنا ہےکہ مولانا کے مارچ میں زخمی ہونے والوں میں اخلاق اور عباس شامل ہیں، چاروں افراد کھنہ پل کے اوپر سے ایکسپریس ہائی وے سے گزرنے والے آزادی مارچ کو دیکھ رہے تھے

اسلام آباد :مولانا فضل الرحمن کے آزادی مارچ کو دہشت گردوں کی کارروائی سے بچانے میں پولیس نے اہم کردار ادا کیا ، اطلاعات کے مطابق آج رات جے ایو آئی ایف کے جلسہ گاہ پر سخت چیکنگ کے دوران اسلام آباد پولیس سپیشل برانچ کے اہلکاروں کی بڑی کارروائی اور دو مشتبہ دہشت گردوں کو گرفتار کرلیا ہے

ذرائع کے مطابق آزادی مارچ کے جنرل انٹری پوائنٹ پر پولیس نے 2 اشخاص سے دو پسٹل 50 روند، 5 عدد میگزین برآمد کرلی ، پولیس حکام کا کہنا ہےکہ یہ دونوں اشخاص پنڈال میں داخل ہونے کی کوشش کررہے تھے ،دونوں اشخاص سے مزید تحقیقات کے لیے تھانہ انڈسٹریل ایریا شفٹ کر دیا گیا

اسلام آباد سے ذرائع کے مطابق آئی جی اسلام آباد محمد عامر ذوالفقار خان نے شاباش اور انعام کو اعلان کیا ہے اور کہا ہےکہ اللہ نے مہربانی فرمائی ہے کہ کسی بڑے نقصان سے بچا لیا ہے، آئی جی اسلام اباد کا کہنا ہےکہ تمام داخلی اور خارجی راستوں پر سخت چیکنگ کا انتظام کیا گیا ہے ، تاہم جے یوآئی ایف کے کارکنان تعاون نہیں کررہے

لاہور:آزادی مارچ کو کنٹرول کرنے اور مولانا فضل الرحمن کی تنظیم کی طرف سے کسی بھی فتنے اور انتشارسے نبٹنے کے لیے پنجاب پولیس بالکل تیاربیٹھی ہے ، اطلاعات کے مطابق پنجاب پولیس نے آزادی مارچ کے حوالے سے تیاریوں کو حتمی شکل دے دی، لاہور سمیت پنجاب بھر سے دس ہزار سے زائد اضافی پولیس اہلکار متعلقہ اضلاع میں پہنچ گئے جبکہ لاہور سمیت پنجاب بھر میں راستے بند کرنے کے لیے کنٹینرز بھی پکڑ لیے گئے اور افسران واہلکاروں کی چھٹیاں بھی بند کردی گئیں۔

ٔپنجاب پولیس حکام کے مطابق جے یو آئی (ف ) کے امیر مولانا فضل الرحمن کی جانب سے 27 اکتوبر کو آزادی مارچ کی کال کے پیش نظر پنجاب پولیس نے تیاریاں مکمل کرلی ہیں۔ اس وقت پنجاب پولیس کے پاس 25 ہزار سے زائد آنسوگیس کے شیل، 3 ہزار آنسو گیس بندوقیں، 40 ہزار ہیلمٹس، ایک لاکھ 5 ہزار ڈنڈے اور 3 ہزار سے زائد انٹی رائٹس کٹس موجود ہیں جبکہ تمام اضلاع کی انٹی رائٹ فورس ڈیوٹی پر موجود ہوگی۔

آئی جی پنجاب کے حکم پر لاہور سمیت پنجاب بھر میں ضلعی پولیس اور انٹی رائٹ پولیس کی سپورٹ کے لیے پنجاب کانسٹیبلری اور ٹریننگ سکولوں سے 503 ریزرویں اضافی نفری کے طور پر بھجوادی گئی ہیں۔ پنجاب پولیس نے 4 واٹر کیننز میں سے ایک لاہور، ایک ملتان اور 2 واٹرکیننز راولپنڈی بھجوادی ہیں تاکہ ایمرجنسی حالات میں مظاہرین سے نمٹاجاسکے۔

صوبہ بھرمیں پولیس نے سینکڑوں کی تعداد میں کینٹنرز قبضے میں لے لیے ہیں، جن کی نقل وحمل کے لیے کرینیں بھی بھجوادی گئی ہیں۔ لاہور سمیت پنجاب بھر سے 60 سے زائد اضافی پریژن وینز مانگی گئی تھی جو کہ آئی جی پنجاب نے فوری بھجوانے کا حکم دیا تھا جبکہ حکومت کو رینجرز کو حساس اضلاع میں بیک اپ کے طور پر مہیا کرنے کا مراسلہ بھجوایا ہے۔