Tag: ایران

جنیوا: اقوام متحدہ کے خصوصی دفتر ’’اعلیٰ کمشنر برائے انسانی حقوق‘‘ نے ایرانی حکومت سے مطالبہ کیا ہے کہ مظاہرین پر طاقت کے بے جا استعمال کے بجائے انسانی حقوق کی فراہمی اور عوامی مطالبات کو پورا کریں۔

عالمی خبر رساں ادارے کے مطابق یو این کے ذیلی ادارے ہائی کمشنر فار ہیومن رائٹس نے ایران میں جاری مظاہروں کو طاقت سے کچلنے کے حکومتی اقدامات کی مذمت کرتے ہوئے کہا کہ مظاہرین کے خلاف کریک ڈاؤن میں بچوں سمیت 300 افراد کی ہلاکت پر تشویش ہے۔اقوام متحدہ کے اعلیٰ کمشنر برائے انسانی حقوق کی جانب سے جاری بیان میں کہا گیا ہے کہ ایران کے 31 میں سے 25 صوبوں میں احتجاج کے دوران 300 سے زائد افراد مارے گئے جن میں 40 سے زائد بچے بھی شامل ہیں۔

اقوام متحدہ کے خصوصی دفتر یو این کمشنر انسانی حقوق کے ترجمان نے جنیوا میں پریس بریفنگ میں مطالبہ کہ ایرانی حکام مظاہروں پر طاقت کے غیر ضروری استعمال کے بجائے عوامی امنگوں کو سمجھیں اور ان کے مطالبات پورے کریں۔ترجمان جیریمی لارنس نے ایران میں کرد شہروں کے ساتھ امتیازی سلوک پر بھی تشویش کا اظہار کرتے ہوئے کہا کہ ایران میں سیکیورٹی فورسز نے کردوں کو خصوصی طور پر نشانہ بنایا۔

خیال رہے کہ رواں ہفتے کے آخر میں اقوام متحدہ کی انسانی حقوق کونسل احتجاجی مظاہروں پر بحث کرے گی جس میں سفارت کاروں کے ساتھ ساتھ گواہوں اور متاثرین کی شرکت بھی متوقع ہے۔

رائٹرز کو حاصل ہونے والے اقوام متحدہ کے دستاویز کے مطابق اس سیشن میں ایران میں کریک ڈاؤن پر ’’فیکٹ فائنڈنگ مشن‘‘ قائم کرنے کی تجویز بھی پیش کی جائے گی اور اگر بدسلوکی یا انسانی حقوق کی سنگین خلاف ورزی کا ایک بھی ثبوت ملا تو اسے عالمی عدالت میں لے جایا جائے گا۔

ایران نے ملک گیر مظاہروں کے پیچھے غیر ملکی دشمنوں اور ان کے ایجنٹوں کو قرار دیتے ہوئے کہا کہ دشمنوں کی سازش کو کامیاب نہیں ہونے دیں گے جس میں اب تک 46 سے زائد سیکیورٹی اہلکار بھی مارے گئے ہیں۔

ادھر قطر میں ایران کی ورلڈ کپ ٹیم نے مظاہروں کی حمایت کی علامت کے طور پر اپنے افتتاحی میچ میں قومی ترانے کو ساتھ ساتھ پڑھنے کے بجائے اس پر خاموشی اختیار کئے رکھی تھی۔

کارکن تپتی دھوپ میں سڑکوں پرخوار،موصوف ہیلی کاپٹر پرسوار،مریم کا عمران خان پر طنز

خیبرپختونخوا حکومت کا ہیلی کاپٹر جلسوں میں استعمال کیا جا رہا ہے،وفاقی وزیر اطلاعات

تہران :ایران نے بڑی طاقتوں کے ساتھ ایٹمی معاہدہ ختم ہونے کے بعد یورینیئم کی افزودگی دوبارہ شروع کردی۔ایران کے سرکاری میڈیا کے مطابق فورڈو کے جوہری پلانٹ میں یورینیئم کو 60 فیصد تک افزودہ کرنے کا کام شروع کر دیا گیا ہے۔

