Baaghi TV

Tag: اہم ترین

  • حکومت اورشوگرملز کےمذاکرات،چینی کی برآمد سےمتعلق فیصلہ نہ ہوسکا

    حکومت اورشوگرملز کےمذاکرات،چینی کی برآمد سےمتعلق فیصلہ نہ ہوسکا

    اسلام آباد: حکومت اور شوگر ملز مالکان کے درمیان چینی برآمد (ایکسپورٹ) سے متعلق مذاکرات ہوئے تاہم اس حوالے سے کوئی فیصلہ نہ ہوسکا۔

    وفاقی وزیر نیشنل فوڈ سیکیورٹی طارق بشیر چیمہ نے کہا ہے کہ ہم نے شوگرز ملز کو چینی باہر بھیجنے کی کرنے اجازت ابھی نہیں دی، شوگر ملز کو ایک فارمولا دیا ہے، شوگر انڈسٹری اس کے ساتھ آئے تو دیکھیں گے۔

    طارق بشیر چیمہ نے کہا کہ پنجاب حکومت نے پہلے کہا چینی کے اسٹاک کم نہیں ہیں اس لیے برآمد کی اجازت نہ دی جائے اور آج پنجاب حکومت نے اپنے پہلے موقف پر 180 ڈگری کا یوٹرن لے لیا ہے۔

    وفاقی وزیر تجارت نوید قمر نے کہا کہ ابھی تک مسئلہ چینی کے اسٹاک کی پوزیشن کا مسئلہ رہا، چینی کے اسٹاک کا تھرڈ پارٹی آڈٹ کا فیصلہ کیا ہے، تھرڈ پارٹی کی طرف چینی کے اسٹاک کی تعداد کے بعد فیصلہ کیا جائے گااطلاعات کے مطابق اجلاس میں فیصلہ کیا گیا کہ شوگر ملز مالکان ملک میں 25 نومبر تک کے اسٹاک کی تفصیلات جمع کروائیں۔

    دوسری جانب چیئرمین پاکستان شوگر ملز ایسوسی ایشن ذکا اشرف نے کہا ہے کہ حکومت نے ہمیں چینی برآمد کی ابھی اجازت نہیں دی اور لمبی سڑک پر ڈال دیا، چینی برآمد نہ کرنے کی اجازت ملنے پر شوگر ملز کا اجلاس طلب کریں گئے، شوگر ملز نے ابھی تک ہڑتال نہیں کی۔

    انہوں نے کہا کہ کے پی، سندھ، پنجاب کی شوگر ملز چینی برآمد کرنے کے فیصلے کا انتظار کر رہی ہیں، شوگر ملز کو اکویٹی کے مسائل کا سامنا ہے ، چینی کی مارکیٹ میں قیمت 85 روپے جبکہ فی کلو لاگت 115 روپے آتی ہے، شوگر صعنت کو یومیہ 10 کروڑ نقصان کا سامنا ہوگا اور ایک سیزن میں 4 سے 5 ارب روپے کا نقصان ہوگا۔

    آرمی چیف تقرری؛ وزیر دفاع نے وزیراعظم ہاؤس کو سمری موصول ہونے کی تصدیق کردی
    خبردار۔!ایوان اقتدارمیں تھرتھلی۔24گھنٹےاہم:اعظم سواتی،بیگم تہجدگزار،بیٹا شراب کا سوداگر۔ثبوت حاضر ہیں۔
    جی ایچ کیو نے آرمی چیف اور چیئرمین جوائنٹ چیفس آف اسٹاف کی تعیناتی کی سمری بھجوا دی، آئی ایس پی آر
    فیروز نڈیاڈوالا اکشے کمار کے بغیر ویلکم 2 اور آوارہ پاگل دیوانہ 2 بنائیں گے؟
    جنوبی وزیرستان میں دہشت گردوں سے مقابلے میں پاک فوج کا جوان شہید

     

