Tag: اسلام آباد

پانی پی ٹی آئی عمران خان نے اڈیالہ جیل میں صحافیوں سے غیر رسمی گفتگو کرتے ہوئے کہا ہے کہ جنرل فیض حمید ہمارا اثاثہ تھا جسے ضائع کر دیا گیا ،

عمران خان کا کہنا تھا کہ فوج جنرل ریٹائرڈ فیض حمید سے تفتیش کررہی ہے یہ ان کا اندرونی معاملہ ہے مجھےاس سے کیا ہے،جنرل فیض حمید کا احتساب کررہے ہیں اچھی بات ہے،لیکن پھر یہ سب کا احتساب کریں ،آئی بی کی رپورٹس تھیں موجودہ اسپیکرپنجاب اسمبلی ہروقت جنرل باجوہ کے پاس بیٹھے رہتے تھے ،جنرل باجوہ نے نواز شریف اور شہباز شریف کے کہنے پرجنرل فیض حمید کو ہٹایا تھا،جنرل فیض حمید کو ہٹانے پر میری جنرل باجوہ سے سخت تلخ کلامی ہوئی تھی، وزیردفاع نے جنرل باجوہ کی ایکسٹینشن کی بات کر کے میرے موقف کی تائید کی ہے، خواجہ آصف نے کہا ہے جنرل ریٹائرڈ باجوہ ایکسٹینشن چاہتے تھے، یہ میرے موقف کی تائید ہے،جنرل باجوہ نے اپنی ایکسٹینشن کے لیے میری حکومت گرائی،

اگر 9 مئی فیض حمید نے کروایا تو اس کی تحقیقات ہونی چاہیں،9مئی دراصل لندن پلان کا حصہ تھا،عمران خان
مخصوص نشستوں کے فیصلہ پرعمل نہ کرکے یہ آئین کی تیسری مرتبہ خلاف ورزی کرینگے ،پی ٹی آئی کو مخصوص نشستیں نہ دینے اورآئین کی خلاف ورزی پرمیں پارٹی کوابھی سے تیارکررہا ہوں،خواجہ آصف نے کہا ہے فیض حمید کا 9 مئی کے واقعات سے براہ راست تعلق ہے، سارا معاملہ میری گرفتاری سے شروع ہوا، اس کی تفتیش کیوں نہیں کی جا رہی؟ اگر 9 مئی فیض حمید نے کروایا تو اس کی تحقیقات ہونی چاہیں،9مئی دراصل لندن پلان کا حصہ تھا،جہاں جہاں آگ لگی، وہاں کی سی سی ٹی وی فوٹیجز غائب ہیں،سی سی ٹی وی فوٹیجز سامنے لائیں اور ہمیں قصوروار ثابت کریں،جس نے میری گرفتاری کا آرڈر دیا وہی سازش میں ملوث ہے،چیف الیکشن کمشنر، چیف جسٹس آف پاکستان اور چیف جسٹس اسلام آباد ہائیکورٹ لندن پلان کا حصہ تھے،قاضی فائز عیسیٰ کو فیض آباد کمیشن اور بھٹو کا کیس یاد آگیا، ہماری پٹیشن نہیں سن رہے، ان کا مسئلہ یہ ہے 8 فروری کو پی ٹی آئی الیکشن جیت گئی،چیف جسٹس اور الیکشن کمیشن اب فراڈ الیکشن کوچھپا رہے ہیں،پنڈی کے سابق کمشنر نے ایک ایک بات ٹھیک کہی تھی،یہ چاہتے ہیں پی ٹی آئی کو مخصوص نشستیں نہ ملیں اور یہ آئینی ترمیم کر سکیں، یہ اب تیسری دفعہ آئین شکنی کر رہے ہیں،پہلے 90 روز میں انہوں نے الیکشن نہیں کروائے، پھر اکتوبر میں بھی الیکشن سے بھاگ گئے، اب یہ تیسری دفعہ آئین میں ترمیم کرنے جا رہے ہیں،سڑکوں پر نکلنے لگے ہیں پارٹی کو تیار رہنے کو کہا ہے،

گفتگو سے قبل جیل عملے نے عمران خان کو میڈیا سے گفتگو کرنے سے روک دیا، ڈپٹی سپریٹنڈنٹ جیل اور عمران خان کی آپس میں تلخی ہوئی، عمران خان نے کہا کہ مجھے نہ روکو، یہ اوپن کورٹ ہے، مجھے میڈیا سے بات کرنے دو،

فیض حمید کو ہٹانے پر میری جنرل باجوہ سے سخت تلخی ہوئی تھی،عمران خان
عمران خان کا مزید کہنا تھا کہ نواز شریف اور شہباز شریف کی شرط تھی کہ فیض حمید کو ہٹائیں،فیض حمید کو ہٹانے پر میری جنرل باجوہ سے سخت تلخی ہوئی تھی،فیض حمید کو اس لیے میں نہیں ہٹانا چاہتا تھا کیونکہ وہ طالبان اور افغان حکومت کے ساتھ انگیج تھا،وہ پاکستان میں دہشت گردی ختم کرنے کا سنہری موقع تھا،جنرل فیض نے ملک سے دہشتگردی ختم کرنے کا مکمل پلان بنا کر اپوزیشن کو دیا تھا،فیض حمید کے طالبان کے ساتھ اچھے تعلقات تھے، وہ 3 سال تک طالبان کے ساتھ مذاکرات کرتا رہا،میں بار بار جنرل ریٹائرڈ باجوہ کو کہتا رہا فیض حمید کو نہ ہٹائیں،باجوہ نے اپنی ایکسٹینشن کے کیلئے فیض حمید کو ہٹایا اور آئی ایس آئی کو پی ٹی آئی کے پیچھے لگا دیا،یہ کہتے ہیں کہ ہم نے طالبان کے ساتھ معاہدے کیے اور انہیں واپس لا کر ٹھہرایا اگر ایسی بات ہے تو اب کراس بارڈر دہشت گردی کیوں ہو رہی ہے؟ ہمارے دور میں کیوں دہشت گردی نہیں ہوئی؟ جنرل فیض زلمے خلیل زاد اور طالبان کو میرے پاس لے کر آیا تھا، اب جتنی دہشت گردی ہو رہی ہے اس کا ذمہ دار جنرل ریٹائرڈ باجوہ کو ٹھہراتا ہوں،آج تمام طالبان ہمارے خلاف ہو چکے ہیں، روزانہ ہمارے فوجی شہید ہو رہے ہیں،آپ جو مرضی آپریشن کر لیں یہ سرحد کراس کر کے دوسری جانب چلے جائیں گے اور دوبارہ واپس آ جائیں گے،

فیض حمید کا نواز،شہباز کو پیغام،مزید گرفتاریاں متوقع

فیض حمید پر ڈی ایچ اے پشاور کو 72 کروڑ کا نقصان کا الزام،تحقیقات

قوم کا پاک فوج پر غیر متزلزل اعتماد ہمارا سب سے قیمتی اثاثہ ہے،آرمی چیف

فیض حمید "تو توگیا”،ایک ایک پائی کا حساب دینا پڑے گا، مبشر لقمان

فیض حمید کی گرفتاری،مبشر لقمان نے کیا کئے تھے تہلکہ خیز انکشافات

بریکنگ،فیض حمید گرفتار،کورٹ مارشل کی کاروائی شروع

سابق چیف جسٹس انور کاسی کو نوٹس جاری کر دیا۔جنرل ریٹائرڈ فیض حمید کو بھی نوٹس جاری

 فیض آباد دھرنا کیس میں نظرثانی واپس لینے کی درخواست دائر

 فیض حمید جو اب سابق ڈی جی آئی ایس آئی ہیں نے ملک کو ناقابِلِ تَلافی نقصان پہنچایا 

،میں ابھی فیض حمید کے صرف پاکستانی اثاثوں کی بات کر رہا ہوں

فیض حمید مبینہ طور پر نومئی کے حملوں میں ملوث ہیں

 نجف حمید کے گھر چوری کی واردات

قوم نے فیض آباد دھرنا کیس میں ناانصافی کا خمیازہ 9 مئی کے واقعات کی صورت بھگتا، سپریم کورٹ

سپریم کورٹ،میں نے اپنے اوپر لگے تمام الزامات کو مسترد کیا ہے،وکیل فیض حمید

سپریم کورٹ، مارگلہ ہلز نیشنل پارک اور چئیرمن وائلڈ لائف بورڈ سے متعلق کیس کی سماعت ہوئی

