ترک پارلیمنٹ کے حجام ممتاز ارسلان نے جسٹس اینڈ ڈویلپمنٹ پارٹی کی جانب سے پارلیمنٹ کی رکنیت کے لیے امیدواری کا اعلان کردیا۔
باغی ٹی وی : ترکی میں صدارتی اور پارلیمانی انتخابات 14 مئی کو ہوں گے، ملک کے صدر رجب طیب اردوان نے باضابطہ اعلان کیا اردگان نے جمعہ کو انتخابی فیصلے پر دستخط کرنے کے بعد ایک تقریر میں کہا کہ "ہماری قوم 14 مئی کو اپنے صدر اور اراکین پارلیمنٹ کے انتخاب کے لیے انتخابات میں جائے گی۔
"العربیہ” نے ترکیہ کے حزب اختلاف کے اخبار "زمان” کے حوالے سے رپورٹ کیا کہ 20 سال حجامت کے پیشے سے وابستہ رہنے والے ترک گرینڈ نیشنل اسمبلی میں حجاموں کے سربراہ ممتاز ارسلان نے ایک پریس بیان میں کہا میں سیاست کے دل میں ہوں کیونکہ میں پارلیمنٹ کا حجام ہوں
ممتاز ارسلان کے مطابق انہوں نے اپنے کیریئر کا آغاز 12 سال کی عمر میں کیا اور 23 سال کی عمر میں 2003 میں پارلیمنٹ میں حجام بنا ممتاز ارسلان چیف حجام کے عہدے پر بھی فائز رہے جہاں انہوں نے سلیمان ڈیمیرل، بلنٹ ایکویٹ، نیکمٹن ایرباکان اور بہت سی مشہور ترک سیاسی شخصیات کا شیو کیا۔
انہوں نے کہا کہ انہوں نے 1984 میں "ویلفیئر” پارٹی میں سیاسی کام شروع کیا تھا ۔ ہم نے محلے کی تنظیموں سے سفر کا آغاز کیا اور گلیوں میں کام کیا۔ میرے استاد اربکان نے جو بھی کام دیا میں نے بہترین طریقے سے اسے انجام دیا۔ ہم سیاست میں آئے اور ہم قومی رائے کے ساتھ پروان چڑھے ہیں۔ میری سیاست اور سیاسی زندگی جاری ہے۔ میں حجام ہوں تو اس سے میری سیاست ختم نہیں ہوجاتی۔ اس کا مطلب ہے کہ میں اب بھی سیاست میں ہوں۔ یہ اچھی بات ہے کہ آپ لوگوں کے مسائل حل کریں اور میری خواہش ہے کہ اگر میں پارلیمنٹ کا رکن بنوں گا تو لوگوں کے مسائل سے نمٹ سکتا ہوں۔
ممتاز ارسلان نے نشاندہی کی کہ حجام کی دکانوں کے مالکان کو بہت سے مسائل کا سامنا کرنا پڑتا ہے۔ چاہے وہ تربیت یافتہ ہوں، کارکن ہوں یا دکان کے مالکان ہوں جب میں ترکی کی گرینڈ نیشنل اسمبلی میں آؤں گا تو میں ان کے تمام مسائل کو بہترین طریقے سے حل کروں گا اور ان کی مدد کروں گا۔ میں پارلیمان میں حجاموں کی بھی بہترین طریقے سے نمائندگی کروں گا۔
