Baaghi TV

Tag: ایف آئی اے

  • جعلی شناختی کارڈز بنانے میں نادرا کے ہی افسران ملوث نکلے

    جعلی شناختی کارڈز بنانے میں نادرا کے ہی افسران ملوث نکلے

    شناختی کارڈز کے غیر قانونی اجراء کیس میں بڑی پیشرفت سامنے آئی ہے

    جعلی شناختی کارڈز بنانے میں نادرا کے ہی افسران ملوث نکلے،ایف آئی اے کی جانب سے جعلی شناختی کارڈز بنانے میں ملوث 4 رکنی گینگ گرفتار کر لیا گیا،گرفتار ملزمان میں محمد طاہر، عدنان عمار، محمد عامر خان اور محمد طیب شامل ہیں،گرفتار ملزمان نادرا میگا سینٹر اسلام آباد میں بطور ڈپٹی اسسٹنٹ ڈائریکٹر اور سنئیر ایگزیکٹیو تعینات رہے،ملزمان نے دوران تعیناتی سال 2019 اور 2020 میں غیر ملکیوں کو شناختی کارڈ جاری کئے۔ملزمان احساس پروگرام کے نام پر مزدور طبقے کا بائیو میٹرک لیکر فیملی ٹری میں افغان شہریوں کا اندراج کرتے رہے،ملزمان مختلف ایجنٹوں کی ملی بھگت سے سادہ لوح شہریوں کو رقوم کا لالچ دے کر اپنے جال میں پھنساتے رہے

    گرفتار ملزمان مزدور طبقے کو چند روپوں کا لالچ دے کر فیملی ٹری کا غیر قانونی استعمال کرتے تھے۔ملزمان نے متعدد مزدورں کی فیملی ٹری میں افغان شہریوں کا اندراج کیا۔ملزمان دیہاڑی دار مزدور اور نشے کے عادی لوگوں کو افغان شہریوں کا والد ظاہر کرتے تھے۔دوران تعیناتی گرفتار ملزمان نے متعدد شناختی کارڈز جاری کئے،ملزمان نے شناختی کارڈ جاری کرنے کی آڑ میں بھاری رقوم وصول کیں،ملزمان کو اسلام آباد سے گرفتار کیاگیاتفتیش جاری ہے

    لیڈی ہیلتھ ورکرز کو رات کے وقت بلانے پر سپریم کورٹ کے ریمارکس،بیان حلفی میں کیا کہا گیا؟

    جعلی ڈگریوں پرملازمت کیس میں سپریم کورٹ کے اہم ریمارکس

    اکیلی عورت لفٹ لے کر فرنٹ سیٹ پر کیسے بیٹھ گئی، عدالت کے ریمارکس

     پولیس نے مدرسے کے لڑکے سے بد فعلی کے ملزم مفتی عزیز الرحمن کے خلاف مقدمہ درج کر دی

    مولانا کی بچے سے زیادتی ، ویڈیو لیک ، اصل حقیقت کیا ہے ، سنیے مبشر لقمان کی زبانی

    مذہبی رہنماوں کا ردعمل

    طالب علم نے چائے پلائی اور پھر….مفتی عزیرالرحمان کی زیادتی کیس میں وضاحتی ویڈیو

    طالب علم سے زیادتی کرنیوالے مفتی کو مدرسہ سے فارغ کر دیا گیا

  • بینکنگ فراڈ میں ملوث اشتہاری ملزم 9 برس بعد گرفتار

    بینکنگ فراڈ میں ملوث اشتہاری ملزم 9 برس بعد گرفتار

    کراچی: ایف آئی اے نے بینکنگ فراڈ میں ملوث اشتہاری ملزم کو 9 برس بعد گرفتار کرلیا۔

    باغی ٹی وی: ترجمان ایف آئی اے کے مطابق ملزم نے دیگر ساتھیوں کی ملی بھگت سے نجی بینک کے 2 کروڑ 45 لاکھ روپے غبن کئے تھے، ملزم عبدالمجید کے خلاف سال 2014 میں مقدمہ درج ہوا تھا، ملزم کو کراچی کے علاقے لی مار کیٹ سے گرفتار کیا گیا، ملزم گز شتہ 9 سال سے روپوش تھا جبکہ ملزم کی گرفتاری کے لئے متعدد بار چھاپے مارے گئے، ملزم کو گرفتار کر کے تفتیش کا آغاز کر دیا گیا-

    دوسری جانب شہرقائد کے علاقے شاہ فیصل کالونی میں ڈاکوؤں نےا سلحے کے زور پر پولیس افسرکو فیملی سمیت لوٹ لیاشہرمیں پولیس اسٹریٹ کرمنلز پر قابو پانے میں ناکام ہوگئی، عام شہریوں کے ساتھ ساتھ خود قانون کے محافظ بھی اب اسٹریٹ کر منلز کا نشانہ بن رہے ہیں، شاہ فیصل کالونی میں پولیس افسرکوفیملی سمیت گھرکی دہلیز پر لوٹ لیا گیا۔

    اے آئی ٹیکنالوجی موت کےامکانات کی درست پیشگوئی کرسکتا ہے؟

    واردات کی سی سی ٹی وی فوٹیج میں دیکھا جاسکتا ہے کہ موٹرسائیکل پرسوار دومسلح ملزمان نے فیملی سے موبائل، نقدی اورطلائی زیورات لوٹے اورفرارہوگئےملزمان نے جاتے ہوئے فائرنگ بھی کی لُٹنے والا پولیس افسر ثاقب ایس پی انویسٹی گیشن ایسٹ کا سابق ریڈر اور ایسٹ ہیڈ کوارٹرز میں تعینات ہے، شاہ فیصل کالونی پولیس نےمقدمہ درج کر کے واردات میں ملوث ملزمان کی تلاش شروع کردی ۔