دنیا کی بڑی طاقتوں کے ساتھ ایٹمی معاہدہ ختم ہونے کے بعد ایران کا زیر زمین فورڈو جوہری پلانٹ تین سال پہلے دوبارہ کھولا گیا تھا۔

خبر رساں ادارے اے ایف پی کے مطابق ایران کی طرف سے یورینیئم کی افروزدگی کا آغاز ایٹمی سرگرمیوں کی نگرانی کرنے والے ادارے کی طرف سے اس قرارداد کی منظوری کے جواب کا حصہ ہے جس میں مغربی طاقتوں نے ایران پر عدم تعاون کا الزام لگاتے ہوئے اس کی مذمت کی تھی۔

واضح رہے کہ جوہری ہتھیار بنانے کے لیے یورینیئم کو 90 فیصد تک افزودہ کرنے کی ضرورت ہوتی ہے۔ اس لیے 60 فیصد افزودگی جوہری بم کی تیاری کی سمت میں اہم قدم ہے۔

ایران نے جوہری ہتھیار تیار کرنے کے کسی بھی ارادے سے ہمیشہ انکار کیا ہے اور اس بات پر اصرار کیا ہے کہ اس کی جوہری سرگرمیاں صرف غیر فوجی مقاصد کے لیے ہیں۔

2015 میں ہونے والے تاریخی معاہدے کے تحت، ایران نے فورڈو پلانٹ کا استعمال بند کرنے اور وہاں یورینیئم کی افزودگی کو 3.67 فیصد تک محدود کرنے پر اتفاق کیا تھا، جو زیادہ تر سول استعمال کے لیے کافی ہے۔ جواب میں بڑی طاقتوں نے ایران کے جوہری پروگرام پر عائد پابندیوں میں نرمی پر اتفاق کیا تھا۔

لیکن 2018 میں یہ معاہدہ اس وقت ناکامی سے دوچار ہونا شروع ہو گیا جب سابق امریکی صدر ڈونلڈ ٹرمپ نے واشنگٹن کو اس معاہدے سے الگ کر لیا اور ایران پر دوبارہ تباہ کن پابندیاں عائد کر دیں۔

کارکن تپتی دھوپ میں سڑکوں پرخوار،موصوف ہیلی کاپٹر پرسوار،مریم کا عمران خان پر طنز

خیبرپختونخوا حکومت کا ہیلی کاپٹر جلسوں میں استعمال کیا جا رہا ہے،وفاقی وزیر اطلاعات

یورپی یونین نے ایران کے وزیرداخلہ اور سرکاری ٹی وی سمیت 29 شخصیات اور اداروں پرنئی پابندیاں عائد کردیں۔

عرب میڈیا کے مطابق یورپی یونین کی جانب سے جاری بیان میں ایران میں مظاہرین پر تشدد کی مذمت کرتے ہوئے ایرانی وزیرداخلہ احمد واحدی، ایرانی انقلابی گارڈ کے چیف، سائبرپولیس کے سربراہ شامل ہیں یورپی یونین کی ایران کی 29 کمپنیوں اور شخصیات پرعائد پابندیوں میں سفری پابندیاں، اثاثوں کا منجمد ہونا اوردیگر شامل ہیں۔

چین اور ایران امریکہ میں مخالفین کی جاسوسی کرارہے ہیں، امریکی فیڈرل بیورو آف انویسٹی گیشن

