Tag: بالی وڈ

بالی وڈ کا نوجوان اداکا کارتک آریان جو اس وقت سپر ہیرو کہلایا جا رہا ہے بالی وڈ کے ہر دوسرے فلمساز کی کوشش ہے کہ کارتک کے ساتھ کام کیا جائے. وہ وقت دور نہیں جب کارتک آریان کو آج کا سپر سٹار کہا جائیگا. کارتک کی بھول بھلیاں ٹو نے کامیابی کے ریکارڈز قائم کرکے راتوں رات انہیں سٹارز کی صف میں لا کر کھڑا کر دیا ہے یہی وجہ ہے کہ لوگ اب ان کے بارے میں زیادہ سے زیادہ جاننا چاہتے ہیں. کارتک آریان نے بتایا ہے کہ وہ ابھی بھی اکانمی کلاس میں سفر کرتے ہیں ساتھ ہی انہوں نے یہ بھی کہا کہ” ایک پرائیویٹ جیٹ بھی ہونا چاہیے ، سپنے دیکھنا چھوڑ دوں گا کیا” ؟‌کارتک نے اپنے ایک ھالیہ انٹرویو میں کہا ہے کہ میں جیسا پہلے تھا ویسا ہی آج بھی ہوں کامیابی نے میرا دماغ خراب نہیں کیا. میں کہاں سے

تعلق رکھتا ہوں آج بھی فخر سے بتاتا ہوں اور میں ہمیشہ ایسا ہی رہوں گا. انہوں نے یہ بھی کہا کہ جب میں اس انڈسٹری کا حصہ بنا اس وقت میرے پاس کوئی کار نہیں تھی۔ پہلی کار جو میں نے دو فلموں کے بعد خریدی تھی ایک تھرڈ ہینڈ کار تھی جو مجھے تقریباً 60,000 روپے میں ملی تھی ، اسکی حالت یہ تھی کہ اس کے ڈرائیونگ سیٹ والے دروازے میں مسئلہ تھا کھلتا نہیں تھا . یاد رہے کہ کارتک آریان نے ایک دہائی قبل اپنا کیرئیر شروع کیا ، کامیابی اور سٹر ڈم نے اب جا کے ان کے قدم چومے ہیں.

بالی وڈ اداکارہ سشمیتا سین نے اپنے بھائی راجیو سین اور چارو اسوپا کی شادی کوختم نہ کرنے کے فیصلے کو بے حد سراہا ہے ان کا کہنا ہےکہ اس رشتے کو ایک اور موقع دیا جانا چاہیے ایسے ہی رشتہ ختم کرنا مناسب بات نہیں ہے. سشمیتا سین نے سوشل میڈیا پر اپنے بھائی اور بھابھی کےلئے لکھا کہ میں آپ فیصلے سے خوش ہوں. رپورٹس کے مطابق ٹی وی اداکارہ چارو اسوپا اور راجیو سین کے درمیان چند ماہ قبل سخت جھگڑا ہوا تھا اور دونوں نے علیحدگی کا فیصلہ کیا تھا۔ تاہم، انہوں نے اپنے مداحوں کو حیران کر دیا جب انہوں نے حال ہی میں گنیش چترتھی کے موقع پر ایک دوسرے اور اپنی بیٹی زیانا کے ساتھ محبت سے بھرپور تصاویر پوسٹ کیں۔ اور کیپشن لکھا کہ انہوں نے ایک دوسرے کو طلاق دینے کا فیصلہ واپس لیتے ہوئے اپنی شادی کو اچھے طریقے سے برقرار رکھنے کا فیصلہ کیا ہے۔ بالی ووڈ اداکارہ سشمیتا سین اس بات پر بے حد خوش ہیں کہ

ان کے بھائی راجیو نے چارو کے ساتھ صلح کر لی ہے.سشمیتا سین کی بھابھی چارو آسوپا نے گزشتہ روز انسٹاگرام پر خوبصورت خاندانی تصاویر شیئر کیں اور لکھا کہ ’’شادیاں جنت میں بنتی ہیں لیکن انہیں چلانا ہم پر چھوڑ دیا گیا ہے . ہاں ہم نے اعلان کیا کہ ہم اپنی شادی ختم کررہے ہیں پھر ہمیں احساس ہوا کہ ہم آخری حد تک پہنچ چکے ہیں اور اس سے آگے کچھ نہیں۔ طلاق ایک ایسا آپشن تھا جس پر ہم غور کر رہے تھے لیکن اب ایسا نہیں ہے اور یہ اعلان کرتے ہوئے مجھے خوشی ہے کہ ہم نے اپنی شادی کو اچھے طریقے سے چلانے کا فیصلہ کر لیا ہے۔یاد رہے کہ سشمیتا سین کا اپنی بھابھی کے ساتھ کافی اچھا تعلق ہے اور نہیں چاہتیں کہ یہ رشتہ ختم ہو اس لئے انہوں نے اپنی بھابھی اور بھائی کے درمیان صلح کے فیصلے کو بہت سراہا ہے.

