Tag: بالی وڈ

بالی وڈ کے باصلاحیت اداکار کارتک آریان جیسے ہی پہنچے احمد آباد شہر میں، ان کے مداحوں کی تو جیسے عید ہو گئی ہو، کارتک آریان کا اس شہر میں ایک بہت بڑے ہجوم نے استقبال کیا.اداکار کے مداح اداکار انکی ایک جھلک پا کر دیوانے ہو گئے۔ اس حوالے سے ایک وڈیو سوشل میڈیا پر سرکولیٹ کررہی ہے جس میں دیکھا جا سکتا ہے کہ کارتک آریان آگے آگے چل رہے ہیں اور خود ہی وڈیو بنا رہے ہیں اس وڈیو میں ان کے پیچھے ان کے مداحوں کی ایک بڑی تعداد دیکھی جا سکتی ہے جو ان کے پیچھے نہ صرف بھاگ رہے ہیں بلکہ کارتک کارتک کے نعرے بھی لگا رہے ہیں. کارتک آریان مداحوں کا ریسپانس دیکھ کر وڈیو میں کافی خوش دکھائی دے رہے ہیں اور وہ مسلسل

مسکرا رہے ہیں خوشی ان کے چہرے سے جھلک رہی ہے.اس ہجوم کو دیکھ کر ایسا لگ رہا ہے کہ ان کے مداح تو جیسے ان کے آنے کے منتظر تھے جیسے ہی وہ آئے مداح دیوانہ وار کارتک پر پیار جتانے لگے. یاد رہے کہ کارتک آریان اپنی آنے والی فلم ستیہ پریم کی کتھا کی شوٹنگ کے لیے احمد آباد شہر پہنچے ہیں۔ فلم میں کارتک اور اداکار کیارا اڈوانی مرکزی کرداروں میں ہیں۔ سمیر ودوان کی ہدایت کاری میں بننے والی یہ فلم اگلے سال جون میں سینما گھروں کی زینت بنے گی۔

پاکستان کے سینئر اداکارہ مصطفی قریشی نے حال ہی میں ایک انٹرویو دیا ہے اس میں انہوں نے بتایا ہے کہ 80 کی دہائی میں ان کی فلمیں سپر ہٹ جا رہی تھیں اور ان کی فلمیں نہ صرف پاکستان بلکہ بھارت میں بھی پسند کی جاتی تھیں. انہوں نے کہا کہ میں ایک بار لندن کسی کام سے گیا ، وہاں میں جس ہوٹل میں ٹھہرا تھا وہاں ایک کال آئی میں نے ریسیو کی میں نے ہیلو کہا تو آگے سے کسی نے کہا میں آپ سے ملنا چاہتا ہوں تو میں نے کہا کہ وہ تو ٹھیک ہے لیکن آپ ہیں کون اس نے کہا کہ میں دھرمیندر ہوں. اور میں آپ کا بہت بڑا مداح ہوں میں آپ سے ملنا چاہتا ہوں. میں نے ان سے

کہا کہ حکم کیجیے کہاں آنا ہے تو انہوں نے مجھے بلایا میں گیا تو میں کیا دیکھتا ہوں دھرمیندر اپنے گھر کے فٹ پاتھ پر کھڑے میرا انتظار رہے تھے جیسے ہی گاڑی رکی میں‌نکلا تو دھرمیندر نے مجھے گلے لگا لیا اور میرا حال پوچھنے لگے حال پوچھ کر کہا اک واری فیر گلے ملو میرا دل ہلے رجیا نئیں. دھرمیندر نے بتایا کہ وہ مجھے بطور اداکار بہت پسند کرتے ہیں اور نوری نت کا کردار انہیں بہت پسند ہے. مجھے بہت خوشی ہوئی اس ملاقات میں بہت ساری باتیں ہوئیں اور دھرمیندر نے مجھے کھانا بھی کھلایا اور ہمارا بہت اچھا وقت گزرا.

