Tag: بالی وڈ

کترینہ کیف اور وکی کوشل بالی وڈ کی سب سے خوبصورت جوڑیوں میں سے ایک ہیں۔ یہ دونوں ہمیشہ اپنے مداحوں کو ایک دوسرے پر پیار جتاتے ہوئے نظر آتے ہیں. حال ہی میں اس خوبصورت جوڑے نے اپنا پہلا کروا چوتھ منایا اور ایک انٹرویو میں کترینہ نے انکشاف کیا کہ انہوں نے وکی کے لئے روزہ رکھا تھا . کترینہ کیف جو کہ آج اپنی فلم ” فون بھوت ” کی تشہیر میں مصروف ہیں وہ اس فلم کی تشہیر کے لئے کسی قسم کی کسر نہیں چھوڑ رہیں، اس فلم میں ان کے ساتھ ایشان کھٹر اور سدھانت چترویدی بھی اہم کردار ادا کر رہے ہیں۔ اسی سلسلے میں وہ مختلف جگہوں پر جا رہی ہیں اور ہر جگہ میڈیا ان سے کچھ نہ کچھ سوالات کرتا دکھائی دے رہا ہے.کترینہ سے حالیہ انٹرویو کے دوران ایک سوال ہوا تو

اس کے جواب میں‌انہوں نے ایک خوبصورت بات بتائی اور کہا کہ ’’وکی کوشل مجھے اپنا گھبراہٹ کا بٹن کہتے ہیں۔‘‘ انہوں نے یہ بھی کہا کہ ہم ایک دوسرے سے الگ رائے رکھتے ہیں لیکن کوشش کررہے ہیں ایک دوسرے کی پسند نہ پسند کے مطابق بن جائیں. یاد رہے کہ فلم فون بھوت 4 نومبر 2022 کو سینما گھروں میں ریلیز ہو رہی ہے۔ فلم کامیڈی اور ہارر ہے . فلم کے میوزک کو بھی کافی پسند کیا جا رہا ہے. شائقین کترینہ کو دیکھنے کےلئے خاصے پرجوش ہیں.

اداکارہ امر خان نے بھی دا لیجنڈ آف مولا جٹ دیکھ لی ہے اور وہ بن گئی ہیں دیوانی اس فلم کی۔ امر خان نے فلم دیکھنے کے بعد سوشل میڈیا پر لکھا ہے کہ دا لیجنڈ آف مولا جٹ کی ریلیز کے بعد پاکستانی پنجابی سینما ایک نئے دور میں داخل ہو گیا ہے اور اس دور میں اب جدید تقاضوں سے ہم آہنگ فلمیں بنائی جائیں گی۔ اس فلم نے پاکستان فلم انڈسٹری کو ایک نئی امیددی ہے ۔انہوں نے یہ بھی لکھا کہ عمارا حکمت نے فلم پر بہت پیسہ لگایا ہے اور بلال لاشاری کی بہترین ڈائریکشن نے ایک بہترین شاہکار بنایا ہے۔ امر خان نے کہا کہ مجھے افسوس ہے کہ بہت سارے سینما گھروں میں یہ

فلم لگی ہی نہیں ہے ایسا نہیں ہونا چاہیے۔ امر خان نے کہا کہ فلم میں ہر اداکار نے بہترین اداکاری کی ہے۔ یاد رہے کہ دا لیجنڈ آف مولا جٹ تیراں اکتوبر کو پاکستان سمیت دنیا کے دیگر ممالک میں ریلیز ہوئی ۔ فلم میں سپیشل قسم کے ایفیکیٹس کا استعمال کیا گیا ہے جسے بہت زیادہ سراہا جا ر ہا ہے ۔ نوجوان نسل فلم کو دیکھنے کےلئے بے تاب نظر آرہی ہے ۔فلم پچاس کروڑ کے بجٹ کے ساتھ تیار ہوئی ہے تاہم ابھی تک دس کروڑکا بزنس کر چکی ہے۔

