Tag: اقوام متحدہ

امریکا کی وینزویلا میں فوجی کارروائی اقوام متحدہ کی سلامتی کونسل نے پیر کو ہنگامی اجلاس طلب کر لیا-

اقوام متحدہ کی سلامتی کونسل نے ہنگامی اجلاس طلب تاکہ امریکا کی وینزویلا میں فوجی کارروائی پر غور کیا جا سکے، جس کے نتیجے میں صدر نکولس مادورو کو گرفتار کیا گیا اقوام متحدہ کے سیکرٹری جنرل انتونیو گوئٹریس نے اس اقدام کو خطرناک مثال قرار دیا ہے،کولمبیا، جسے روس اور چین کی حمایت حاصل ہے، نے اس 15 رکنی کونسل کے ہنگامی اجلاس کی درخواست کی۔

گوئٹریس کے ترجمان اسٹفان ڈوجارک نے کہا کہ سیکرٹری جنرل تمام بین الاقوامی قوانین بشمول اقوام متحدہ کے چارٹر کا مکمل احترام کرنے کی اہمیت پر زور دیتے ہیں وہ اس بات پر گہری تشویش رکھتے ہیں کہ بین الاقوامی قوانین کی پاسداری نہیں کی گئی، وینزویلا کی صورتِ حال سے قطع نظر، یہ پیش رفت ایک خطرناک مثال قائم کرتی ہے، اقوام متحدہ کی سلامتی کونسل امریکا اور وینزویلا کے درمیان بڑھتی ہوئی کشیدگی کے حوالے سے اکتوبر اور دسمبر میں پہلے ہی دو اجلاس کر چکی ہے۔

وینزویلا کسی کی کالونی نہیں بنے گا،نائب صدر کا سخت ردعمل

وینزویلا کے اقوام متحدہ کے سفیر سیموئیل مونکاڈا نے سلامتی کونسل کو خط لکھا اور اس کارروائی کو نوآبادیاتی جنگ قرار دیتے ہوئے کہا کہ یہ ہماری جمہوری حکومت کو تباہ کرنے کے لیے کی گئی ہے امریکا نے اقوام متحدہ کے چارٹر کی خلاف ورزی کی ہے، جو کسی بھی ریاست کی علاقائی سالمیت یا سیاسی آزادی کے خلاف طاقت کے استعمال یا دھمکی کو ممنوع قرار دیتا ہے۔

اسٹارلنک کا وینزویلا کیلئے بڑا اعلان

اقوام متحدہ نے اپنی تازہ رپورٹ میں متحدہ عرب امارات کو دنیا بھر میں سب سے زیادہ امداد فراہم کرنے والا ملک قرار دیا ہے۔

میڈیا رپورٹس کے مطابق امارات عالمی سطح پر مختلف ممالک کو مسلسل امداد فراہم کر رہا ہے، جبکہ سال 2025 میں اس کی مجموعی سالانہ امداد 1.5 ارب ڈالر تک پہنچ گئی۔رپورٹ میں بتایا گیا ہے کہ فلسطین، خصوصاً غزہ کے لیے عالمی امداد کا 44 فیصد حصہ متحدہ عرب امارات نے فراہم کیا، جو دنیا بھر میں کسی بھی ملک کی جانب سے سب سے زیادہ معاونت ہے۔اسی طرح سوڈان کے بحران کے دوران بھی امارات نے 600 ملین ڈالر کی امداد کے ساتھ 90 ہزار ٹن انسانی سامان متاثرہ علاقوں تک پہنچایا۔

علاوہ ازیں امارات نے افغانستان میں زلزلے سے متاثرہ افراد کے لیے بھی ہنگامی بنیادوں پر امدادی کارروائیاں کیں۔ اقوام متحدہ کے مطابق عالمی انسانی بحرانوں میں متحدہ عرب امارات کا ردِعمل ہمیشہ تیز اور مؤثر رہا ہے

