Tag: اسلام آباد

اسلام آباد میں مارکیٹوں اور دکانوں کے اوقات کار میں توسیع کردی گئی۔

انتظامیہ کی جانب سے جاری نئے اوقات کار کے مطابق اسلام آباد میں دکانیں، مارکیٹیں، شاپنگ مالز اور جنرل ریٹیل رات 9 بجے تک کھلے رہ سکیں گے ریسٹورینٹس رات 11 بجے تک کھلے رہیں گے جب کہ ٹیک اوے اورڈلیوری سروسز مستثنیٰ ہوں گی اس کے علاوہ شادی ہالز اور تقریباتی مقامات کے اوقات رات 10 بجے تک برقرار رکھنے کا فیصلہ کیا گیا ہے،فارمیسی، اسپتال، پیٹرول پمپس، آئی ٹی اورٹیلی کام سے متعلق ضروری خدمات اوقات کار کی پابندی سے مستثنیٰ ہوں گی۔

وفاقی دارالحکومت اسلام آباد میں توانائی بچت اقدامات کے تحت کاروباری سرگرمیوں کے اوقات محدود کر دیے گئے ہیں-

اسلام آباد میں مارکیٹس اور شاپنگ مالز رات 8 بجے بند ہوں گے ضلعی انتظامیہ نے نئے اوقات کار کا نوٹیفکیشن جاری کردیا ہے جو آج سے نافذ العمل ہوگاضلعی مجسٹریٹ اسلام آباد کی جانب سے جاری نوٹیفکیشن کے مطابق تمام مارکیٹس اور شاپنگ مالز رات 8 بجے بند کیے جائیں گے، جبکہ ریسٹورنٹس، فوڈ آؤٹ لیٹس اور تندور رات 10 بجے تک کھلے رہ سکیں گے، کریانہ اسٹورز، سبزی و پھل کی دکانیں اور بیکری شاپس بھی رات 10 بجے بند ہوں گی، جبکہ شاد ی ہالز اور مارکیز کو بھی رات 10 بجے تک تقریبات ختم کرنے کی ہدایت کی گئی ہے-

نوٹیفکیشن میں کہا گیا ہے کہ فارمیسیز، اسپتال، میڈیکل لیبارٹریز اور میڈیکل اسٹورز کو ان پابندیوں سے مستثنیٰ قرار دیا گیا ہے اسی طرح پٹرول پمپس، سی این جی اسٹیشنز اور دودھ و ڈیری شاپس پر بھی نئے اوقات کار لاگو نہیں ہوں گے ٹیک اوے اور ہوم ڈیلیوری سروسز معمول کے مطابق جاری رہیں گی، جبکہ جم، پیڈل کورٹس اور دیگر اسپورٹس سہولیات بھی پابندیوں سے مستثنیٰ ہوں گی، آئی ٹی کمپنیوں اور کال سینٹرز کو بھی معمول کے مطابق کام جاری رکھنے کی اجازت دی گئی ہے۔

ضلعی انتظامیہ کا کہنا ہے کہ یہ اقدامات توانائی کے مؤثر استعمال اور بجلی کی بچت کیلئے کیے گئے ہیں، جبکہ یہ نوٹیفکیشن اگلے احکامات تک مؤثر رہے گا۔

اسلام آباد میں عیدالاضحیٰ کے موقع پر ٹریفک کی روانی برقرار رکھنے کے لیے خصوصی ٹریفک پلان جاری کردیا گیا۔

چیف ٹریفک آفیسر کی جانب سے جاری کردہ پلان کے مطابق شہر بھر کی مویشی منڈیوں کے اطراف خصوصی ٹریفک انتظامات کیے گئے ہیں جبکہ شہریوں کی سہولت اور ٹریفک کی روانی یقینی بنانے کے لیے 350 سے زائد افسران اور جوان فرائض انجام دیں گے۔

ترجمان ٹریفک پولیس کے مطابق شہریوں کو ہدایت کی گئی ہے کہ وہ مویشی منڈیوں میں روڈ پر گاڑیاں پارک کرنے سے گریز کریں اور صرف مختص پارکنگ مقامات پر ہی گاڑیاں کھڑی کریں۔ اسلام آباد ٹریفک پولیس کی اضافی نفری بھی مختلف مقامات پر تعینات کی جائے گی تاکہ ٹریفک کی روانی متاثر نہ ہو۔