  • ملتان : خاتون کو تصاویر کے ذریعے بلیک میل کرنے والا گرفتار

    ملتان : خاتون کو تصاویر کے ذریعے بلیک میل کرنے والا گرفتار

    ملتان: ایف آئی اے سائبر کرائم سرکل ملتان نے خاتون کو ہراساں اور بلیک میل کرنے والے ملزم کو گرفتار کرلیا۔ذرائع کے مطابق سائبر کرائم سرکل ملتان نے کامیاب ریڈ کرتے ہوئے ملزم افتخار مرتضٰی کو بہاولپور سے گرفتار کرلیا۔ ملزم شکایت کنندہ کی قابل اعتراض تصاویر اور ویڈیوز شیئر کرنے میں ملوث تھا۔

    ایف آئی اے کے مطابق ملزم شکایت کنندہ کو بلیک میل بھی کررہا تھا، ابتدائی تفتیش کے مطابق ملزم کے موبائل فون سے قابل اعتراض مواد برآمد کر لیا گیا۔

    حکام کے مطابق ملزم کے زیر استعمال موبائل کو قبضے میں لے کر فرانزک کے لیے ارسال کردیا گیا ہے، ملزم کے خلاف پیکا ایکٹ کے تحت مقدمہ درج کرکے تفتیش شروع کردی گئی ہے۔

    وفاقی تحقیقاتی ادارے (ایف آئی اے) نے خاتون کو قابل اعتراض تصاویر اور ویڈیوز کے ذریعے ہراساں کرنے والے ملزم کو گرفتار کرلیا۔
    ایف آئی اے سائبرکرائم سرکل فیصل آباد نے خاتون کو ہراساں کرنے میں ملوث ملزم گرفتار کیا جس کی شناخت تنویر عالم کے نام سے ہوئی۔

    وفاقی تحقیقاتی ایجنسی کی جانب سے جاری اعلامیے کے مطابق شکایت کنندہ کی قابل اعتراض تصاویر اور ویڈیوز شیئر کرنے میں ملوث ملزم کو جڑانوالہ میں چھاپہ مار کارروائی کے نتیجے میں گرفتار کیا گیا۔

    ترجمان کے مطابق ملزم شکایت کنندہ کو بلیک میل بھی کررہا تھا، ملزم غیر اخلاقی تصاویر اپلوڈ نہ کرنے کے عوض رقم بھی ہتھیا چکا تھا اور شکایت کنندہ کو جان سے مارنے کی دھمکیاں بھی دے رہا تھا۔

    ایف آئی اے نے ملزم کے زیر استعمال موبائل کو قبضے میں لے کر فرانزک کے لئے بھیجوا دیا جبکہ پیکا ایکٹ کے تحت مقدمہ درج کر کے تفتیش شروع کردی۔

    آرمی چیف تقرری؛ وزیر دفاع نے وزیراعظم ہاؤس کو سمری موصول ہونے کی تصدیق کردی
    خبردار۔!ایوان اقتدارمیں تھرتھلی۔24گھنٹےاہم:اعظم سواتی،بیگم تہجدگزار،بیٹا شراب کا سوداگر۔ثبوت حاضر ہیں۔
    جی ایچ کیو نے آرمی چیف اور چیئرمین جوائنٹ چیفس آف اسٹاف کی تعیناتی کی سمری بھجوا دی، آئی ایس پی آر

  • کراچی:آرزو فاطمہ کا والدین کےپاس جانےکا فیصلہ،عدالت نے کیس ختم کردیا

    کراچی:آرزو فاطمہ کا والدین کےپاس جانےکا فیصلہ،عدالت نے کیس ختم کردیا

    کراچی: سندھ ہائی کورٹ نےپسند کی شادی کرنے والی آرزو فاطمہ کے والدین کے پاس جانے سےمتعلق بیان کے بعد کیس ختم کردیا۔جسٹس کے کے آغا کی سربراہی میں سندھ ہائی کورٹ کے 2 رکنی بینچ کے روبرو سندھ چائلڈ میرج ریسٹرینٹ ایکٹ 2013ء کی خلاف ورزی سے متعلق آرزو فاطمہ کے والدین کی درخواست پر سماعت ہوئی، جس میں کم عمر لڑکی آرزو فاطمہ عدالت میں پیش ہوئی۔

