Tag: امریکا

امریکی میڈیا نے رپورٹ کیا ہے کہ ایران ممکنہ طور پر 5 نومبر کو امریکی صدارتی انتخابات سے قبل اسرائیلی حملےکا جواب دےگا۔

باغی ٹی وی : امریکی نشریاتی ادارے سی این این کے مطابق ایران کے امریکی انتخابات سے قبل اسرائیل کے خلاف جوابی حملے کی سی این این کی رپورٹ پر وائٹ ہاؤس کی ترجمان کرائن جین پیئر نے بدھ کو کہا کہ ایران کو گزشتہ ہفتے کے آخر میں اپنی سرزمین پر اسرائیل کے حملوں کا جواب نہیں دینا چاہیے، اگر ایران جواب دینے کا انتخاب کرتا ہے تو امریکا اسرائیل کے دفاع کیلئے کھڑا رہے گا۔

سی این این کے مطابق ممکنہ طور پر امریکی صدارتی ووٹنگ سے پہلےاسرائیلی جارحیت کے خلاف اسلامی جمہوریہ ایران کا ردعمل حتمی اور تکلیف دہ ہوگا۔

دریں اثنا، امریکی محکمہ خارجہ کے ترجمان میتھیو ملر نے اس بارے میں کوئی واضح موقف نہیں دیا تھا کہ ایران ” حملہ کر سکتا ہے یا نہیں ، لیکن اس بات کا اعادہ کیا کہ امریکہ کا خیال ہے کہ "انہیں جواب نہیں دینا چاہیے،ملر نے اس بارے واضح بات نہیں کی تھی کہ اسلامی جمہوریہ ایران نے امریکہ کو 5 نومبر سے پہلے جواب دینے کا ارادہ ظاہر کیا ہے۔

ترجمان محکمہ خارجہ نے کہا تھا کہ میں اپنی دونوں حکومتوں کے درمیان حقیقی یا تصوراتی رابطے کے بارے میں بات نہیں کروں گا۔ لیکن اور میں آپ کو بتا سکتا ہوں کہ ایران اس پیغام کو بالکل واضح طور پر جانتا ہے، انہیں اس تنازعے کو بڑھانا نہیں چاہیے-

واضح رہے کہ اسرائیل نے یکم اکتوبر کو ایرانی حملے کے جواب میں 26 اکتوبر کو ایران پر میزائل حملہ کیا تھا جس میں ایران نے اپنے 4 فوجیوں کی شہادت کی تصدیق کی تھی،ایران نے اسرائیلی حملے پر ردعمل میں کہا تھا کہ اسرائیل کو حملے کا مناسب اور صحیح وقت پر جواب دیا جائے گا۔

واشنگٹن: کینیڈا میں سکھ رہنما ہردیپ سنگھ نجر کے قتل میں بھارتی وزیر داخلہ امیت شاہ کے ملوث ہونے کے الزامات پر امریکی محکمہ خارجہ کے ترجمان میتھیو ملر نے کہا کہ کینیڈا کی حکومت کی جانب سے لگائے گئے الزامات تشویشناک ہیں۔

باغی ٹی وی: میتھیو ملر نے کہا کہ اس معاملے پر کینیڈا کی حکومت کے ساتھ مشاورت جاری رکھی جائے گی ،واضح رہے کہ دو روز قبل کینیڈین نائب وزیر خارجہ ڈیوڈ موریسن نے ایک بیان میں کہا تھا کہ بھارتی وزیر داخلہ امیت شاہ نے کینیڈین شہریوں کے خلاف انٹیلی جنس آپریشن کا حکم دیا تھا۔

ہردیپ سنگھ نجر کے قتل کے سلسلے میں قومی سلامتی کمیٹی کے سامنے اپنے بیان میں ڈیوڈ موریسن نے واضح کیا کہ انہوں نے امریکی اخبار میں امیت شاہ کے نام کی تصدیق کی تھی سکھ فار جسٹس کے رہنما گرپتونت سنگھ پنوں نے اس معاملے پر اظہار خیال کرتے ہوئے کہا کہ امیت شاہ نے خالصتان کے حامیوں کو پکڑنے کے لیے ایجنسیوں کو ہتھیار بنایا۔

