Tag: اسلام آباد

اسلام آباد:اگریہ حال ہے ہمارا تو پھرسمجھ لیں کہ آگے بھی بُرا حال ہے ہمارا:جویریہ صدیقی کا قول صدیق،اطلاعات کے مطابق آج سیکٹر ای الیون میں لڑکے لڑکی کو برہنہ کرکے بلیک میل اور تشدد کرنے کے کیس میں اہم موڑ اس وقت آگیا جب متاثرہ لڑکی نے ملزمان کو پہچاننے سے انکار کردیا،

متاثرہ لڑکی نے کہا کہ پولیس نے یہ سارا معاملہ خود بنایا، میں نے کسی ملزم کو شناخت کیا نا ہی کسی کاغذ پر دستخط کیے، پولیس والے مختلف اوقات میں سادہ کاغذوں پر دستخط کرواتے،انگوٹھے لگواتے رہے، آج کے بعد میں پیش نہیں ہونا چاہتی، جج نے ہدایت کی کہ آپ کو پیش تو ہونا پڑے گا،عدالت نے متاثرہ لڑکی کے بیان پر وکلا کی مزید جرح کے لیے 18 جنوری کی تاریخ مقرر کرتے ہوئے سماعت ملتوی کردی

اسی بے حسی کی بات کرتے ہوئے جویریہ صدیقی کہتی ہیں‌ کہ کون نہیں جانتا کہ ویڈیو کس نے بنائی اور کس کو نہیں پتہ کہ اس واقعہ کا سب کو پتہ ہے لیکن افسوس تو اس بات کا ہے کہ ایک طرف ظلم اورہرطرف چیخ وپکار تو دوسری طرف مجرم سے پیسے کی خاطرکمپرومائز،جویریہ کہتی ہیں‌ کہ اب بس ہونی چاہیے ایسے رویوں کو پنپنے کا موقع نہیں ملنا چاہیے کہ جن سے معاشرے میں ظالم کی رسی اور بھی دراز ہواورمظلوم کی مدد کرنے والے مظلوم کی مصلحت کا شکار ہوں ، وہ کہتی ہیں اگریہ حال رہا توپھرمعاشرہ قائم نہیں رہےگا اورکل کو پولیس بھی اپنی جان کی امان چاہتے ہوئے”جیسے کوئی کرتا ہے کرنے دو”کے اصول پرکاربند ہوجائے تواس کا نتیجہ بہت بڑی تباہی کی صورت میں ہوگا

ساری دنیا نے ویڈیو میں مجرم کو دیکھا ہے یہ ویڈیو بنوائی بھی اس نے اور پھیلائی بھی اس نے ریاست کم از کم دس سال قید بامشقت میں مجرم کورکھےجوڑا اگر مکر بھی جائے توویڈیو کا ثبوت موجود ہےاس لئے عدالت کو مجرم کو سخت سزا دینی چاہیے۔
ریپ پورنوگرافی قتل کے مجرمان کو معافی نہیں ملنی چاہیے https://t.co/MZLrpATpnV

— Javeria Siddique (@javerias) January 11, 2022

جویریہ صدیقی کہتی ہیں کہ اسلام آباد کے بدنام زمانہ اس کیس کی ساری دنیا نے ویڈیو میں مجرم کو دیکھا ہے یہ ویڈیو بنوائی بھی اس نے اور پھیلائی بھی اس نے ریاست کم از کم دس سال قید بامشقت میں مجرم کورکھےجوڑا اگر مکر بھی جائے توویڈیو کا ثبوت موجود ہےاس لئے عدالت کو مجرم کو سخت سزا دینی چاہیے۔

جویریہ کہتی ہیں کہ اگرمعاشروں کو قائم رکھنا ہے اورجرم اور مجرم کے خلاف مزاحمت کرنے کی تمنا کو قائم رکھنا ہے تو پھر ریپ پورنوگرافی قتل کے مجرمان کو معافی نہیں ملنی چاہیے، اور ضرور ملنی چاہیے تب ہی کوئی ظالم کے خلاف اٹھے گا ورنہ سب اسی سیلاب میں بہہ جائیں گے پھر نہ کہنا