    اٹلی میں سیپیوں، مرجان اور سنگ مر مر سے مزین 2300 سال پرانا …

  • آڈیو لیکس کیس: ایف آئی اے سمیت دیگر کو دوبارہ جواب جمع کرانے کی ہدایت

    آڈیو لیکس کیس: ایف آئی اے سمیت دیگر کو دوبارہ جواب جمع کرانے کی ہدایت

    اسلام آباد: آڈیو لیکس کیس میں سابق چیف جسٹس ثاقب نثار کے بیٹے نجم الثاقب اور بشریٰ بی بی کی درخواستوں پر عدالت نے ایف آئی اے سمیت دیگر کو دوبارہ جواب جمع کرانے کی ہدایت کر دی-

    باغی ٹی وی: اسلام آباد ہائیکورٹ میں آڈیو لیکس کیس میں سابق چیف جسٹس ثاقب نثار کے بیٹے نجم الثاقب اور بشریٰ بی بی کی درخواستوں پر سماعت ہوئی،اسلام آباد ہائیکورٹ کے جسٹس بابر ستار نے سماعت کی،سماعت کے دوران بشریٰ بی بی کے وکیل لطیف کھوسہ اور اٹارنی جنرل منصور اعوان عدالت کے سامنے پیش ہوئے۔

    دورانِ سماعت اٹارنی جنرل نے وزیر اعظم آفس کی رپورٹ عدالت میں پیش کی بتایا کہ وفاقی حکومت کی جانب سے آڈیو ٹیپنگ کی آئی ایس آئی، ایف آئی اے ،آئی بی کسی ایجنسی کو بھی آڈیو ٹیپ کرنےکی اجازت نہیں،ایف آئی اے کو پہلے دیکھنا ہے کس نے کال ریکارڈ کی، عدالتی احکامات کے بعد ایف آئی اے ٹیلی کام کمپنیوں کو لکھ رہا ہے ایف آئی اے کو سن آئی پی ایڈریسز تک رسائی چاہیے ہوگی اگر کوئی حکومتی ایجنسی ریکارڈنگز کر رہی ہے تو غیر قانونی کر رہی ہے آئی ایس آئی کی رپورٹ کے مطابق سوشل میڈیا فلیٹ فارمز سے رپورٹ لینی پڑے گی، تب ہی تحقیقات آگے بڑھ سکتی ہیں۔

    عام انتخابات: کاغذات نامزدگی کی وصولی کا آغاز کر دیا گیا

    جس پر جسٹس بابر ستار نے کہا کہ آئی ایس آئی کہہ رہی ہے آڈیو کہاں سے لیک ہوئی اس کے سورس کا پتہ نہیں لگا سکتی،استفسار کیا کہ آئی ایس آئی نے وزارت دفاع کے ذریعے کیوں ریورٹ فائل کی؟جس پر اٹارنی جنرل نے کہا کہ ان کو وزیراعظم آفس کے ذریعے ریورٹ فائل کرنی چاہیے تھی۔

    دورانِ سماعت پیمرا کے وکیل نے کہا کہ ہم نے کہا تھا ٹی وی چینلز اس قسم کی آڈیو لیکس نشر نہیں کریں گے، ہم نے یہ معاملہ کونسل آف کمپلینٹ کو بھیجا وہ فیصلہ کریں گے،عدالت نے وکیل پیمرا سے استفسار کیا کہ کیا آپ موثر طریقے سے بطور ریگولیٹر کام کر رہے ہیں؟ کیا آپ نے ٹی وی چینلز کو کسی اور کیس میں فوری ہدایات جاری کیں ہیں؟ آپ یہ کہہ رہے ہیں کہ فوری طورپر آپ ایکشن نہیں لے سکتے؟معاملہ کونسل آف کمپلینٹ کے پاس جائے گا، فریڈم آف انفارمیشن اور پرائیویسی کا معاملہ ہے کیس بیلنس ہونا چاہیے، ریاست کی ذمہ داری ہے کہ وہ اس کو یقینی بنائے۔

    عام انتخابات: کاغذات نامزدگی کی وصولی کا آغاز کر دیا گیا

    جسٹس بابر ستار نے استفسار کیا کہ اعتزاز صاحب آپ بتائیں کیسے اس کیس کو اب آگے بڑھایا جائے؟بشریٰ بی بی کے وکیل لطیف کھوسہ نے کہا کہ یہاں نام لینے پر تو پابندی ہے لیکن میری تصویر پورا دن چلتی رہی ہے، جس پر جسٹس بابر ستار نے کہا کہ یہ تو آپ کے الیکشن میں بھی پھر آپ کی مدد کرے گی، بحرحال یہ ایک سیریس ایشو ہے اس کو ایڈریس کریں گے۔

    عدالت نے اٹارنی جنرل منصور اعوان کو کہا کہ آپ چیک کیجئے گا کوئی خبر تھی کہ آئی بی کو ریکارڈنگ کی اتھارٹی دی گئی کیا ایسا ہے؟ جس پر اٹارنی جنرل نے کہا کہ میں چیک کرکے بتا دوں گا۔

