Baaghi TV

Tag: ایف آئی اے

  • ایف آئی اے کے 2 اہلکار کرپشن کیس میں گرفتار

    ایف آئی اے کے 2 اہلکار کرپشن کیس میں گرفتار

    وفاقی تحقیقاتی ادارے (ایف آئی اے) کے اینٹی کرپشن سرکل اسلام آباد نے کارروائی کرتے ہوئے ادارے کے دو اہلکاروں کو کرپشن اور بدعنوانی میں ملوث ہونے پر گرفتار کر لیا ہے۔

    ترجمان ایف آئی اے کے مطابق ڈائریکٹر جنرل ایف آئی اے رفعت مختار کی ہدایت پر ادارے میں احتساب کا عمل جاری ہے، اور کرپشن میں ملوث اہلکاروں کے خلاف سخت اقدامات کیے جا رہے ہیں۔گرفتار اہلکاروں میں سب انسپکٹر وسیم احمد اور کانسٹیبل عاقب محمود شامل ہیں، جو اینٹی ہیومن ٹریفکنگ سرکل اسلام آباد میں تعینات تھے۔

    ترجمان کے مطابق دونوں اہلکاروں نے افغان شہریوں کو جاری کیے گئے ای ویزا کیس میں گرفتار ملزم زبیر احمد سے جسمانی ریمانڈ کے دوران سہولت کاری کے بدلے 20 لاکھ روپے رشوت طلب کی تھی، اور اسے جوڈیشل ریمانڈ پر بھجوانے کی یقین دہانی کروائی تھی۔ایف آئی اے نے دونوں اہلکاروں کو گرفتار کر کے تفتیش شروع کر دی ہے، جبکہ ایک مشترکہ تحقیقاتی ٹیم (JIT) بھی تشکیل دے دی گئی ہے۔

    ای ویزا اسکینڈل میں اب تک 6 ملزمان گرفتار

    ترجمان کا کہنا ہے کہ ای ویزا اسکینڈل میں اب تک 6 ملزمان گرفتار کیے جا چکے ہیں، جن میں عبدالعزیز، احمد سخی، عاطف احمد، نادر رحیم عباسی، ابرار احمد اور زبیر احمد شامل ہیں.تحقیقات کا دائرہ مزید وسیع کیا جا رہا ہے تاکہ اس گھناؤنے نیٹ ورک میں ملوث تمام عناصر کو قانون کے کٹہرے میں لایا جا سکے۔

    وزیرِ اعلیٰ بلوچستان کا دہشت گردوں کے خلاف فیصلہ کن کارروائی کا اعلان

    این ڈی ایم اے کا ایک دن میں دوسرا بارش الرٹ، لینڈ سلائیڈنگ کا خدشہ

    دورۂ انگلینڈ کے لیے پاکستان شاہینز کا 18 رکنی اسکواڈ اعلان

    وزارت داخلہ کی ویزا اسکینڈل سے متعلق میڈیا رپورٹس کی سخت تردید

  • طورخم بارڈر، انسانی اسمگلنگ میں ملوث ایجنٹس سمیت 6 افراد گرفتار

    طورخم بارڈر، انسانی اسمگلنگ میں ملوث ایجنٹس سمیت 6 افراد گرفتار

    فیڈرل انویسٹی گیشن ایجنسی (ایف آئی اے) امیگریشن نے انسانی اسمگلنگ کی کوشش ناکام بناتے ہوئے طورخم بارڈر سے چار مسافروں اور دو ایجنٹس کو گرفتار کرلیا۔

    ایف آئی اے ترجمان کے مطابق گرفتار افراد افغانستان کے راستے یورپ جانے کی کوشش کر رہے تھے، جنہیں بروقت کارروائی کرتے ہوئے حراست میں لیا گیا۔ گرفتار مسافروں کو مزید تفتیش کے لیے اینٹی ہیومن ٹریفکنگ سرکل پشاور منتقل کر دیا گیا ہے۔ایف آئی اے کے مطابق گرفتار مسافروں کی نشاندہی پر دو ایجنٹس کو بھی گرفتار کیا گیا، جن کے قبضے سے غیر قانونی امیگریشن سے متعلق مواد، پیغامات، افغان پاسپورٹ اور روسی زبان میں حلف نامے بھی برآمد ہوئے۔

