Tag: باغی ٹی وی

کون کس وقت کیا کرے گا؟ ٹی ٹونٹی سیریز: شیڈیول جاری

پاکستان بمقابلہ جنوبی افریقہ ٹی ٹؤنٹی سیریز: ٹریننگ سیشنز کا شیڈیول

پاکستان اور جنوبی افریقہ کے مابین پہلا ٹی ٹونٹی انٹرنیشنل میچ 11 فروری کو قذافی اسٹیڈیم لاہور میں کھیلا جائے گا۔ قومی ٹی ٹونٹی اسکواڈ میں شامل کرکٹرز تین فروری بروز بدھ کو لاہور پہنچیں گے- جنوبی افریقہ کے ٹی ٹونٹی کرکٹرز بھی تین فروری کی صبح لاہور ائیرپورٹ پہنچیں گے- اس سلسلے میں پاکستان اور جنوبی افریقہ کے ٹی ٹونٹی اسکواڈز میں شامل کھلاڑیوں کی ٹریننگ سیشنز کا شیڈول مندرجہ ذیل ہے۔ اس دوران کوئی ورچوئل میڈیا سیشنز نہیں ہوگا.

بدھ، تین فروری کودونوں اسکواڈز میں شامل ٹی ٹونٹی کرکٹرز کی لاہور آمد. جنوبی افریقہ کرکٹ ٹیم کی پاکستان آمد کی تصاویر اور ویڈیوز پاکستان کرکٹ بورڈ فراہم کرے گا.

جمعرات، 4 فروری کوآرام کے دن کے لیے مقرر کردیا گیا-

جمعہ، 5 فروری کو صبح 11 سے دوپہر 2 بجے تک: جنوبی افریقہ کا قذافی اسٹیڈیم لاہور میں ٹریننگ سیشن ہوگا- سہ پہر 4 سے شام 7 بجے تک: پاکستان کا قذافی اسٹیڈیم لاہور میں ٹریننگ سیشن ہوگا- فوٹوگرافرز اور ٹی وی نیوز کیمرہ پرسنز کو صرف میڈیا گیلری فار اینڈ بلڈنگ سے ٹریننگ کی کوریج کی اجازت ہوگی.

ہفتہ، 6 فروری کو دوپہر 12:30 سے سہ پہر 3:30 بجے تک: جنوبی افریقہ کا قذافی اسٹیڈیم لاہور میں ٹریننگ سیشن ہوگا- شام 5 سے رات 8 بجے تک: پاکستان کا قذافی اسٹیڈیم لاہور میں ٹریننگ سیشن ہوگا- فوٹوگرافرز اور ٹی وی نیوز کیمرہ پرسنز کو صرف میڈیا گیلری، فار اینڈ بلڈنگ سے ٹریننگ کی کوریج کی اجازت ہوگی.

اتوار، 7 فروری کوصبح 11 سے دو پہر 2 بجے تک: جنوبی افریقہ کا قذافی اسٹیڈیم لاہور میں ٹریننگ سیشن ہوگا- سہ پہر 4 سے رات 7 بجے تک: پاکستان کا قذافی اسٹیڈیم لاہور میں ٹریننگ سیشن ہووگا- فوٹوگرافرز اور ٹی وی نیوز کیمرہ پرسنز کو صرف میڈیا گیلری فار اینڈ بلڈنگ سے ٹریننگ کی کوریج کی اجازت ہوگی.

پیر، 8 فروری کودوپہر 12:30 سے سہ پہر 3:30 بجے تک: جنوبی افریقہ کا قذافی اسٹیڈیم لاہور میں ٹریننگ سیشن ہوگا- شام 5 سے رات 8 بجے تک: پاکستان کا قذافی اسٹیڈیم لاہور میں ٹریننگ سیشن ہوگا- فوٹوگرافرز اور ٹی وی نیوز کیمرہ پرسنز کو صرف میڈیا گیلری فار اینڈ بلڈنگ سے ٹریننگ کی کوریج کی اجازت ہوگی.