    عدالت نے پی ٹی اے کو ہدایت کی کہ ڈی جی صاحب آئندہ سماعت پر آپ تفصیلی رپورٹ جمع کرائیں تماشہ بنانا چاہتے ہیں تو بنا لیں، اب وفاقی حکومت پر ہے کہ وہ کیسے چلانا چاہتے ہیں، حکومت نے نہیں بتایا تو پھر ہم نیشنل اور انٹرنیشنل عدالتی معاون مقرر کریں گے، بعد ازاں عدالت نے ایف آئی اے سمیت دیگر کو دوبارہ جواب جمع کرانے کی ہدایت کرتے ہوئے سماعت ملتوی کردی۔

    عمران خان توشہ خانہ،سائفر کیس کی سماعت آج اڈیالہ جیل میں ہو گی

    واضح رہے کہ اپریل میں سابق چیف جسٹس ثاقب نثار کے بیٹے نجم الثاقب کی پنجاب اسمبلی کے حلقہ 137 سے پی ٹی آئی کا ٹکٹ لینے والے ابوذر سے گفتگو کی مبینہ آڈیو لیک ہوئی تھی۔ اسی طرح بشریٰ بی بی کی اپنے وکیل لطیف کھوسہ کے ساتھ کی گئی گفتگو کی آڈیو لیک ہوئی تھی۔

  • سمز رجسٹریشن کیلئے انگوٹھوں کےجعلی نشانات کے استعمال کا انکشاف

    سمز رجسٹریشن کیلئے انگوٹھوں کےجعلی نشانات کے استعمال کا انکشاف

    اسلام آباد: ایف آئی اے سائبر کرائم نے تفصیلی رپورٹ وزارت داخلہ میں جمع کرادی ہے-

    باغی ٹی وی:میڈیا رپورٹ کے مطابق اس حوالے سے ایف آئی اے سائبر کرائم نے تفصیلی رپورٹ وزارت داخلہ میں جمع کرادی ہے پا بندیاں سخت ہونے پر جعلسازوں نے بھی نت نئےطریقے ایجاد کرلئے ہیں،سمز رجسٹریشن کیلئے انگوٹھوں کےجعلی نشانات کے استعمال کا انکشاف ہوا ہے، سیلیکون سے بنے انگوٹھوں پر نقش اتار کر سمیں رجسٹر کرائی جاتی ہیں۔

    ایف آئی اے رپورٹ میں بتایا گیا کہ چار سال میں سیلیکون انگوٹھوں پر رجسٹرڈ 80 ہزار سے زائد سمز پکڑی گئی ہیں، جعل ساز ووٹر لسٹوں یا سستی اشیا کا جھانسا دے کر فنگر پرنٹ لیتے ہیں، یہ فنگر پرنٹس سیلیکون انگوٹھوں پر نقش کرکے سمز رجسٹرڈ کرائی جاتی ہیں، رپورٹ میں غیر رجسٹرڈ سمز دہشت گردوں کے زیرِ استعمال ہونے کا انکشاف ہوا ہے، رپورٹ میں کہا گیا کہ جعلی رجسٹریشن والی ساڑھے 3 ہزار سے زائد سمز فعال ہیں، اس حوالے سے چار سال کے دوران 93 مقدمات درج ہوئے ہیں اور 193 افراد کو گرفتار کیا گیا ہے، بائیو میٹرک کرنے والی 294 جعلی ڈیوائسز بھی پکڑی گئیں۔

  • ایف آئی اے کی کاروائیاں،انسانی سمگلر،لیبیا کشتی حادثے کے سہولتکار سمیت 6 گرفتار

    ایف آئی اے کی کاروائیاں،انسانی سمگلر،لیبیا کشتی حادثے کے سہولتکار سمیت 6 گرفتار

    ایف آئی اے اینٹی ہیومن ٹریفکنگ سرکل راولپنڈی کی بڑی کاروائیاں،ریڈ بک کا بدنام زمانہ انسانی سمگلر سمیت 3 ملزمان گرفتارکر لئے

    ڈائریکٹر اسلام آباد زون کی ہدایات پر انسانی سمگلنگ میں ملوث عناصر کے خلاف کریک ڈاؤن جاری ہے،ڈپٹی ڈائریکٹر اینٹی ہیومن ٹریفکنگ سرکل راولپنڈی کامران عامر خان کی زیر نگرانی چھاپہ مار ٹیم نے انسانی سمگلنگ کے گھناونے جرم میں ملوث 3 ملزمان کو گرفتار کر لیا،گرفتار ملزمان میں ریڈ بک کا انتہائی مطلوب ملزم بھی شامل ہے،گرفتار ملزمان میں عبدالمحبوب، محمد مصطفی اور محمد خان شامل ہیں،ملزمان کو چکوال، لاہور اور اسلام آباد سے گرفتار کیا گیا،انتھائی مطلوب انسانی سمگلر محمد خان نے متعدد سادہ لوح شہریوں سے بیرون ملک ملازمت کے نام پر کروڑوں روپے ہتھیائے،ملزم کے خلاف متعدد انکوائریاں اور مقدمات درج تھے،ملزم عبدالمحبوب نے مختلف شہریوں کو سعودی عرب بھجوانے کے نام پر 60 لاکھ روپے ہتھیائے،جبکہ ملزم محمد مصطفی نے شہری کو ملازمت کا جھانسہ دے کر 4 لاکھ روپے وصول کئے۔ملزمان نے بھاری رقوم بینک اکاونٹ اور نقد کی شکل میں وصول کیں۔ملزمان پیسے وصول کر کے روپوش ہو گئے تھے۔ملزمان کی گرفتاری کے لئے متعدد بار چھاپے مارے گئے،ملزمان کو گرفتار کر کے تفتیش کا آغاز کر دیا گیا۔ دیگر ملزمان اور سہولتکاروں کی گرفتاری کے لیے چھاپہ مار کاروائیاں جاری ہیں