ترازو کے نیچے دبی چیخیں ،تحریر : بینا علی

ٹریفک پولیس نے شہریوں سے اپیل کی ہے کہ جاری کردہ ٹریفک پلان پر عمل کریں اور اہلکاروں کے ساتھ تعاون کریں تاکہ عیدالاضحیٰ کے دوران شہریوں کو کسی قسم کی دشواری کا سامنا نہ کرنا پڑے۔

اداکارہ مومنہ کو ہراساں کرنے کا معاملہ، ایم پی اے کی طلبی ہو گئی

حکومت نے ملک کی سرکاری اور نجی ایئر لائنز کی گزشتہ تین سال 2022 تا 2024 کی آمدن، منافع، نقصان اور ادا کردہ ٹیکسوں کی تفصیلات قومی اسمبلی میں پیش کر دی ہیں۔

وزیرِ دفاع خواجہ محمد آصف کی جانب سے ایوان میں جمع کرائے گئے تحریری جواب کے مطابق، پاکستان انٹرنیشنل ایئرلائنز کارپوریشن (PIACL) شدید مالی بحران اور ٹیکسوں کے بوجھ کا شکار ہے، جبکہ نجی ایئر لائنز مسلسل منافع کما رہی ہیں۔

دستاویزات کے مطابق قومی ایئر لائن (پی آئی اے) کو سال 2024 کے دوران ٹیکس سے قبل صرف 3 ارب 5 کروڑ 75 لاکھ روپے کا منافع ہوا، لیکن اس پر 29 ارب 26 کروڑ 12 لاکھ روپے کا بھاری ٹیکس عائد کیا گیا، جس کے باعث ٹیکس کی ادائیگی کے بعد پی آئی اے کا حتمی خسارہ 26 ارب 20 کروڑ روپے سے تجاوز کر گیا اس سے قبل، سال 2023 میں پی آئی اے کا ٹیکس سے قبل منافع 101 ارب 49 کروڑ روپے رہا تھا، جس پر 3 ارب روپے ٹیکس ادا کیا گیا، جبکہ سال 2022 میں 86 ارب 51 کروڑ روپے کے منافع پر 1 ارب 49 کروڑ روپے ٹیکس ادا کیا گیا تھا۔

نجی ایئر لائن ایئربلیو نے سال 2025 میں 4 ارب 86 کروڑ روپے کا منافع کمایا اور 1 ارب 17 کروڑ روپے ٹیکس ادا کیا سال 2024 میں کمپنی کا منافع 1 ارب 90 کروڑ روپے رہا، جس پر 32 کروڑ 31 لاکھ روپے ٹیکس دیا گیا، جبکہ سال 2023 میں کمپنی نے 5 ارب 46 کروڑ روپے کا شاندار منافع کمایا، تاہم اس سال کوئی ٹیکس ادا نہیں کیا گیا۔

ایئر سیال نے مسلسل تین سال منافع بخش کارکردگی دکھائی سال 2025 میں 4 ارب 57 کروڑ روپے کے منافع پر 1 ارب 49 کروڑ روپے ٹیکس ادا کیا گیا، سال 2024 میں 3 ارب 39 کروڑ روپے کے منافع پر 1 ارب 9 کروڑ روپے ٹیکس اور سال 2023 میں 4 ارب 88 کروڑ روپے کے منافع پر 1 ارب 42 کروڑ روپے ٹیکس قومی خزانے میں جمع کرایا گیا۔

نئی نجی ایئر لائن فلائی جناح نے بھی بہترین آغاز کیا سال 2025 میں کمپنی نے 5 ارب 73 کروڑ روپے کا منافع کمایا اور 1 ارب 59 کروڑ روپے ٹیکس ادا کیا، سال 2024 میں اس کا منافع 2 ارب 64 کروڑ روپے رہا، جس پر 72 کروڑ روپے ٹیکس دیا گیا، جبکہ سال 2023 میں 3 ارب 69 کروڑ روپے کے منافع پر کوئی ٹیکس لاگو نہیں ہوا۔

سیرین ایئر اس وقت غیر فعال ہے اور اس کا مالیاتی ڈیٹا تاحال مکمل طور پر تصدیق شدہ نہیں تاہم، ریکارڈ کے مطابق سال 2023 میں کمپنی کے 793 ارب روپے کے منافع پر 719 ارب روپے کا بھاری ٹیکس ریکارڈ کیا گیا تھا۔