فروری 2, 2021
پاک افغان بارڈر پر باڑ لگانےاور گاؤں کی آباد کاری میں اہم پیشرفت

وزیر داخلہ میر ضیاء اللہ لانگو کی زیر صدارت منگل کے روز منعقد پاک افغان بارڈر پر باڑ لگانے اور دیگر امور سمیت منقسم گاؤں کی آباد کاری کے حوالے سے اہم اجلاس منعقد ہوا۔ اجلاس میں پاک افغان بارڈر پر باڑ لگانے کےحوالے سے پیشرفت ، امن و امان کی مجموعی صورتحال اور باڈر پر موجود منقسم علاقوں پر موجود آبادیوں کی آباد کاری کے حوالے سے انتظامی معاملات کا تفصیلی جائزہ لیا گیا جبکہ متعدد اہم فیصلے کئے گئے۔ اجلاس میں باڑ،گاوں کی آباد کاری کے حوالے سے کئے گئے فیصلوں اور جاری کردہ احکامات پر عمل درآمد کا بھی جائزہ لیتے ہوئے ان فیصلوں پر عمل درآمد کی صورتحال کا جائزہ لیاگیا۔ صوبائی وزیر زراعت انجینیئر زمرک خان اچکزئی کے علاوہ ایڈیشنل چیف سیکرٹری داخلہ حافظ عبدالباسط، کمشنر کوئٹہ ڈیویژن اسفندیار کاکڑ، ڈی آئی جی کوئٹہ محمد اظہر اکرم، کمانڈنٹ چمن سکاوٹس کرنل محمد راشد،ڈپٹی کمشنر قلعہ عبداللہ بقام چمن و دیگر متعلقہ محکموں کے انتظامی سول و عسکری حکام نے اجلاس میں شرکت کی –

اجلاس میں متعلقہ حکام کی جانب سے اپنے اپنے محکموں کے حوالے سے بریفینگ دیتے ہوئے اجلاس کو بتایا گیا کہ اب تک پاک افغان بارڈر پر 213 کلومیٹر کی فینسگ میں 182 کلومیٹر کا کام مکمل ہو چکا ہے جبکہ 27 کلومیٹر کی فیسنگ کا کام جاری ہے صوبائی وزیر داخلہ نے اجلاس سے خطاب کرتے ہوئے کہا کہ صوبے میں امن و امان کی صورتحال کو قابو میں رکھنے اور دہشت گردی کے سدباب کے لیے وفاقی حکومت کی جانب سے پاک افغان بارڈر پر باڈ لگانے کا کام جاری ہے اور باڈر پر باڑ لگانے کے مسئلہ کے حل کے لیے قبائلی عمائدین کی خواہشات کے تناظر میں افغانستان کی حکومت سے دو طرفہ معاملات خوش اسلوبی سے حل کرنے کے لیے اقدامات اٹھائے جا رہے ہیں۔ بارڈر ایریا میں سیٹلمنٹ کے مسائل کے حل میں صوبائی حکومت سنجیدہ اقدامات اٹھا رہی ہے سیٹلمنٹ کے مسائل خوش اسلوبی سے حل کرنے کے لیے ضلعی انتظامیہ، بورڈ آف ریونیو کو جلد از جلد رپورٹ جمع کروانے کی ہدایات بھی کی۔