    ایک اور کاروائی میں سنگین جرائم میں مطلوب اشتہاری ملزم کویت سے گرفتار کر لیا گیا،اشتہاری ملزم کو کویت سے گرفتار کر کے اسلام آباد ائرپورٹ منتقل کر دیا گیا،گرفتار ملزم اعجاز احمد پنجاب پولیس کو مطلوب تھا۔ملزم گجرانوالہ پولیس کو قتل کی دفعات کے تحت درج مقدمے میں مطلوب تھا، ایف آئی اے NCB انٹرپول پاکستان نے ملزم کی گرفتاری کے لئے ریڈ نوٹس جاری کیا تھا۔ بعد ازاں ایف آئی اے امیگریشن اسلام آباد نے ملزم کو متعلقہ پولیس حکام کے حوالے کر دیا۔ملزم کی حوالگی انٹرپول اسلام آباد کی انٹرپول کویت کے ساتھ قریبی رابطہ کاری کی وجہ سے ممکن ہوئی۔این سی بی انٹرپول پاکستان بیرون ملک فرار ہونے والے ملزمان کی گرفتاری کے لئے گراں قدر خدمات سرانجام دے رہا ہے،

    دوسری جانب ایف آئی اے امیگریشن کی ملتان ائرپورٹ پر بڑی کاروائی،جعلی سفری دستاویزات پر بیرون ملک جانے والے مسافر کو آف لوڈ کر دیا گیا، محمد طاہر نامی مسافر فلائٹ نمبر SV801 سے عمرہ ادائیگی کے لئے سعودی عرب جا رہا تھا،مسافر کے پاسپورٹ پر پرتگال اور استونیہ کے جعلی ویزے لگے ہوئے تھے،ابتدائی تفتیش کے مطابق مسافر نے 2 مختلف ایجنٹوں سے مذکورہ ویزے حاصل کئے۔مذکورہ ویزوں کے حصول کے لئے مجموعی طور پر 12 لاکھ روپے ادا کئے تھے،مسافر کو ایجنٹوں کی نشاندہی اور مزید قانونی کاروائی کے لئے اینٹی ہیومن ٹریفکنگ سرکل ملتان منتقل کر دیا گیا۔

    لیبیا کشتی حادثہ میں ملوث اہم سہولت کار گرفتار
    ڈائریکٹر فیصل آباد زون رائے اعجاز احمد کی ہدایات پر انسانی سمگلنگ میں ملوث عناصر کے خلاف کریک ڈاؤن جاری ہے،لیبیا کشتی حادثے میں ملوث گینگ کا اہم سہولت کار گرفتار کر لیا گیا،ڈپٹی ڈائریکٹر اینٹی منی لانڈرنگ سرکل کی زیر نگرانی چھاپہ مار ٹیم نے ملزم عادل ممتاز کو گرفتار کر لیا،ملزم کے خلاف کاروائی بینک اکاؤنٹ میں مشکوک ٹرانزیکشن کی بنیاد پر کی گئی،ملزم کو فیصل آباد سے گرفتار کیا گیا،اینٹی منی لانڈرنگ سرکل فیصل آباد میں لیبیا کشتی حادثے کے حوالے سے تحقیقات جاری ہیں۔انسانی سمگروں اور سہولتکاروں کے زیر استعمال بینک اکاونٹس پر تحقیقات کی جارہی ہیں۔انسانی سمگلنگ کے گھناونے جرم میں ملوث گینگ کے سہولتکار رقوم کی ترسیل کرتے تھے، مذکورہ رقوم مختلف بینک اکاونٹس کا استعمال کر کے بھیجی جاتی تھیں،گرفتار ملزم نے اپنے بینک اکاونٹ میں انسانی سمگلنگ کے حوالے سے 10 لاکھ روپے وصول کیے ،ملزم نے مذکورہ رقم شہریوں کو اٹلی براستہ لیبیا بھجوانے کے عوض وصول کی،مذکورہ شہری لیبیا پہنچنے کے بعد سے لاپتہ ہے،ملزم کو گرفتار کر کے تفتیش کا آغاز کر دیا گیا ہے ،ملزم کے دیگر ساتھیوں کی گرفتاری کے لیے کاروائیاں جاری ہیں۔دوران تفتیش مزید انکشافات متوقع ہیں

    بیس ہزار کے عوض خاتون نے ایک ماہ کی بیٹی کو فروخت کیا تو اس کے ساتھ کیا ہوا؟

    بھارت ، سال کے ابتدائی چار ماہ میں کی 808 کسانوں نے خودکشی

    سال 2020 کا پہلا چائلڈ پورنوگرافی کیس رجسٹرڈ،ملزم لڑکی کی آواز میں لڑکیوں سے کرتا تھا بات

    سائبر کرائم ونگ کی کاروائی، چائلڈ پورنوگرافی میں ملوث تین ملزمان گرفتار

    سپریم کورٹ کا سوشل میڈیا اور یوٹیوب پر قابل اعتراض مواد کا نوٹس،ہمارے خاندانوں کو نہیں بخشا جاتا،جسٹس قاضی امین