چیف جسٹس قاضی فائز عیسی نےسیکرٹری کابینہ کامران علی افضل پر شدید برہمی کا اظہار کیا اور کہا کہ کیوں نہ آپ پر فرد جرم عائد کریں، سچ بتائیں چئیرمن وائلڈ لائف بورڈ کے نوٹی فیکیشن کے پیچھے کون ہے؟ کس کے کہنے پر نوٹی فیکیشن جاری ہوا، سیکرٹری کابینہ نے کہا کہ میرے علم میں نہیں،چئیرمن وائلڈ لائف کی تبدیلی کے احکامات وزیر اعظم نے جاری کئے،چیف جسٹس قاضی فائز عیسیٰ نے کہا کہ سیکرٹری کابینہ نے الزام وزیر اعظم پر لگا دیا ہے، سیکرٹری کابینہ نے بھائی کو بچانے کیلئے الزام وزیر اعظم پر عائد کردیا ہے،سیکرٹری کابینہ نے وزیر اعظم کو بس کے نیچے دھکا دیدیا ہے، مارگلہ ہلز سے متعلق حکم کے بعد سپریم کورٹ کیخلاف پروپیگنڈہ شروع ہوگیا، فریقین کی رضامندی سے حکم جاری ہوا پھر پروپیگنڈہ کون کر رہا ہے، آپ کے بھائی لقمان علی افضل کدھر ہیں، سیکرٹری کابینہ نے کہا کہ نہیں معلوم وہ کدھر ہیں،

2018 میں بھی مارگلہ ہلز کا کیس چلا،لوگوں کے لمبے ہاتھوں کی وجہ سے پھر یہ کیس دبا دیا گیا،چیف جسٹس
چیف جسٹس قاضی فائز عیسیی نے کہا کہ پروپیگنڈہ وار سپریم کورٹ کیخلاف کیوں چل رہی ہے، اسلام آباد میں کئی جگہوں پر ہاوسنگ سوسائٹی کےاشتہارات لگے ہیں،وکیل نجی ہاؤسنگ نے کہا کہ ہماری سوسائٹی خیبر پختونخوا میں ہے،ہماری سوسائٹی کے درجنوں اشتہارات اسلام آباد میں لگے ہیں، سی ڈی اے کے افسر نے رابطہ کرکے سوسائٹی کے مالک سے سپانسر مانگا،چیف جسٹس قاضی فائز عیسیٰ نے استفسار کیا کہ سی ڈی اے کے کس افسر نے رابطہ کیا،وکیل نے کہا کہ یہ مجھے نہیں معلوم ،چیف جسٹس قاضی فائز عیسٰیٰ نے کہا کہ مارگلہ ہلز میں آپ سوسائیٹی کیسے بنا رہے ہیں،وکیل نے کہا کہ میرے موکل کی اپنی ملکیتی اراضی ہے اس پر منصوبہ شروع کیا،چیف جسٹس قاضی فائز عیسیٰ نے کہا کہ ملکیتی دستاویزات کدھر ہے،وکیل نے کہا کہ ملکیتی دستاویزات میرے موکل کے پاس ہے،چیف جسٹس قاضی فائز عیسیٰ نے کہا کہ شاہ صاحب اپنے موکل کو بلالیں،2018 میں بھی مارگلہ ہلز کا کیس چلا،لوگوں کے لمبے ہاتھوں کی وجہ سے پھر یہ کیس دبا دیا گیا،مارگلہ ہلز کے معاملہ پر وزارت داخلہ وزارت کابینہ وزارت موسمیاتی تبدیلی اور سی ڈی اے ملوث ہیں،

آپ کے موکل نے اپنے ایڈریس میں جی ایچ کیو کیوں لکھا،تاثر دے رہا کہ ہاوسنگ منصوبہ فوج کا ہے،چیف جسٹس
وکیل شاہ خاور نے کہا کہ میرا موکل ڈیڑھ گھنٹے میں سپریم کورٹ میں پہنچ جائینگے،میرا موکل صوابی سے نکل آیا ہے، چیف جسٹس قاضی فائز عیسیٰ نے کہا کہ آپ کے موکل کا نام کیا ہے، وکیل نے کہا کہ میرے موکل کا نام صدیق انور ہے، چیف جسٹس قاضی فائز عیسیٰ نے کہا کہ موکل کا پورا نام بتائیں، وکیل نے کہا کہ موکل کا پورا نام کیپٹن صدیق انور ہے،چیف جسٹس قاضی فائز عیسیٰ نے کہا کہ کیا آپ کے موکل کو بھی توہین عدالت کو نوٹس جاری کریں،آپ کے موکل نے اپنے ایڈریس میں جی ایچ کیو کیوں لکھا،آپ کے موکل نے نام کیساتھ ریٹائرڈ بھی نہیں لکھا،کیا آپ کا موکل تاثر دے رہا ہے کہ ہاوسنگ منصوبہ فوج کا ہے،اس ملک میں ہر ایک کا اپنا ایجنڈا ہے،ساری حکومت آج عدالت میں کھڑی ہے لیکن معلوم کچھ نہیں، اٹارنی جنرل نے کہا کہ نیشنل پارک کو مجموعی طور پر بچانا ہے، خوبصورتی ساری مارگلہ ہلز کی ہے،

ملک اب لینڈ مافیا کے حوالے ہے، چیف جسٹس
چیف جسٹس قاضی فائز عیسیٰ نے کہا کہ ملک اب لینڈ مافیا کے حوالے ہے، سپریم کورٹ پر سب سے پہلے ہم نے انگلی اٹھائی،10,10 سال سے خلاف قانون بیٹھنے والوں کو واپس بھیجا، ڈیپوٹیشن والوں کو واپس کرنے پر بھی شور مچا،کہا گیا کہ چیف جسٹس نے یہ کردیا وہ کردیا،ذاتی حملہ کرا لو، گالی گلوچ کرا لو بس،میں آزادی اظہار رائے ہر یقین رکھتا ہوں،آج تک کسی کے خلاف کارروائی نہیں کی،سیکریٹری کابینہ نے سچ نہ بولا تو نتائج بھگتیں گے، زندگی میں کبھی ایک پلاٹ نہیں لیا جو خریدا اپنی کمائی سے خریدا،ایک کیمرہ پکڑو اور ہوگیا یوٹیوب چینل شروع،ہر بندہ یہاں ایک ایجنڈے پر چل رہا ہے،چیف جسٹس کو جان سے مارنے کی دھمکیاں دینی ہوں تو آزادی اظہار رائے آجاتی ہے،ہمارے پاس کوئی میڈیا ٹیم نہیں جو دفاع کر سکے،

عوام کے190ملین پاؤنڈزکسی اورکو دے دیئے گئے،ایک توچوری پھرحکومت بھی اس چوری پرپردہ ڈال دیتی ہے،چیف جسٹس
چیف جسٹس قاضی فائزعیسی کی طر ف سے 190 ملین پاؤنڈزکیس کا تذکرہ بھی کیا گیا، چیف جسٹس قاضی فائز عیسیٰ نے کہا کہ عوام کے190ملین پاؤنڈزکسی اورکو دے دیئے گئے،ایک توچوری کروپھرحکومت بھی اس چوری پرپردہ ڈال دیتی ہے،ان 190 ملین پاؤنڈزوالوں سے کوئی کیوں نہیں پوچھتا،اس وقت کی حکومت نےبرطانیہ سے ملنے والے پیسے طاقتورشخص کو دے دیئے،برطانوی حکومت نےپیسے واپس بھجوائے مگراسی چوری کرنے والے شخص کوواپس کردیئے گئے،شکرہے کہ بیرون ممالک کی ایسی ایجنسیاں ہیں جوفعال ہیں،ججزکوگالیاں دینے کیلئے کرایہ کے بندے رکھ لیتے ہیں،اگرہمت ہے توہمارے سامنے آکربولیں ہم جواب دیں گے