    عدالت نے استفسار کیا کہ کیا بچی والدین کے ساتھ خوش ہے؟ جس پر آرزو فاطمہ نے بیان دیتے ہوئے کہا کہ جی والدین کے ساتھ خوش ہوں۔ عدالت نے استفسار کیا کہ کسی کا دباؤ یا خوف تو نہیں ہے؟ آرزو فاطمہ نے کہا کہ نہیں مجھے کسی قسم کا خوف نہیں ہے، والدین کے پاس رہنا چاہتی ہوں۔عدالت نے آرزو فاطمہ کے بیان کے بعد والدین کی زیر سماعت درخواست نمٹادی۔

    واضح رہے کہ 13 سالہ مسیحی لڑکی آروز فاطمہ نے اسلام قبول کرکے 44 سالہ علی اظہر سے شادی کرلی تھی۔ والدین نے بچی گمشدگی کیخلاف سندھ ہائیکورٹ سے رجوع کیا تھا۔ عدالت کے حکم پر بچی کو بازیاب کراکر عدالت میں پیش کیا گیا۔ میڈیکل رپورٹ میں آرزو کم عمر ثابت ہوگئی تھی، جس پر سندھ ہائیکورٹ نے کم عمری کی شادی کرنے والی آرزو فاطمہ کو دارالامان بھیج دیا تھا۔

    دسمبر 2021ء میں عدالت نے آرزو فاطمہ کو 18 سال کی عمر تک والدین کے ساتھ رہنے کی اجازات دی تھی۔ سندھ چائلڈ میرج ریسٹرینٹ میرج ایکٹ 2013ء کے تحت 18 سال سے کم عمر لڑکی یا لڑکا شادی نہیں کر سکتے۔ چائلڈ میرج ریسٹرینٹ ایکٹ کی خلاف ورزی کی سزا 2 سال اور ایک لاکھ جرمانہ ہے جب کہ خلاف ورزی میں معاونت کرنے والوں کو بھی 2 سال کی سزا ہوسکتی ہے۔

    آرمی چیف تقرری؛ وزیر دفاع نے وزیراعظم ہاؤس کو سمری موصول ہونے کی تصدیق کردی
    خبردار۔!ایوان اقتدارمیں تھرتھلی۔24گھنٹےاہم:اعظم سواتی،بیگم تہجدگزار،بیٹا شراب کا سوداگر۔ثبوت حاضر ہیں۔
    جی ایچ کیو نے آرمی چیف اور چیئرمین جوائنٹ چیفس آف اسٹاف کی تعیناتی کی سمری بھجوا دی، آئی ایس پی آر

  • مینار پاکستان پر خاتون ٹک ٹاکر سے بدتمیزی کیس: ریمبو سمیت 16 ملزمان پر فرد جرم عائد

    مینار پاکستان پر خاتون ٹک ٹاکر سے بدتمیزی کیس: ریمبو سمیت 16 ملزمان پر فرد جرم عائد

    لاہور میں گزشتہ سال یوم آزادی کے موقع پرگریٹر اقبال پارک( مینار پاکستان) میں خاتون ٹک ٹاکر سے بدتمیزی کےکیس میں عدالت نے ملزم ریمبو سمیت 16 ملزمان پر فرد جرم عائد کر دی۔یہ بھی اطلاعات ہیں کہ تمام ملزمان نے صحت جرم سے انکارکیا ہے جب کہ لاہور کی سیشن عدالت نے آئندہ سماعت پرگواہوں کو طلب کرلیا ہے۔

    مقدمے میں شامل ارسلان، عابد احمد اور افتخار سمیت 16 ملزمان پیش ہوئے، عدالت نے ایک ملزم حسنین کو طلب کرنے کے باوجود پیش نہ ہونے پر اشتہاری قرار دے دیا۔خیال رہے کہ 14اگست 2021 کو مینار پاکستان پر خاتون سے بدتمیزی کا واقعہ پیش آیا تھا۔

    جشن آزادی کے دن لوگوں کی بڑی تعداد گریٹر اقبال پارک میں جمع تھی، ایسے میں ٹک ٹاکر خاتون عائشہ اکرام اپنے دو ساتھیوں عامر سہیل اور صدام حسین کے ساتھ وہاں پہنچیں اور ویڈیوز بنانا شروع کر دیں۔