ایوان کو بتایا گیا کہ یہ تمام اعدادوشمار سول ایوی ایشن اتھارٹی (PCAA) کے سرکاری ریکارڈ سے حاصل کیے گئے ہیں، جو ملکی ہوا بازی کی صنعت کی موجودہ معاشی صورتحال کی عکاسی کرتے ہیں۔

مارگلہ ہلز میں غیرقانونی شکارکے الزام میں ایک غیرملکی باشندے کو گرفتار کیا گیا ہے۔

ذرائع محکمہ وائلڈ لائف کے مطابق اسلام آباد وائلڈ لائف مینجمنٹ بورڈ نے کارروائی کرتے ہوئے مارگلہ ہلز میں غیرقانونی شکارکے الزام میں ایک غیر ملکی باشندے کو گرفتار کیا ہےملزم نے نایاب نسل کے ہرن سمیت متعدد جنگلی جانوروں کا شکار کیا اور رات گئے پھندے میں پھنسےجنگلی جانور کو کاٹ کر باکس میں پیک کیا۔

ذرائع کے مطابق پھندوں کی اطلاع پر اسلام آباد وائلڈ لائف مینجمنٹ بورڈ نے خفیہ ٹیم کو تعینات کیا اور ملزم کو موقع سے رنگے ہاتھوں گرفتار کیا،دوران گرفتا ری ملزم نے مزاحمت کی اور دانتوں سے کاٹ کر ایک وائلڈ لائف اہلکار کو زخمی بھی کیا محکمہ وائلڈ لائف کی مدعیت میں تھانہ کوہسار میں 11 مئی کو واقعے کا مقدمہ درج کیا گیا تھا۔

مقدمے کے متن کے مطابق سیکٹر ای سیون کے قریب جنگل میں دوران معائنہ شکار کےلیے پھندے لگے ملے، ایک ہرن پھندے میں پھنس کر ہلاک ہو چکا تھا، مقدمے میں درج ہے کہ جانوروں کے غیرقانونی شکار میں کچھ مقامی افراد کے ساتھ غیرملکی شہری بھی ملوث ہیں۔

اسلام آباد ٹریفک پولیس نے عیدالاضحیٰ پر مویشی منڈیوں کے اطراف ٹریفک کی روانی برقرار رکھنے کے لیے خصوصی پلان تشکیل دے دیا۔

ترجمان اسلام آباد پولیس کے مطابق چیف ٹریفک آفیسر محمد سرفراز ورک کی زیر صدارت ایک اہم اجلاس منعقد ہوا جس میں ایس پی ٹریفک اور زونل ڈی ایس پیز نے شرکت کی، اجلاس میں عیدالاضحیٰ کے موقع پر اسلام آباد میں قائم مویشی منڈیوں کے لیے خصوصی ٹریفک پلان کی منظوری دی گئی۔

چیف ٹریفک آفیسر کے مطابق ٹریفک پولیس کے 350 سے زیادہ افسران اور اہلکار ڈیوٹی انجام دیں گے جبکہ مویشی منڈیوں کے اطراف ٹریفک کی روانی برقرار رکھنے کے لیے خصوصی تعیناتیاں کی گئی ہیں انہوں نے شہریوں سے اپیل کی کہ وہ مویشی منڈیوں کے اطراف سڑکوں پر گاڑیاں پارک کرنے سے گریز کریں اور صرف مختص کردہ پارکنگ ایریاز کا استعمال کریں شہریوں کی سہولت اور ٹریفک نظم و ضبط کو برقرار رکھنے کے لیے اضافی اہلکار بھی تعینات کیے گئے ہیں، جبکہ شہریوں سے ٹریفک پولیس کے ساتھ تعاون اور جاری ہدایات پر عمل کرنے کی درخواست کی گئی ہے، اسلام آباد ٹریفک پولیس شہریوں کی رہنمائی کے لیے ہر وقت موجود رہے گی۔

ضلعی انتظامیہ نے وفاقی دارالحکومت میں کاروباری اوقات کار میں تبدیلی سے متعلق زیر گردش نوٹیفکیشن کو جعلی قرار دے دیا ہے۔

ضلعی انتظامیہ کے مطابق وفاقی حکومت کی کفایت شعاری مہم کے تحت اسلام آباد میں کاروباری اوقات کار بدستور پہلے سے نافذ پالیسی کے مطابق رہیں گے اور اس حوالے سے کسی نئی تبدیلی کا کوئی باضابطہ نوٹیفکیشن جاری نہیں کیا گیا۔

