Tag: اسلام آباد ہائیکورٹ

گلگت بلتستان سپریم ایپلیٹ کورٹ کے سابق چیف جج رانا شمیم بیان حلفی سے منحرف ہو گئے۔

باغی ٹی وی : توہین عدالت کیس میں رانا شمیم نے اسلام آباد ہائی کورٹ میں نیا معافی نامہ جمع کرا دیا رانا شمیم نے نئے معافی نامے میں بیان حلفی میں درج الفاظ واپس لے لیے۔

کراچی سمیت ملک بھر میں مہنگا آٹا مزید مہنگا

سابق چیف جج گلگت بلتستان رانا شمیم نے لندن میں قلمبند کرایا گیا بیان حلفی غلط قرار دے کر توہین عدالت کیس میں اسلام آباد ہائیکورٹ سے غیر مشروط معافی مانگ لی ہے-

رانا شمیم نے اسلام آباد ہائیکورٹ میں نیا غیر مشروط معافی نامہ داخل کرایا ہے جس میں کہا گیا ہے کہ اپنے غلط اور غیر ضروری بیان حلفی پر غیر مشروط معافی مانگتا ہوں۔

انہوں نے اپنے معافی نامے میں لکھا کہ بیان حلفی میں غلطی سے ہائیکورٹ کے جج کا نام شامل ہو گیا تھا، اپنی اس سنگین غلطی پر معافی کا طلبگار ہوں10 نومبر 2021 کے بیان حلفی میں جج کا نام غلط فہمی کی وجہ سےشامل ہوا، میں اپنے بیان حلفی کے متن کو واپس لیتا ہوں-

حضرت امام حسینؓ کے چہلم کے موقع پر ملک بھرمیں جلوس اور مجالس

رانا شمیم اس سے قبل بھی ایک معافی نامہ جمع کرا چکے جسے تسلیم نہیں کیا گیا تھا۔ اور عدالت نے انہیں دوبارہ جواب جمع کروانے کا موقع دیا تھا گزشتہ معافی نامے میں انہوں نے کہا تھا کہ چیف جسٹس کے بعد سینئر ترین جج کا نام بیان حلفی میں لکھنا تھا۔ سینئر ترین جج کی جگہ جسٹس عامر فاروق کا نام بیان حلفی میں غلط فہمی کی بنا پر لکھ دیا۔

جس پر چیف جسٹس اسلام آباد ہائیکورٹ نے کہا تھا کہ غیرمشروط معافی عدالت سے متعلق نہیں بلکہ اپنے اقدام کا داغ دور کرنا ہوتا ہے۔اگر کوئی حقیقی معافی مانگے اور کنڈکٹ درست ہو تو عدالت کو معافی تسلیم کرنے پر کوئی اعتراض نہیں۔ رانا شمیم اگر اپنے بیان حلفی کے متن کے ساتھ کھڑے ہیں تو پھر بات تو برقرار ہے۔

ملک بھر میں بارشوں اور سیلاب سے مزید 37 افراد جاں بحق

واضح رہے کہ رانا محمد شمیم نے 10نومبر 2021کو لندن میں ایک بیان حلفی قلمبند کرایا تھا جس میں سابق چیف جسٹس پاکستان پر الزام عائد کرتے ہوئے انہوں نے لکھا کہ جسٹس ثاقب نثار نے اسلام آباد ہائیکورٹ کے ایک جج کو نواز شریف اور مریم نواز کو جولائی 2018 کے انتخابات سے قبل ضمانت پر رہا نہ کرنے کیلئے کہا تھا۔

جو بھی فورم کسی کو بلاتا ہے تو احتراما جانا چاہیے،عدالت

اسلام آباد ہائیکورٹ میں اعظم خان کا نام اسٹاپ لسٹ سے نکلوانے کیلئے درخواست پر سماعت ہوئی

اسسٹنٹ اٹارنی جنرل نے کہا کہ پبلک اکاؤنٹس کمیٹی نے اعظم خان کا نام اسٹاپ لسٹ میں ڈالنے کی ہدایت کی تھی،اسلام آباد ہائیکورٹ کے چیف جسٹس اطہرمن اللہ نے ریمارکس دیتے ہوئے کہا کہ جب یہ عدالت کوئی غیرقانونی کام نہیں کر سکتی تو کوئی بھی نہیں کر سکتا،پبلک اکاؤنٹس کمیٹی اعظم خان کا نام اسٹاپ لسٹ میں کیسے ڈال سکتی ہے؟ یہ عدالت پہلے بھی کہہ چکی کہ ا سٹاپ لسٹ کے پیچھے کوئی قانون موجود نہیں، اسسٹنٹ اٹارنی جنرل نے کہا کہ سپریم کورٹ کے حکم پر ا سٹاپ لسٹ (پی آئی این ایل) بنائی گئی تھی،

