Tag: انسٹاگرام

اداکارہ و مصنفہ امر خان جو انسٹاگرام پر کافی متحرک رہتی ہیں گزشتہ روز انہوں نے ایک تصویر شئیر کی جس کا کیپش کچھ ایسا تھا کہ مصالحے کھانوں میں استعمال کریں رشتوں میں‌نہیں . امر خان کی دلچپسپ کیپشن والی تصویر خاصی وائرل ہو رہی ہے اور کیپشن کو بہت پسند کیا جا رہا ہے.امرخان خان نے کہا کہ رشتوں کی مٹھاس تب محسوس ہوتی ہے جب آپ انہیں اہمیت دیتے ہیں انہیں محسوس کرتے ہیں انہیں‌جیتے ہیں.امر خان نے کہا کہ رشتے تبہی مضبوط ہوتے ہیں جب آپ انہیں وقت دیتے ہیں، ایک دوسرے کے دکھ درد میں شریک ہونا رشتے نبھانا کہلاتا ہے لہذا ایک دوسرے کے ساتھ رشتے نبھائیں. ایک وقت تھا جب سب ایک دوسرے کے دکھ

کے ساتھی تھے آج کسی کے پاس کسی کے لئے وقت ہی نہیں ہے.یاد رہے کہ امر خان نہ صرف اداکارہ ہیں بلکہ ایک بہترین مصنفہ بھی ہیں انہوں نے فلم دم مستم لکھی جس میں بطور ہیروئین کام بھی کیا. امر خان نہ صرف مثبت بلکہ منفی کردار بھی کرتی ہیں. ہر کردار میں ان کے پرستاران کو سراہتے ہیں.ماضی قریب میں ان کا ڈرامہ بددعا اختتام پذیر ہوا تھا اس ڈرامے میں‌ انہوں نے منفی کردار ادا کیا تھااس ڈرامے میں ان کے ساتھ اداکار منیب بٹ دکھائی دئیے تھے.امر خان کہتی ہیں‌ کہ وہ کم مگر معیاری کام کرنے کو ترجیح دیتی ہیں یہی وجہ ہے کہ وہ ایک سال میں ایک پراجیکٹ کرتی ہیں.

سوشل میڈیا پر کافی متحرک رہنے والے معروف گلوکار عدنان سمیع خان نے اچانک اپنی تمام انسٹاگرام پوسٹیں ڈیلیٹ کرنے کے بعد انٹرنیٹ پر طوفان برپا کردیا۔ گلوکار نے اپنی ہر پوسٹ کو اپنے اکاؤنٹ سے ہٹا کر اپنے مداحوں کو پریشانی میں مبتلا کر دیا ہے۔عدنان سمیع کے انسٹاگرام اکائونٹ پر اگر ہم دیکھیں تو صرف ایک ہی پوسٹ ہے جس میں انہوں نے لکھا ہوا ہے کہ الوداع. عدنان سمیع کی اس پوسٹ کے نیچے بہت سارے پاکستانی اور بھارتی مداحوں نے نہ صرف تشویش کا اظہار کیا ہے بلکہ پوچھا ہے کہ کیا وجہ ہے آپ نے ایسا کیوں لکھا ہے.ایک مداح نے لکھا، ’’کیا ہوا جناب؟ میرے خیال میں یہ ایک

نئی شروعات ہے! آپ کا نیا گانا یا کچھ اور؟” ایک اور انسٹاگرام صارف نے اس پوسٹ پر تبصرہ کیا، ’’کیا آپ ٹھیک ہیں سر‘‘۔ تاہم عدنان سمیع کی طرف سے ابھی تک اس چیز کی وضاحت سامنے نہیں‌ آئی کہ انہوں نے اپنے اکائونٹ سے تمام پوسٹیں کیوں ڈیلیٹ کر دیں اور کیوں الوداع لکھا. یاد رہےکہ عدنان سمیع خان کا تعلق پاکستان سے ہے یہیں وہ پلے بڑھے اور کیرئیر کی شروعات بھی یہیں سے کیں ان کی سابقہ اہلیہ زیبا بختیار اور ان کا بیٹا اذان سمیع خان یہیں پر رہتے ہیں. لیکن عدنان سمیع خان نے پاکستان کی شہریت کو ٹھوکر مار کر 2016 میں بھارت کی شہریت لے لی تھی. انہیں بھارت میں 2020 میں پدم شری ایوارڈ سے نوازا گیا تھا۔

