Tag: انتخابات

الیکشن کمیشن میں عام انتخابات کے حوالے سے جائزہ اجلاس ہوا

چیف الیکشن کمشنر کی زیر صدرات اجلاس میں تمام متعلقہ ونگز کے سر براہان شریک تھے، 8300 ایس ایم سروس پر پولنگ اسٹیشن کی تفصیلات اپ ڈیٹ کر دی گئی،8300 پر ووٹرز اپنے حلقے، پولنگ اسٹشن کی تفصیلات حاصل کر سکیں گے، اجلاس میں بیلٹ پپیرز کی چھپائی پر شرکا نے اظہار اطمینان کیا.

ترجمان الیکشن کمیشن کی جانب سے کہا گیا ہے کہ 8فروری 2024ء کے عام انتخابات کے انعقاد کی تیاریاں تیزی سے تکمیل کے مراحل کی طرف گامزن ہیں۔بیلٹ پیپر کی چھپائی کا کام جو تین سرکاری پریس اداروں میں کیا جا رہاہے، تسلی بخش طریقے سے جاری ہے ۔ یہ کام جو آر او کی طرف سے انتخابی نشان کی الاٹمنٹ کے بعد 16 جنوری سے شروع ہوا تھا، اگلے 4 روز میں یعنی 2فروری تک مکمل ہو جائے گا ۔اس کے ساتھ ساتھ سیکیورٹی اداروں ، آر او اور ڈسٹرکٹ ایڈ منسٹریشن کی مدد سے بیلٹ پیپر کی ڈیلوری کا کام چاروں صوبوں کے لیے شروع ہو چکا ہے۔یہ ترسیل سڑک اور ہوائی دونوں ذریعوں سے کی جا رہی ہے۔

8300 ایس ایم ایس سروس ،پولنگ سٹیشن کی معلومات حاصل کرنے کی سہولت بھی فراہم
علاوہ ازیں آج 29 جنوری 2024ء سے 8300 ایس ایم ایس سروس کے ذریعے عوام الناس کو دیگر معلومات کے علاوہ اپنے پولنگ سٹیشن کی معلومات حاصل کرنے کی سہولت بھی فراہم کر دی گئی ہے ۔ ووٹرز کو اپنے ووٹ کی معلومات حاصل کرنے کے لیے اپنا شناختی کارڈ نمبر 8300 پر بھیجنا ہو گا ۔ تمام ووٹرز سے درخواست ہے کہ وہ اپنے اورگھر والوں کے ووٹ کی تفصیلات بروقت حاصل کر لیں تاکہ پولنگ اسٹیشن میں انہیں کسی دشواری کا سامنا نہ کرنا پڑے۔

کراچی میں جھنڈا لگانے پر تصادم و فائرنگ،الیکشن کمیشن نے کی رپورٹ طلب
دریں اثناء الیکشن کمیشن نے اب تک 9 لاکھ76 ہزار درکار پولنگ عملے میں سے 9 لاکھ 70 ہزار پولنگ عملے کی تربیت مکمل کر لی ہے جو کہ کل درکار تعداد کا 96 فیصد بنتی ہے۔ بقیہ 6 ہزار پولنگ عملے کی تربیت اگلے چار دنوں میں مکمل ہو جائے گی۔مزید یہ کہ کراچی میں دو سیاسی پارٹیوں کے درمیان جھنڈا لگانے پر تصادم و فائرنگ اور ضلع صوابی میں پوسٹل بیلٹ چھینے جانے کے واقعات کا سخت نوٹس لیتے ہوئے کمیشن نے متعلقہ چیف سیکرٹری اور آئی جی صاحبان سے رپورٹس طلب کی ہیں تاکہ ان واقعات میں ملوث افراد کے خلاف الیکشن قوانین کے تحت بھی کاروائی کی جا سکے۔

