Baaghi TV

Tag: بارش

  • نارروال؛ آسمانی بجلی گرنے سے 6 افراد جاں بحق

    نارروال؛ آسمانی بجلی گرنے سے 6 افراد جاں بحق

    پنجاب کے شہروں سیالکوٹ، نارووال اور شیخورہ میں آسمانی بجلی گرنے کے واقعات میں 11 افراد جاں بحق اور 5 زخمی ہو گئے ہیں جبکہ ڈپٹی کمشنر نارووال کے مطابق رتن پور، پنچ پیر اور چانگوالی میں آسمانی بجلی گرنے کے واقعات پیش آئے، ان واقعات میں 5 افراد جاں بحق اور 5 زخمی ہوئے ہیں علاوہ ازیں انہوں نے بتایا کہ آسمانی بجلی گرنے سے جاں بحق افراد کی لاشوں اور زخمیوں کو ڈسٹرکٹ ہیڈ کوارٹر اسپتال منتقل کر دیا گیا ہے۔

    اس سے قبل پنجاب کے ضلع نارروال کی تحصیل شکرگڑھ میں آسمانی بجلی گرنے سے 6 افراد جاں بحق، جب کہ 4 افراد زخمی ہوگئے تھے جبکہ ریسکیو حکام کے مطابق جلی ظفروال پنج پیر، رتن پور، خورد قانو گوئی اور چانگو والی میں گری، واقعے میں ایک قربانی کا بیل بھی آسمانی بجلی کی نظر ہوگیا۔ علاوہ ازیں ریسکیو حکام نے بتایا کہ واقعے کی اطلاع ملتے ہی ریسکیو کی ٹیمیں جائے حادثات پر پہنچیں اور زخمیوں و لاشوں کو ڈسٹرکٹ ہیڈ کوارٹر اسپتال نارووال منتقل کردیا گیا۔

    جبکہ ڈپٹی کمشنر نارووال کے مطابق رتن پور، پنچ پیر اور چانگوالی میں آسمانی بجلی گرنے کے واقعات پیش آئے، ان واقعات میں 4 افراد جاں بحق اور 6 زخمی ہوئے۔ اور انہوں نے یہ بھی بتایا کہ آسمانی بجلی گرنے سے جاں بحق افراد کی لاشوں اور زخمیوں کو ڈسٹرکٹ ہیڈ کوارٹر اسپتال منتقل کر دیا گیا ہے۔
    مزید یہ بھی پڑھیں؛
    ڈاؤیونیورسٹی ایشیا کی بہترین جامعات کی فہرست میں شامل
    تعلیمی میدان میں گلگت بلتستان کے نوجوان آزاد کشمیر اور اسلام آباد کے نوجوانوں سے آگے
    سلمان خان نے نوازالدین صدیقی کی اہلیہ کو ذاتی زندگی کے بارے میں بات کرنے سے منع کر دیا
    قومی اسمبلی: نااہلی کی سزا 5 سال کرنے کا بل اتفاق رائے سے منظور
    مئیر کراچی انتخابات: پی ٹی آئی کےمزید 6 اراکین پی ٹی آئی سے فارغ
    دوسری جانب شیخوپورہ میں بھی آسمانی بجلی گرنے سے ایک شخص جاں بحق ہو گیا، ریسکیو ذرائع کا بتانا ہے کہ آسمانی بجلی گرنے سے منڈیالہ گاؤں میں ایک شخص کی موت واقع ہوئی۔ جبکہ اس سے قبل مئی کے مہینے میں تھرپارکر کی تحصیل مٹھی، اسلام کوٹ اور ننگرپارکر میں بھی آسمانی بجلی گرنے سے 6 افراد جاں بحق ہوگئے تھے۔ تاہم خیال رہے کہ محکمہ موسمیات نے آج نے پنجاب سمیت ملک کے مختلف شہروں میں شدید بارشوں کی پیشگوئی کر رکھی ہے۔

    خیال رہے کہ مردان:گڑھی کپورہ میں کمرے کی چھت گر گئی ریسکیو کے مطابق مردان:حادثے کے نتیجے میں خاتون اور بچہ زخمی ہوگئے جبکہ مردان:حادثے کی اطلاع ملنے پر ریسکیو1122 میڈیکل ٹیم موقع پر پہنچ گئی، مردان:ریسکیو1122 میڈیکل ٹیم نے زخمیوں کو ابتدائی طبی امداد دیتے ہوئے ایم ایم سی منتقل کردیا گیا،مردان:زخمیوں میں 40 سالہ زوجہ مطلب اور 6 سالہ بیٹا شامل ہیں۔

