Tag: بالی وڈ

شاہ رخ خان کا اسٹارڈم، دلکش، اور بے مثال ہے شائقین ان کو بے حد پسند کرتے ہیں. خوبصورت اس فنکار نے بھارتی شوبز انڈسٹری میں اپنے تیس سال مکمل کر لئے ہیں . شاہ رخ خان کی محنت، لگن اور جدوجہد بھرا سفر بہت سے لوگوں کے لیے مشعل راہ ہے۔اس اداکار نے اپنی ہر فلم کے ساتھ ثابت کیا کہ وہ واقعتا بالی وڈ کے بادشاہ ہیں. ہم ان کے کیرئیر کے ابتدائی برسوں پر نظر ڈالیں تو پتہ چلتا ہے کہ انہوں نے متعدد سیریز میں کام کیا اور ٹی وی پر بھی اپنی ایک خاص آڈینز بنا لی . شاہ رخ خان خود یہ تسلیم کرتے ہیں کہ ان کا ٹیلی ویژن انڈسٹری سے ایک گہرا تعلق ہے. ایس آر کے نے ٹیلی ویژن شو ‘فوجی’ سے ٹی وی کی دنیا میں‌قدم رکھا اور یہ اینٹری ان کے لیے گیم چینجر ثابت ہوئی۔ فوجی کے علاوہ شاہ رخ خآن نے جن ٹی وی سیریز میں کام کیا وہ درج ذیل ہیں. شاہ رخ خان نے دل دریا میں‌کام کیا اس سیریز نے انہیں بہت شہرت دی. اس سیریز کو لیکھ ٹنڈن نے ڈائریکٹ کیا. اس کے بعدانہوں نے دوسرا کیول میں‌کام کیا اس میں انہوں نے کیول دھولریا، ایک گاؤں کے لڑکے کا کردار ادا کیا جسے اس کے

قریبی دوست نے اس کے لیے غیر قانونی کام نہ کرنے کی وجہ سے قتل کر دیا۔ پلاٹ گاؤں کے ایک لڑکے کے گرد گھومتا ہے جو شہر جاتا ہے اور کبھی واپس نہیں آتا اور بعد میں اسے قتل کر دیا جاتا ہے۔اس کے بعد انہوں نے سرکس نامی ایک سیریز میں کام کیا جو کہ 1989 میں نشر ہوئی اور اس میں رینوکا شاہانے، آشوتوش گواریکر، اور مکرند دیشپانڈے نے بھی اہم کردار ادا کئے ، یہ سیریز سرکس کے فنکاروں کی زندگیوں کے گرد گھومتی ہے. شاہ رخ خان نے اس میں شیکھرن کا کردار ادا کیا. اس کے بعد انہوں نے بیوقوف سیریز میں کام کیا اس کی چار اقساط میں انہوں نے پون کا کردار ادا کیا۔اس کے بعد انہوں نے واگلے کی دنیا میں 11 اقساط میں کیمیو کا کردار ادا کیا۔ اس شو کو اس کی کلاسک کامیڈی کے لیے سراہا گیا۔

یہ سال یقیناً شاہ رخ خان کے مداحوں کے لیے ایک خاص سال ہے کیونکہ ان کے پسندیدہ فنکار کو انہوں نے مختلف فلموں میں کیمیو کرتے ہوئے دیکھا ہے۔ شاہ رخ خان کی 57 ویں سالگرہ کے موقع پر بالی وڈ فلموں میں ان کے5 یادگار کیمیو کرداروں پر ہم ایک نظر ڈالتے ہیں. پہلے نمبر پر ہے فلم براہمسٹرا آیان مکھرجی کی ہدایت کاری میں بننے والی یہ فلم 9 سمتبر کو سینما گھروں کی زینت بنی ، اس میں اداکار رنبیر کپور، عالیہ بھٹ، مونی رائے، امیتابھ بچن اور ناگارجن نے مرکزی کردار ادا کیے تاہم، بہت سے لوگ نہیں جانتے ہیں کہ برہمسٹرا میں شاہ رخ کے کیمیو بطور ’وناراسترا‘ کو فلمی ناقدین نے بہت سراہا تھا۔دوسرے نمبر پر ہے فلم لال سنگھ چڈھاعامر خان اور کرینہ کپور خان کی یہ فلم بھلے ہی باکس آفس پر اچھی کارکردگی نہ دکھا سکی ہو لیکن اس فلم میں شاہ رخ خان کا کیمیو آج بھی لوگوں کے دلوں پر راج کر رہا ہے۔تیسرے نمبر پر ہے راکٹری: دی نمبی ایفیکٹ اس