اسلام آباد ہائیکورٹ کے چیف جسٹس اطہرمن اللہ نے ریمارکس دیتے ہوئے کہا کہ سپریم کورٹ نے کسی قانون کے تحت بنانے کا حکم دیا ہو گا، اعظم خان سرکاری افسر ہیں وہ کونسا بھاگ کر جا رہے ہیں، اسسٹنٹ اٹارنی جنرل نے کہا کہ اعظم خان کو کئی بار بلانے کے باوجود پبلک اکاؤنٹس کمیٹی کے سامنے پیش نہیں ہوئے، عدالت نے استفسار کیا کہ پبلک اکاؤنٹس کمیٹی کا مخصوص اختیار ہے کیا وہ اس میں جا سکتی ہے؟ پبلک اکاؤنٹس کمیٹی نے اعظم خان کو کس معاملے میں طلب کیا تھا؟ وکیل نے کہا کہ اعظم خان کو طیبہ گل کیس میں طلب کیا گیا تھا،

اسلام آباد ہائیکورٹ کے چیف جسٹس اطہرمن اللہ نے استفسار کیا کہ کیا طیبہ گل کیس کے دیگر ملزمان کا نام بھی اسٹاپ لسٹ میں ڈالا گیا؟ اسسٹنٹ اٹارنی جنرل نے کہا کہ پبلک اکاؤنٹس کمیٹی نے مالم جبہ کیس میں اعظم خان کو طلب کیا، عدالت نے کہا کہ اس عدالت سمیت ہر ایک قانون کا پابند ہے، جو بھی فورم کسی کو بلاتا ہے تو احتراما جانا چاہیے، وکیل نے کہا کہ اعظم خان کی بیرون ملک سے واپسی کے بعد بلانے پر پیش ہو سکتے ہیں، چیف جسٹس اسلام آباد ہائیکورٹ اطہرمن اللہ نے اسسٹنٹ اٹارنی جنرل سے مکالمہ کرتے ہوئے کہا کہ خود کو شرمندہ نہ کریں، پی این آئی ایل کا کوئی لیگل ا سٹیٹس نہیں،ایسی کوئی وجہ نہیں کہ نام پی این آئی ایل میں شامل کیا جائے، وکیل درخواست گزار نے کہا کہ اعظم خان کی 8 ستمبر کو روانگی اور 25 ستمبر سے پہلے واپسی ہے،اسسٹنٹ اٹارنی جنرل نے کہا کہ پبلک اکاؤنٹس کمیٹی میں اس سے پہلے بھی پیش ہو سکتے ہیں، عدالت نے کہا کہ اگر پبلک اکاؤنٹس کمیٹی اعظم خان کو 8 ستمبر سے پہلے بلاتی ہے تو وہ پیش ہو جائیں،اعظم خان کی آزادی پر کوئی قدغن نہیں لگائی جا سکتی، وکیل اعظم خان نے کہا کہ کیا ان کو بلانا صرف شرمندہ کرنا ہے یا واقعی کچھ پوچھنا ہے؟

اسلام آباد ہائیکورٹ کے چیف جسٹس اطہرمن اللہ نے ریمارکس دیتے ہوئے کہا کہ اعظم خان کو اگر پارلیمنٹ میں طلب کیا گیا تھا تو انہیں جانا چاہیے تھا، عدالت نےعمران خان کے سابق پرنسپل سیکریٹری اعظم خان کا نام پی این آئی ایل سے نکالنے کا حکم دے دیا،عدالت نے کہا کہ پبلک اکاؤنٹس کمیٹی بلائے تو اعظم خان پیش ہو جائیں،

چیئرمین نیب کی ویڈیو لیک کرنیوالوں کے خلاف ریفرنس دائر

چیئرمین نیب کے خلاف خبر پر پیمرا ان ایکشن، نیوز ون کو نوٹس جاری، جواب مانگ لیا

چیئرمین نیب کے استعفیٰ کے مطالبے پر مسلم لیگ ن میں اختلافات

عمران خان نے ویڈیو کے ذریعے چیئرمین نیب کو کیسے بلیک میل کیا؟ سلیم صافی کے ساتھ طیبہ کا بڑا انکشاف

