Baaghi TV

Tag: احسن اقبال

  • پاکستان کا مستقبل ملک کی برآمدات سے جڑا ہے، احسن اقبال

    پاکستان کا مستقبل ملک کی برآمدات سے جڑا ہے، احسن اقبال

    وفاقی وزیر برائے منصوبہ بندی ،ترقی و خصوصی اقدامات پروفیسر احسن اقبال نے کہا ہے کہ برآمدات کی قیادت میں ترقی ، قومی ترقی اور ملکی پیداوار کو بین الاقوامی معیارات سے ہم آہنگ کرنے کی کلید رکھتی ہے، پاکستان کا مستقبل ملک کی برآمدات سے جڑا ہوا ہے اور ہماری برآمدات میں اضافہ وقت کی اشد ضرورت ہے۔

    ان خیالات کا اظہار انہوں نے “ریوائیول آف اکانومی” کے عنوان سے منعقدہ سیمینار سے خطاب کرتے ہوئے کیا جس میں اسلام آباد چیمبر کی جانب سے تمام سیاسی جماعتوں کو مدعو کیا گیا تھا۔

    وفاقی وزیر نے کہا کہ حکومت تاجر برادری کی حمایت کرے گی اور آئی سی سی آئی پر زور دیا کہ وہ رکاوٹوں اور مسائل کو اجاگر کرے تاکہ حکومت انہیں بغیر کسی تاخیر کے حل کرے۔ انہوں نے تمام چیمبر آف کامرس کو یقین دلایا کہ وزیراعظم کی ہدایت کے مطابق ان کے مسائل 15 دنوں کے اندر حل ہوں گے جبکہ ان پر روز دیا کہ وہ مشکلات کی نشاندہی کریں۔

    انہوں نے تاجر برادری پر زور دیا کہ وہ مارکیٹ پر مبنی نقطہ نظر کو اپنانے کے لئے عالمی مارکیٹ میں جگہ بنائیں۔ وفاقی وزیر نے ملک میں سیاسی استحکام پر زور دیتے ہوئے کہا کہ پاکستان نے جدوجہد کے بعد استحکام کا راستہ تلاش کیا ہے لیکن اس کے ساتھ ساتھ چیلنجز بھی ہیں جن سے نمٹنے کی ضرورت ہے۔

    انہوں نے مزید کہا کہ معاشی استحکام سیاسی استحکام سے جڑا ہوا ہے اور ملک میں سیاسی استحکام کے لئے وقت کی اشد ضرورت ہے۔ انہوں نے کہا کہ تمام جماعتوں کا سیاسی ایجنڈا ہو سکتا ہے لیکن معاشی محاذ پر ہم سب کو متحد ہونا چاہئے۔ پروفیسر احسن اقبال نے کہا کہ کوئی بھی ملک ترقی نہیں کر سکتا اگر پالیسیوں میں عدم تسلسل ہو اور پاکستان نے اپنی 75 سالہ تاریخ میں بھی مثبت ترقی بھی دیکھی

  • کشتی کے مسافر چپو چلانے کے بجائے لڑنے لگ جائیں تو کشتی ڈوب جائے گی،احسن اقبال

    کشتی کے مسافر چپو چلانے کے بجائے لڑنے لگ جائیں تو کشتی ڈوب جائے گی،احسن اقبال

    کشتی کے مسافر چپو چلانے کے بجائے لڑنے لگ جائیں تو کشتی ڈوب جائے گی،احسن اقبال

    باغی ٹی وی کی رپورٹ کے مطابق ن لیگی رہنماؤن نے سابق وزیراعظم عمران خان پر کڑی تنقید کی ہے

    وفاقی وزیر احسن اقبال کا کہنا تھا کہ آخری سہ ماہی میں ہمارے پاس ترقیاتی بجٹ کا ایک بھی روپیہ نہیں تھا ہماری ناکامی کی وجہ سیاسی عدم استحکام ہےجو معیشت بدلتے حالات کے مطابق خود کو نہیں ڈھالے گی وہ پیچھے رہ جائے گی جو معیشت گلوبل اکانومی کے ساتھ تیز رفتاری سے نہیں چلے گی وہ ناکام ہوگی کشتی طوفان کا شکار ہو تو ہر مسافر کا کام چپو چلانا ہوتا ہے کشتی کے مسافر چپو چلانے کے بجائے لڑنے لگ جائیں تو کشتی ڈوب جائے گی

