Tag: انتخابات

چیف الیکشن کمشنر سکندر سلطان راجہ نےعام انتخابات میں کسی بھی امیدوار کو ووٹ نہ دینے کا فیصلہ کیا ہے

چیف الیکشن کمشنر سکندر سلطان راجہ کا ووٹ این اے 82 بھیرہ میں موجود ہے،باخبر ذرائع کے مطابق چیف الیکشن کمشنر پولنگ ڈے پر اسلام آباد میں الیکشن مانیٹر کریں گے، چیف الیکشن کمشنر نے پوسٹل بیلیٹ پیپر کے لیے بھی ایپلائی نہیں کیا،چیف الیکشن کمشنر اپنا ووٹ اسلام اباد میں منتقل نہ کروا سکے،

قبل ازیں گزشتہ روز چیف الیکشن کمشنر نے صحافیوں سے غیر رسمی گفتگو کرتے ہوئے کہا تھا کہ بلوچستان اور خیبرپختونخوا میں دہشتگردی کے خطرات ہیں،انتخابات میں سیکیورٹی کیلئے پاک فوج، رینجرز اور ایف سی اہلکاروں کی تعیناتی کی جائے گی،اجلاس میں انٹیلیجنس اداروں نے یقین دہانی کرائی اس پر اعتماد ہے،جہاں ضرورت ہوئی پاک فوج کے اہلکار قبل از وقت تعینات کیے جاسکتے ہیں،پورے ملک میں 8 فروری کو الیکشن ہوگا، اس میں کوئی ابہام نہیں ہونا چاہیے،حساس علاقوں کے باعث کچھ علاقوں میں موبائل سروس بند کی جاسکتی ہے،انتخابات کے حوالے سے تیاریاں اطمینان بخش ہیں،ہم نے عام انتخابات اور ضمنی انتخابات کیلئے سیکیورٹی کاغذ کی خریداری کی تھی،ضروریات پوری کرنے کیلئے بیلٹ پیپر کا سائز تھوڑا بہت کم کیا گیا ہے،بمشکل سیکیورٹی کاغذ سے عام انتخابات کے بیلٹ پیپرز کی چھپائی کی گئی،ہمارے پاس اب ضمنی انتخابات میں بیلٹ پیپرز کی چھپائی کیلئے سیکیورٹی کاغذ نہیں ہے،الیکشن کمیشن کیلئے تمام سیاسی جماعتیں برابر ہیں،پی ٹی آئی نے لیول پلیئنگ فیلڈ فراہم نہ کرنے کے حوالے سے شکایت کی،الیکشن کمیشن نے پی ٹی آئی کے وکلاء کو بلایا تو وہ شواہد نہیں دکھا سکے کہ کہاں لیول پلیئنگ فیلڈ فراہم نہیں ملی،امیدواروں کا قتل بظاہر لگ رہا ہے کہ دشمنی کا معاملہ ہے ،امیدواروں کے قتل پر تحقیقات ہو رہی ہے ،پی ٹی آئی انٹراپارٹی سے متعلق ہمارے پاس کوئی اطلاع نہیں،جب اطلاع ہوگی تو پھر دیکھیں گے

خاور مانیکا انٹرویو اور شاہ زیب خانزادہ کا کردار،مبشر لقمان نے اندرونی کہانی کھول دی

ریحام خان جب تک عمران خان کی بیوی تھی تو قوم کی ماں تھیں

خاور مانیکا کے انٹرویو پر نواز شریف کا ردعمل

غیر شرعی نکاح کیس،سابق وزیراعظم عمران خان اور بشری بی بی پر فرد جرم عائد

الیکشن کمیشن کا سوشل میڈیا ایکٹوسٹ کیلئے بھی ضابطہ اخلاق جاری کرنے کا فیصلہ

اسلام آباد: الیکشن کمشنر سکندر سلطان راجہ کا کہنا ہے کہ 8 فروری کے انتخابات وقت پر ہوں گے-