امریکا کی بھارت کو جدید اسلحے کی فروخت کی منظوری

کوپ 30 پویلین میں آگ لگنے کا واقعہ، تمام سرگرمیاں منسوخ

28ویں آئینی ترمیم پر ابتدائی مشاورت شروع، ٹائم لائن دینے سے گریز

یمن کے حوثی باغیوں نے دارالحکومت صنعا اور الحدیدہ میں اقوام متحدہ کے دفاتر پر چھاپہ مار کر کم از کم 11 یو این اہلکاروں کو حراست میں لے لیا۔

برطانوی خبر رساں ادارے ’روئٹرز‘ کے مطابق اقوام متحدہ کے سیکریٹری جنرل انتونیو گوتیریس نے بتایا کہ حوثیوں نے زبردستی عالمی ادارہ خوراک کے دفتر میں داخل ہو کر اقوام متحدہ کی املاک ضبط کیں، دارالحکومت میں دیگر اقوام متحدہ کے دفاتر میں داخل ہونے کی کوشش کی،یہ چھاپہ جمعرات کو اسرائیلی حملے کے بعد مارا گیا ہے، جس میں یمن کی حوثی حکومت کے وزیراعظم اور کئی وزرا ہلاک ہوگئے تھے۔

یمن کے لیے اقوام متحدہ کے خصوصی ایلچی ہانس گرنڈبرگ نے ایک علیحدہ بیان میں کہا کہ 11 اہلکاروں کو صنعا اور بندرگاہی شہر الحدیدہ سے حراست میں لیا گیا ہے،یونیسف، اقوام متحدہ کے ترقیاتی پروگرام اور اقوام متحدہ کے ہائی کمشنر برائے مہاجرین کے دفاتر بھی ان دو شہروں میں ہیں، یہ گرفتاریاں ان 23 دیگر اقوام متحدہ کے اہلکاروں کے علاوہ ہیں، جو پہلے سے حراست میں ہیں، جن میں سے کچھ 2021 سے قید ہیں، اور ایک اہلکار اس سال حراست کے دوران ہلاک ہو گیا تھا۔

بھارت نے دریائے ستلج میں مزید پانی چھوڑ دیا

واضح رہے کہ 30 اگست کو حوثیوں کی خبر رساں ایجنسی نے تصدیق کی تھی کہ وزیرِاعظم احمد غالب الرحاوی اور کئی وزرا دارالحکومت صنعا میں اسرائیلی فضائی حملے میں شہید ہوگئے ہیں،یہ تصدیق حوثی سپریم پولیٹیکل کونسل کے سربراہ مہدی المشاط نے کی،ایجنسی نے کہا کہ جمعرات 28 اگست کو کیے گئےاسرائیلی حملے میں متعدد افراد زخمی بھی ہوئے، تاہم اس حوالے سے مزید تفصیلات فراہم نہیں کی گئیں،اسرائیل نے جمعہ 29 اگست کو کہا تھا کہ فضائی حملے کا ہدف ایران کے حمایت یافتہ گروہ کے چیف آف اسٹاف، وزیر دفاع اور دیگر اعلیٰ عہدیداران تھے، نتائج کی تصدیق کی جا رہی ہے۔

سیلاب متاثرین کی مدد کے لیے پاک فوج کا ریسکیو اینڈ ریلیف آپریشن جاری

اقوام متحدہ (یو این) نے پاکستان میں مون سون بارشوں اور سیلاب کی تباہ کاریوں سے نمٹنے کے لیے 6 لاکھ ڈالر کی ہنگامی امداد جاری کر دی۔

سیکریٹری جنرل یو این کے ترجمان اسٹیفن ڈوجارک نے نیویارک میں میڈیا سے گفتگو کرتے ہوئے کہا کہ اقوام متحدہ نے ہنگامی امدادی فنڈ سے سیلاب متاثرین کے لیے امداد جاری کی ہےامداد سے متاثرین سیلاب کے لیے پناہ گاہوں، طبی امداد، روزگار کے لیے نقد معاونت، حفظانِ صحت کے سامان اور پینے کے صاف پانی کا بندوبست کیا جائے گا۔

واضح رہے کہ پاکستان موسمیاتی تبدیلیوں کی وجہ سے سیلابی صورت حال کا سامنا کر رہا ہے، اس وقت پاکستان کے سب سے بڑے آبادی والے صوبہ پنجاب میں لاکھوں لوگ بے گھر ہوئے ہیں،اس سے قبل خیبرپختونخوا میں گلیشیئرز پگھلنے کے نتیجے میں سیلاب سے تباہی میں متعدد افراد اپنی جانوں سے ہاتھ دھو بیٹھے تھے، جب کہ سیکڑوں گھروں کو نقصان پہنچا تھا۔