سابقہ مس یونیورس سشمیتا سین اپنے رشتوں‌کو لیکر ہمیشہ ہی خبروں میں‌رہتی ہیں. آج کل وہ للت مودی کے ساتھ اپنے رشتے کو لیکر ہیں‌کافی خبروں میں. للت مودی کروڑ پتی بزنس مین ہیں لہذا سوشل میڈیا پر کوئی سشمیتا کے اس نئے رشتے پر تبصرے کررہا ہے، کوئی ہے اس رشتے پر خوش تو کوئی سشمیتا کو پیسے کے پیچھے بھاگنے والی خاتون قرار دے رہا ہے، شمیتا کو اپنی خاموشی توڑنی پڑ گئی ہے انہوں نے کہا ہے کہ میں‌پیسے کے پیچھے بھاگنے والی خاتون نہیں‌ہوں اور میں سونے پر ہیرے کو ترجیح دیتی ہوں. میں ہیرے پسند کرتی ہوں اور ان کو اپنے پیسوں سے خریدنا پسند کرتی ہوں. سشمیتا سین نے جس لمحے ناقدین کو دیا جواب اسی لمحے بالی

وڈ شخصیات ان کے حق میں‌کھڑی ہو گئیں پریانکا چوپڑہ نے کہا کہ ان سے کہیں کہ میں ملکہ ہوں، رنویر سنگھ نے دل والے ایمو جیز بنائے ، جبکہ نیہا دھوپیا نے ہارٹ اور فائر کا ایموجی بنایا ، اسی طرح سے دیا مرزا نے بھی سشمیتا کے حق کی بات کی اور انہیں ٹرول کئے جانے کو ناپسند کیا. سشمیتا سین نے مزید یہ بھی کہا کہ میں اپنے مداحوں اور محبت کرنے والوں کی شکر گزار ہوں اور میں ان کو بتانا چاہتی ہوں کہ میں خوش ہوں اور ٹھیک ہوں. یاد رہے کہ للت مودی نے جب سشمیتا سین کے ساتھ اپنے رشتے کے بارے میں سوشل میڈیا پر لکھا تو لوگوں کی طرف سے جب مختلف قسم کے تبصرے ہوئے تو انہوں نے کہا کہ ہم ابھی صرف ایک دوسرے کے ساتھ اچھا وقت گزار رہے ہیں شادی نہیں‌کی، اُدھر سشمیتا سین کو بھی اس رشتے کے حوالے سے وضاحتیں دینی پڑرہی ہیں.

فواد خان عموما سوشل میڈیا پر کم ہی اپنی وڈیوز جاری کرتے ہیں لیکن گزشتہ دنوں انہوں نے انسٹاگرام پر کی اپنی ایک وڈیو جاری جس میں انہوں نے اپنے پرستاروں سے میوزک ڈائریکٹر میکال حسن کی سٹوڈیو کی تعمیر میں ان کی مدد کرنے کی درخواست کی. ویڈیو پیغام میں کہا کہ بہت سے گلوکاروں نے اپنے پہلے گانے میکال حسن کے اسٹوڈیو میں ریکارڈ کیے اور خود ان کی بھی ماضی میں اس اسٹوڈیو سے ریکارڈنگ کے حوالے سے وابستگی رہی. پاکستان کے ہر عظیم گلوکار کی کسی نہ کسی طرح میکال حسن کے ڈیجیٹل فیڈیلیٹی اسٹوڈیو سے ماضی میں وابستگی رہی ہے۔ فواد خان نے کہا کہ میکال حسن کے