فلم کو آر مادھاون نے لکھا ن پروڈیوس کے ساتھ ہدایت کاری کی ہے. یہ فلم ایرو اسپیس انجینئر نمبی نارائنن کی جدوجہد اور کامیابیوں پر مبنی ہے۔ اگرچہ یہ فلم اس سال کی سب سے زیادہ تنقیدی طور پر سراہی جانے والی فلموں میں سے ایک ہے لیکن اس فلم میں شاہ رخ خان کی خصوصی اینٹری کونظر انداز نہیں کیا جا سکتا۔چوتھے نمبر پر ہے ٹیوب لائٹ وہ دن گئے جب خبریں منظر عام پر آتی تھیں سلمان خان اور شاہ رخ خان کے درمیان سب کچھ ٹھیک نہیں ہے لیکن اب زمانہ بدل گیا ہے۔ فلم ٹیوب لائٹ میں سلمان خان نے مرکزی کردار ادا کیا جبکہ شاہ رخ خان نے اس میں ایک گانے پر خصوصی پرفارمنس دی جسے لوگوں نے بہت پسند کیا. پانچویں نمبر پر ہے فلم اے دل ہے مشکل، دھرما پروڈکشن کے بینر تلے تیار ہونے والی اس فلم کی کہانی پیچیدہ رشتوں کے گرد گھومتی ہے،اداکار رنبیر کپور اور انوشکا شرما نے فلم میں اہم کردار ادا کئے جبکہ شاہ رخ خان نے اس میں بھی ایک مختصر کردار ادا کیا.

بالی وڈ کے کنگ شاہ رخ خان 57 سال کے ہوگئے ہیں. شاہ رخ خان کے نہ صرف اداکاری کی بلکہ فلمیں بھی پرڈیوس کی ہیں اور ٹی وی سے انہوں نے اپنے کیرئیر کا آغاز کیا .انہوں نے ٹی وی سیریز فوجی میں کام کیا. اس کے بعد انہوں نے 1992 میں فلم دیوانہ سے بالی وڈ انڈسٹری میں قدم رکھا. اس کے بعد انہوں نے کئی فلمیں کی لیکن 1993 میں آئی فلم بازیگر اور ڈر نے ان کے کیرئیر کی ڈگر ہی بدل ڈالی دونوں فلموں میں انہوں نے ولن کا کردار ادا کیا اور شائقین کو اپنا گرویدہ بنا لیا. شاہ رخ خان نے ویسے تو اپنے دور کی ہر بڑی ہیروئین کے ساتھ کام کیا لیکن ان کی فلمی جوڑی کاجول کے ساتھ بہت مشہور ہوئی . انہوں نے بازیگر اور کرن ارجن کے بعد دل والے دلہنیا لے جائیں گے میں کام کیا اس فلم نے دھوم مچا دی اور شاہ رخ خان بالی وڈ کے بے تاج بادشاہ بن گئے. اس کے بعد انہوں نے دل تو پاگل ہے، کچھ کچھ ہوتا ہے ، محبتیں اور کبھی خوشی کبھی غم جیسی سپر ہٹ‌فلموں

میں‌کام کیا . فلم دیوداس میں شرابی کا کردار ادا کیا، چک دے ،انڈیا، مائی نیم از خان ، چنئی ایکسپریس ، ہیپی نیو ایئر، دل والے ، اور رئیس جیسی فلموں میں اداکاری کے جوہر دکھا کر اپنے مداحوں کو حیران کیا. شاہ رخ خان کو ان کی خدمات کے اعتراف میں 14 فلم فیئر سمیت متعدد ایوارڈز مل چکے ہیں اسکے علاوہ انہیں حکومت ہند نے پدم شری سے بھی نوازا ہے جبکہ حکومت فرانس نے انہیں اپنے بڑے اور اہم ایوارڈ سے نوازا.

بالی وڈ اداکار عامر خان کی والدہ کو ہارٹ اٹیک آگیا ہے عامر خان اور ان کی والدہ دیوالنی منانے پنچگی میں گئے تھے وہاں اداکار کی ماں کو دل کا دورہ پڑنے کے بعد وہ انہیں ممبئی کے بریچ کینڈی ہسپتال لے گئے۔ٹائمز آف انڈیا کے مطابق عامر خان تب سے اپنی ماں کے ساتھ ہیں جب سے وہ ہسپتال میں داخل ہوئی ہیں. کہا جا رہا ہےکہ اب عامر خان کی والدہ کی صحت میں بہتری آرہی ہے . یہ اطلاعات ہیں عامر خان کی فیملی نے اس بات کو یقینی بنایا کہ اس واقعے کے بارے میں کچھ بھی منظر عام پر نہ آئے۔یاد رہے کہ عامر آخری بار کرینہ کپور خان کے ساتھ لال سنگھ چڈھا میں نظر آئے تھے۔ فلم ناظرین کو متاثر کرنے میں کامیاب نہیں ہو سکی۔ اس نے باکس آفس پر خراب کارکردگی کا مظاہرہ کیا۔ ٹام ہینکس کے فاریسٹ