پلاننگ اور ہاؤسنگ کا وزارت داخلہ سے کیا تعلق ہے،ایسا ہی ہے توپارلیمنٹ بند کر دیں، چیف جسٹس
چیف جسٹس قاضی فائز عیسیٰ نے اٹارنی جنرل سے مکالمہ کرتے ہوئے کہا کہ وائلڈ لائف بورڈ کو وزاردت داخلہ کے ماتحت کیوں کیا گیا،اٹارنی جنرل نے کہا کہ وزارت داخلہ کی جانب سے وزیر اعظم ہاؤس کو درخواست آئی کہ وائلڈ لائف بورڈ کو وزارت داخلہ کے ماتحت کردیں،چیف جسٹس قاضی فائز عیسیٰ نے کہا کہ یہ تصوراتی بات لگتی ہے وزارت ہاؤسنگ سی ڈی اے کے ماتحت ہے یہ بات سمجھ بھی آتی ہے،پلاننگ اور ہاؤسنگ کا وزارت داخلہ سے کیا تعلق ہے،ہم تو کہہ رہے ہیں سی ڈی اے کو بھی وزارت داخلہ سے نکال دیں،اگر ایسی بات ہے تو وزارت تعلیم کو وزارت ریلویز میں ڈال دیں،کیوں نہ وزارت داخلہ کو نوٹس کریں سارا گند ہی ختم ہو جائے گا،پارلیمان کس لیے ہوتا ہے پارلیمان میں ایسے موضوعات پر بحث کیوں نہیں ہوتی،اگر ایسا ہے تو پارلیمنٹ کو بند کردیں ،اٹارنی جنرل نے کہا کہ یہ معاملہ پارلیمنٹ کا نہیں آرٹیکل 99 کے تحت رولز آف بزنس بنتے ہیں جس سے معاملات چلائے جاتے ہیں،

جرمنی ،فرانس،امریکہ،بھارت سمیت کہیں بھی ایسا نہیں ہوتا جیسا پاکستان میں ہو رہا ،چیف جسٹس
چیف جسٹس قاضی فائز عیسیٰ نے کہا کہ وزیراعظم پارلیمنٹ میں کھڑے ہو کر بات تو کر سکتے ہیں،کوئی طاقتور آیا ہو گا اور اس نے کہا ہو گا سی ڈی اے کو میری وزارت داخلہ کے ماتحت کردیں پلاٹس وغیرہ کے بھی معاملات ہوتے ہیں، ،جسٹس نعیم اختر افغان نے چیئرمین سی ڈی اے سے استفسار کیا کہ آپ کی کیا رائے ہے،کیا سی ڈی اے کو وزارت داخلہ کے ماتحت رہنا چاہیے،چیئرمین سی ڈی اے نے کہا کہ سی ڈی اے کو وزارت داخلہ سے عملدرآمد کرنے کیلئےپاور مل جاتی ہے،پولیس اور انتظامیہ بھی وزارت داخلہ کے ماتحت ہے،چیف جسٹس قاضی فائزعیسیٰ نے چیئرمین سی ڈی اے سے مکالمہ کرتے ہوئے کہا کہ کیا آپ کی طبعیت ٹھیک ہے،آپ اتنے اہل نہیں ہیں کہ اپنے فیصلوں پر عملدرآمد کروا سکیں ،اگر ایسی بات ہے تو ایف بی آر کو بھی وزارت داخلہ کے ماتحت کردیں،پھر ٹیکس نہ دینے والوں کو پولیس پکڑ لے گی،جرمنی ،فرانس،امریکہ،بھارت سمیت کہیں بھی ایسا نہیں ہوتا جیسا پاکستان میں ہو رہا ہے،اٹارنی جنرل نے کہا کہ رولز آف بزنس کے تحت فیڈرل گورنمنٹ ڈویژنز کو وقت کے ساتھ ساتھ تبدیل کرتی رہتی ہے،چیف جسٹس قاضی فائز عیسیٰ نے اٹارنی جنرل سے مکالمہ کرتے ہوئے کہا کہ کیا وزارت داخلہ وزیر اعظم آفس سے بھی زیادہ طاقتور ہے،

سیکرٹری کابینہ نے وزیر اعظم پر الزام لگایا، بیان واپس نہ لیا یا بات سچ نہ ہوئی تو نتائج بھگتنا ہونگے،چیف جسٹس
چیف جسٹس قاضی فائز عیسیٰ نے کہا کہ سیکرٹری کابینہ نے وزیر اعظم پر الزام لگایا،سیکرٹری کابینہ نے بیان واپس نہ لیا یا بات سچ نہ ہوئی تو نتائج بھگتنا ہونگے،طاقتور شخصیات نے اپنی مرضی سے کام کروائے،چیف جسٹس قاضی فائز عیسیٰ نے اٹارنی جنرل سے استفسار کیا کہ اسلام آباد کی سب سے قیمتی جگہ کونسی ہے،اٹارنی جنرل نے کہا کہ قیمتی جگہ شاید ون کانسٹیٹیوشن ایونیو ہوگی،چیف جسٹس قاضی فائز عیسیٰ نے کہا کہ بلڈنگ کی بات نہیں کر رہے جگہ کا پوچھ رہا ہوں،اسلام آباد میں سب سے مہنگی جگہ ای سیکٹر ہے،آپکو پتا ہے ای سیکٹر کس نے بنوایا تھا،اٹارنی جنرل نے کہا کہ مجھے اس بارے علم نہیں،وکیل عمر گیلانی نے کہا کہ اسلام آباد کا ای سیکٹر ضیا الحق کے دور میں بنوایا گیا،چیف جسٹس قاضی فائز عیسیٰ نے کہا کہ جی بالکل ضیا الحق کے حکم پر ای سیکٹر بنایا گیا، مارگلہ ہلز کے سامنے ہونے کی وجہ سے ای سیکٹر سب سے مہنگا ہے،چاوپر سے حکم آیا ضیا الحق کا تو کسی نے آگے سے اعتراض نہیں کیا ہوگا،

لقمان افضل عدالت نہیں آئے؟ کسی یوٹیوب کو انٹرویو دے رہے ہوں گے،چیف جسٹس
چیف جسٹس قاضی فائز عیسیٰ نے کہا کہ ہم نے مارگلہ میں کمرشل سرگرمیاں روکنے کا کہا نوٹیفکیشن نکلنے لگے، یہاں کہا جاتا ہے مارگلہ میں پودے لگا رہے ہیں،کوئی آدھے دماغ والا آدمی بھی ایسی بات نہیں بولے گا، جنگل میں پودوں کی افزائش خود ہوا کرتی ہے، چیف جسٹس نےضیا دور میں پولن کا باعث بننے والے درختوں کی شجرکاری کا بھی حوالہ دیا اور کہا کہ چار دہائی پہلے ایک صاحب آئے اور پیپر میلبری لگاتے رہے، کسی ایکسپرٹ سے پوچھا بھی نہیں کیا ہو گا،مونال کے مالک نے سپریم کورٹ کیخلاف پراپیگنڈا شروع کر دیا، کہتے ہیں ملازمین بے روزگار ہو جائیں گے،اپنے کسی اور ریستوران میں انہیں ملازمت دے دیں،لقمان افضل عدالت نہیں آئے؟ کسی یوٹیوب کو انٹرویو دے رہے ہوں گے،