    ‏ سوشل میڈیا پر وزیر اعظم کے خلاف غصے کا اظہار کرنے پر بزرگ شہری گرفتار

    سائبر کرائم کا شکار ہونے والی خواتین خودکشی کی طرف مائل ہو جاتی ہیں،انکشاف

  • اعضا کی غیر قانونی پیوندکاری میں ملوث بین الصوبائی اور بین الاقوامی گروہ کے 3 ملزمان گرفتار

    اعضا کی غیر قانونی پیوندکاری میں ملوث بین الصوبائی اور بین الاقوامی گروہ کے 3 ملزمان گرفتار

    لاہور: ایف آئی اے اینٹی کرپشن سرکل لاہور کی بڑی کاروائی ، اعضاء کی غیر قانونی پیوندکاری میں ملوث بین الصوبائی اور بین الاقوامی گروہ کے 03 ملزمان کو گرفتار کر لیا –

    باغی ٹی وی:ڈائریکٹر ایف آئی اے لاہور زون سرفراز خان ورک کی ہدایت پر ڈپٹی ڈائریکٹر اینٹی کرپشن سرکل لاہور میاں محمد صابر کی زیر نگرانی لاہور ، راولپنڈی اور گجرات میں کاروائی کرتے ہوئے اعضاء کی غیر قانونی پیوندکاری میں ملوث بین الصوبائی اور بین الاقوامی گروہ کے 03 ملزمان کو گرفتار کر لیا گیا

    تفصیلات کے مطابق ایف آئی اے ،اینٹی کرپشن سرکل ، لاہور نے پنجاب ھیومن آرگن ٹرانسپلانٹ اتھارٹی (PHOTA) لاہور کی طرف سے موصول ہونے والی ایک شکایت پر کاروائی کرتے ہوئے ندیم اختر اسٹنٹ ڈائریکٹر ، محمد امتیاز نیازی SHO و دیگران پر مشتمل ایک ریڈنگ ٹیم تشکیل دی جس نے نیفرالوجسٹ ڈاکٹر شہباز ملک کو ضلع گجرات سے ، بدنام زمانہ ایجنٹ شہزاد اور ایک پرائیوٹ لیب اٹینڈنٹ ابرار حسین کو ضلع راولپنڈی سے گرفتار کیا ۔

    ملزم ڈاکٹر شہباز ملک نے ایک مریض فیملی سے انکا گردہ تبدیل کرنے کے عوض ٹوٹل 40 لاکھ روپے طلب کئے جس میں سے 05 لاکھ روپے لاہور میں وصول کیئے جبکہ 05 لاکھ روپے ٹشو ٹائپنگ ٹیسٹ ہونےکے بعد اسکے نمائندہ ایجنٹ شہزاد نے راولپنڈی میں وصول کیے جو کہ ایف آئی اے اینٹی کرپشن سرکل لاہور کی ٹیم نے بروقت کاروائی کرتے ہوئے ملزم ایجنٹ شہزاد کو گرفتار کر کے وصول کی گئی رقم 05 لاکھ روپے برآمد کر لی ۔

    ملزم ڈاکٹر شہزاد ملک نفرالوجسٹ ہے جو غیر قانونی طور پرگردہ ٹرانسپلانٹ کے مریض ایجنٹ شہزاد کو بھجواتا ہے اور آپریشن ہونے کے بعد گجرات کے مختلف پرائیوٹ ہسپتالوں میں انکا اپنی زیر نگرانی علاج کرتا ہے۔ درج مقدمہ کا مریض بھی ملزم ڈاکٹر شہباز نے ہی ریفر کیا تھا۔

    ملزم شہزاد بدنام زمانہ ایجنٹ ہے جو اس غیر قانونی گھناونے جرم میں اہم ملزم ہے۔ ملزم مختلف کارندوں کے ذریعے غریب دیہاتی لوگوں کو ورغلاپھسلا کر ان کا گردہ نکالتے ہیں اور بعدازاں وصول کنندہ جن میں بین الصوبائی اور بین الاقوامی مریض شامل ہیں، کو بھاری رقوم کے عوض بیچنے میں ملوث ہیں۔

    ملزم ابرار حسین پرائیوٹ لیب اٹینڈ نٹ ہے جو کہ ملزم شہزاد کے کہنے پر اسکے ڈونرز یا وصول کنندہ کے گردہ تبدیلی سے پہلے ہونے والی ضروری ٹیسٹ کر کے دیتا تھا اور اسکے لیے اپنا حصہ وصول کرتا تھا ملزم ابرار حسین تقریبا 70 سے ذائد افراد کے ٹیسٹ کر چکا تھا۔
    ملزمان کو گرفتار کر کے تفتیش کا آغاز کر دیا گیا۔

  • اشتہاری شہزاد اکبر کی گرفتاری کے لئے انٹرپول کو خط

    اشتہاری شہزاد اکبر کی گرفتاری کے لئے انٹرپول کو خط

    سابق مشیر احتساب شہزاد کی گرفتاری کا معاملہ،وفاقی پولیس نے ایف آئی اے انٹر پول کو لکھ دیا۔

