Tag: اسرائیل

ایران نے آپریشن وعدہ صادق4 کے تحت اسرائیل پر حملوں کی 61ویں لہر شروع کر دی حملوں میں جانی و مالی نقصان ہوا جبکہ کئی مقامات پر آگ بھڑک اٹھی۔

ایران کے قومی سلامتی کے مشیر علی لاریجانی کی شہادت کے بعد ایرانی پاسداران انقلاب نے اعلان کیا ہے کہ آپریشن وعدہ صادق 4 کے تحت اسرائیل کے خلاف حملوں کی 61 ویں لہر کا آغاز کر دیا گیا ہے، یہ کارروائی مسلسل جاری عسکری مہم کا حصہ ہے اسرائیلی دارالحکومت تل ابیب پر خرمشہر چار، قدر، عماد اور خیبر شکن سمیت سو سے زائد میزائل داغے گئے، جن کے ذریعے دو سو سے زائد فوجی اور سیکیورٹی اہداف کو نشانہ بنایا گیا۔

ایرانی سرکاری ٹی وی کے مطابق یہ حملے سیکیورٹی چیف علی لاریجانی کی شہادت کے جواب میں کیے گئے، جس میں کلسٹر وار ہیڈز والے میزائل استعمال کیے گئے تاکہ زیادہ سے زیادہ اہداف کو نشانہ بنایا جا سکے۔

علی لاریجانی کی قربانی انقلابِ اسلامی کو مزید طاقتور بنائے گی،جعفریہ الائنس

ایرانی صدر نے بیان میں کہا کہ امریکی دھمکیوں سے ڈرنے والے نہیں اور حملوں کے خلاف دفاع ایران کا فطری حق ہے، جس میں وہ ماہر ہیں علی لاریجانی کی شہادت کا انتقام لیں گے، ایران نے واضح کیا کہ ایسے حالات میں جنگ ختم کرنے کی بات معنی نہیں رکھتی، ایران کے خلاف امریکی اڈوں کا استعمال بند ہونا چاہیے۔

بین الاقوامی خبر رساں اداروں کے مطابق تل ابیب میں ہونے والے ان حملوں کے نتیجے میں متعدد گاڑیاں تباہ ہو گئیں اور کئی مقامات پر آگ بھڑک اٹھی، جب کہ عمارتوں کو بھی شدید نقصان پہنچا ایران نے رات گئے مزید میزائل داغے جس کے بعد تل ابیب میں خطرے کے سائرن بج اٹھے۔ غیر ملکی میڈیا کے مطابق شہر کے مختلف علاقوں میں آگ لگنے کے واقعات رپورٹ ہوئے۔

دشمن کے 5 طیارے تباہ کرنیوالے پائلٹ ایم ایم عالم کی آج 13 ویں برسی

اسرائیلی میڈیا کے مطابق تازہ حملوں میں دو اسرائیلی ہلاک اور متعدد زخمی ہوئے، جب کہ کئی گاڑیوں کو نقصان پہنچا حملوں کے بعد تل ابیب کے ایک ٹرین اسٹیشن میں بھی آگ لگنے کی اطلاعات موصول ہوئی ہیں اسرائیلی حکام کا کہنا ہے کہ کلسٹر وار ہیڈز ایسے ہتھیار ہوتے ہیں جو فضا میں پھٹ کر کئی چھو ٹے دھماکوں میں تقسیم ہو جاتے ہیں اور وسیع علاقے کو نشانہ بناتے ہیں، جس کی وجہ سے انہیں روکنا مشکل ہوتا ہے تل ابیب پر ہونے والے حملے کے بعد مجموعی ہلاکتوں کی تعداد بڑھ کر چودہ ہو گئی ہے۔

ایرانی پاسدارانِ انقلاب نے آپریشن وعدہ صادق 4 کے تحت اسرائیل اور امریکی اہداف پر حملوں کی 57 ویں لہر شروع کرنے کا اعلان کر دیا، تازہ حملوں میں ایران کی جانب سے خیبر شکن، عماد اور قدر میزائل استعمال کیے گئے۔

