Tag: ایف آئی اے

لاہور: لیبیا کشتی حادثے کے مرکزی ملزم محمد اقبال کو لاہور ائیر پورٹ سے گرفتار کرلیا گیا۔

باغی ٹی وی : ڈائریکٹر ایف آئی اے سرفراز ورک کے مطابق ملزم 2013 سے لیبیا میں مقیم تھا اور انسانی اسمگلنگ کا نیٹ ورک چلا رہا تھا، ملزم کے اکاؤنٹ سے 8 کڑور روپےکی غیر قانونی ٹرانزیکشنز بھی پکڑی گئی ہیں ملزم رقوم کی غیرقانونی ترسیل میں ملوث تھا، ملزم لیبیا سےانسانی اسمگلنگ کے نیٹ ورک میں رقوم کی ترسیل کرتا تھا، ملزم کا نام بلیک لسٹ میں تھا اور اس کے خلاف مختلف مقدمات درج تھے۔

قبل ازیں ایف آئی اے نے اسلام آباد میں کارروائی کرتے ہوئےلیبیا کشتی حادثے میں ملوث انسانی اسمگلر کو گرفتار کیا تھا ایف آئی اے فیصل آباد کے عملے نے ایک کارروائی کے دوران لیبیا کشتی حادثے کے مقدمے سے منسلک اہم ملزم کو گرفتار کرکے 17 پاکستانی پاسپورٹ برآمد کیے تھے ملزم رانا اشفاق احمد کے قبضے سے17 پاکستانی پاسپورٹ برآمد ہوئے جو ملزم نے نوجوانوں کو یورپی مما لک اسمگل کے لیے لے رکھے تھے رانا اشفاق لیبیا کشتی حادثہ 2023 میں ملوث تیسرے نمبر کا ملزم ہے ملزم پر پاکستان سے زمینی راستے لیبیا، ایران، یونان اور یورپی ممالک انسانی اسمگلنگ کرانےکا الزام ہےگرفتار ملزم نے زمینی راستے سے یورپ بھجوانے کے لیے لاکھوں روپے وصول کیے۔

افغانستان کی وجہ سے خیبرپختونخوا متاثر ہورہا ہے،علی امین گنڈاپور

واضح رہےکہ جون 2023 میں یونان کے قریب لیبیا سے یونان جانے والے تارکین وطن کی کشتی ڈوب گئی تھی، حادثے میں ہلاک افراد میں 100 سے زائد پاکستانی بھی شامل تھے۔

کراچی،واٹر کارپوریشن کی رعایتی پالیسی میں تین ماہ کی مزید توسیع

ایف آئی اے فیصل آباد زون نے مراکش کشتی حادثے میں ملوث انسانی سمگلروں کے خلاف بڑی کارروائی کی ہے۔ ایف آئی اے کے ڈائریکٹر جنرل احمد اسحاق جہانگیر کی ہدایات پر کشتی حادثات میں ملوث عناصر کے خلاف گھیرا تنگ کیا جا رہا ہے۔

ایف آئی اے نے مراکش کشتی حادثے میں ملوث ایک اہم ملزم، جاوید احمد، کو گرفتار کر لیا ہے۔ ملزم کی گرفتاری گوجرہ، ٹوبہ ٹیک سنگھ میں چھاپہ مار کارروائی کے دوران عمل میں آئی۔ جاوید احمد دیگر سمگلروں کے ساتھ مل کر متاثرہ شخص محمد انس کو اسپین بھجوانے کی کوشش میں تھا۔ملزم نے اپنے ساتھیوں کے ہمراہ متاثرہ شخص کو پہلے موریطانیہ بھیجا اور پھر کشتی کے ذریعے اسپین پہنچانے کی کوشش کی۔ تاہم، یہ کوشش ناکام رہی اور متاثرہ شخص واپس اپنے وطن پاکستان پہنچ گیا۔ کشتی حادثے کے نتیجے میں متعدد پاکستانی جاں بحق ہوچکے ہیں۔انسانی سمگلروں نے متاثرہ شخص کے اہلخانہ سے 35 لاکھ روپے اور 1500 یورو وصول کیے تاکہ ان کے بیٹے کو غیر قانونی طور پر بیرون ملک بھیجا جا سکے۔ ایف آئی اے نے ملزم جاوید احمد کو گرفتار کر کے تفتیش کا آغاز کر دیا ہے۔

جاوید احمد کی گرفتاری کے بعد ایف آئی اے کو مزید اہم معلومات حاصل ہوئی ہیں اور اس کی نشاندہی پر مزید گرفتاریاں متوقع ہیں۔ ایف آئی اے فیصل آباد زون کے ڈائریکٹر نے کہا کہ انسانی سمگلنگ کے نیٹ ورک کے خلاف کارروائیاں تیز کردی گئی ہیں اور اس کا مکمل خاتمہ کیا جائے گا۔

ڈائریکٹر ایف آئی اے فیصل آباد زون نے کہا کہ انسانی سمگلنگ میں ملوث افراد کو سخت سزائیں دلوائی جائیں گی اور ان کے خلاف زیرو ٹالرنس پالیسی پر عمل کیا جا رہا ہے۔ انہوں نے مزید کہا کہ ایف آئی اے کی ٹیمیں متاثرہ افراد کے لواحقین سے مسلسل رابطے میں ہیں اور ان کو انصاف فراہم کرنے کے لیے پوری کوشش کی جا رہی ہے۔

انسانی سمگلنگ کے نیٹ ورک کو بین الاقوامی سطح پر جڑ سے ختم کرنے کے لیے اقدامات کیے جا رہے ہیں اور ان معصوم جانوں سے کھیلنے والوں کو انصاف کے کٹہرے میں لایا جائے گا۔ایف آئی اے کی یہ کارروائیاں اس بات کا واضح اشارہ ہیں کہ انسانی سمگلنگ کے خلاف جنگ مزید تیز ہوچکی ہے اور اب اس نیٹ ورک کو بین الاقوامی سطح پر شکست دینے کے لیے مکمل عزم کے ساتھ اقدامات کیے جا رہے ہیں۔

وزیراعظم کی انسانی سمگلنگ کےمجرمان کے ریڈ وارنٹ جاری کرنے کی ہدایت

وزیراعظم کی ریلویز کے پرانے نظام کو جدید ٹیکنالوجی سے تبدیل کرنے کی ہدایت