پنجاب کے سینئروزیر اور پیپلز پارٹی کے رہنما سید حسن مرتضیٰ نے کہا کہ آصف زرداری کا نام لیکر پی ٹی آئی سستی شہرت حاصل کرنے کی ناکام کوشش کر رہی ہے، جلیل شردقپوری اور فیصل نیازی کی خرید و فروخت کس نے کی ؟ عمران نیازی نے تو حج پر گئے ہوئے الیاس چنیوٹی کو بھی نہ بخشا اور وہاں دس کی آفر کرا دی”.

حسن مرتضیٰ کا کہنا تھا کہ پاکستان پیپلزپارٹی نے کبھی لوٹا کریسی کی سیاست نہیں کی، پاکستان کی سیاسی تاریخ میں سب سے پہلے سیاسی لوٹے پیپلزپارٹی کیخلاف ہی ایجاد کیے گئے اور پیپلزپارٹی سب سے پہلے چھانگا مانگا سیاست کا نشانہ بنی”،آصف زرداری سافٹ ٹارگٹ اس لیے ہے کہ وہ مفاہمت کی سیاست کرتا ہے ، مسکرا کر ملتا ہے، پاکستان کے تمام سیاسی خانوادے آصف زرداری کی بات مانتے ہیں جبکہ عمران نیازی کی سیاست اسکے بالکل الٹ یعنی انتشار و انارکی کی سیاست ہے”

سیاست میں خرید و فروخت کا ماسٹر مائنڈ خود عمران خان ہے۔ رانا ثناء

پیپلز پارٹی کے زیر اہتمام لاہور پریس کلب سے واپڈا ہاﺅس تک رانا فاروق سعید، فیصل میر اور حاجی میاں عزیز الرحمن چن کی قیادت میں “آصف علی زرداری زندہ باد ریلی” نکالی گئی ،جس میں پیپلز پارٹی پنجاب کے سنیئر نایب صدر رانا فاروق سعید، حاجی میاں عزیز الرحمن چن، میاں شاہد عباس ایڈووکیٹ ، افنان صادق بٹ،نرگس خان،رانا اشعر نثار، احمد رضا شاہ، زوہیب بٹ اور خرم فاروق ایڈووکیٹ سمیت دیگر نے شرکت کی۔

زرداری اورشہبازنے لوٹی گئی رقم سے این آراو 2 حاصل کیا. عمران خان

اس موقع پر رانا فاروق سعید,فیصل میر،حاجی عزیز الرحمن چن اور میاں شاہد عباس سمیت دیگر نے بھی خطاب کیا اور آصف علی زرداری سب پہ بھاری کے فلک شگاف نعرے بھی لگائے گئے،اس موقع پر خطاب کرتے ہوئے رانا فاروق سعید نے کہا کہ پوری قوم جانتی ہے کہ کس طرح سے عمران خان نے حکومت بنانے کے لیئے لوگوں کے جہاز اور اے ٹی ایم کا استعمال کیا تھا پیسے اور خریدو فروخت کی سیاست کو تو تم نے شروع کیا تھا مگر الزام دوسروں پر لگاتے ہو سب کو علم ہے کہ آصف علی زرداری تو ایک زرداری قبائل سے تعلق رکھتے ہیں جن کے بڑے بھی اسمبلیوں کے ممبر رہے تم کیا تھے اور جو تمہارے لیئے آجکل بڑا بول رہا ہے جس کو ہم ڈبو کے نام سے جانتے ہیں اس کو سیاست میں لانے والے بھی آصف علی زرداری ہیں مگر جب لوٹ مار کرکے اس نے پیسے بنا لیئے تو آج وہ شخص بھی ان کے خلاف باتیں کررہا ہے انہوں نے کامیاب ریلی نکالنے پر فیصل میر مبارکباد بھی دی۔