گمپ کا ریمیک بنانے کے باوجود یہ سنیما سے محبت کرنے والوں کو متاثر کرنے میں ناکام رہی۔ بائیکاٹ کے رجحان اور کینسل کلچر نے فلم کو بہت زیادہ متاثر کیا۔ باکس آفس پر فلم کے فلاپ ہونے کے بعد یہ افواہ تھی کہ عامر کے ڈائریکٹر ادویت چندن کے ساتھ اچھے تعلقات نہیں ہیں۔ حال ہی میں چندن نے انسٹاگرام پر عامر خان کے ساتھ ایک تصویر شئیر کرکے لکھا، "دوستوں ان تمام لوگوں کے لیے جو عامر صاحب اور میرے درمیان ٹوٹ پھوٹ کی بات کر رہے ہیں، میں صرف اتنا کہنا چاہتا ہوں کہ ہم ایک دوسرے سے بہت محبت کرتے ہیں اور بہت اچھے دوست ہیں .

پریانکا چوپڑا کا شمار ٹاپ اداکاروں میں ہوتا ہے اور وہ بین الاقوامی فنکارہ کے طور پر بھی جانی جاتی ہیں. پریانکا کے کریڈٹ پر کئی سپر ہٹ فلمیں ہیں. انداز اور مجھ سے شادی کروگی میں ان کے کرداروں کو سراہا گیا بعد ازاں انہوں نے حیران کر دینے والے کردار بھی نبھائے. پریانکا جو پچھلے چند برسوں سے امریکہ میں مقیم ہیں۔ تین سال کے طویل عرصے کے بعد وہ ہندوستان واپس آنے کے لیے ہو گئی ہیں تیار اور وہ آچکی ہیں بھارت . انہوں نے اپنے انسٹاگرام اکائونٹ پر اپنے بورڈنگ پاس کی ایک تصویر بھی شئیر کی اور لکھا کہ آخر کار گھر جا رہی ہوں. جب سے پریانکا کے گھر بیٹی پیدا ہوئی ہے پریانکا کا یہ پہلا سفر ہے . اطلاعات یہ ہیں کہ پریانکا چوپڑا اپنی فلم جی لے زرا کی شوٹنگ کے لئے ہندوستان آئیں ہیں اس فلم

میں ان کے ساتھ عالیہ بھٹ اور کترینہ کیف مرکزی کرداروں میں نظر آئیں گی. تاہم ابھی تک باضابطہ اعلان نہیں کیا گیا ہے۔ اس فلم کی ہدایت کاری فرحان اختر کر رہے ہیں، جو اپنے آخری وینچر ڈان 2 کے بعد ہدایت کار کی کرسی پر واپس آ رہے ہیں ۔یاد رہے کہ پریانکا چوپڑہ کے پاس پائپ لائن میں متعدد پروجیکٹس ہیں۔ وہ جلد ہی ایمیزون پرائم ویڈیو کے ویب شو سیٹاڈیل میں نظر آئیں گی۔ اداکارہ سیم ہیگن اور سیلائن ڈیون کے مدمقابل فلم اٹز آل کمنگ بیک ٹو می میں بھی نظر آئیں گی۔

بالی وڈ کے کھلاڑی اکشے کمار جو کہ تین دہائیاں گزرنے کے بعد بھی ہیرو کے طور پر ہی شائقین کا دل لبھا رہے ہیں. اکشے کمار نے حال ہی میں ایک انٹرویو دیا ہے اس میں انہوں نے کہا ہے کہ ہماری فلموں میں‌کامیڈینز کی بہت زیادہ کمی ہے. حالانکہ کامیڈی کرنا بہت مشکل کام ہے اور کسی کو ہنسانا کوئی آسان نہیں‌ ہے. کامیڈینز بھی اداکار ہی ہوتےہیں انہیں جوکر سمجھے جانے کا مجھے بہت افسوس ہے . اس سے بھی زیادہ مجھے اس چیز کا افسوس ہے کہ ان کو اہمیت نہیں‌دی جاتی ان سے کام کروایا جاتا ہے لیکن ان کو اتنی عزت نہیں‌دی جاتی ہے جتنی کے یہ