سات ہزار کی تنخواہ پر آپ نے 35 کروڑ کی زمین کیسے خریدی؟چیف جسٹس کا پائن سٹی کے مالک سے استفسار
ڈی جی گلیات اور پائن سٹی کے مالک کیپٹن رصدیق انور پیش ہو گئے ، ڈی جی گلیات نے عدالت میں کہا کہ ہم نے پائن سٹی کوتعمیرات سے روکا یہ اسٹے لے آئے، چیف جسٹس قاضی فائز عیسیٰ نے صدیق انور سے استفسار کیا کہ آپ وہاں کیاں بنانا چاہتے ہیں؟ کیپٹن ر صدیق انور نے کہا کہ مجھے معاف کر دیں میں کچھ نہیں بناؤں گا،چیف جسٹس قاضی فائز عیسیٰ نے کہا کہ آپ کیا اب بھی فوج میں ہیں؟ نام کیساتھ ریٹائرڈ کیوں نہیں لکھا؟ کیپٹن ر صدیق انور نے کہا کہ میں 1999 میں ریٹائرڈ ہو گیا تھا،چیف جسٹس قاضی فائز عیسیٰ نے کہا کہ پائن سٹی کے ساتھ آپکا ایڈریس جی ایچ کیو کا کیوں ہے؟ کیپٹن ر صدیق انور نے کہا کہ جب یہ رجسٹرڈ کروایا تب ایڈریس یہی تھا، چیف جسٹس قاضی فائز عیسیٰ نے کہا کہ کیا آپ سروس میں ہوتے ہوئے بزنس کر سکتے تھے؟جب آپ ریٹائرڈ ہوئے آپ کی تنخواہ کیا تھی؟ کیپٹن ر صدیق انور نے کہا کہ اس وقت کم تنخواہیں تھیں میری سات ہزار روپے تھی، چیف جسٹس قاضی فائز عیسیٰ نے کہا کہ سات ہزار کی تنخواہ پر آپ نے 35 کروڑ کی زمین کیسے خریدی؟ کیپٹن ر صدیق انور نے کہا کہ میں نے گاؤں کی زمین بیچی تھی، میں نے پھر یہ زمین نواب آف خان پور سے خریدی، مارگلہ پہاڑ بھی نواب آف خان پور کے تھے، چیف جسٹس قاضی فائز عیسیٰ نے کہا کہ کیایہ اللہ کے نہیں؟ کیپٹن ر صدیق انور نے کہاکہ اللہ نے ہی انہیں دیئے تھے، چیف جسٹس قاضی فائز عیسیٰ نے کہا کہ آپ فوجی ہیں کس طرح کی بات کر رہے ہیں؟آپ مارگلہ کو تباہ کر رہے ہیں، کیپٹن ر صدیق انور نے کہا کہ میں تو مارگلہ کو بنا رہا ہوں، چیف جسٹس قاضی فائز عیسیٰ نے کہا کہ بنا قدرت نے دیا ہے آپ اسے چھوڑ دیں، کیپٹن ر صدیق انور نے کہا کہ چھوڑ دیتا ہوں، میں صرف نیچر ایڈونچر پارک بنانا چاہتا تھا، چیف جسٹس قاضی فائز عیسیٰ نے کہا کہ پائن سٹی نام سے تو لگتا ہے یہ رہائشی منصوبہ ہے، کیپٹن ر صدیق انور نے کہا کہ میں نے اس نام سے نقصان اٹھایا ہے سوچتا ہوں نام بدل دوں، چیف جسٹس قاضی فائز عیسیٰ نے کہا کہ آپ نام نہیں کام ہی بدل دیں، یہاں تعمیرات نہیں ہو سکتیں، کیپٹن ر صدیق انور نے کہا کہ میں نے وہاں نئے درخت بھی لگائے ہیں، چیف جسٹس قاضی فائز عیسیٰ نے کہا کہ وہ آپ کا صدقہ جاریہ رہے گا ثواب آپ کو ملے گا،نیشنل پارک میں تعمیرات نہیں ہو سکتیں ہمارا فیصلہ ہے، کیپٹن ر صدیق انور نے کہا کہ میں نیشنل پارک میں نہیں ہوں یہ میری ملکیتی زمین ہے، چیف جسٹس قاضی فائز عیسیٰ نے کہا کہ آپ ملکیت رکھیں مگر اس پر تعمیرات نہیں کر سکتے، خاور شاہ ایڈوکیٹ نے کہا کہ اپنی زمین پر قانونی کاروبار ہو سکتا ہے،چیف جسٹس قاضی فائز عیسیٰ نے کہا کہ آپ کا اپنا پلاٹ بھی ہو سی ڈی اے باونڈری وال کے اندر ایک حد تک آپ کو تعمیرات نہیں کرنے دیتا،

محسن نقوی کو بڑا جھٹکا،وائلڈ لائف کوموسمیاتی تبدیلی سے وزارت داخلہ کے سپرد کرنے کا نوٹیفکیشن واپس
سپریم کورٹ نے سیکرٹری کابینہ اور سیکرٹری موسمیاتی تبدیلی کیخلاف توہین عدالت کی کارروائی ختم کردی، اٹارنی جنرل کو تحریری جواب جمع کرانے کی ہدایت کر دی حکومت نے وائلڈ لائف منیجمنٹ بورڈ کو موسمیاتی تبدیلی کی وزارت سے وزارت داخلہ کے سپرد کرنے کا نوٹیفکیشن واپس لے لیا،عدالت نے کہا کہ مونال ریسٹورنٹ کے مالک لقمان علی افضل نے سپریم کورٹ کیخلاف مہم چلائی کہ سپریم کورٹ کے فیصلے کے ذریعے ملازمین بے روزگار ہو گئے، بادی النظر میں لقمان علی افضل کا عدلیہ مخالف مہم چلانا توہین عدالت ہے، لقمان علی افضل کو توہین عدالت کا نوٹس جاری کر دیا گیا،

مونال کے مالک لقمان علی افضل کو توہین عدالت کا نوٹس جاری

سپریم کورٹ، مونال ریسٹورینٹ توہین عدالت کیس میں چیف جسٹس قاضی فائز عیسیٰ کے اہم ریمارکس سامنے آئے ہیں،سپریم کورٹ کے مقدمات کو کور کرنے والی خاتون صحافی مریم نواز خان نے ایکس پر چیف جسٹس قاضی فائز عیسیٰ کے ریمارکس پوسٹ کئے ہیں،چیف جسٹس قاضی فائز عیسیٰ نے ریمارکس دیتے ہوئے کہا کہ 190 ملین پاونڈز عوام کا چوری ہو جائے کوئی خبر نہیں چلتی مگر پیسے پکڑ کر ججز کو گالیاں دینے اور ان کے خلاف پراپیگنڈہ کیا جاتا ہے،

موبائل پکڑو اور ہو گیا یوٹیوب چینل شروع،ہمارے پاس کوئی میڈیا ٹیم نہیں ہے جو ہمارا دفاع کر سکے،چیف جسٹس
چیف جسٹس قاضی فائز عیسی نے مونال ریسٹورنٹ توہین عدالت کیس میں 190 ملین پاونڈز اور ملک ریاض کا نام لیے بغیر تذکرہ کیا،چیف جسٹس قاضی فائز عیسی نے کہا 190 ملین پاونڈ حکومت اسی شخص کو دے دے جس نے لوٹے تو کوئی خبر نہیں چلتی لیکن پیسے دے کر اخبارات خرید کر پراپیگنڈہ کیا جا رہا ہے، آج کل بس موبائل پکڑو اور ہو گیا یوٹیوب چینل شروع،ہمارے پاس کوئی میڈیا ٹیم نہیں ہے جو ہمارا دفاع کر سکے ، دس دس سال سے بیٹھے ڈیپوٹیشن پر ملازمین کو واپس بھیجا تو یہ دو نمبر کے لوگ کہتے ہیں چیف جسٹس نے پتا نہیں کیا کر دیا ،

چیف جسٹس کو جان سے مارنے کی دھمکیاں دینی ہوں تو آزادی اظہار رائے آجاتی ہے،چیف جسٹس
مونال ریسٹورنٹ توہین عدالت کیس میں چیف جسٹس قاضی فائز عیسی نے کہاایک کیمرہ پکڑو اور ہوگیا یوٹیوب چینل شروع،ہر بندہ یہاں ایک ایجنڈے پر چل رہا ہے،چیف جسٹس کو جان سے مارنے کی دھمکیاں دینی ہوں تو آزادی اظہار رائے آجاتی ہے،زندگی میں کبھی ایک پلاٹ نہیں لیا جو خریدا اپنی کمائی سے خریدا،

واضح رہے کہ سپریم کورٹ کے حکم پر اسلام آباد میں مارگلہ کی پہاڑیوں پر واقع ہوٹل مونال 11 ستمبر 2024 کو بند ہونے جا رہا ہے، ہوٹل انتظامیہ نے باقاعدہ اعلان کر دیا،مونال انتظامیہ کی جانب سے کہا گیا ہے کہ ہم 11 ستمبر 2024 سے مونال کو بند کر رہے ہیں،سپریم کورٹ کے حکم پر مونال کو بند کیا جا رہا ہے،مونال انتظامیہ نے ریسٹورنٹ کوبند کرنے کا اعلان کرتے ہوئے اپنے تمام چاہنے والوں کا شکریہ ادا کیا ہے،مونال انتظامیہ کا کہنا تھا کہ آپ کے اعتماد کے لیے اور ہمیں اپنی بہترین صلاحیتوں کے مطابق آپ کی خدمت کرنے کا موقع فراہم کرنے، ہمیں پہچان، تعریف اور آپ کے دل میں جگہ دینے کے لیے آپ کا بہت شکریہ،2006 کے بعد سے مونال کے لیے پاکستان اور اس کے خوبصورت لوگوں کی ایک مثبت انداز میں خدمت اور نمائش کرنا بے حد خوشی کی بات ہے، یہ سفر ہم سے وابستہ ٹیم کے لیے کامیابی کی کہانیوں اور جذبات سے بھرا ہوا تھا لیکن اب الوداع کہنے کا وقت ہے، جوکہ واقعی بہت مشکل ہے۔