دنیا بھر میں کرکٹ کے پرستار پائے جاتے ہیں اور جہاں جہاں‌کرکٹ کو پسند کرنے والے موجود ہیں وہ ویرات کوہلی کو نہ جانتے ہوں یا ان کے مداح نہ ہو یہ ہو ہی نہیں سکتا. اسی طرح سے بالی وڈ کو فالو کرنے والے انوشکا شرما کو نہ جانتے ہوں‌یہ نہیں ہو سکتا. ان دونوں کے مداح پوری دنیا میں پائے جاتے ہیں اور اس جوڑی کو بہت زیادہ سراہا جاتا ہے. ان کی شادی کی خبر مداحوں کے لئے کسی ٹریٹ سے کم نہ تھی. ان کی شادی کو اس سال دسمبر میں پانچ برس ہو نے کو ہیں. ان کی شادی 2017 میں اٹلی کے شہر ٹسنکی میں 800 سال پرانے ولا میں ہوئی.انوشکا کی شادی کے لباس سے لے کر سجاوٹ تک، سب کچھ پریوں کی کہانی کی طرح تھا۔انوشکا اور ویرات کی پہلی ملاقات 2013 میں ایک شیمپو کے

اشتہار کی شوٹنگ کے دوران ہوئی تھی۔ اس کے بعد ان کی ڈیٹنگ کی افواہیں شروع ہوئیں لیکن یہ جوڑا خاموش رہا۔ انہیں کئی مواقع پر عوامی مقامات پر ایک ساتھ دیکھا گیا اور انوشکا کو ایک میچ میں کرکٹر کے لیے خوشی کا اظہار کرتے ہوئے بھی دیکھا گیا۔جب ان کی دوستی گہری ہوئی تو پھر انہوں نے شادی کرنے کا فیصلہ کیا.جنہوں نے ان دونوں کی شادی کے انتظامات کئے ان کا کہنا ہے کہ یہ دونوں شادی سے پہلے ہمارے پاس آئے ، ان کو ہم نے بہت سارے مقامات تجویز کئے لیکن یہ دونوں انڈیا میں شادی نہیں کرنا چاہتے تھے . پھر انہوں نے اٹلی کے شہر ٹسنکی کا انتخاب کیا .ویرات اور انوشکا نے شادی کے لئے منتخب لوگوں کی فہرست تیار کی تھی ان کا خواب تھا شادی کی تقریبات یادگار ہوں اور ایسا ہی ہوا.

دیپیکا پڈوکون اور کترینہ کیف بالی وڈ کی دو سب سے زیادہ پسند کی جانے والی اور ٹاپ اداکارہ ہیں۔ ایک کہاوت ہے کہ دو اداکارائیں کبھی اچھی دوست نہیں ہو سکتیں۔ لیکن اسے غلط ثابت کرتے ہوئے، دونوں اداکارائوں نے اپنی دوستی سے مداحوں کو ہمیشہ حیران کیا ہے. یہ کل ہی کی بات ہے جب دیپیکا پڈوکون نے جم سے کترینہ کیف کی ایک ویڈیو شیئر کی جس نے نہ صرف یہ ثابت کیا کہ وہ جم کی دوست ہیں بلکہ اپنے مداحوں کو اپنے اچھے تعلق کی جھلک بھی دکھائی۔ اس ویڈیو کو دیکھنے کے بعد، مداح اپنے جوش و خروش پر قابو نہ رکھ سکے اور اس جوڑی کا نیا نام رکھ دیا۔دیپیکا کی جانب سے اس وڈیو کو شئیر کی گئی وڈیو پر ایک مداح نے لکھا کہ "کیا آپ لوگ ایک ساتھ فلم کر سکتے ہیں” ایک اور مداح

نے لکھا "آپ اور کیٹ جم کے دوست ہیں؟؟؟؟ او میرے خدا.” یوں ان دونوں کے مداحوں نے ان دونوں کے نام کا ہیش ٹیگ بھی استعمال کیا . ہیش ٹیگ #katpika تھا .یاد رہے کہ کترینہ اس وقت اپنی ہارر کامیڈی فلم فون بھوت کی ریلیز کی تیاری کر رہی ہے جس میں ایشان کھٹر اور سدھانت چترویدی اہم کرداروں میں ہیں۔ یہ نومبر 2022 میں ریلیز ہونے والی ہے۔ اس کے بعد کترینہ کیف سلمان خان کے ساتھ ٹائیگر 3 میں نظر آئیں گی.اس کے علاوہ اداکارہ فرحان اختر کی فلم جی لے زرا میں پریانکا چوپڑا اور عالیہ بھٹ کے ساتھ بھی جلوہ گر ہوں گی۔دوسری جانب دیپیکا، شاہ رخ خان کے ساتھ اگلی فلم پٹھان میں جان ابراہم کے ساتھ نظر آئیں گی۔ یہ 25 جنوری 2023 کو ریلیز ہوگی۔ سدھارتھ آنند کی ہدایت کاری میں بننے والی اس فلم کو یش راج فلمز کے بینر تلے بنایا گیا ہے اور یہ ہندی، تامل اور تیلگو میں سینما گھروں میں ریلیز ہوگی۔