پاکستان نے شام کے خلاف اسرائیل کی مسلسل فوجی جارحیت کی شدید مذمت کرتے ہوئے اسے غیر ذمہ دارانہ، خطرناک اور دانستہ طور پر خطے میں عدم استحکام پیدا کرنے والا عمل قرار دیا ہے۔

اقوام متحدہ کی سلامتی کونسل میں شام کی صورتحال پر بریفنگ کے دوران پاکستان کے مستقل مندوب، سفیر عاصم افتخار احمد نے پاکستانی مؤقف پیش کرتے ہوئے شام کی خودمختاری اور علاقائی سالمیت کی تمام خلاف ورزیوں کے فوری خاتمے کا مطالبہ کیا۔انہوں نے کہا کہ اسرائیلی حملے بین الاقوامی قانون کی صریح خلاف ورزی اور اشتعال انگیزی ہیں، جن کا عالمی برادری کو سختی سے نوٹس لینا چاہیے۔ ان کا کہنا تھا کہ "شام ایک نازک مگر اہم مرحلے سے گزر رہا ہے، اسے بحالی اور استحکام کا موقع دیا جانا چاہیے۔”

سفیر عاصم افتخار نے زور دیا کہ اسرائیل کے خلاف استثنیٰ ختم ہونا چاہیے کیونکہ ایسے غیر قانونی اقدامات خود اسرائیل کے لیے بھی نقصان دہ ہیں اور یہ خطے میں مزید بدامنی کو جنم دیتے ہیں۔انہوں نے کہا کہ اگر اسرائیل کو جوابدہ نہ ٹھہرایا گیا تو اس کی خلاف ورزیاں اقوام متحدہ کے چارٹر اور عالمی قانون کو مزید کمزور کریں گی۔ پاکستان نے شام کے ساتھ مکمل یکجہتی کا اظہار کرتے ہوئے عالمی برادری سے اسرائیلی جارحیت روکنے کی فوری اپیل کی۔

وزیر خزانہ کی امریکا میں اہم ملاقاتیں،تجارتی تعلقات بڑھانے پر اتفاق

بھارت کے لیے فضائی حدود کی بندش میں ایک ماہ کی توسیع

حماس کی اسرائیلی یرغمالیوں کی مشروط رہائی کی پیشکش

اقوام متحدہ کے سیکرٹری جنرل انتونیو گوتیرس نے مشرق وسطیٰ میں ایران اور اسرائیل کے درمیان بڑھتی ہوئی کشیدگی پر شدید تشویش ظاہر کرتے ہوئے فوری جنگ بندی کی اپیل کی ہے۔

بین الاقوامی خبر رساں اداروں کے مطابق انتونیو گوتیرش نے کہا کہ مزید عسکری مداخلت نہ صرف خطے بلکہ عالمی امن و استحکام کے لیے خطرناک ثابت ہوسکتی ہے۔اپنے بیان میں انہوں نے کسی مخصوص ملک کا نام نہیں لیا، تاہم واضح رہے کہ امریکی صدر ڈونلڈ ٹرمپ ایران کے جوہری اثاثوں کو تباہ کرنے کے لیے اسرائیل کی فوجی معاونت کا اشارہ پہلے ہی دے چکے ہیں۔

اقوام متحدہ کے سربراہ نے زور دیا کہ اسرائیل اور ایران کے درمیان جاری جھڑپوں پر انہیں گہری تشویش ہے اور ایک مرتبہ پھر انہوں نے فریقین سے تحمل، کشیدگی میں کمی اور فوری جنگ بندی کا مطالبہ کیا۔انتونیو گوتیرش نے عالمی طاقتوں کو تنبیہ کی کہ وہ اس تنازعے کو مزید وسعت دینے سے اجتناب کریں اور سفارتی ذرائع سے مسئلے کے حل پر توجہ مرکوز کریں۔

