Tag: بالی وڈ

بالی وڈ کے معروف فلم میکر اور انیل کپور کے بھائی بونی کو اپنی اہلیہ سری دیوی کی یاد ستانے لگی ہے جب سے ان کی اہلیہ کا انتقال ہوا ہے تب سے آج تک وہ سوشل میڈیا پر ان کی تصاویر شئیر کرتے رہتے ہیں ان تصاویر کو مسلسل شئیر کرتے رہنے سے ایک بات تو کلئیر ہوتی ہے کہ بونی کپور آج تک اپنی اہلیہ کو یاد کرتے ہیں. حال ہی میں بونی کپور نے سوشل میڈیا پر سری دیوی کے ساتھ اپنی ایک تصویر شئیر کی، یہ تصویر سری دیوی کی فلم انگلش ونگلش کے وقت کی تھی اس تصویر کے بارے میں‌بونی کپور نے اپنے مداحوں کو بتایا کہ اس میں جو سوٹ پہن

رکھا ہے وہ 2022 میں دس سال کے بعد دوبارہ پہنا. یاد رہے کہ بونی کپور نے سری دیوی کے ساتھ دوسری شادی کی تھی اور دونوں کی دو بیٹیاں جھانوی اور خوشی کپور ہے.. سری دیوی کی موت 2018 میں دبئی میں ہوئی تھی وہ وہاں اپنے ایک خاندان کی شادی میں گئیں تھیں ان کے شوہر اور بیٹیاں بھی ان کے ساتھ تھیں موت سے قبل وہ کافی خوش دکھائی دے رہی تھیں بلکہ شادی میں ناچ گا رہی تھیں. جب ان کا انتقال ہوا تو کہا گیا کہ حرکت قلب بند ہونے سے ایسا ہوا ہے لیکن پورسٹ مارٹم رپورٹ کے مطابق سری دیوی کی موت کی وجہ حرکت قلب نہیں بلکہ حادثہ ہےرپورٹ میں یہ بات بھی کہی گئی کہ سری دیوی کے جسم میں نشے کی مقدار بھی پائی گئی۔

بالی وڈ اداکارہ دیا مرزا کا ایک جذباتی انٹرویو کلپ بہت زیادہ سوشل میڈیا پر وائرل ہو رہا ہے اس میں انہوں نے بتایا ہے کہ ان کا بچپن کیسا گزرا. دیا نے بتایا کہ جب وہ ساڑھے پانچ برس کی تھیں تو ان کے ماں باپ میں‌علیحدگی ہو گئی جب نو سال کی ہوئیں تو ان کے باپ کا انتقال ہو گیا. میرے والدین کی شادی محبت کی تھی اسکے باوجود ان میں علیحدگی ہوئی میں بہت حیران تھی. میں نے ایک بار ماں سے پوچھا کہ آپ دونوں میں علیحدگی کیوں ہوئی تو ماں نے کہا کہ ضروری نہیں‌ کہ دو پیار کرنے والے ایک چھت کے نیچے ایک ساتھ بھی رہ سکیں. مجھے تب ان کی بات سمجھ نہیں آئی تھی لیکن آج میں اس بات کو سمجھ سکتی ہوں کہ انہوں نے بالکل ٹھیک کہا تھا. دیا نے بتایا کہ میری ماں نے

ایکبار پھر لو میرج کی اور اس بار جس سے شادی کی وہ مسلمان تھا ، میں دادی کے ساتھ مجلسوں میں جاتی عید مناتی ہمارے گھر میں ہندو مسلم دونوں‌قسم کے تہوار منائے جاتے میری ماں بنگالن تھیں.دیا نے مزید کہا کہ ایک بار اپنی کو بولا مجھے ایک جوتی اچھی لگی ہے لے دو ماں بہت بولی کہ چھوٹی سی ہو اتنی مہنگی جوتی نہیں‌لیکر دے سکتی. ماں کی ڈانٹ کے بعد طے کیا کہ کبھی کسی سے کچھ نہیں‌مانگنا ، اور پھر خدا نے مجھے اس قابل کیا کہ میں نے اپنا گھر اور گاڑی دونوں خریدے. دیا نے کہا کہ میرے دوسرے باپ نے مجھے ہیروئین بننے میں‌مدد کی انوپم کھیر نے پہلی فلم آفر کی وہاں سے بس سلسلہ چل نکلا.