گزشتہ کئی برسوں میں بالی وڈ کی آن سکرین جوڑیاں حقیقی زندگی میں ایک دوسرے کی جوڑی دار بن گئیں جن میں وکی کوشل اور کترینہ کیف ، دیپیکا پڈوکون اور رنویر سنگھ و دیگر کے نام قابل زکر ہیں. تاہم آج کل بالی وڈ میں کیارا ایڈوانی اور سدھارتھ ملہوترا کی شادی کی خبریں چرچا میں ہیں۔ ہرکوئی ان دونوں کی شادی کی بات کرتا نظر آرہا ہے۔ ایسے میں دبنگ سلمان خان کیسے پیچھے رہ سکتے تھے جی ہاں اب تو سلمان خان نے بھی اشارہ دے دیا ہے کہ بالی وڈ کی ایک اور جوڑی جلد ہی شادی کے بندھن میں بندھنے جا رہی ہے۔ بلکہ سلمان خان نے تو سدھارتھ ملہوترا کو مبارکباد بھی دے دی ہے اور کہا ہے کہ یہ بہت اچھا فیصلہ ہے ۔سلمان خان ہی نہیں بلکہ فلمساز کرن جوہر بھی سدھارتھ ملہوترا کو کیارا کے حوالے سے تنگ کرتے پائے گئے ہیں ۔سدھارتھ گزشتہ

دنوں ایک ڈانس رئیلٹی شو میں گئے وہاں کرن جوہر نے سدھارتھ سے جب کیارا کے ھوالے سے بات کی تو سدھارتھ کے چہرے کی خوشی اور لالی نے ان دونوں کے تعلق کی ساری حقیقت کھول کر رکھ دی تھی۔ یاد رہے کہ کیارا ایڈوانی اور سدھارتھ ملہوترا گزشتہ کچھ عرصے سے ایک ساتھ دکھائی دیتے ہیں اور انہوں نے ایک ساتھ چند ایک فلموں میں کام بھی کیا ہے ان کی آن سکرین جوڑی اور کیمسٹری کو بہت زیادہ سراہا جاتا ہے۔ شائقین ان کو ایک ساتھ دیکھنے کےلئے بےتاب نظر آتے ہیں.

بالی وڈ کی مشہور شخصیات کی شادیاں ہمیشہ سے ہی سب کی توجہ کا مرکز بنتی ہیں، بالی وڈ کی کچھ شادیاں ایسی رہی ہیں جن کا بے حد چرچا رہا. کرینہ کپور اور سیف علی خان کی شادی بھی ایسی ہی تھی جس کا بہت چرچا رہا، شادی کے بندھن میں بندھنے والی اس جوڑی کی شادی پر ان کے مداح بہت خوش تھے اکتوبر 2012 میں دونوں شادی کے بندھن میں بندھے. کرینہ اور سیف کی شادی کو دس سال کا عرصہ بیت گیا ہے. اس خوبصورت جوڑے کے دو بیٹے ہیں. کرینہ اور سیف علی خان کی شادی میں ان کے دوستوں نے بڑی تعداد میں شرکت کی. کرینہ کپور نے ایک انٹرویو میں بتایا تھا کہ ان کی شادی میں کینیا، لندن، مسقط، دبئی اور سوئٹزرلینڈ سے ان کے دوستوں نے

شرکت کی. اپنی شادی پر کرینہ کپور خان نے ایک شاندار شرارہ کا انتخاب کیا جو نسل در نسل منتقل ہوتا رہا۔ یہ اصل میں شرمیلا ٹیگور کی ساس ساجدہ سلطان کا تھا اور درحقیقت شرمیلا نے اسے 1962 میں اپنے نکاح پر پہنا تھا.یاد رہے کہ سیف علی خان اور کرینہ کپور کی ملاقات فلم ٹشن کے سیٹ پر ہوئی کام کے دوران ان کی نزدیکیاں‌بڑھیں تو دونوں نے شادی کر لی اور کرینہ کپور نے ہمیشہ کے لئے شاہد کپور کو خدا حافظ کہہ دیا .