    ن لیگی رہنما طلال چودھری کا کہنا تھا کہ عمران خان معاشی اوراخلاقی طور پر کرپٹ ہیں دوسروں سے دن رات حساب لیا جاتا ہے اس کا ہر گناہ معاف ہو جاتا ہے کوئی نہیں پوچھتا لاڈلے کیلئے انصاف کا خاص معیار ہے،فارن فنڈنگ کے پیسوں سے آپ نے دھرنے دیئے،عمران خان نے اپنے خلاف امریکی عدالت کے فیصلے کو چیلنج نہیں کیا، انصاف کے نظام میں سوتیلے اور لاڈلے بنانا بند کیا جائے نوازشریف کیخلاف جے آئی ٹی بنائی جاتی ہے کچھ نہیں ملتا نوازشریف کیخلاف ایک کاغذ بھی نہیں آیا،ابراج گروپ کے عارف نقوی نے گرفتار ہونے پر رابطوں کیلئے عمران خان کا نمبر دیا،8سال سے فارن فنڈنگ کیس کا فیصلہ نہیں آ سکا

    ن لیگی رہنما مصدق ملک کا کہنا تھا کہ کالے دھن کو سفید کرنے کو منی لانڈرنگ کہتے ہیں، برطانوی جریدے نے عمران خان کی منی لانڈرنگ کا انکشاف کیا،عمران خان نے کہا دہشتگردوں سے بات کر سکتا ہوں لیکن سیاسی مخالفین سے نہیں، عمران خان نے کہا کہ وہ علیحدگی پسندوں سے بات کرنے کیلئے بھی تیار ہیں، عمران خان کو صرف سیاستدانوں سے بات کرنے میں مسئلہ ہے،انگریزی اخبار میں لکھا تھا کہ کالا دھن پی ٹی آئی کو فراہم کیا گیا،پاکستان میں سیاست کرنے کیلئے کسی فارن کمپنی یا بیرون ملک سے پیسے نہیں لے سکتے،اگر کوئی پارٹی کسی فارن کمپنی یا بیرون ملک سے پیسہ لے گی تو وہ پیسہ کالا دھن کہلائے گا پاکستان میں ایسا کرنے والی پارٹی کو ختم کردیا جاتا ہے

     فل کورٹ مستر کیا جاتا ہے تو ہم بھی عدلیہ کےاس فیصلے کو مسترد کرتے ہیں.حکمران اتحاد 

    سینیٹ اجلاس میں "فرح گوگی” کے تذکرے،ہائے میری انگوٹھی کے نعرے

    فرح خان بنی گالہ کی مستقل رہائشی ،مگرآمدروفت کا ریکارڈ نہیں، نیا سیکنڈل ،تحقیقات کا حکم

    مریم نواز کی حکومتی اتحاد کے رہنماؤں کے ہمراہ پریس کانفرنس

  • این آر او کیلئے عمران خان نے مفاہمتی پیغام بھجوا دیا، احسن اقبال

    این آر او کیلئے عمران خان نے مفاہمتی پیغام بھجوا دیا، احسن اقبال

    این آر او کیلئے عمران خان نے مفاہمتی پیغام بھجوا دیا، احسن اقبال

    باغی ٹی وی کی رپورٹ کے مطابق وفاقی وزیر، ن لیگ کے سینئر رہنما احسن اقبال نے دعویٰ کیا ہے کہ عمران خان نے این آر او کے لئے پیغام بھجوایا ہے

    سماجی رابطے کی ویب سائٹ ٹویٹر پر ٹویٹ کرتے ہوئے احسن اقبال نے دعویٰ کیا کہ ممنوعہ فنڈنگ کیس کے ممکنہ فیصلے کے خوف سے عمران نیازی نے معتمد ساتھی کے ذریعہ این آر او حاصل کرنے کے لئے پی ڈی ایم کی قیادت کو مفاہمتی پیغام دیا لیکن حکومتی اتحاد کا فیصلہ کہ اب کوئی این آر او نہیں ملے گا۔

    عمران خان جب وزیراعظم تھے تو کہتے تھے کہ اپوزیشن والے این آر او مانگ رہے ہیں، کسی صورت این آر او نہیں دوں گا، لیکن اب عمران خان خود این آر او مانگ رہے ہیں، اسی قسم کا ایک دعویٰ غریدہ فاروقی نے بھی کیا تھا، جبکہ کئی دیگر مواقع پر بھی ایسے دعوے سامنے آئے ہیں کہ عمران خان این آر او مانگ رہے ہیں تا ہم عمران خان کی جانب سے ان دعووں کی تردید نہیں کی گئی، عمران خان کے خلاف جب تحریک عدم اعتماد جمع ہوئی تھی تب غریدہ فاروقی نے کہا تھا کہ عمران خان نے آصف زرداری سے این آر او مانگا اور کہا کہ حصہ نہ بنا جائے لیکن زرداری نہ مانے،