اسلام آباد ہائیکورٹ میں طیبہ گل کو ہراساں کرنے کے خلاف پی اے سی کو شکایت سے متعلق کیس کی سماعت ہوئی

سابق قائم مقام چیئرمین نیب اور ڈی جی نیب کی اے پی سی میں طلبی کے خلاف درخواست پر سماعت ہوئی ،جاوید اقبال کو لاپتہ افراد کمیشن کی سربراہی سے ہٹانے کی سفارش معطل کرنے کے حکم میں 13 ستمبر تک توسیع کر دی گئی، اسلام آباد ہائیکورٹ نے پبلک اکاؤنٹس کمیٹی کے وکیل کی استدعا پر کیس 13 ستمبر تک ملتوی کر دیا اسلام آباد ہائیکورٹ نے فریقین کو آئندہ سماعت پر دلائل دینے کی ہدایت کر دی

دوران سماعت عدالت نے ریمارکس دیتے ہوئے کہا کہ ادھر تو چیلنج صرف پبلک اکاؤنٹس کمیٹی کی کارروائی کو کیا گیا اگر وہ نہیں چلا رہے تو یہ غیر موثر ہو جائے گا،

واضح رہے کہ طیبہ گل نے الزام عائد کیا تھا کہ چیئرمین نیب نے انہیں ہراساں کیا ہے،سابق چیئرمین نیب جسٹس ر جاوید اقبال کے خلاف درخواست گزار طیبہ گل پی اے سی میں پیش ہوئی تھیں، طیبہ گل نے کہا کہ انیس جنوری 2019 کو مجھے نیب نے گرفتار کیا،مجھے نہیں پتہ تھا مجھے کیوں گرفتار کیا جارہا ہے،اس سے پہلے میرے خاوند کو گرفتار کیا گیا، میری ایک مرتبہ لاپتہ افراد کمیشن میں ایک لاپتہ فرد کے معاملے پرملاقات ہوئی، میرے خاوند کی چچی لاپتہ تھی مجھے جسٹس جاوید اقبال بار بار بلاتے تھے، مجھے جاوید اقبال کہتا تھا کہ آپ ہر بار خود آیا کریں،میں آپکی وجہ سے جلدی پیشی ڈالتا ہوں، مجھے بار بار بلاتا رہا اور پھر کہا کہ کسی اور مرد کے ساتھ دیکھا تو آپ کے ٹکڑے جھنگ جائیں گے، مجھے بلیک میلر کہا جاتا ہے کہ میں نے ویڈیو ریکارڈز کیوں کیں،میرے پاس پورا ریکارڈ فون کالز اور ویڈیوز موجود ہیں،

درخواست گزار طیبہ گل کا مزید کہنا تھا کہ گرفتاری مرد اہلکاروں نے کی میرے کپڑے پھاڑے گئے،میرے جسم پر زخموں کے نشان تھے،میرے ساتھ وہ ہوا جو بت ابھی نہیں سکتی میرا میڈیکل نہیں کروایا جاتا، مجھے جج نے جوڈیشل کردیا،مجھ سے جیل میں سادہ کاغذ پر دستخط کرواکر لکھا گیا کہ میں میڈیکل نہیں کروانا چاہتی،میرے خاوند کو پچاس دن جیل رکھ کر میری ویڈیوز دکھا کر اسے ہراساں کیا گیا،مجھ پر چالیس مقدمات درج کئے گئے مجھ پر کوئلہ ٹرک چوری کرنے، بچوں سے میری زیادتی کے مقدمات بنائے گئے، میں چاہتی ہوں کہ جاوید اقبال اور شہزاد سلیم میرے سامنے بیٹھے ہوں،انہوں نے دو کروڑ کا ریفرنس فائل کردیا،

درخواست گزار طیبہ گل نے پبلک اکاؤنٹس کمیٹی میں مزید انکشاف کیا کہ نیب کے ایک ڈی جی نے مجھے برہنہ کرکے ویڈیو بھی بنائی،مجھے سمجھ نہیں آئی میری ویڈیوز ایک چینل پر کیسے چل گئی،ترجمان نیب کی آڈیو میرے پاس موجود ہے، جس میں ترجمان نیب نے مجھے کہا کہ چیئرمین آپ سے صلح کرنا چاہتے ہیں،مجھے ترجمان نیب نے بتایا کہ ویڈیوز کی وجہ چیئرمین بلیک میل ہورہے ہیں،میں نے وزیر اعظم پورٹل پر شکایت کی ،مجھ سے نیوز ون کے مالک ملے جنہوں نے اپنے دفتر میں مجھ سے ویڈیوز آڈیوز لیکر چینل پرچلا دیں،پھر پی ٹی آئی کے تمام مالم جبہ طرز کے کیس ختم ہوگئے،