فیصل میر نے ریلی سے خطاب کرتے ہوئے کہا کہ عمران خان نے کل زرداری صاحب کے بارے میں جوبے وقوفوں والی ایک ٹویٹ کی کہ جس میں اس نے کہا کہ پنجاب میں حکومت بنانے کے لئے آصف زرداری صاحب خرچہ کر رہے ہیں میں عمران خان سے پوچھنا چاہوں گا کہ کیا پنجاب میں پیپلز پارٹی حکومت بنا رہی ہے؟ جو زرداری صاحب خرچہ کریں گے پیپلز پارٹی کو بیگانی شادی میں عبد اللہ دیوانہ بننے کا کوئی شوق نہیں،ساری دنیا جانتی ہے کہ آپکا سب سے بڑا ڈاکو پرویز الہی وزیراعلی بننے کے لئے ایم پی ایز کو کروڑوں روپے دے رہا ہے پی ٹی آئی کے ممبران اسمبلی کی اکثریت ق لیگ کا وزیراعلی نہیں چاہتی اور پرویز الہی کو ووٹ نہیں دینا چاہتی اسی لئے مونس الہی اور چوہدری شجاعت ڈکیتی کی اربوں روپے کی رقمیں ایم پی ایز میں بانٹ رہے ہیں۔

انہوں نے پوچھا کہ کیا جلیل شرقپوری اور فیصل نیازی کی خریدو فروخت میں پرویز الہی ملوث نہیں کیا حج پر گئے ہوئے الیاس چنیوٹ کو دس کروڑ کی آفر پی ٹی آئی نے نہیں کی کیا عمران خان کے چپڑاسی شیخ رشید کی خریدو فروخت کی ریکارڈنگ رنگے ہاتھوں نہیں پکڑی گئی تھی۔ فیصل میر نے کہا کہ وہ سپریم کورٹ سے مطالبہ کرتے ہیں وہ judicial mind اپلائی کر کہ پی ٹی آئی اور ق لیگ کی طرف سے ممبران اسمبلی میں پیسے تقسیم کرنے کا نوٹس لے اور عمران خان اور شیخ رشید کے خلاف اس سلسلے میں تحقیقات کے احکامات دے.

حاجی عزیز الرحمن چن نے کہاکہ آصف علی زرداری کل بھی سب پہ بھاری تھا اور آج بھی سب پہ بھاری ہے وہ لاہور آکر کیا بیٹھے ان کی ٹانگیں کاپنا شروع ہو گئی ہیں،ریلی میں پیپلز پارٹی کے عہدیداروں اور کارکنان کی ایک بڑی تعداد بالخصوص خواتین کی بھی ایک بڑی تعداد نے شرکت کی اور اپنے ہاتھوں میں پارٹی کے پرچم اٹھا رکھے تھے جبکہ ریلی میں آصف علی زرداری کا ایک قد آور پورٹریٹ بھی آوایزاں کیا گیا تھا۔

لاہور:ایک طرف پنجاب میں وزیراعلیٰ کا کل انتخاب ہونے جارہا ہے اور دوسری طرف اس وقت میدان سیاست کے کھلاڑی آصف علی زرداری اپنے سیاسی کارڈ کھیلنے کی بھرپورکوشش کررہے ہیں ، اس حوالے سے کیا صورت حال اس وقت چل رہی ہے ،اس کی حساسیت کا اندازہ سابق صدر اور پیپلزپارٹی کے شریک چیئرمین آصف زرداری کے بیان سے بآسانی کیا جاسکتا ہے جن کا کہنا ہے کہ پرویزالہی نےعمران خان ساتھ نہ چھوڑا تو اس کا مطلب ہے یہ میری اور ان کی ذاتی لڑائی ہے۔

یہ بھی کہا جارہا ہے کہ آصف علی زرداری نے اس سلسلے میں چوہدری شجاعت حسین کو بھی اپروچ کیا لیکن چوہدری شجاعت حسین نے حامی بھرنے سے معذرت کرلی ، بعض تو کہتےہیں کہ اس ملاقات میں آصف زرداری نے چوہدری شجاعت کے توسط سے چوہدری پرویز الہی کو جارحانہ تنبیہ بھی کر ڈالی ہے۔