    ن لیگی رہنما اور وفاقی وزیرخواجہ سعد رفیق بھی کہہ چکے ہیں کہ کپتان اب متحدہ اپوزیشن سے NRO مانگ رہا ہے- اللہ کی شان جو کل تک رعونت سے کہتا تھا میں انہیں NRO نہیں دونگا اب اپنے لئے NRO کی بھیک مانگ رہا ہے- عمران خان کے خلاف جب تحریک عدم اعتماد جمع ہوئی تھی تو اسوقت پیپلز پارٹی کے چیئرمین اور موجودہ وزیر خارجہ بلاول زرداری نے بھی کہا تھا کہ ،جمہوریت پر سمجھوتہ کرنے کوتیارنہیں ،عمران خان کو پیغام دینا چاہتے ہیں کہ آپ کے لیے کوئی این آر او نہیں،عمران خان کے لیے کوئی ایمنسٹی، کوئی بیک ڈور ایگزٹ نہیں

    عمران خان کو کسی قسم کا این آر او نہیں دیں گے ،بلاول کا اعلان

    دھمکی آمیز خط کے بارے تہلکہ خیز انکشافات سامنے آ گئے

    جب "باپ” ساتھ چھوڑ جائے گا تو پھر بچوں کی کیا جرات کہ وہ ساتھ رہیں

    خاندان میں اختلافات، چودھری شجاعت نے بڑا سرپرائز دے دیا

  • عمران خان کیخلاف توہین عدالت کی کارروائی کیوں نہیں ہوتی؟احسن اقبال

    عمران خان کیخلاف توہین عدالت کی کارروائی کیوں نہیں ہوتی؟احسن اقبال

    عمران خان کیخلاف توہین عدالت کی کارروائی کیوں نہیں ہوتی؟احسن اقبال

    باغی ٹی وی کی رپورٹ کے مطابق وفاقی وزیر احسن اقبال نے کہا ہے کہ عمران خان مسلسل قومی اداروں کو دباو میں لارہے ہیں،

    احسن اقبال نے میڈیا ٹاک کرتے ہوئے کہا کہ پنجاب کا صوبہ بغیر کابینہ کے چل رہا ہے،عمران نیازی سپریم کورٹ کی کردار کشی کرتے رہے،ہم تو توہین عدالت میں نااہل بھی ہوجاتے ہیں،قاسم سوری ڈھائی ڈھائی سال تک سٹے آرڈر پر ہوتے ہیں،عمران خان کیخلاف توہین عدالت کی کارروائی کیوں نہیں ہوتی،عمران خان کو کبھی توہین عدالت کی پیشی پر نہیں بلایا گیا،عمران خان عدالتوں کو برا بھلا کہتے ہیں برا بھلا کہہ کر عمران خان سیاسی تنازعوں میں عدالتوں کو دعوت بھی دیتے ہیں عمران خان پاکستان کو سیاسی بحران میں دھکیلنا چاہتے ہیں، عمران خان مسلسل انتشار کے ایجنڈے پر کام کررہے ہیں،

    احسن اقبال کا مزید کہنا تھا کہ عمران خان جب سےحکومت سے فارغ ہوا کہہ رہاہے پاکستان سری لنکا بنے گا، عمران خان ملک کو سری لنکا کے راستے پر ڈالنے کے لئے صبح شام نعرے لگا رہا ہے،ہم پاکستان کو سری لنکا بننے سے بچارہے ہیں، سب سے بڑے صوبے کو آئینی بحران کا شکار کر رکھا ہے ،عمران خان ممنوعہ فنڈنگ کیس میں آزاد تھے

    علاوہ ازیں وفاقی وزیر اطلاعات مریم اورنگزیب کا کہنا تھا کہ مسلم لیگ ن پنجاب اسمبلی میں سرخرو ہوئی، پاکستان اور جمہوریت کی فتح ہوئی ہے، ڈپٹی اسپیکرنے سپریم کورٹ کے فیصلےکے مطابق رولنگ دی، سینیٹ الیکشن میں کوئٹہ اوربلوچستان کے ووٹ آپ نےخریدے،تم نے ملک کو سری لنکا بنانے کی کوشش کی،سپریم کورٹ کا فیصلہ تمہارے خلاف آیا ہے،چار سال تم نے ڈاکہ ڈالا، عوام کو لوٹا گیا،تم نے فرح خان کے حوالے پورے پنجاب کی قسمت کر دی تم نے ریاستی طاقت کا استعمال کیا،تم ایک تھیلے کی کرپشن ثابت نہیں کر سکے،

