Tag: بالی وڈ

انیل کپور نانا بننے پر کتنے خوش ہیں یہ تو سب کو معلوم ہے وہ اس خوشی کا اظہار وقتا فوقتا کرتے رہتے ہیں. انیل کپور نے حال ہی میں ایک انٹرویو دیا ہے اس میں انہوں نے ایک بار پھر کہا ہےکہ میں نانا بننے پر بہت زیادہ خوش ہوں . اور نانا بن کر مجھے ایسا لگتا ہے کہ جیسے میں ہوائوں میں اڑ رہا ہوں. میں اپنے نواسے کے ساتھ گھنٹوں گزارتا ہے اور مجھے اس کے ساتھ وقت گزارنا بہت اچھا لگتا ہے. انیل کپور نے کہا کہ میں جب اپنے کام میں مصروف ہوتا ہوں تو سونم ،اور میری اہلیہ بچے کا خیال رکھتی ہیں لیکن میں رابطے میں رہتا ہوں. انیل کپور نے مزید کہا کہ میرا نواسا ابھی بہت چھوٹا تھوڑا بڑا ہوجائے تو زیادہ اچھا لگے گا. مجھے اپنے نواسے کو ہر روز دیکھنا بہت اچھا لگتا ہے. یاد رہے کہ سونم کپور

اور آنند اہوجا کی شادی 2018 میں ہوئی تھی ، 20 اگست 2022 کو سونم کے ہاں ایک بیٹے کی ولادت ہوئی سونم نے اپنے بیٹے کی پیدائش کے بعد ابھی تک جتنے بھی انٹرویوز دئیے ہیں اس میں انہوں نے یہی کہا ہے کہ میرے بچے نے میری زندگی بدل کر رکھ دی ہے مجھے اب بس اسی کی فکر رہتی ہے. میں اس کی بہترین پرورش کرنا چاہتی ہوں، میں اپنے بیٹے کو لندن میں پڑھائوں گی یا انڈیا میں، اسکا فیصلہ ابھی تک نہیں کیا. سونم کپور کہتی ہیں کہ وہ فلم انڈسٹری چھوڑیں گی نہیں لیکن کم کام کریں گی جب کوئی سکرپٹ ایسا لگا کہ کرنا چاہیے تو کرلیں گی.

اکشے کمار کی اہلیہ راجیش کھنہ کی بیٹی اور بالی وڈ اداکارہ ٹوئنکل کھنہ ایک بار پھر زمانہ طالب علمی میں چلی گئی ہیں . وہ سٹوڈنٹ بن گئی ہیں . جی ہاں ٹوئنکل کھنہ نے یونیورسٹی میں داخلہ لے لیا ہے. اطلاعات یہ ہیں کہ ٹوئنکل کھنہ نے فکشن رائٹنگ میں ڈگری حاصل کرنے کےلئےلندن یونیوسٹی میں داخلہ لے لیا ہے. ٹوئنکل کھنہ کا کہنا ہے کہ وہ فکشن رائٹنگ میں ڈگری کے بعد اس شعبے کو اپنانا چاہیں گی.اکشے کمار سے جب میڈیا نے اس حوالے سے سوال کیا تو انہوں نے تصدیق کی کہ جی ہاں بالکل ٹوئنکل کھنہ ایک بار پھر طالبعلم بن گئی ہیں. اکشے کمار اور ان کی اہلیہ اور دونوں بیٹے اس وقت لندن میں موجود ہیں. اکشے کمار کا یہ بھی کہنا ہے کہ جب تک ٹوئنکل کھنہ کی ڈگری مکمل نہیں‌ ہو جاتی وہ لندن

میں ہی رہیں گی جب ڈگری حاصل کر لیں گی تب انڈیا واپس لوٹیں گی. اکشے کمار نے تو مذاق کے انداز میں یہ بھی کہہ دیا کہ لوگ اپنے بچوں کو سکول چھوڑنے جاتے ہیں اور میں اپنی بیوی کو یونیورسٹی چھوڑنے جائونگا. یاد رہے کہ ٹوئنکل کھنہ نے بطور ہیروئین کام کیاان کی فلموں نے باکس آفس پر کوئی کمال بزنس نہ کیا جس کی وجہ سے انہیں درمیانے درجے کی اداکارہ ہی سمجھا جاتا ہے. ٹوئنکل کھنہ نے اکشے کمار کے ساتھ شادی کے بعد بالی وڈ فلموں سے علیحدگی اختیار کر لی اور گھر داری میں جُٹ‌گئیں.