گرپتونت سنگھ پنوں نے کہا کہ امیت شاہ کی پرتشدد کارروائیاں امریکا اور کینیڈا کی سلامتی کے لیے خطرہ ہیں انہوں نے اس بات پر زور دیا کہ خالصتان ریفرنڈم بھارتی دہشت گردی کے سامنے خاموش نہیں رہے گا، اور یہ کہ اس معاملے کی سنجیدگی دونوں ممالک کے تعلقات پر اثرانداز ہو سکتی ہے-

واشنگٹن: امریکی محکمہ خارجہ کے ترجمان میتھیو ملر نے پاکستان تحریک انصاف (پی ٹی آئی) کے رہنما لطیف کھوسہ کے امریکی سفیر ڈونلڈ لو پر الزامات اور ان کے دعووں کو مسترد کردیا-

باغی ٹی وی : پریس بریفنگ کے دوران ترجمان امریکی محکمہ خارجہ میتھو ملر ے سوال کیا گیا کہ پی ٹی آئی رہنما لطیف کھوسہ نے دعویٰ کیا ہے کہ ٹرمپ کے منتخب ہونے پر عمران خان کو رہا کردیا جائے گا اور سیاسی منظر نامہ تبدیل ہوجائے گا اور یہ کہ امریکی سفیر ڈونلڈ لو عمران خان کی حکومت کے خاتمے کی سازش میں ملوث تھے، جس کے جواب میں انہوں نے کہا کہ میں کتنی بار کہوں کہ یہ سچ نہیں ہے۔

انہوں نے کہا کہ سابق وزیراعظم کے خلاف کارروائی پاکستانی عدالتوں کا معاملہ ہے، سابق وزیراعظم کے الزامات سے متعلق فیصلہ بھی پاکستان کی عدالتوں نے ہی کرنا ہےیہ بات ہم کئی بار کہہ چکے ہیں بانی پی ٹی آئی عمران خان کو عہدے سے ہٹانے میں امریکا کا کوئی کردار نہیں، پاکستانی سیاست کا معاملہ پاکستانی عوام کو اپنے قانون اور آئین کے مطابق طے کرنا ہے۔

جنرل ساحر شمشاد مرزا کی آذربائیجان کے صدر سے ملاقات

مڈل ٹیمپل سے روانگی کے وقت پی ٹی آئی کارکنوں کا قاضی فائز عیسیٰ …

زمان پارک بھی "دل” نہ لگا،بشریٰ بی بی پاکپتن جانے کو بیتاب

سابق امریکی صدر اور موجودہ صدارتی امیدوار ڈونلڈ ٹرمپ نے مشرق وسطیٰ میں امن کی بحالی کا عزم کیا ہے

سماجی رابطے کی ویب سائٹ ایکس پر سابق امریکی صدر ڈونلڈ ٹرمپ نے ایک بیان میں کہا ہے کہ ان کی حکومت کے دوران مشرق وسطیٰ میں امن قائم ہوا تھا اور وہ جلد ہی اس امن کو دوبارہ بحال کرنے کا عزم رکھتے ہیں۔ ٹرمپ نے کہا، "میں کاملا ہیرس اور جو بائیڈن کی وجہ سے پیدا ہونے والے مسائل کو حل کروں گا اور لبنان میں تباہی کو روکا جائے گا۔”انہوں نے یہ بھی کہا کہ انہیں یہ دیکھنا ہے کہ مشرق وسطیٰ حقیقی اور دیرپا امن کی طرف لوٹتا ہے۔ "ہم یہ کام صحیح طریقے سے کریں گے تاکہ یہ ہر 5 یا 10 سال بعد نہ دہرایا جائے۔” ٹرمپ نے لبنان کی تمام کمیونٹیوں کے درمیان برابری کی شراکت داری کو برقرار رکھنے کا عہد کیا۔

سابق صدر ڈونلڈ ٹرمپ نے مزید کہا کہ "آپ کے دوست اور خاندان لبنان میں امن، خوشحالی اور ہم آہنگی کے ساتھ زندگی گزارنے کے حقدار ہیں، اور یہ صرف مشرق وسطیٰ میں امن اور استحکام کے ذریعے ہی ممکن ہے۔” ٹرمپ نے امریکی سرزمین پر رہنے والی لبنانی کمیونٹی کے ساتھ کام کرنے کا عزم ظاہر کرتے ہوئے کہا کہ وہ لبنان کے عظیم لوگوں کی سلامتی اور سیکیورٹی کو یقینی بنائیں گے۔ انہوں نے ووٹرز سے اپیل کی کہ وہ امن کے لیے ٹرمپ کو ووٹ دیں۔