یورپی یونین کی خارجہ پالیسی کے سربراہ جوزف بوریل نے سوموارکوایک بیان میں کہا ہے کہ تنظیم ایران میں مظاہرین کے خلاف ناقابلِ قبول پرتشدد کریک ڈاؤن کی شدیدمذمت کرتی ہے ہم ایرانی عوام کے ساتھ کھڑے ہیں اوران کے پُرامن احتجاج کے حق کی حمایت کرتے ہیں،ان کے مطالبات اور خیالات کو آزادانہ طور پر آوازدیتے ہیں ہم آج ایرانی مظاہرین کو دبانے کے ذمہ دارحکام اور اداروں پراضافی پابندیاں عائد کررہے ہیں-

ان پابندیوں کی زد میں آنے والے ایرانی عہدے دار،افراد یورپی یونین کے رکن ممالک کا سفرنہیں کرسکیں گے۔یورپ میں ان کےاثاثے منجمد کرلیے جائیں گے اور یورپی یونین کے شہری اور کمپنیاں ممنوعہ فہرست میں شامل افراداور ایرانی اداروں کے ساتھ کوئی مالی لین دین نہیں کرسکیں گے۔

امریکا: یونیورسٹی میں فائرنگ، فٹبال ٹیم کے3 کھلاڑی ہلاک،2 طلبہ زخمی

ایران میں 16 ستمبرکو 22 سالہ خاتون مہسا امینی کی پولیس کی حراست میں موت کے بعد سے احتجاجی مظاہرے جاری ہیں۔مظاہرین ملک گیراحتجاج میں ایرانی حکومت کے خاتمے کا مطالبہ کررہے ہیں اور رہبرِاعلیٰ آیت اللہ علی خامنہ ای سمیت اعلیٰ عہدے داروں کے خلاف سخت نعرے بازی کررہے ہیں۔

حکومت نے اس کے جواب میں مظاہرین کے خلاف پرتشدد کریک ڈاؤن کیاہے۔سکیورٹی فورسز کے ساتھ جھڑپوں میں تین سو سے زیادہ افراد ہلاک ہوچکے ہیں اور ہزاروں کو گرفتارکرلیا گیا ہے۔

ترکیہ میں زوردار دھماکا،5 جاں بحق اور 40 زخمی

امریکی فیڈرل بیورو آف انویسٹی گیشن نے انکشاف کیا ہے کہ چین اور ایران امریکہ میں مخالفین کی جاسوسی کے لیے نجی تفتیش کاروں کو استعمال کر رہے ہیں۔

باغی ٹی وی : امریکی اخبار "نیو یارک ٹائمز” کے مطابق ایف بی آئی کے تفتیش کاروں نے نیویارک اور کیلیفورنیا سمیت متعدد امریکی ریاستوں میں ایرانی نجی جاسوسوں کی تیزی سے موجودگی کی تصدیق کی۔

تائیوان پہلی سرخ لکیر ہے جو امریکا چین تعلقات میں عبور نہیں ہونی چاہیے،چینی صدر

ایف بی آئی کا کہنا تھا کہ ایران تفتیش کاروں کو یہ معلوم کرنے کے لیے استعمال کر رہا ہے کہ لوگ کہاں رہتے ہیں اور ان کی شناخت کیا ہے۔ ایران ان نجی جاسوسوں کے ذریعہ سے مخالفین کے فون نمبرز اور کام کی جگہ کا تعین بھی کرا رہا ہے۔

ایف بی آئی نے وضاحت کی کہ ایرانی انٹیلی جنس نے ممتاز ایرانی نژاد امریکی صحافی مسیح علی نجاد کو اغوا کرنے کی کوشش بھی کی ہے۔

امریکہ کو چین کے ساتھ تنازع میں نہیں گھسیٹا جائے گا. امریکن صدر جوبائیڈن

واضح رہے 16 ستمبر کو حجاب نہ کرنے پر گرفتاری کے بعد مہسا امینی کی پولیس کی حراست میں موت کے بعد سے مظاہرے جاری ہیں۔ دو ماہ سے زیادہ عرصہ سے مظاہرین سڑکوں پر ہیں اور ایرانی حکام کے خلاف شدید نعرہ بازی کر رہے ہیں-