    شہزاد اکبر تھانہ سیکرٹریٹ کے مقدمہ میں دو دسمبر کو اشتہاری قرار دیا گیا تھا،ایف آئی اے نے شہزاداکبر کی گرفتاری کے لئے انٹر پول کو خط لکھ دیا ۔مرزا شہزاد اکبر کو سول جج احمد شہزاد گوندل کی عدالت سے اشتہاری قرار دیا گیا ہے ،شہزاد اکبر کے خلاف اسلام آباد کے تھانہ سیکرٹریٹ میں 8 دفعات کے تحت مقدمہ درج ہے۔شہزاد اکبر کے خلاف مقدمہ نمبر 156 فراڈ اور دیگر سنگین دفعات کے تحت درج کیا گیا تھا۔

    شہزاد اکبر مبینہ حملے میں پاکستانی اداروں پر الزامات مسترد کرتے ہیں،ترجمان دفترخارجہ

    190 ملین پاونڈ اسکینڈل،ریاستی ملکیت ریکارڈ شہزاد اکبر نے غائب کر دیا

     اسلامی شرعی احکامات کا مذاق اڑانے پر عمران نیازی کے خلاف راولپنڈی میں ریلی نکالی

    ویڈیو آ نہیں رہی، ویڈیو آ چکی ہے،کپتان کا حجرہ، مرشد کی خوشگوار گھڑیاں

    خاور مانیکا انٹرویو اور شاہ زیب خانزادہ کا کردار،مبشر لقمان نے اندرونی کہانی کھول دی

    ریحام خان جب تک عمران خان کی بیوی تھی تو قوم کی ماں تھیں

    خاور مانیکا کے انٹرویو پر نواز شریف کا ردعمل

    دوسری جانب 190 ملین پاونڈ اسکینڈل کی نیب تحقیقات میں اہم انکشافات سامنے آئے ہیں،نیب رپورٹ کے مطابق این سی اے کے ساتھ خط و کتابت کا ریکارڈ اثاثہ جات ریکوری یونٹ سے غائب ہے،190 ملین پاونڈ سیٹلمنٹ سے پہلے ملک ریاض کی شہزاد اکبر کے ہمراہ سابق وزیراعظم سے ملاقات کی بھی تصدیق ہوئی ہے، محرر پی ایم ہاوس ریکارڈ کیمطابق ملاقات11 جولائی 2019 کو ہوئی تھی،غائب ہونے والا ریکارڈشہزاد اکبر اور ضیا المصطفی نسیم کے پاس تھا، ریکارڈ ریاست پاکستان کی ملکیت تھا،ریکارڈ کو سیاہ کاریاں چھپانے کیلئے غائب کیا گیا، ریکارڈ کا غائب ہونا تفتیش میں رکاوٹ ڈالنے کیلئے تھا،کابینہ ڈویژن ریکارڈ غائب ہونے کی انکوائری کروا چکا،انکوائری میں ریکارڈ گم ہونے کی ذمہ داری شہزاد اکبر اور ضیا المصطفی نسیم پر عائد ہو چکی،

  • ایف آئی اے کی کاروائی،نجی بینک سے 27 کروڑ کی غبن کرنیوالا گرفتار

    ایف آئی اے کی کاروائی،نجی بینک سے 27 کروڑ کی غبن کرنیوالا گرفتار

    ایف آئی اے کمپوزٹ سرکل فیصل آباد کی کاروائی،نجی بینک کے 27 کروڑ کی غبن کا معاملہ،ڈائریکٹر فیصل آبد زون رائے اعجاز احمد کی ہدایت پر کاروائی کرتے ہوئے انکوائری آفیسر نے غبن کی گئی رقم ریکور کروادی

    نجی بینک کی جانب سے 17 اکتوبر کو درخواست موصول ہوئی تھی،نجی بینک کے ایریا مینیجر نے مختلف بینک اکاونٹس کی رقوم غیر قانونی طریقے سے ٹرانسفر کیں۔ایریا مینیجر عمار کیانی نے دیگر ملزمان کی ملی بھگت سے متعدد اکاونٹ ہولڈرز کی چیک بکس جاری کروائیں۔مذکورہ چیک بکس کو استعمال کرتے ہوئے بینک اکاونٹ ہولڈرز کے مجموعی طور پر 27 کروڑ روپے اپنے رشتے داروں کی اکاونٹس میں جمع کروائے,ڈائریکٹر فیصل آباد زون رائے اعجاز احمد کی ہدایت پر انکوائری آفیسر اجمل حسین نے تحقیقات کا آغاز کیا،بہترین تکنیکی اور تحقیقاتی وسائل کو بروئے کار لاتے ہوئے غبن شدہ رقم بینک حکام کو ریکور کروا کر دی۔ایف آئی اے نے ملزم کو گرفتار کر لیا،بروقت ریکوری پر نجی بینک حکام نے فیصل آباد زون کا دورہ بھی کیا ،بینک حکام کی جانب سے غبن کی گئی رقم کی بروقت ریکوری پر ایف آئی اے کی کوششوں اور تعاون کو سراہا۔