امیتابھ بچن جو کہ آج کل کورونا میں مبتلا ہیں، قرنطینہ کےدوران انکی کیا مصروفیات ہیں انہوں نے اپنے مداحوں کے ساتھ شئیر کی ہیں. انہوں نے بتایا ہے کہ وہ جس کمرے میں رہ رہے ہیں وہاں کے سارے کام خود کر رہے ہیں یہاں تک کہ فون کالز بھی لے رہے ہیں اور ای میلز کا جواب بھی دے رہے ہیں.امیتابھ نے یہ بھی انکشاف کیا ہے کہ وہ فرش صاف کرنے کے علاوہ باھ روم کی بھی صفائی کررہے ہیں.انہوں نے کہا کہہ اپنا بستر خود صحیح کرنا، اپنے غسل اور بیت الخلا کی صفائی، فرش صاف کرنا، اپنا ناشتہ اور مشروبات (چائے اور کافی) بنانا، اپنے کپڑوں کے ساتھ الماری ٹھیک کرنا ، کالز کا ذاتی طور پر جواب دینا، اپنے خطوط کا مسودہ تیار کرنا اور نرسنگ اسٹاف کی مدد کے بغیر ڈاکٹروں کے ذریعہ خود کی دوائیوں کے نسخے پر عمل کرنا یہ سب اطمینان بخش اور پر لطف تجربہ ہے.

یاد رہے کہ امیتابھ بچن دوسری مرتبہ کورونا کا شکار ہوئے ہیں اس سے پہلے انہوں نے کورونا کی شکست دیدی تھی لیکن ایک بار پھر اس مرض نے ان کو آن لیا ہے. امیتابھ بچن کی آئندہ دنوں میں فلم براہمسٹرا ریلیز ہونے جا رہی ہے جس میں ان کے ساتھ عالیہ اور رنبیر کپور دکھائی دیں گے. بی بگ کہلائے جانے والے امیتابھ بچن سوشل میڈیا پر بہت زیادہ ایکٹیو ہیں.

نوجوان نسل کے نمائندہ اداکار کارتک آریان کو حال ہی میں مشہور کمپنی نے پان مسالہ کی تشہیر کے لئے رابطہ کیا اور اس کے لئے انہوں نے انہیں 9 کروڑ روپے کی آفر کی جسے کارتک آریان نے منع کر دیا ہے اور کہا ہے کہ میں اس تشہیر کا حصہ نہیں‌ بننا چاہوں گا.بالی وڈ کے بڑے بڑے سٹارز اس قسم کی تشہیر کا حصہ رہ چکےہیں لیکن ایک کم عمر سپر اسٹار نے دلکش پیشکش مسترد کردی ہے یہ سوچے بغیر کہ اتنی بڑی رقم مل رہی ہے.سنسر بورڈ کے سابق چیئرپرسن اور پروڈیوسر پہلاج نہلانی بھی کارتک آیان کے نقصان دہ مصنوعات کی تشہیر نہ کرنے کے فیصلے کی تائید کرتے ہوئے کہا ہے کہ پان مسالہ لوگوں کو مار رہا ہے۔ بالی ووڈ کے رول ماڈلز کی طرف سے گٹکا اور پان مسالہ کھانے کی ترغیب دینا یقینی طور پر ملک کے لیے نقصان دہ ہے۔اکشے کمار کا

امیج بہت اچھا ہے وہ عوام کے ہیروہیں پھر بھی وہ پان مسالہ کے برانڈ کی تشہیر کیوں کر رہے ہیں؟ گووندا اور یہاں تک کہ پیئرس بروسنن جیسے دوسرے لوگ بھی پان مسالہ کو فروغ دینے کے لیے جانے جاتے ہیں۔حیران کن طور پر پہلاج نہلانی نے انکشاف کیا کہ شراب اور پان مسالہ کے اشتہارات کی نشریات غیر قانونی اور غیر آئینی ہے۔ "قانون CBFC کو پان مسالہ اور الکوحل کے اشتہارات کو سرٹیفیکیشن دینے سے منع کرتا ہےایسے اشتہارات نشر کیے جا رہے ہیں جو کہ غیر قانونی ہیں۔ ایسے اشتہارات کا حصہ بننے والے اداکاروں کو معلوم ہونا چاہیے کہ وہ غیر قانونی کام کررہے ہیں۔”