ان مظاہروں میں درجنوں افراد ہلاک ہوچکے ہیں کم از کم دو ہزار افراد کے خلاف مقدمات قائم کیے جا چکے اور اتوار کے روز پہلی مرتبہ ایک احتجاجی شہری کو موت کی سزا بھی سنا دی گئی ہے۔

چینی صدر دسمبر میں سعودی عرب کا دورہ کریں گے:سعودی وزارت خارجہ

ایرانی وزیر خارجہ نے الزام لگایا ہے کہ مغربی ملک ایران میں فساد پھیلا رہے ہیں-

باغی ٹی وی : ایران کی طرف سے ایک بار پھر اس الزام کا اعادہ کیا گیا ہے کہ ایران میں جاری فسادات اور احتجاج میں ‘پٹرول بم’ کا آتش گیر ہتھیار مغربی ممالک کی حمایت سے استعمال کیا جارہا ہے۔

کوئی ضمانت نہیں کہ صبروتحمل کی حکمت عملی زیادہ دیرتک قائم رہ سکےگی،ایران کا سعودی…

ایران کے اعلی سفارت کار نے الزام لگایا ہے کہ مغربی ممالک ایران میں تشدد کو بڑھاوا دے رہے ہیں یہ مغربی ممالک ہی ہیں جو احتجاج کرنے والوں کو ‘مولوٹوو کاکٹیل’ نامی آگ بھڑکانے والے ہتھیار بنانے اور استعمال کرنے کی شہہ دے رہا ہے۔

"العربیہ ڈاٹ نیٹ” کے مطابق ایرانی وزیر خارجہ حسین امیرعبداللہیان نے اقوام متحدہ کے سیکرٹری جنرل انتونیو گوتریس سے فون پر بات کرتے ہوئے الزام لگایا ہے کہ مغربی ممالک ایران میں تشدد کو ہوا دے رہے ہیں۔مغربی حکومتیں سوشل نیٹ ورکس اور میڈیا کے ذریعے ایرانی مظاہرین کو آتشگیر مادے سے ہتھیار بنانا سکھا رہے ہیں۔

یوکرین کے خلاف روس کو جنگ میں مسائل کا سامنا ہے،امریکی صدر

ایرانی وزیر خارجہ نے اپنے اس حالیہ فون کال میں کہا کہ مغربی ممالک کے ساتھ رابطوں میں رہنے والے مظاہرین ایرانی پولیس افسران کو قتل کر رہے ہیں اور ایران میں عدم استحکام پیدا کر رہے ہیں۔ نتیجتاً دہشت گرد گروپوں کو بھی اپنی کارروائیوں کا موقع مل رہا ہے۔ جیسا کہ 26 اکتوبر کو شیراز میں ایک شیعہ درگاہ پر حملے میں 13 افراد ہلاک ہو چکے ہیں۔

واضح رہے ایران میں مہسا امینی کی پولیس حراست میں ہلاکت کے بعد سے فسادات جاری ہیں۔ مہسا امینی کی ہلاکت سولہ ستمبر کو ہوئی تھی اب تک احتجاج کے دوران درجنوں مظاہرین اور درجنوں سیکورٹی اہلکار مارے جا چکے ہیں۔ اسی طرح سینکڑوں مظاہرین کو گرفتار بھی کیا جا چکا ہے۔

کس نے کہا ہے کہ روس ایٹمی جنگ کی تیاری کررہا ہے:جھوٹ سے کام نہ لیاجائے:روس

ایران کے انٹیلی جنس وزیرنے سعودی عرب کوخبردارکیا ہے کہ اس بات کی کوئی ضمانت نہیں کہ ان کا ملک صبروتحمل کی حکمت عملی کو جاری رکھے گا۔