    دوسری جانب ریسکیو1122 کے مطابق بونیر میں بھی چھت گرگئی گاوں تختہ بند میں طوفانی بارش کیوجہ سے کمرے کی چھت گر گئی جبکہ حادثے کے نتیجے میں 6 افراد زخمی جبکہ ایک خاتون موقع پر جانبحق، ریسکیو1122 میڈیکل ٹیموں نے زخمیوں کو ابتدائی طبی امداد فراہم کرنے کے بعد ڈگر ہسپتال منتقل کر دیا، جانبحق و زخمیوں کی شناخت درجہ ذیل ناموں سے ہوئی:

    جانبحق۔ مسماة (ز)

    زخمی
    1- مدیحہ عمر 14سال ساکن تحتہ بند
    2- جہانگیر عمر 45سال ساکن تحتہ بند
    3- حاشر عمر 9سال ساکن تختہ بند

    4- ارسلان عمر 7سال ساکن تختہ بند
    5۔حماد عمر 8سال ساکن تختہ بند

    6۔حبیبہ عمر 15سال ساکن تحتہ بند

  • خیبر پختونخوا مختلف علاقوں میں طوفان اور بارش نے 8 افراد کی جان لے لی

    خیبر پختونخوا مختلف علاقوں میں طوفان اور بارش نے 8 افراد کی جان لے لی

    خیبر پختو نخوا کے مختلف اضلاع پشاور، بنوں ،لکی مروت اور سرائے نورنگ میں طوفانی بارش، تیز آندھی اور جھکڑ نے تباہی مچا دی ہے۔ مکانات کی چھتیں اور دیواریں گرنے سے دو خواتین اور تین بچوں سمیت8افراد جاں بحق اور 60سے زائد شدید زخمی ہو گئے ہیں۔ طوفان اور بارش سے مواصلات کا نظام درہم برہم ہو گیا۔ بیشتر علاقوں میں بجلی سپلائی منقطع ہو گئی ۔
    بنوں میں ایک بار پھر تیز ہوائوں کیساتھ موسلا دھار بارش کے نتیجے میں مکانات کی چھتیں اور دیواریں گرنے سے دو خواتین اور تین بچوں سمیت پانچ افراد جاں بحق ہوگئے جن میں دو کم عمر بہن بھائی شامل ہیں اسی طرح 45سے زائد افراد زخمی ہو گئے ۔ زخمیوں میں بچے خواتین اور بوڑھے شامل ہیں ، ریسکیو ذرائع کے مطابق بنوں میں اتوار کی سہ پہر ہونے والی طوفانی بارش سے مضافاتی علاقوں میں کچے مکانات ، دیواریں اور چھتیں گرنے کی اطلاعات موصول ہوئی ہیں۔ خلیفہ گلنواز ہسپتال میں للو زا ئی سورانی سے تعلق رکھنے والے دل عباس خان کے دو بچے 9 سالہ شاہین بی بی اور پانچ سالہ راشد کو لایا گیا جو دم توڑ گئے
    اسی گائوں کی پانچ سالہ سلونہ بی بی دختر محمد عبداللہ جاں بحق ہو گئی ، ڈسٹرکٹ ہیڈکوارٹر ہسپتال میں گل پری زادہ سکنہ براگے پمپ جس کے گھر کے تین کمرے منہدم ہوگئے زخموں کی تاب نہ لاتے ہوئے چل بسی، غوریوالہ سے تعلق رکھنے والی معمر خاتون بس نورزادہ حقداد خان سکنہ کوٹ آزاد مغل غوریوالہ بھی ہسپتال میں چل بسی ۔ انتظامیہ کی جانب سے ہسپتالوں میں ایمر جنسی نافذ کی گئی اور کنٹرول روم قائم کیا گیا ۔ بعض زخمیوں کی حالت تشویشناک بتائی جاتی ہے، بارش سے سوارنی، ککی، پکا بچک، ہوید، غوریوالہ ، چندمری ، برگے پمپ ، نیو سبزی منڈی، پیر خیل ککی کے علاقے زیادہ متاثر ہوئے۔ طوفانی بارش کی وجہ بجلی کے کھمبے اکھڑ گئے۔
    تاریں سڑکوں پر آ گئیں ۔ دریں اثناء پشاور میں طوفانی ہوائوں اور تیز جھکڑ نے تباہی مچا دی ، مختلف علاقوں میں جستی چادروں کی چھتیں اڑ گئیں جبکہ بجلی کی تاروں اور کھمبوں کو بھی شدید نقصان پہنچا ہے۔طوفان کے دوران بجلی کی سپلائی معطل ہوگئی اور دکانوں کے شٹرز اور سائن بورڈز کو بھی شدید نقصان پہنچا ہے اس دوران پشاور میں ایک کمسن بچے سمیت 2 افراد جاں بحق اور پانچ افراد شدید زخمی ہوئے ہیں۔ واضح رہے کہ اس سے پہلے 10 جون کو شدید آندھی اور بارش کی وجہ سے 25 افراد جان سے گئے اور 100 سے زائد افراد زخمی ہو گئے تھے،