باغی ٹی وی: ترجمان الیکشن کمیشن کے مطابق چیف الیکشن کمشنر جناب سکندر سلطان راجہ نے کہا کہ 8 فروری کے انتخابات وقت پر ہوں گے،اگرچہ سیکیورٹی چیلنجز موجود ہیں تاہم الیکشن کمیشن پوری طرح تیار ہے اور قانون نافذ کرنے والے اداروں اور پاک فوج کی مدد سے انتخابات میں رخنہ ڈالنےاور امن و امان کی صورت حال خراب کرنے والے عناصر کے ساتھ سختی سے نبٹا جائے گا اور اس سلسلہ میں کسی سے کوئی نرمی نہیں برتی جائے گی۔

انہوں نے ان خیالات کا اظہار خیبر پختونخواہ اور بلوچستان میں امن و امان کی بگڑتی ہوئی صورت حال اور اس کے عام انتخابات پر اثرات پر غور وخوض کے لیے الیکشن کمیشن میں منعقدہ ایک اہم اجلاس سے خطاب کرتے ہوئے کیا ،اجلاس میں معزز ممبران الیکشن کمیشن کے علاوہ قائم مقام نگران وفاقی وزیر داخلہ، وفاقی سیکرٹری داخلہ، ڈی جی آئی بی، صوبہ خیبر پختونخواہ اور صوبہ بلوچستان کے چیف سیکرٹری اور آئی جی صاحبان، دیگر ایجنسیوں کے نمائندگان، سیکرٹری الیکشن کمیشن اور دیگر اعلیٰ افسران نے شرکت کی۔

چیف الیکشن کمشنر نے اجلاس کے شرکاء سے خطاب کرتے ہوئے خیبر پختونخواہ اور بلوچستان میں امن و امان کی بگڑتی ہوئی صورت حال بالخصوص الیکشن کمیشن کے دفاتر اور سیاسی جلسوں پر حملوں کے واقعات پر تشویش کا اظہار کیا تاہم انہوں نے واضح کیا کہ دہشت گردی، سیکیورٹی کے چیلنجز اور انتخابی عمل کو متاثر کرنے والے واقعات کے باوجود الیکشن کا عمل نہیں رکے گا، الیکشن اپنے وقت پر ہوں گے اور اس حوالے سے کسی کو وہم یا گمان نہیں ہونا چاہیے۔

ایم کیو ایم پاکستان نےانتخابی مہم کے لیےطیارے کی خدمات حاصل کرلیں

سکندر سلطان راجہ نے دہشت گردی کا انتخابی عمل کا سب سے بڑا دشمن قرار دیا تاہم انہوں نے قانون نافذ کرنے والے اداروں پر مکمل اعتماد کا اظہار کرتے ہوئے یقین ظاہر کیا کہ عام انتخابات کے پرامن انعقاد کے لیے تمام تر ضروری انتظامی و حفاظتی انتظامات لیے جائیں گے اور سیاسی جماعتوں، امیدواروں اور ووٹرز کو بلاخوف خطر اپنی انتخابی مہم چلانے اورشہریوں کو اپنا حق رائے دہی استعمال کرنےکے لیے محفوظ اور سازگار ماحول فراہم کیا جائے گا۔انہوں نے قانون نافذ کرنے والے اداروں کو انتخابات کے دن بالخصوص ووٹوں کی گنتی کے عمل اور نتائج کے اعلان کے وقت مختلف عناصر کی جانب سے قانون ہاتھ میں لینے کی کوششوں سے خبردار رہنے کی تلقین کی۔

سیکرٹری وزارت داخلہ،صوبہ خیبر پختونخواہ اور صوبہ بلوچستان کے چیف سیکرٹری اور آئی جی صاحبان، دیگر ایجنسیوں کے نمائندگان نے ملک بھر اور بالخصوص خیبر پختونخواہ اور بلوچستان میں امن و امان کی صورت حال اور عام انتخابات کے محفوظ اور پر امن انعقاد کے لیے اٹھائے گئے جملہ حفاظتی و انتظامی اقدامات سے کمیشن کو آگاہ کیا۔

نجی ایئرلائن نے بین الاقوامی پروازوں کے آغازکا اعلان کردیا

چیف سیکرٹری اور آئی جی صاحبان بلوچستان نے اجلاس کو بتایا کہ صوبائی انتظامیہ اور سیکیورٹی ادارے مکمل طور پر الرٹ ہیں اور دہشت گردی کا مقابلہ کرنے کے لیے تیار ہیں۔انہوں نے صوبے میں دہشت گردوں کے خلاف جاری آپریشن کی تفصیل سے کمیشن کو آگاہ کیا اور یقین دلایا کہ کسی بھی سیاسی یا غیر سیاسی قوت کو الیکشن کے عمل میں رکاوٹ ڈالنے کی اجازت نہیں دی جائے گی اور ایسا کرنے والوں کے ساتھ آہنی ہاتھوں سے نمٹا جائے گا۔

