توشہ خانہ کیس میں سزا معطلی کی درخواست پر فیصلے سے قبل اہم پیشرفت سامنے آئی ہے ،
تحریک انصاف کے چیئرمین عمران خان نے کسی بھی کیس میں گرفتاری سے روکنے کی درخواست دائر کردی، عمران خان نے وکیل سلمان صفدر کے ذریعے اسلام آباد ہائیکورٹ میں درخواست دائر کی گئی، جس میں عمران خان نے ایف آئی اے ، نیب اور پولیس کو گرفتاری سے روکنے کی استدعا کی، اسلام آباد ہائیکورٹ میں دائر درخواست میں عمران خان کی طرف سے آج ہی درخواست پر سماعت کی استدعا بھی کی گئی
دوسری جانب اسلام آباد ہائیکورٹ میں عمران خان کی سائفر کیس میں ممکنہ گرفتاری کے خلاف ضمانت قبل از وقت گرفتاری کی درخواست دائر کی گئی، درخواست میں وزارت داخلہ اور ایف آئی اے کو فریق بنایا گیا ہے
دوسری جانب ایف آئی اے کی ٹیم ڈپٹی ڈائریکٹر کی سربراہی میں اٹک جیل پہنچ گئی ،ایف آئی اے کی ٹیم سائفر کیس میں عمران خان کی گرفتاری کے لیے پہنچی ہے ایف آئی اے تفشیش ٹیم اسلام آباد ہائیکورٹ کے فیصلے کا انتظار کر رہی ہے اگر اسلام آباد ہائیکورٹ سے ضمانت ہوتی ہے تو سائفر کیس میں عمران خان گرفتاری ڈال کر اٹک جیل میں ہی چئیرمین پی ٹی آئی کو بند کر دیا جائے گا
واضح رہے کہ سائفر کیس میں عمران خان کے خلاف مقدمہ درج کیا گیا ہے اور تحقیقاتی ٹیم عمران خان سے اٹک جیل میں تحقیقات بھی کر چکی ہے، ، تحقیقاتی ٹیم ایک گھنٹے تک اٹک جیل میں عمران خان کے پاس رہی، عمران خان نے اعتراف کر لیا ہے کہ سائفر مجھ سے گم ہو گیا ہے،ایف آئی اے کی تین رکنی ٹیم ڈپٹی ڈائریکٹر ایاز خان کی سربراہی میں چیئرمین پی ٹی آئی سے پوچھ گچھ کے لیے اٹک جیل گئی تھی،، چیئرمین پی ٹی آئی اوروائس چئیرمین شاہ محمود قریشی کے خلاف سائفر کیس میں ایف آئی آر درج ہوچکی ہے ،ایف آئی آر میں عمران خان اور شاہ محمود قریشی کے خلاف آفیشل سیکرٹ ایکٹ کی دفعہ 5 اور 9 لگائی گئی ہے اس کے علاوہ دونوں کےخلاف پاکستان پینل کوڈ کی دفعہ 34 بھی لگی ہوئی ہے،
تحریک انصاف کے چیئرمین عمران خان نے سائفر جلسے میں لہرایا تھا اور پھر کہا تھا کہ وہ گم ہو گیا ہے، سائفر کی ایف آئی اے میں تحقیقات جاری ہیں، چند روز قبل ایک امریکی ویب سائٹ نے سائفر شائع کرنے کا دعویٰ کیا ہے،عمران خان نے سائفر کو ہی بنیاد بنا کر امریکہ کے خلاف تحریک چلائی تھی،عمران خان کے پرنسپل سیکرٹری اعظم خان بھی سائفر کے حوالہ سے عمران خان کے خلاف وعدہ معاف گواہ بن گئے ہیں، اعظم خان نے اپنا بیان ریکارڈ کروا دیا ہے، اعظم خان اور عمران خان کی ایک آڈیو بھی سائفر کے حوالہ سے لیک ہوئی تھی جس کے بعد ایف آئی اے نے عمران خان کو طلب کیا تھا تا ہم عمران خان نے لاہور ہائیکورٹ میں درخواست دائر کی اور تحقیقات رکوانے کی کوشش کی، گزشتہ سماعت پر عدالت نے تحقیقات جاری رکھنے کا حکم دیا،
سائفر انکوائری اور مقدمات کی تفصیلات فراہمی کے پانچ کیسز پر سماعت
اسد عمر نے سائفر کے معاملے پر ایف آئی اے میں پیش ہونے کا اعلان کیا
ریاستِ پاکستان کے خلاف چیئرمین پی ٹی آئی کی سازش بے نقاب, اپنے ہی پرنسپل سیکرٹری نے سازشی بیانیہ زمیں بوس کردیا
اعظم خان نےعمران خان پرقیامت برپا کردی ،سارے راز اگل دیئے،خان کا بچنا مشکل
اعظم خان نے سائفر ڈرامہ بے نقاب کر دیا
عمران خان کے پرنسپل سیکرٹری اعظم خان نے دفعہ 164 کے تحت مجسٹریٹ کے سامنے عمران خان کے خلاف بیان ریکارڈ کروایا تھا، اعظم خان نے کہا کہ عمران خان نے مجھ سے سائفر 9 مارچ کو لیا اور پھر کہا سائفر گم ہو گیا ہے، ایک خفیہ سرکاری دستاویز کو سیاسی مقاصد کے لئے استعمال کیا اور جھوٹا بیانیہ بنایا،سائفر کے جھوٹے بیانیے کا پلان عمران خان، شیریں مزاری اور دو مزید لوگوں نے بنایا