  • خیبر پختونحوا، پنجاب اور کشمیر میں آندھی اور بارش کا امکان

    خیبر پختونحوا، پنجاب اور کشمیر میں آندھی اور بارش کا امکان

    ملک کے مختلف حصوں میں بارش کی پیشگوئی-

    باغی ٹی وی : محکمہ موسمیات کے مطابق آج خیبر پختونحوا، پنجاب اور کشمیر میں کہیں کہیں آندھی، جھکڑ چلنے اور گرج چمک کے ساتھ بارش کا امکان ہے۔

    گزشتہ رات لاہور کے مختلف علاقوں میں آندھی کے ساتھ بارش ہوئی جہاں دیوارگرنے سے خاتون جاں بحق اور تین افراد زخمی ہوئے جہلم،گجرات،گوجرانوالہ، ظفروال اور حافظ آباد میں بھی بارش ہوئی –


    دوسری جانب خیبرپختونخوا کے مختلف شہروں میں آندھی اور طوفانی بارش ہوئی خیبرپختونخوا کے شہروں پشاور، بنوں، لکی مروت، ڈی آئی خان اور مانسہرہ میں آندھی اور طوفانی بارش کے باعث دودیواریں اور چھتیں گرنے کے واقعات پیش آئے جن میں 7 افراد جاں بحق اور 71 کے قریب زخمی ہوگئے۔

    یونان میں عوام کا تارکینِ وطن کے خلاف پالیسیوں پر احتجاج

    جہاں مختلف شہروں میں موسلادھار بارش سے کہیں لوگوں کو زحمت اٹھانا پڑی تو کہیں لوگوں نے جشن منایا۔ صحرائے تھر بھی انہیں علاقوں میں سے ایک ہے جہاں کے باسیوں کو بارش کا انتظار رہتا ہےصحرائے تھر میں بارش سے فائدہ ہوتا ہے موسم بھی اچھا ہو جاتا ہے اور مال مویشیوں کے لئے چارے کا بندوبست بھی ہوتا ہے ساتھ ہی پانی کا ذخیرہ بھی ہوجاتا ہے۔

    تھرپارکر میں بارش کے بعد چار سوں خوشیاں پھیل گئیں۔ مٹھی میں لوگ بارش سے خوب لطف اندوز ہوئے۔ شہری موسم کا مزہ لینے مٹھی کی واحد تفریح گاہ گڈھی بھٹ پہنچے۔

    امریکی وزیر خارجہ کی چینی ہم منصب سےطویل ملاقات

    علاوہ ازیں سبی اور اس کے مصافات میں زلزلے کے جھٹکے محسوس کیے گئے ہیں زلزلہ پیما مرکز کے مطابق ریکٹر سکیل پر زلزلے کی شدت 4 اعشاریہ 5 ریکارڈ کی گئی ہے جبکہ گہرائی 10 کلومیٹر زیر زمین تھی زلزلے کے جھٹکے رات 9 بج کر 34 منٹ پر محسوس کیے گئے۔

    زلزلے کے جھٹکے محسوس کرنے والے شہری کلمۂ طیبہ کا ورد کرتے ہوئے گھروں سے نکل کر کھلے مقامات کی طرف آگئے زلزلے کے نتیجے میں کسی جانی و مالی نقصان کی اطلاع موصول نہیں ہوئی تاہم تمام متعلقہ اداروں کو الرٹ کردیا گیا ہے۔