    مریم اورنگزیب کا مزید کہنا تھا کہ چودھری شجاعت نے اراکین کو وہ ہی ہدایات جاری کیں جو عمران خان نے کی تھیں رولنگ عمران خان کے حق میں ہو تو آئینی اور حمزہ شہباز کے حق میں ہو غیر آئینی عمران خان نے ملک کو ناقابلِ تلافی نقصان پہنچا یا،حمزہ شہباز سپریم کورٹ کے فیصلے پر عمل کے نتیجے میں وزیر اعلیٰ منتخب ہوئے،عمران خان سپریم کورٹ کے فیصلے کو مانیں دھمکی نہ دیں سپریم کورٹ نے اسپیکر کو پارٹی ہیڈ کی ہدایت پرووٹ مسترد کرنے کا اختیار دیا، عدالت نے پارٹی سربراہ کے فیصلے کی خلاف ورزی کرنے والے کو ڈی سیٹ کرنے کا حکم دیا،

    فرح خان کیسے کرپشن کر سکتی ؟ عمران خان بھی بول پڑے

    سینیٹ اجلاس میں "فرح گوگی” کے تذکرے،ہائے میری انگوٹھی کے نعرے

    فرح خان بنی گالہ کی مستقل رہائشی ،مگرآمدروفت کا ریکارڈ نہیں، نیا سیکنڈل ،تحقیقات کا حکم

    ڈپٹی اسپیکرکی رولنگ کے خلاف پی ٹی آئی کی درخواست قابل سماعت قرار،نوٹسز جاری

  • اقوام متحدہ یوکرین روس جنگ کے مسئلے کے حل کیلئے اپنا کردار ادا کرے ، احسن اقبال

    اقوام متحدہ یوکرین روس جنگ کے مسئلے کے حل کیلئے اپنا کردار ادا کرے ، احسن اقبال

    واشنگٹن:احسن اقبال نے کہا ہے کہ اقوام متحدہ یوکرین روس جنگ کے مسئلے کے حل کے لئے اپنا کردار ادا کرے۔

    تفصیلات کے مطابق وفاقی وزیر منصوبہ بندی احسن اقبال نے ایک تقریب ساے خطاب کرتے ہوئے کہا کہ اقوام متحدہ یوکرین روس جنگ کے مسئلے کے حل کے لئے آگے بڑھ کر اپنا کردار ادا کرے تاکہ ترقی پذیر ممالک کو عالمی سطح پر اشیاء کی قیمتوں میں کئی گنا اضافے کے اثرات سے تحفظ فراہم کیا جا سکے۔

    انہوں نے کہا کہ پاکستان جیسے بہت سے ترقی پذیر ممالک کو بین الاقوامی منڈیوں میں اشیاء کی قیمتوں میں دگنا اور تین گنا اضافے کی وجہ سے انتہائی مشکل معاشی صورتحال کا سامنا ہے۔

    احسن اقبال نے یہ بھی کہا کہ پاکستان جیسے ممالک اب اجناس کی بڑھتی ہوئی قیمتوں کے شدید دباؤ میں ہیں جس کے نتیجے میں نجی شعبے پر بھی مالی بوجھ بڑھ رہا ہے۔

    ان کا کہنا تھا کہ حکومت کو نجی شعبے کیلئے ان پروگراموں کیلئے اضافی وسائل حاصل کرنا مشکل ہو رہا ہے جو وہ ایس ڈی جیز کیلئے بروئے کار لا رہے تھے۔

    احسن اقبال نے ایسے ترقی پذیر ممالک کیلئے کسی قسم کے ریلیف کی ضرورت پر زور دیا تاکہ نجی شعبے کو پائیدار ترقی کے اہداف میں حصہ ڈالنے کے قابل بنایا جا سکے۔

    انہوں نے کہا کہ 2015 میں پائیدار ترقی کے اہداف کے آغاز کے فوراً بعد پاکستان کی پارلیمنٹ نے بین الاقوامی ایس ڈی جیز ایجنڈے کو اپنے قومی ترقیاتی اہداف کے طور پر اپنایا۔

    احسن اقبال کا کہنا تھا کہ پاکستان نے ابتدا سے ہی اس ایجنڈے کو ملکیت دینے کی کوشش کی، یہ کوئی عالمی ایجنڈا نہیں یہ ہمارا اپنا قومی ایجنڈا ہے۔