چیئرمین نیب کی ویڈیو لیک کرنیوالوں کے خلاف ریفرنس دائر

چیئرمین نیب کے خلاف خبر پر پیمرا ان ایکشن، نیوز ون کو نوٹس جاری، جواب مانگ لیا

چیئرمین نیب کے استعفیٰ کے مطالبے پر مسلم لیگ ن میں اختلافات

عمران خان نے ویڈیو کے ذریعے چیئرمین نیب کو کیسے بلیک میل کیا؟ سلیم صافی کے ساتھ طیبہ کا بڑا انکشاف

اسلام آباد ہائی کورٹ میں پی ٹی آئی کے 123 ارکان قومی اسمبلی کے استعفے منظور کرنے کا کیس کی سماعت ہوئی

پی ٹی آئی نے اس وقت کے قائم مقام اسپیکر قومی اسمبلی قاسم سوری کا آرڈر جمع کرا دیا پی ٹی آئی وکیل فیصل چودھری کی جانب سے 13 اپریل کا آرڈر عدالت میں جمع کرا دیا گیا آرڈر کے مطابق قاسم سوری نے 123 ممبران کے استعفے منظور کیے تھے آرڈر کے مطابق قاسم سوری نے استعفٰی منظور کرنے کو گزٹ میں نوٹیفائی کرنے کا بھی حکم دیا تھا پی ٹی آئی نے قاسم سوری کی جانب سے استعفٰی منظوری کی کاپی اسلام آباد ہائیکورٹ میں جمع کرائی قاسم سوری نے جن 123 ممبران کے استعفے منظور کیے تھے ان کی لسٹ بھی منسلک ہے

پی ٹی آئی کے وکیل فیصل چودھری نے عدالت میں کہا کہ درخواست سے تمام اعتراضات مسترد کر دیے گئے ہیں ڈپٹی سپیکر قاسم سوری 123 افراد کے استعفے منظورکر چکے ہیں اب مرحلہ وار منظوری قانون کی خلاف ورزی ہے

عدالت نے کیس کی سماعت 16 اگست تک ملتوی کر دی، عدالت نے حکم دیا کہ سیکرٹری قومی اسمبلی کا نمائندہ متعلقہ ریکارڈ کیساتھ پیش ہو، عدالت نے اسپیکر قومی اسمبلی، سیکرٹری اسمبلی اور الیکشن کمیشن کو نوٹس جاری کر دیا، اسلام آباد ہائیکورٹ کے قائم مقام چیف جسٹس عامر فاروق نے درخواست پر سماعت کی

اپوزیشن کا بڑا یوٹرن، پی ٹی آئی کی ایک حکومت کو خود ہی بچا لیا

پی ٹی آئی کارکنان کا مسجد میں گھس کر امام مسجد پر حملہ، ویڈیو وائرل

پی ٹی آئی کے منحرف رکن اسمبلی کے گھر پر حملہ،فائرنگ،قاتلانہ حملہ کیا گیا، بیٹے کا دعویٰ

اللہ خیر کرے گا،دعا کریں پاکستان کی خیر ہو ،شہباز شریف پارلیمنٹ ہاؤس پہنچ گئے

غیرت کے نام پر استعفے دینے والے آج عدالت چلے گئے، ثانیہ عاشق

تحریک انصاف کے اراکین اسمبلی نے سابق وزیراعظم عمران خان کے خلاف تحریک عدم اعتماد کامیاب ہونے کے بعد قومی اسمبلی کے فلور پر مستعفی ہونے کا اعلان کیا تھا،شاہ محمود قریشی نے وزارتِ عظمیٰ کے الیکشن کے دوران تقریر میں کہا تھا ہم اس ایوان سے مستعفی ہوتے ہیں اور مطالبہ کرتے ہیں کہ نئے الیکشن کروائے جائیں سپیکر قومی اسمبلی راجہ پرویز اشرف نے 30 مئی کو سپیکر قومی اسمبلی راجہ پرویز اشرف نے تحریک انصاف کے ارکان اسمبلی کو استعفوں کی تصدیق کے لیے طلب کیا تھا