بلوچستان کے تمام صوبائی اور قومی اسمبلی کے بیلٹ پیپرز اور دیگر انتخابی میٹریل کی چھپائی مکمل
الیکشن کمیشن آف پاکستان نے بلوچستان کے تمام صوبائی اور قومی اسمبلی کے بیلٹ پیپرز اور دیگر انتخابی میٹریل کی چھپائی مکمل کرلی ہے کل بروز منگل سے بلوچستان میں ترسیل شروع ہوجائے گا،باغی ٹی وی کی رپورٹ کے مطابق الیکشن کمیشن آف پاکستان نے تین پرنٹنگ پریسوں میں انتخابی میٹریل بشمول بلٹ پیپرز کی چھائی جاری ہے ابھی تک 65فیصد بلیٹ پیپرز چھپ گئے ہیں ۔60فیصد بلیٹ پیپز کی چھپائی کراچی میں ہوگی جبکہ 40فیصد بلیٹ پیپز اسلام آباد میں موجود 2پرنٹنگ پریس میں چھپا جارہاہے ۔ذرائع کا کہنا ہے کہ بلوچستان کے تمام صوبائی اور قومی اسمبلی کے بلیٹ پیپز کی چھپائی مکمل ہوگئی ہے جو کل بروز منگل کو ترسیل شروع ہوجائے گی ۔کراچی کے پرنٹنگ پریس میں پنجاب کے کچھ حلقوں کے بلیٹ پیپرز چھپے جائیں گے ۔ رپورٹ، محمد اویس، اسلام آباد

الیکشن کمیشن نے 50 فیصد پولنگ اسٹیشنز کو حساس یا انتہائی حساس قرار دیدیا
باخبر ذرائع کے مطابق حساس اور انتہائی حساس قرار دینے والے پولنگ اسٹیشنز کی کل تعداد 46 ہزار 65 ہے،الیکشن کمیشن نے 27 ہزار 628 پولنگ اسٹیشنز کو حساس قرار دے دیا،الیکشن کمیشن نے 18 ہزار 437 پولنگ اسٹیشنز کو انتہائی حساس قرار دیا،پنجاب میں 12 ہزار 580 پولنگ اسٹیشنز حساس 6 ہزار 40 انتہائی حساس قرار دیا گیا ہے،پنجاب میں 32 ہزار 324 پولنگ اسٹیشز نارمل قراردیئے گئے،سندھ کے 6545 پولنگ اسٹیشنز حساس 6524 انتہائی حساس قرار دیئے گئے،سندھ میں 5937 پولنگ اسٹیشنز نارمل قراردیئے گئے،خیبرپختونخواہ کے 6166 پولنگ اسٹیشنز حساس 4143 انتہائی حساس قراردیئے گئے،خیبرپختونخواہ کے 5388 پولنگ اسٹیشنز نارمل قراردیئے گئے،بلوچستان میں کل 5ہزار 28 پولنگ اسٹیشنز میں سے صرف 961 نارمل قراردیئے گئے،بلوچستان کے 2337پولنگ اسٹیشنز حساس 1730 انتہائی حساس قرار دیئے گئے،ملک بھر میں 90 ہزار 675 پولنگ اسٹیشنز بنائے گئے

رپورٹ، محمد اویس، اسلام آباد

انتخابات،الیکشن ایکٹ نظر انداز،پولنگ سٹیشن،پولنگ بوتھ کم، ووٹرز کو ہو گا مشکلات کا سامنا

ہم ووٹ مانگنے جاتے تو لوگ خواجہ سرا سمجھ کر 50 کا نوٹ دیتے، نایاب علی

الیکشن کمیشن میں ڈیٹا سنٹر بارے بریفنگ،صحافیوں کا بائیکاٹ،احتجاج

چیف الیکشن کمشنر کا سخت رویہ، الیکشن کمیشن کے افسران بیمار ہونے لگے

اسلام آباد: ‏الیکشن کمیشن آف پاکستان نے عام انتخابات کیلئے حتمی پولنگ اسکیم تیار کر لی، الیکشن کمیشن کے مطابق ملک بھر میں 92 ہزار 353 پولنگ اسٹیشن قائم کیے جائیں گے۔

باغی ٹی وی : الیکشن کمیشن آف پاکستان کے مطابق عام انتخابات کے لیے ملک میں کل 90 ہزار 675 پولنگ اسٹیشنز قائم کیے گئے ہیں،جن میں مردوں کے 25 ہزار 320 اور خواتین کے 23 ہزار 950 پولنگ اسٹیشنز ہوں گے،جبکہ ملک بھر میں 41 ہزار 405 مشترکہ پولنگ اسٹیشنز ہوں گے۔