بالی وڈ کی بہترین رقاصہ راکھی ساونت جو ہر وقت خبروں میں رہتی ہیں. وہ آج کل ایک مسلمان لڑکے عادل خان کے ساتھ رہ رہی ہیں ان کی اس کے ساتھ خاصی دوستی ہے انکی شادی کی خبریں کافی عرصے سے گردش بھی کررہی ہیں. راکھی عادل کے ساتھ دوستی کے بعد کافی بد ل گئی ہیں ان کا کہنا ہے کہ میں چھوٹے کپڑے نہیں‌پہنوں گی کیونکہ عادل کو نہ پسند ہیں اور اسلام میں ویسے بھی چھوٹے کپڑے پہننے کی ممانعت ہے. اب راکھی کافی دن سے حجاب میں باہر نکل رہی ہیں اور ان کے سر سے پر مسلسل حجاب دکھائی دے رہا ہے. راکھی کو حجاب میں

دیکھ کر قیاس آرائیاں‌ کی جا رہی ہیں کہ شاید انہوں نے عادل کے ساتھ شادی کرلی ہے اور اسلام بھی قبول کر لیا ہے شاید اسی لئے وہ حجاب کی پابندی بھی کررہی ہے . سوشل میڈیا پر اس حوالے سے کافی بحث جاری ہے تاہم راکھی نے ابھی تک یہ کلئیر نہیں‌کیا کہ ان کی عادل کے ساتھ واقعی شادی ہو گئی ہے اور انہوں نے واقعی اسلام قبول کر لیا ہے. یاد رہےکہ راکھی ساونت اور عادل کی حال ہی میں ایک میوزک وڈیو بھی ریلیز ہوئی ہے جسے بہت زیادہ سراہا جا رہا ہے. راکھی نہ صرف بہترین رقاصہ ہے بلکہ اداکارہ بھی ہے انہوں نے بگ باس سمیت بہت سارے رئیلٹی شوز میں حصہ لیا.

بالی وڈ‌ اداکارہ کترینہ کیف نے اپنے کیرئیر میں ایک طویل سفر طے کیا ہے، وہ بالی وڈ کی مقبول ترین اداکاراؤں میں سے ایک ہیں۔ اپنے کیرئیر میں انہوں نے کئی سپر سٹارز کے ساتھ کام کیا، لیکن کترینہ شاہ رخ خان کے ساتھ کام کرکے ہیں بہت خوش، ان دونوں نے ایک ساتھ فلم جب تک ہے جان اور زیرو میں کام کیا ہےان کی آن سکرین جوڑی کو بہت زیادہ سراہا جاتا ہے ، کہا یہ جا رہا ہے کہ شاہ رخ خان ٹائیگر 3 میں ایک کیمیو میں نظر آ سکتے ہیں جس میں کترینہ اور سلمان خان مرکزی کردار ادا کر رہے ہیں۔ کترینہ کیف اپنے کو سٹارز میں اگر کسی کی ذہانت سے متاثر

ہیں تو وہ ہیں شاہ رخ خان. کترینہ کیف نے حال ہی میں‌ایک انٹرویو دیا ہے جس میں‌انہوں نے شاہ ر‌خ خان کو بہت زیادہ ذہین اور باشعور قرار دیا ہے ان کا کہنا ہے کہ میں نے ہمیشہ شاہ رخ خان کے ساتھ بات کرکے بہت کچھ سیکھا ہے. شاہ رخ خان نہایت ہی علم و شعور رکھنے والے انسان ہیں. انہوں نے تو یہاں تک کہہ دیا کہ شاہ رخ خان ناقابل یقین حد تک ذہین ہیں. کترینہ کہتی ہیں کہ شاہ رخ خان کے ساتھ جب کوئی بات کی جائے تو اس کے جواب میں وہ ایسی باتیں کرتے ہیں کہ جو عملی زندگی میں بہت کام آنے والی ہوتی ہیں.