مونال ریسٹورینٹ سیل کرنے کا اسلام آباد ہائیکورٹ کا حکم معطل

مونال ریسٹورنٹ کو کھولنے کی استدعا سپریم کورٹ نے کی مسترد

مونال ریسٹورنٹ کو سیل کھولنے کی استدعا پر سپریم کورٹ کا بڑا فیصلہ

مونال کی بندش کیخلاف انٹراکورٹ اپیل،کیا پھر دارالحکومت کو پنجاب کے حوالے کر دیں؟ عدالت

مارگلہ کے پہاڑوں پر قبضہ،درختوں کی کٹائی جاری ،ادارے بنے خاموش تماشائی

سپریم کورٹ کا مارگلہ ہلز میں مونال ریسٹورنٹ کے حوالہ سے بڑا حکم

مارگلہ ہلز ، درختوں کی غیرقانونی کٹائی ،وزارت موسمیاتی تبدیلی کا بھی ایکشن

مارگلہ ہلز،درختوں کی کٹائی پرتحقیقاتی کمیٹی قائم،پاک فوج بھی کمیٹی کا حصہ

پاکستان کا 78 واں یوم آزادی آج جوش و خروش اور قومی جذبے کے ساتھ منایا جا رہا ہے

پاکستان بھر میں‌دن کا آغاز نماز فجر میں ملکی ترقی اور یکجہتی کی خصوصی دعاؤں سے ہوا، وفاقی و صوبائی دارالحکومتوں میں توپوں کی سلامی دی گئی،وفاقی دارالحکومت اسلام آباد میں 31 توپوں کی سلامی دی گئی جبکہ صوبائی دارالحکومتوں میں 21۔21 توپوں کی سلامی دی گئی،جشن آزادی کے موقع پر شاعر مشرق علامہ اقبال کے مزار اور مزار قائد کراچی پر گارڈز کی تبدیلی کی پروقار تقاریب منعقد ہوئیں،پاکستان نیول اکیڈمی کے کیڈٹس نے اعزازی گارڈز کے فرائض سنبھال لیے،کمانڈنٹ پاکستان نیول اکیڈمی کموڈور محمد خالد تقریب کے مہمان خصوصی تھے،گارڈز کی جانب سے بابائے قوم قائداعظم محمد علی جناح کو قومی سلام پیش کیا گیا جس کے بعد مہمان خصوصی نے گارڈ کی تعیناتی کا حکم دیا،پاکستان نیول اکیڈمی کے کمانڈنٹ کموڈور محمد خالد نے گارڈز تعیناتی کے بعد مزار قائد پر پھول رکھے۔

یوم آزادی کی مناسبت سے پاکستان ملٹری اکیڈمی کاکول میں آزادی پریڈ کا انعقاد کیا گیا جہاں کیڈٹس کا مارچ پاسٹ ہوا،یوم آزادی کی تقریب میں رات 12 بجتے ہی پرچم کشائی کی گئی، سب نے مل کر قومی ترانہ پڑھا، پاکستان زندہ باد کا نعرہ لگایا اور مادر وطن کے شہدا کو خصوصی خراج عقیدت پیش کیا،پنجاب کے صوبائی دارالحکومت لاہور میں رات 12 بجتے ہی جشن آزادی کے آغاز پر لاہور میں گریٹر اقبال پارک میں آتشبازی کا مظاہرہ کیا گیا اس موقع پر لیزر لائٹ کا بھی اہتمام تھا جسے دیکھنے کیلئے ہزاروں شہری موجود تھے،کراچی میں پورٹ گرینڈ میں آتشبازی کا مظاہرہ دیکھنے کیلئے عوام کی بڑی تعداد جا پہنچی جبکہ گورنر ہاؤس میں بھی جشن آزادی کی تقریب منعقد کرکے آتشبازی کا مظاہرہ کیا گیا،اسلام آباد کے ایف نائن پارک میں شاندار آتشبازی کا اہتمام کیا گیا، تقریب میں پیرس اولمپکس کے گولڈ میڈلسٹ ارشد ندیم کی بھی شریک ہوئے جبکہ راولپنڈی کے راجہ بازار میں ایک کلومیٹر طویل قومی پرچم لہرایا گیا،کوئٹہ کے نواب اکبر بگٹی اسٹیڈیم میں جشن آزادی پر شاندار آتشبازی کا مظاہرہ کیا گیا جبکہ گورنر ہاؤس پشاور میں بھی جشن آزادی کی مناسبت سے آتشبازی کا مظاہرہ کیا گیا۔

آئین و قانون کے دائرہ اختیار میں رہتے ہوئے کام کرنا ملکی بقا کیلیے ضروری ہے، جسٹس محسن اختر کیانی
اسلام آباد ہائیکورٹ میں یومِ آزادی پر پرچم کشائی کی تقریب منعقد کی گئی،جسٹس محسن اختر کیانی نے اسلام آباد ہائیکورٹ میں پرچم کشائی کی،جسٹس میاں گل حسن اورنگزیب اور جسٹس ارباب محمد طاہر بھی موجود تھے، اس موقع پر پاکستان کی ترقی و استحکام کے لیے دعا مانگی گئی،اسلام آباد ہائیکورٹ کے جسٹس محسن اختر کیانی نےیوم آزادی تقریب سے خطاب کرتے ہوئے کہا کہ اس ملک کی لیے آباؤ اجداد نے جو قربانیاں دیں ان کا شاید ہمیں احساس نہیں کیونکہ ہم اس وقت موجود نا تھے، ہماری جنگ آج بھی جاری ہے، آئین و قانون میں رہ کر کام کر رہے ہیں کہ نظریاتی و جغرافیائی سرحدیں قائم رہیں، شہدا کو یاد رکھنا ضروری ہے جو ملک بنتے وقت اور بننے کے بعد اب تک جانوں کا نذرانہ پیش کر چکے ہیں، یہ ملک ہم نے بہت قربانیوں سے حاصل کیا ہے،آئین و قانون کے دائرہ اختیار میں رہتے ہوئے کام کرنا ہے جو اس ملک کی بقا کے لیے ضروری ہے، ایک ایک پودا ضرور لگائیں تاکہ آنے والی نسلیں انہیں دیکھ کر سمجھ سکیں کہ ان کے لیے کسی نے کچھ کیا ہے، اپنے بزرگوں اور بچوں سے پودے لگوائیں تاکہ وہ نشانی کے طور پر رہیں،

ہر ادارہ کوشش کرے کہ سب کے ساتھ قانون کے مطابق سلوک کیا جائے،چیف جسٹس بلوچستان ہائیکورٹ
بلوچستان ہائی کورٹ کی عمارت میں پرچم کشائی کی تقریب ہوئی، چیف جسٹس بلوچستان ہائی کورٹ محمد ہاشم کاکڑ نے قومی پرچم کشائی کی،اس موقع پر چیف جسٹس بلوچستان ہائی کورٹ محمد ہاشم کاکڑ کا کہنا تھا کہ وسائل نہ ہونے کے باوجود ہم اٹامک کلب کے ممبر بن چکے ہیں، کچھ شعبوں میں ہم دنیا کی دوڑ میں پیچھے رہ گئے ہیں، ہر ادارہ کوشش کرے کہ سب کے ساتھ قانون کے مطابق سلوک کیا جائےسب کوشش کریں کہ قانون و آئین کا احترام اور اقلیتوں کو تحفظ حاصل ہو، کوشش کریں گے کہ لوگوں کو جلد اور سستا انصاف ملے،چیف جسٹس محمد ہاشم کاکڑ نے پودا لگا کر گرین کورٹس مہم کا افتتاح کر دیا اور کہا کہ آج سے ہم گرین کورٹس مہم کا آغاز کرنے جا رہے ہیں، اس کے تحت ہائی کورٹ کے احاطے میں درخت لگائے جائیں گے، تمام ججز بھی ایک ایک درخت لگائیں گے، ہمیں موسمیاتی تبدیلیوں کا سامنا ہے۔