واضح رہے کہ وفاقی دارالحکومت اسلام آباد کے سیکٹر ای الیون کے ایک فلیٹ میں لڑکا اور لڑکی کو جنسی طور پر ہراساں کرنے ان کی برہنہ ویڈیو بنانے اور انھیں جنسی عمل پر مجبور کرنے کا معاملہ سامنے آیا تھا جس کی ویڈیو بھی سوشل میڈیا پر بہت وائرل ہوئی پولیس نے کارروائی کرتے ہوئے ملزمان کو گرفتار بھی کیا

لیکن وہی لڑکی جو چیخ چیخ کرکہ رہی تھی کہ مجھے برہنہ کیا گیا اور پھرتشددکے ذریعے وہ کام کروایا گیا جس کو لفظوں میں بیان نہیں کیا جاسکتا مگرآج وہی مظلومہ اپنے بیان سے منحرف ہوکر کئی مظلوم خواتین لڑکیوں کے حوصلے پست کردیئے ہیں جو کہ شاید انصاف لینے کے لیے پرتول رہی تھیں لیکن اب شاید ان کے پرکٹ گئےہوں‌، جویریہ کہتی ہیں‌ کہ مجھے اسی چیز کے غم نے پریشان کررکھا کہ کہ مظلوم کی پیسے کی خاطر مصلحت سے "انصاف ” مررہا ہے”انصاف "انصاف سے انصاف مانگ رہا ہے کہ اگرنہیں ڈٹو گے تونام ونشان تک نہ ہوگا زمانے میں‌

اسلام آباد: صدر مملکت کا سانحہ مری میں بچوں سمیت جان کی بازی ہارنے والے اے ایس آئی نوید کے بھائی سے رابطہ ہوا اور ڈاکٹر عارف علوی نے اہلخانہ سے ہمدردی کا اظہار کیا۔

صدرعارف علوی ڈاکٹر عارف علوی کا اسلام آباد پولیس کےاے ایس آئی نوید اقبال کے بھائی سے اظہارِ تعزیت کیلئے ٹیلی فونک رابطہ ہوا ۔

عارف علوی نے ایک ہی خاندان کے 8 افراد کے جاں بحق ہونے پر گہرے صدمے اور رنج و غم کا اظہار کرتے ہوئے کہا کہ نوید اقبال، اُنکے خاندان سمیت معصوم بچوں کے حادثے میں جاں بحق ہونے کا سن کر شدید صدمہ پہنچا ۔

انہوں نے نوید اقبال کے بھائی سے ٹیلیفونک گفتگو کرتے ہوئے مزید کہا کہ دکھ کی اِس گھڑی میں میری ہمدردیاں متاثرین اور اُنکے لواحقین کے ساتھ ہیں، اللہ تعالیٰ مرحومین کی مغفرت فرمائے، جنت الفردوس میں اعلیٰ مقام عطا فرمائے ۔

ادھر سانحہ مری پر غفلت کے بعد پنجاب حکومت جاگ گئی اور اقدامات شروع کرتے ہوئے تحقیقاتی کمیٹی تشکیل دے دی گئی جبکہ جاں بحق افراد کے ورثا کو فی کس 8 ، 8 لاکھ روپے دینے کی منظوری دی گئی ہے ۔

ذرائع کے مطابق وزیر اعلیٰ پنجاب عثمان بزدار کی زیر سربراہی اجلاس میں فیصلہ کیا گیا جس کے تحت سانحے میں جاں بحق ہونے والے افراد کو 8 ، 8 لاکھ روپے دیئے جائیں گے ، ایک کروڑ 76لاکھ روپے کا فنڈ منظورکر لیا گیا جبکہ جن افراد کو آٹھ ، آٹھ لاکھ دیئے جائیں گے ان میں 22 افرادشامل ہیں۔