    اچانک منچلوں کے ایک گروہ نے خاتون پر ہلہ بول دیا، کپڑے پھاڑے اور انہیں ہوا میں اچھالتے رہے، خاتون دہائی دیتی رہی جو کسی نے نہ سنی،خاتون نے بڑی مشکل سے جان چھڑائی، اس ہنگامہ آرائی کی ویڈیو وائرل ہوئی تو پولیس نے 400 افراد کے خلاف مقدمہ درج کرلیا تھا۔

    سابق چیئرمین FBR شبر زیدی نے کہا ہے کہ پاکستان دیوالیہ ہو گیا ہے

    دیوالیہ پن سے بچاؤ کے لئے فلپائن ایئر لائن امریکی عدالت پہنچ گئی

  • کیا شوہر بیوی کی بھانجی سے شادی کرسکتا ہے؟لاہور ہائیکورٹ میں انوکھا کیس،زبردست فیصلہ

    کیا شوہر بیوی کی بھانجی سے شادی کرسکتا ہے؟لاہور ہائیکورٹ میں انوکھا کیس،زبردست فیصلہ

    لاہور:ہائی کورٹ میں انوکھے کیس میں جج کے ریمارکس بھی زبردست ،اطلاعات کے مطابق کیا شوہر اپنی بیوی کی سگی بھانجی سے شادی کرسکتا ہے؟ لاہور ہائیکورٹ میں انوکھا کیس سامنے آگیا۔دوسری بیوی کی بازیابی کیس میں جسٹس انوارالحق پنوں کی عدالت میں دوران سماعت درخواست گزار مشتاق احمد کی پہلی بیوی 4 بچوں سمیت کمرہ عدالت میں پہنچ گئی۔

    اوکاڑہ سے لاہور ہائی کورٹ میں دائر ہونے والے اس کیس کے حوالے سے آج ہونے والی سماعت میں شہری کی پہلی بیوی کا کہنا تھا کہ مشتاق احمد نے اسے طلاق نہیں دی اور بھانجی سے زبردستی دوسری شادی کرلی۔ عدالت نے مشتاق احمد کی درخواست مسترد کرتے ہوئے 35 ہزارروپے جرمانہ کردیا۔

    درخواست گزار کے وکیل نے مؤقف اپنایا کہ دوسری بیوی سائلہ احمد اپنے شوہر کے ساتھ جانا چاہتی ہے، جسٹس انوارالحق پنوں نے قراردیا اگر کوئی کنوئیں میں چھلانگ لگانا چاہے تو کیا عدالت اجازت دیدے۔

    عدالت نے دوسری بیوی کو اس کے والدین کے ساتھ بھجوا دیا، اوکاڑہ کے رہائشی مشتاق احمد نے دوسری بیوی کی سسرالیوں سے بازیابی کےلئے رجوع کیا تھا۔

    یاد رہے کہ پچھلے سال ایک ایسے ہی واقعہ میں خاوند نے بیوی کی بھانجی سے شادی کی ضد اپنے ہی پانچ بچے قتل کردیئےتھے

    سابق چیئرمین FBR شبر زیدی نے کہا ہے کہ پاکستان دیوالیہ ہو گیا ہے

    دیوالیہ پن سے بچاؤ کے لئے فلپائن ایئر لائن امریکی عدالت پہنچ گئی

  • امام خمینی ایئرپورٹ سٹی کی تعمیر:چینی کمپنی کو3 ارب یورو کا ٹھیکہ دے دیا گیا

    امام خمینی ایئرپورٹ سٹی کی تعمیر:چینی کمپنی کو3 ارب یورو کا ٹھیکہ دے دیا گیا

    امام خمینی ایئرپورٹ سٹی کے ڈائریکٹر جنرل سعید چلندری کا کہنا ہے کہ امام خمینی ایئرپورٹ سٹی میں نجی شعبے کی طرف سے عمل درآمد کے لیے تین بلین یورو مالیت کے منصوبوں کی منظوری دی گئی ہے، جہاں آٹھ چینی کمپنیوں نے ٹرمینل بنانے کے لیے تیاری کا اعلان کیا ہے۔