بالی وڈ اداکارہ عالیہ بھٹ کا شمار بھارتی سنیما کی سب سے زیادہ پسند کی جانے والی اداکاراؤں میں ہوتا ہے جو فلمی بزنس میں ایک دہائی مکمل کرنے والی ہیں۔ انہوں نے کرن جوہر کی ہدایت کاری میں بننے والی اسٹوڈنٹ آف دی ایئر سے ڈیبیو کیا جس میں عالیہ سدھارتھ ملہوترا اور ورون دھون کے ساتھ اداکاری کرتی دکھائی دیں.اس کے بعد انہوں نے آہستہ آہستہ وہ 2 اسٹیٹس، ہائی وے، اڑتا پنجاب، ڈیئر زندگی، رازی، گلی بوائے گنگو بائی کاٹھیواڑی میں اپنی صلاحیتوں کا لوہا منوایا.عالیہ اب صرف اداکارہ نہیں ہیں بلکہ پرڈیوسر بھی ہیں ان کی بطور پرڈیوسر فلم ڈارلنگز حال ہی میں ریلیز ہوئی ہے. عالیہ ایسی اداکارہ ہیں جنہوں نے اپنے کیرئر میں زیادہ تر کامیابی کا مزہ ہی چکھا ہے. عالیہ نے حال ہی میں ایک

انٹرویو دیا ہے اور بتایا ہے کہ جب ان کی پہلی ناکام ہوئی تو انہوں نے کیا کیا. عالیہ نے کہا کہ ان کی فلم ”شاندار” جب ناکامی سے دوچار ہوئی تو مجھے ایک جھٹکا لگا اور مجھے یقین ہی نہیں آرہا تھا کہ میری فلم ناکام ہو گئی ہے. فلم کی ناکامی کا سن کر میرا دل ٹوٹا ہوا تھا اس دوران میرے والد واحد وہ شخص تھے جن کے ساتھ میں نے اپنی تکلیف شئیر کی اور اس فلم کی ناکامی کا دکھ منانے کےلئے والد کے ساتھ چھٹیوں پر چلی گئی اس دوران کوئی کام نہ کیا . یہ میرے کیرئیر کی پہلی فلم تھی جو ناکام ہوئی تھی لیکن اس کے بعد میں نے خود کو سمجھایا کہ کام کروں گی تو کبھی کامیابی ملے گی اور کبھی نہیں.

اداکار سے فلمساز بنے راکیش روشن نے بالی ووڈ کی حالیہ فلموں کی باکس آفس پر ناکامی کی وجہ پر بات کی ہے انہوں نے فلم سازوں کی طرف سے موضوعات کے انتخاب پر سوال اٹھانے کے علاوہ، اس بات پر بھی افسوس کا اظہار کیا کہ گانوں اور میوزک میں ہم کس طرح‌سے پیچھے رہ گئے ہیں. اگرچہ پورا بالی وڈ یہ سمجھتا ہے کہ بائیکاٹ کے کلچر نے بالی وڈ کو بہت نقصان پہنچایا ہے لیکن راکیش روشن زرا اس سے مختلف خیال رکھتے ہیں ان کا کہنا ہے کہ ” اگر فلم اچھی بنی ہو تو یقینا وہ چلے گی”. راکیش روشن نے اپنے ایک حالیہ انٹرویو میں کہا ہےکہ اس وقت جو فلمیں بن رہی ہیں ان کی کہانیوں میں لوگوں‌کو دلچسپی نہیں ہے. ایسی فلمیں نہیں بن رہیں جنہیں لوگ پسند کریں اور دیوانہ وار جا کر سینما گھروں میں

دیکھیں. راکیش روشن نے اس بات پر زور دیتے ہوئے کہا کہ ماضی میں کس طرح سے گانوں نے فلموں‌ کی کامیابی میں اہم کردار ادا کیا. یاد رہے کہ راکیش روشن نے اپنے بیٹے ہرتیک روشن کو اپنی ہی ڈائریکٹ کردہ فلم کہو نہ پیار سے ہے لائچ کیا یہ فلم بہت بڑی ہٹ ثابت ہوئی اور ہرتیک روشن راتوں رات سٹار بن گئے. راکیش روشن نے کرش جیسی فلمیں بھی بنائیں. راکیش روشن بالی وڈ کے ایک کامیاب فلمساز مانے جاتے ہیں.