    ڈالر کی سمگلنگ میں ملوث کسٹم انسپکٹر سمیت 2 ملزمان گرفتار
    دوسری جانب ڈپٹی ڈائریکٹر اینٹی کرپشن سرکل پشاور سعد اللہ کی ہدایت پر چھاپہ مار ٹیم نے کاروائی کرتے ہوئے ڈالر کی سمگلنگ میں ملوث منظم گینگ گرفتارکر لیا،ڈالر کی سمگلنگ میں ملوث کسٹم انسپکٹر سمیت 2 ملزمان گرفتار کر لئے گئے، ملزمان کی گرفتاری انٹلیجنس اداروں کی نشاندہی پر عمل میں لائی گئی،ملزمان کو طورخم بارڈر پر واقع فارن کرنسی ڈیکلیریشن پوائنٹ سے گرفتار کیا گیا، گرفتار ملزمان میں کسٹم انسپیکٹر واجد اور اسفند یار شامل ہیں،گرفتار ملزم انسپکٹر واجد طورخم بارڈر پر تعینات تھا،ملزم اسفندیار کسٹم حکام کی ملی بھگت سے غیر قانونی طریقے سے ڈالر کی کلئیرنگ میں ملوث تھا۔دوران تلاشی ملزم اسفند یار سے 1 لاکھ 23 ہزار امریکی ڈالر برآمدہوئے،دوران تفتیش ملزم نے روزانہ کی بنیاد لاکھوں ڈالر کی سمگلنگ کے انکشافات کئے،گرفتار ملزم اسفندیار متعدد ایجنٹوں کے ساتھ رابطے میں تھا،ملزم ایجنٹوں سے طورخم بارڈر پر واقع کسٹم کے دفاتر میں ڈالر وصول کرتا تھا،ملزم 1 لاکھ ڈالر کی سمگلنگ کی عوض 50 ہزار روپے کمیشن وصول کرتا تھا۔
    کمیشن کے نام پر حاصل کردہ رقم کسٹم حکام کے حوالے کی جاتی تھی۔ملزمان کو گرفتار کر کے تفتیش کا آغاز کر دیا گیا۔دیگر ملزمان کی گرفتاری کے لئے چھاپے مارے جا رہے ہیں

    جعلی ویزے پر بیرون ملک جانے کی کوشش ناکام، مسافر گرفتار
    دوسری جانب ایف آئی اے امیگریشن کی سیالکوٹ ائرپورٹ پربڑی کارروائی،جعلی ویزے پر بیرون ملک جانے کی کوشش ناکام، مسافر گرفتار کر لیا گیا،ملزم احسن علی فلائٹ نمبر EK 619 سے اٹلی جا رہا تھا،ملزم کا تعلق جلال پور جٹاں گجرات سے ہے،ملزمان کے پاسپورٹ پر اٹلی کا جعلی ویزا لگا ہوا تھا۔ ابتدائی تفتیش کے مطابق ملزم نے ایجنٹ سے 12 لاکھ روپے کے عوض مذکورہ ویزا حاصل کیا،ملزم کو مزید ایجنٹ کی نشاندہی اور مزید قانونی کاروائی کے لئے اینٹی ہیومن ٹریفکنگ سرکل گجرات منتقل کر دیا گیا،ایف آئی اے ترجما ن کے مطابق ویزا فراڈ اور دہوکہ دہی میں ملوث عناصر کے خلاف سخت کریک ڈاون کا آغاز کر دیا ہے،عوام سے گزارش کی جاتی ہے کہ ویزا حصول کے لئے ہمیشہ متعلقہ ملک کی ایمبیسی یا نامزد کردہ ویزا ایپلیکیشنل سینٹر سے رابطہ کریں۔

    جی ایچ کیو حملے میں پی ٹی آئی خواتین رہنماوں کا کردار,تحریک انصاف کی صوبائی رکن فرح کی آڈیو سامنے آئی ہے،

    جناح ہاؤس لاہور میں ہونیوالے شرپسندوں کے حملے کے بارے میں اہم انکشافات

    سیاسی مفادات کے لئے ملک کونقصان نہیں پہنچانا چاہئے

    غیر ملکی سفارت خانوں نے اپنے شہریوں کو محتاط رہنے کی ہدایت کر دی 

  • خدیجہ شاہ پر منی لانڈرنگ کا الزام، تحقیقات شروع

    خدیجہ شاہ پر منی لانڈرنگ کا الزام، تحقیقات شروع

    خدیجہ شاہ کے خلاف منی لانڈرنگ کا الزام ، تحقیقات شروع کر دی گئی ہیں

    ایف آئی اے حکام کے مطابق خدیجہ شاہ کے بینک اکاؤنٹ میں مشکوک ٹرانزکیشن سامنے آئی،ایف آئی اے نے خدیجہ شاہ کیخلاف اینٹی منی لانڈرنگ ایکٹ کے تحت انکوئری کا اغازکر دیا ،ایف آئی اے کی جانب سے بینک اکاؤنٹ کی تفصیلات کی فراہمی کے لیے متعلقہ محکموں کو خطوط بھجوا دیئے گئے،تمام ریکارڈ آنے کے بعد خدیجہ سے پوچھ گچھ کی جائیگی، خدیجہ شاہ سے جیل میں انویسٹی گیشن کی جائےگی ،بینک اکاؤنٹ سے ہونے والی بیرون ملک ٹرانزیکشن کے حوالے بھی سوالات ہوں گے

    دوسری جانب خدیجہ شاہ کی نظر بندی اور توہین عدالت کی درخواست پر سماعت 5دسمبر تک ملتوی کر دی گئی،لاہور ہائیکورٹ نے آئندہ سماعت پر نظر بندی پر کابینہ فیصلے کی رپورٹ طلب کرلی،وکیل پنجاب حکومت نے کہا کہ کابینہ کے اجلاس کے لیے سمری بھجوا دی گی ہے ،جسٹس علی باقر نجفی نے خدیجہ شاہ کے شوہر کی درخواست پر سماعت کی