عام انتخابات کیلئے حتمی پولنگ اسکیم تیار تو کرلی گئی ہے لیکن الیکشن کمیشن کا کہنا ہے کہ قومی اور صوبائی اسمبلی کے کئی حلقوں کی پولنگ اسکیم تاحال مکمل نہیں ہوسکی۔

اوچ شریف:ریلی کی کوریج،اے ایس آئی جام زاہدکی نجی ٹی وی چینل کے رپورٹر کے …

الیکشن کمیشن کے مطابق پنجاب میں 52 ہزار 412 پولنگ اسٹیشن بنائے جائیں گے،جن میں مردوں کے 14 ہزار 556 اور خواتین کے 14 ہزار 36 پولنگ اسٹیشن ہوں گے۔ پنجاب میں 22 ہزار 352 مشترکہ پولنگ اسٹیشنز ہوں گے،خیبرپختونخوا میں 15 ہزار 737 پولنگ اسٹیشن قائم ہوں گے،جن میں مردوں کے 4 ہزار 439،خواتین کے 4 ہزار 308 پولنگ اسٹیشنز ہوں گے ، صوبے میں 10 ہزار 259 مشترکہ پولنگ اسٹیشنز ہوں گے۔

عوام کا سمندر بتا رہا ہے کہ آٹھ فروری کو شیر آرہا ہے ،شہباز شریف

اسی طرح سندھ میں 19 ہزار 96 پولنگ اسٹیشن قائم کیے گئے ہیں ، جن میں مردوں کے 4 ہزار 814،خواتین کے 4 ہزار 289 پولنگ اسٹیشنز ہوں گے، صوبے میں 6 ہزار 594 مشترکہ پولنگ اسٹیشنز ہوں گے جبکہ بلوچستان میں 5 ہزار 67 پولنگ اسٹیشن بنائے گئے ہیں، جن میں مردوں کے 1511 اور خواتین کے 1317 پولنگ اسٹیشنز ہوں گے ، صوبے میں 2 ہزار 200 مشترکہ پولنگ اسٹیشنز ہوں گے ۔

جمہوریت پر چلنے سے مسائل حل ہوں گے اور بلوچستان کی بقا اسی میں ہے …

الیکشن کمیشن کے مطابق ملک میں 2 لاکھ 76 ہزار 402 پولنگ بوتھ ہوں گے ،جن میں مردوں کے 1 لاکھ 47 ہزار 560 اور خواتین کےلیے 1 لاکھ 27 ہزار 842 پولنگ بوتھ ہوں گے، پنجاب میں 1لاکھ 49 ہزار 434،سندھ میں 65 ہزار5 پولنگ بوتھ ہوں گے ،خیبر پختو نخوا میں 47 ہزار 81،بلوچستان میں 14 ہزار 882 پولنگ بوتھ ہوں گے۔

الیکشن کمیشن آف پاکستان نے الیکشن مینجمنٹ سسٹم کے استعمال کی تجرباتی مشق کی جو کامیاب رہی اور اس کے مفید اور حوصلہ افزاء نتائج سامنے آئے۔ملک بھر میں 859 مقامات پر قائم ریٹرننگ افسران کے دفاتر اِس تجرباتی مشق میں شریک ہوئے جس کے دوران فائبر/ڈی ایس ایل کنیکٹوٹی، ای ایم ایس ایپ لاگ ان، استعمال اور نتائج کی ترسیل و تدوین کے مراحل کی مکمل مشق کی گئی اور اس میں ای ایم ایس کے ذریعے کامیابی سے پریذائیڈنگ آفیسرز کی جانب سے نتائج کی ترسیل اور ریٹرننگ آفیسرز کی جانب سے نتائج کی تدوین مکمل کی گئی۔