انہوں نے معصوم شہریوں کی ہلاکتوں، زخمیوں، اور شہری علاقوں و بنیادی ڈھانچے کو پہنچنے والے نقصانات پر افسوس کا اظہار کرتے ہوئے انہیں ’’افسوسناک اور غیر ضروری‘‘ قرار دیا۔بیان کے آخر میں گوتیرش نے عالمی برادری، بالخصوص اقوام متحدہ کے رکن ممالک پر زور دیا کہ وہ اقوام متحدہ کے چارٹر اور بین الاقوامی انسانی قوانین کی پاسداری کرتے ہوئے دنیا کو ممکنہ جنگ کی تباہ کاریوں سے بچانے کے لیے اپنا کردار ادا کریں۔

ایران نے مشرق وسطیٰ میں امریکی اڈوں کو نشانہ بنانے کی تیاری مکمل کرلی، نیویارک ٹائمز کا انکشاف

ترجمان دفتر خارجہ کی پاک ایران بارڈر بندش کی خبروں کی تردید

چین نے ایران اور اسرائیل سے شہریوں کا محفوظ انخلا مکمل کرلیا

جنگ رکوائی تو کشمیر کا مسئلہ بھی امریکا ہی حل کرے،خواجہ آصف کا دوٹوک مؤقف

پاسداران انقلاب کا اسرائیلی دفاعی نظام تباہ کرنے کا دعویٰ

اقوام متحدہ میں ایران کے سفیر اور مستقل نمائندے نے اس بات پر زور دیا ہے کہ امریکہ کی جانب سے ’گرین سگنل‘ ملنے کے بعد اس جنگ کا آغاز ایران نے نہیں بلکہ اسرائیلی حکومت نے کیا تھا۔

ایرانی خبر رساں ادارے ارنا کی رپورٹ کے مطابق امیر سعید ایراوانی نے مشرق وسطیٰ، بالخصوص شام کے مسئلے پر اقوام متحدہ کی سلامتی کونسل کے اجلاس سے خطاب میں اقوام متحدہ پر جارح قوت کو روکنے میں ناکامی اور مغربی ممالک پر دوہری پالیسی کا الزام لگاتے ہوئے ایران کے خلاف اسرائیلی جارحیت کے تسلسل پر خبردار کیا اور کہا کہ تہران اپنی خودمختاری، علاقائی سالمیت اور اپنے عوام کے دفاع میں ہرگز ہچکچاہٹ سے کام نہیں لے گا۔

انہوں نے اسرائیلی جارحیت کو اقوام متحدہ کے منشور اور بین الاقوامی قانون کے بنیادی اصولوں کی کھلی خلاف ورزی قرار دیا کہا کہ یہ دہشت گردانہ حملے شہری بنیادی ڈھانچے اور بین الاقوامی جوہری توانائی ایجنسی کی نگرانی میں کام کرنے والی پرامن جوہری تنصیبات کو نشانہ بنا رہے ہیں، اور اگر یہ حملے جاری رہے تو ان کے تباہ کن نتائج ہو سکتے ہیں۔

اسرائیل کا پانچواں ایف-35 لڑاکا طیارہ مار گرایا،ایران کا دعویٰ

امیر سعید ایراوانی نے کہا کہ ایران نے اقوام متحدہ کے منشور کے آرٹیکل 51 کے تحت اپنے جائز دفاع کے فطری حق کا استعمال کیا ہے، اور ایران کا ردعمل مکمل طور پر دفاعی، محدود اور متناسب تھا، جو صرف فوجی اور اقتصادی اہداف تک محدود تھا۔

انہوں نے اسرائیل کے دفاع کے دعوے کو مسترد کرتے ہوئے کہا کہ اگر اس بیانیے کو معمول بنا لیا گیا تو یہ اقوام متحدہ کے منشور کے ایک بنیادی اصول ( بین الاقوامی تعلقات میں طاقت کے استعمال یا دھمکی کی ممانعت) کو کمزور کر دے گا غزہ، لبنان، شام اور یمن کا تلخ تجربہ ایک بار پھر یہ ظاہر کرتا ہے کہ اقوام متحدہ کی سلامتی کونسل اپنی سب سے بنیادی ذمہ داریوں کو نبھانے میں ناکام رہی ہے، اور جارح قوتوں کو روکنے میں مکمل ناکامی کا شکار ہے۔