    درخواست میں وفاقی حکومت ،ڈپٹی کمشنر لاہور سمیت دیگر کو فریق بنایا گیا ہے ،درخواست میں موقف اختیار کیا گیا کہ خدیجہ شاہ کی نظر بندی بدنیتی پر مبنی ہے۔خدیجہ شاہ کو قانون کے منافی نظر بند کیا گیا ۔پولیس نے مختلف مقدمات میں نامزد تاخیر سے کیا ۔مقدمات میں تفتیش بھی میرٹ پر نہیں ہوئی ۔ عدالت خدیجہ شاہ کو لاہور کی حدود سے باہر لیکر جانے سے روکنے کا حکم دے ۔ عدالت نظر بندی کے نوٹیفکیشن کو غیر قانونی قرار دے

    جی ایچ کیو حملے میں پی ٹی آئی خواتین رہنماوں کا کردار,تحریک انصاف کی صوبائی رکن فرح کی آڈیو سامنے آئی ہے،

    جناح ہاؤس لاہور میں ہونیوالے شرپسندوں کے حملے کے بارے میں اہم انکشافات

    سیاسی مفادات کے لئے ملک کونقصان نہیں پہنچانا چاہئے

    غیر ملکی سفارت خانوں نے اپنے شہریوں کو محتاط رہنے کی ہدایت کر دی 

  • اشتہاری مونس الٰہی سے متعلق مختلف جگہوں پر اشتہارات آویزاں

    اشتہاری مونس الٰہی سے متعلق مختلف جگہوں پر اشتہارات آویزاں

    لاہور: اسپیشل سینٹرل عدالت لاہور کے جج نے مونس الٰہی کیخلاف منی لانڈرنگ کیس میں اشتہاری کی کاروائی شروع کر دی، ایف آئی اے نے چالان عدالت جمع کرا رکھا ہے۔

    باغی ٹی وی: ایف آئی اے منی لانڈرنگ مقدمے میں عدالتی حکم پر مونس الٰہی کے خلاف اشتہاری کی کارروائی شروع کردی گئی ہےمونس الٰہی سے متعلق مختلف جگہوں پر اشتہارات آویزاں کر دئیے گئے ہیں جس میں تحریر کیا گیا ہے کہ مونس الٰہی کو آج عدالت میں پیش ہونے کی مہلت دی گئی تھی لیکن وہ روپوش ہیں اور وہ عدالت میں پیش نہیں ہو رہے۔
    fir
    واضح رہے کہ چوہدری مونس الہٰی پر ترقیاتی منصوبوں میں مبینہ کک بیکس وصول کرکے قومی خزانے کو نقصان پہنچانے کا الزام ہے، نیب لاہور ایک ارب روپے سے زائد کرپشن کی تحقیقات کررہا ہے 13 نومبر کو لاہور کی احتساب عدالت میں ترقیاتی منصوبوں میں مبینہ اربوں کی کک بیکس وصول کرنے کا کیس کی سماعت ہوئی تھی جج نسیم احمد نے نیب کی درخواست پر کارروائی کی تھی ، نیب نے عدالت میں مؤقف اختیار کرتے ہوئے استدعا کی تھی کہ مونس الہیٰ گرفتار نہیں ہوئے اور نہ ہی تفتیش جوائن کی، عدالت نے مونس الہی کے ناقابل ضمانت وارنٹ گرفتاری جاری کررکھے ہیں، عدالت مونس الہیٰ کو اشتہاری قرار دینے کا حکم دے۔

    احتساب عدالت نے چوہدری مونس الہٰی کو اشتہاری قرار دے دیا تھا اور ان کی جائیدادوں کا ریکارڈ طلب کرلیا تھا جس کے بعد 23 نومبر کو مونس الہی کو وطن واپس لانے کیلئے قانونی عمل کا آغاز ہوگیا، اور نگران وفاقی حکومت نے مونس الٰہی کو وطن واپس لانے کیلئے انٹرپول سے رابطہ کیا تھا، جبکہ مونس الٰہی کے خلاف ایف آئی اے منی لانڈرنگ کیس میں عدالتی حکم پر بینک اکاؤنٹس منجمد کردئیے گئے تھے، جن کی تفصیلات سامنے آئی تھیں۔

    ذرائع نے بتایا کہ نگراں پنجاب حکومت نے تمام ڈیٹا ایف آئی اے کے حوالے کیا، ایف آئی اے اور وفاقی حکومت نے صوبائی حکومت سے ڈیٹا مانگا تھا، مونس الہی کے لاہور میں 8 مختلف بینک اکاؤنٹس منجمد کیے گئے ہیں، ان کے مختلف بینک اکاؤنٹس میں 48 کروڑ 76 لاکھ سے زائد کی رقم آئی، اور انہوں نے ساری رقم ان بینک اکاؤنٹس سے نکلوا لی، مونس کے رقم جمع کرانے اور منتقل کرنے میں استعمال ہونے والے بینک اکاؤنٹس منجمدکردیئے، ان کے مختلف بینک اکاؤنٹس منی لانڈرنگ کیلئے استعمال ہوئے ہیں، مونس الٰہی کی 6 مختلف پراپرٹیز کو بھی منجمد کر دیا گیا ہے، ان کی قصور میں5 اور راولپنڈی میں ایک پراپرٹی کو منجمد کیا گیا، انہوں نے پراپرٹیز منی لانڈرنگ سے بنائی ہیں، اور عدالت کے حکم پر ان کے بینک اکاؤنٹس اور پراپرٹیز کو منجمد کیا گیا ہے۔