باغی ٹی وی : العربیہ نے اپنی رپورٹ میں ایران کی سرکاری خبررساں ایجنسی ایرنا کے حوالے سے بتایا کہ وزیربرائے سراغرسانی اسماعیل خطیب نے کہا کہ سعودی عرب کے معاملے میں،میں کہتا ہوں کہ ہمارے پڑوس کی وجہ سے ہماری اور خطے کے دیگرممالک کی قسمت ایک دوسرے سے جڑی ہوئی ہے۔ایران کے نقطہ نظر سے خطے کے ممالک میں کوئی بھی عدم استحکام متعدی ہے اورایران میں کوئی بھی عدم استحکام خطے کے ممالک میں متعدی ہوسکتا ہے۔

اس وقت ایران میں ستمبر کے وسط میں اخلاقی پولیس کے زیرحراست نوجوان خاتون مہسا امینی کی پُراسرارموت کے ردعمل میں ملک گیرمظاہرے جاری ہیں۔ایرانی حکومت نے بیرونی ممالک پربدامنی پھیلانے اور مظاہرین کی حوصلہ افزائی کرنے کا الزام عاید کیاہے جبکہ وہ خود ان مظاہرین کو’’فسادی‘‘ قراردیتی ہے۔

ایرانی وزیرنے مزید کہا کہ ایران نے اب تک مضبوط عقلیت کے ساتھ اسٹریٹجک صبروتحمل کواپنایا ہے لیکن مخاصمت کے تسلسل کی صورت میں اس اسٹریٹجک صبرکے تسلسل کی کوئی ضمانت نہیں دی جاسکتی۔ بلاشبہ اگر اسلامی جمہوریہ ایران نے ان ممالک کو بدلہ دینے اور سزا دینے کی پالیسی اختیارکی تو شیشے کے محلات منہدم ہوجائیں گے اوران ممالک کو استحکام نظر نہیں آئے گا-

انٹیلی جنس وزیر کا انتباہ تناؤ کی بڑھتی ہوئی حالت کے درمیان آیا ہےحالیہ دنوں میں یہ دوسراموقع ہے جب کسی ایرانی عہدہ دارنے سعودی قیادت کے حوالے سے’’شیشے کے محلات‘‘ کا لفظ استعمال کیا ہے۔

پاکستان ایران جوائنٹ بارڈر کمیشن کا سالانہ اجلاس ایران میں شروع

چند ہفتے قبل ایران نے سعودی عرب کوملفوف دھمکی دی تھی اور انتباہ جاری کیا تھاجب ایران کی سپاہ پاسداران انقلاب کے اعلیٰ کمانڈر حسین سلامی نے کہاتھا کہ سعودی رہنماؤں کو اسرائیل پرانحصارنہیں کرناچاہیے اور یہ کہ سعودی رہنما ’شیشے کے محلات‘ میں رہتے ہیں۔

اب انٹیلی جنس وزیرکایہ انتباہ ایسے وقت میں سامنے آیا ہے جب امریکی اخبار وال اسٹریٹ جرنل کی ایک رپورٹ کے بعد دونوں ممالک میں کشیدگی میں اضافہ ہوا ہے اس میں کہا گیا ہے کہ سعودی عرب نے امریکا کے ساتھ کچھ انٹیلی جنس معلومات کا تبادلہ کیا ہے۔اس میں مملکت میں اہداف پرایران کی طرف سے ’’آنے والے حملے‘‘پرخبردار کیا گیا تھا۔

رپورٹ میں مزید کہا گیا ہے کہ سعودی عرب، امریکا اور خطے کے دیگر پڑوسی ممالک نے اپنی فوجی قوتوں کے لیے الرٹ کی سطح کو بڑھا دیا ہے۔

پاکستان کوقرضوں میں ریلیف اتنا نہیں ملاجتناملنا چاہیے تھا،انتونیو گوتریسایرانٕ

واشنگٹن نے سعودی عرب کے خلاف ایرانی خطرے پر تشویش کا اظہار کرتے ہوئے کہا کہ اگر ضرورت پڑی تو وہ اس کا جواب دینے سے دریغ نہیں کرے گا۔