نوے کی دہائی کے ایکشن ہیرو سنیل شیٹی بھی مایوس ہیں موجودہ دور میں بننے والی بالی وڈ فلموں سے ،انہوں نے نہایت ہی مایوسی کااظہار کرتے ہوئے کہا ہے کہ اس وقت جو کام ہو رہا ہے اسکو شائقین رد کررہے ہیں اور اسکا اندازہ باکس آفس کے اعداد و شمار سے لگایا جا سکتا ہے. ماضی میں بہت اچھا کام ہو رہارتھا لوگ بڑی تعداد میں فلمیں دیکھنے کےلئے سینما گھروں کا رخ کرتے تھے ۔ اب شائقین خوش نہیں ان فلموں سے جو بن رہی ہیں اور ریلیز ہو رہی ہیں عالم یہ ہےکہ شائقین تو تھیٹر کا رخ کرنے کو بھی تیار نہیں ہیں۔ ہمیں یہ دیکھنا ہو گا کہ لوگ آخر چاہتے کیا ہیں انکی دلچپسی کیا ہے۔ سنیل شیٹی نے تشویش کیا اظہار کرتے ہوئے کہا کہ ہمیں

لوگوں کے مزاج کو سمجھ کر اسکے مطابق فلمیں بنانے کی ضرورت ہے۔ سنیل شیٹی بالی وڈ فلموں کو سپورٹ کرتے ہیں لیکن حالیہ باکس آفس بزنس سے کافی مایوس ہیں ہر فلم فلاپ ہو رہی ہے بڑے اور چھوٹے ہر قسم کے بجٹ والی فلموں کے پرڈیوسرزپریشان ہیں۔ یاد رہے کہ سنیل شیٹی نے بالی وڈ کی فلموں کا بائیکاٹ کرنے کے رجحان پر احتجاج کیا تھا اور مسلسل کررہے ہیں لیکن ساتھ ہی وہ خواہش رکھتے ہیں کہ ایک بار پھر ماضی کی طرح بالی وڈ کی فلمیں شائقین کا دل جیتیں۔ سنیل شیٹی کہتے ہیں‌ کہ ہمارے دور کے ہر ہیرو کی فلم اچھا بزنس کرتی تھی ٹھیک ہے کچھ فلاپ بھی ہوتی تھیں لیکن مجموعی طور پر فلمیں اچھا بزنس کرتی تھیں.

ہالی وڈ فلم فارسٹ گمپ کا ری میک لال سنگھ چڈھا کو شائقین نے رد کر دیا ہے عامر خان فلم کی ناکامی پر کافی دل شکستہ ہیں۔ وہ کسی بھی فلم کو سائن کرنے سے کترا رہے ہیں۔ حال ہی میں انہوں نے فلم مغل میں کام کرنے سے انکار کر دیا ہے۔ کہا جا رہا ہے کہ فلم ساز بھوشن کمار نے جب یہ فلم بنانے کا اعلان کیا تو انہوں نے عامر خان سے رابطہ کیا عامر خان نے فلم کی کہانی اور آئیڈیا بے حد پسند کیا اور فلم کرنے کی حامی بھر لی۔ اس کردار کو پہلے اکشے کمار کو آفر کیا گیا تھا لیکن انہوں نے انکار کر دیا تھا کہا جا رہا ہے کہ عامر خان نے کہا تھا کہ مغل فلم لال

سنگھ چڈھا کے بعد کروں گا لیکن اب تازہ اطلاعات یہ ہیں کہ عامر خان نے فلم کو کرنے سے انکار کر دیا ہے اور ان کے انکار کی وجہ لال سنگھ چڈھا کی ناکامی ہے جس پر عامر خان کافی افسردہ ہیں۔ بھوشن کمار اب اس فلم میں کس ہیرو کو لیں گے یا عامر خان کو ہی منانے کی کوشش کریں گے اس ھوالے سے کوئی اطلاعات سامنے نہیں آئیں۔ یاد رہے کہ فلم لال سنگھ چڈھا کی ناکامی کی ایک بڑی وجہ اس فلم کا بائیکاٹ بھی تھا، عامر خان فلم کی ناکامی پر کافی رنجیدہ ہیں ان کو بہت امید تھی کہ فلم کو پسند کیا جائیگا لیکن ایسا نہ ہو سکا.

