Tag: اسلام آباد

اسلام آباد:کشمیری خواتین و بچوں کے ساتھ اظہار یکجہتی کیلئے یکجہتی کشمیر کانفرنس کل(جمعہ کے )روز ڈی چوک اسلام آباد میں ہوگی،کانفرنس کی سربراہی جنرل حمید گل کی بیٹی عظمٰی گل کریں گی، یکجہتی کشمیر کانفرنس میں جڑواں شہروں سے خواتین و بچوں کے علاوہ مختلف کالجز و یونیورسٹیز سے طالبات شریک ہوںگی جبکہ کانفرنس سے مختلف سیاسی جماعتوں کی مرکزی خاتون رہنماﺅں سمیت وکلاء،ٹیچرز اور انسانی حقوق کی سرگرم کارکن خواتین خطاب کریں گی۔اپنے ایک وڈیو پیغام میں چیئرپرسن جموں کشمیر سولیڈرٹی موومنٹ عظمٰی گل نے جڑواں شہروں کی خواتین سے اپیل کی ہے کہ وہ مقبوضہ کشمیر کی خواتین و بچوں کے ساتھ اظہار یکجہتی کیلئے اپنے بچوں کے ہمراہ جمعة المبارک کو سہ پہر چار بجے ڈی چوک پہنچیں،انہوں نے مزید کہا کہ آزادی کی جدوجہد میں خواتین پاکستان اپنی کشمیری بہنوں کے شانہ بشانہ ہیں۔

اسلام آباد: یومِ دفاع کے سلسلے میں ایسوسی ایشن فور اکیڈمک کوالٹی آفاق راولپنڈی اور نظریہ پاکستان کونسل اسلام آباد کے زیرِ اہتمام طلبہ وطالبات کے مابین "جنگِ ستمبرولولہ انگیز معرکہ”کے عنوان سے ایوانِ قائد فاطمہ جناح پارک میں ایک پُر جوش تقریری مقابلہ ہوا۔ مقابلے کا اہتمام نوجوانوں کی سماجی تنظیم ‘آفاق لیڈز کلب راولپنڈی’ کے تعاون سے کیا گیا تھا۔تقریب کی صدارت آفاق لیڈرز کلب کے سرپرست و معروف دانشور ڈاکٹر محمد افتخار کھوکھر نے کی ,اس موقع پر عشرت معصوم ڈائریکٹر پروگرام نظریہ پاکستان کونسل اسلام آباد , عبدالقدوس قریشی ایسوسی ایٹ زونل ہیڈ آفاق, طارق محمود گادھی مینیجر کوالٹی مینجمنٹ سسٹم آفاق پاکستان اور معروف سماجی رہنما نسیم عثمانی موجود تھے اور ججز کے فرائض معروف دانشور و پروفیسر احمد حاطب صدیقی مرکزی صدر دائرہ علم و ادب پاکستان اور ارشد محمود ارشد ریجنل ہیڈ آفاق آزاد کشمیر نے سرانجام دیے جبکہ میزبان عبدالعزیز ریجنل ہیڈ راولپنڈی اور احسن حامد ڈپٹی مینیجر آفاق راولپنڈی تھے. مقابلے میں جڑواں شہروں کے 38تعلیمی اداروں کے طلبہ و طالبات نے حصہ لیا۔ اس موقع پر تقاریر میں نوجوان نسل کے ہونہار طلبہ و طالبات نے جنگِ ستمبر 1965ء میں بری، بحری اور فضائی معرکوں میں افواجِ پاکستان کی بے مثال شجاعتوں کو زبردست الفاظ میں خراجِ تحسین پیش کرتے ہوئے کہا کہ ہماری بہادر افواج میں ایک سپاہی سے لیکر اعلیٰ ترین فوجی افسروں نے کمال جرات اور عسکری مہارتوں کے ساتھ اپنے سے دس گنا پڑی قوت کو ناکوں چنے چبوا دیئے۔ ہماری دلیر سپاہیوں نے اپنے جسموں سے بم باندھ کر دشمن کے ٹینکوں کو ناکارہ بنا دیا تو کہیں ہمارے شاہینوں نے دشمن کے فضائی حملوں کو آن واحد میں پسپا کر کے ایک جانب اپنے فوجی ٹھکانوں اور شہروں کو تباہی سے بچایا تو دوسری طرف دشمن کے جہازوں اور ہوائی اڈوں کو تاخت وتاراج کیا۔ مقررین نے کہا کہ جنگ سمبر کے واقعات یاد کر کے ہمارے دلوں میں وطن سے محبت اور وطن کی آن پر کٹ مرنے کا ایک ایسا جذبہ پیدا ہوتا ہے جو ہمارے اندر پاکستانیت کے جوہر کو مضبوط بنا رہا ہے۔ہم اپنے ازلی دشمن بھارت کو بتا دینا چاہتے ہیں کہ اب بھی ہمارے بہادر جوان اور ساری قوم دفاعِ وطن کے لئے اُسی جذبے سے سرشار تیار کھڑی ہے اور دشمن کو نیست و نابود کرنے کا حوصلہ اور ولولہ رکھتی ہے۔تقریری مقابلے سے قبل سول سوسائٹی کے نمائندوں، شہریوں اور طلبہ وطالبات نے فاطمہ جناح پارک میں مہران گیٹ سے ایوان قائد تک واک میں حصہ لیا اور پرجوش نعروں کے ساتھ پاکستان کی بہادر افواج کو زبردست خراج تحسین پیش کیا۔تقریری مقابلہ میں پہلی پوزیشن فاطمہ صغیر پاکستان نیشنل سکول راولپنڈی ,دوسری پوزیشن لائبہ ایمان امبرین ایجوکیشن اسمارٹ حب راولپنڈی, خنساء اسلام آباد ماڈل گرلز سکول جی سکس فور, جبکہ تیسری پوزیشن مصعب فاروق کاظمی سٹی سکول ,اریبہ سجاددارارقم سکول ٹیپو روڈ کیمپس نے حاصل کی. جبکہ حوصلہ افزائی کا انعام حرا اعظم کیانی ایکسل سائنس ایجوکیشنل سسٹم نے حاصل کیا اس کے علاوہ تمام شرکاء میں سرٹیفکیٹس بھی تقسیم کئے گئے.