قومی سلامتی کونسل کے ترجمان نے کہا کہ ہمیں خطرے کی تصویر پر تشویش ہے اور ہم سعودیوں کے ساتھ فوجی اور انٹیلی جنس چینلز کے ذریعے مسلسل رابطے میں ہیں ہم خطے میں اپنے مفادات اور شراکت داروں کے دفاع میں کام کرنے سے دریغ نہیں کریں گے۔

پاکستان ایران جوائنٹ بارڈر کمیشن کا سالانہ اجلاس ایران کے شہر زاہدان میں شروع ہوگیا۔

باغی ٹی وی : پاکستان ایران جوائنٹ بارڈر کمیشن کے سالانہ اجلاس میں پاکستانی وفد کی قیادت چیف سیکرٹری بلوچستان عبدالعزیز عقیلی جبکہ کے ایران کے وفد کی قیادت گورنر جنرل سیستان بلوچستان حسین مدرس خیا بانی کر رہے ہیں۔

پاکستان یہ کیسے کرلیتا ہے! ‘پاکستان کی فتح پرسابق ویسٹ انڈین کرکٹرحیران

پاکستانی وفد میں اعلیٰ وفاقی و صوبائی حکام سکیورٹی اداروں کے افسران اور چیمبر آف کامرس کے نمائندگان بھی شریک ہیں۔

دو روزہ مشترکہ سرحدی کمیشن کے اجلاس میں پاک ایران سرحد پر لوگوں کی نقل و حرکت، دوطرفہ تجارت، منشیات کی آمدورفت اور دونوں ممالک کے درمیان 900 کلومیٹر سے زائد سرحد سے متعلق دیگر امور پر بات چیت کی جا رہی ہے۔

ٹھٹھہ : بااثر منشیات فروش گرفتار،علاقہ میدان جنگ میں تبدیل ،ہرطرف فائرنگ ،منشیات…

دو روزہ اجلاس میں بارڈر سکیورٹی، دونوں ممالک کے درمیان باہمی تجارت، ثقافت اور تعلیم کے شعبوں میں تعلقات کے فروغ سے متعلق معاملات ایجنڈہ کا حصہ ہیں۔

دونوں ممالک کے وفود نے پاکستان اور ایران کےدرمیان دوطرفہ تجارت کو بڑھانےاور آگے بڑھنے کے لیے مختلف تجاویز پیش کیں دونوں ممالک ہمیشہ ہر سہ ماہی کے بعد سرحدی کمیشن کا اجلاس منعقد کرتے ہیں۔

دونوں ممالک کمیشن کے اجلاس کے اختتام پر مسائل اور دوطرفہ تجارت کو بڑھانے کے بارے میں مشترکہ اعلامیہ جاری کریں گے۔

کسانوں کو بیج اور کھاد پر 5 ہزار فی ایکڑ سبسڈی دینے کا اعلان

ایران نے روس کی مدد سے سیٹلائٹ بھیجنے کے تین ماہ بعد مصنوعی سیاروں کو خلا میں لے جانے کی صلاحیت رکھنے والے راکٹ کی کامیاب آزمائشی پرواز کا اعلان کیا ہے۔

باغی ٹی وی : "الجزیرہ ” کے مطابق ایران نے اعلان کیا ہے کہ اس نے ہفتے کے روز کامیابی کےساتھ سیٹلائٹ راکٹ کی آزمائیشی پرواز ممکن بنالی ہے۔ یہ راکٹ مصنوعی سیاروں کو خلا میں لے جانے کی صلاحیت رکھتا ہے۔ روس کے ساتھ اس سلسلے کے معاہدے کے تین ماہ بعد ایران نے اس آزمائشی پرواز کی کامیابی کا اعلان کیا ہے۔