تبو کا شمار بالی وڈ کی سب سے زیادہ باصلاحیت اداکاراؤں میں ہوتا ہے۔ انہوں نے حیدر، دے دے پیار دے، جوانی جاناں، اور دیگر فلموں میں اپنی اداکاری کا جوہر دکھائے۔ تبو آخری بار بلاک بسٹر بھول بھولیا 2 میں کارتک آریان اور کیارا ایڈوانی کے ساتھ نظر آئی تھیں۔ اب تبو اجے دیوگن کی ہدایتکاری میں بننے والی فلم بھولا میں ایک پولیس افسر کا کردار ادا کرکے اپنے مداحوں کو حیران کرنے کے لیے تیار ہیں۔ حال ہی میں ان کی فلم کی شوٹنگ ختم ہوئی ہے۔ تبو نے حال ہی میں اجے دیوگن کے ساتھ اپنی ایک تصویر انسٹاگرام پر شئیر کی ہے اور لکھا کہ ہم اپنی نویں فلم ایکساتھ کرنے جا رہے ہیں، میں بہت خوش ہوں۔ جیسے تبو نے اجے دیوگن کے ساتھ اپنی تصویر شئیر کی ان کے

مداحوں نے ان پر پیار کی بارش کی۔ ایک مداح نے لکھا، "مبارک ہو، آپ کی یہ فلم یقینا بلاک بسٹر ہوگی ایک اور صارف نے تبصرہ کرتے ہوئے کہا واہ ۔یاد رہے کہ تبو اجے دیوگن کی فلم بھولا میں ایک نڈر، اعلیٰ درجے کے پولیس افسر کا کردار ادا کر رہی ہیں اس فلم میں انہوں نے اسٹنٹس بھی کئے ہیں اور ایک سین کرتے ہوئے زخمی بھی ہو گئیں تھیں۔ فلم بھولا اجے دیوگن کی بطور ہدایتکار چوتھی فلم ہے بھولا اگلے سال ریلیز ہوگی اجے کی جو اگلے سال مزید فلمیں ریلیز ہونے جا رہی ہیں ان میں تھینک گاڈ، میدان، دریشیام 2 اور سنگھم 3 کے نام شامل ہیں.

بالی وڈ کے دبنگ سلمان خان کو فلم انڈسٹری میں چونتیس سال مکمل ہو گئے ہیں اس موقع پر انہوں نے سوشل میڈپا پر اپنی نئی آنے والی فلم کسی کا بھائی کسی کی جان میں اپنے گیٹ اپ کی تصویر شئیر کی۔ سلمان خان بالی وڈ کے وہ اداکار ہیں جو کسی تعارف کے محتاج نہیں۔ انہوں نے فلم بیوی ہو تو ایسی سے اپنے کیرئیر کی شروعات کی اور ایک سال بعد 1989 میں ریلیز ہونے والی ‘میں نے پیار کیا’ سے لاکھوں دلوں کو جیت لیا۔سلمان خان کے کریڈٹ پر سپر ہٹ فلمیں ہیں ، جن میں ہم آپ کے ہیں کون ، جیت ، انداز اپنا اپنا ، ساجن ، صنم بے وفا، خاموشی ، دیوانہ مستانہ ، کرن ارجن ، کچھ کچھ ہوتا ہے، تیرے نام ، ہم دل دے چکے صنم و دیگر کے نام قابل زکر ہیں۔ سلمان خان نے

ویسے تو اپنے کیرئیر میں ہر بڑی ہیروئین کے ساتھ کام کیا ہر دوسری ہیروئین کے ساتھ ان کی جوڑی کو سراہا گیا لیکن سب سے زیادہ جس کے ساتھ انکی جوڑی سراہی گئی وہ تھیں ایشوریا رائے ، سلمان خان ایشوریا رائے کو پسند بھی کرتے تھے دونوں میں کافی دوستی تھی لیکن سلمان خان کے غصے والے رویے نے ایشوریا کو سلمان خان سے دور کر دیا۔ اس کے بعد ان کا نام کترینہ کیف سے جڑا ایکساتھ فلمیں بھی کیں لیکن کترینہ نے شادی کے لئے وکی کوشل کا اتنخاب کیا۔
بالی وڈ میں چونتیس سال مکمل ہونے پرسلمان خان نے سوشل میڈیا پر جو وڈیو شئیر کی اس میں انہوں نے کہا کہ میں اپنے مداحوں کا شکر گزار ہوں کہ انہوں نے میرا ساتھ دیا۔ ایکشن، کامیڈی، ڈرامہ، رومانس سے بھرپور فلم کسی کا بھائی کسی کی جان کی لک دیکھ کر سلمان خان کے شائقین کافی پرجوش ہیں اس تصویر میں سلمان خان کولمبے بالوں میں دیکھا جا سکتا ہے۔