کپل شرما شو جو ک بھارت کا سب سے بڑا کامیڈی شو ہے اس میں کپل شرما شوبز سلیبرٹیز کو مدعو کرتے ہیں اور ان سے ہلکے پھلکے انداز میں گفتگو کرتے ہیں جو شائقین کے لئے دلچپسی کا باعث ہے . کپل شرما شو بھارت اور پاکستان میں یکساں‌مقبول ہے. مقبولیت کا یہ عالم ہے کہ پاکستان میں اس شو کی طرز کے کئی شوز بنائے گئے ہیں. کپل شرما نے انڈین اداکار دھرمیندر کو متعدد مرتبہ اپنے شو میں مدعو کیا اور ہر بار ان سے بہت خوبصورت باتیں کیں. ٹویٹر پر کسی نے دھرمیندر اور کپل شرما کے شو کے کچھ حیسن پلوں کو ” ہم مرجائیں گے” گانے کے ساتھ جوڑا اور ٹویٹر پر شئیر کیا. دھرمیندر نے اس وڈیو کو قوٹ ری ٹویٹ کر کے لکھا ” کپل تم بیٹے کے جیسے ہو جیتے رہو خوش رہو پیارے بیٹے” یاد رہے کہ کپل شرما

کا کہنا ہے کہ جب میں نے شو شروع کیا تومیری کوئی پہچان تو تھی نہیں کہ جس سٹار کو بھی بلاتا وہ پہلی بار میبں ہی آجاتا لہذا میں دھرمیندر کے پاس گیا اور کہا سر میرے شو پہ آئیں تو دھرمیندر نے فورا حامی بھر لی یوں وہ میرے شو کے شروع کے مہمان بنے اس کے بعد دیگر سلیبرٹیز نے آنا شروع کیا. اس ھوالے سے دھرمیندر کہتے ہیں کہ میری وجہ سے اگر کسی کا بھلا ہوجائے تو اس سے زیادہ خوشی میرے لئے کوئی نہیں ہو سکتی.

بالی وڈ اداکار رنویر سنگھ جو ہر وقت ہنستے مسکراتے ہی رہتے ہیں کہ انہوں نے حال ہی میں فلم فئیر کی میزبانی کے فرائض انجام دئیے اس کے دوران انہوں ںے اپنی زندگی سے جڑے واقعات کا زکر کیا. انہوں نے کہا کہ جب میری دیپیکا اور وکی کوشل کی کترینہ کیف سے شادی نہیں‌ ہوئی تھی اس وقت لوگ ہمیں‌ طعنے دیتے تھے اپنی شکلیں تو دیکھو. لیکن ایک وقت ایسا ابھی آیا کہ ہم دونوں کی انہی سے شادی بھی ہوئی اور ہم دونوں بہت خوش قسمت ہیں کہ شہزادوں‌ کی طرح زندگیان گزار رہے ہیں. فلم فئیر کی میزبانی کرنے والے رنویر سنگھ کو بہترین اداکار کا ایوارڈ ملا اور اسی تقریب میں ان کی بیگم دیپیکا پاڈوکون بھی موجود تھیں ان کو بھی بہترین اداکارہ کا ایوارڈ‌ ملا. رنویر سنگھ

نے اپنی اور وکی کوشل کی دوستی پر تھوڑی روشنی ڈالی اور بتایا کہ ہم دونوں فلم تخت میں ایک ساتھ دکھائی دیں گے. یاد رہے کہ رنویر سنگھ آج کل کافی ہیں مشکل میں‌ کیونکہ پورے بھارت میں ان کے خلاف تب سے مظاہرے ہورہے ہیں جب سے انہوں نے ایک انٹرنیشنل میگزین کے لئے عریاں فوٹو شوٹ کروایا ، رنویر سنگھ پولیس کو اپنے بیان بھی ریکارڈ کروا آئے ہیں ان کا کہنا ہے کہ مجھے اندازہ نہیں‌ تھا کہ یہ شوٹ عوام کو اتنا پریشان کریگا. جبکہ دوسری دیپیکا اپنے شوہر کے عریاں فوٹو شوٹ کو بہت پسند کرتی ہیں اور کہتی ہیں کہ اس میں ایسی کوئی بات نہیں‌ کہ تنقید کی جائے.