    فرانس کا برطانیہ سے فلسطین کو ریاست تسلیم کرنے کا مطالبہ

  • یوٹیوبرز آفتاب اقبال اور فلک جاوید کے خلاف مقدمات درج

    یوٹیوبرز آفتاب اقبال اور فلک جاوید کے خلاف مقدمات درج

    نیشنل سائبر کرائم انویسٹیگیشن ایجنسی نے معروف یوٹیوبر آفتاب اقبال اور فلک جاوید کے خلاف سوشل میڈیا پر ریاستی اداروں کے خلاف مبینہ منفی پروپیگنڈے اور توہین آمیز مہم چلانے کے الزامات پر مقدمات درج کر لیے۔

    آفتاب اقبال کے خلاف پیکا ایکٹ سمیت دیگر تعزیرات کے تحت مقدمہ ایف آئی اے لاہور زون میں سرکار کی مدعیت میں درج کیا گیا ان پر الزام ہے کہ پاک بھارت کشیدگی کے دوران انہوں نے سوشل میڈیا پر ایسی مواد نشر کیا جس سے ملکی سلامتی اور ریاستی بیانیے کو نقصان پہنچا۔

    دوسری جانب یوٹیوبر فلک جاوید کے خلاف بھی سائبر کرائم ایجنسی نے ایک نیا مقدمہ درج کر لیا ہے ان پر بھی پیکا قانون کے تحت کارروائی کی گئی ہے، جس میں کہا گیا ہے کہ فلک جاوید نے سوشل میڈیا پر ریاستی اداروں کے خلاف مسلسل توہین آمیز اور منفی مہم چلائی۔

    مخصوص نشستوں کی تقسیم کار کے خلاف ن لیگ کی درخواست پر فیصلہ محفوظ

    حکام کے مطابق یہ مقدمات ملک کے حساس ماحول اور سوشل میڈیا پر پھیلائی جانے والی گمراہ کن معلومات کے تناظر میں درج کیے گئے ہیں تاکہ ریاستی اداروں کے وقار اور قومی سلامتی کا تحفظ یقینی بنایا جا سکے،مزید شواہد کی بنیاد پر تحقیقات کا دائرہ وسیع کیا جا رہا ہے اور اس قسم کی سرگرمیوں میں ملوث عناصر کے خلاف سخت قانونی کارروائی عمل میں لائی جائے گی-

    محسن نقوی کا حوالہ ہنڈی اور بھکاری مافیا کے خلاف مؤثر کریک ڈاؤن کا حکم

  • محسن نقوی کا حوالہ ہنڈی اور بھکاری مافیا کے خلاف مؤثر کریک ڈاؤن کا حکم

    محسن نقوی کا حوالہ ہنڈی اور بھکاری مافیا کے خلاف مؤثر کریک ڈاؤن کا حکم

    وزیر داخلہ محسن نقوی نے حوالہ ہنڈی اور بھکاری مافیا کے خلاف مؤثر کریک ڈاؤن کا حکم دے دیا۔

    ایف آئی اے کراچی زون کے دورے کے موقع پر اجلاس سے خطاب کرتے ہوئے محسن نقوی نے کہا کہ حوالہ ہنڈی میں ملوث بڑے بڑے لوگوں پر ہاتھ ڈالا جائے،وزیر داخلہ نے بھکاریوں کو بیرون ملک بھجوانے والے ایجنٹ مافیا کی سرکوبی کا بھی حکم دیتے ہوئے کہا کہ بھکاری مافیا پاکستان کے امیج کو خراب کر رہا ہے۔

    انہوں نے ایف آئی اے کو حکم دیا کہ مفرور ایجنٹس کو دیگر صوبوں کے تعاون سے گرفتار کیا جائے ، بیرون ملک سے ڈی پورٹ ہوکر آنے والے بھکاریوں کی گرفتاری یقینی بنائی جائے،جعلی ادویات کا کاروبار کسی صورت برداشت نہیں کی جائے گا، جعلی ادویات کے مکروہ دھندے میں ملوث لوگوں سے آہنی ہاتھوں سے نمٹا جائے، جعلی ادویات کے کاروبار میں ملوث لوگوں کی اصل جگہ جیل ہے، 5 ہزار سے زائد ڈالر بیرون ملک لے کر جانے والوں کیخلاف بھی کارروائی کی جائے۔

    190 ملین پاؤنڈ کیس: جلد سماعت کیلئےعمران خان ، بشریٰ بی بی کی اسلام آباد ہائیکورٹ میں درخواست