ہیما مالنی بالی وڈ اداکارہ، ہدایت کار، پروڈیوسر، اور سیاست دان ہیں۔ ہیما مالنی بنیادی طور پر ہندی فلموں میں اپنے کام کے لیے مشہور ہیں۔ہیما مالنی نے فلمی سفر کا آغاز 1963 میں تامل فلم ادھو ساتھیام سے کیا۔اس کے بعد انہوں‌نے ہندی فلموں کا رخ کیا. ہندی فلموں میں انہوں نے نامور ہیروز کے ساتھ کام کیا یہاں تک کہ وہ شمی کپور کے ساتھ بھی ہیروئین آئیں. انہوں‌ نے اداکار دھرمیندر کے ساتھ 1980 میں شادی کی. ہیما مالنی کو ڈریم گرل کے خطاب سے بھی نوازا گیا .ہیما مالنی نے کامیڈی سنجیدہ ہر طرح کی فلم میں کام کیا. اداکارہ کو ان کی خدمات کے اعتراف میں ایوارڈز

سے بھی نوازا گیا ، بہترین اداکارہ کے فلم فئیر اورفلم فئیر لائف ٹائم اچیومنٹ ایوارڈ جیتنے والی اس اداکارہ کو پدم شری سے بھی نوازا گیا جو حکومت ہند کی طرف سے دیا جانے والا چوتھا سب سے بڑا شہری اعزاز ہے۔ان کی مشہور فلموں میں سیتا اور گیتا ، کرانتی ، جانی میرا نام ، دھرما تما ، ستے پہ ستہ ، چرس ، قدرت ، راجہ رانی ، تری شول ، دوستی ، امیر غریب ، آزاد ، قدرت کا قانون ، لال پتھر ، بندش ، ماں و دیگر کے نام قابل زکر ہیں. 2003 سے 2009 تک، مالنی کو بھارتیہ جنتا پارٹی کے نمائندے کے طور پر راجیہ سبھا، پارلیمنٹ کے ایوان بالا کے لیے منتخب کیا گیا۔ 2014 میں مالنی لوک سبھا کے لیے منتخب ہوئیں۔ مالنی خیراتی اور سماجی کاموں میں شامل رہی ہیں۔ فی الحال، مالنی انٹرنیشنل سوسائٹی فار کرشنا کانسینس کی تاحیات رکن بھی ہیں.

بالی وڈ اداکارہ نرگس فخری جنہوں نے نہایت کم عرصے میں اپنا ایک مقام بنایا انہوں نے راک سٹار اور ایم ایس دھونی جیسی بڑی فلموں میں اپنی اداکاری کے جوہر دکھائے لیکن اچانک نرگس کی زندگی میں ایک ایسا موڑ آیا کہ انہوں نے بالی وڈ سے کنارہ کشی کرنے کا فیصلہ کیا اور اپنی فیملی کے پاس امریکہ چلی گئیں . لیکن بہت جلد ہی انہوں نے دوبارہ بالی وڈ کا رخ کر لیا ہے. کہا جا رہا ہے کہ نرگس فخری ایک بار پھر بالی وڈ کی فلموں میں اپنے حسن کے جلوے بکھیرنے کے لئے تیار ہیں . نرگس فخری نے اپنے حالیہ انٹرویو میں کہا ہےکہ جب وہ بالی وڈ میں ئئی نئی آئیں تھیں انہیں‌نہیں‌معلوم تھا کہ انہیں‌کیسے رہنا ہے کیسے لوگوں سے بات کرنی ہے میں ہر بات صاف دل

سے کر دیتی تھی جس کی وجہ سے بہت زیادہ نقصان ہوا. انڈسٹری میں‌رہتے ہوئے بعض اوقات آپ کو ایسے لوگوں سے بھی بات کرنی پڑتی ہے جن کو آپ نا پسند کرتے ہیں.مجھے یہ چیزیں سمجھنے میں کافی وقت لگا. نرگس فخری نے اس انٹرویو میں یہ بھی انکشاف کیا کہ بالی وڈ میں رہتے ہوئے انہیں ڈپریشن ہونے لگا تھا اس لئے وہ اپنی فیملی کے پاس واپس چلی گئیں تھیں. یاد رہے کہ نرگس فخری نے دوبارہ بالی وڈ میں جو واپسی کی ہے وہ کس فلم سے واپسی کر رہی ہیں کیا کردار ادا کررہی ہیں اس کی تفصیلات تاحال سامنے نہیں آئیں .