وزیر اعلیٰ پنجاب سردار عثمان بزدار کی زیر صدارت اجلاس میں مر ی کو ضلع کا درجہ دینے کا بھی پلانا بنایا گیا جبکہ یہ فیصلہ بھی کیا گیا کہ گنجائش سے زیادہ ٹر یفک کو آئندہ مری میں داخل نہیں ہونے دیاجائیگا ۔

اجلاس میں مر ی کے روڈ سٹرکچرکو بہتر بنانے کی منظوری بھی دی گئی جبکہ مر ی کی بڑی سڑکوں کے ساتھ چھوٹے رابطہ لنک فوری بنانے کی بھی ہدایات جاری کر دی گئیں ۔

حکومت پنجاب کی جانب سے بنائی گئی تحقیقاتی کمیٹی کے کنوینر ایڈیشنل چیف سیکرٹری داخلہ ظفر نصراللہ ہو نگے جبکہ دیگر اراکین میں علی سرفراز ، اسد گیلانی اور فاروق مظہر شامل ہیں، کمیٹی سانحہ مری کے حوالے سے سرکاری محکموں کے ذمہ داران کا تعین کرے گی ، یہ بھی تحقیق کرے گی کہ محکمہ موسمیات کی سخت وارننگ کے باوجود سرکاری اداروں کی جانب سے کوئی مشترکہ لائحہ عمل اختیار کیا گیا تھا ؟۔

کمیٹی تحقیقات کرے گی کہ میڈیا پر مری آنے سے روکنے کے لیے کوئی وارننگ دی گئی ؟ ٹریفک کنٹرول کرنے کے لیے کوئی اقدامات کیے گئے ؟ مری اور گلیات میں گاڑیوں کو داخل ہونے سے روکنے کے لیے اسلا آباد میں کیوں نہیں روکا گیا ؟ برفانی طوفان کے بارے اطلاع کے بعد کوئی حفاظتی اقدامات کیے گئے یا نہیں؟۔

دوسری جانب گزشتہ بارشوں میں جان کی بازی ہارنے والے افراد کیلئے مجموعی طور پر 3 کروڑ 35 لاکھ روپے کی بھی منظوری دی گئی ہے۔ اجلاس میں راجہ بشارت، چیف سیکرٹری پنجاب، سینئر ممبر بورڈ آف ریونیو پنجاب اور آئی جی پنجاب نے شرکت کی۔

قبل ازیں وزیر اعلی پنجاب سردار عثمان بزدارنے مر ی کا دوسرا فضائی دورہ کیا ، گلیات کلڈنہ باڑیاں ،نتھیا گلی سمیت دیگر متاثرہ علاقوں کا فضائی جائزہ لیا۔

مری سے اسلام آباد واپسی سے پہلے وزیر اعلیٰ نے مر ی کا دوبارہ فضائی جائزہ لیا اورگلیات کلڈنہ باڑیاں نتھیا گلی سے ٹر یفک کنٹرول کرنے کیلئے کے پی حکومت سے ملکر حکمت عملی طے کر نے کا فیصلہ کیا ۔

یہ بھی فیصلہ کیا گیا کہ آئندہ ایسے واقعات کی روک تھام کے لئے پنجاب اور خیبر پختونخوا حکومت مشترکہ حکمت عملی اختیار کر یگی ، پنجاب اور خیبر پختونخوا کی جانب سے مر ی آنیوالی ٹر یفک کو کنٹر ول کرنے کیلئے اقدامات کیے جائیں گے ۔

ادھر چیف سیکرٹری پنجاب کامران علی افضل نے عوام کو مری کی جانب سفر نہ کرنے کی تنبیہ کردی کرتے ہوئے بتایا گیا کہ موسم کی کیفیت تبدیل نہیں ہوئی ہے ، سڑکوں پر جمی برف نے ڈرائیونگ کو مزید مشکل بنا دیا ہے ، مری میں داخلے کے تمام راستے بند کئے جا رہے ہیں ، اس لئے عوام ابھی مری کی طرف سفر نہ کریں ۔