بالی وڈ کی معروف اداکارہ مادھوری ڈکشٹ نے ایک عہد جیا ہے، ایسا عہد کے جس میں‌ مادھوری نمبر ون کی پوزیشن پر رہیں وہ بہت اچھی اداکارہ تو ہیں ہی بہترین رقاصہ بھی ہیں. ان کے کریڈٹ پر سپر ہٹ گانے ہیں اور ہر گانے پر ڈانس اپنی مثال آپ ہے. آج بھی مادھوری کے گانوں‌ پر ڈانس کیا جاتا ہے اور نوجوان نسل مادھوری ڈکشٹ کے ڈانس سٹیپسس فالو کرتی ہے. نوے کی دہائی میں ایک فلم آئی پکار ، اس فلم میں مادھوری ڈکشٹ کے ساتھ انیل کپور بھی تھے. فلم کے گانے کافی ہٹ ہوئے، اس میں ایک گانا تھا کے سرا سرا اس گانے کا ڈانس آج بھی مقبول ہے ، مشکل ڈانس سٹیپس تھے لیکن مادھوری نے مہارت کے ساتھ اٹھائے. اس گانے کے کوریو گرافر پرابھو دیوا تھے، مادھوری کہتی ہیں‌ کہ جب مجھے کہا گیا کہ ایک گانا ہے آپ نے اس پر ڈاانس کرنا ہے میں‌نے کہا کہ ٹھیک ہے لیکن یہ تو بتائو کہ کوریوگرافر ہے کون جب مجھے بتایا گیا کہ کوریوگرافر پرابھو دیوا ہے تو

میں‌ نے کہا کہ او مائی گاڈ اتنا بڑا ڈانسر، پھر جب یہ بتایا گیا کہ تمہارے ساتھ وہ خود بھی ڈانس کریں گے تو میرے تو جیسے چھکے ہی چھوٹ گئے کیونکہ پرابھو دیوا بہت بڑا ڈانسر تھا . میں نے اتنی ٹینشن لی کہ مجھے بخار چڑھ گیا اور تین دن تک شوٹنگ ہی نہیں‌ ہوئی رک گئی، میں گھر میں بخار سے پڑی ہوئی تھی اب کتنے دن کام رک سکتا تھا سیٹ پر آنا پڑا جس میں‌سیٹ پر آئی تو پرابھو دیوا نے مجھے کہا میڈم آپ بہت اچھا ڈانس کرتی ہیں یہ مشکل ڈانس نہیں‌ ہے یہ ایسے ایسے کرنا ہے بس کر تو لیا لیکن بہت نروس رہی میں سارا وقت.

سوشل میڈیا سٹار عرفی جاوید اپنی بولڈ ڈریسنگ کی وجہ سے عموما رہتی ہیں تنقید کی زد میں. بھارت میں ایک طبقہ ایسا بھی ہے جو عرفی جاوید پر پابندی عائد کرنا چاہتا ہے.عرفی جاوید نہایت واحیات قسم کی ڈریسنگ کرتی ہیں. وہ راکھی ساونت سے کافی انسپائر ہیں اور راکھی کہتی ہیں کہ عرفی میری چیلی ہے. عرفی جاوید نے میڈیا سے کہا کہ ان کو میڈیا سے شکایت ہے کیونکہ کچھ میڈیا ہائوسز میرے خلاف لکھتے ہیں اور میرے لباس پر تنقید کرتے ہیں، حالانکہ لوگ مجھ سے پیار کرتے ہیں لیکن پتہ نہیں کیوں‌ کچھ میڈیا ہائوسسز کو میرے سے مسئلہ ہو رہا ہے. عرفی نے

اپنے سامنے کھڑے میڈیا سے کہا کہ آپ لوگ میرا ساتھ دیں اور جس کی جو مرضی ہے پہننے دیں. ایک سوال کے جواب میں‌عرفی نے یہ بھی کہا کہ میں‌اسلام کیا کسی بھی مذہب پر یقین نہیں رکھتی کیونکہ یہ مذہب انسانوں‌ کے بنائے ہوئے ہیں. میں‌جو ہوں جیسی ہوں ایسی ہی رہوں گی جسکو جو بھی مسئلہ ہے وہ اسکا مسئلہ ہے میرا نہیں‌. عرفی نے کنٹرورشل فلم دا کشمیر فائلز کا بھی زکر کیا اور کہا کہ کشمیری پنڈتوں کے ساتھ غلط ہوا تھا اگر وہ فلم کے زریعے اسکا اظہار کررہے ہیں تو اس میں برا کیوں‌ منایا جا رہا ہے بلکہ قبول کیا جانا چاہیے کہ ان کے ساتھ برا ہوا ، میں نے فلم دیکھی مجھے بہت اچھی لگی.