امریکی اخبار نیویارک ٹائمز نے بھی خلیجی خطے میں سیٹلائٹ امیجز کے ذریعے ایرانی حملوں کی تصدیق کردی آئی آر جی سی کے بیان کے مطابق یہ تازہ حملے ’یا سید الساجدین علیہ السلام‘ کے نام کیے گئے اور اسے رمضان میں والدہ کی گود میں خاندان کے ہمراہ شہید ہونے والے شیرخواربچے مجتبیٰ کے نام منسوب کیا گیا، حملوں میں مقبوضہ علاقوں کے مرکزی مقامات کو نشانہ بنایا گیا جن میں کمانڈ اینڈ کنٹرول مراکز اور میزائل دفاعی مواصلاتی نظام شامل تھےاس مقصد کے لیے خیبر شکن، عماد اور قدر میزائل استعمال کیے گئے۔

ایرانی پاسدارانِ انقلاب کے مطابق اسی دوران قطر میں واقع العدید ایئر بیس پر بھی حملہ کیا گیا جہاں امریکی افواج تعینات ہیں، اس کارروائی میں ذوالفقار اور قیام درمیانی فاصلے تک مار کرنے والے میزائلوں کے ساتھ حملہ آور ڈرونز بھی استعمال کیے گئے۔

ڈونلڈ ٹرمپ کے خصوصی ایلچی کے ساتھ کوئی رابطہ نہیں کیا،ایرانی وزیر خارجہ

دوسری جانب امریکی اخبار نیویارک ٹائمز نے سیٹلائٹ تصاویر کے تجزیے کے بعد دعویٰ کیا ہے کہ خلیجی خطے میں ایران کے حملوں کے نتیجے میں امریکا کی کم از کم 17 فوجی تنصیبات کو نقصان پہنچا ہے۔ اخبار کے مطابق ایران کئی تنصیبات کو ایک سے زائد بار نشانہ بنا چکا ہے۔

رپورٹ کے مطابق خطے میں امریکا کی مجموعی طور پر 22 فوجی تنصیبات موجود ہیں جن میں سے 11 تنصیبات ایرانی حملوں کی زد میں آ چکی ہیں۔ نیویارک ٹائمز کے مطابق 9 مارچ کو ایران نے قطر میں قائم ایک امریکی فوجی اڈے کو بھی نشانہ بنایا۔

سردی کی لہر واپس ،17 سے 20 مارچ تک بارشوں کی پیشگوئی

جنگ کے نتیجے میں اب تک امریکی ہلاکتوں کی تعداد 13 ہو چکی ہے جب کہ تقریباً 200 امریکی فوجی زخمی ہوئے ہیں۔ اسرائیل میں 15 افراد ہلاک اور 3369 زخمی ہونے کی اطلاعات ہیں۔ رپورٹس کے مطابق خطے کے دیگر ممالک میں بھی جانی نقصان ہوا ہے۔ کویت میں 6، اومان میں 3 اور سعودی عرب میں 2 اموات ریکارڈ کی گئی ہیں۔

اسرائیلی فوج نے دعویٰ کیا ہے کہ اس نے تہران کے مہرآباد ایئرپورٹ پر کارروائی کرتے ہوئے وہ طیارہ تباہ کر دیا جو ایران کے سپریم لیڈر آیت اللہ علی خامنہ ای کے زیر استعمال تھا۔

فوجی بیان کے مطابق یہ کارروائی رات کے وقت کی گئی اور تباہ کیا جانے والا طیارہ ایرانی اعلیٰ حکام اور فوجی شخصیات کی اندرون و بیرون ملک آمد و رفت کے لیے استعمال ہوتا تھا،اس طیارے کے ذریعے اتحادی ممالک کے ساتھ رابطہ اور ہم آہنگی بھی کی جاتی تھی۔

واضح رہے کہ مہرآباد ایئرپورٹ تہران کے قدیم ترین ہوائی اڈوں میں سے ایک ہے اور اس وقت بنیادی طور پر ملکی اور علاقائی پروازوں کے لیے استعمال ہوتا ہے۔ یہ ہوائی اڈہ ایک دوہرا استعمال رکھنے والی تنصیب بھی ہے جہاں سویلین پروازوں کے ساتھ ساتھ فضائیہ کے اثاثے بھی موجود ہیں۔