بجلی کی قیمتوں میں کمی کے لیے بھرپور کوشش کر رہے ہیں، قوم جلد نتائج دیکھےگی،وزیراعظم
پاکستان کے وزیراعظم شہباز شریف نے یوم آزادی کے موقع پر اپنے پیغام میں پاکستانی قوم کو دل کی اتھاہ گہرائیوں سے مبارکباد پیش کرتے ہوئے کہا ہے کہ پوری قوم تحریک پاکستان کے گمنام ہیروز کی قربانیوں کو خراج عقیدت پیش کرتی ہے، ان ہیروز نے ایک آزاد مملکت کے قیام کے لیے انتھک جدوجہد کی،پاکستان ہمارے اسلاف کی بے مثال قربانیوں کے نتیجے میں دنیا کے نقشے پر ابھرا، گزشتہ کئی دہائیوں کے دوران پاکستان نے اہم سنگ میل عبور کیے ہیں، قدرتی آفات اور معاشی و سماجی مشکلات کے ذریعے پاکستانی قوم کی ہمت اور استقامت کا امتحان لیا گیا، پاکستان کی غیور و بہادر قوم کے عزم اور اتحاد کا جذبہ ہمیشہ غالب رہا،پاکستان کی ترقی میں بیرونِ ملک مقیم پاکستانیوں کے کلیدی کردار کو سراہتا ہوں، مجھ سمیت پوری قوم کو آپ کی محنت اور کامیابیوں پر فخر ہے،ہماری مسلسل توجہ پاکستان کی اقتصادی ترقی اور معاشی استحکام پر مرکوز ہے، وسیع قدرتی وسائل اور نوجوان افرادی قوت ہمارا حقیقی اثاثہ اور سب سے بڑی طاقت ہیں، ہم وسیع پیداواری استعداد کے حامل شعبوں میں سرمایہ کاری کو راغب کرنے کے لیے اقدامات کر رہے ہیں، اس سے روزگار کے مواقع پیدا ہوں گے اور صنعت کاری کی رفتار تیز ہوگی، ہماری حکومت کی اولین ترجیحات میں بین الاقوامی معیار کی تعلیم اور ہنر کی فراہمی شامل ہیں، ملکی معیشت استحکام کی طرف گامزن ہے، بجلی کی قیمتوں میں کمی کے لیے بھرپور کوشش کر رہے ہیں، قوم جلد نتائج دیکھےگی،یوم آزادی کے موقع پر اپنی مسلح افواج کا شکریہ ادا کرتا ہوں، افواج پاکستان ہماری سرحدوں اور خودمختاری کی حفاظت کرتی ہیں، افواجِ پاکستان کا ہر قسم کی قربانی دینے کا جذبہ انتہائی احترام اور تعریف کا مستحق ہے،یوم آزادی پر مقبوضہ کشمیر اور فلسطین کے بہادر بہن بھائیوں کو بھی یاد کرتے ہیں، غیور کشمیری 7 دہائیوں سے اپنے حق خودارادیت کے لیے برسر پیکار ہیں،پاکستان مقبوضہ کشمیر کے عوام کی مکمل اخلاقی، سیاسی اور سفارتی حمایت جاری رکھےگا، پاکستان فلسطینیوں کی بھی ان کے جائز حقوق کے حصول تک حمایت جاری رکھے گا۔

سابق وزیر خارجہ،پیپلز پارٹی کے چیئرمین بلاول زرداری نے یوم آزادی کے موقع پر پیغام میں کہا کہ تمام اہل وطن کو پاکستان کا 78 واں یوم آزادی مبارک، آج کے دن ہم قائد اعظم محمد علی جناح اور اپنے آبا ؤ اجداد کو خراج تحسین پیش کرتے ہیں، جنہوں نے ہماری آزادی اور خودمختاری کے لیے جدوجہد و قربانیاں دیں۔بلاول نے ایکس پر یوم آزاد ی کا پیغام پوسٹ کرتے ہوئے اشعار بھی لکھے،
خدا کرے میری ارض پاک پر اترے
وہ فصلِ گل جسے اندیشہء زوال نہ ہو
یہاں جو پھول کھلے وہ کِھلا رہے برسوں
یہاں خزاں کو گزرنے کی بھی مجال نہ ہو

https://twitter.com/BBhuttoZardari/status/1823609508695843314

ایک قوم بن کر ملک کے لیے سوچیں تو پاکستان کی تقدیر بدل سکتی ہے،مریم نواز
وزیرِ اعلیٰ پنجاب مریم نواز نے شاعرِ مشرق علامہ محمد اقبال کے مزار پر حاضری دی، پھولوں کی چادر چڑھائی اور فاتحہ خوانی کی، وزیراعلیٰ پنجاب نے ملک کی سالمیت، ترقی و خوشحالی اور استحکام کے لیے دعا کی اور علامہ محمد اقبال کو خراج عقیدت پیش کیا،وزیرِ اعلیٰ مریم نواز کو بوائے اسکاؤٹس کے دستے نے سلامی پیش کی جبکہ ان کے استقبال کے لیے سندھی، بلوچی، پنجابی اور دیگر علاقائی لباسوں میں ملبوس طلباء شامل تھے،اس موقع پر وزیرِ اعلیٰ پنجاب مریم نواز نے پرچم کشائی بھی کی،پرچم کشائی کی تقریب بادشاہی مسجد اور لاہور کے شاہی قلعے کے درمیان واقع حضوری باغ میں ہوئی،وزیرِ اعلیٰ پنجاب مریم نواز خصوصی بچوں سے ملیں اور بچوں نے نغمہ گایا، مریم نواز نے نغمہ گانے پر خصوصی بچوں کو داد دی،یوم آزادی کی تقریب سے خطاب کرتے ہوئے مریم نواز نے کہا ہے کہ ہم پائندہ قوم ہیں، اللّٰہ پاکستان کو ہمیشہ قائم رکھے، پاکستان اللّٰہ کی طرف سے ہمارے لیے ایک عظیم نعمت ہے، قوم کو 78ویں یوم آزادی پر مبارکباد پیش کرتی ہوں،کل میں ارشد ندیم کو خراج تحسین پیش کرنے میاں چنوں گئی تھی کہ جب اولمپکس میں سٹیڈیم کے اندر وہ لمحہ آیا جب کئی دہائیوں کے بعد پاکستان کو گولڈ میڈل ملا جس لمحے پاکستان کا جھنڈا اوپر جارہا ہے پھر سب سے اوپر چلا گیا اور ہمارا قومی ترانہ گونج رہا تھا تو وہ لمحہ میرے لیے قابل فخر تھا،ہمارے قومی پرچم میں سبز اور سفید رنگ ہے اس جھنڈے میں سفید رنگ اقلیتوں کی علامت ہے میں تمام پاکستانیوں سے یہ کہنا چاہوں گی کہ جتنا یہ ملک ہمارا ہے اتنا ہی یہ ملک پاکستان میں بسنے والی اقلیتوں کا بھی ہے،ملک کا نام مختلف میدانوں میں روشن کرنے کا سلسلہ جاری رہنا چاہیے، افواج پاکستان اور قانون نافذ کرنے والے اداروں کو ملک کی ترقی میں حصہ ڈالنا ہے،پاکستان میں ہر شخص کو یکساں حقوق حاصل ہیں، ملک میں سیاسی استحکام ہو تو یہ آئیڈیل ملک بن سکتا ہے، ایک قوم بن کر ملک کے لیے سوچیں تو پاکستان کی تقدیر بدل سکتی ہے، آزادی کی قدر ان قوموں سے پوچھیں جو ظلم کا شکار ہیں، ہمیں آزادی کی قدر کرنی چاہیے، وطن پر جان قربان کرنے والے جوانوں کو خراج عقیدت پیش کرتی ہوں۔آج میں پاکستان کے تمام سیاستدانوں کو پارلیمنٹیرینز کو جنہوں نے ملک کی ترقی میں اپنا حصہ ڈالا ہے خصوصاً نوازشریف صاحب کو جنہوں نے اللہ تعالیٰ کے فضل و کرم سے ہمیشہ کے لیے ایٹمی طاقت بنایا ہے ہم انکو خراج تحسین پیش کرتے ہیں۔میں اپنے دل پہ ہاتھ رکھ کے کہتی ہوں کہ چاہے یہ خصوصی بچے ہوں یا یہ میرے سامنے فیوچر جنریشن بیٹھی ہیں انکے اندر اتنا ٹیلینٹ ہے کہ اگر انہیں تھوڑا سا بھی سازگار ماحول ملے تو انشاءاللہ اس قوم کو اس ملک کو ترقی کرنے سے کوئی نہیں روک سکتا،

پاکستان مستقبل میں ایک ابھرتا ہوا ستارہ ہو گا،اسحاق ڈار
نائب وزیرِاعظم اسحاق ڈار نے کہا ہے کہ پاکستان میں تشدد کی کوئی گنجائش نہیں،بلوچستان کے صوبائی دارالحکومت کوئٹہ میں یوم آزادی پاکستان کے موقع پر پرچم کشائی کی تقریب سے خطاب کرتے ہوئے اسحاق ڈار نے کہا کہ مل کر عہد کریں ہم نے سازش کا حصہ نہیں بننا، ہمیں مل کر پاکستان کو آگے لے کر جانا ہے،2017ء میں پاکستان دنیا کی 24 ویں بہترین معیشت بن چکا تھا، پاکستان اسٹاک ایکسچینج جنوبی ایشیا میں نمبر ون تھی،پاکستان کے پاس اربوں کھربوں روپے کی معدنیات ہیں، پاکستان ایٹمی قوت ہے اب معاشی قوت بھی بنانا ہے، پاکستان مستقبل میں ایک ابھرتا ہوا ستارہ ہو گا.