اداروں کیخلاف غیرمناسب الفاظ، ایمان مزاری نے غیر مشروط معافی مانگ لی

اداروں کے خلاف غیر مناسب الفاظ، ایمان مزاری نے اسلام آباد ہائیکورٹ میں غیر مشروط معافی مانگ لی ایمان مزاری کی ادارے کے خلاف نازیبا الفاظ کے استعمال کا مقدمہ خارج کرنے کی درخواست منظور کر لی گئی ،اسلام آباد ہائیکورٹ نے ریمارکس دیتے ہوئے کہا کہ ذمہ دار شہری ہونے کے ناطے ایمان مزاری کو ایسے ریمارکس نہیں دینا چاہیے تھے،ایمان مزاری نے غیر مشروط معافی مانگی ہے اس لیے ایف آئی آر کی ضرورت نہیں، ایمان مزاری نے معافی مانگی اور ندامت کا اظہار کیا ہے، ایمان مزار نے مستقبل میں جرم نہ دہرانے کی واضح یقین دہانی کرائی ہے، اسلام آباد ہائیکورٹ کے چیف جسٹس اطہر من اللہ نے ایمان مزاری کے خلاف مقدمہ خارج کر دیا

اسلام آباد ہائیکورٹ کے چیف جسٹس اطہر من اللہ نے ایمان مزاری کے خلاف مقدمہ خارج کرنے کا حکم دے دیا ، وکیل ایمان مزاری نے کہا کہ عدالتی ہدایت پر ہم تحفظات کے باوجود تفتیش کا حصہ بنے،پولیس کو کچھ بیان دے رہے تھے وہ کچھ اور ہی لکھ رہے تھے،ہم نے پولیس کو کہا ہم خود تحریری بیان جمع کرائیں گے،ہم نے تو پہلے دن کہہ دیا تھا جولفظ بولا گیا اس کا کوئی جواز نہیں،

اسلام آباد ہائیکورٹ کے چیف جسٹس اطہرمن اللہ نے ریمارکس دیتے ہوئے کہا کہ ایمان مزاری آفیسر آف کورٹ ہیں ان کو ایسے الفاظ نہیں بولنے چاہییں،ایمان مزاری معذرت کر چکیں اب مزید کیا چاہتے ہیں؟ وکیل وزارت دفاع نے کہا کہ ایمان مزاری باقاعدہ پریس میں اپنے بیان پر معافی مانگیں ، اسلام آباد ہائیکورٹ کے چیف جسٹس اطہرمن اللہ نے ریمارکس دیتے ہوئے کہا کہ وہ اس عدالت کے سامنے اپنے بیان پر معذرت کا اظہار کر چکیں،اس بیان کا وقت بھی دیکھیں ان کی والدہ کے ساتھ اس وقت کیا ہوا تھا، وکیل وزارت دفاع نے کہا کہ ایمان مزاری ہماری بچی کی طرح ہیں لیکن ان کا پرانا کنڈکٹ بھی دیکھیں،

اداروں پر تنقید کا کیس۔ایمان مزاری کی ضمانت پر اسلام آباد بار کا اعلامیہ

فوج اور قوم کے درمیان خلیج پیدا کرنا ملک دشمن قوتوں کا ایجنڈا ہے،پرویز الہیٰ

سپریم کورٹ نے دیا پی ٹی آئی کو جھٹکا،فواد چودھری کو بولنے سے بھی روک دیا

عمران خان نے کل اداروں کے خلاف زہر اگلا ہے،وزیراعظم

عمران خان کے فوج اور اُس کی قیادت پر انتہائی غلط اور بھونڈے الزامات پر ریٹائرڈ فوجی سامنے آ گئے۔

القادر یونیورسٹی کا زمین پر تاحال کوئی وجود نہیں،خواجہ آصف کا قومی اسمبلی میں انکشاف

پاک فوج پر تنقید کے مقدمہ میں ایمان مزاری نے ضمانت کروا لی

باغی ٹی وی کی رپورٹ کے مطابق ایون فیلڈ ریفرنس کی اسلام آباد ہائیکورٹ میں سماعت ہو رہی ہے

مسلم لیگ ن کی رہنما مریم نواز اور کیپٹن صفدر کمرہ عدالت میں موجود ہیں مریم اورنگزیب،پرویز رشید،حنا پرویز بٹ بھی کمرہ عدالت میں موجود ہیں محسن شاہنواز رانجھا بھی کمرہ عدالت میں موجود ہیں، مریم نوازکمرہ عدالت پہنچیں تو اس موقع پر سیکورٹی کے سخت انتظامات کئے گئے تھے