    سعودی عرب؛ ذی الحج کا چاند نظر آگیا

  • خیبر پختونخواہ طوفانی آندھی سے 19 اموات،102 زخمی، 15 کی حالت تشویش ناک

    خیبر پختونخواہ طوفانی آندھی سے 19 اموات،102 زخمی، 15 کی حالت تشویش ناک

    ریسکیو 1122 کے ڈائریکٹر جنرل کے مطابق آندھی اور طوفان کے باعث جانبحق افراد کی تعداد 19 ہوگئی، ریسکیو1122 نے بنوں میں12, لکی مروت میں 3 اور کرک میں 4 افراد جان بحق ہونے کی تصدیق کی ہیں، ڈائریکٹر جنرل ریسکیو1122 کے مطابق آندھی اور طوفان کے باعث 102 سے زائد افراد زخمی ہوئے،جس میں زیادہ تر حادثات چھتیں اور دیواریں منہدم ہونے کے باعث پیش ائیں، بنوں لکی مروت اور کرک کے تمام ہسپتالوں میں. ایمرجنسی نافذ کر دی گئی ہے، جبکہ زخمی ہونے والوں میں 15 لوگوں کی حالت تشویش ناک بتائی جا رہی ہے،جنکو فوری طبی امداد فراہم کی جارہی ہے، دوسری جانب کمشنر بنوں ڈویژن پرویز ثبت خیل کے ہمراہ ڈپٹی کمشنر بنوں منظور احمد آفریدی نے ڈسٹرکٹ ہیڈ کوارٹر ہسپتال بنوں کا دورہِ کیا جہاں انہوں نے جانبحق افراد کے لواحقین کے ساتھ دلی ہمدردی کا اظہار کیا اور زخمیوں کی بہترین علاج معالجے کے احکامات جاری کئے۔
    اس موقع پر کمشنر بنوں ڈویژن پرویز ثبت خیل نے کہا کہ مصیبت کی اس گھڑی میں وہ عوام کے ساتھ کھڑے ہیں انہوں نے ڈپٹی کمشنر بنوں اور لکی مروت کو الرٹ جاری کرتے ہوئے کہا کہ وہ جانبحق ہونے والے افراد کو ہر ممکن سہولیات فراہم کریں۔ اور مریضوں کی بہترین دیکھ بال کا بھی اہتمام کرنے پر زور دیا،اس کے علاوہ نقصانات کا تخمینہ لگانے کی بھی ہدایات جاری کیں۔
    طوفانی بارش کے دوران چھتوں ، دیواروں اور آسمانی بجلی گرنے سے 17 افراد جانبحق جبکہ 102 افراد زخمی ہوئے ہیں۔جن میں پندرہ کی حالت تشویشناک ہے۔تاہم اس وقت بنوں کے ہسپتالوں میں ایمرجنسی نافذ کی گئی ہے۔
    کمشنر بنوں ڈویژن نے تینوں اضلاع کے ضلعی انتظامیہ کو الرٹ جاری کی ہیں۔ تاکہ نقصانات کا بروقت ازالہ ممکن ہوسکے۔ کمشنر بنوں ڈویژن پرویز ثبت خیل نے کہا کہ ضلع بنوں میں پاک فوج کے 116 بریگیڈ اور لکی مروت میں 117 بریگیڈ کے جوان امدادی کارروائیوں میں مصروف عمل ہیں۔ اس کے علاؤہ ڈویژنل اور ضلعی انتظامیہ زخمیوں کی بہترین علاج معالجے کی نگرانی میں مصروف عمل ہیں۔

  • ملک کے بیشتر حصوں میں آندھی جھکڑ اور گرج چمک کے ساتھ بارش کا امکان

    ملک کے بیشتر حصوں میں آندھی جھکڑ اور گرج چمک کے ساتھ بارش کا امکان

    اسلام آباد سمیت ملک کے بالائی علاقوں میں آندھی /جھکڑ کے ساتھ گرج چمک کے ساتھ بارش کا امکان ہے۔