ایران کے خلاف جنگ کا حصہ نہیں بنیں گے، برطانوی وزیراعظم

آئی سی سی پلیئر آف دی منتھ کے لیے نامزدگیوں کا اعلان، 2 پاکستانی پلئیرزبھی شامل

آپریشن غضب للحق : باجوڑ سیکٹر میں افغان طالبان کی پوسٹیں تباہ

ایران کی اسرائیل کے خلاف آپریشن وعدہ صادق کی 54ویں لہر، جس میں ایران کی مسلح افواج کی جانب سے پہلی مرتبہ طویل فاصلے تک ہدف کو نشانہ بنانے والے طاقتور ’سجیل اسٹریٹجک بیلسٹک میزائل‘ کو عملی طور پر استعمال کیا گیا ہے۔

اس سلسلے میں ایرانی پاسداران انقلاب کا کہنا ہے کہ حملے کی 54 ویں لہر کا نام ’یازہرہ‘ رکھا گیا ہے، خطے میں دشمن کے اہداف کو میزائلوں سے نشانہ بنایا گیا ہے، پہلی بار سجیل میزائلوں کا استعمال کیا گیا ہے –

ایرانی میزائل سجیل ٹھوس ایندھن سے چلنے والا میزائل ہے جسے امریکا اور اسرائیل کی جانب سے 28 فروری کو ایران کے خلاف شروع کی گئی جارحانہ جنگ کے بعد پہلی بار استعمال کیا گیا ہے اور دعویٰ کیا گیا کہ اس میزائل کے ذریعے اسرائیلی حکومت کے کمانڈ اینڈ کنٹرول مراکز اور اہم فوجی تنصیبات کو نشانہ بنایا گیا۔

ہمت ہے تو ٹرمپ امریکی بحریہ کو خلیج فارس بھیجیں،پاسداران انقلاب

ایرانی میڈیا کے مطابق سجیل کی اصطلاح قرآن مجید کی سورۃ الفیل میں بیان ہونے والے واقعے کی طرف بھی اشارہ کرتی ہے، جہاں سجیل کے پتھروں کے ذریعے حملہ آور دشمن کو تباہ کیے جانے کا ذکر ملتا ہے۔

الجزیرہ کے مطابق سجیل کے معنی ایک پتھر کے بتائے جاتے ہیں یہ ایک سالڈ فیول بیلسٹک میزائل ہے جس کی اندازاً مار کرنے کی حد 2 ہزار سے دو ہزار 500 کلومیٹر (1,240 سے 1,550 میل) تک ہےجبکہ اس کی رفتار (ماخ 13) سے بھی زیادہ یعنی آواز کی رفتار سے 13 گنا تیز بتائی جاتی ہے اس کی خاص بات یہ بھی ہے کہ اسے نسبتاً کم وقت میں لانچ کیا جا سکتا ہے۔

آبنائے ہرمز معاملہ: ٹرمپ کی اتحادیوں کو دھمکی

جریدے دی نیشنل انٹرسٹ کے مطابق یہ میزائل مصر تک کے ممالک، سوڈان کے بعض حصوں، یوکرین کے بیشتر علاقوں، جنوبی روس کے کچھ حصوں، مغربی چین کے ایک حصے، بھارت اور بحیرۂ ہند و بحیرۂ روم کے وسیع علاقوں تک ہدف کو نشانہ بنانے کی صلاحیت رکھتا ہے۔

ایران نے اسرائیل سے مبینہ تعلق رکھنے والے میڈیا چینل سے روابط کے الزام میں 18 افراد کو گرفتار کر لیا۔

قطر کی خبر رساں ادارے الجزیرہ کے مطابق ایران کے حکام نے اسرائیل سے مبینہ روابط رکھنے والے سیٹلائٹ نیوز چینل ایران انٹرنیشنل کے لیے کام کرنے کے الزام میں 18 افراد کو گرفتار کر لیا ہے، زیر حراست افراد پر حساس معلومات اور تصاویر فراہم کرنے کا الزام ہے۔

سرکاری نشریاتی ادارے پریس ٹی وی کے مطابق ایرانی وزارتِ انٹیلیجنس کا کہنا ہے کہ گرفتار افراد نے امریکی اور اسرائیلی حملوں میں نشانہ بننے والی جگہوں کی تصاویر اور امدادی ٹیموں کے مقامات کی معلومات مذکورہ چینل کو فراہم کیں، اس معاملے میں کم از کم 21 دیگر افراد کے خلاف بھی قانونی کارروائی کی جا رہی ہے۔