وزیر داخلہ نے باڈرکے حوالے سے دیگر مسائل کا باریک بینی سے جائزہ لیا جا رہا ہے تمام مسائل کا حل مشاورت سے تجویز کردہ رپورٹ کی بناء پر حل کیے جا سکیں گے۔ اجلاس میں صوبائی وزیر زراعت زمرک اچکزئی نے کہا کہ چمن باڈر پر آباد کار لوگوں کا مسئلہ ان کی خواہشات کے مطابق حل کیا جائے گا ۔اور قبائلی عوام سے مشاورت کے بعد مربوط لائحہ عمل بناتے ہوئے اس مسلے کا حل پائیدار بنیاد پر حل کر لیا جائے گا۔ جبکہ وزیر داخلہ نے کہا کہ حکومت بلوچستان کو باڈر سے منسلک تمام عوامل کا باخوبی علم ہے جبکہ باڈر علاقوں میں کاروبار کے فروغ بھی موجودہ حکومت کی اولین ترجیح ہے اس حوالے سے پاک افغان اور پاک ایران بارڈر پر 13 باڈر کمرشل ایریاز بھی بنانے جارہی ہے جس سے دو طرفہ تجارت اور باہمی روابط کو بڑھانے میں خاطر خواہ بہتری آ سکے گی جبکہ ان کمرشل ایریاز کے بننے سے روزگار کے وسیع مواقع دستیاب آ سکیں گے۔

فروری 2, 2021
عالمی منڈی میں پٹرولیم مصنوعات کی اضافی قیمتوں کا بوجھ صارفین پر نہ ڈالنے کی درخواست

پٹرولیم مصنوعات کی قیمتوں میں اضافہ فورا واپس لیا جائے: لاہور چیمبر

لاہور چیمبر آف کامرس اینڈ انڈسٹری کے صدر میاں طارق مصباح، سینئر نائب صدر ناصر حمید خان اور نائب صدر طاہر منظور چودھری نے حکومت پر زور دیا ہے کہ پٹرولیم مصنوعات کی قیمتوں میں اضافہ فورا واپس لیں، گذشتہ کچھ عرصہ کے دوران لگاتار اضافوں نے کاروباری شعبے کے لیے مسائل پیدا اور پیداواری لاگت میں اضافہ کیا ہے۔ ایک بیان میں لاہور چیمبر کے عہدیدارو ں نے کہا کہ اگرچہ عالمی منڈی میں تیل کی قیمتیں کچھ بڑھی ہیں لیکن ان کا بوجھ صارفین پر ڈالنے کے بجائے حکومت اپنے اخراجات اور پٹرولیم مصنوعات پر ڈیوٹیاں و ٹیکسز کم کرتی تو بہتر ہوتا۔انہوں نے کہا کہ فیول صنعت و تجارت کے لیے بہت اہم ہے، اگر اس پر ڈیوٹیوں اور ٹیکسز کا بوجھ لاد دیا جائے گا تو صرف کاروباری شعبے ہی نہیں بلکہ معیشت کے لیے بھی مسائل میں اضافہ ہوگا۔ انہوں نے کہا کہ پٹرولیم مصنوعات کی قیمتوں میں اضافے سے زرعی شعبہ بھی بری طرح متاثر ہوگا اور اس کی پیداواری لاگت بھی مزید بڑھ جائے گی، اس کے علاوہ بجلی کی قیمتوں میں اضافے کا خطرہ بھی منڈلا رہا ہے کیونکہ بجلی کا بہت بڑا حصہ تھرمل ذرائع سے پیدا ہوتاہے۔ انہوں نے کہا کہ پٹرولیم مصنوعات کی قیمتوں میں اضافے کے مجموعی اثرات کو مدنظر رکھتے ہوئے حکومت حالیہ اضافہ فی الفور واپس لینے کا حکم صادر کرے ۔

فروری 2, 2021
گرین ویو کوآپریٹو سوسائٹی اور لاہور موٹروے سٹی کی انتظامیہ کے فراڈ بے نقاب

نیب لاہور کا اہم ملزم گرفتار

نیب لاہور نے اعلان کیا کہ گرین ویو کوآپریٹو ہائوسنگ سوسائٹی کے سابق صدر ملزم میاں رفاقت علی کو گرفتارکرلیا گیاہے- ملزم میاں رفاقت علی پر ذاتی مفاد کیلئے گرین ویو ہائوسنگ سوسائٹی کے رقبہ میں مبینہ خرد برد سے خطیر سرمایہ حاصل کرنے کا الزام ہے۔ ملزم نے مبینہ طور پر اپنے اور اہل خانہ کے نام مجموعی طور پر 40 کروڑ سے زائد مالیت کے اثاثہ جات بنائے۔

