انسدادِ دہشت گردی عدالت ،چیئرمین پی ٹی آئی عمران خان کیخلاف دہشتگردی کی دفعات کے تحت درج 8 مقدمات میں ضمانت کی درخواستوں پر سماعت ہوئی
انسدادِ دہشت گردی عدالت کے جج راجہ جواد عباس حسن نے درخواستوں پر سماعت کی،چیئرمین پی ٹی آئی اپنی لیگل ٹیم کے ہمراہ کمرہ عدالت میں موجود تھے ،وکیل سلمان صفدر نے کہا کہ درخواست گزار عدالت میں موجود ہیں، تھانہ سنگجانی کا مقدمہ سب سے پرانا ہے، یہ 2022 میں مقدمہ درج ہوا،سب سے پہلے میں مقدمات کے پس منظر پر بات کرنا چاہوں گا، ہم تمام مقدمات میں شامل تفتیش ہو چکے ہیں،ہم جے آئی ٹی کے سامنے بھی پیش ہوئے، تمام سوالات کے جواب دیئے، 493 کا ریلیف غیر معمولی حالات میں غیر معمولی شخصیات کو دیا جاتا ہے، ان مقدمات میں بدنیتی شامل ہے، درخواست گزار کا کرکٹنگ ہسٹری میں بہت صاف ریکارڈ ہے،درخواست گزار نے پاکستان کو بہت سے انعامات جتائے، درخواست گزار فلاحی بہبود کے کاموں میں بھی بہت آگے ہیں، شوکت خانم اسپتال اس بات کا منہ بولتا ثبوت ہے،درخواست گزار ملک کے 22ویں وزیر اعظم رہے ہیں، درخواست گزار کے دور میں احتساب کا سلسلہ شروع ہوا، درخواست گزار کے دور میں کرپشن کے مقدمات چلے جو اپنے اختتام کو پہنچے اور سزائیں ہوئیں،چیئرمین پی ٹی آئی کو حکومت سے ہٹانے کے بعد سیاسی انتقام شروع ہوا، وزیر داخلہ ، وزیراعظم اور مخالف سیاسی لیڈران کا چیرمین پی ٹی آئی کے خلاف بغض تھا،
چیئرمین پی ٹی آئی کے خلاف درج کیسز کی مزید انکوائری تک بھی جائیں گے،
وکیل صفائی نے کہا کہ شہبازگِل کے خلاف مقدمہ درج کرکے چیرمین پی ٹی آئی کو پہلی بار نشانہ بنایا گیا، وکیل سلمان صفدر نے کہا کہ شہبازگِل کے کیس میں چیئرمین پی ٹی آئی نے کسٹوڈیل ٹارچر کے خلاف آواز اٹھائی، چیئرمین پی ٹی آئی عدالت ہمیشہ آتے ہیں، وکلاء بھی ہمراہ ہوتے، چیئرمین پی ٹی آئی عدالت میں ادب و خاموشی سے کیس سنتے ہیں، چیئرمین پی ٹی آئی اور ان کے وکلاء کا عدالتی رؤیہ بہت اچھا اور واضع ہے،چیئرمین پی ٹی آئی کے اسٹیمینا کو سلام پیش کرتا ہوں،کوئی نوجوان ہوتا تو 150 سے زائد کیسز کو دیکھ کر رک جاتا، چیرمین پی ٹی آئی عدالت سے انصاف چاہتےہیں، چیئرمین پی ٹی آئی کا رؤیہ عدالت کے سامنے واضح ہے، چیئرمین پی ٹی آئی کے خلاف درج کیسز کی مزید انکوائری تک بھی جائیں گے، انسدادِ دہشت گردی عدالت صرف دہشت گردوں کے لیے مختص ہے،وزارت عظمیٰ چھوڑنے سے قبل چیرمین پی ٹی آئی کا کیا کریمینل ریکارڈ ہے؟ بتایاجائے،صرف آج کے دن چیرمین پی ٹی آئی کے خلاف 17 فوجداری کیسز کی سماعتیں مقرر ہیں،
پولیس دیکھتی کب زمان پارک کے لیے نکلیں اور مقدمہ درج کیا جائے