یہاں یہ امر قابل ذکر ہے کہ ای ایم ایس کا بنیادی مقصد آر او کی سطح پر نتائج کی تدوین و ترتیب ہے۔اس مشق کے دوران تمام آر اوز نے مکمل کامیابی کے ساتھ نتائج کی تدوین و ترتیب مکمل کی اور اس میں کسی قسم کی کوئی دقت نہیں ہوئی۔مجموعی طور پر پریذائیڈنگ آفیسرز کی جانب سے نتائج کی ترسیل بھی تسلی بخش رہی تاہم مشق کے دوران چند مقامات پر کنیکٹوٹی کی دشواری کے باعث کچھ پریذائیڈنگ آفیسرز کو نتائج کی ترسیل میں معمولی چیلنجز بھی سامنے آئے جنہیں فوری طور پر دور کیا جا رہا ہے۔یہاں یہ امر قابل ذکر ہے کہ اگر کسی پریذائیڈنگ آفیسر کو اپنے موبائل فون کے ذریعے نتائج کی آر او تک ترسیل میں کوئی دشواری ہو تو وہ پریذائیڈنگ آفیسر انتخابی نتیجہ ذاتی طور پر آر او کے دفتر پہنچائے گا۔

رپورٹ، محمد اویس، اسلام آباد

دوسری جانب ٹویٹر پر ایک صارف توقیر سرفراز نے الیکشن کمیشن کے ای ایم ایس سسٹم کی مشق پر کہا کہ "پیارے وطن میں آج کل الیکشن کی گہما گہمی عروج پر ہے۔اس ضمن میں الیکشن کمیشن آف پاکستان کی جانب سے گزشتہ الیکشن کی طرح "بروقت” اور "تیز ترین” نتائج کی ترسیل کے لیے ایک ایپ متعارف کروائی گئی ہے۔جس کو EMS (الیکشن مینجمنٹ سسٹم) کا نام دیا گیا ہے۔( 2018 میں اس کا نام RTS تھا) بنیادی طور پر یہ واٹس ایپ کی طرز کی ایک ایپ ہے جس پر پریزائڈنگ آفیسرز اپنے اپنے پولنگ اسٹیشن کا فارم 45 ( پولنگ نتائج کا مصدقہ فارم) اپلوڈ کریں گے۔ویسے تو اس طرح کے اقدامات جدید سہولیات اور انٹرنیٹ کے انقلابی دور سے استفادہ کرنے لیے کیے جاتے ہیں۔تاہم قابل افسوس بات یہ ہے کہ دیگر شعبہٴ زندگی کی طرح اس معاملے میں بھی اپنے ملک کا ہاتھ تنگ ہے۔ بندہ ناچیز گزشتہ سات سال سے محکمہ تعلیم کا ملازم ہے،اور اس بات کا عینی شاہد ہے کہ جب کسی خاص سرگرمی کو ایک ہی وقت میں بذریعہ انٹرنیٹ سر انجام دینے کی کوشش کی جائے سسٹم جواب دے جاتا ہے۔پھر وہ آنلائن ٹریننگ ہو، سکول سنسز(census) فارم ہو، یا کوئی اور سرگرمی، سرتوڑ ٹکڑوں کے بعد ہی کچھ خوش نصیب اسے کرنے میں کامیاب ہوتے ہیں۔ گزشتہ برس کی گئی آنلائن مردم شماری بھی اس کی بدترین مثال ہے جہاں لاکھ یقین دہانیوں کے باوجود سسٹم پہلے ہی دن جواب دے گیا تھا۔ ذاتی اور ناقص رائے میں اپنے ملک میں انٹرنیٹ اور دیگر آنلائن ایپس کا حال بھی ملکی معیشت جیسا ہے جو یکدم پڑنے والا بوجھ برداشت نہیں کر پاتا۔یوں سمجھ لیں چار لین والی سڑک پر آٹھ گاڑیاں بیک وقت دوڑانے کی کوشش کی جاتی ہے نتیجہ ٹریفک جام۔۔اس کی تازہ ترین مثال کل سے جاری ایک موک( Mock) سرگرمی ہے جس میں تمام پریزائیڈنگ آفیسرز کو بطور مشق فرضی نتائج اپلوڈ کرنے کا کام سونپا گیا تاکہ ایپ پر کام کرنے کو سمجھ لیا جائے، لیکن ابھی تک فارم اپلوڈ کرنا تو درکنار لاگ ان ہونے میں ہی چند خوش نصیب کامیاب ہوئے ہیں۔لہذا ماضی کے تمام تلخ تجربات کی روشنی میں آپ کا بھائی آپ کو پیشگی اطلاع دینا چاہتا ہے کہ اس دفعہ بھی یہی ہوگا۔ اب آپ اس کو ناقص حکمت عملی کہیں، دھاندلی کہیں، جدید سہولیات کا فقدان یا کوئی اور آپ کی مرضی”