سٹوڈیو نے نامور گلوکار متعارف بھی کروائے یہ وہ تاریخی سٹوڈیو جہاں بڑے بڑے گلوکار آکر اپنا گانا ریکارڈ کرواتے رہے ہیں. فواد خان نے کہا کہ اس سٹوڈیو کا دوبارہ بننا بہت ضروری ہے اسکے لئے میں آپ سب سے درخواست کرتا ہوں کہ میکال حسن کی مدد کی جائے. یاد رہے کہ میوزک ڈائریکٹر میکال حسن کا سٹوڈیو آتشزدگی کی وجہ سے تباہ ہو گیا تھا اب اسکی دوبارہ سے تعمیر کی ضرورت ہے یہی وجہ ہے کہ ان کے تمام دوست اپنے پرستاروں سے اپیل کررہے ہیں کہ وہ میکال کا سٹوڈیو بنانے میں اس کی مدد کریں. فواد خان کی میکال حسن سے خاصی دوستی ہے اس دوستی کا لیول ان کا وڈیو پیغام جاری کرنے سے لگایا جا سکتا ہے.

آج تمام دنیا کی سلیبرٹیز انسٹاگرام پر موجود ہیں اور اسی پلیٹ فارم سے وہ اپنے مداحوں سے اپنے چاہنے والوں سے رابطے میں رہتی ہیں.ہمارے ہاں سینئر شوبز سلیبرٹیز کم ہی سوشل میڈیا پر ہیں اگر کوئی ہے بھی تو فیس بک پر، انسٹاگرام ہر کم ہی ہیں. لیکن آہستہ آہستہ کرکے سلیبرٹیز اب انسٹاگرام پر آرہی ہیں اداکارہ انجمن کا شمار بھی انہی میں ہوتا ہے جنہوں نے حال ہی میں انسٹاگرام جوائن کیاہے. جی ہاں پنجابی فلموں کی معروف اداکارہ انجمن بھی انسٹاگرام پر آگئی ہیں انہوں نے حال ہی میں‌اپنا انسٹاگرام اکائونٹ بنایا ہےاب انجمن کے پرستار ان کو باقاعدگی سے دیکھ سکا کریں گے.انجمن نے اکائونٹ پر ابھی صرف چھ تصاویر اپ لوڈ کی ہیں.انجمن نے حال ہی میں سلطان راہی کی قبر پر ھاضری دی تھی اس دوران بنی ہوئی تصاویر شئیر کرتے ہوئے انہوں نے انسٹاگرام کا استعمال شروع کیا ہے.

اس حوالے سے انجمن کہتی ہیں کہ مجھے بہت عرصے سے دوست احباب کہہ رہے تھے کہ میں اکائونٹ بنائوں اور اپنے پرستاروں کے ساتھ وہاں بات چیت کیا کروں اپنی سرگرمیاں شئیر کروں.انجمن جو فلموں سے دور دکھائی دیتی ہیں وہ ہمیں‌ نہ بڑی سکرین پر نظر آرہی ہیں نہ ہی چھوٹی سکرین پر. اداکارہ کہتی ہیں کہ وہ کام کرنا چاہتی ہیں لیکن کوئی ان کی پسند کا کام انہیں مل رہا. یاد رہے کہ انجمن نے نوے کی دہائی کے آخر میں چند فلموں میں‌کام کیا اس کے بعد سے آج تک وہ کسی فلم میں‌نظر نہیں‌ آئیں.