ملزم رفاقت علی اور اہل خانہ کے نام 100 سے زائد بینک اکائونٹس موجود ہونیکا انکشاف ہوا ہے جسکی تحقیقات کی جا رہی ہیں- ملزم رفاقت علی اختیارات کا ناجائز استعمال کرتے ہوئے ہائوسنگ سوسائٹی کی ڈویلپمنٹ کے نام مبینہ طور پر 5 کروڑ کی رقم خرد برد کرنے کا مرتکب ٹھہرا۔ نیب لاہور کو گرین ویو کوآپریٹو سوسائٹی اور لاہور موٹروے سٹی کی انتظامیہ کیخلاف دھوکہ دہی کی تاحال 70 سے زائد شکایات موصول ہوچکی ہیں۔ ملزم کیخلاف موصول ہونیوالی شکایات کیمطابق ملزم مبینہ طور پر سوسائٹی کے فنڈز اور زمین کی خردبرد میں ملوث ہے۔

دوران تحقیقات ملزم رفاقت علی اپنے اور اہل خانہ کے نام موجود اثاثہ جات کے زرائع ثابت کرنے میں مکمل طور پر ناکام رہا۔ تحقیقات کے دوران ملزم اور اہل خانہ کے نام کم و بیش 40 کروڑ مالیت کے اثاثہ جات موجود ہونے کے شواہد حاصل ہوچکے ہیں۔ ملزم اور اہل خانہ کے نام مجموعی طور پر 1235 کنال زرعی اراضی، 48 رہائشی پلاٹ جبکہ 40 کمرشل پلاٹ موجود ہونے کے شواہد حاصل کئے گئے ہیں۔ ملزم میاں رفاقت علی کی کروڑوں روپے مالیت کی بے نامی جائیدادوں میں لاہور گلبرگ میں 1 کنال کا پلاٹ اور لاہور موٹر وے سٹی میں 26 کنال اراضی پائی گئی ہے- ملزم پر بطور صدر گرین ویو کوآپریٹو سوسائٹی ترقیاتی منصوبہ جات اپنے قریبی عزیرو اقارب کو نوازنے کا بھی الزام ہے جس سے ملزم نے مبینہ خطیر رقوم کی ہیر پھیر کی گئ۔

ملزم رفاقت علی کو ضمانت قبل از گرفتاری کی منسوخی کے بعد گرفتار کر لیا گیا ہے- نیب حکام کی جانب سے ملزم رفاقت علی کو جسمانی ریمانڈ کے حصول کیلئے کل احتساب عدالت لاہور کے روبرو پیش کیا جائیگا-

فروری 2, 2021
ویکسین پر اعتماد نہیں تو ویکسین منگوائی کیوں؟

کورونا ویکسین کے حوالے سے وزیر صحت پنجاب کے بیان پر حکومتی اور اپوزیشن ارکان نے تشویش کا اظہار کر دیا

حکومتی رکن سعید اکبر نوانی کی وزیر صحت کے بیان پر تنقید- کہتے ہیں کہ پنجاب میں کتے کے.کاٹنے کے واقعات بڑھ گئے ہیں، ویکسین نہ ہونا افسوسناک ہے – وزیر صحت ایوان کو کتے کے کاٹنے کی ویکسین سے متعلق آگاہ کرے- وزیر صحت کا.یہ بیان کہ.کرونا ویکسین اپنے رسک پر لگاوائیں ہر بندہ خود ذمہ دار ہوگا افسوسناک ہے-

اگر ان کو ہی ویکسین پر اعتماد نہیں تھا تو ویکسین منگوائی کیوں ہیں- کل کوئی جوئی واقع ہوگیا تو اس کی ذمہ داری حکومت پر آئے گی۔

فروری 2, 2021
میچز کے تحت جڑواں شہروں میں میٹروبس سروس کا نیا شیڈول جاری!