ہالی وڈ اداکار ہریتک روشن اور ان کی گرل فرینڈ صبا آزاد جو آج کل پیرس اور لندن میں چھٹیاں منانے کےلئے گئے ہوئے ہیں دونوں وہاں سے اپنے ٹرپ کی خوبصورت یادوں کو تصویروں میں قید کرکے سوشل میڈیا پر اپنے پرستاروں کے ساتھ شئیر کررہے ہیں. ان کے لندن ٹرپ کی تصاویر سوشل میڈیا پر ہلچل پچائے ہوئے ہیں، ہرتیک روشن نے اپنی گرل فرینڈ صبا آزاد کی ایک تصویر سوشل میڈیا پر شئیر کی جس میں وہ ایک بنچ پر بیٹھی ہوئی ہیں اور گہری سوچوں می گم ہیں اس تصویر کا کیپشن ہرتیک نے دیا ” لڑکی آن بنچ سمر 2022” . اس تصویر پر ہرتیک روشن کے کزن نے

کمنٹ لکھا ” کیوٹیز” اسی طرح سے ان مداحوں نے لکھا کہ دونوں ایک ساتھ بہت اچھے لگ رہے ہیں ایک مداح نے لکھا کہ صبا بہت ہی خوش قسمت لڑکی ہیں. حال ہی میں اس خوبصورت جوڑے نے ریچا چڈھا کی شادی میں شرکت کی دونوں بہت ہی خوبصورت لگ رہے تھے دونوں کی اس ایونٹ کی تصویریں سوشل میڈیا پر کافی وائرل ہوئیں اور ان کے مداحوں نے انہیں پسند کیا. یاد رہے کہ ہرتیک روشن اور صبا آزاد نے ابھی شادی کا فیصلہ نہیں کیا اسی طرح ان کی سابقہ اہلیہ سوزین بھی ایک رشتے میں ہیں اور انہوں نے بھی ابھی شادی کا ارادہ نہیں کیا.

بالی وڈ اداکار سلمان خان کا پانویل میں 100 ایکڑ کا فارم ہے اس کے ھوالے سے کیتن ککڑ نامی آدمی نے سوشل میڈیا پر ایک پوسٹ کے زریعے کہا تھا کہ اس جگہ پر سلمان خان اور ان کے اہل خانہ غیر قانونی سرگرمیوں میں مصروف رہتے ہیں اور ساتھ ہی ساتھ اس فارم ہائوس کے کچھ حصے کے غیر قانونی ہونے کا دعوی کر دیا. سلمان خان اس الزام کے بعد کیتن ککڑ کے خلاف عدالت میں چلے گئے اور ان پر ہتک عزت کا دعوی دائر کر دیا اور کہا کہ جو بھی انہوں نے میرےاور میری فیملی کے خلاف پوسٹ میں کہا ہے وہ جھوٹ اور غلط ہے. کہا جا رہا ہے کہ ممبئی ہائیکورٹ نے سیشن عدالت کے فیصلے کے خلاف بالی وڈ اداکار سلمان خان کی درخواست پر فیصلہ محفوظ کرلیا ہے تاہم فیصلہ کب سنایا جائیگا اس کی تاریخ

ابھی سامنے نہیں آئی. یاد رہے کہ سلمان خان اپنے پورے کیرئیر میں کسی نہ کسی تنائو کا شکار رہے ہیں، رواں برس وہ سدھو موسے والا کے قتل کے بعد بھی مسائل کا شکار رہے ان کواور ان کے والد کو قتل کی دھمکیاں موصول ہوئیں دوسری طرف سلمان خان کا شمار بالی وڈ کے سب سے زیادہ پسند کئے جانے والے اداکاروں میں ہوتا ہے. سلمان خان آج کل بگ باس 16 کی میزبانی کے فرائض بھی انجام دے رہے ہیں.