    انہوں نے ہدایت کی کہ بیرون ملک سے ڈی پورٹ ہوکر آنے والے بھکاریوں کی گرفتاری یقینی بنائی جائے، جعلی ادویات کا کاروبار کسی صورت برداشت نہیں، جعلی ادویات کے مکروہ دھندے میں ملوث لوگوں سے آہنی ہاتھوں سے نمٹا جائے، جعلی ادویات کے کاروبار میں ملوث لوگوں کی اصل جگہ جیل ہے۔

    محسن نقوی نے نان کسٹم مصنوعات کے خلاف بھرپور کارروائی اور 5 ہزار سے زائد ڈالر بیرون ملک لے کر جانے والے مسافروں کے خلاف سخت ایکشن کا حکم دیتے ہوئے کہا کہ ایسے مسافروں کے خلاف قانون کے مطابق بھرپور کارروائی کی جائے۔

    اجلاس میں ڈائریکٹر ایف آئی اے کراچی زون نعمان صدیق نے وزیر داخلہ محسن نقوی کو بریفنگ دی اور ایف آئی اے کراچی زون کی کارکردگی اور درپیش مسائل سے آگاہ کیا۔

    وفاقی کابینہ کا 5 لاکھ ٹن چینی درآمد کرنے کا فیصلہ

  • یونان کشتی حادثے میں ملوث انسانی اسمگلرز گرفتار

    یونان کشتی حادثے میں ملوث انسانی اسمگلرز گرفتار

    گجرانوالہ:ایف آئی اے گجرانوالہ زون نے یونان کشتی حادثہ 2023 میں ملوث بدنام زمانہ انسانی اسمگلرز مبشر علی اور شفاقت علی کو راولپنڈی سے گرفتار کر لیا-

    ترجمان ایف آئی اے کے مطابق دونوں ملزمان ریڈ بک میں انتہائی مطلوب اور انسانی اسمگلنگ کے خطرناک نیٹ ورک کا حصہ تھے دونوں ملزمان کا تعلق کوٹ بیلہ، گجرات سے ہے اور ان کے خلاف مجموعی طور پر 39 مقدمات درج تھے ملزم مبشر علی پر کمپوزٹ سرکل گجرات میں 22 سے زائد جبکہ گجرانوالہ میں 7 مقدمات درج تھے شفاقت علی کے خلاف کمپوزٹ سرکل گجرات میں 10 مقدمات زیر تفتیش ہیں۔

    ایف آئی اے کے مطابق ملزمان نے 39 معصوم شہریوں کو اٹلی ملازمت کا جھانسہ دے کر فی کس 25 لاکھ روپے وصول کیے اور مجموعی طور پر 9 کروڑ 75 لاکھ روپے ہتھیائے، یہ شہری لیبیا کے راستے یورپ جانے کی کوشش میں کشتی حادثے کا شکار ہوئے، جس میں متعدد پاکستانی جاں بحق ہوئے جدید ٹیکنالوجی اور ہیومن انٹیلیجنس کی مدد سے ان خطرناک اسمگلروں کو گرفتار کیا گیا ان کی گرفتاری کے لیے اس سے قبل پنجاب کے مختلف علاقوں میں بھی چھاپے مارے گئے تھے۔ ملزمان کے دیگر ساتھیوں کی گرفتاری کے لیے بھی کارروائیاں جاری ہیں۔

    اسرائیلی جارحیت کا مکمل جواب دیئے بغیر مذاکرات نہیں ہوں گے،ایران

    ڈائریکٹر ایف آئی اے گجرانوالہ زون عبدالقادر قمر نے کارروائی کرنے والی ٹیم کی کارکردگی کو سراہتے ہوئے کہا کہ انسانی اسمگلنگ کیخلاف زیرو ٹالرنس پالیسی پر عمل جاری ہے اور ایسے عناصر کو قانون کے کٹہرے میں لایا جائے گا انسانی اسمگلنگ کے بین الاقوامی نیٹ ورک کو جڑ سے ختم کیا جائے گا اور تمام ایئرپورٹس پر تعینات افسران ایجنٹوں پر کڑی نگرانی رکھے ہوئے ہیں،معصوم جانوں سے کھیلنے والوں کو سخت سزائیں دلوائی جائیں گی تاکہ آئندہ کوئی شہر ی ایسے دھوکے کا شکار نہ ہو۔