    ان کا یہ بھی کہنا تھا کہ جہاں تک موسمیاتی تبدیلیوں کا تعلق ہے پاکستان سرفہرست 10 کمزور ممالک میں شامل ہے اور اس مسئلے سے نمٹنے کیلئے حکومت بھرپور طریقے سے کام کر رہی ہے۔

    احسن اقبال نے کہا کہ پاکستان نے کاروبار میں مزید ملازمتوں کے مواقع پیدا کرنے کیلئے نجی شعبے کے ساتھ بھی شراکت داری کی ہے کیونکہ ہمارا ملک نوجوان اکثریت کا ملک ہے اور تقریباً دو تہائی آبادی کم عمر نوجوانوں پر مشتمل ہے۔

    انہوں نے کہا کہ حکومت نوجوانوں کو زیادہ سے زیادہ ملازمتیں فراہم کرنے کیلئے نجی شعبے کے ساتھ مل کر کام کرنے کےلئے کوشاں رہی ہے۔

    وفاقی وزیر منصوبہ بندی احسن اقبال نے مزید کہا کہ ہم نوجوان گریجویٹس اور انڈر گریجویٹس کو انٹرن شپ پروگرام پیش کر رہے ہیں تاکہ انہیں روزگار کے حصول میں آسانی ہو اور انہیں مزید روزگار کے مواقع میسر آ سکیں۔

  • ہمیں کسی نے دباؤ میں نہیں لیا، اپنی مرضی سے احسن اقبال کے گھر گئے اور معذرت کی

    ہمیں کسی نے دباؤ میں نہیں لیا، اپنی مرضی سے احسن اقبال کے گھر گئے اور معذرت کی

    اسلام آباد کے ایک ریسٹورینٹ میں احسن اقبال سے بدتمیزی کرنے والے خاندان کے فرد اسامہ شیر نے کہا ہے کہ ہمیں کسی نے دباؤ میں نہیں لیا، ہم اپنی مرضی سے احسن اقبال کے گھر گئے اور معذرت کی-

    باغی ٹی وی : نجی خبررساں ادارے سے گفتگو کے دوران اسامہ شیر نے کہا کہ پبلک ایریا میں کسی کو بھی اس طرح کہنا نہیں چاہیے، ہم سے غلطی ہوئی احسن اقبال معروف شخصیت ہیں اور ہمارے بزرگ بھی ہیں، ہمیں احساس ہوا کہ اپنی رائے اپنے پاس رکھنی چاہیے اور یہ سب سوچتے ہوئے ہم نے احسن اقبال سے معافی مانگنے کا فیصلہ کیا۔

    سوشل میڈیا پر دباؤ میں لینے سے متعلق قیاس آرائیوں کی تردید کرتے ہوئے اسامہ شیر کا کہنا تھا کہ ہمیں کسی نے دباؤ میں نہیں لیا، ہم اپنی مرضی سے احسن اقبال کے گھر گئے اور معذرت کی۔

    اسامہ کا کہنا تھا کہ احسن اقبال نے نہیں کہا کہ پی ٹی آئی جوائن نہ کریں یا ن لیگ جوائن کریں، ہم پر کسی قسم کا کوئی دباؤ نہیں آیا، پتا نہیں ایسی باتیں کہاں سے آجاتی ہیں، معافی مانگنے کا 100 فیصد فیصلہ ہمارا تھا، ہماری فیملی کو بھی احساس ہوا کہ جو ہم نے کیا وہ غلط تھا۔

    واضح رہے کہ پنجاب کے شہر بھیرہ میں مسلم لیگ ن کے رہنما اور وفاقی وزیر منصوبہ بندی احسن اقبال کو ایک ریسٹورنٹ میں دیکھ کر وہاں موجود سابق وزیر اعظم عمران خان کے کچھ حامیوں نے لیگی رہنما کے خلاف نعرہ بازی شروع کردی۔

    سوشل میڈیا پر وائرل ہونے والی ویڈیوز میں دیکھا گیا کہ احسن اقبال ریسٹورنٹ کے کاؤنٹر پر کھڑے ہیں،اچانک انہیں دیکھ کر بظاہر پہلے ایک خاندان کی خواتین نے ان کے خلاف چور،چور کے نعرے لگانا شروع کردیے اور بعد ازاں اس میں دیگر افراد بھی شامل ہوگئے۔

    اس دوران ریسٹورنٹ میں موجود شہری ویڈیو ریکارڈ کرتے رہے۔ تاہم کچھ منٹ بعد نعرے لگانی والی خواتین اور دیگر افراد باہر چلے گئے بعد ازاں احسن اقبال نے ٹوئٹر پر بیان جاری کرتے ہوئے واقعے کی تفصیلات بتائیں۔