جھلک دکھلا جا ایک ایسا پلیٹ‌فارم ہے جہاں باصلاحیت لوگ اپنے فن کا مظاہرہ کرتے ہیں. ایک سے بڑھ ایک پرفارمنس دینے والے ججز کو حیران کر دیتے ہیں. جھلک دکھلا جا کا سیزن 10 میں اس بار دھواں دار پرفارمنس دینے والے شرکاء ہیں روبینہ دلیک بھی ان میں سے ایک ہیں ان کی پرفارمنس شو کے ججز کو بہت متاثر کررہی ہے ان کے جلوے کسی بھی آنکھ کو حیران کر دیں. روبینہ دلیک کے بارے میں خبریں ہیں کہ وہ ہو گئیں ہیں زخمی اور زخمی بھی وہ ہوئی ہیں ڈانس کی ریہرسل کرتے ہوئے ان کے کندھے اور گردن کے گرد زخم آگئے ہیں. جھلک دکھلا جا میں روبینہ دلیک کی جوڑی صنم جوہر کے ساتھ بنائی گئی ہے اور یہ دونوں حیرت انگیز پرفارمنس پیش کر رہے ہیں۔ تاہم، ان کے حالیہ پریکٹس سیشن کے دوران، اداکارہ کی گردن اور کندھے کے ارد گرد زخم آگئے ہیں.

روبینہ نے ریہرسل کی ایک ویڈیو پوسٹ کی جس میں صنم ڈانس کی مشکل ترین پریکٹس کرتی ہوئی دکھائی دے رہی ہیں.اداکارہ نےزخمی حالت میں اپنی تصویر شئیر کرتے ہوئے لکھا کہ ”اور کچھ چیزیں ہمارے اختیار میں نہیں ہیں” . یاد رہے کہ روبینہ دلائک کے علاوہ اس شو میں نیا شرما، نیتی ٹیلر، پارس کلناوت، نشانت بھٹ، گشمیر مہاجانی، امروتا خانولکر، فیصل شیخ عرف مسٹر فیسو، سریتی جھا، ادا ملک، اور دیگر شامل ہیں۔ اس شو کی میزبانی منیش پال کر رہے ہیں اور ججنگ پینل میں مادھوری ڈکشٹ، نورا فتیحی اور کرن جوہر ہیں۔

بالی وڈ کے اداکار سلمان خان کو جب سے ڈینگی ہوا ہے تب سے وہ کافی محتاظ ہو گئے ہیں، حال ہی میں برہان ممبئی میونسپل کارپوریشن (بی ایم سی) نے اتوار کو مچھروں کی افزائش کے ممکنہ مقامات کا پتہ لگانے کے لیے باندرہ کے گلیکسی اپارٹمنٹس میں بالی وڈ اداکار سلمان خان کی رہائش گاہ کا معائنہ کیا۔ یہ معائنہ سلمان خان میں ڈینگی کی تشخیص کے ایک دن بعد کیا گیا تھا۔ اس گروپ نے باندرہ میں اسی سڑک کے ساتھ واقع چھ دیگر عمارتوں کے ساتھ شاندار اپارٹمنٹ کی چھان بین کی۔ بی ایم سی کے کیڑے مار ادویات کے محکمے کے افسر راجندر نارنگریکرکا کہنا ہے کہ گلیکسی کے احاطے میں دو جگہوں پر ڈینگی لاروا دیکھا گیا لیکن خان کے گھر سے کوئی لاروا نہیں ملا۔انہوں نے مزید کہا کہ بی ایم سی مچھروں کے خطرے پر کہکشاں سوسائٹی کو نوٹس نہیں بھیجتی بلکہ اگر ان کے گھر میں لاروا پایا جاتا ہے تو ہم اسے گھر کے مالکان کو بھیج دیتے ہیں۔ انہوں‌نے یہ بھی کہا کہ شہری ادارہ مطلوبہ کارروائی کی بنیاد پر تین طرح کے نوٹس جاری کرتا ہے۔ پہلی قسم میں، ہم رہائشیوں کو مطلع کرتے ہیں کہ مچھروں

کی افزائش کے مقامات (ان کے گھروں میں) ہیں، جنہیں انہیں ایک ہفتے کے اندر ختم کرنے کی ضرورت ہے۔ ہم ان لوگوں کے خلاف قانونی کارروائی شروع کرتے ہیں جو تعمیل نہیں کرتے ہیں۔ دوسری قسم میں، اگر سوسائٹی کے پانی کے ٹینک میں افزائش کے مقامات پائے جاتے ہیں تو نوٹس بھیجے جاتے ہیں۔ تیسری صورت میں سرکاری لفظ ان لوگوں کے لیے آگے بڑھایا جاتا ہے جو غیر قانونی بورویل کی کھدائی کرتے ہیں یا پانی کا چشمہ بناتے ہیں۔
واضح رہے کہ اس ہفتے کے شروع میں سلمان خان کو ڈینگی ہو گیا تھا۔ اس وجہ سے انہوں نے اپنے جاری پراجیکٹس بشمول رئیلٹی شو بگ باس کی شوٹنگ سے مختصر وقفہ لیا۔