حقدار ہوتے ہیں. کامیڈینز کو معمولی سے کردار دینا ان کی توہین ہے ہونا تو یہ چاہیے کہ ان کو بھی ہیرو ہی سمجھنا چاہیے اور بہترین کردار دئیے جانے چاہیں.اکشے کمار کا یہ بھی کہنا ہے کہ ہمیں شائقین کے مزاج کو سمجھ کر فلمیں‌بنانا ہوں گی اب وقت تبدیل ہو چکا ہے، یہ وقت ہے مل بیٹھ کر سوچنے کا کہ آخر کیوں فلمیں فلاپ ہو رہی ہیں. یاد رہے کہ اکشے کمار کی حال ہی میں فلم رکشابندھن ریلیز ہوئی لیکن یہ فلم بائیکاٹ کے ٹرینڈ کا شکار ہونے کے بعد فلاپ ہوگئی . تاہم اکشے کمار کے حوصلے بلند ہیں.

دا لیجنڈ آف مولا جٹ نے پاکستان انڈیا امریکہ میں دھوم مچا رکھی ہے . اردو پنجابی سجھنے والے شائقین فلم دیکھنے کےلئے بےتاب ہیں یہی وجہ ہے کہ مولا جٹ جہاں جہاں جس جس سینمامیں لگی ہوئی ہے وہاں شائقین کا ہجوم دیکھنے کو مل رہا ہے. فواد خان چونکہ بالی وڈ میں بھی بہت مقبولیت رکھتے ہیں ، ماہرہ خان اور حمائمہ ملک بھی انڈیا میں کام کرچکے ہیں اور پھر فلم بہت بڑے بجٹ کے ساتھ بنی ہے اور بہت کمائی بھی کررہی ہے. لہذا بالی وڈ کے فلمسازوں کے اندر بھی ایک تشویش ہے کہ آخر فلم ہے کیسی . پنجابی زبان میں بنی اس فلم کو بھارتی فلمساز

کرن جوہر نے سینما گھر میں جا کر دیکھا ہے.کرن جوہر کی سینما گھر میں بیٹھے کی تصاویر سوشل میڈیا پر وائرل ہو رہی ہیں. کرن جوہر جو کہ فواد خان کے بہت اچھے دوست ہیں انہوں نے دا لیجنڈ آف مولا جٹ دیکھنے کےلئے خصوصی طور پر وقت نکالا ہے. کرن جوہر کی تصاویر وائرل ہوتے ہی سوشل میڈیا پر صارفین اس پر تبصرے کرنے لگے . یاد رہے کہ فلم دا لیجنڈ آف مولا جٹ ابھی تک دو سو کروڑ سے اوپر کا بزنس کر چکی ہے اور مزید بزنس جاری ہے کیونکہ فلم کو ایک نہیں بار بار شائقین دیکھنے کے لئے سینما گھروں کا رخ کررہے ہیں.

بالی وڈ کی فلمیں‌ مسلسل خسارے میں جا رہی ہیں. اس برس جتنی بھی بالی وڈ فلمیں سینما گھروں میں آئی ہیں چند ایک کو چھوڑ کر زیادہ تر ناکامی کا شکار ہوئی ہیں. کچھ فلمیں بائیکاٹ کے ٹرینڈ کی نذر ہو گئیں. لیکن مجموعی طور پر فلمیں شائقین کو متاثر کرنے میں ناکام نظر آرہی ہیں. شاہ رخ خان جو کہ بالی وڈ کے بادشاہ کہلاتے ہیں ایک وقت تھا ان کی جب کوئی فلم لگتی تھی تو لوگ سینما گھروں پر ٹوٹ پڑتے تھے لیکن اب تو شاہ رخ ، عامر خان سب کی فلمیں‌فلاپ جا رہی ہیں . حال ہی میں‌کنگنا رناوت نے بالی وڈ کی فلموں‌کی ناکامی کی وجہ پر بات کی ہے انہوں

نے کہا کہ ہم نے جب سے اپنی ثقافت کو چھوڑا ہے ہم کہیں‌کے نہیں‌رہے یہی وجہ ہے کہ ہماری فلمیں بھی فلاپ جا رہی ہے. کنگنا رناوت کی فلم دھاکڑ کے فلاپ ہونے کی وجہ کنگنا نے یہ بتائی کہ اس فلم میں بالی وڈ کلچر جو ہوا کرتا تھا اس کی کمی تھی یا وہ غائب تھا جس کی وجہ سے شائقین نے اس فلم کو رد کر دیا . یاد رہے کہ بالی وڈ کی بجائے تامل فلمیں‌ سپر ہٹ جا رہی ہیں اور اس وقت ہالی وڈ میں‌ جتنی بھی فلمیں‌ بن رہی ہیں وہ تامل فلموں کا ری میک ہیں‌ اس کے باوجود وہ ناکامی کا شکار ہورہی ہیں.