    انہوں نے کہا کہ 30,000 بلین ریال کے منصوبوں کا ایک بیڑا اس وقت جاری ہے، جس میں سے 21,200 بلین ریال کی مالی اعانت امام خمینی ایئرپورٹ سٹیاور 8,750 بلین ریال نجی سرمایہ کاروں کے ذریعے کی گئی ہے۔

    چلندری نے کہا، "نجی شعبے کی سرمایہ کاری کے لیے تقریباً 3 بلین یورو کے اٹھارہ منصوبے تیار کیے گئے ہیں۔”ان میں سے 13 منصوبے امام خمینی ایئر پورٹ سٹی کی حدود میں واقع ہیں جنہیں جلد ہی بولی کے لیے پیش کیا جائے گا۔

    "منصوبوں میں سے ایک 410,000 میٹر کا ٹرمینل 3 ہے، جس کے لیے آٹھ چینی کمپنیوں اور چار ملکی کمپنیوں نے سرمایہ کاری کے لیے تیاری کا اعلان کیا ہے”، چلندری نے کہا، انھوں نے مزید کہا کہ انھیں توقع ہے کہ موجودہ ایرانی کے اختتام تک ایک مفاہمت نامے یا معاہدے پر دستخط ہو جائیں گے۔

    امام خمینی ہوائی اڈہ ، تہران سے 30 کلومیٹر جنوب مغرب میں، اس وقت 10 ملین مسافروں کی سالانہ ہینڈلنگ صلاحیت کے ساتھ کام کر رہا ہے، بنیادی طور پر اپنے پہلے ٹرمینل T1 کے ذریعے۔ گزشتہ جون میں، ایران نے حجاج کے لیے وقف سلام ٹرمینل کھولا، لیکن یہ کے ماسٹر توسیعی منصوبے کا حصہ نہیں ہے۔

    مئی میں، ایک اہلکار نے کہا کہ ایک گھریلو سرمایہ کار کو ایک سال میں 25 ملین مسافروں کو سنبھالنے کے لیے T2 بنانے کی منظوری دی گئی تھی۔ یہ منصوبہ ابتدائی طور پر فرانسیسیوں کو دیا گیا تھا جنہوں نے 2017 میں ایران پر نئی امریکی پابندیوں کے پیش نظر 2.8 بلین ڈالر کا معاہدہ منسوخ کر کے اسے ترک کر دیا تھا۔

    حکام کا کہنا ہے کہ حتمی منصوبہ ایک تیسرا ٹرمینل، T3 بھی تعمیر کرنا ہے، جس کی صلاحیت کو سالانہ 90 ملین مسافروں تک بڑھانا ہے۔

    سابق چیئرمین FBR شبر زیدی نے کہا ہے کہ پاکستان دیوالیہ ہو گیا ہے

    دیوالیہ پن سے بچاؤ کے لئے فلپائن ایئر لائن امریکی عدالت پہنچ گئی

  • کراچی جم خانہ میں‌ 45 واں گولڈ کپ،زبردست مقابلے

    کراچی جم خانہ میں‌ 45 واں گولڈ کپ،زبردست مقابلے

    کراچی:شہر قائد کے مشہور جم خانہ کلب جسے کراچی جم خانہ کلب کے نام سے یاد کیا جاتا ہے ، اس میں خواجہ احتشام الدین میموریل بریج گولڈ کپ ہوا ،جس میں 12 ٹیموں نے حصہ لیا اور زبردست کھیل پیش کیا اور کامیابیاں حاصل کیں

    کراچی جم خانہ سے ملنے والی اطلاعات میں بتایا گیا ہےکہ پہلے اورابتدائی مقابلے میں اس ٹورنا منٹ میں شرکت کرنے والی ٹیم نمبر6 کاشف شاہ – انیس الرحمان – شیخ عبدالمقیت – وجاہت علی سوری کی ٹیم نے کامیابی حاصل کی اور 71.99 پوائنٹس اسکور کیے

    جبکہ ایڈوانچر مقابلوں میں ٹیم نمبر 8 نے محمد نسیم آرزو – سرفراز احمد – سلیم ذکی – شاہین اقبال 64.90 پوائنٹس لیے ، ایسے ہی ٹیم نمبر3 جس میں‌فاطمہ رضا – انور ممتاز قزلباش – ضیاء ہے – اظہر اقبال شامل تھے نے 64.68 پوائٹس اسکورحاصل کیئے