    اس کے بعد ٹویٹر پر اپنے ایک بیان میں وفاقی وزیر برائے منصوبہ بندی احسن اقبال نےبتایا تھا کہ بھیرہ واقعہ میں ملوث فیملی نے نارووال آ کر ملاقات میں اپنے عمل پر معذرت کی،پچھتاوے اور شرمندگی کا اظہار کیا میں پہلے ہی ان کیخلاف قانونی چارہ جوئی نہ کرنے کا اعلان کر چکا تھا۔ ہم سب پاکستانی ہیں، ایک دوسرے سے اختلاف کے حق کو نفرت میں تبدیل نہیں کرنا اور باہمی احترام قائم رکھنا ہے۔

  • احسن اقبال کیساتھ بدتمیزی کرنے والی فیملی نے معذرت کر لی

    احسن اقبال کیساتھ بدتمیزی کرنے والی فیملی نے معذرت کر لی

    لاہور:موٹروے پر بدتمیزی کرنے والی فیملی نے وفاقی وزیر احسن اقبال کےگھر جا کر اُن سے معذرت کر لی۔

    سماجی رابطے کی ویب سائٹ ٹویٹر پر اپنے ایک بیان میں وفاقی وزیر برائے منصوبہ بندی احسن اقبال نے لکھا کہ بھیرہ واقعہ میں ملوث فیملی نے نارووال آ کر ملاقات میں اپنے عمل پر معذرت کی،پچھتاوے اور شرمندگی کا اظہار کیا۔

    انہوں نے مزید لکھا کہ میں پہلے ہی ان کیخلاف قانونی چارہ جوئی نہ کرنے کا اعلان کر چکا تھا۔ ہم سب پاکستانی ہیں، ایک دوسرے سے اختلاف کے حق کو نفرت میں تبدیل نہیں کرنا اور باہمی احترام قائم رکھنا ہے۔

     

     

    یاد رہے کہ پنجاب کے شہر بھیرہ میں مسلم لیگ ن کے رہنما اور وفاقی وزیر منصوبہ بندی احسن اقبال کو ایک ریسٹورنٹ میں دیکھ کر وہاں موجود سابق وزیر اعظم عمران خان کے کچھ حامیوں نے لیگی رہنما کے خلاف نعرہ بازی شروع کردی۔

    سوشل میڈیا پر وائرل ہونے والی ویڈیوز میں دیکھا گیا کہ احسن اقبال ریسٹورنٹ کے کاؤنٹر پر کھڑے ہیں،اچانک انہیں دیکھ کر بظاہر پہلے ایک خاندان کی خواتین نے ان کے خلاف چور،چور کے نعرے لگانا شروع کردیے اور بعد ازاں اس میں دیگر افراد بھی شامل ہوگئے۔

    اس دوران ریسٹورنٹ میں موجود شہری ویڈیو ریکارڈ کرتے رہے۔ تاہم کچھ منٹ بعد نعرے لگانی والی خواتین اور دیگر افراد باہر چلے گئے۔
    بعد ازاں احسن اقبال نے ٹوئٹر پر بیان جاری کرتے ہوئے واقعے کی تفصیلات بتائیں۔

  • جہانگیر ترین عمران خان کو جہاز نہ دیتا تو یہ آج بھی دھکے کھا رہا ہوتا،احسن اقبال

    جہانگیر ترین عمران خان کو جہاز نہ دیتا تو یہ آج بھی دھکے کھا رہا ہوتا،احسن اقبال

    باغی ٹی وی کی رپورٹ کے مطابق وفاقی وزیر احسن اقبال نے کہا ہے کہ چند سال قبل پروپیگنڈے سے متاثر ایک نوجوان نے میری جان لینے کی کوشش کی

    احسن اقبال کا کہنا تھا کہ انتہا پسندی کے خاتمے کیلئے تدبیریں سوچتا ہوں،چند سال قبل ایک نوجوان نے میری جان لینے کی کوشش کی جب نفرت کا بیج بویا جائے تو اسے نکلنے میں کئی سال لگتے ہیں،ہمیں معاشی مسائل کا سامنا ہے جنہیں ایک دو سال میں حل کیا جا سکتا ہے،معاشرے میں نفرت کے بیج بو دیئے جائیں تو وہ نکالے نہیں جا سکتے،چند افراد نے خواتین اور بچوں کو آگے کر کے ہلڑ بازی کی،ہر طبقے نے اس واقعہ کی مذمت کی ہے، خواتین موجود ہونے کے باعث قانونی کارروائی کرنے سے گریز کیا ہے، اگر ہم نے ایسے رویوں کی حوصلہ شکنی نہ کی تو خانہ جنگی ہو سکتی ہے،میرے ساتھ کوئی سیکیورٹی گارڈ یا حمایتی ہوتا تو صورتحال گھمبیر ہو سکتی تھی،خواتین اور بچوں کیخلاف قانونی کارروائی سے اجتناب کرتا ہوں