اسلام آباد:صلاح الدین کے قتل پولیس ریفارمز ،پولیس ملازمین کا ذہنی چیک اپ اور پولیس تشدد میں جانبحق ہونے والوں کو اںصاف دلانے کے لیے سوشل میڈیا ایکٹوسٹس نے کل جمعرات شام پانچ بجے پریس کلب اسلام آباد کے سامنے احتجاج کرنے کا اعلان کردیا ہے،سوشل میڈیا ایکٹوسٹ فرحان ورک نے ٹویٹ کرتے ہوئے کہا کہ کل بروز جمعرات شام 5 بجے انشااللہ سب دوست جو اسلام آباد موجود ہیں وہ اسلام آباد پریس کلب کے سامنے مظلوم صلاح الدین کے لئے اختجاج کا حصہ بنیں۔ اختجاج کا مقصد پولیس ریفارمز’ پولیس ملازمین کا ذہنی چیک اپ اور صلاح الدین جیسے ہزاروں مظلوموں کیلئے انصاف ہے۔
فرحان ورک سوشل میڈیا ایکٹوسٹ
سوشل میڈیا ایکٹوسٹ نعمان سرور نے کہا کہ یہ احتجاج کسی پارٹی کا نہیں بلکے انسانیت کے لئے ہماری کوشش ہے انصاف کے لئے آپ سب سے شرکت کی درخواست ہے
نعمان سرور سوشل میڈیا ایکٹوسٹ
یاد رہے چند دن پہلے رحیم یار خان میں اے ٹی ایم مشین چوری کے ملزم صلاح الدین پولیس کی حراست میں تشدد برداشت نا کرنے کی وجہ سے دم توڑ گئے.

اسلام آباد :اگر آپ کی زمین پر قبضہ ہوگیا ہے تو پریشان ہونے کی بلکل ضرورت نہیں ڈی سی اسلام آباد حمزہ شفقات نے اپنی ایک ٹوئٹ میں کہا کہ ‏اگر آپ کی اسلام آباد میں موجود زمین پر کسی نے قبضہ کیا ہے تو آپ اپنی تفصیلات اس درخواست فارم کے ذریعے ہمارے ساتھ شئیر کریں۔نام صیغہ راز میں رکھا جائے گا۔ تین ماہ قبل بھی ہم نے انفارمیشن اکھٹی کی تھی مگر اس میں سے پچانوے فیصد کیس سول عدالتوں میں ہیں
ڈی سی اسلام آباد کی ٹویٹ