یہ بھی کہا جارہا ہےکہ آصف علی زرداری کا کہنا ہےکہ انہوں نے چوہدری پرویزالہی کو وزیراعلی پنجاب بنانے کے لئے نوازشریف کو راضی کیا، اور پرویزالہی کو وزیراعلی پنجاب بننے کی مبارکباد بھی دی اور انہوں نے شکریہ بھی ادا کیا۔

آصف زرداری نے کہا کہ صبح خبر ملی کہ پرویزالہی ہمارا امیدوار بننے کے بجائےعمران خان کے امیدوار بن گئے، میں چاہتا ہوں کے پرویزالہی عمران خان کے امیدوار کے طور پر سامنے نہ آئیں۔

آصف زرداری میری اخلاقی ذمہ داری ہے کہ پرویزالہی کاراستہ روکوں، پرویزالہی نےعمران خان ساتھ نہ چھوڑا تو اس کا مطلب ہے یہ میری اور ان کی ذاتی لڑائی ہے۔

دوسری طرف تمام سیاسی قیاس آرائیوں کا خاتمہ کرتے ہوئے چوہدری شجاعت حسین نے اپنے بیان میں واضح کرتے ہوئے کہا ہے کہ ایک بار نہیں دو تین بار پہلے بھی یہی بات کہہ چکا ہوں، جن کو مینڈیٹ ملا حکومت کرنا اس کا حق ہے۔

صدر ق لیگ کا کہنا تھا کہ چوہدری پرویز الٰہی ہی وزارت اعلیٰ کے لئے پارٹی کے امیدوار ہیں، مجھے صفائی پیش کرنے کی کوئی ضرورت نہیں۔

رانا ثناء توہین عدالت کیس: اگر توہین عدالت ہوئی تو ٹھوس ثبوت پیش کریں. سپریم کورٹ

چوہدری شجاعت کا کہنا تھا کہ ملکی مسائل کا حل اسی میں ہے کہ گنتی کے چکروں سے باہر نکلا جائے، غریب آدمی کے مسائل کی طرف توجہ دی جائے، جو غریبوں کے مسائل حل کرنے میں کامیاب ہو گا حقیقی معنوں میں اسی کی گنتی پوری ہو جائے گی۔

(ق) لیگ کے صدر نے مزید کہا کہ جو منتخب ہوئے ہیں وہ عوام کی خدمت کریں، اس فکر میں نا پڑیں کہ ایک دوسرے کو کیسے نیچے دکھانا ہے۔ ملکی مسائل کا حل اسی میں ہے کہ سال ڈیڑھ سال حکومت کا موقع ملنا چاہیے یا فوری انتخابات کی طرف جا یا جائے، فوری انتخاب سے مراد فوری ہیں مہینے نہیں۔

پی پی 7 راولپنڈی، دوبارہ گنتی سے متعلق کیس،الیکشن کمیشن نے فیصلہ سنا دیا

17 جولائی کو پنجاب اسمبلی کی 20 نشستوں پر ضمنی انتخابات ہوئے تھے جس میں تحریک انصاف نے بھرپور کامیابی حاصل کی اور صوبائی اسمبلی میں اکثریت حاصل کرلی ہے۔

دو روز قبل آصف زرداری نے پنجاب اسمبلی میں حمایت کے لیے چوہدری شجاعت حسین سے ملاقات بھی کی تھی لیکن چوہدری شجاعت حسین نے کسی قسم کا واضح جواب نہیں دیا تھا۔

وزیراعلیٰ پنجاب کا انتخاب:صوبائی اسمبلی کیلئےضابطہ اخلاق جاری:دفعہ 144نافذ

پیپلزپارٹی کے شریک چیئرمین اور سابق صدر آصف علی زرداری نے کہا ہے کہ وہ اب پنجاب میں بیٹھ کر سیاست کریں گے.