    پاکستان کی جانب سے اسرائیل پر جوہری حملے کی دھمکی کا پروپگینڈا بے نقاب

  • ایف آئی اے کارروائی، کروڑوں کا فراڈ کرنے والے باپ بیٹا گرفتار

    ایف آئی اے کارروائی، کروڑوں کا فراڈ کرنے والے باپ بیٹا گرفتار

    وفاقی تحقیقاتی ادارے (ایف آئی اے) نے بڑی کارروائی کرتے ہوئے بیرون ملک ملازمت کا جھانسہ دے کر 2 کروڑ 40 لاکھ روپے سے زائد فراڈ کرنے والے باپ بیٹے کو گرفتار کر لیا۔

    ترجمان ایف آئی اے کے مطابق گرفتار ملزمان کی شناخت محمد ندیم اور حاجی ریاض کے نام سے ہوئی ہے، جنہوں نے متعدد شہریوں سے اسپین میں ملازمت دلانے کے نام پر خطیر رقم بٹوری۔تحقیقات سے انکشاف ہوا ہے کہ ملزمان متاثرہ افراد کو اسپین بھیجنے کے بجائے وزٹ یا عمرہ ویزے پر سعودی عرب اور دیگر ممالک بھیجتے رہے، بعد ازاں انہیں غیر قانونی طریقے سے موریطانیہ پہنچا کر سمندری راستے سے یورپ اسمگل کرنے کی کوشش کی جاتی تھی۔

    ایف آئی اے کے مطابق ملزمان کے خلاف کمپوزٹ سرکل ایف آئی اے ملتان میں 14 مختلف انکوائریاں درج ہیں، جبکہ مزید تفتیش جاری ہے اور متاثرہ افراد کے بیانات قلمبند کیے جا رہے ہیں۔ادارے نے عوام کو خبردار کیا ہے کہ وہ بیرون ملک ملازمت یا ہجرت کے لیے صرف قانونی اور مستند ذرائع سے رجوع کریں، اور کسی بھی غیر تصدیق شدہ ایجنٹ یا فرد کے جھانسے میں نہ آئیں۔

    وفاقی حکومت کا انرجی سیور پنکھے اقساط پر دینے کا فیصلہ

    اسحاق ڈار کے سفارتی روابط: آذربائیجان اور ازبکستان کے وزرائے خارجہ سے گفتگو

    وزیراعظم کا بلوچستان کے لیے 250 ارب روپے مختص کرنے کا اعلان

    کوئٹہ ، کوئلہ کان پر حملہ، قبائلی رہنما بھائی سمیت جاں بحق، 11 افراد زخمی

  • ویزا فراڈ اور انسانی اسمگلنگ میں ملوث خاتون سمیت 5 ملزمان گرفتار

    ویزا فراڈ اور انسانی اسمگلنگ میں ملوث خاتون سمیت 5 ملزمان گرفتار

    وفاقی تحقیقاتی ادارے (ایف آئی اے) نے انسانی اسمگلنگ اور ویزا فراڈ میں ملوث خاتون سمیت 5 افراد کو گرفتار کرلیا ہے۔

    باغی ٹی وی کے مطابق یہ گرفتاریاں گوجرانوالہ اور فیصل آباد زون کی ٹیموں نے سیالکوٹ، منڈی بہا الدین، گوجرانوالہ اور فیصل آباد میں کارروائیوں کے دوران کیں۔ترجمان ایف آئی اے کے مطابق ملزمان شہریوں کو بیرون ملک ملازمت کے جھوٹے وعدے کر کے لاکھوں روپے لوٹنے میں ملوث پائے گئے۔گرفتار ملزمان میں وسیم عباس، حیدر، حارث شاہد، نبیلہ، اور عمر عرفان شامل ہیں.

    حارث شاہد نے ایک شہری سے البانیہ ملازمت دلوانے کے وعدے پر62 لاکھ روپے 60 ہزار وصول کیے، مگر شہری کو اٹلی کی بجائے آذربائیجان اور ازبکستان بھیجا گیا۔وسیم عباس نے سعودی عرب ملازمت کا جھانسہ دے کر 5 لاکھ روپے 22 ہزار ہتھیا لیے، مگر وعدہ پورا نہ کر سکا۔حیدر اور نبیلہ نے ایک شہری سے متحدہ عرب امارات ملازمت دلوانے کے وعدے پر 7 لاکھ 72 ہزارروپے لیے اور پھر غائب ہو گئے۔