شوبز سلیبرٹیز کیا کرتی ہیں کیا نہیں اس پر اردگرد کے لوگوں کی بہت نظر ہوتی ہے یہی وجہ ہے کہ بات کا بتنگڑ ایک منٹ میں بن جاتا ہے. چند ہفتے قبل سری دیودی کی بیٹیاں اداکارہ جھانوی کپور اور ان کی بہن خوشی کپور اس وقت سرخیوں میں آگئیں جب ان کے بارے میں‌کہا گیا کہ کپور بہنوں نے کسی نہ کسی موقع پر ایک ہی شخص کو ڈیٹ کیا ہے۔ تاہم جھانوی کپور نے اب اس معاملے پر اپنی خاموشی توڑ دی ہے۔انہوں‌نے ایسی تمام خبروں کی تردید کر دی ہے کہ جس میں کہا جا رہا ہے کہ انہوں نے ایک ہی انسان کو ڈیٹ کیا. جھانوی کے بارے میں‌کہا جا رہا ہے کہ ایک

وقت میں وہ اکشت جین کو ڈیٹ کرتی تھیں اور اب اس کی بہن خوشی ان سے ڈیٹنگ کر رہی ہے۔ تاہم جھانوی کا کہنا ہے کہ ایسی کوئی بات نہیں ہے اکشت اور میں ہم بچپن کے سب سے اچھے دوست ہیں.بلکہ وہ میرا اور خوشی دونوں کا اچھا دوست ہے.یاد رہے کہ جھانوی کپور کو آخری بار گڈ لک جیری میں دیکھا گیا تھااس میں ان کی اداکاری کو بے حد سراہا گیا ،اب جھانوی فلم ملی میں‌بڑے پردے پر دکھائی دیں گی یہ ملیالم فلم کا ریمیک ہے جس کا نام ہیلن ہے۔ فلم کی اسٹار کاسٹ میں سنی کوشل اور منوج پاہوا بھی ہیں۔ متھوکوٹی زیویئر کی ہدایت کاری میں بننے والی یہ فلم 4 نومبر 2022 کو ریلیز ہونے والی ہے۔

کالکی کوچن جنہوں نے یہ جوانی ہے دیوانی اور گلی بوائے جیسی فلموں میں اہم کردار نبھائے ہیں وہ ہیں خاصی مایوس . کالکی کوچلن فلم انڈسری میں انکی رنگت کی وجہ سے کرنا پڑا ہے امیتازی سلوک کا سامنا . اس حوالے سے کالکی نے حال ہی میں ایک انٹرویو دیا ہے اور کہا کہ مجھے میری رنگت کی وجہ سے مخصوص قسم کے کردار دئیے گئے ہیں اور بہت سارے ڈائریکٹرز نے تو یہاں تک کہا کہ آپ فلاں کردار میں فٹ رہیں گی فلاں میں نہیں، حالانکہ آرٹسٹ سے کام لینے کے بعد ایسا کوئی تاثر قائم کیا جانا چاہیے کہ وہ کیا کر سکتا ہے کیا نہیں صرف رنگت

کی بنا پر ایسا کہہ دینا مناسب نہیں. انہوں نے کہا کہ میں ایک ایسی اداکارہ کو جانتی ہوں کہ جس کی رنگت زرا فئیر نہیں ہے اس لئے اسے ہمیشہ نوکرانی کا کردار دیا جاتا ہے۔ یہ چیزیں مجھے مایوس کرتی ہیں.انہوں نے کہا کہ میں مسلسل ایک ایسے کردار کے انتظار میں ہوں جس سے میں اپنی بہترین صلاحیتوں کو منوا سکوں. انہوں نے کہا کہ میرے آنے والے پراجیکٹس میں فلم گولڈ فش ہے جس میں ، میں تجربہ کار اداکارہ دیپتی نیول کی بیٹی کا کردار ادا کر رہی ہوں .یاد رہے کہ صرف گوری رنگت کی وجہ سے نہیں بلکہ بعض ہیروئنز کو تو انکی گہری رنگت کی وجہ سے تنقید اور امتیازی سلوک کا سامنا رہا اس میں نامور سلیبرٹیز کے نام شامل ہیں.