ٹرمپ کا یہ بیان اس وقت آیا ہے جب مشرق وسطیٰ میں حالات کشیدہ ہیں، اور بہت سے لوگ وہاں امن کی بحالی کی امید کر رہے ہیں۔

لاہور بیورو کیخلاف بغاوت کی خبر کیسےباہر آئی؟ اکرم چوہدری سیخ پا،ذاتی کیفے میں اجلاس میں تلخی

اکرم چوہدری کی مذہبی منافرت پھیلانے کی کوشش ،ہم نے چینل ہی چھوڑ دیا،ایگریکٹو پروڈیوسر بلال قطب

اکرم چوہدری نجی ٹی وی کا عثمان بزدار ثابت،دیہاڑیاں،ہراسانی کے بھی واقعات

اکرم چوہدری کا نجی ٹی وی کے نام پر دورہ یوکے،ذاتی فائدے،ادارے کو نقصان

سماٹی وی میں گروپ بندی،سما کے نام پر اکرم چوہدری اپنا بزنس چلانے لگے

سما ٹی وی بحران کا شکار،نجم سیٹھی” پریشان”،اکرم چودھری کی پالیسیاں لے ڈوبیں

انتہائی نازیبا ویڈیو لیک ہونے کے بعد ٹک ٹاکرمناہل نے مانگی معافی

ترکیہ کے صدر رجب طیب اردوان نے کہا ہے کہ امریکا اسرائیل کی سلامتی کے لیے دہشت گرد تنظیموں کو استعمال کرتا ہے۔

باغی ٹی وی: ترک خبرایجنسی انادولو کے مطابق روس میں برکس سربراہی اجلاس میں شرکت کے بعد ترکیہ روانگی کے موقع پر صحافیوں سے گفتگو کرتے ہوئے طیب اردوان نے کہا کہ اب یہ تسلیم شدہ حقیقت ہے کہ امریکا خطے میں اپنے مفادات اور اسرائیل کی سیکیورٹی کے لیے دہشت گرد تنظیموں کا استعمال کرتا ہے۔

انہوں نے کہا کہ ترکیے نے اقوام متحدہ کے تحت اسرائیل پر اسلحے کے حوالے سے جامع پابندی عائد کرنے کے لیے ایک اقدام شروع کردیا ہے کیونکہ اسرائیل کی جانب سے غزہ اور لبنان میں روزانہ بے گناہ شہریوں کو شہید کرنے کے لیے حملے کیے جا رہے ہیں ، انقرہ کے اس مؤقف کی کئی ممالک حمایت کر رہے ہیں کہ اسرائیل پر اسلحے سے متعلق پابندی ہونی چاہیے، ہمیں امید اقدام کی انسانیت کے لیے اتحاد کے طور پر اور پائیدار امن کے لیے کامیابی کی امید ہے۔

اسرائیل کا لبنان میں زمینی حملے کے خاتمے کا عندیہ

انقرہ میں ہونے والے دہشت گردی کے حملے سے متعلق سوال پر اردوان نے کہا کہ دہشت گرد کٹھ پتلیاں ہیں، ہمارا ہدف ترکیے کو دہشت گردی سے پاک کرنا ہے اور ہم اس پر سمجھوتہ نہیں کریں گے۔

دوسری جانب اسرائیل فوج کے غزہ میں وحشیانہ حملے جاری ہیں،غزہ میں قائم فلسطینی وزارت صحت نے اعلان کیا ہے کہ 26 اکتوبر 2024 تک اسرائیلی فوج نے مجموعی طور پر 42924 فلسطینیوں کو قتل کیا ہے،البتہ لاپتہ افراد یا ملبے کے نیچے آکر جاں بحق ہونے والوں کی تعداد اس کے علاوہ ہے۔