یومیہ اُجرت پر کام کرنے والے ملازمین کےپاس 40 لاکھ کہاں سے آئے؟دفترِ خارجہ نے تحقیقات شروع کر دیں

افغان فورسز کاباجوڑ میں سول آبادی پر گولہ باری، چار بھائی شہید، ایک شخص شدید زخمی

اس سے قبل ایرانی حکام نے دعویٰ کیا تھا کہ ملک کے دشمنوں کو معلومات فراہم کرنے کے الزام میں کم از کم 500 افراد کو حراست میں لیا گیا ہے، دوسری جانب انسانی حقوق کی تنظیموں نے خبردار کیا ہے کہ امریکا اور اسرائیل کے حملوں کے دوران ایران میں ہونے والی ان گرفتاریوں کی لہر پر تشویش پائی جا رہی ہے۔

امریکی صدر کا ایران پر آرٹیفیشل انٹیلیجنس کے ذریعے جھوٹ پھیلانے کا الزام

بغداد ایئرپورٹ پر راکٹ حملہ، پانچ افراد زخمی

اسرائیلی فوج کو ایران کی جانب سے استعمال کیے جانے والے کلسٹر وار ہیڈ میزائلوں کے باعث نئی سکیورٹی تشویش کا سامنا ہے۔

بین الاقوامی خبر رساں ادارے بلومبرگ کی رپورٹ کے مطابق اسرائیلی فوج کو ایران کی جانب سے استعمال کیے جانے والے کلسٹر وار ہیڈ میزائلوں کے باعث نئی سکیورٹی تشویش کا سامنا ہے ایران کے بعض بیلسٹک میزائل ہدف تک پہنچنے سے پہلے درجنوں چھوٹے دھماکا خیز مواد بکھیر دیتے ہیں جس سے نقصان کا دائرہ وسیع ہو جاتا ہے اور ایک بڑے علاقے کو متاثر کیا جا سکتا ہے۔

اسرائیلی فوجی حکام کے مطابق ایسے میزائل فضا میں بلند مقام تک پہنچنے کے بعد اپنے وار ہیڈ سے متعدد چھوٹے بم الگ کر دیتے ہیں جو مختلف سمتوں میں پھیل جاتے ہیں اور زمین پر گر کر دھماکے کرتے ہیں،یہ چھوٹے بم رات کے آسمان میں نارنجی چمک دار ذرات کی طرح دکھائی دیتے ہیں اور مختلف مقامات پر گرنے سے بیک وقت کئی دھماکے ہو سکتے ہیں۔

کوہاٹ میں سی ٹی ڈی اور پولیس کی مشترکہ کارروائی میں 6 دہشتگرد ہلاک

اسرائیلی فوجی ذرائع کا کہنا ہے کہ موجودہ کشیدگی کے دوران ایران کی جانب سے فائر کیے گئے تقریباً نصف بیلسٹک میزائل کلسٹر میونیشنز سے لیس ہو سکتے ہیں، ایک میزائل سے درجنوں چھوٹے دھماکا خیز مواد گرنے کے باعث جانی نقصان کے خدشات بھی بڑھ جاتے ہیں اور ان کو روکنا دفاعی نظام کے لیے مشکل ہو سکتا ہے کیونکہ ان کا سائز نسبتاً چھوٹا اور رفتار زیادہ ہوتی ہے۔

دفاعی ماہرین کے مطابق ایران کی اس حکمت عملی کا مقصد نہ صرف اسرائیل کے دفاعی نظام کو مصروف رکھنا ہے بلکہ مہنگے میزائل انٹرسیپٹرز کے زیادہ استعمال کو بھی مجبور کرنا ہو سکتا ہے، اس طرح اسرائیل پر مالی اور نفسیاتی دباؤ بڑھنے کا امکان پیدا ہو جاتا ہے، ایران کے بعض بیلسٹک میزائل تقریباً 24 چھو ٹے بم لے جا سکتے ہیں جبکہ طاقتور خرمشہر میزائل میں اس سے کہیں زیادہ سب میونیشنز نصب کیے جا سکتے ہیں، ہر چھوٹے بم میں کئی پاؤنڈ دھماکا خیز مواد مو جود ہوتا ہے جو زمین پر گرنے کے بعد شدید دھماکے کا سبب بن سکتا ہے۔