    احسن اقبال کا مزید کہنا تھا کہ جہانگیر ترین عمران خان کو جہاز نہ دیتا تو یہ آج بھی دھکے کھا رہا ہوتا ,عمران خان کے حمایتیوں سے کہتا ہوں سوچیں آپ کا لیڈر آپ سے کتنا مخلص ہے،اگر عمران خان آپ سے اتنا مخلص ہوتا تو اس طرح کے کام کرنے پر نہ اکساتے عمران خان پچھلے10سال سے کردار کشی کا مہم چلا رہے ہیں،عمران خان قیامت تک سڑکوں پر دھکے کھائے گا اقتدار میں نہیں آسکتا،عمران خان نے لوگوں کو استعمال کیا اور پھر پھینک دیا،پی ٹی آئی کے ہمدردوں کو مشورہ ہے کہ وہ ٹحنڈے دماغ سے سوچیں،نوازشریف عمران خان کو چندہ نہ دیتے تو یہ آج بھی شوکت خانم کے نقشے لے کر گھوم رہا ہوتا،شہبازشریف اور یوسف رضا گیلانی زمین نہ دیتے تو آج نمل یونیورسٹی نہ بنتی،جہانگیرترین جہاز نہ دیتے اور علیم خان خرچہ نہ اٹھاتے تو عمران خان کبھی وزیراعظم نہ بن سکتا

    واضح رہے کہ وفاقی وزیر برائے منصوبہ بندی احسن اقبال کے ساتھ ریسٹورنٹ میں پاکستان تحریک انصاف کی حامی فیملی کی جانب سے روایتی بدتمیزی کرنے کا واقعہ پیش آیا ہے۔ پاکستان تحریک انصاف کے چیئرمین عمران خان نے اپنے کارکنوں اور حمایتیوں کو انسانیت کی تزلیل کا جو سبق سکھایا ہے اس کے اثرات عیاں ہونا شروع ہو گئے ہیں، وفاقی وزیر برائے منصوبہ بندی احسن اقبال بھیرہ کے ایک ریسٹورنٹ میں موجود تھے ،وہیں موجود پاکستان تحریک انصاف کی حامی خواتین نے احسن اقبال کو دیکھتے ہی نعرے لگانا شروع کر دیئے.بظاہریہ فیملی خود کو ایلیٹ سمجھتی ہے مگر انہوں نے مکالمہ کرنے کی بجائے جاہلوں کی طرح نعرہ بازی شروع کر دی۔

    نیب کی غفلت سے میرا بازو مستقل ٹیڑھا ہو گیا، احسن اقبال نیب اور حکومت پر برس پڑے

    ناروال اسپورٹس کمپلیکس کیس،ریفرنس دائر ہونے کے بعد احسن اقبال نے کیا مطالبہ کر دیا؟

    احتساب عدالت نے احسن اقبال کی بریت کی درخواست پر فیصلہ محفوظ کر لیا

    کیا میں نے کوئی قتل کیا کوئی جوا خانہ بنایا؟ احسن اقبال کا عدالت میں بیان

  • احسن اقبال کے ساتھ ریسٹورنٹ میں پی ٹی آئی کی حامی خواتین کی بدتمیزی

    احسن اقبال کے ساتھ ریسٹورنٹ میں پی ٹی آئی کی حامی خواتین کی بدتمیزی

    وفاقی وزیر برائے منصوبہ بندی احسن اقبال کے ساتھ ریسٹورنٹ میں پاکستان تحریک انصاف کی حامی فیملی کی جانب سے روایتی بدتمیزی کرنے کا واقعہ پیش آیا ہے۔ پاکستان تحریک انصاف کے چیئرمین عمران خان نے اپنے کارکنوں اور حمایتیوں کو انسانیت کی تزلیل کا جو سبق سکھایا ہے اس کے اثرات عیاں ہونا شروع ہو گئے ہیں، وفاقی وزیر برائے منصوبہ بندی احسن اقبال بھیرہ کے ایک ریسٹورنٹ میں موجود تھے ،وہیں موجود پاکستان تحریک انصاف کی حامی خواتین نے احسن اقبال کو دیکھتے ہی نعرے لگانا شروع کر دیئے.بظاہریہ فیملی خود کو ایلیٹ سمجھتی ہے مگر انہوں نے مکالمہ کرنے کی بجائے جاہلوں کی طرح نعرہ بازی شروع کر دی۔