کورونا نے جیسے ہی دنیا کو اپنی لپیٹ میں لیا معاملات زندگی منجمد ہو کر رہ گئے ایسے میں ڈیجیٹل پلیٹ فارمز جیسے کے نیٹ فلیکس ، پرائم وڈیو و دیگر نے اپنے تفریحی مواد کی وجہ سے مقبولیت حاصل کی۔اب تو فلمیں سینما میں ریلیز کرنے کا رواج کم ہوتا نظر آرہا ہے زیادہ تر فلم میکرز او ٹی ٹی پلیٹ فامرز پر فلمیں‌ریلیز کرنے کو ترجیح دے رہے ہیں. فلموں کے علاوہ، ہم کچھ حیرت انگیز اصلی OTT مواد اور ویب سیریز بھی دیکھ رہے ہیں جو ڈیجیٹل پلیٹ فارمز پر بہت بڑی کامیابی حاصل کررہے ہیں۔ حال ہی میں جوہی چاولہ نے اپنی ڈیجیٹل ڈیبیو ویب سیریز ہش ہش سے کی۔ آنے والے مہینوں میں بالی وڈ کے بہت سے دوسرے ستارے جیسے کرینہ کپور خان، سدھارتھ ملہوترا، شاہد کپور، اور دیگر بھی جلد ہی او ٹی ٹی پر دلچسپ فلموں اور ویب سیریز کے ساتھ نظر آئیں گے. کرینہ کپور سوجوئے

گھوش کی تھرلر فلم سے ڈیجیٹل ڈیبیو کرنے جا رہی ہیں. سدھارتھ ملہوترا اپنی آنے والی OTT سیریز انڈین پولیس فورس کے ساتھ نظر آئیں گے اس میں شلپا شیٹی، نکیتن دھیر اور وویک اوبرائے بھی ہیں۔ شاہد کپور راج اور ڈی کے کی سیریز فرزی میں کام کرنے کے لیے تیار ہیں، جس کا پریمیئر پرائم ویڈیو پر ہوگا.چند ہفتے قبل ورون دھون نے ایک ریل شیئر کرتے ہوئے اعلان کیا تھا کہ سارہ علی خان جلد ہی فلم اے وطن میرے وطن کے ساتھ ڈیجیٹل ڈیبیو کریں گی.کاجول بھی او ٹی ٹی پلیٹ فارم پر آنے کے لئے تیار ہیں .آدتیہ رائے کپور دی نائٹ مینیجر میں نظر آئیں گے.

بالی وڈ کے دبنگ سلمان خان جو کہ ڈینگی میں مبتلا ہو گئے تھے وہ اب صحیتاب ہو گئے ہیں. ڈینگی میں مبتلا ہونے کے بعد سلمان خان نے اپنی کام کے حوالے سے تمام شوٹنگز کو ملتوی کر دیا تھا. یہاں تک کہ بگ باس میں ان کی جگہ کرن جوہر دیکھے گئے ہیں. سلمان خان کے مداح پوری دنیا میں‌پائے جاتےہیں اپنے پسندیدہ اداکار کے ڈینگی میں‌مبتلا ہونے کی خبر سننے کے بعد ان کے مداح خاصے پریشان تھے لیکن ان کے لئے خوشخبری ہے کہ سلمان خان اب صحیتابی کی طرف بڑھ رہے ہیں اور بہت جلد وہ اپنی تمام تر شوٹنگز دوبارہ شروع کر دیں گے. بتایا جا رہا

ہے کہ سلمان خان نے طبیعت میں‌بہتری کے بعد اپنے بہنوئی کی سالگرہ میں شرکت کی ہے وہاں ان کے مداح ان کو دیکھ کر خوش ہوئے اور ان سے جب پوچھا کہ طبیعت کیسی ہے تو انہوں نے کہا کہ میں‌اب بالکل ٹھیک ہوں. یاد رہے کہ سلمان خان کے بہنوئی اتل اگنی ہوتری ہیں اور وہ بھی نوے کی دہائی میں بالی وڈ‌ میں آئے. گوکہ اتل اتنے بڑے سٹار نہیں‌بن سکے لیکن انہوں نے کافی مشہور فلموں میں‌کام کیا، اتل کی شادی سلمان خان کی بہن الویرا سے شادی ہوئی تھی. بتایا جا رہا ہےکہ سلمان خان جلد ہی بگ باس کے سیٹ پر بھی پہنچ جائیں گے.