ترجمان ضلعی انتظامیہ نے واضح کیا کہ سوشل میڈیا پر گردش کرنے والا نوٹیفکیشن جعلی ہے اور عوام اس پر توجہ نہ دیں، اگر مستقبل میں کاروباری اوقات کار میں کوئی تبدیلی کی گئی تو اس کا باضابطہ نوٹیفکیشن جاری کیا جائے گا۔

جمہوریہ آذربائیجان کے وزیرِ انصاف فرید احمدوف کی قیادت میں اعلیٰ سطحی وفد نے چیف جسٹس آف پاکستان سے سپریم کورٹ میں ملاقات کی، جس میں دونوں ممالک کے درمیان عدالتی تعاون، قانون کی حکمرانی اور انصاف کے نظام میں اصلاحات کے فروغ پر تفصیلی تبادلہ خیال کیا گیا۔

اسلام آباد میں ہونے والی ملاقات میں آذربائیجان کے وزیرِ انصاف فرید احمدوف کے ہمراہ وزارتِ انصاف کے بین الاقوامی تعاون کے ڈائریکٹر جنرل عاد ل ابیلوف اور اسلام آباد میں آذربائیجان کے سفارت خانے کے فرسٹ سیکریٹری سمیر احمد علی بھی موجود تھے وفاقی وزیر قانون و انصاف سینیٹر اعظم نذیر تارڑ بھی ملاقات کے دوران وفد کے ہمراہ شریک ہوئے۔

ملاقات میں چیف جسٹس آف پاکستان نے پاکستان کے عدالتی نظام میں جاری اصلاحاتی اقدامات پر روشنی ڈالی، جن میں عدالتی نظام میں ٹیکنالوجی کا استعمال، عدالتوں کی استعداد کار میں اضافہ اور خدمات کی فراہمی میں بہتری شامل ہیں، دونوں فریقین نے عدالتی تربیت، متبادل تنازعہ حل (اے ڈی آر)، عدالتی انتظامیہ اور بہترین بین الاقوامی طریقہ کار کے تبادلے پر تفصیلی گفتگو کی۔

آذربائیجان کے وزیرِ انصاف نے قانون کی حکمرانی کے فروغ میں پاکستان کی عدلیہ کے کردار کو سراہتے ہوئے عدالتی تربیت، قانونی تحقیق اور ادارہ جاتی ترقی کے شعبوں میں تعاون بڑھانے میں گہری دلچسپی کا اظہار کیا،ملاقات میں دوطرفہ تعلقات کو مزید مستحکم بنانے، تبادلہ پروگرامز کے فروغ اور ادارہ جاتی شراکت داری کو وسعت دینے پر بھی اتفاق کیا گیا، آخر میں یادگاری تحائف کا تبادلہ کیا گیا۔

اسلام آباد میں 6 مقامات پر سرکاری مویشی منڈیاں قائم کر دی گئی ہیں-

انتظامات کا جائزہ لینے کے لیے اسسٹنٹ کمشنرز نے مختلف منڈیوں کا دورہ کیا جہاں پارکنگ، صاف پانی کی فراہمی، صفائی ستھرائی اور دیگر سہولیات کا معائنہ کیا گیا، اسسٹنٹ کمشنرز نے منڈیوں سے ملحقہ شاہراہوں پر ٹریفک کی روانی کا بھی جائزہ لیا جبکہ بجلی اور دیگر بنیادی سہولیات کی دستیابی کو یقینی بنانے کی ہدایت کی گئی ڈپٹی کمشنر نے ہدایت جاری کی ہے کہ دور دراز علاقوں سے آنے والے بیوپاریوں کو منڈیوں میں ہر ممکن سہولت فراہم کی جائے-

انتظامیہ کا کہنا ہے کہ سرکاری منڈیوں کے علاوہ کسی بھی مقام پر مویشیوں کی خرید و فروخت کی اجازت نہیں ہوگی شاہراہوں یا دیگر مقامات پر عارضی منڈیاں قائم ہونے کی صورت میں متعلقہ اسسٹنٹ کمشنرز سے بازپرس کی جائے گی شہریوں سے اپیل کی گئی ہے کہ وہ صرف سرکاری مویشی منڈیوں سے ہی جانور خریدیں۔