     

     

    جیزی گروپ میں ٹیم نمبر 4 جس میں مرزا ضیاء اللہ بیگ – سید حسین جعفر – مسعود مظہر – میجر زیدی – راشد الغازی شامل تھے 63.13 کا اسکورحاصل کرکے کامیابی حاصل کی ،جبکہ رئیل اسٹیٹ گروپ میں جس میں محمد مبشر پوری – خالد محی الدین – حامد محی الدین – تحسین گھی والا نے کھیل کا مظآہرہ کیا ، اس ٹیم نے 61.47 کا اسکورحاصل کیا

     

    [wp-embedder-pack width=”100%” height=”400px” download=”all” download-text=”” attachment_id=”570684″ /]

    مائنڈ اسپورٹس کی ٹیم جس میں اصغر عباس زیدی – طارق رشید خان – کام۔ سمیع‘ افضال احمد شیخ شامل تھے ، اس ٹیم نے 57.68 اسکورحاصل کیے، ایسے ہی کے بی اے کی ٹیم جس کا 10واں نمبرتھا، اور جس میں مشاہد حسن صدیقی – طارق ظفر صدیقی – ایس عابد ممتاز – ظفر ذکی – منہاج قدوائی – فرحت عباس شامل تھے ، اس ٹیم نے 47.45 اسکورحاصل کیا

    KG گروپ میں عثمان خالد ذکی – اطہر سعید – طاہر دادا – عثمان اے انصاری – زینت ازورپر مشتمل ٹیم تھی ، اس نے 44.92 پوائٹ اسکورکیئےایسے ہی چیس وی گروپ میں جس میں فاروق غفار – سلیم چامڈیا – اکبر حیات خان – عابد بھائیلہ – عزیر داؤد نے کھیل پیش کیا ، اس ٹیم نے 43.73 کا اسکورحاصل کیا افق مرحلے میں روبینہ سعید ہے – قدسیہ ڈوسا – محمود ڈوسا – میرانگ بائرمجی نے 39.74 پوائنٹس حاصل کیئے،کے جی جے کی درجہ بندی میں جس میں ندیم کاظمی – جلال خان – شیخ حبیب الرحمان – فضل احمد – فیروز کھنڈ والا – کلیم باکزہ شامل تھے ، اس گروپ نے 23.53 اسکورحاصل کیے،ایسے ہی دی پنک ٹیم نوچھی کریئر جس میں نادرہ شیخ – چینو ایوب – لیلیٰ ہاشوانی – طاہرہ نقوی شامل تھیں نے 16.78 سب سے کم اسکورحاصل کیا

    پاک فوج ملکی سلامتی کی ضامن۔ شہدا کی قربانیوں پر فخر
    پاکستانی طلبا و طالبات نے 14 ممکنہ نئے سیارچے دریافت کرلیے
    ہمت ہے تو کھرا سچ کا جواب دو، پروپیگنڈہ مبشر لقمان کو سچ بولنے سے نہیں روک سکتا

  • راولپنڈی پی ٹی آئی لانگ مارچ کی سیکیورٹی کےلیے آنے والے اہلکاروں کا ناقص کھانے پرشکوہ

    راولپنڈی پی ٹی آئی لانگ مارچ کی سیکیورٹی کےلیے آنے والے اہلکاروں کا ناقص کھانے پرشکوہ

    راولپنڈی :پی ٹی آئی لانگ مارچ کی سیکیورٹی کےلیے آنے والے اہلکاروں کا ناقص کھانے پرشکوہ،اطلاعات کے مطابق راولپنڈی میں‌ پی ٹی آئی لانگ مارچ کی سیکیورٹی کے لیے پنجاب بھر سے آئی نفری کی شکایات سامنے آئی ہیں جن میں‌ غیرمعیاری کھانے ملنے کا شکوہ کیا گیا ہے

    یہ بھی معلوم ہوا ہے کہ ناقص غذا کی فراہمی پر پولیس اہلکار پھٹ پڑے ، جس پر بار بار کھانے میں دال کھلانے پر پولیس نفری نے احتجاج شروع کردیا، صورتحال اس حد تک پہنچ گئی کہ "دال اے دال اے کیڑے والی دال اے” کے نعروں سے پولیس کیمپ گونج اٹھا