آئی پی ایل کے بانی اور بزنس ٹائیکون للت مودی نے رواں برس 14 جولائی کو سوشل میڈیا پر سابقہ مس یونیورس سشمیتا سین کے ساتھ اپنی دوستی کا اعلان کیا، اس اعلان کے ساتھ ہی انہوں نے اپنے انسٹاگرام اکائونٹ پر اداکارہ کے ساتھ اپنی پروفائل پکچر بھی لگائی تھی. سوشل میڈیا پر کافی شور مچا بالی وڈ میں بہت سارے نامور ستارے سشمیتا سین کے ساتھ کھڑے ہو گئے اور ان کی للت مودی کے ساتھ دوستی کا دفاع یہ کہہ کر کیا کہ سشمیتا سین ہو یا کوئی بھی اور ہر کسی کو اپنی مرضی کے مطابق زندگی گزارنے کا حق ہے. لیکن لگتا ہے اب یہ دوستی ختم ہو گئی ہے کیونکہ للت مودی نے اپنے انسٹاگرام پر سشمیتا کے ساتھ لگائی پروفائل پکچر ہٹا دی ہے اور سشمیتا سین کے بارے میں انہوں نے جو بھی

لکھا تھا وہ بھی ڈیلیٹ‌کر دیا، للت مودی کے اس عمل کے بعد گمان کیا جا رہا ہے کہ دونوں کے درمیان تعلقات پہلے جیسے نہیں رہے. تاہم
دونوں نے ابھی تک کوئی سرکاری بیان نہیں دیا اور نہ ہی ایسا کچھ کہا ہے کہ ہماری دوستی اور راہیں الگ ہو چکی ہیں۔دوسری طرف سشمیتا سین ایک بار پھر اپنے سابق بوائے فرینڈ روہمن شال کے ساتھ دیکھی جا رہی ہیں اور ان کو روہمن کے ساتھ دیکھ کر بھی گمان کیا جا رہا ہے کہ شاید للت مودی کے ساتھ دوستی چیپٹر کو سسمیتا سین کلوز کر چکی ہیں. یاد رہے کہ سشمیتا سین للت مودی کے ساتھ دوستی کے تعلق کا اعتراف کرکے خبروں میں رہیں ان کو تو تنقید کرنے والوں نے لالچی تک کہہ دیا جس پر سشمیتا سین نے لمبی چوڑی وضاحتیں دیں.

اداکارہ مہوش حیات جو بہت ووکل ہیں وہ ہر معاملے پر کھل کر بات کرتی ہیں پاکستانی خواتین کے لئے وہ انسپریشن ہیں. مہوش حیات جتنی باصلاحیت اداکارہ ہیں اتنی ذہین انسان بھی ہیں. وہ بین الاقوامی فورمز پر ٔپاکستانی خواتین کے حق میں بات کرتی ہوئی نظر آتی ہیں. انہوں نے پاکستان میں آئے سیلاب اور اور اس کے بعد ہونے والی تباہی پر بالی وڈ کے فنکارو‌ں کی خاموشی پر دکھ کا اظہار کیا ہے . اس چیز کا گلہ مہوش حیات سے پہلے ایک برطانوی صحافی نے کیا انہوں نے پاکستان میں آنے والی قدرتی آفت کے بعد بالی وڈ‌کے فنکاروں‌کی طرف سے خاموشی کو ناپسند کیا . اداکارہ مہوش حیات نے اسی صحافی کا ٹویٹ اپنی انسٹاگرام سٹوری میں شئیر کیا اور کہا کہ ”بالی وڈ میں خاموشی حیران کن ہے،

مصیبت کسی کی قومیت، نسل یا مذہب کو نہیں دیکھتی ہے،بالی وڈ فنکاروں کے پاس یہ اچھا وقت ہے وہ ثابت کرسکتے ہیں کہ قوم پرستی اور سیاست سے بالاتر ہو کر وہ پاکستان میں اپنے مداحوں کی فکر کرتے ہیں۔مہوش حیات کی اس ٹویٹ کو بہت سراہا گیا اور بالی وڈ کے فنکاروں کی اس موقع پر خاموشی اور بے حسی پر سوال اٹھا دیا. یار رہے کہ جب پاکستان میں اے پی ایس میں بچوں کو شہید کر دیا گیا تھا اداکار سلمان خان نے بگ پاس کی میزبانی کے دوران اس شو میں اس افسوسناک واقعہ کی مذمت کی اور اسے انسانیت کے خلاف عمل کہا.