سابق صدر آصف زرداری نے بلاول ہاؤس لاہور میں پیپلزپارٹی لاہور ڈسٹرکٹ 1 اور پیپلزپارٹی لاہور ڈسٹرکٹ 2 کے کارکنوں کے اجلاس سے خطاب کرتے ہوئے کہا کہ موجودہ بین الاقوامی اور قومی سیاست میں ہمیں بات چیت کرنی پڑتی ہے اور اس بات چیت کے دوران سامنے والے کے ردعمل سے اندازہ لگا کر صحیح فیصلے کرنے پڑتے ہیں۔

انہوں نے کہا کہ میں اب پنجاب میں بیٹھ کر سیاست کروں گا اور پنجاب میں پارٹی کو کارکنوں کے ساتھ مل جل کر کھڑا کروں گا ۔ انہوں نے کہا کہ پنجاب میں پیپلز پارٹی کے لیڈروں اور کارکنوں کی طویل جدوجہد ہے ۔ پنجاب کی نئی حکومت سے پارٹی کے لوگوں کی توقعات کو پورا کرنے کی کوشش کروائی جائے گی۔

اجلاس میں رانا فاروق سعید، ثمینہ خالد گھُرکی، اسلم گل، شاہد عباس،احمد رضا اور اسرار بٹ نے بھی اپنے خیالات کا اظہار کیا۔ اجلاس میں شہزاد سعید چیمہ ، حاجی عزیزالرحمن چن، فیصل میر ، جمیل منج اور افنان بٹ بھی موجود تھے۔

آصف زرداری ان دنوں لاہور میں موجود ہیں اور لاہور سے پارٹی کے معاملات کو دیکھ رہے ہیں ،آصف زرداری نے مسلم لیگ ن کے رہنما اور وزیر اعلی پنجاب حمزہ شہباز کے اعزاز میں ظہرانہ بھی دیا اور پنجاب کے سیاسی معاملات پر مشاورت بھی کی .

بلاول ہاوس لاہور میں سابق صدر آصف زرداری اور وزیراعلی پنجاب حمزہ شہبازکے درمیان ملاقات میں ضمنی الیکشن مل کر لڑنے پر اتفاق کیا گیا تھا.علاوہ ازیں سابق صدر آصف زرداری اپنے لاہور قیام کے دوران مسلم لیگ ق کے صدر چوہدری شجاعت حسین کے گھر بھی گئے اور ان کی خیریت دریافت کی تاہم دونوں رہنماوں نے ملک کی سیاسی صورتحال پر مشاورت بھی کی ،اس موقع پر آصف زرداری کا کہنا تھا کہ چوہدری شجاعت حسین پلک کا آثاثہ ہیں،جبکہ شجاعت حسین کی جانب سے یقین دہانی کرائی گئی کہ وہ حکومت کے اتحادی ہیں اور رہیں گے.

پاکستان پیپلزپارٹی کے شریک چیئرمین اور سابق صدر مملکت آصف علی زرداری کی وفاقی وزیر چوہدری سالک حسین کی رہائش گاہ آمد.مسلم لیگ ق کے صدر چوہدری شجاعت حسین سمیت وفاقی وزیر طارق بشیر چیمہ ، چوہدری شافع حسین اور چوہدری سالک حسین نے سابق صدر آصف زرداری کا استقبال کیا.

سابق صدر آصف زرداری نے ق لیگ کے صدر چوہدری شجاعت حسین سے ان کی خیریت دریافت کی، زرائع کے مطابق آصف زرداری نے چوہدری شجاعت حسین کے ساتھ ملک کی سیاسی صورتحال سمیت اہم معاملات پر مشاورت کی.

اس موقع پرسابق صدر آصف علی زرداری نے کہا کہ قومی و وفاقی حکومت ق لیگ کے ساتھ اور ق لیگ قومی حکومت کے ساتھ کھڑی ہے،ق لیگ کے دونوں وفاقی وزرا ہماری حکومت کا اہم حصہ ہیں،انہون نے کہا کہ ق لیگ کے صدر چوہدری شجاعت سیاست کا اثاثہ ہیں.

چوہدری شجاعت حسین کا کہنا تھا کہ ق لیگ قومی حکومت کے ساتھ ہاتھ میں ہاتھ ڈال کر کھڑی ہے اور اپنا وعدہ نبھارہی ہے اور نبھاتی رہے گی، طارق بشیر چیمہ نے کہا کہ سابق صدر آصف علی زرداری آج ہمیں باقاعدہ طور پر کابینہ کا حصہ بننے پر مبارکباد دینے آئے تھے.