    دوسری طرف کھانے کے معیار کے حوالے سے شکایت پر سی پی او راولپنڈی سید شہزاد ندیم بخاری نے نوٹس لے لیا ہے ، ایس پی ہیڈکوارٹرز سے رپورٹ طلب کرلی گئی ہے اور ناقص کھانے کے حوالے سےشکایات کا جائزہ لینےکا فیصلہ کیا گیا ہے

    سی پی او راولپنڈی سید شہزاد ندیم بخاری کا کہنا تھاکہ ایس پی ہیڈکوارٹرز، ڈی ایس ہیڈکوارٹرز اور یونٹس کے فوکل پرسن روزانہ خود کھانے کا معیار چیک کر رہے ہیں، سی پی او راولپنڈی سید شہزاد ندیم بخاری نے ہدایات جاری کرتے ہوئے کہا کہ کھانے کی فراہمی سے قبل افسران کھانے کا معیار خود چیک کریں،

    سی پی او سید شہزاد ندیم بخاری نے کہا کہ فورس کو فراہم کئے جانے والے کھانے کے معیار پر کوئی سمجھوتہ نہیں کیا جائے گا،

     

    پاک فوج ملکی سلامتی کی ضامن۔ شہدا کی قربانیوں پر فخر
    پاکستانی طلبا و طالبات نے 14 ممکنہ نئے سیارچے دریافت کرلیے
    ہمت ہے تو کھرا سچ کا جواب دو، پروپیگنڈہ مبشر لقمان کو سچ بولنے سے نہیں روک سکتا

  • کراچی: سولجر بازار سے خاتون اور مرد کی لاشیں برآمد

    کراچی: سولجر بازار سے خاتون اور مرد کی لاشیں برآمد

    کراچی :شہر قائد کے علاقے سولجر بازار سے لاپتا خاتون اور مرد کی لاشیں برآمد ہوگئیں۔مرنے والی خاتون کے شوہرکے مطابق ستارہ 9 ستمبرکو لاپتا ہوئی تھی اور اسی دن ہلاک مرد رضوان بھی اپنے گھرسے غائب ہوا تھا۔

    تلاش کے دوران دونوں گزشتہ روز بیہوشی کی حالت میں کلفٹن میں ایک مال کے پاس سے ملے تھے جس پر دونوں کے اہلخانہ انہیں اسپتال کے بجائے اپنے اپنے گھر لے گئے۔

    ذرائع کے مطابق رضوان نے مرنے سے قبل بتایا ہے کہ انہوں نے کیڑے مارنے والی دوا پی کر خودکشی کی کوشش کی تھی۔پولیس کا کہنا ہے کہ معاملہ خودکشی کا لگتا ہے لیکن غیرت کے نام پرقتل کے پہلو پر بھی تحقیقات کررہے ہیں۔

    دوسری طرف گوجرانوالہ میں یونیورسٹی کی طالبہ نے ڈاکوؤں سے اسلحہ چھین کر واردات نا کام بنادی۔یونیورسٹی آف گجرات کی طالبہ بسمہ اپنی والدہ کے ہمراہ بینک جا رہی تھی کہ دو مسلح ملزمان نے گلشن کالونی کے قریب ان سے پرس چھیننے کی کوشش کی لیکن طالبہ نے ڈرنے کی بجائے جرات کا مظاہرہ کرتے ہوئے ڈاکو سے پستول چھین لیا۔

    طالبہ اور ڈاکوئوں کے مابین مزاحمت دیکھ کر شہری بھی مدد کو آگئے اور دونوں ڈاکوئوں کو پکڑ کر پولیس کے حوالے کردیا۔پکڑے جانے کے بعد دونوں ڈاکو ہاتھ جوڑ کر معافیاں مانگتے رہے، تھانہ کینٹ پولیس نے دونوں ڈکیتوں کو گرفتار کر کے مقدمہ درج کر لیا ہے۔