اسلام آباد:نوید اقبال اپنے خاندان کوخوشیاں دیتے دیتے ہمیشہ کےلیے غمگین کرگئے:فون پرآخری بات کیا کی؟کزن نے بتادی ،اطلاعات کے مطابق اس وقت ایک طرف مری میں آنے والے برفانی طوفان کا ہرطرف شورشرابہ ہے تو دوسری طرف اس طوفان میں میں اپنی بیٹیوں ،بیٹے،بھانجی ، بہن اوربھتیجیوں‌ کومری کی سیر کروانے والے نوید اقبال کے سفرآخرت سے پہلے کے لمحات پرمشتمل اہم الفاظ بھی اب میڈیا کی زینت بنے ہوئے ہیں‌

سانحہ مری میں اہلخانہ کے ساتھ جاں بحق ہونے والے اسلام آباد پولیس کے اہلکار نوید اقبال کے کزن طیب گوندل واقعے کی تفصیلات بتاتے ہوئے زارو قطار رو پڑے۔

اس حوالے سے نجی ٹی وی سے ٹیلی فونک گفتگو کرتے ہوئے مری میں جاں بحق ہونے والے پولیس اہلکار نوید اقبال کے کزن طیب گوندل نے بتایا کہ ’نوید اقبال اپنی تین بیٹیوں، ایک بیٹے، بہن، بھانجی اور بھتیجے کےساتھ تھے، میں اس لیے بچ گیا کہ ہم لوکل ٹرانسپورٹ سے گئے اور نوید اپنی گاڑی سے گئے تھے، نوید نے شام 6 بجے کال کی کہ ہم پھنس گئے ہیں‘۔

انہوں نے کہا کہ ’وہاں گاڑیاں 24 گھنٹے سے پھنسی ہوئی تھیں، انتظامیہ نے کوئی دھیان نہیں دیا تھا، نتھیا گلی میں 2 سے 4 ہزار گاڑیاں موجود تھیں، نوید سے میرا رابطہ آخری بار صبح 4 بجے ہوا جس پر نوید نے سی پی او ساجد کیانی کا نمبر مانگا، میری ان سے بھی بات ہوئی، انہیں نوید کی ریکارڈنگ بھیجی مگر انہوں نے دیکھ کر کوئی جواب نہیں دیا‘۔

طیب گوندل کا کہنا تھا کہ ’جی ٹی روڈ اور موٹروے نیچے سے کلیئر تھی مگر جہاں سے برفباری شروع ہوئی وہاں شدید ٹریفک کا سامنا کرنا پڑا جہاں سے کسی صورت واپسی ممکن نہیں تھی، ہمیں انتطامیہ نے کہیں آگے جانے سے نہیں روکا، اگر مجھے پتا چلتا تو نوید کو واپس بلا لیتا‘۔

واضح رہےکہ مری میں سیرو تفریح کے لیے جانے والے اسلام آباد پولیس کے اے ایس آئی نوید اقبال اہلخانہ کے ساتھ جاں بحق ہوگئے۔

اسلام آباد:خدمت ،فرض اورذمہ داری :سی ڈی اے کا عملہ بارش میں دن رات سڑکوں اور نالوں کو کلیئر کرنے میں مصروف،اطلاعات ہیں کہ اسلام آباد کی انتظآمیہ شدید بارش کے دوران بھی خدمت انسانیت میں مصروف ہے، اس حوالے سے چیئرمین سی ڈی اے کی ہدایت پر شعبہ ایم اینڈ آر ایم نے بارشوں کے دوران تین شفٹوں میں کام کرنا شروع کر دیا

باغی ٹی وی ذرائع کے مطابق چیئرمین سی ڈی اے عامر علی احمد کی ہدایت پر شعبہ ایم اینڈ آر ایم نے وفاقی دارالحکومت اسلام آباد میں بارشوں کے دوران تین شفٹوں میں کام کرنا شروع کر دیا ، شعبہ ایم اینڈ آر ایم کا عملہ شدید بارش کے دوران دن رات سڑکوں اور نالوں کو کلیئر کرنے میں مصروف ہیں ،