آن لائن ٹیکسی سروس کریم کا پاکستان میں اپنی سروس بند کرنے کا اعلان

امیر سعید ایراوانی نے امریکا، برطانیہ اور فرانس سمیت بعض مغربی ممالک کی دوہری پالیسیوں پر بھی شدید تنقید کی کہا کہ کہ "غزہ، لبنان، شام اور یمن کے تلخ تجربے نے ایک بار پھر ظاہر کر دیا ہے کہ اقوام متحدہ کی سلامتی کونسل اپنے بنیادی فرائض کی انجام دہی میں ناکام رہی ہے اور حملہ آوروں کو روکنے میں ناکام رہی ہے۔”

افغانستان میں اقوام متحدہ کے لیے کام کرنے والی خواتین کو نامعلوم افراد کی جانب سے دھمکیاں دیے جانے کے بعد گھروں سے کام کرنے کی اجازت دے دی گئی ہے۔

عالمی خبر رساں ادارے کے مطابق اقوام متحدہ کی مختلف ایجنسیوں سے منسلک افغان خواتین نے شناخت ظاہر نہ کرنے کی شرط پر بتایا کہ انہیں راستے میں اور فون پر نامعلوم افراد کی جانب سے ’گھروں میں رہنے‘ کی تنبیہ کی گئی۔ایک خاتون اہلکار، جنہیں رپورٹ میں فرضی نام ہدیٰ دیا گیا، نے بتایا کہ کئی ہفتوں سے انہیں غیر ملکی ادارے میں کام کرنے کی پاداش میں گالیاں اور دھمکیاں مل رہی ہیں۔ ان کا کہنا تھا کہ انہیں پیغامات کے ذریعے کہا جا رہا ہے: ’’دوبارہ نظر نہ آنا، ورنہ…‘‘ ان کے دفتر نے سیکیورٹی وجوہات کی بنا پر انہیں عارضی طور پر گھروں سے کام کرنے کی ہدایت دی ہے۔

اقوام متحدہ کے امدادی مشن برائے افغانستان (یوناما) نے ان دھمکیوں کی تصدیق کرتے ہوئے انہیں ’انتہائی سنگین‘ قرار دیا ہے اور سیکیورٹی یقینی بنانے کے لیے عبوری اقدامات کا اعلان کیا ہے۔طالبان حکومت، جس نے 2021 میں اقتدار سنبھالا، نے ان دھمکیوں میں کسی بھی قسم کی مداخلت سے انکار کیا ہے۔ افغان وزارت داخلہ کے ترجمان عبدالمتین قانع نے کہا کہ یہ عمل جرم کے زمرے میں آتا ہے اور پولیس تحقیقات کر رہی ہے۔

یاد رہے کہ طالبان حکومت نے خواتین پر تعلیم اور ملازمت سے متعلق سخت پابندیاں عائد کر رکھی ہیں۔ 2022 میں خواتین کو مقامی اور بین الاقوامی این جی اوز میں کام سے روک دیا گیا تھا، اور 2023 میں یہ پابندی اقوام متحدہ کے دفاتر تک بھی بڑھا دی گئی تھی۔ تاہم صحت اور تعلیم جیسے شعبوں میں کام کرنے والی خواتین کو کچھ حد تک استثنیٰ حاصل ہے۔

سندھ طاس سے چھیڑ چھاڑ ہوئی تو شملہ معاہدہ بھی زیر غور ہوگا،خواجہ آصف

برطانیہ کا اسرائیلی کارروائیوں پر سخت ردعمل،غزہ کی صورتحال ناقابل برداشت ہے

چینی صدر اور ٹرمپ کے درمیان ڈیڑھ گھنٹے طویل گفتگو، تجارتی تعلقات پر زور

برطانیہ: ٹیکس محکمے کے اکاؤنٹس فشنگ اسکیم کا شکار، 47 ملین پاؤنڈ کا فراڈ ناکام

عالمی بینک کا نیا غربت پیمانہ، پاکستان میں غربت کی شرح 44.7 فیصد ہو گئی