    پاک فوج ملکی سلامتی کی ضامن۔ شہدا کی قربانیوں پر فخر
    پاکستانی طلبا و طالبات نے 14 ممکنہ نئے سیارچے دریافت کرلیے
    ہمت ہے تو کھرا سچ کا جواب دو، پروپیگنڈہ مبشر لقمان کو سچ بولنے سے نہیں روک سکتا

  • پنجاب پولیس کے افسران اور اہلکاروں پر لانگ مارچ میں شرکت پر پابندی عائد

    پنجاب پولیس کے افسران اور اہلکاروں پر لانگ مارچ میں شرکت پر پابندی عائد

    لاہور: آئی جی پنجاب نے پولیس افسران و اہلکاروں پر لانگ مارچ میں شرکت پر سخت پابندی عائد کردی۔ذرائع کے مطابق ائی جی پنجاب نے مراسلہ سی سی پی او لاہورسمیت صوبہ بھر میں جاری کردیا، جس میں پی ٹی آئی لانگ مارچ کے دوران پولیس افسران واہلکاروں کی شرکت پر سخت احکامات جاری کیے گئے ہیں۔

    مراسلے میں کہا گیا ہے کہ پنجاب پولیس کے تمام افسران اور اہلکاروں پر لازم ہے کہ وہ اپنی ذمہ داریاں انجام دیں اور کوئی بھی ماتحت افسر یا اہلکار سیاسی جلسے جلوسوں کاحصہ نہیں بنے، احکامات کی خلاف ورزی کرنے والوں کے سخت ایکشن ہوگا۔

    مراسلے میں کہاگیا ہے کہ ماتحت افسران اور اہلکار سیاسی جلسے جلوسوں کی ڈیوٹی کے دوران یونیفارم کے تقدس قائم رکھیں ۔ کوئی ماتحت افسر اور اہلکار جلسے جلوسوں میں نعرہ بازی بھی نہیں کرے گا اور نہ شرکا کے ساتھ مل کر کسی بھی قسم کا حصہ لے گا، پولیس کی گاڑیاں بھی سیاسی جلسے جلوسوں کے شرکا یا کسی بھی جلسے جلوس کے لیے استعمال نہیں ہوں گی۔

    آئی جی پنجاب کی جانب سے جاری مراسلے میں کہا گیاہ ے کہ پولیس کی گاڑیاں اور سامان صرف جلسے اور جلوسوں کے شرکا کی سیکیورٹی کے لیے استعمال کی جائیں گی۔

    مراسلے میں سختی سے کہا گیا ہے کہ یونیفارم میں تصاویر لینا اور سوشل میڈیا سائٹس پر عوامی خیالات کے لیے پوسٹ کرنا ممنوع ہے ایسا کرنے والوں کیخلاف محکمانہ کارروائی شروع کی جائے گی۔

    آئی جی پنجاب کے حکم نامے میں کہا گیا ہے کہ ‏ پولیس وردی کے وقار اور فورس کے مقدس اصولوں کو مدنظر رکھتے ہوئے سرکاری فرائض انجام دینے کا اعادہ کیا جاتا ہے۔

    یاد رہے کہ چیئرمین تحریک انصاف پاکستان (پی ٹی آئی) عمران خان نے پارٹی رہنماؤں اور کارکنوں کو 26 نومبر کو راولپنڈی پہنچنے کی کال دے دی۔

    لانگ مارچ کے شرکا سے ویڈیو خطاب کے دوران عمران خان نے ’’حقیقی آزادی‘‘ مارچ کے دوسرے مرحلے کا اعلان کرتے ہوئے کہا کہ ہماری تحریک نہیں روکے گی، 26 نومبر کو شفاف انتخابات کا مطالبہ کریں، ساری قوم مل کر ہمارے ساتھ جدوجہد کرے، سب سے اگلے ہفتے پنڈی میں ملاقات ہوگی۔

    پاک فوج ملکی سلامتی کی ضامن۔ شہدا کی قربانیوں پر فخر
    پاکستانی طلبا و طالبات نے 14 ممکنہ نئے سیارچے دریافت کرلیے
    ہمت ہے تو کھرا سچ کا جواب دو، پروپیگنڈہ مبشر لقمان کو سچ بولنے سے نہیں روک سکتا