مشہور فلم ساز ساون کمار 25 اگست کو ممبئی میں 86 سال کی عمر میں انتقال کر گئے ہیں۔ وہ پانچ دہائیوں سے زیادہ عرصے تک ہندی فلم انڈسٹری کا حصہ تھے۔ انہیں کچھ دن پہلے پھیپھڑوں کے مسائل کی وجہ سے ممبئی کے کوکیلا بین دھیرو بھائی امبانی اسپتال میں داخل کرایا گیا تھا۔ ان کے انتقال پر فلم انڈسٹری سوگوار ہیں. ان کے انتقال پر جہاں پورا بالی وڈ ڈوبا ہوا ہے سوگ میں وہیں پدمنی کولہا پوری بھی ہیں اداس انہوں نے ان کو کیا یاد اور اپنے ساتھ ان کی ایک تصویرسوشل میڈیا پر شئیر کی اورلکھا ” "زندگی غم کا ساگر بھی ہے… ہنس کے اس پار جانا پڑے گا… ساون کمار آج زندگی نما ساگر کو پار کرکے اس پار چلے گئے ہیں… اوم شانتی” . دوسری جانب راکیش روشن نے بھی ساون کمار کی تصویر شیئر کرتے ہوئے ایک دلکش نوٹ لکھا۔ نوٹ میں لکھا "ساون جی آپ ہمیشہ یاد آئو گے دعا ہے آپ کی روح کو سکون ملے”۔

سلمان خان نے بھی ساون کے ساتھ ایک تصویر سوشل میڈیا پر شئیر کرکے لکھا ” آپ سکون سے رہیں میرے پیارے ساون جی۔ ہمیشہ آپ سے پیار کیا اور احترام کیا۔یاد رہے کہ ساون کمار نے فلمی صنعت میں اپنے کیریئر کا آغاز بطور پروڈیوسر 1967 کی فلم نونہال سے کیا جس میں سنجیو کمار، بلراج ساہنی، اور اندرانی مکھرجی نے مرکزی کردار ادا کیے تھے۔ فلم کو ناظرین اور ناقدین کی جانب سے بھی بے پناہ داد ملی۔ تاہم ساون کمار نے گزشتہ 16 سالوں میں کوئی فلم ڈائریکٹ نہیں کی تھی”

انوپم کھیر کسی تعارف کے محتاج نہیں ہیں، تجربہ کار اداکار نے اپنے مداحوں کو اپنی فلموں کے انتخاب کے ساتھ اپنی پرفارمنس کو پسند کرنے کی متعدد وجوہات دیں ۔ کھیر نے بے بی، اسپیشل 26، اے وینڈے، ویواہ، اور دیگر جیسی فلموں میں اپنی اداکاری کے جوہر دکھائے۔کیرئیر کے اوائل میں کچھ فلموں میں نیگیٹو کرادر بھی کئے ، کامیڈی بھی کئے اور سنجیدہ کردار بھی کئے ان کو ہر روپ میں ان کے پرستاروں نے خوب سراہا. انوپم کھیر سوشل میڈیا پر فالورز کی ایک بڑی تعداد رکھتے ہیں اور سوشل میڈیا پر بہت زیادہ متحرک بھی رہتے ہیں.ان کی اس سال ریلیز ہوئی فلم دا کشمیر فائلز نے کامیابی کے ریکارڈز توڑے ہیں. حال ہی میں انہوں نے ایک انٹرویو دیا ہے اس میں وہ سائوتھ بمقابلہ بالی ووڈ فلموں کی جاری بحث پر بولے

انہوں نے کہا کہ میرے لئے سائوتھ اور بالی وڈ ایک جیسا ہی ہے میں بالکل بھی اس میں فرق نہیں کرتا نہ ہی اس وقت یہ بات کہہ کر رہا ہوں لیکن میں جو سوچتا ہوں اسے مجھے کہہ دینا چاہیے، مجھے لگتا ہے کہ ” سائوتھ والے کہانیاں سنا رہے ہیں، یہاں ہم (بالی وڈ)ستارے بیچ رہے ہیں۔”
انہوں نے کہا کہ ایک اچھی فلم اجتماعی کوشش سے بنتی ہے میں نے تیلگو فلموں میں کام کرکے بہت کچھ سیکھا ہے، انہوں نے بتایا کہ میں بہت جلد ملیالم فلم کرنے جا رہا ہوں.