    باغی ٹی وی : محکمہ موسمیات کے مطابق آج بالائی خیبر پختونخوا،گلگت بلتستان ، کشمیر،اسلام آباد اور خطہ پوٹھوہارمیں آندھی /جھکڑ چلنے کے علاوہ گرج چمک کے ساتھ بارش کا امکان ہے۔ اس دوران بعض مقامات پر ژالہ باری کی توقع بھی ظاہر کی گئی ہےدیگر علاقوں میں موسم خشک اور گرم ہے گا-

     

    فردوس شمیم نقوی سکھر جیل منتقل

    دوسری جانب گزشتہ رات لاہور، راولپنڈی، ملتان،فیصل آباد سمیت پنجاب،خیبر پختونخوا، آزاد کشمیر اور بلوچستان کے بعض علاقوں میں آندھی،بارش اور ژالہ باری ہوئی، مختلف حادثات میں 7 افراد جاں بحق ہوگئےبارش اور آندھی سے کئی فصلیں اور باغات متاثر ہوگئے۔

    لاہور میں بارش کے باعث لیسکو کے 100 سے زائد فیڈر ٹرپ کر گئے، متعدد علاقوں میں کئی گھنٹے سے بجلی معطل ہے لاہور میں تیز آندھی کے باعث ٹرانسفارمر میں شارٹ سرکٹ سے آگ لگ گئی۔

    پاکستان کی موجودہ صورتحال:اراکین کانگریس نےانٹونی بلنکن کو خط لکھ دیا

    میانوالی میں بارش کے باعث دیوار گرنے سے 4 بچے جاں بحق ہوگئے جبکہ جھنگ میں مکان کی چھت گرنے سے 2 افراد انتقال کرگئے ملتان میں بھی چھتیں گرنے کے واقعات میں ایک شخص جاں بحق جبکہ خاتون سمیت 7 افراد زخمی ہوئے۔

  • ملک میں موسم کیسا رہے گا ؟

    ملک میں موسم کیسا رہے گا ؟

    محکمہ موسمیات نے اسلام آباد میں اکثر مقامات پر موسلادھار بارش کی پیشگوئی کی ہے-

    باغی ٹی وی : محکمہ موسمیات کے مطابق بیشترمیدانی علا قوں میں موسم خشک رہےگاجبکہ خیبر پختو نخوا، خطہ پوٹھوہار، شمال مشرقی پنجاب میں بارش کا امکان ہےآزاد کشمیر اور گلگت بلتستان میں بارش اور ژالہ باری کاامکان ہے جبکہ اسلام آباد میں اکثر مقامات پر موسلا د ھار بارش متوقع ہے۔

    نوواں جائزہ مکمل ہونے پر پاکستان کی ضروری فنانسنگ جاری ہوگی،چیف آئی ایم ایف

    محکمہ موسمیات کے مطابق راولپنڈی، جہلم، اٹک، چکوال، مری، گلیات،نارووال، گوجرانوالہ، سر گو دھا، بھکر، لیہ، گجرات، سیالکوٹ اور لاہور میں بارش کا امکان ہے منڈی بہاؤالدین اور حافظ آباد اور مردان میں بارش اور چند مقامات پر ژالہ باری کاامکان ہےجبکہ چترال، دیر، سوات، کالام، سیدوشریف، ایبٹ آباد، مانسہرہ ،کوہستان، کرم، وزیرستان، پشاور اورکوہاٹ میں گرج چمک کے ساتھ بارش متوقع ہے۔

    امریکا کا ایف 16 لڑاکا طیارہ جنوبی کوریا میں گرکرتباہ

    دوسری جانب بلوچستان کے بیشتر اضلاع میں آندھی، بارش، اولے اور سیلابی ریلے سمیت مستونگ میں آسمانی بجلی گرنے کے مختلف واقعات میں تین بچوں سمیت 4 افراد جاں بحق ہوگئےانتظامیہ کے مطابق آندھی، بارش، اولےاورسیلابی ریلے کی وجہ سے درجنوں گاڑیوں، باغات، فصلوں اور سڑکوں کو بری طرح سے نقصان پہنچا جب کہ چمن میں طوفانی آندھی اور ریت کے طوفان سے دن میں رات کا سماں بن گیا۔

    مسجد نبویؐ میں چہل قدمی کرتےہوئےوائرل ہونیوالے بزرگ سعودی شہزادے کی دعوت پر سعودی عرب …