چیف سیکرٹری اور آئی جی خیبر پختونخواہ نے صوبہ میں الیکشن کے حوالے سے درپیش خطرات کا ذکر کرتے ہوئے سیکیورٹی کے لیے اٹھائے گئے اقدامات پر روشنی ڈالی۔اجلاس کو بتایا گیا کہ کے پی میں پہلی دفعہ فاٹا کے صوبے میں انضمام کے بعد انتخابات ہو رہے ہیں تاہم انتطامی سطح پر تیاریاں مکمل ہیں اور قانون نافذ کرنے والے اداروں کو تمام تر وسائل فراہم کر دیے گئے ہیں۔

سکھ رہنما کے قتل میں سازش کا الزام، امریکا نے بھارت کو ڈرونز …

وفاقی وزیر داخلہ گوہر اعجاز نے بتایا کہ وہ بلوچستان کے دورہ سے واپس لوٹے ہیں جہاں انہوں نے صورت حال کا جائزہ لیا۔انہوں نے کہا کہ وفاقی اور صوبائی حکومتیں انتخابات کے پرامن اور کامیاب انعقاد کے لیے مکمل طور پر تیار ہیں ۔اس حوالے سے تمام تر تیاریاں مکمل ہیں اور عام انتخابات کے انعقاد کے لیے الیکشن کمیشن کو بھرپور تعاون اور وسائل فراہم کیا جائیں گے اور اس حوالے کسی سطح پر کسی قسم کی کوئی کوتاہی یا غفلت نہیں برتی جائے گی-

اجلاس کے بعد میڈ یا سے غیر رسمی گفتگو میں چیف الیکشن کمشنر سکندر سلطان راجہ نے کہا کہ عام انتخابات میں کامیاب ہونے والے آزاد امیدوار اکثریت میں زیادہ ہوں تو وزیر اعظم بھی بنا سکتے ہیں، آزاد امیدوار 3 دن کے اندر پارٹی جوائن کرنے کے پابند ہیں اور اگر وہ مقررہ وقت میں پارٹی جوائن نہیں کرتے تو آزاد ارکان رہیں گے۔

ننکانہ :سروس روڈ پر تجاوزات مافیاء قابض،عوام کیلئے پیدل راستے بند،ریگولیشن برانچ خاموش

چیئرمین پیپلز پارٹی بلاول بھٹو زرداری نےکہا ہےکہ ملک میں نفرت اور تقسیم کی سیاست عروج پر ہے، نواز شریف کو چوتھی بار چننے سے بھی منشور پر عمل درآمد نہیں ہوگا، نئی سوچ کے بغیر آپ اپنے منشور پر عمل نہیں کرسکتے-

باغی ٹی وی :راولپنڈی میں میڈیا سے گفتگو میں بلاول بھٹو زرداری کا کہنا تھا کہ وفاقی حکومت میں 18 ماہ گزارے، جانتے ہیں کہ اسلام آباد بیوروکریسی کی کیا ذہنیت ہے، بیورو کریسی نہ خودکچھ کرنا چاہتی ہے اور نہ کسی کو کچھ کرنے دیتی ہے،نفرت اور تقسیم کی سیاست کی وجہ سے بھائی بھائی سے لڑرہا ہے، ملک میں تقسیم کی سیاست کی جارہی ہے، نفرت اور تقسیم کی سیاست کی وجہ سے پاکستان کونقصان ہورہا، اتحادی حکومت سے پہلے پیپلزپارٹی کو پی ڈی ایم سے نکالا گیا، ہم نیک نیت کے ساتھ اکٹھے ہوئے تھے، میری نیت تھی کہ تمام سیاسی پارٹیاں مل کر پاکستان میں کام کریں، معاشی، سیاسی بحران تھا، پاکستان دنیا میں اکیلا ہوگیا تھا۔