بالی وڈ کے صف اول کے اداکار امتیابھ بچن نے ایک بار پھر کورونا کو شکست دے دی ہے اور کام پر واپسی بھی کر لی ہے . 79 سالہ اداکار نو دن تنہائی میں گزارنے کے بعد کام پر واپس آگئے ہیں۔ امیتابھ بچن نے کورونا سے صحتیابی کی خبر اپنے مداحوں کے ساتھ خود سوشل میڈیا پر شئیر کی . اس سے قبل قرنطینہ کے دوران امیتابھ نے اپنے مداحوں کے ساتھ کورونا میں تنہائی کے دوران اپنی مصروفیات کے حوالے سے آگہی دی اور بتایا کہ وہ اپنا ہر کام اس وقت خود کررہے ہیں یہاں تک کہ ای میل ز بھی خود کررہے ہیں کالز بھی ڈائریکٹ خود ہی لے رہے ہیں.امیتابھ بچن کے مداح ان کی صحتیابی کی خبر پر کافی خوش ہیں. یاد رہے کہ امیتابھ آج کل ریئلٹی ٹی وی شو کون بنے گا کروڑ پتی کے 14 ویں سیزن کی میزبانی کر رہے ہیں.

2010 میں،انہوں نے KBC کے چوتھے سیزن کی میزبانی کی۔ پانچواں سیزن 15 اگست 2011 کو شروع ہوا اور 17 نومبر 2011 کو ختم ہوا۔ امیتابھ بچن اپنی فلم براہسٹرا اور شیوا کی ریلیز کے منتظر ہیں اس فلم میں ان کے ساتھ عالیہ بھٹ اور رنبیر کپور بھی ہیں، عالیہ اور رنبیر کی ایکساتھ یہ پہلی فلم ہے شائقین اس فلم کی ریلیز کے خاصے منتظر ہیں..اس کے علاوہ امیتابھ بچن سورج برجاتیہ اور ایکتا کپور کی فلموں میں بھی کام کررہے ہیں. امیتابھ بچن سوشل میڈیا پر کافی متحرک رہتے ہیں ان سے ٹویٹس کے زریعے مسلسل رابطہ رکھتے ہیں.

سیف علی خان نے اپنے ایک حالیہ انترویو میں کہا ہے کہ جب وہ فلم انڈسٹری میں آئے تھے تو ان کو شرمیلا ٹیگیور کا بیٹا ہونے کی وجہ سے بہت باتیں سننے کو ملیں. سیف علی خان نے کہا کہ مجھے کہا جاتا تھا کہ میں شرمیلا کی وجہ سے انڈسٹری میں آیا ہوں انہی کی وجہ سے ہی مجھے کام مل رہا ہے. مجھے اقربا پروری کا حامل اداکار کہا جاتا تھا. میرے بارے میں غلط خبریں پھیلائی جاتی تھیں، کہا جاتا تھا کہ میں بہت زیادہ شراب پیتا ہوں اور سیٹ پر شوٹنگ کے دوران بھی شراب پی کر سویا رہتا ہوں میں کام کے معاملے میں سنجیدہ نہیں ہوں. ایسے الزامات نے میرے کیرئیر کو بڑا دھچکا لگایا اور ایک وقت ایسا آیا کہ مجھے کام ملنا بند ہو گیا پرڈیوسرز مجھ سے دور بھاگنے لگے، ان کو لگتا تھا کہ اگر یہ شراب

پی کر سویا رہا تو کام کیسے مکمل ہو گا . سیف علی خان نے کہا کہ میرے بارے میں اس قسم کے الزامات نے مجھے بہت ڈیمیج کیا لیکن کچھ بھی نہ بولا. انہوں نے یہ بھی کہا کہ میرے ہاتھ سے بڑی بڑی فلموں کی آفر گئی ، کاجول کی پہلی فلم بے خودی مجھے ملی لیکن اس فلم کے پرڈیوسر کے بھی کان بھرے گئے اور مجھ سے یہ فلم چھن گئی. اس طرح سے میرا کیرئیر خراب کرنے کی کوشش کی گئی.حالانکہ یہ خبریں پرانی ہو چکی ہیں لیکن میرا ان پہ دل دکھی آج بھی ہے اسلئے بات کررہا ہوں.