بارشوں کے دوران تمام روڈ ز اور نالوں کو کلیئر کر دیا گیا،ای الیون، جی سیون ، ایف سیون، جی ایٹ ، ایف سکس ، ایف ایٹ ،آئی ٹین، آئی نائن و دیگر علاقوں میں تمام نالوں میں کہیں بھی طغیانی نہیں ہے ۔تفصیلات کے مطابق وفاقی دارالحکومت اسلام آباد میں مسلسل پانچ روز سے موسلادھار بارش کے دوران سی ڈی اے شعبہ ایم اینڈ آر ایم کا عملہ روڈز اور نالوں کو کلیئر کرنے میں دن رات مصروف ہے ،

چیئرمین سی ڈی اے عامر علی احمد کی ہدایت پر شعبہ ایم اینڈ آر ایم نے وفاقی دارالحکومت اسلام آباد میں بارشوں کے دوران تین شفٹوں میں کام کرنا شروع کر دیا ہے ۔بارشوں کے دوران تمام روڈ ز اور نالوں کو کلیئر کر دیا گیا،ای الیون، جی سیون ، ایف سیون، جی ایٹ ، ایف سکس ، ایف ایٹ ،آئی ٹین، آئی نائن و دیگر علاقوں میں تمام نالوں میں کہیں بھی طغیانی نہیں ہے اور صورتحال کنٹرول میں ہے، کہیں سے بھی فلڈ کی اطلاع آنے پر ورکرز فوری رسپانس کیلئے تیار ہیں ۔

لاہور:موسم کی خرابی، پی آئی اے کا فلائیٹ شیڈول متاثر،اطلاعات کے مطابق ملک میں ہونے والی بارشوں اورخراب موسم کے اثرات سے فضائی سفر کرنےوالے مسافر بھی محفوظ نہ رہ سکے،موسم کی خرابی کراچی سے لیکرگلگت تک اور کوئٹہ سے لے کرلاہور تک ہے یہی وجہ ہے کہ لاہور میں اچانک موسم کے شدید سلسلے کے باعث پروازیں اسلام آباد اتار لی گئیں

پی آئی اے حکام کی طرف سے جو تفصیل دی گئی ہے اس کے مطابق کراچی تا لاہور پی کے 302، ابوظہبی تا لاہور پی کے 264 اور جدہ تا لاہور پی کے 9760 اسلام آباد اتر گئیں

یہ بھی بتایا گیا ہے کہ اس دوران موسم سے متاثر ہونے والی پروازوں کے 447 مسافروں کو خصوصی بسوں کے ذریعے لاہور لے جایا جائے گا

دوسری طرف ان مسافروں کوان کے گھروں تک پہنچانے کےلیے پی آئی اے نے بسوں کیلئے انتظامات شروع کر دیے

لاہور سے روانہ ہونے والی پروازیں پی کے 303 لاہور تا کراچی، پی کے 9759 لاہور تا جدہ اور پی کے 189 لاہور تا بحرین منسوخ کردی گئی ہیں
ترجمان پی آئی اے نے اس حوالے سے مزید تفصیلات فراہم کی ہیں اور بتایا ہے کہ پی آئی اے کال سینٹر 24 گھنٹے مسافروں کو معلومات فراہم کرنے میں مصروف ہے

ترجمان پی آئی اے کا کہنا ہے کہ موسم کی خرابی کے پیش نظر مسافروں سے التماس ہے کہ گھر سے نکلنے سے پہلے اپنی پرواز سے متعلق معلومات حاصل کرلیں

دوسری طرف مسافروں کے عزیزواقارب بھی سخت پریشان ہیں اور ان کا کہنا ہے کہ موسم کی خرابی کے ساتھ ساتھ ان کے پیاروں کو سخت مشکلات کا سامنا ہے تووہاں ان پردیسیوں کا استقبال کرنے والوں کے لیے بھی مشکلات ہیں