    عمر عرفان (فیصل آباد) کو انسانی اسمگلنگ اور 11 لاکھ روپے بھتہ وصول کرنے کے الزام میں گرفتار کیا گیا.ایف آئی اے کا کہنا ہے کہ تمام ملزمان شہریوں کو بیرون ملک بھیجنے میں ناکامی کے بعد روپوش ہو چکے تھے، تاہم اب انہیں قانون کی گرفت میں لے لیا گیا ہے۔

    واضح رہے کہ یہ کارروائیاں انسانی اسمگلنگ کے خلاف ایف آئی اے کی جارحانہ مہم کا حصہ ہیں۔ ادارہ اس قسم کی غیرقانونی سرگرمیوں کے خلاف زیرو ٹالرنس پالیسی پر عمل پیرا ہے۔

    امیر مقام نے بھائی کو نیشنل کوآرڈینیٹر بنانے کی سفارش کر دی

    اوکاڑہ: قومی شاہراہ پر حادثہ، کار کی ٹکر سے ایک نوجوان جاں بحق، دوسرا زخمی

    سندھ طاس معاہدے کی معطلی عالمی قوانین کی کھلم کھلا خلاف ورزی ہے،معین وٹو

  • ایف آئی اے کی کارروائی: انسانی اسمگلنگ میں ملوث 4 بدنام زمانہ ملزمان گرفتار

    ایف آئی اے کی کارروائی: انسانی اسمگلنگ میں ملوث 4 بدنام زمانہ ملزمان گرفتار

    وفاقی تحقیقاتی ادارے (ایف آئی اے) لاہور زون نے انسانی اسمگلنگ کے خلاف اہم کارروائی کرتے ہوئے 4 بدنام زمانہ اشتہاریوں کو گرفتار کرلیا ہے۔ گرفتاریاں لاہور اور شیخوپورہ میں کی گئی ہیں۔

    ایف آئی اے حکام کے مطابق گرفتار ملزمان میں عمیر رفیق، محمد یوسف، شاہد رسول اور نوریز صادق شامل ہیں۔ یہ افراد بیرون ملک ملازمت اور ویزے کا جھانسہ دے کر شہریوں سے لاکھوں روپے ہتھیا چکے ہیں۔عمیر رفیق نے کینیڈا بھجوانے کا جھانسہ دے کر 1 کروڑ روپے ہتھیائے۔محمد یوسف اور شاہد رسول نے ایک شہری سے کینیڈا کا جعلی وزٹ ویزہ دے کر 40 لاکھ روپے بٹورے۔نوریز صادق نے بیرون ملک ملازمت کا لالچ دے کر 11 لاکھ روپے لیے۔

    اہم انکشاف یہ بھی ہوا ہے کہ ملزم نوریز صادق لاہور ٹریفک پولیس میں بطور وارڈن ڈیوٹی سرانجام دے رہا تھا، جس سے اداروں کے اندر بھی ایسے عناصر کی موجودگی پر سوالات اٹھ گئے ہیں۔ایف آئی اے نے تمام ملزمان کو گرفتار کر کے تفتیش شروع کر دی ہے اور مزید انکشافات کی توقع کی جا رہی ہے۔ حکام نے شہریوں سے اپیل کی ہے کہ وہ ایسے فراڈ سے ہوشیار رہیں اور کسی بھی مشکوک پیشکش کی اطلاع فوری طور پر ایف آئی اے کو دیں۔

    پی ٹی اے اور سائبر کرائم ایجنسی کا کلون شدہ موبائل فونز کے خلاف کریک ڈاؤن، 6 افراد گرفتار

    ٹرمپ کا بڑا فیصلہ؛ یورپی یونین کی مصنوعات پر 50 فیصد ٹیرف نافذ ہوگا

    سیالکوٹ: عدالت کا بڑا فیصلہ،بھائی کے قاتل کو سزائے موت کا حکم

  • افغانوں کو پاکستانی پاسپورٹ پر سعودی ویزے دلوانے والے گینگ کے ارکان گرفتار

    افغانوں کو پاکستانی پاسپورٹ پر سعودی ویزے دلوانے والے گینگ کے ارکان گرفتار

    اسلام آباد:افغان باشندوں کو پاکستانی پاسپورٹ پر سعودی ویزے دلوانے والے گینگ کے ارکان کو گرفتار کرلیا گیا۔