ہفتے کے روز جاری کیے گئے تازہ اعداد و شمار میں بتایا گیا ہے کہ پچھلے 48 گھنٹوں کے دوران اسرائیلی فوج نے مزید 77 فلسطینیوں کو قتل کیا ہے۔ جبکہ اب تک زخمی ہو چکے فلسطینیوں کی تعداد 100833 ہے،یہ تعداد 7 اکتوبر 2023 سے 26 اکتوبر 2024 تک کی ہے تاہم اس دوران ہونے والی تباہی اس کے علاوہ ہے۔

اسرائیل کاا یران میں مختلف فوجی اہداف پر فضائی حملوں کا آپریشن مکمل

امریکا کی 10 ریاستوں میں ای کولی وائرس وبا کی صورت اختیار کرگیا ہے  دعویٰ کیا جا رہا ہے کہ میکڈونلڈز کے برگرز سے جان لیوا وائرس پھیل رہا ہے۔

باغی ٹی وی: غیر ملکی میڈیا کے مطابق امریکا میں حال ہی میں ایشیریچیا کولی انفیکشنز پھیلے ہیں کہا جارہا ہے کہ یہ سب کچھ مکڈونلڈز کے برگرز کی وجہ سے ہوا ہے کئی امریکی ریاستوں میں صورتِ حال پریشان کن ہے صحت عامہ کے حکام کئی تشویش ناک کیسز کی اطلاع دے رہے ہیں۔

امریکی میڈیا کے مطابق میکڈونلڈز نے کولوراڈو، کنساس، یوٹاہ، وومنگ، آئیڈاہو، آئیووا، مسوری، مونٹانا، نیبراسکا، نیواڈا، نیو میکسیکو، اور اوکلاہوما کے کچھ علاقوں میں اپنے مینو سے برگر ہٹا دئیے ہیں یہ فیصلہ ایک شخص کی موت اور درجنوں افراد کے بیمار ہونے کے بعد کیا گیا، جسے یو ایس سینٹرز فار ڈیزیز کنٹرول (سی ڈی سی) نے 10 ریاستوں میں میکڈونلڈز کے کوارٹر پاؤنڈر برگر سے منسلک کیا ہے۔

باجوڑ میں انٹیلی جنس بنیادوں پر آپریشن،2 خودکش بمباروں سمیت 9 خوارجی ہلاک

سی ڈی سی کے ترجمان ٹام سکنر نے کہا کہ مزید ای کولی انفیکشن کی توقع ہے اور میکڈونلڈز نے زیادہ سے زیادہ کیسز کو روکنے کے لیے فوری اقدامات کیے ہیں،میکڈونلڈز کے امریکی سربراہ نے این بی سی کے شو میں کہا کہ ممکن ہے کہ کچھ مضرصحت یا اور آلودہ پروڈکٹ کمپنی کی سپلائی چین میں شامل ہوگئی۔

ای کولی کی علامات

ای کولی انسانوں اور حیوانوں کی آنتوں میں پائے جانے والے بیکٹریا کا مجموعہ ہے، چند ایک بیکٹریا بے ضرر ہیں تاہم دیگر کے خطرناک ہونے میں کوئی شک نہیں وبائی شکل اختیار کرنے والے ویریئنٹ میں شِگا ٹاگزن پیدا کرنے والی ای کولی کی سی خصوصیات پائی جاتی ہیں جو زندگی کے لیے خطرناک نوعیت کی پیچیدگیوں کی حامل ہوتی ہے،خطرناک ترین پیچیدگی ہیمولٹک یوریمک سنڈروم (ایچ یو ایس) ہے یہ ایسی حالت ہے جس میں گردے فیل ہوسکتے ہیں اور موت بھی واقع ہوسکتی ہے۔ عموماً 5 تا 10 فیصد مریضوں میں معاملہ اتنی پیچیدگی اختیار کرتی ہے۔

امریکی ایوان نمائندگان کا عمران خان کی رہائی کیلئے جوبائیڈن کو خط

ای کولی کی علامات بالعموم تین چار دن بعد ظاہر ہوتی ہیں پیٹ میں مروڑ اٹھتے ہیں، اسہال کی شکایت ہوتی ہےی اور قے بھی ہوتی ہے ای کولی وائرس میں مبتلا ہونے والے بعض افراد قدرے کم شدت کے بخار میں بھی مبتلا ہوسکتے ہیں پختہ عمر کے صحت مند افراد ایک ہفتے میں صحت یاب ہو جاتے ہیں جبکہ بچوں اور معمر افراد میں معاملہ پیچیدہ تر ہوسکتا ہے۔