ہم ووٹ مانگنے جاتے تو لوگ خواجہ سرا سمجھ کر 50 کا نوٹ دیتے، نایاب علی

الیکشن کمیشن میں ڈیٹا سنٹر بارے بریفنگ،صحافیوں کا بائیکاٹ،احتجاج

چیف الیکشن کمشنر کا سخت رویہ، الیکشن کمیشن کے افسران بیمار ہونے لگے

الیکشن کمیشن آف پاکستان نے حتمی پولنگ سکیم پبلک کرنے میں مکمل ناکام 

پیارے وطن میں آج کل الیکشن کی گہما گہمی عروج پر ہے۔اس ضمن میں الیکشن کمیشن آف پاکستان کی جانب سے گزشتہ الیکشن کی طرح "بروقت" اور "تیز ترین" نتائج کی ترسیل کے لیے ایک ایپ متعارف کروائی گئی ہے۔جس کو EMS (الیکشن مینجمنٹ سسٹم) کا نام دیا گیا ہے۔( 2018 میں اس کا نام RTS تھا) بنیادی…

— Touqeer Sarfraz (@SarfrazTouqeer1) January 27, 2024

اسلام آباد: نگراں وفاقی کابینہ نے آرمی اور سول آرمڈ فورسز کے دستوں کی الیکشن میں تعیناتی کی منظوری دے دی۔

باغی ٹی وی: ذرائع کے مطابق نگراں وزیراعظم انوارالحق کاکڑ کی زیرصدارت ہونے والا وفاقی کابینہ کا اجلاس ختم ہوگیا نگراں وفاقی کابینہ نے ایف بی آر ریفارمز کمیٹی بنانے کی منظوری دے دی، ایف بی آر ریفارمز کمیٹی کی سربراہی وزیر خزانہ کریں گے جبکہ وزیر آئی ٹی، تجارت، قانون، خارجہ اور پرائیویٹائزیشن کمیٹی کے رکن ہوں گے۔

اس کے علاوہ وفاقی کابینہ نے آرمی اور سول آرمڈ فورسز کے دستوں کی الیکشن میں تعیناتی کی منظوری بھی دے دی،کابینہ نے وزارت داخلہ کی سمری منظور کرلی ہے، اس کے تحت 2 لاکھ 77 ہزار پاک فوج کے افسران و اہلکار الیکشن میں تعینات ہوں گے،اس کے ساتھ رینجرز اور ایف سی اہلکار بھی عام انتخابات میں تعینات ہوں گے ، حساس حلقوں میں ریپڈ ریسپانس ٹیم کے طور پر ڈیوٹی سر انجام دیں گے۔

اس سے قبل وزارت داخلہ نے عام انتخابات 2024 میں پاک فوج تعینات کرنے کی سمری تیار کرکے وفاقی کابینہ کو ارسال کی تھی عام انتخابات 2024 میں فوج تعیناتی کی سمری تیار کرلی گئی، جس کے بعد وزارت داخلہ نے سمری وفاقی کابینہ کو بھجوا دی تھی۔

وزارت داخلہ کی جانب سے بھیجی گئی سمری کی نگراں کابینہ کی منظوری کے بعد عام انتخابات کی سیکیورٹی کے لیے فوج تعینات ہوگی الیکشن کمیشن نے 2 لاکھ 77 ہزار فوجی اہلکار مانگے تھے، پاک فوج، رینجرز اور ایف سی اہلکار عام انتخابات میں تعینات ہوں گے۔

واضح رہے کہ ملک میں عام انتخابات کا انعقاد 8 فروری کو ہونا ہے جس کے لیے تیاریاں حتمی مراحل میں داخل ہوچکی ہیں، الیکشن کمیشن نے تمام بلدیاتی محکموں کے فنڈز بھی منجمد کردئیے ہیں۔