    ترجمان ایف آئی اے کے مطابق کاؤنٹر ٹیررازم ونگ اسلام آباد نے خفیہ اطلاعات پر انسانی اسمگلنگ اور جعلی پاسپورٹ نیٹ ورکس کے خلاف کریک ڈاؤن کے دوران منظم گینگ کے 3 مزید ارکان کو گرفتار کرلیا گرفتار ملزمان کی شناخت محمد عالم زیب، آصف خان اور ہارون الرشید کے نام سے ہوئی ، جو بین الاقوامی منظم گینگ کا حصہ ہیں ، یہ منظم گینگ افغان شہریوں کو جعل سازی سے پاکستانی شناختی کارڈز ، مشین ریڈایبل پاسپورٹس اور سعودی عرب کے ورک ویزوں کے اجرا میں ملوث پایا گیا ۔

    ترجمان کے مطابق ملزم عالم زیب نے 31 افغان شہریوں کو پاکستان پاسپورٹ پر سعودی عرب کے ورک ویزہ جاری کیے اسی طرح ملزم آصف خان نے 4 افغان شہریوں کو پاکستان پاسپورٹ پر سعودی عرب کے ورک ویزہ جاری کیے جب کہ ملزم ہارون الرشید نے 58 افغان شہریوں کو پاکستانی پاسپورٹ پر سعودی ورک ویزہ جاری کیے ۔

    پاک بحریہ کی بحرین میں سالانہ میری ٹائم سیکیورٹی کانفرنس 2025 میں شرکت

    ترجمان کےمطابق منظم گینگ کےسرکاری اہلکاروں بشمول امیگریشن اینڈ پاسپورٹ آفس اور نادرا آفس کےاہلکاروں کےملوث ہونے کا تعین کیا جا رہا ہے ، اس کے علاوہ گینگ میں شامل دیگر ملزمان کی گرفتاری کے لیے چھاپے بھی مارے جار ہے ہیں۔

    مودی سرکار پاکستان پر دوبارہ حملہ آور ہونے کیلئے سو بار سوچے گی،وزیراعظم

  • اداکارہ نادیہ حسین کے شوہر کی مبینہ کرپشن،تحقیقات میں اہم پیش رفت

    اداکارہ نادیہ حسین کے شوہر کی مبینہ کرپشن،تحقیقات میں اہم پیش رفت

    ایف آئی اے کارپوریٹ کرائم سرکل نے معروف ماڈل و اداکارہ نادیہ حسین کے شوہر عاطف خان کی مبینہ مالی کرپشن کے کیس میں اہم پیش رفت کرتے ہوئے مزید افراد کو طلب کرنے کا فیصلہ کر لیا ہے۔

    باغی ٹی وی کے ذرائع کے مطابق، ایف آئی اے نے دو افراد — عمران شیرانی اور ایک نجی سیکیورٹیز کمپنی کے نمائندے عدیل ظفر — کو تحقیقات کے لیے طلب کرنے کا فیصلہ کیا ہے۔ رپورٹ کے مطابق، عمران شیرانی نے مبینہ طور پر ایک ملین روپے جبکہ عدیل ظفر نے 18 ملین روپے سے زائد رقم وصول کی تھی۔اس کے علاوہ، لاہور کے عامر یاسین کو بھی طلب کیا جا رہا ہے، جنہوں نے مبینہ طور پر پانچ سو ملین روپے کی ٹریڈنگ کی۔ تینوں افراد سے عاطف خان کی مبینہ مالی بے ضابطگیوں سے متعلق بیانات ریکارڈ کیے جائیں گے۔

    ذرائع کے مطابق، عاطف خان کے کہنے پر شارٹ ٹرم تھرڈ پارٹی فنڈنگ میں شامل چھ افراد کو بھی ایف آئی اے نے طلب کرنے کا فیصلہ کیا ہے۔ اس سے قبل، رقم وصول کرنے والے دیگر تین افراد کے بیانات پہلے ہی قلمبند کیے جا چکے ہیں۔یاد رہے کہ ایف آئی اے کارپوریٹ کرائم سرکل میں عاطف خان کے خلاف کروڑوں روپے کی مبینہ مالی کرپشن کا مقدمہ درج ہے، اور اس کی تحقیقات تیزی سے جاری ہیں۔

    یوٹرن،عمران خان نےایک اور فیصلہ واپس لے لیا

    بھارتی براہموس میزائل ڈپو تباہی، پاکستانی مؤقف کی تصدیق ہوگئی