اسلام آباد :ڈیڑھ ماہ قبل باغی ٹی وی نے اسلام آباد آئی الیون کے قریب واقع فلٹریشن پلانٹ کی خستہ حالی کے حوالے خبر لگائی جس پر ڈی سی اسلام آباد حمزہ شفقات نے کہا کہ میں نے ایم سی آئی تک اس کو پہنچادیا ہے وہ جلد اس پر کام کریں گے لیکن ڈیڑھ ماہ سے زائد دن بیت گئے میٹرو پولیٹن کارپوریشن اسلام آباد نے فلٹریشن پلانٹ کی خستہ خالی کو دور نہ کیا اور اب بھی سبزی منڈی کے قریب علاقے کے لوگ پانی کے لئے آئی ٹین میں واقع فلٹریشن پلانٹ پر جاتے ہیں اور آئی الیون فلٹریشن پلانٹ بچوں کی کھیل کی جگہ بن چکی ہے.
ڈی سی اسلام آباد کی یقین دہانی, باغی ٹی وی کی طرف سے لگائی گئی خبر

اسلام آباد ( باغی نمائندہ ) امیر جماعت اسلامی اسلام آباد نصراللہ رندھاوا نے کہا ہے کہ حکو مت کی ایک سالہ کار کر دگی ناکامیوں سے عبارت ہے تبدیلی کے نام پر ووٹ لینے والوں نے عوام کے منہ سے نوالہ چھین لیا ہے ،نااہل حکمرانوں نے جو وعدے اور دعوے کیے وہ فریب ثابت ہو ئے ہیں ،عوام حکومت کی ایک سالہ کارکردگی سے سخت مایوس ہیں ۔ ان خیالات کا اظہار انھوں نے دفتر جماعت اسلامی اسلام آباد میں عید ملن پارٹی سے خطاب کر تے ہو ئے کیا
نصراللہ رندھاوا نے کہاایک سال میں دس لاکھ لوگ بے روزگار ہوگئے ،ایک کروڑ نوکریاں اور پچاس لاکھ گھر کہاں ہیں، ہزاروں گھروں کو مسمار کر دیا گیا ۔ تیل اور پٹرول کی قیمتیں دگنا ہوگئیں ۔ ڈالر کے مقابلے میں روپیہ کاغذ کا بے وقعت ٹکڑا بن گیا ۔ آئی ایم ایف کے پاس نہ جانے کے دعویداروں نے معیشت کا پورا نظام آئی ایم ایف کے حوالے کر دیا ۔انھوں نے کہا گیس کی قیمت میں 90 فیصد اور دواﺅں کی قیمتوں میں 200 فیصد اضافہ ہوا ۔ قوم چیخ رہی ہے اور حکمران کہتے ہیں کہ یہ سابقہ حکومتوں کی خرابیاں ہیں۔ موجودہ حکومت کے دور میں کرپشن ، بے روزگاری اور مہنگائی میں اضافہ ہواہے ۔

اسلام آباد :ڈپٹی کمشنر اسلام آباد نے حکومتی سطح پر یوم آزادی کو یوم یکجہتی کشمیر کے طور پر منانے کے اعلان پر اسلام آباد کے شہریوں سے بڑا مطالبہ کردیا. انہوں نے چند روز قبل سماجی رابطے کی سائٹ ٹویٹر پر ٹویٹ کرتے ہوئے کہا کہ ‏کیا ہم سب 14 اگست کو ڈی چوک پر دو بجے بہادر کشمیریوں کے ساتھ اپنی محبت ، حمایت اور ان کی حق خود ارادیت کے حصول کی جدوجہد کے ساتھ اظہار یکجہتی کے لئے اکٹھے ہو سکتے ہیں ؟کون کون شامل ہونا چاہتا ہے؟ ہمارے پاس ٹویٹر پر باتین کرنے والے تو بہت ہیں لیکن اصل میں کون قدم بڑھائے گا ؟
ڈپٹی کمشنر اسلام آباد نے کشمیریوں کے حق میں بڑا مطالبہ کردیا
اس کے جواب کثیر تعداد میں شہریوں نے نکلنے کا اعلان کیا اس کے بعد گزشتہ روز قبل انہوں نے فلیگ مارچ کا اعلان کیا اس حوالے سے انہوں نے ٹوئٹ میں کہا کہ ۔آج کی ریلی بنیادی طور پر 14 اور 15 اگست کو ڈی چوک پر جلوس کے لئے اگاہی کیلئے نکالی گئے ہے ۔ انشاءالله 14 /15 اگست کو ڈی چوک پر دنیا کو کشمیر میں ڈھائے جانے والے مظالم کے بارے میں بتایا جائے گا ۔ پاکستان کے عوام اپنے کشمیری بھائیوں کے ساتھ ہیں۔