سعودی عرب کا ریاض اور مشرقی علاقوں میں 10 ڈرونز تباہ کرنے کادعویٰ

دوسری جانب انسانی حقوق کی تنظیم ایمنسٹی انٹرنیشنل پہلے بھی اس طرح کے ہتھیاروں کے استعمال پر تشویش ظاہر کر چکی ہے ماہرین کا کہنا ہے کہ کلسٹر بم اپنی نوعیت کے باعث غیر امتیازی ہتھیار سمجھے جاتے ہیں اور شہری آبادی والے علاقوں میں ان کے استعمال پر بین الاقوامی انسانی قوانین کے تحت پابندی عائد ہے۔

اس صورتحال کے پیش نظر اسرائیلی فوج نے شہریوں کو ہدایت جاری کی ہے کہ میزائل حملے کے دوران سائرن بجنے پر فوری طور پر پناہ گاہوں میں جائیں اور سائرن بند ہونے کے بعد بھی چند منٹ تک وہیں رہیں کیونکہ بعض چھوٹے بم کچھ دیر بعد بھی زمین پر گر سکتے ہیں۔

مشرقِ وسطیٰ میں ایران اور اسرائیل کے درمیان بڑھتی ہوئی کشیدگی کے دوران میزائل حملوں کے مختلف طریقوں کے استعمال نے خطے میں سکیورٹی خدشات کو مزید بڑھا دیا ہے اور عالمی سطح پر صورتحال پر گہری نظر رکھی جا رہی ہے۔

ایرانی حملوں کی 51 ویں لہر:سعودی عرب میں امریکی فوجی اڈے پر میزائلوں کی بارش

اسرائیل نے لبنان میں اسپتال پر بمباری سے 12 ڈاکٹرز اور نرسیں جاں بحق ہو گئیں-

عرب میڈیا کے مطابق لبنان کی وزارت صحت نے بتایا کہ فضائی حملہ جنوبی قصبے برج قلعویہ میں واقع ایک کلینک پر کیا گیا جہاں طبی عملہ ڈیوٹی پر موجود تھا حملے میں کلینک مکمل طور پر تباہ ہوگیا، جاں بحق اور زخمی ہونے والوں میں ڈاکٹرز، نرسیں اور ایمبولینس سروس کے اہلکار شامل ہیں، حملے میں کم از کم 12 افراد جاں بحق ہوگئے جب کہ 10 سے زائد زخمی ہوگئے جن میں سے 3 کی حالت نازک ہونے کے باعث ہلاکتوں میں اضافے کا خدشہ ہے۔

اسرائیلی فضائیہ نے جنوبی لبنان کے مختلف علاقوں میں مزید حملے بھی کیے جن میں رہائشی عمارتوں اور شہری تنصیبات کو نشانہ بنایا گیا، کئی مقامات پر آگ بھڑک اٹھی،اسرائیلی حملوں میں سڑکوں، پلوں اور دیگر شہری انفراسٹرکچر کو بھی نقصان پہنچا ہے، حملوں کے ساتھ ہی اسرائیل نے جنوبی لبنان میں انخلا کے عمل کو بھی تیز تر کردیا ہے۔

ایرانی جزیرے پر امریکی حملے سے نقصان کی تفصیلات جاری

محکمہ موسمیات کی عید کے چاند کے حوالے سے نئی پیشگوئی

پاکستان میں پیٹرولیم سپلائی مستحکم ہے،محمد اورنگزیب

ایرانی ہیکرز نے اسرائیلی انٹیلی جنس کے ایک سینئر اہلکار اور ایرانی محکمہ کے سربراہ راز زیمیٹ کے اکاؤنٹس ہیک کر لئے-

ہینڈالہ ہیکنگ گروپ نے اعلان کیا کہ اس نے اسرائیلی انٹیلی جنس کے ایک سینئر اہلکار اور ایرانی محکمہ کے سربراہ راز زیمیٹ کے اکاؤنٹس میں گھس کر دسیوں ہزار خفیہ ای میلز تک رسائی حاصل کی، اور مزید کہا کہ خلاف ورزی اس کے ان باکس سے باہر پھیلی ہوئی ہے تاکہ اس سے وابستہ تمام ڈیٹا کو شامل کیا جا سکے۔