خیبرپختونخوا میں یوم آزادی کی مرکزی تقریب سول سیکرٹریٹ پشاور میں منعقد ہوئی،وزیر اعلیٰ خیبر پختونخوا سردار علی امین خان گنڈاپور تقریب میں بحیثیت مہمان خصوصی شریک تھے،صوبائی کابینہ اراکین ، ڈپٹی اسپیکر خیبر پختونخوا اسمبلی ، چیف سیکرٹری ، انسپکٹر جنرل پولیس ،ایڈیشنل چیف سیکرٹریز اور دیگر سرکاری حکام نے بھی شرکت کی،وزیر اعلیٰ خیبر پختونخوا نے قومی پرچم کشائی کی اور 78 ویں سالگرہ کا کیک کاٹا ،پولیس کے چاق و چوبند دستے نے سلامی پیش کی ،وزیر اعلیٰ نے یوم آزادی کے موقع پر سول سیکرٹریٹ میں یاد گار شہداء پر حاضری دی،علی امین گنڈاپور نے یوم آزادی کے موقع پر سول سیکرٹریٹ میں پودا بھی لگایا ۔

ارشد ندیم کو ہلالِ امتیاز اور مراد سدپارہ کو ستارۂ امتیاز عطا کرنے کی منظوری
صدرِ مملکت آصف علی زرداری نے پاکستان کے لیے خدمات کے اعتراف میں 104 پاکستانی اور غیر ملکیوں کو اعزازات دینے کی منظوری دی ہے،ایوانِ صدر سے جاری اعلامیہ کے مطابق اعزازات 23 مارچ 2025ء کو خصوصی تقریب میں دیے جائیں گے،نمایاں خدمات کے اعتراف میں ذوالفقار علی بھٹو شہید کو نشانِ پاکستان جبکہ کھیل کے شعبے میں ارشد ندیم کو ہلالِ امتیاز اور مراد سدپارہ کو ستارۂ امتیاز عطاء کرنے کی منظوری دے دی گئی ، ادب کے شعبے میں ناصر کاظمی مرحوم کو نشانِ امتیاز بعد از وفات جبکہ پرنس عبدالعزیز بن سلمان السعود کو ہلالِ پاکستان اور سائنس اور ٹیکنالوجی کے شعبے میں عامر حفیظ ابراہیم کو بھی ہلالِ امتیاز عطا کرنے کی منظوری دی گئی ہے،ڈاکٹر غلام محمد علی اور سردار محمد آفتاب احمد خان وٹو کو ستارۂ امتیاز جبکہ ڈاکٹر سارہ قریشی، ڈاکٹر رفیع الدین اور پروفیسر ڈاکٹر عثمان قمر کو تمغۂ امتیاز عطاء کرنے کی منظوری دی گئی ہے،بہادری کے اعتراف میں سب انسپکٹر تیمور شہزاد شہید، سپاہی محمد آصف شہید، ایس پی محمد اعجاز خان شہید، ڈی ایس پی سردار حسین شہید، ڈی ایس پی علامہ اقبال شہید، ایل ایچ سی محمد فاروق شہید، ایڈیشنل ایس ایچ او عدنان آفریدی شہید ، اللّٰہ رکھیو نندوانی، کانسٹیبل جہانزیب اور کانسٹیبل ارشاد علی شہید کو ہلالِ شجاعت بعد از وفات عطا کیا جائے گا،ملک سبز علی شہید اور کیپٹن ریٹائرڈ حمزہ انجم کو ستارۂ شجاعت سے نوازا جائے گا، چانگ باؤ چُنگ اور شن من لیو کو تمغۂ قائد اعظم اور ڈیانا مک آرتھر کو تمغۂ خدمت عطا کرنے کی بھی منظوری دی گئی ہے، شعبۂ طب، ادب اور فنون سمیت ٹیکس گزاروں اور ایکسپورٹرز کو بھی ایوارڈ عطاء کرنے کی منظوری دی گئی ہے

قائد کے الفاظ ‘ایمان، اتحاد اور تنظیم’ کی روشنی میں ہر چیلنج کا مقابلہ کرنا ہے۔حمزہ شہباز
جشن آزادی کے موقع پر سابق وزیراعلی پنجاب و نائب صدر مسلم لیگ ن حمزہ شہباز شریف کا کہنا تھا کہ آزادی کی عظیم نعمت پر ہم اللہ تعالی کے حضور سجدہ شکر ادا کرتے ہیں۔ ان لاکھوں قربانیاں کو خراج عقیدت پیش کرتے ہیں جنہوں نے برصغیر میں اس خواب کو حقیقت بنایا۔ مٹی کے ان بیٹوں کو سلام پیش کرتے ہیں جنہوں نے مادر وطن کی علاقائی اور نظریاتی سرحدوں کے تحفظ میں اپنی جانوں کا نذرانہ پیش کیا۔ ہر فرد ملک کی ترقی و خوشحالی کے لیے کام کرنے کا پختہ عزم رکھتا ہے۔ قائد کے الفاظ ‘ایمان، اتحاد اور تنظیم’ کی روشنی میں ہر چیلنج کا مقابلہ کرنا ہے۔آزادی کے موقع پر مقبوضہ کشمیر کے بھائیوں کے حق خودارادیت کے حصول کی جدوجہد کی حمایت کا اعادہ کرتے ہیں۔

گلاب دیوی ٹیچنگ ہسپتال میں یوم آزادی کی تقریب،پرچم کشائی کی گئی
گلاب دیوی ٹیچنگ ہسپتال لاھور کے زیر اہتمام 78واں یوم آزادی جوش و جزبے سے منایا گیا ،تقریب کا آغاز تلاوت قرآن پاک سے کیا گیا اور پھر قومی ترانہ پڑھا گیا،اس موقع پر پرچم کشائی کی گئی جس کے مہمان خصوصی ڈی ایم ایس گلاب دیوی ٹیچنگ ہسپتال ڈاکٹر عرفان ملک تھے،سکول کے بچوں نے یوم آزادی کی مناسبت سے ٹیبلو پیش کیا،تقریب کے دوران جشن آزادی کی مناسبت سے کیک بھی کاٹا گیا،اس موقع پر ڈاکٹر عرفان ملک کا کہنا تھا اللہ کا شکر ادا کرتے ہیں کہ جس نے ہمیں اس عظیم ملک کا تحفہ دیا ،اس موقع پر ہم اپنے عظیم قائد علامہ اقبال اور قائد اعظم محمد علی جناح کی عظمت کو سلام پیش کرتے ہیں جن کی بدولت یہ ملک حاصل کیا گیا،پاکستان کو حاصل کرنے میں ہمارے بزرگوں،بچوں اور خواتین کا خون شامل ھے جن کی قربانیوں کو کبھی فراموش نہیں کیا جا سکتا ۔گلاب دیوی ٹیچنگ ہسپتال کو یہ اعزاز حاصل ہے کہ اس ہسپتال نے مہاجرین کی خدمت کی ھے اور علاج معالجہ کیا ھے،ہماری خوش قسمتی ھے کہ مہاجرین کی عیادت کے لئیے قائد اعظم محمد علی جناح اور ان کی ہمشیرہ محترمہ فاطمہ جناح یہاں تشریف لائیں تھیں،پروگرام کے اختتام پر ملک و قوم کی ترقی و خوشحالی کےلئیے خصوصی دعا کی گئی ،ڈاکٹر احسن حفیظ کا کہنا تھا کہ اس موقع پر کشمیر اور فلسطین کو بھی دعاؤں میں یاد رکھیں کہ اللہ کریم ان کے لئیے بھی آزادی کے دروازے کھول دے،اس موقع پر ایڈمنسٹریٹر گلاب دیوی ٹیچنگ ہسپتال ڈاکٹر احسن حفیظ،پروفیسر ظیہر اختر،سوشل ویلفیئر آفیسر محمد رمضان بھی موجود تھے