ان کا کہنا تھا کہ پنجاب میں لوگوں کا بہت اچھا رسپانس ہے، باقی عوام کی طرح میں بھی میاں صاحب کی تقریریں نہیں سنتا، باقی ممالک میں بھی وزارت عظمیٰ کے امیدوار دنیا کے سامنے مباحثہ کرتے ہیں، میں نے ان کا چیلنج قبول کیا ، میں نے چیلنج دیا تو چھوٹے میاں صاحب نے سندھ آنے کو کہا، میں نے چیلنج قبول کیا،یہ میرے چیلنج سے کیوں ڈر رہے ہیں؟ میاں صاحب کو اپنی پالیسیوں کا پتا ہےتو آئیں مجھ سے مباحثہ کریں،تھرپارکر،کراچی یا گمبٹ کہیں بھی آکر مباحثہ کرلیں،کیا کبھی پنجاب میں بزدل لوگوں کو منتخب کرایا ہے، پنجاب کے لوگ ہمیشہ بہادر اور دلیر لوگوں کا ساتھ دیتے ہیں۔

انہوں نے مزید کہا کہ یہ سمجھتے ہیں کہ ایک جماعت کو ٹیکنیکل ناک آؤٹ کردیا پیپلزپارٹی کے ساتھ بھی ایسا کریں گے، یہ جانتے ہیں کہ عوام کی اکثریت نہیں چاہتی کہ میاں صاحب چوتھی بار وزیراعظم بنیں، ہمیں جو بھی جوائن کرتا ہے اس کے لیے مسائل ہوتے ہیں، ن لیگ کھلا میدان چاہتی ہے، پیپلز پارٹی کے خلاف بھی غیر جمہوری رویہ جاری ہے، حکومت پنجاب سے پوچھتا ہوں کیا ہم نے 9 مئی کیا، ن لیگ کو ڈرکیا ہے؟ جیالوں کے پیچھے کیوں پڑے ہوئے ہیں۔

اسلام آبادکی نجی یونیورسٹی میں طلبا سے مکالمہ کرتے ہوئے چیئرمین پیپلز پارٹی کا کہنا تھا کہ ملک کی اشرافیہ، بجلی گھروں اور فرٹیلائزر انڈسٹری کو 1500 ارب روپے سالانہ سبسڈی ملتی ہے، اشرافیہ کی تمام سبسڈی کو ختم کریں گے، پسماندہ طبقات کو ریلیف دینےکے لیے رقم خرچ کریں گے، حکومت ملی تو وفاق کی 17 وزارتیں ختم کریں گے، عوام کو 300 یونٹ تک مفت بجلی، دیگر سہولتیں دیں گے تو پالیسیز کے ساتھ کھڑے ہوں گے،طاقت ور لابیز مسائل کا باعث بنتی ہیں، نواز شریف کو چوتھی بار چننے سے انتخابی منشور پر عمل نہیں ہوگا، چاہتا ہں نفرت کی سیاست ہمیشہ کے لیے ختم ہو، ملک میں نفرت اور تقسیم کی سیاست عروج پر ہے-

سابق وزیرخارجہ نے مزید کہا کہ پی ڈی ایم حکومت نے 3 ماہ آئی ایم ایف معاہدے کی خلاف ورزی کی، جو الیکشن جیتے انتقامی سیاست نہ کرے، اپوزیشن بھی حکومت چلنے دے، سیاست کے لیے غلط معاشی فیصلوں کا نقصان عوام اٹھا رہے ہیں، نیت ٹھیک ہو تو آئی ایم ایف کے ساتھ غریبوں کا خیال رکھا جاسکتا ہے،بے نظیرانکم سپورٹ پروگرام خواتین کو بھکاری نہیں بااختیار بناتا ہے، غریب کو ریلیف کی فراہمی ترجیح ہے، سیلاب متاثرین کے لیے کچھ کرنا میری ترجیح ہے، گھروں کے مالکانہ حقوق خواتین کو دلوارہے ہیں، ایسے گھربنا رہے ہیں جو موسمیاتی تبدیلیوں کا مقابل کرسکیں، سیلاب سے تباہ ہونے والے 20 لاکھ گھربنارہے ہیں، اسی ماڈل کو دیکھتے ہوئے ملک میں 30 لاکھ گھر بنائیں گے۔