وکیلِ صفائی نے کہا کہ کوئی پرائیویٹ مدعی نہیں، تمام کیسز میں مدعی صرف پولیس ہے،پراسیکیوشن بتا دے چیئرمین پی ٹی آئی کو کس کیس میں گرفتاری درکار ہے، 5 مقدمات میں شامل تفتیش ہوئے، دیگر میں نہیں ہوئے،وکیلِ صفائی نے کہا کہ یعنی پراسیکیوشن کو تمام کیسز میں چیرمین پی ٹی آئی کی گرفتاری درکار ہے، وزارت عظمیٰ چھوڑنے سے قبل چیرمین پی ٹی آئی کا کیا کریمینل ریکارڈ ہے؟ بتایا جائے، صرف آج کے دن چیرمین پی ٹی آئی کے خلاف 17 فوجداری کیسز کی سماعتیں مقرر ہیں، 2022 سے چئیرمین پی ٹی آئی کو جانتاہوں، تب سے زمان پارک صرف عدالتی پیشیوں کے لیے چھوڑا،گھر سے باہر انصاف لینے کے لیے نکلتے تو فوجداری کارروائی کے کیسز درج کیے گئے، پولیس دیکھتی کب زمان پارک کے لیے نکلیں اور مقدمہ درج کیا جائے، چئیرمین پی ٹی آئی جب بھی زمان پارک سے نکلے تو ضمانت حاصل کرنے کے لیے نکلے، 2022 سے چئیرمین پی ٹی آئی کو گرفتار کرنے کی کوششوں میں لگے ہوئے،
وکیل صفائی نے کہا کہ سپریم کورٹ کے فیصلوں کی کھلم کھلا خلاف ورزی کی جا رہی، پولیس خود کبھی مدعی نہیں بنتی، انہیں مدعی چاہیئے،ضلِ شاہ کیس میں مدعی پولیس بنی، چیئرمین پی ٹی آئی کو گولیاں لگیں تو مدعی پولیس خود بنی، چیئرمین پی ٹی آئی کے خلاف مدعی بننے کے لیے پولیس ہر وقت تیار رہتی ہے، جب تک سیاسی جنگ چلتی رہے گی یہ مقدمات چلتے رہیں گے، جب یہ جنگ ختم ہوجائے گی تب یہ مقدمات بھی ختم ہوجائیں گے، جب تک ختم نہیں ہوتے تب تک ہم آپکی عدالت آئے ہیں کہ گرفتاری سے بچایا جائے، پولیس کا رؤیہ قابلِ مذمت ہے جس پر سوالیہ نشان ہے،سیاسی انتقام کے لیے استعمال ہو تو اسلام آباد پولیس کی ساکھ خراب ہوتی، چیرمین پی ٹی آئی کے اسٹیمینا کا تو پولیس کو معلوم نہیں ،انصاف عدالت سے ملنا ہے، پولیس سے نہیں، پراسیکیوٹر نے کہا کہ چیئرمین پی ٹی آئی شاملِ تفتیش ہوں، عام آدمی بھی تھانہ جاتا ہے،اے ٹی سی جج نے ریمارکس دیتے ہوئے کہا کہ وکیل صفائی کہہ رہے چیرمین پی ٹی آئی کا اسٹیمینا زیادہ ہے، وکیل صفائی نے استدعا کی کہ کم سے کم عدالت میں بجلی تو لے آئیں،اے ٹی سی جج نے ریمارکس دیتے ہوئے کہا کہ 12 بجے بجلی آئے گی، پراسیکوٹر نے کہا کہ جہاں تک ریلیف بنتا ہے چیرمین پی ٹی آئی کودیا جا رہا ہے، وکیلِ صفائی نے کہا کہ کہا جاتا ہےکہ عام آدمی تو شامل تفتیش ہوتاہے لیکن چیرمین پی ٹی آئی نہیں ہوتے، چیئرمین پی ٹی آئی کے ساتھ عام آدمیوں والا سلوک بھی تو نہیں ہوتا، اے ٹی سی جج نے ریمارکس دیتے ہوئے کہا کہ ابھی تک آپ نے دفع 109 پر دلائل نہیں دیئے،
ہم نے ملزم عمران خان کو ویڈیوز دکھا کے تفتیش کرنی ہے،پراسیکیوٹر
4 جولائی تک شامل تفتیش ہوں بصورت دیگر آپ زمہ دار ہوں گے،عدالت
چیئرمین پی ٹی آئی کے خلاف تھانہ مارگلہ میں درج مقدمہ کا معاملہ ،پراسیکیوٹر نے کہا کہ چیئرمین پی ٹی آئی کی جانب سے تاحال تفتیش جوائن نہیں کی گئی،ڈی آئی جی کا آفس ساتھ ہے شامل تفتیش ہو جائیں ویڈیوز ہیں ڈی آئی جی آفس سیکیورٹی کے لحاظ سے محفوظ ہے ،ہم نے ملزم کو ویڈیوز دکھا کے تفتیش کرنی ہے،عدالت نے استفسار کیا کہ جوڈیشل کمپلکس میں کوئی کمرہ موجود نہیں جہاں تفتیشی افسر شامل تفتیش کر لیں،پراسیکیوٹر نے کہا کہ جوڈیشل کمپلکس میں شامل تفتیش کرنے کیلئے کوئی مخصوص کمرہ نہیں،عدالت نے جوڈیشل کمپلکس کے رجسڑار کو طلب کر لیا،جوڈیشل کمپلکس کے رجسٹرار سجاد علی عدالت کے روبرو پیش ہوئے ،اور کہا کہ عدالت کے حکم کے مطابق شامل تفتیش کرنے کیلئے کمرہ فراہم کردیتے ہیں ،جج سکندر خان نے چیئرمین پی ٹی آئی کو شامل تفتیش ہونے کیلئے 4 جولائی تک مہلت دے دی ،عدالت نے کہا کہ 4 جولائی تک شامل تفتیش ہوں بصورت دیگر آپ زمہ دار ہوں گے ،عدالت نے چیئرمین پی ٹی آئی ،اسد عمر ،راجہ خرم نواز کی عبوری ضمانت میں توسیع کر دی