جن کا آزاد فضا میں سانس گم ہوتا ھے وہ محب وطن نہیں ہوسکتا ۔جان محمد رمضان
پاک آرمی لورز موومنٹ کی جانب سے 78واں یوم آزادی جوش و جزبے سے منایا گیا ،تقریب کا آغاز تلاوت قرآن پاک سے کیا گیا اور پھر قومی ترانہ پڑھا گیا،اس موقع پر پرچم کشائی کی گئی جس کے مہمان خصوصی چیئرمین جان محمد رمضان تھے،اس موقع پر جان محمد رمضان نے کہا کہ اللہ کا شکر ادا کرتے ہیں کہ جس نے ہمیں اس عظیم ملک کا تحفہ دیا اور ایک آزاد قوم بنایا ،اس موقع پر چیئرمین جان محمد رمضان نے کہا کہ ہمیں علامہ اقبال رح اور قائد اعظم محمد علی جناح رح کے ویژن کے مطابق ملک و ملت کی تعمیر و ترقی کے لیے اپنے اپنے حصے کی جہدوجہد کرنا ہوگی ،آزاد ریاست بنانے کیلئے ہمارے آباؤ اجداد نے اپنی جانوں کے نذرانے پیش کرکے ہمیں پاکستان دیا ہم ان قربانیوں پر شہداء پاکستان کو سلام پیش کرتے ہیں ۔ ہماری خوش قسمتی ھے کہ ہم ایک آزاد ملک میں سانس لے رہے ہیں جن کا آزاد فضا میں سانس گم ہوتا ھے وہ محب وطن نہیں ہوسکتا ۔ قوم کی ترقی و خوشحالی کےلئیے دعاگو ہیں کہ اللہ تعالیٰ ہمیں وطن کی محبت سے مالا مال کردے اور اپنی افواج سے محبت کی توفیق عطا کردے ۔

قوم کا پاک فوج پر غیر متزلزل اعتماد ہمارا سب سے قیمتی اثاثہ ہے،آرمی چیف

فیض حمید "تو توگیا”،ایک ایک پائی کا حساب دینا پڑے گا، مبشر لقمان

فیض حمید کی گرفتاری،مبشر لقمان نے کیا کئے تھے تہلکہ خیز انکشافات

بریکنگ،فیض حمید گرفتار،کورٹ مارشل کی کاروائی شروع

پاکستان کے 78ویں یوم آزادی کے موقع پر ملک بھر میں جشن و مسرت کا سماں

صدر مملکت آصف علی زرداری کا یوم آزادی پر قوم سے عزم: پاکستان کو خوشحال بنانے کا عہد

روسی صدر کی پاکستان کے یوم آزادی پر مبارکباد
پاکستان کے یوم آزادی کے موقع پر روسی صدر نے بھی مبارکباد کا پیغام جاری کیا ہے،پاکستان میں روسی سفارتخانے کے ایکس اکاؤنٹ پر روسی صدر کا پیغام پوسٹ کیا گیا ہے، روسی صدر صدر ولادیمیر پوٹن کا کہنا ہے کہ پاکستان کے یوم آزادی پر میری دلی مبارک باد قبول کیجئے۔ میں پرامید ہوں کہ روس اور پاکستان کے درمیان تعمیری تعلقات ہمارے دونوں ممالک کے عوام کے مفاد میں مزید نتیجہ خیز ترقی کی جانب گامزن رہیں گے۔

صدر ولادیمیر پوٹن: پاکستان کے یوم آزادی پر میری دلی مبارک باد قبول کیجئے۔ میں پرامید ہوں کہ روس اور پاکستان کے درمیان تعمیری تعلقات ہمارے دونوں ممالک کے عوام کے مفاد میں مزید نتیجہ خیز ترقی کی جانب گامزن رہیں گے۔ pic.twitter.com/LNPVOqo78R

— Embassy of Russia in Pakistan (@RusEmbPakistan) August 14, 2024

متحدہ عرب امارات کے ولی عہد شیخ محمد بن راشد نے پاکستان کے یوم آزادی پر پیغام میں کہا کہ میں اسلامي جمہوریہ پاکستان کے 77 ویں یوم آزادی کے موقع پر پاکستانی قوم اور قیادت کو تہہ دل سے مبارک باد پیش کرتا ہوں۔جہاں پاکستان اپنی ترقی وخوشحالی اور استحکام کے سفر پر گامزن ہے وہیں متحدہ عرب امارات دونوں ممالک کے درمیان تعاون کو بڑھانے، ترقی کے نئے مواقع تلاش کرنے اور خوشحالی اور کامیابی سے بھرپور مستقبل کی تعمیر کے لیے مل کر کام کرنے کے لیے اپنے مستقل عزم کا اعادہ کرتا ہے۔ پاکستانی قوم کو آزادی کی خوشیاں مبارک ہوں۔

میں اسلامي جمہوریہ پاکستان کے 77 ویں یوم آزادی کے موقع پر پاکستانی قوم اور قیادت کو تہہ دل سے مبارک باد پیش کرتا ہوں۔
جہاں پاکستان اپنی ترقی وخوشحالی اور استحکام کے سفر پر گامزن ہے وہیں متحدہ عرب امارات دونوں ممالک کے درمیان تعاون کو بڑھانے، ترقی کے نئے مواقع تلاش کرنے اور… pic.twitter.com/aVfHPPfO73

— HH Sheikh Mohammed (@HHShkMohd) August 14, 2024

ڈی سی صوابی نصراللہ خان کی زیرصدارت ڈی سی آفس میں جشن آزادی کےحوالے سے ایک پر وقار تقریب منعقد ہوا۔جس میں محکموں کے سربراہان نے شرکت کی۔ تقریب میں قومی ترانہ،پرچم کشائی اور سلامی پیش کی گئی اورکیک کاٹا گیا۔ آخر میں ملک کی سلامتی کے لئے خصوصی دعا کی گئی،

خیبر میں یوم آزادی کی مناسبت سے پولیس لائن خیبر میں پرچم کشائی کی گئی،ترجمان پولیس کے مطابق یوم جشن آزادی اس تجدید کا دن ہے جس میں ہمیں ملک کی خدمت کاعہد کرنا ہوگا دیانتداری کفایت شعاری ایمانداری کو اپنا کر سہی معنوں میں ملک کی خدمت کرنی ہوگی۔پاکستان کے آزادی میں قبائلی عوام نے کلیدی کردار ادا کیا ہے۔

ایبٹ آباد ؛14 اگست کی مناسبت سے ٹریفک وارڈن آفس ایبٹ آباد میں پرچم کشائی تقریب کا انعقادکیا گیا،ایس ایس پی ٹریفک کی جانب سے پرچم کشائی کی گئی اور ٹریفک پولیس کے چاک وچوبند دستے نے پرچم سلامی پیش کی۔بنوں میں 77 ویں یوم آزادی کی مناسبت سے پرچم کشائی کی تقریب منعقد ہوئی.بریگیڈ کمانڈر بنوں بریگیڈیر نوید احمد نے پرچم کشائی کی۔ بریگیڈ کمانڈر، افسران، سول حکام اور جوانوں نے سبز ہلالی پرچم کو سلامی پیش کی۔

یوم آزادی،جوائنٹ سروسز ہیڈ کوارٹر ، جنرل ہیڈ کوارٹر اورمسلح افواج کے تمام ہیڈکوارٹرز میں پرچم کشائی کی تقریبات
پاکستان کو 77 سال مکمل ہونے پر ملک بھر میں جشن آزادی ملی جوش و جذبے سے منایا جا رہا ہے ،پرچم کشائی کی شاندار تقاریب جوائنٹ سروسز ہیڈ کوارٹر ، جنرل ہیڈ کوارٹر اورمسلح افواج کے تمام ہیڈکوارٹرز میں منعقد کی گئیں،
مسلح افواج کے اعلٰی افسران نے پرچم کشائی کی تقاریب میں حصہ لیا اور پاکستانی پرچم کو سلامی پیش کیپرچم کشائی کی یہ تقاریب ایک پیغام ہیں کہ;”یہ پرچم ہماری سرفرازی کی علامت ہے““یہ پرچم بلند ہے تو ہمارے سر فخر سے بلند ہیں” ”اگر اس کے لیے جان بھی چلی جائے تو یہ ایک اعزاز کی بات ہو گی““یہ پرچم ہماری پہچان ہے”قوم کا یہ جذبہ اس حقیقت کی عکاسی کرتا ہے کہ پاکستانی ایک زندہ دل قوم ہیں