    دوسری جانب ملتان اور بھکر سمیت پنجاب کے مختلف شہروں میں ہلکی اور تیز بارش سے موسم خوشگوار ہوگیا جب کہ صوبہ سندھ کے علاقے دادو میں بھی تیز ہواؤں کے ساتھ بارش ہوئی اس کے علاوہ کراچی گرم موسم کی لپیٹ میں ہے اور آنے والے دنوں میں گرمی کی شدت میں مزید اضافہ ہوسکتا ہے۔

    شوہر نے بیوی کو قتل کر کے خود کشی کر لی

  • بارشوں کے متاثرین کی آج بھی ایک بڑی تعداد مدد کے لیے منتظر ہے،بلاول

    پی پی پی چیئرمین و وزیر خارجہ بلاول بھٹو زرداری نے ملک کے مختلف علاقوں میں بارش کی صورتحال پر کہا ہے کہ امیر ممالک کے پیدا کردہ موسمیاتی بحران کا خمیازہ غریب اقوام بھگتنے پر مجبور ہیں

    بلاول بھٹو زرداری کا کہنا تھا کہ موسمی تبدیلیوں کے باعث پاکستان میں اس بار اپریل سے ہی بارشیں شروع ہوگئیں بلوچستان سمیت ملک کے مختلف علاقوں کی ندی نالوں میں طغیانی کی صورتحال ہے گذشتہ ریکارڈ بارشوں کے متاثرین کی آج بھی ایک بڑی تعداد مدد کے لیے منتظر ہے گذشتہ بارشوں کے دوران بہہ جانے والے لاکھوں گھروں اور انفراسٹرکچر کی ازسرنو بحالی کا کام ابھی مکمل نہیں ہوا ،این ڈی ایم اے سمیت تمام متعلقہ اداروں اور حکام بارشوں کے پیش نظر ہمہ وقت چوکس رہیں بارشوں کے دوران عوام احتیاطی تدابیر اختیار کریں، سفر کرنے سے بھی اجتناب برتیں

    بلاول نے دعا کی کہ اللہ تعالیٰ پاکستان کو ہر مصیبت سے بچائے،  بلاول بھٹو زرداری نے ہدایت کی کہ جیالے اپنے اپنے علاقوں میں امدادی کاموں کے حوالے سے انتظامیہ سے رابطے میں رہیں ،پی پی پی چیئرمین نے بلوچستان، سندھ، جنوبی پنجاب اور خیبرپختونخواہ میں بارش کے دوران حادثات میں قیمتی جانوں کے ضیاع پر اظہار رنج و غم کیا،بلاول بھٹو زرداری نے حالیہ بارشوں میں اپنے پیاروں کو کھونے والے خاندانوں سے دلی تعزیت و ہمدردی کا اظہارکیا

    رمضان میں ماہواری میں عورت کیا کرے؟

     مریم نواز نے عمران خان پر کڑی تنقید 

     عمران خان جھوٹے بیانیے پر سیاست کر رہے ہیں،

    وزیراعظم کی بارشوں کی صورتحال پر وفاقی وصوبائی اداروں کو الرٹ رہنے کی ہدایت

  • بند گھر سے ماں بیٹا اور بیٹی کی مسخ شدہ لاشیں برآمد

    بند گھر سے ماں بیٹا اور بیٹی کی مسخ شدہ لاشیں برآمد

    باغی ٹی وی کی رپورٹ کے مطابق  ملتان کے نواحی علاقہ بستی ملوک کے بند گھر سے ماں بیٹا اور بیٹی کی مسخ شدہ لاشیں برآمد ہوئی ہیں.پولیس نے لاشیں تحویل میں لے کر کاروائی شروع کردی ہے

    افسوسناک واقعہ بستی ملوک میں پیش آیا، اطلاع پر پولیس موقع پر پہنچ گئی،ریسکیو اہلکاروں کے مطابق لاشیں 15 دن پرانی لگتی ہیں، اہل علاقہ کا کہنا ہے کہ پندرہ بیس دن سے گھر میں کوئی آیا گیا نہیں، بدبو آنے پر کمرے کے درواے توڑ کا لاشیں نکالی گئی ہیں،