ساؤتھ افریکہ اور پاکستان کے مابین میچز کا معاملہ

ساؤتھ افریکہ اور پاکستان کے مابین میچز کی بنا پر جڑواں شہروں میں میٹروبس سروس کا نیا شیڈول جاری کردیا گیا- میٹرو بس سروس صبح 6 سے 8 بجے تک مسافروں کو سفری سہولیات فراہم کرے گی- صبح 8 سے لیکر 10 بجے تک میٹرو بس سروس بند رکھی جائے گی- 10 سے 12 بجے تک دوبارہ میڑو بس سروس مسافروں کیلئے دستیاب ہوگی- دوپہر 12 سے 2 بجے تک میٹرو بس سروس بند رکھی جائے گی- 2 بجے سے لیکر رات 10 بجے تک میٹروبس سروس بحال رہے گی- 4 فروری تک اس شیڈول کے مطابق جڑواں شہروں میں میٹروبس سروس چلے گئ-

4 فروری سے نیا شیڈول جاری کیا جائے گا-

فروری 2, 2021
پولیس کے اداروں کو مضبوط بنانے کے لیےتعلیمی شعبے کی شمولیت ایک بڑی ترجیح!

ایچ ای سی اور نیشنل پولیس بیورو کا پولیس اصلاحات میں تعلیمی شعبے کا کردار بڑھانے پر اتفاق

ہائیر ایجوکیشن کمیشن (ایچ ای سی) پاکستان اور نیشنل پولیس بیورو نے پولیس اور ملک کے اعلٰی تعلیمی اداروں کے مابین تعاون بڑھانے اور متعلقہ تحقیق کے ذریعے پولیس میں اصلاحات کے حوالے سے معنی خیر رہنمائی فراہم کرنے کے لیے تعلیمی شعبے کے مؤثر کردار کی حوصلہ افزائی کرنے پر اتفاق کیا ہے۔ اس ضمن میں ایچ ای سی کی ایگزیکٹیو ڈائریکٹر ڈاکٹر شائستہ سہیل اور ڈائریکٹر جنرل نیشنل پولیس بیورو، وزارت داخلہ، ڈاکٹر سید اعجاز حسین نے ایک دستاویز پر دستخط کیے۔

پولیس کے اداروں کو مضبوط بنانے کے لیے حکومتی عزم کے مطابق پولیس اصلاحات اور پالیسی ساز فیصلوں میں تعلیمی شعبے کی شمولیت ایک بڑی ترجیح کے طور پر سامنے آئی ہے۔ اس معاہداتی دستاویز کے ذریعے ایچ ای سی اور نیشنل پولیس بیورو محققین اور قانون نافذ کرنے والے اداروں کے درمیان تحقیقی منصوبوں کے لیے تعاون کو فروغ دیں گے تاکہ تعلیمی اداروں کی تحقیقی استعداد کو بڑھایا جاسکے اور محتاط تحقیقی سرگرمیوں کے ذریعے اصل مسائل کا حل تلاش کیا جاسکے۔

اس تعاون کے تحت جامعات کی حوصلہ افزائی کی جائے گی کہ وہ نیشنل پولیس بیورو کے ساتھ مل کر مشترکہ ورکشاپس، سیمینارز، گروپ ڈسکشنز،اور مقابلہ جات کے انعقاد کے علاوہ طلباء کی کمیونٹی ورک میں شرکت کے لیے اقدامات اٹھا سکیں۔

ایچ ای سی انڈرگریجوایٹ طلباء کے لیے ترتیب دیے جانے والے لازمی جنرل ایجوکیشن کورسز میں عوامی تحفظ، عمومی پولیس قوانین، مجرمانہ کاروائیوں کی چارہ جوئی، اور بنیادی دستوری حقوق سے متعلق مواد شامل کرے گا۔