انسدادِ دہشت گردی عدالت ،چیئرمین پی ٹی آئی کی 8 مقدمات میں ضمانتوں کی درخواست پر سماعت ہوئی، وقفے کے بعد دوبارہ سماعت ہوئی، انسدادِ دہشت گردی عدالت کے جج راجہ جواد عباس حسن نے سماعت کی،سابق وزیر اعظم وکیل سلمان صفدر کے ہمراہ کمرہ عدالت میں موجود تھے،اے ٹی سی جج نے کہا کہ دیگر دونوں ججز نے 4 جولائی تک ضمانت میں توسیع کا بتایا ہے، پراسیکیوٹر نے کہا کہ اعتراض نہیں، سیکیورٹی کے پیش نظر ایک ہی بار چیرمین پی ٹی آئی آجائیں، عدالت نے ریمارکس دیتے ہوئے کہا کہ ان مقدمات کی لسٹ دے دیں کن میں شامل تفتیش ہوئے اور کن میں نہیں، پراسیکیوٹر نے کہا کہ درخواست گزار مجموعی طور پر 5 مقدمات میں شامل تفتیش ہوچکے ہیں،جج راجہ جواد عباس نے کہا کہ باقی دونوں ججز نے مجھے 4 جولائی کی تاریخ بتا دی ہے، اس لیے ہم ایک دن رکھتے ہیں کیونکہ سکیورٹی انتظامات اور دیگر معاملات کرنے ہوتے ہیں،
عمران خان اسد عمر کو سلام کر کے نکل گئے،بیٹھنے کے اشارے کے باوجود نہ بیٹھے
تحریک انصاف کے رہنما اسدعمر اور چیئرمین پی ٹی آئی کی کمرہ عدالت میں ملاقات ہوئی،اسدعمر جج سکندرخان کی کمرہ عدالت میں بیٹھے ہوئے تھے ،چیئرمین پی ٹی آئی اور اسدعمر نے سلام کیا، ہاتھ ملایا ،اسدعمر نے چیئرمین پی ٹی آئی کو ساتھ کرسی پر بیٹھنے کی جگہ دی ،چیئرمین پی ٹی آئی اسدعمر کے ساتھ کرسی پر نہیں بیٹھے اور روسٹرم پر چلے گئے دونوں رہنماؤں کے درمیان کمرہ عدالت میں صرف سلام ہوا،
اسد عمر عدالت سے نکلے تو صحافی نے سوال کیا کہ چیئرمین پی ٹی آئی کا آپکے ساتھ رویہ کیسا تھا؟ اسد عمر نے جواب دیا کہ فرسٹ کلاس، سب سے پہلے انہوں نے میری صحت پوچھی، صحافی نے سوال کیا کہ پی ٹی آئی کے ٹکٹ پر الیکشن لڑیں گے، جس کے جواب میں اسد عمر کا کہنا تھا کہ اگر ٹکٹ ملا تو ضرور الیکشن لڑوں گا
چیئرمین پی ٹی آئی کے نامزد اٹارنی نعیم پنجوتھا جوڈیشل کمپلیکس پہنچ گئے ،جوڈیشل کمپلیکس میں چیئرمین پی ٹی آئی کی ایک گاڑی کو داخلے کی اجازت مل گئی ،چئیرمین پی ٹی آئی کی جانب جوڈیشل کمپلیکس میں دو گاڑیوں کے داخلے کی اجازت مانگی گئی تھی،
کسی سویلین کا ٹرائل ملٹری کورٹ میں نہیں ہونا چاہیے
کرپشن کا ماسٹر مائنڈ ہی فیض حمید ہے
برج کھیل کب ایجاد ہوا، برج کھیلتے کیسے ہیں
عمران خان سے اختلاف رکھنے والوں کی موت؟
حضوراقدس پر کوڑا بھینکنے والی خاتون کا گھر مل گیا ،وادی طائف سے لائیو مناظر
برج فیڈریشن آف ایشیا اینڈ مڈل ایسٹ چیمپئن شپ مہمان کھلاڑی حویلی ریسٹورنٹ پہنچ گئے
کھیل سے امن کا پیغام دینے آئے ہیں.بھارتی ٹیم کے کپتان کی پریس کانفرنس
وادی طائف کی مسجد جو حضور اقدس نے خود بنائی، مسجد کے ساتھ کن اصحاب کی قبریں ہیں ؟
9 مئی کے بعد زمان پارک کی کیا حالت ہے؟؟