    آئی جی پنجاب نے بستی ملوک ملتان میں گھر سے 3 افراد کی لاشیں ملنے کے واقعہ کا نوٹس لے لیا ہے اور آئی جی پنجاب ڈاکٹر عثمان انور نے آر پی او ملتان سے واقعہ کی رپورٹ طلب کرلی ،آئی جی پنجاب نے سی پی او ملتان کو ملزمان کی گرفتاری کیلئے سپیشل ٹیم تشکیل دینے کا حکم دے دیا، آئی جی پنجاب کا کہنا تھا کہ واقعہ کی ہر پہلو سے تفتیش کرتے ہوئے ملزمان کو جلد از جلد گرفتار کیا جائے،واقعہ میں ملوث ملزمان کو قرار واقعی سزا دلوائی جائے گی،مقتولین کے لواحقین کو انصاف کی فوری فراہمی یقینی بنائی جائے،

    دوسری جانب ملتان کے علاقے شیر شاہ انٹرچینج شجاع آباد روڈ کے قریب بھانے کی چھت گر گئی۔ریسکیو حکام کے مطابق بارشوں کی وجہ سے بھانے کی چھت کچی ہوئی اور گر گئی جس میں 3 لوگ نیچے دب گئے۔ ریسکیو نے اطلاع ملتے ہی قریبی اسٹیشن سے ایمبولینس اور ریسکیو ٹیمیں بھجوا دیں۔ ریسکیو اہلکاروں نے بروقت کارروائی کرتے ہوئے تین زخمیوں کو ملبے تلے سے نکال لیا۔  دو افراد شدید زخمی ہیں جبکہ ایک شخص معمولی زخمی ہے۔ زخمی ہونے والوں کو ابتدائی طبی امداد دے کر نشتر ہسپتال منتقل کر دیا گیا

    قبل ازیں بستی ملوک کا رہائشی کنواں کھدائی کے دوران مٹی میں دب کر ہلاک گیا، ابتدائی طور مزدور کی شناخت اس کے وزٹنگ کارڈ سے ہوئی ہے۔ مزدور کا نام محمد شاہد ولف محمد بخش مڑل معلوم ہوا ہے جو دنیاپور روڈ پل سکھ بیاس بستی ملوک کا رہائشی ہے.

    طالبہ کے ساتھ جنسی تعلق،حمل ہونے پر پرنسپل نے اسقاط حمل کروا دیا

    ویڈیو بنا کر ہراساں کرنے کے ملزم کی درخواست ضمانت پر فیصلہ محفوظ

    بارہ سالہ بچی کی نازیبا ویڈیو بنانے والا ملزم گرفتار

    روٹی چُرانے کا الزام، کمسن گھریلو ملازمہ بہنوں پر غیر انسانی تشدد

  • لاہور میں بارش، لیسکو ریجن کے 40 فیڈرزسے بجلی کی سپلائی عارضی طور پرمعطل

    لاہور میں بارش، لیسکو ریجن کے 40 فیڈرزسے بجلی کی سپلائی عارضی طور پرمعطل

    لاہور میں بارش، لیسکو ریجن کے 40 فیڈرزسے بجلی کی سپلائی عارضی طور پرمعطل

    لاہور کے مختلف علاقوں میں وقفے وقفے سے ہلکی پارش کا سلسلہ شروع ،بارش کے باعث موسم خوشگوارہو گیا

    شہر میں بادلوں کا راج ،گرمی کا زور ٹوٹ گیا ،جیل روڈ مال روڈ ڈیوس روڈ ٹاؤنشپ سمن آباد اور دیگر علاقوں میں ہلکی بارش ہوئی، بارش کے باعث درجہ حرارت کم سے کم 21 جبکہ زیادہ سے زیادہ 32 ڈگری سینٹی گریڈ تک جانے کا امکان ہے، ڈائریکٹر محکمہ موسمیات چوہدری محمد اسلم کے مطابق بارش کا سلسلہ آئندہ چار روز تک جاری رہنے کا امکان ہے،