اسی طرح نیشنل پولیس بیورو طلباء کو جہاں اور جب ممکن ہو بغیر معاوضہ انٹرن شپ کے مواقع فراہم کرے گا۔ بیورو رازداری کے پہلو کو مدنظر رکھتے ہوئے ایم فل اور پی ایچ ڈی اسکالرز کی تحقیق کے لیے جرائم پر مبنی ڈاٹا بھی مہیا کرے گا۔

فروری 2, 2021
کسی اور کی طرف سے امتحان دینا ٹرینڈ بن گیا: اے-این-ایف کا ادارہ بھی نشانہ بنا-

اے این ایف کے امتحانی مرکز سے 3 نوسرباز گرفتار

اے این ایف کے مطابق تینوں ملزمان اے این ایف کے کانسٹیبل کے لئے ہونے والے امتحان میں کسی اور کی جانب سے پیپر دینے کیلئے امتحانی مرکز میں داخل ہو رہے تھے- ملزمان کی شناخت رفیع اللہ، عبدالوارث اور جنید احمد کے نام سے ہوئی ہے- ملزمان کو اے این ایف کی ٹیم نے امتحانی مرکز کے داخلی راستے پر کاغذات کی جانچ پڑتال کے دوران شناخت کے بعد حراست میں لیا-

گزشتہ روز بھی اے این ایف انٹیلیجنس ٹیم نے کراچی میں ہونے والے امتحانی مرکز سے 2 افراد کو حراست میں لیا تھا- اے این ایف بھرتی میں میرٹ کو برقرار رکھنے کیلئے تمام تر اقدامات بروئے کار لا رہی ہے- امتحان میں نقل کرنے والوں اور دھوکہ دہی سے امتحانی مراکز میں داخل ہونیوالے امیدواروں کی رجسٹریشن منسوخ کر دی گئی ہے، ترجمان اے این ایف

فروری 2, 2021
منشیات سمگل کرنے کا سلسلہ نہ تھم سکا!

اینٹی نارکوٹکس فورس پنجاب کی مختلف علاقوں میں کاروائیاں

علامہ اقبال انٹرنیشنل لاہور ایئرپورٹ پر کارروائی کرتے ہوئے مسافر سے منشیات برآمد کرلی گئیں- ملزم بنام Chike Chinwuba جو نائجیریا سے بذریعہ قطرایئرویز لاہور ایئرپورٹ پر آ رہا تھا کوکین سے بھرے ہوئے کیپسول پیٹ میں چھپا رکھے تھے۔ برآمد ہونے والی کو کین کی مالیت کروڑوں روپے ہے۔

دوسری کاروائی فیصل آباد کے علاقے سائیاں والا موٹروے ٹول پلازہ کے قریب ہوئی۔ جہاں پر دوران نے تلاشی کار میں سےبھاری مقدار میں منشیات برآمد کرلی گئی- برآمد ہونے والی منشیات میں تقریبا 42 کلوگرام چرس اور 9 کلو گرام افیون شامل ہے۔ دو ملزمان بنام غضنفر گلستان اور شکیل احمدجو بالترتیب راولپنڈی اورننکانہ کے رہائشی ہیں۔ ملزمان کو کو گرفتار کرکے مزید تفتیش جاری ہے۔

فروری 2, 2021
ناجائز اسلحہ رکھنے والوں کی اب خیر نہیں!

سی آئی اے پولیس کا ناجائز اسلحہ رکھنے والوں کے خلاف کریک ڈاون شروع۔

اس کریک ڈاون میں ناجائز اسلحہ رکھنے والے 2 ملزمان گرفتار کرلیے گئے- گرفتار ملزمان کے قبضہ سے 4 پسٹل اور 104 روند برآمدکرلیے گئے- ملزمان میں پشم خان اور محمد طفیل شامل ہیں- ملزمان کے خلاف مقدمات درج کرکے مزید تفتیش شروع کر دی گئی-

فروری 2, 2021