بالی وڈ اداکارہ کنگنا رناوت ہر وقت کسی نہ کسی کنٹروورسی میں گھری رہتی ہیں یا وہ جان بوجھ کر ایسے حالات پیدا کر دیتی ہیں کہ جس میں وہ خود اور دوسرے بھی لپیٹے جاتے ہیں. کنگنا رناوت نے پہلے جاوید اختر پر الزام لگایا کہ انہوں نے کنگنا کو ہرتیک روشن کا پیچھا چھوڑ دینے کا کہتے ہوئے قتل کروا دینے کی دھمکیاں دیں ( کنگنا کے اس الزام کے بعد جاوید اختر نے ان پر ہتک عزت کا دعوی کر دیا). اور اب انہوں نے بالی وڈ فلم ساز مہیش بھٹ پر الزام لگا دیا ہے اور کہا ہے کہ وہ مسلمان ہو چکے ہیں اور ان کا مسلم نام اسلم ہے لیکن وہ اپنی مسلم شناخت ہم سب سے چھپاتے ہیں.

انہوں نے سوشل میڈیا پر مہیش بھٹ کی ایک پرای وڈیو شئیر کی اور لکھا کہ وہ لوگوں کو شاعرانہ طور پر تشدد پر اکساتے ہیں. حالانکہ کنگنا رناوت نے 2006 میں مہیش بھٹ کی ہی فلم گینگسٹر سے اپنے کیرئیر کی شروعات کی اور شہرت کی بلندیوں کو پہنچیں ، اس فلم کی کامیابی کے بعد بالی وڈ میں ایک دھماکہ ہوا کہ کنگنا نام کی کسی لڑکی نے اینٹری دی ہے. لیکن کنگنا مہیش بھٹ کی بھی نہ بنی ان پر بھی تنقید کے نشتر چلا دئیے ہیں. پوجا بھٹ اور مہیش بھٹ کو کنگنا مووی مافیا بھی کہتی ہیں بتایا جاتا ہے کہ کنگنا جو پوجا بھٹ پر شدید غصہ ہیں کیونکہ انہوں نے انہیں اپنی فلم میں کاسٹ نہیں کیا تھا. کنگنا کی اس نئی بحث نے کئی سوالوں کو جنم دے دیا ہے.

بالی وڈ‌اداکارہ کرینہ کپور نے اپنے حالیہ انٹرویو میں کہا ہے کہ فلم ”ٹشن ” کے دوران انہوں نے سائز زیرو کیا تھا بہت پذیرائی ملی نوجوان لڑکیاں متاثر بھی ہوئیں لیکن اس سائز کو مسلسل برقرار رکھنا ممکن نہیں‌ تھا کیونکہ میں انڈین پنجابی لڑکی ہوں اور کھاتی پیتی ہوں. یوگا کرتی ہوں خود کو فٹ رکھتی ہوں لیکن اس چیز کو زیادہ دیر برقرار نہیں رکھ سکتی. ایک سوال کے جواب میں کرینہ کپور نے کہا کہ میرے شوہر سیف علی خان اپنے وزن کے بارے میں کافی محتاط رہتے ہیں وہ کھانے پینے میں‌احتیاط کے ساتھ ایکسر سائز کرتے ہیں. کرینہ نے کہا کہ مجھ پر ایک کتاب لکھی جا رہی

ہے پہلے میں اس کتاب کے حق میں نہیں تھی لیکن جب مصنفہ نے مجھے کہا کہ یہ میری ذاتی زندگی کو ڈسکس نہیں کریگی.یہ کتاب لڑکیوں کو فیشن ٹپس دے گی ، بتائے گی کہ کس ایونٹ پر کیا پہننا ہے. اس کتاب کو میری سٹائل ڈائری کہا جا سکتا ہے. اس کے زریعے لڑکیاں میری شخصیت اور سٹائل کو جانیں گی. کرینہ کپور نے کہا کہ کام کے دوران میک اپ کرنا مجبوری ہوتی ہے ورنہ تو میں میک اپ کے بغیر زیادہ بہتر محسوس کرتی ہوں. میں عام جو ہماری تقریبات ہوتی ہیں ان میں کاجل لگا کر چلی جاتی ہوں اور میں بہت اچھا محسوس کرتی ہوں . کرینہ نے آخر میں کہا کہ آج کل تو ہیوی گائونز پہن کر تقریبات میں خواتین جاتی ہیں ٹھیک ہیں جائیں لیکن عام لڑکیاں ایسا نہیں کر سکتیں وہ کیا پہنیں یہ سب مجھ پہ لکھی جانے والی کتاب میں ہو گا .