    وفاقی وزیر برائے منصوبہ بندی احسن اقبال نےاپنے ٹوئٹر پیغام کہا کہ آج بھیرہ کے ایک ریسٹورنٹ میں ایک فیملی سے مڈ بھیڑ ہوئی۔وفاقی وزیر نے کہا کہ یہ فیملی بظاہر خود کو ایلیٹ سمجھتی ہے مگر انہوں نے مکالمہ کرنے کی بجائے جاہلوں کی طرح نعرہ بازی شروع کر دی۔

    احسن اقبال نے مزید کہا کہ جب یہ نعرہ بازی سے باز نہ آئے تو لوگوں نے بھی نعرے لگا دیے ’’گوگی پیرنی کا حساب دو‘۔

    احسن اقبال نے ایک اور ٹویٹ میں مزید کہا کہ یہ وہ چہرے ہیں جن کی تربیت عمران نیازی نے ہٹلر کی پلے بک سے کی ہے۔ عام زندگی میں لوگ انہیں پڑھا لکھا سمجھتے ہونگے لیکن تہذیب محض تعلیم سے نہیں آتی۔ والدین کی تربیت، صحبت اور زندگی میں انسان کسے فالو کرتا ہے یہ عناصر انسان کو خواہ وہ کتنا تعلیم یافتہ ہو اسے گنوار بھی بنا سکتے ہیں۔

  • گوادر پورٹ پرکوئی بڑا بحری جہاز لنگر انداز نہیں ہو سکے گا، احسن اقبال کا تہلکہ خیز انکشاف

    گوادر پورٹ پرکوئی بڑا بحری جہاز لنگر انداز نہیں ہو سکے گا، احسن اقبال کا تہلکہ خیز انکشاف

    وفاقی وزیر پلاننگ و منصوبہ بندی احسن اقبال کا تہلکہ خیز انکشاف کر دیا ،کہتے ہيں گوادر پورٹ اب گہرا سمندر نہیں رہا ۔ جس کے باعث کوئی بڑا بحری جہاز لنگر انداز نہیں ہو سکے گا ۔ سابق حکومت نے جان بوجھ کر سی پیک منصوبے کے گیٹ وے گوادر پورٹ کو تباہ کيا ۔ احسن اقبال نے نجی ٹی وی چینل کے رپورٹر عاصم نصیرسے گفتگو کرتے ہوئے کہا کہ نون لیگ اب ترقی اور ڈويپلمنٹ کے بیانیے سے الیکشن لڑے گی، آرمی چیف کي مدت ملازمت میں توسیع یا نئے آرمی چیف کے حوالے سے ابھی کوئي فیصلہ نہيں ہوا،

    وفاقی وزیرپلاننگ ومنصوبہ بندی احسن اقبال کا کہنا تھا کہ عمران خان نےسی پیک منصوبےکوتباہ کرنےکی ہرممکن کوشش کی،چارسالوں میں سی پیک پرسابق حکومت نےایک ڈالرکامنصوبہ نہیں لگایا،گوادرکےڈیپ سی کالیول14میٹرسےکم ہوکر11میٹررہ گیاہے،کوئی بڑابحری جہازگواردرپورٹ پرلنگراندازنہیں ہوسکتا

    احسن اقبال کا کہنا تھا کہ پاک نیوی کوسروےاورصفائی کےلیےٹاسک دے ديا،123ملین ڈالرپورٹ کي گہرائي کوصاف رکھنےکےلیےپڑےرہے،نون لیگ کاالیکشن میں بیانیہ کیاہوگا؟ کے سوال پے احسن اقبال نے کہا کہ نون لیگ ترقی اورڈويپلمنٹ کےبیانیےسےمیدان میں اترےگی،عمران خان کاویثرن اینگری مین سےزیادہ نہیں،عمران خان کامقدرسڑکوں پردھکےکھانارہ گیاہے،عمران خان اداروں کواپنی سیاست بچانےکےلیےمتنازع بنارہا، آرمی چیف کےعہدےمیں توسیع يانئےآرمي چيف کامعاملہ زیرغورنہیں،

    وفاقی وزیرپلاننگ ومنصوبہ بندی احسن اقبال نے کہا کہ آرمی چیف کےمعاملےپرفیصلہ وزیراعظم اورعسکری قیادت نےملکرکرناہے،اسلم بھوتانئ کی شکایات مس انڈرسیٹندنگ پرمبنی تھی جودورہوگئیں.