    لاہور سمیت لیسکو ریجن کے مختلف علاقوں میں وقفے وقفے سے بارش کا سلسلہ جاری ہے۔ترجمان لیسکو کے مطابق بارش کے باعث لیسکو ریجن کے 40 فیڈرزسے بجلی کی سپلائی عارضی طور پرمعطل ہوئی ہے۔ لیسکو فیلڈ اسٹاف کو ہائی الرٹ کردیا گیا ہے۔ جن علاقوں میں بارش کا سلسلہ رک گیا ہے وہاں بجلی بحالی کے کام جاری ہیں۔ موسم کی خرابی کے پیش نظر لیسکو انتظامیہ کی معزز صارفین سے تعاون کی اپیل ہے۔ بجلی کی ہائی ٹینشن لائنوں سے کم ازکم10فٹ دور رہیں۔ * بجلی معطل ہونے کی صورت میں لیسکو کو مطلع کرکے عملے کے آنے کا انتظار کریں۔ بارشوں کے دوران لائن پر کام کرنے والے فیلڈ ملازمین سیفٹی سے متعلق تمام ایس او پیز پر سختی سے عمل کریں ۔ لائن اسٹاف حفاظتی آلات کے بغیر ہرگز کام نہ کرئے۔ صارفین کی شکایات کے ازالے کے ساتھ ساتھ اپنی قیمتی جان کی بھی حفاظت کریں اور قطعا جلد بازی نہ کریں۔

    شوہرکے موبائل میں بیوی نے دیکھی لڑکی کی تصویر،پھر اٹھایا کونسا قدم؟

    تعلیمی ادارے میں ہوا شرمناک کام،68 طالبات کے اتروا دیئے گئے کپڑے

  • کراچی اور بلوچستان میں مزید بارش کا امکان

    کراچی اور بلوچستان میں مزید بارش کا امکان

    کراچی: محکمہ موسمیات نے شہر قائد نمیں 24 گھنٹوں کے دوران مطلع جزوی ابرآلود رہنے اور بارش کا امکان ظاہر کیا ہے۔

    باغی ٹی وی: محکمہ موسمیات نے کراچی میں آج بھی گرج چمک کے ساتھ بارش کی پیشگوئی کی گئی ہےمحکمہ موسمیات کے مطابق شہر کا مطلع جزوی ابرآلود ہے جبکہ درجہ حرارت 32 ڈگری ریکارڈ کیا گیا ہوامیں نمی کا تناسب 77فیصد ہے۔

    پی ٹی آئی کی ریلی، لبرٹی چوک پرسیاسی پاورشوکی تیاریاں مکمل،الیکشن کمیشن نے بھی عمران …

    شام میں گرج چمک کے ساتھ کہیں ہلکی کہیں تیز بارش ہوسکتی ہے شمال مغرب سے چلنے والی ہواؤں کی رفتار7 کلومیٹر فی گھنٹہ ہے
    شمال مشرقی سمت سے ہوا کی رفتار 14 ناٹیکل مائل ہے جب کہ درجہ حرارت 36 ڈگری سینٹی گریڈ تک جانے کا امکان ہے۔

    دوسری جانب کوئٹہ سمیت بلوچستان کے اکثر علاقوں میں تیز ہواؤں کے ساتھ آج بھی بارش کا امکان ہے۔

    سابق گورنر پنجاب کیخلاف اغوا کا مقدمہ درج

    محکمہ موسمیات کے مطابق بلوچستان کے بیشتر اضلاع میں موسم جزوی طور پر ابر آلود ہے، کوئٹہ ، قلات، خضدار، زیارت ، بارکھان، چمن، قلات، دالبندین، آواران، پنجگور ، خاران اورلسبیلہ میں تیز ہواؤں کے ساتھ بارش اور پہاڑی علاقوں کےندی نالوں میں طغیانی کا امکان ہےکوئٹہ کو بولان سے ملانے والا پنجرہ پل دوبارہ پانی میں بہہ جانے کے بعد چھوٹی گاڑیوں کی آمدو رفت کے لیے راستہ بحال کیا گیا ہے۔

    پولیس مقابلے میں مطلوب ریکارڈ یافتہ 2 ڈاکو ہلاک

    محکمہ موسمیات کے مطابق کوئٹہ میں زیادہ سے زیادہ درجہ حرارت 26 سینٹی گریڈ جب کہ زیارت میں زیادہ سے زیادہ درجہ حرارت 24 سینٹی گریڈ ریکارڈ کیا گیا قلات میں زیادہ سے زیادہ درجہ حرارت 22 سینٹی گریڈ، پشین میں زیادہ سے زیادہ درجہ حرارت 24 سینٹی گریڈ، گوادر میں زیادہ سے زیادہ درجہ حرارت 33 سینٹی گریڈ اور سبی میں زیادہ سے زیادہ درجہ حرارت 35 سینٹی گریڈ ریکارڈ کیا گیا۔

    پاکستان کیخلاف بھارتی میڈیا کا من گھڑت پروپیگنڈا بے نقاب