واشنگٹن: امریکی ایوان نمائندگان کے 60 سے زائد اراکین نے بانی پی ٹی آئی کی رہائی کا مطالبہ کرنے کیلئے امریکی صدر جو بائیڈن کو خط لکھ دیا۔

باغی ٹی وی : ایوان نمائندگان کے اراکین نے اپنے خط میں کہا کہ سابق وزیراعظم سمیت پاکستانی جیلوں سے سیاسی قیدیوں کی رہائی کی کوشش کی جائےخط میں صدر جو بائیڈن سےمطالبہ کیا گیا ہےکہ پاکستان کےبارے میں امریکی پالیسی میں انسانی حقوق کو مرکز رکھا جائے، اراکین کی جانب سے لکھے گئے خط میں امریکی سفارتخانے کے اہلکاروں سے جیل میں بانی پی ٹی آئی سے ملنے کی بھی اپیل کی گئی ہے۔

خط کی لکھنے والے اراکین کی قیادت کی کرنے والے امریکی رکن گریگ کیسارکا کہنا تھا کہ امریکی اراکین کی جانب سے امریکی خارجہ پالیسی کے دیرینہ ناقد اور واشنگٹن کے ساتھ کشیدہ تعلقات رکھنے والے سابق پاکستانی وزیراعظم عمران خان کی رہائی کیلئے اجتماعی مطالبہ کیا گیا ہے 2022 میں وزارت عظمیٰ کے عہدے سے ہٹائے جانے کے بعد عمران خان کے خلاف درجنوں مقدمات درج ہوئے اور وہ اگست 2023 سے جیل میں ہیں۔

پاکستان کی جانب سے انقرہ میں ہونے والے بزدلانہ حملے کی شدید مذمت

ملٹری تنصیبات پر حملے کے کیس ملٹری کورٹ میں چلنے چاہئیں ،خواجہ آصف

آزاد جموں و کشمیر کا 77 واں یوم تاسیس ملی جوش و خروش کے …

واشنگٹن: امریکا نے ایران اور پاکستان میں ہتھیاروں اور ڈرونز کی تیاری میں کسی بھی طرح کی مدد کرنے والی کمپنیوں کو بلیک لسٹ کردیا۔

باغی ٹی وی : امریکی نشریاتی ادارکے مطابق کامرس ڈیپارٹمنٹ کی جانب سے جاری بیان میں کہا گیا ہے کہ جن 26 فرموں پر پابندیاں عائد کی گئی ہیں ان میں زیادہ تر پاکستان، چین اور متحدہ عرب امارات میں قائم ہیں، ان کمپنیوں کو اس فہرست میں تجارتی اسپائی ویئر کے منفی استعمال، ویب مانیٹرنگ، سنسرشپ کرنے، انسانی حقوق کے کارکنوں اور اختلاف رائے رکھنے والوں کو نشانہ بنائے جانے کی تصدیق کے بعد شامل کیا گیا۔

امریکی کامرس ڈیپارٹمنٹ کے بیان میں کہا گیا ہے کہ یہ کمپنیاں برآمدی کنٹرول کی خلاف ورزی کی مرتکب ہوئیں، ہتھیاروں کے تشویشناک پروگرام میں ملوث پائی گئیں اور یہ فرمیں روس اور ایران پر امریکی پابندیوں اور برآمدی کنٹرول سے بچتے تھے،پابندی کے باعث اب ان کمپنیوں کو حکومت کی اجازت کے بغیر کوئی بھی امریکی اشیا اور ٹیکنالوجی فروخت نہیں کر سکے گا، علاوہ ازیں درآمد اور برآمدی پابندیاں بھی عائد ہوں گی، ان پابندیوں کا مقصد یہ باور کرانا ہے کہ اگر کوئی طے شدہ حدوں کی خلاف ورزی کرے گا تو اسے بھار ی قیمت ادا کرنا ہوگی،یہ سرگرمی امریکی قومی سلامتی اور خارجہ پالیسی کے مفادات کے خلاف ہے۔