عالیہ بھٹ نے جب سے اپنے حاملہ ہونے کی خبر اپنے پرستاروں کے ساتھ شئیر کی ہے ان کو ہر طرف سے مبارکباد یں مل رہی ہیں ۔ ساتھ ہی ساتھ ان کے بارے میں ایسے دعوے بھی کئے جا رہے ہیں جن میں کوئی صداقت نہیں ہے ۔ایک ایسا ہی دعوی ان کے بارے میں کیا گیا کہ ان کے حاملہ ہونے کی وجہ سے رنبیر کپور انہیں اب لندن لینے کے لئے جائیں گے۔ عالیہ نے انسٹاگرام پوسٹ پر کیا ناراضگی کا اظہار اور کہا کہ میں ایک عورت ہوںکوئی پارسل نہیںہوں کہ مجھے پک کیا جائے ۔مجھے بالکل بھی رنیبر کپور لندن لینے نہیں آرہے ۔یوں عالیہ نے لیا جھوٹے دعوے کرنے والوں کو آڑھے ہاتھوں ۔ ایک بھارتی اخبار کے مطابق

عالیہ اپنی ہالی وڈ کی شوٹنگ ختم کرکے کچھ دن آرام کریں گی اور انہوں نے طے کر رکھا ہے کہ وہ کسی بھی صورت اپنی کمٹمنٹس کو خراب نہیں ہونے دیں گی اور جو جو شوٹنگ کروانی ہیںوہ کروائیں گی ۔یاد رہے کہ دو روز قبل عالیہ نے اپنے حاملہ ہونے کی خبر انسٹاگرام کے زریعے مداحوں کیساتھ شئیر کی تھی اور رنبیر کپور جو کہ اس وقت سپین میں فلم کی شوٹنگ کررہے ہیں ان کی خوشی کی انتہا یہ ہے کہ انہوں نے اپنے ہونے والے بے بی کی شاپنگ ا بھی سے شروع کر دی ہے۔

پریانکا چوپڑہ جن کے بھارت سمیت پوری دنیا میں بڑی تعداد میں مداح پائے جاتے ہیں انہیں سوشل میڈیا پر بہت زیادہ فالو کیا جا تا ہے خصوصی طور پر انسٹاگرام پر ، انسٹاگرام پر ان کے فالورز کی تعداد 79ملین سے بھی زیادہ ہیں اور پریانکا چوپڑہ انسٹاگرام پر بہت زیادہ متحرک رہتی ہیں مختلف کیپشنز کے ساتھ اپنی ذاتی مصروفیات کو تصاویر اور کیپشنز کے زریعے شئیر کرتی رہتی ہیں ۔گزشتہ روز اچانک ان کا انسٹاگرام غائب ہو گیا ان کے مداح ایکدم سے پریشان ہو گئے کہ آخر ویری فائیڈ اکاﺅنٹ کو ہوا کیا ہے اور کیوں پریانکا کا اکاﺅنٹ منظر سے غائب ہے۔ان کے مداح ان کے اکاﺅنٹ کی

تلاش میں تھے کہ پریانکا چوپڑہ کے آفیشل آکاﺅنٹ سے ایک مداح کو جواب دیا گیا اور اس میں کہا گیا کہ پریانکا کا اکاﺅنٹ ڈاﺅن ہو گیا ہے اسکو بحال کرنے کی کوششیں کی جا رہی ہیں۔کافی گھنٹوں کے بعد اداکارہ کا اکاﺅنٹ بحال ہو گیا اور ان کے مداحوں نے لیا سکھ کا سانس ۔پریانکا چوپڑہ کے مداح تب تک پریشان رہے جب تک انہیں اپنی پسندیدہ اداکارہ کا اکاﺅنٹ دوبارہ دیکھنے کو نہیں ملا ۔یاد رہے کہ پریانکا چوپڑہ نہ صرف اداکارہ ہیں بلکہ گلوکارہ بھی ہیں وہ اپنے شوہر کے ساتھ اکثر اپنی تصاویر شئیر کرتی رہتی ہیںان کی تصاویر پر لاکھوں کے حساب سے لائکس اور کمنٹس ہوتے ہیں ۔اِدھر وہ پوسٹ کرتی ہیں اُدھر مداح ڈھیروں ڈھیر کمنٹس کرتے ہیں۔