امریکہ نے بارہا اس تشویش کا اظہار کیا ہے کہ اس طرح کے لانچوں سے ایران کی بیلسٹک میزائل ٹیکنالوجی کو فروغ مل سکتا ہے، جس سے جوہری وار ہیڈز کی ممکنہ ترسیل تک پہنچ سکتی ہے۔

تاہم ایران کا ہمیشہ یہ کہنا رہا ہے کہ وہ جوہری ہتھیارنہیں چاہتا ہے۔ اس کے راکٹ اور سیٹلائٹ شہری ضروریات کے لیے ہیں عسکری مقاصد کے لیے نہیں۔

ایران کے سرکاری ٹیلی وژن نے کہا ہے کامیاب آزمائش سے گذرنے والے راکٹ کا نام غیم 100 ہے اس کا ٹیسٹ کامیابی کے ساتھ مکمل ہو گیا ہے Rafe ٹھوس ایندھن والی گاڑی کا استعمال کرتے ہوئے اس لانچر کا فلائٹ ٹیسٹ کامیابی سے مکمل ہو گیا ہے-

سرکاری میڈیا نے رپورٹ کیا کہ پاسداران انقلاب کے ایرو اسپیس ڈویژن کے سربراہ، امیر علی حاجی زادہ، جس نے غیم 100 تیار کیا، نے کہا کہ یہ راکٹ ٹیلی کمیونیکیشن کی وزارت کے لیے ایران کے ناہید سیٹلائٹ کو لانچ کرنے کے لیے استعمال کیا جائے گا۔

رپورٹس میں مزید کہا گیا کہ ہفتہ کے آپریشن نے راکٹ کے پہلے ذیلی مداری مرحلے کا تجربہ کیا۔

برطانیہ "ہیکنگ کا عالمی مرکز”،بھارتی ہیکرز نے پاکستانی سیاستدانوں اور اعلیٰ حکام کے…

یہ راکٹ پاسدران انقلاب کے ذیلی ادارے ایروسکوپ آرگنائزیشن نے تیار کیا ہے۔ یہ ملک میں تیار کردہ پہلا تین مدارج کا حامل ٹھوس ایندھن والا سیٹلائٹ لانچر ہے ، یہ 80 کلو گرام تک کے وزنی سیٹلائٹ کو 500 کلو میٹر کے فاصلے تک زمین سے اوپر لے جا سکتا ہے۔

ایران اپریل 2020 میں پہلا عسکری سیٹلائٹ خلا میں بھیجا تھا جس پر امریکہ نے سخت مذمت کی تھی۔ اسی سال ماہ اگست میں ایران نے ایک اور سیٹلائٹ خلا میں بھیجا گیا اس کا نام خیام تھا خیام کو روس نے قازقستان کے بائیکونور کاسموڈروم سے سویوز-2.1b راکٹ کے ذریعے لانچ کیا تھا۔

ایران کی خلائی ایجنسی کا کہنا ہے کہ یہ آلہ روس نے ایران کی نگرانی میں بنایا تھا

اس کے بارے میں امریکہ کو تشویش ہے کہ اس کی بدولت ایران کی جاسوسی کی صلاحیت میں اضافہ ہو جائے گا۔ اس لیے روس اور ایران کا باہمی اتحاد دنیا کے لیے خطرے کا باعث ہے۔

ایرانی خلائی ادارے نے اس امریکی موقف کو رد کرتے ہوئے کہا تھا خیام کا مقصد ایرانی سرحدوں کی حفاظت اور نیز اس سے قدرتی وسائل اور زراعت کے شعبے میں مدد دینا ہو گا۔

ایران، جس کا مشرق وسطیٰ میں سب سے بڑا میزائل پروگرام ہے، پچھلے کچھ سالوں میں تکنیکی مسائل کی وجہ سے کئی ناکام سیٹلائٹ لانچوں کا الزام لگا چکا ہے۔

ڈپریشن کا علاج اب مشروم کے ذریعے کیا جا سکے گا