بالی وڈ اداکار امیتابھ بچن 80 سال کے ہوگئے ہیں. ان کا شمار ہندوستانی سنیما کی تاریخ کے کامیاب اور بااثر اداکاروں میں ہوتا ہے۔ بگ بی نے پہلی بار 1970 کی دہائی کے اوائل میں زنجیر، دیوار اور شعلے جیسی فلموں کے لیے مقبولیت حاصل کی اور اس کے بعد انہوں نے پیچھے مڑ کر نہ دیکھا. ہندی سینما کے سب سے زیادہ کامیاب اداکار امیتابھ بچن کی گزشتہ روز سالگرہ تھی اس موقع پر انہوں نے اپنے مداحوں کو کر دیا حیران جی ہاں امیتابھ بچن جلسہ (اپنے گھر) کے باہررات کے وقت اچانک پہنچ گئے اور اپنے مداحوں سے ملے. امیتابھ بچن کے مداح حیران رہ گئے کہ ان کا پسندیدہ سٹار ان کے درمیان آگیا ہے ان سے ملنے. اس موقع پر امیتابھ بچن کے ساتھ ان کی

بیٹی شویتا بچن اور پوتی ناویہ نویلی بھی تھیں۔ امیتابھ بچن کی جلسہ کے باہر اپنے مداحوں سے ملاقات کی ویڈیو وائرل ہوئی ہے۔ بگ بی نے ان سب کو مبارکباد دی اور ان کی بے پناہ محبت کا شکریہ ادا کیا۔ یاد رہے کہ امیتابھ کو آخری بار آیان مکھرجی کی ہدایت کاری میں بننے والی برہمسڑا پارٹ ون، شیوا میں دیکھا گیا تھا جس میں عالیہ بھٹ، رنبیر کپور، مونی رائے، اور ناگارجن اکینینی مرکزی کردار میں تھے۔ اداکار کی تازہ ترین کامیڈی ڈرامہ فلم الوداع اس وقت سینما گھروں میں چل رہی ہے۔ اس میں نینا گپتا کے ساتھ رشمیکا مندنا، سنیل گروور، پاویل گلاٹی، آشیش ودیارتھی، ایلی اورام، ساحل مہتا، شیون نارنگ، شیانک شکلا نے اہم کردار ادا کئے ہیں الوداع تھیٹر میں 7 اکتوبر 2022 کو ریلیز ہوئی اور تاحال چل رہی ہے.

پاکستانی اداکار فواد خان کی عالمی سطح پر مداحوں کی بڑی تعداد ہے۔ پاکستانی ٹیلی ویژن شوز میں اپنی پرفارمنس سے شائقین کو حیران کرنے کے بعد انہوں نے 2014 میں سونم کپور کے ساتھ فلم خوبصورت کے ساتھ بالی وڈ میں قدم رکھا۔ بعد میں انہوں نے رنبیر کپور اور انوشکا شرما کے ساتھ اے دل ہے مشکل میں اور سدھارتھ ملہوترا اور عالیہ بھٹ کے ساتھ کپور اینڈ سنز میں کام کیا۔ انہوں نے اپنی نہترین پرفارمنس کی وجہ سے کافی تعریفیں سمیٹیں۔ تاہم اڑی حملے کے واقعے کے بعد 2016 میں پاکستان کے اداکاروں اور فنکاروں پر پابندی لگا دی گئی تھی۔ورائٹی کے ساتھ

اپنے حالیہ انٹرویو میں فواد نے بالی وڈ میں واپسی پر بات کی . فواد سے سوال ہوا کہ کیا وہ بالی وڈ میں دوبارہ کام کرنا چاہیں گے تو انہوں نے کہا کہ جب تک معاملات مستحکم نہیں ہوتے وہ اس کا قطعی جواب نہیں دے سکتے۔لیکن فواد نے یہ ضرور کہا کہ بالی وڈ میں کام کرنے کا تجربہ بہت اچھا رہا سب نے بہت تعاون کیا. ہم سب اچھے دوست ہیں ہم یقینا کسی نہ کسی پلیٹ فارم پر دوبارہ ایک ساتھ کام بھی کریں گے. سیاسی معاملات کیسے بھی ہوں لیکن ہم سب کے تعلقات اچھے رہے ہیں جو کہ بہت اچھی بات ہےفواد خان نے کہا کہ مجھے تصادم سے نفرت ہے، میں اس سے گریز کرتا ہوں.