نوجوان نسل کے نمائندہ فنکار نعمان سمیع نے کیا ایسا انکشاف کے سب حیران رہے گئے. نعمان سمیع نے سوشل میڈیا پر بتایاکہ وہ اداکاری سے قبل ریسٹورانٹ میں ویٹر کا کام کر چکے ہیں یہاں تک کہ ٹوائلٹ صاف کرنے کے ساتھ کچرا اٹھانے کا کام بھی کر چکے ہیں. نعمان سمیع نے پہلی بار یہ انکشاف بھی کسی صارف کے کمنٹ پر کیا. تفصیلات کے مطابق نعمان سمیع نے گزشتہ روز انسٹاگرام پر اپنی ایک تصویر شئیر کی اس تصویر کے نیچے بہت سارے لوگوں نے کمنٹس کئے ایک صارف نے لکھا کہ آپ تو اس شرٹ میں فوڈ‌ پانڈہ کے ڈیلیوری بوائے لگ رہے ہیں جس پر اداکار نے ان کو لکھا کہ جو یہ کام کرتے ہیں ان کو اپنے کام پر فخر ہونا چاہیے اور میں تو ٹائلٹ تک صاف کرنے کا کام کر چکا ہوں تو میرے لئے فوڈ پانڈہ کا ڈیلیوری بوائے لگنا مضحکہ خیز بات نہیں ہے. اور جو لوگ یہ کام کرکے اپنے خاندان

کے لئے روزی رزق کما رہے ہیں ان کو خود پہ فخر ہونا چاہیے. نعمان سمیع کے ایسے جواب کے بعد اس صارف نے معافی مانگتے ہوئے کہا کہ میرا مقصد کسی کا بھی دل دکھانا نہیں تھا اور نہ ہی میں کسی کا مذاق بنا رہا تھا .نعمان سمیع کے جواب کو سوشل میڈیا پر کافی سراہا گیا اور وہاں‌موجود صارفین نے نعمان سمیع پر فخر ہے جیسی باتیں کیں.
یاد رہے کہ نعمان سمیع ابھرتے ہوئے فنکار ہیں بڑے پراجیکٹس کا حصہ بن چکے ہیں شوبز زندگی سے ہٹ کر دیکھیں تو ان کا نام اداکارہ علیزے شاہ کے ساتھ جوڑا جاتا ہے.

پنجابی گلوکار سدھو موسے والا کے انسٹاگرام پر فالورز کی تعداد میں دن بہ دن اضافہ ہو رہا ہےان کی موت کے بعد اس تعداد میں تیزی سے بڑھ رہی ہے۔ان کے قتل سے لیکر اب تک ان کے فالورز کی تعداد دس ملین تک جا پہنچی ہے۔
رپورٹس کے مطابق سدھو موسے والا نے انسٹاگرام پر اپنی زندگی میں دو سو اکتیس پوسٹیں کیں ان کی موت کے بعد اب تک اس اکائونٹ سے چار مزید پوسٹیں کی جا چکی ہیں کہا جا رہا ہے کہ ان کا انسٹاگرام اکائونٹ ان کی فیملی چلا رہی ہے۔

یاد رہے کہ ایک ماہ قبل بھارتی پنجابی گلوکار سدھو موسے والا کو گولیاں مار کر ہلاکر کر دیا گیا تھا ان کی موت کے بعد پولیس تحقیقات کررہی ہے اور ہر گزرتے دن کے ساتھ تحقیقات کا دائرہ وسیع کررہی ہے سی سی فوٹیج کی مدد سے مشکوک لوگوں کی شناخت بھی ہوئی ہے۔مرنے سے قبل جس جگہ ان کی گاڑی رکی وہاں سدھو موسے والا اپنے پرستاروں کے ساتھ سلیفیاں لیتے دکھائی دے رہے ہیں ان میں کچھ مشکوک لوگ بھی دیکھے گئے ہیں جو سدھو موسے والا کی وہاں سے روانگی کے بعد کسی کو اطلاع دے رہے تھے۔ سدھو موسے والا ہر دلعزیز گلوکار تھے ان کی موت کے بعد اب تک ہر آنکھ اشکبار ہے۔