ڈرامہ کوئین راکھی ساونت نے حال ہی میں ایک انٹرویو دیا ہے اس میں انہوں نے کہا ہے کہ ماڈل عرفی جاوید میری چیلی ہے اسکو میں انڈسٹری میں لیکر آئی .مجھے خوشی ہے کہ وہ میرے نقش قدم پر چل رہی ہے. وہ سٹائل آئی کون بن رہی ہے فیشن ڈیزائنر بن رہی ہے. ایک سوال کے جواب میں راکھی نے کہا کہ عرفی ایک آزاد انسان ہے وہ جو مرضی چاہے پہنے، میں اسکو عزت کی نگاہ سے دیکھتی ہوں. وہ کم کپڑے پہنے یا زیادہ یہ اسکی مرضی ہے ہم کون ہوتے ہیں جو اسکو روکیں. دیش بھر سے اسکو گالیاں پڑ رہی ہیں صرف اسلئے کے وہ اپنی مرضی کی ڈریسنگ کرتی ہے جو دل چاہے وہ پہنتی ہے بھئی کسی کو کیا مسئلہ ہے؟ اور میں عرفی کی ماں یا باپ نہیں‌ ہوں جو اس پر

روک ٹوک لگائے. عرفی کو بہت اچھی طرح‌معلوم ہے کہ اس نے کیا کرنا ہے کیا نہیں‌ کرنا، کیا پہننا ہے کیا نہیں. وہ ساڑھی بھی پہنے گی تو میں اسکو پیار کرں گی نہیں بھی پہنے گی ساڑھی تو بھی میں اسکو پیار کروں گی. راکھی نے مذاق کرتے ہوئے کہا کہ مجھے تو لگتا ہے کہ عرفی رات بھر سوتی ہی نہیں کپڑے ہی سلواتی رہتی ہے اور سوچتی رہتی ہے کہ کل کیا پہننا ہے. ایک سوال کے جواب میں راکھی نے کہا کہ عادل کو بولڈ ڈریسنگ نہیں پسند اس لئے میں ایسے لباس نہیں‌ پہن رہی جس سے وہ ناراض‌ ہو جائے. میں ویسے بن کے رہنا چاہتی ہوں جیسا عادل چاہتے ہیں.

مس ورلڈ اور بالی کی نامور اداکارہ پریانکا چوپڑہ کی خوشی کا ٹھکانہ نہیں ہے کیونکہ ان کو وہ کردار کرنے کو مل گیا ہے جو وہ کرنا چاہتی تھیں. پریانکا کے کام کی گونج جب ہالی وڈ میں پہنچی تو انہیں وہاں کچھ پراجیکٹس آفر ہوئے جن میں بے واچ، کوانٹیکو، دی میٹریکس ریزرکشینز کے نام قابل زکر ہیں. پریانکا نے ثابت کیا کہ وہ ہالی وڈ کی فلموں کے لئے بھی بہترین چوائئس ہیں. پریانکا چوپڑہ ایک بار پھر ہالی وڈ کے ایک پراجیکٹ میں کام کررہی ہیں اس پراجیکٹ میں ان کا کردار کیا ہو گا اس پر انہوں نے ابھی تک بات نہیں کی لیکن ایک انٹرویو میں اتنا ضرور کہا ہے کہ مجھے ہالی وڈ میں کام کرتے ہوئے دس سال کا عرصہ بیت چکا ہے اس دوران مختلف فلمز میں کام بھی کیا لیکن میں جیسا کردار کرنا چاہتی تھی یا جس کردار

کی تلاش میں تھی وہ نہیں مل رہا تھا لیکن اب جا کر مجھے وہ کردار ملا ہے اور میں اسے کرنے جا رہی ہوں یہ وہ کردار ہے جسے میں کرنے کی خواہش کب سے دل میں رکھے ہوئے تھی. انہوں نے اسی انٹرویو میں مزید کہا کہ میں‌نے ہمیشہ چیلنجنگ کام کئے ہیں کبھی بھی ایسا کام نہیں کیا جس میں چیلنج نہ ہو انہوں نے کہا کہ مجھے رسک لینا بھی اچھا لگتا ہے اور رسک لینے کے بغیر کام کرنے کا مزہ نہیں آتا. پریانکا کے مطابق ان کو لگتا ہے کہ انہیں ابھی بھی بہت سارا کام کرنا ہے.