عدالت میں سماعت شروع ہوئی تو مریم نواز کے وکیل عرفان قادر نے کہا کہ مریم نواز کے ساتھ بہت زیادتی ہو رہی ہے انکا کیس التواء کا شکارہو رہا ہے، انصاف تو ہو گا لیکن انصاف میں تاخیر نہیں ہونی چاہیے،قانونی بے ضابطگیوں کی بنیاد پر مریم نواز کی بریت کی درخواست دائر کی تھی میں نے عدالتی معاونت کیلئے تحریری طور پر کچھ گزارشات تیار کی ہیں، جس پر جسٹس عامر فاروق نے ریمارکس دیتے ہوئے کہا کہ ہم کوشش کرینگےکہ جلد ازجلد دلائل سن کر اپیلوں پر فیصلہ کر دیں،مریم نواز کی جانب سے عرفان قادر نے تحریری معروضات عدالت میں پیش کردیں

عدالت پیشی کے بعد ن لیگی رہنما مریم نواز کا کہنا تھا کہ وزیراعظم کو عوام کی تکالیف کا احساس ہے،وزیراعظم معاشی صورتحال بہتر بنانے کیلئے دن رات کوشاں ہیں، کس وقت کس آرگنائزیشن سے کیا کام لینا ہے وزیر اعظم جانتے ہیں،عامر لیاقت کے انتقال پر افسوس ہے ،اللہ مغفرت کریں،مجھے وزیراعظم کو مشورہ دینے کی ضرورت نہیں بجلی کی لوڈ شیڈنگ کے مسئلے کو حل کر لیں گے ہمیں 20 یا 22 گھنٹے کی لوڈ شیڈنگ والا پاکستان ملا ،ہم نے 2018میں زیرو لوڈ شیڈنگ کا ملک دیا،آئی سی یو میں پاکستان کو پھینک کر گئے ہیں،ایسا بوجھ ڈال کرگئے جس کو اٹھانے کی پاکستان میں ہمت نہیں خارجی امور کے معاملات پر سرنگیں بچھائی گئیں ان کو ٹھیک کریں گے،

مریم نواز کا مزید کہنا تھا کہ پی ٹی آئی کےسینئر رہنما کہہ رہے ہیں عمران خان پاگل ہیں ،شہباز شریف کام کررہے ہیں اورعوام کوریلیف بھی دے رہے ہیں،ن لیگ نے کام کر کے دکھایا اور کر کے دکھائے گی،شہبازشریف کی کپڑے بیچ کر آٹادوں گا بیان پر خیبرپختونخوا میں مذاق اڑایا گیا شہبازشریف نے دو دنوں میں سستا آٹا فراہم کر کے ثابت کر دیا،ایک تالا کھلوانے کے لیے 5قیراط کا ہیرا مانگا گیا،فرح کہہ رہی ہیں فرسٹ لیڈی ہیں کچھ تو خیال کرو 3 نہیں 5 قیراط کا ہیرا دو، تفتیش اس سے ہو جس نے 12 کروڑ کا صوبہ فرح گوگی کے حوالے کیا تھا،پہلے تو اس کا حساب ہو کہ لوگوں کو پتا چل گیا کہ پیسے دو گے تو کام ہوگا،

ن لیگی رہنما مریم نواز کا کہنا تھا کہ بنی گالہ کو منی گالہ کہوں گی آج بھی انقلاب نے ضمانت کرالی، اب سپریم کورٹ کو دیکھ رہا ہے اداروں کو گندی سیاست میں گھسیٹنا نہیں چاہیے، حکومت کو کام کرنے دینا چاہیے،ن لیگ نے کام کر کے دکھایا اور کر کے دکھائے گی، جون،جولائی میں 5 ہزارمیگاواٹ بجلی سسٹم میں شامل ہو جائے گی،کفایت شعاری کے لیے وزیر اعظم کےاقدامات اقدام آپ کے سامنے ہیں، عمران خان کے وزرا کہتے تھے، چینی کم کر دیں، روٹی کم کھائیں، ہم ایسا نہیں کہہ رہے نواز شریف جلدی آئیں گے، کسی کے کہنے پر ادارے میں تفریق پیدا کرنے کی کوشش اچھی بات نہیں