بالی وڈ کے نوجوان اداکار اور بگ باس سیزن 13 کے ونر سدھارتھ شکلہ کے انتقال کو ایک برس بیت گیا ہے اس موقع پر ان کے مداحوں نے انہیں خوب کیا یاد لیکن اسکی طرف سے سوشل میڈیا پر کوئی پوسٹ نظر نہ آئی جو سدھارتھ کے ساتھ ہی مرجانا چاہتی تھی اس کے بغیر نہ رہنے کا دعوی کرتی تھی. جی ہاں شہناز گل کی بات ہورہی ہے. سدھارتھ شکلہ جنہوں نے تیزی سے شہرت سمیٹی اور کم ہی وقت میں اپنا نام اور پہچان بنا لی ان کو گزشتہ برس دل کا دورہ پڑا وہ دنیا سے چلے گئے، اُس وقت شہناز گل جو ان کی گرل فرینڈ تھیں ان کی حالت سے اندازہ ہو رہا تھا کہ جیسے ہی ان کا کوئی واقعتا اپنا چلا گیا ہے. لیکن لگتا ہے کہ شہناز گل شہرت اور بالی وڈ کی رنگینیوں میں اس قدر کھو گئی ہیں کہ ان کو احساس ہی

نہیں رہا کہ ان کے سدھارتھ شکلہ کی پہلی برسی ہے. سدھارتھ شکلہ کے مداح کافی حیران ہیں کہ آخر ایسا کیا ہوا کہ اداکار کی برسی کے موقع پر شہناز گل نے ان کو یاد نہیں کیا. ہر وقت سوشل میڈیا پر رہنے والی شہناز گل نے سدھارتھ کی یاد میں دو لائنیں نہ لکھیں. شہناز گل کی پر اسرار خاموشی یا تو یہ ظاہر کرتی ہے کہ وہ سدھارتھ کو بھول چکی ہیں یا پھر وہ اس وقت شہرت کے نشے میں چور ہیں اسلئے ان کو یاد ہی نہیں کہ ان کے سدھارتھ کو ان سے بچھڑے ہوئے ایک سال بیت چکا ہے.

امیتابھ بچن جنہیں دو بار کورونا ہو چکا ہے اور دونوں بار انہوں نے کورونا کو شکست دیکر اپنے کام پر واپسی کی. نو دن قرنطینہ میں گزارنے کے بعد امیتابھ بچن نے کام پر واپسی کر لی ہے . 79 سالہ اداکار کا کورونا کا ٹیسٹ منفی آیا تو انہوں نے اگلی ہی صبح کام پر واپسی کا فیصلہ کر لیا امیتابھ بچن نے ”شو کون بنے گا کروڑ پتی 14 ” کی شوٹنگ کا آغاز کر دیا ہے۔امیتابھ بچن نے سوشل میڈیا پر اپنے مداحوں کا شکریہ بھی ادا کیا اور کہا کہ آپ سب نے جس طرح سے میرے لئے فکر کی اور دعائیں کیں سب کا شکر گزار ہوں . یاد رہے کہ امتیابھ بچن سوشل میڈیا پر کافی متحترک رہتے ہیں اور اپنے کام اور ذات سے جڑی اہم باتوں کے حوالے سے مداحوں کو آگاہ رکھتے ہیں. امیتابھ بچن عموما اپنی پرانی تصاویر شئیر کرکے

خوبصورت کیپشن لکھتے اور پرانی یادوں کو تازہ کرتے ہیں. امیتابھ بچن کی فلم براہمسٹرا بھی ریلیز کے لئے تیار ہے ، فلم کی مرکزی کاسٹ میں امیتابھ بچن کے ساتھ عالیہ بھٹ اور رنیبر کپور شامل ہیں‌فلم نو ستمبر کو ریلیز ہونے جا رہی ہے لیکن فلم کی پوری ٹیم بالی وڈ‌کی فلموں کے بائیکاٹ کے رجحان سے ڈری ہوئی ہے. دوسری طرف عالیہ بھٹ نے بھی فلم کی پرموشن کے دوران یہ کہہ دیا کہ جس کو میں پسند ہوں وہ مجھے دیکھے جس کو نہیں پسند وہ نہ دیکھے عالیہ کی اس بات کے بعد براہمسٹرا کے بائیکاٹ کا بھی ٹرینڈ چل رہا ہے اب دیکھنا یہ ہے کہ یہ ٹرینڈ فلم کے بزنس پر کتنا اثر انداز ہوتا ہے.