دوسری جانب یروشلم نے رپورٹ کیا کہ عبرانی زبان کی اکیڈمی کی ویب سائٹ کو بدھ کے روز ایران سے منسلک ہیکرز نے توڑا، جب صارفین سائٹ میں داخل ہوئے تو انہیں انگریزی میں دھمکی آمیز پیغام کا سامنا کرنا پڑا۔

ایرانی ہیکرز نے لکھا کہ صارفین کو عبرانی زبان سیکھتے رہنے کی کوئی وجہ نہیں ہوگی، کیونکہ اب اس کی ضرورت نہیں رہے گی،اب عبرانی زبان سیکھنے کی ضرورت نہیں ہے، آپ کو زیادہ دیر تک اس کی ضرورت نہیں پڑے گی،” پیغام میں ایران سے منسلک ہیکر گروپ "ہنڈالا” کے لوگو کے ساتھ کہا گیا، جس نے خلاف ورزی کی ذمہ داری قبول کی تھی۔

امریکی فوجیوں کا خون ٹرمپ کی ذاتی ذمہ داری ہے،سپیکر ایرانی پارلیمنٹ

آن لائن گردش کرنے والے اسکرین شاٹس نے ایرانی سائبر حملے کے بعد اکیڈمی کا ہوم پیج دکھایا ایرانی سائبر حملے کی لہروں نے اسرائیل کو نشانہ بنایا
یہ واقعہ ایک حالیہ، غیر معمولی طور پر بڑے سائبر اٹیک کے بعد پیش آیا ہے جس نے علاقائی لڑائی کے ساتھ ڈیجیٹل مہم کے ایک حصے کے طور پر اسرا ئیل بھر میں ویب سائٹس اور مالیاتی خدمات کے آپریشنز میں خلل ڈالنے کی کوشش کی ہے۔

تھیلس کی ملکیت والی سائبر سیکیورٹی کمپنی امپروا کی طرف سے شائع کردہ ڈیٹا رپورٹ کے مطابق، یہ حملہ اسرائیلی ویب سائٹس پر 1.2 ملین درخواستیں فی سیکنڈ تک پہنچ گیا، جو سرورز کو مغلوب کرنے اور صارفین کو خدمت کرنے سے روکنے کی بظاہر کوشش ہے۔

حملوں کی لہر کا اصل ہدف مالیاتی خدمات کا شعبہ تھا، خاص طور پر بینکوں اور مالیاتی اداروں سے تعلق رکھنے والی ویب سائٹس اور آن لائن سسٹم۔

عمران خان کو اسپتال منتقل کرنے کی درخواست پر محفوظ فیصلہ جاری

عرب سوشل میڈیا نیٹ ورکس پر رپورٹس کے مطابق، ہنڈالا کی طرف سے جاری کردہ ایک پروپیگنڈہ ویڈیو آن لائن بھی گردش کر رہی ہے، جس میں سابق وزیر اعظم نفتالی بینیٹ اور وزیر اعظم بنجمن نیتن یاہو کی ڈیپ فیک کو دکھایا گیا ہے جیسا کہ پہلے بتایا گیا تھا، نفتالی بینیٹ اور پی ایم او کے سربراہ زاچی برور مین کے فونز کی خلاف ورزی کے بعد، ایرانی ہیکر گروپ نے اسرائیل میں عوامی شخصیات کو نشانہ بنانا جاری رکھا۔

تقریباً دو ماہ قبل، ہنڈالا نے اپن/Twitter اکاؤنٹ پر شائع کیا، دعویٰ کیا کہ اس نے سابق وزیر انصاف آیلیٹ شیکڈ کا فون ہیک کر لیا ہے اور اس کے ساتھ منسلک کیا ہے کہ یہ سابق وزیر کے کمپرومائزڈ ڈیوائس سے ذاتی تصاویر اور ویڈیوز تھیں۔

عمران خان کو اسپتال منتقل کرنے کی درخواست پر محفوظ فیصلہ جاری