Tag: بالی وڈ

انوشکا شرما بالی ووڈ کی سب سے زیادہ ورسٹائل اداکاراؤں میں سے ایک ہیں۔ انہوں نے اداکاری کا آغاز 2008 کی کامیاب رومانوی فلم، رب نے بنا دی جوڑی میں شاہ رخ خان کے ساتھ کیا اور 2010 کی فلم، بینڈ باجا بارات سے شہرت حاصل کی۔ انہوں نے پی کے، سنجو، سوئی دھاگا، سنجو، دل دھڑکنے دو، این ایچ 10، اور فلوری جیسی مشہور بھارتی فلموں میں اپنی اداکاری کے جوہر دکھائے۔ طویل عرصے سے سلور اسکرین سے دور رہنے والی اداکارہ اب ‘چکدا ایکسپریس’ کے ساتھ اسکرین پر واپسی کر رہی ہیں۔اس کے لئے انہوں نے تیاری بھی شروع کر دی ہے اور وہ انگلینڈ میں اس فلم میں اپنے کردار کے حوالے سے تربیت بھی لے رہی ہیں. اس ھوالے سے وہ کافی پرجوش بھی ہیں ان کا کہنا ہے کہ وہ دوبارہ فلموں میں واپسی کے

لئے بہت خوش ہیں. یاد رہے کہ انوشکا آخری بار 2018 میں ریلیز ہوئی آنند ایل رائے کی فلم زیرو میں دیکھی گئیں تھیں.انوشکا آج کل انگلینڈ میں ہیں جہاں وہ اس فلم کی شوٹنگ کریں گی یہ فلم او ٹی ٹی پلیٹ فارم پر ریلیز ہوگی.

انوشکا شرما نے یش راج کے بینر تلے پانچ سال مسلسل ایک معاہدے کے تحت کام کیا ان کا شمار ان اداکارائوں میں ہوتا ہے جنہوں نے شاہ رخ خان ، عامر خان اور سلمان خان کے ساتھ کام کیا. شائقین ان کی خوبصورت اداکاری کو بے حد پسند کرتے ہیں.

بالی وڈ اداکار وویک اوبرائے کا ایک انٹرویو کلپ ہو رہا ہے بہت وائرل اس میں انہوں نے بتایا کہ وہ شادی کےلئے کیسے راضی ہوئے. وویک نے کہا میری زندگی میں ایک ایسا وقت آیا جب میں بہت پریشان تھا اور میری فلمیں بھی خراب جا رہی تھیں. میں‌اپنی امی کی گود میں سر رکھ کر رویا کرتا تھا اور پوچھا کرتا تھا امی یہ سب میرے ساتھ کیوں ہو رہا ہے میں ڈپریشن میں جا رہا ہوں. تو میری والدہ مجھے کہا کرتی تھیں شادی کر لو سب ٹھیک ہو جائیگا .میں نہیں‌ مانتا تھا .میری والدہ کوششیں کرتی رہیں میں نے کہا میں نے نہیں‌ کرنی شادی. میں کسی فلم کی شوٹنگ کےلئے لندن گیا تھا وہاں سے واپسی پہ ماں کو کال کی اور بتایا واپس آرہا ہوں. تو ماں نے کہاکہ میں نے ایک لڑکی پسند کی ہے وہ آسٹریلیا میں

اپنے والدین کے ساتھ چھٹیاں‌ منانے گئی ہے مل لو اس سے جا کے، اس کے بعد میں‌کبھی شادی کا نہیں‌کہوں‌گی. میں گیا وہاں اور اس سے ملا میں بہت امپریس ہوا، وہ بالکل سادے کپڑوں میں‌آئی سادے بال بنائے ہوئے تھے بغیر میک اپ کے تھی. میں ہیرو گیری کررہا تھا اس نے مجھے پوچھا کیا کرتے ہو میں نے کہا ایکٹر ہوں‌بولی وہ تو آپکا کام ہے آپ ہیں کون کیسے ہو اس سوال کے بعد مجھے لگا کہ بس اسی سے شادی کرنی ہے لہذا میں نے اس سے شادی کا فیصلہ کر لیا ماں کو کال کی تو شرمندہ ہو رہا تھا لیکن میں نے کہا کہ مجھے لڑکی پسند ہے. جولائی میں‌ ملا ، ستمبر میں منگنی اور اکتوبر میں شادی ہو گئی ہماری اور آج میں بہت خوش ہوں.

شیفالی شاہ بالی ووڈ کی مقبول اداکارہ ہیں انہوں نے حال ہی میں فلم ڈارلنگز میں عالیہ بھٹ کی ماں کا کردار ادا کیا ہے، انہوں نے اس میں ایسی خاتون کا کردار ادا کیا ہے جو نجی زندگی میں مسائل سے گزرتی ہے . شفالی شاہ نے ایک انٹرویو دیا ہے اس میں ان سے جب پوچھا گیا کہ رشتے میں خرابی کی سب سے بڑی وجہ کیا دیکھتی ہیں تو انہوں نے کہا کہ ” بے عزتی ” . اداکارہ نے کہا کہ بے عزتی مزاح کی بہت ہلکی سطح سے شروع ہو سکتی ہے اور آپ کو اس کا احساس نہیں ہوتا۔ یہ اس طرح شروع ہوتی ہے کہ ” آرے وہ تو ایسا ہی کرتا ہے… آرے وہ تو ویسا ہی کرتا ہے… آرے اسکو تھوڑی نہ سمجھ آئے گی”۔ لیکن مسلسل یہ چیز چلتی رہے اور آپ کو دبایا جائے اور ایک وقت ایسا آئے کہ آپ کو بھی لگے کہ اگر

میں نے کچھ کہا یا اپنے خیالات کا اظہار کیا تو اس کا ری ایکشن پتہ نہیں کیا ہو گا تو پھر یہ سیریس مسئلہ ہے جس کے بارے میں آپ کو سوچنا چاہیے. اگر آپ کسی کے سامنے اپنے آپ کو لیکر ہی فکر مند ہیں تو یقینا یہ ایک بہت ہی گھمبیر اور سیریس مسئلہ ہوتا ہے. یاد رہے کہ شیفالی شاہ آج کل اپنی انتہائی کامیاب سیریز دہلی کرائم کے دوسرے سیزن کی تیاری کر رہی ہیں۔ پہلے سیزن نے پچھلے سال بین الاقوامی ایمی ایوارڈ جیتنے والا پہلا ہندوستانی شو بن کر تاریخ رقم کی.

معروف بھارتی کامیڈین راجو شری واستو جن کو ایکسرائز کرتے ہوئے دل کا دورہ پڑا، انہیں ہسپتال منتقل کر دیا گیا تھا اس کے بعد ان کی طبیعت میں کافی خرابی آئی. کیونکہ راجو کے دماغ میں سوجن ہونا شروع ہو گئی تھی ڈاکٹروں نے ان کی طبیعت کی بحالی کی تمام تر کوشیں کیں طبیعت اس حد تک خراب ہوئی کہ ان کو وینٹی لیٹر پر منتقل کر دیا گیا. اب خبریں ہیں کہ راجو کی طبیعت میں بہتری آنے لگی ہے لیکن ان کو وینٹی لینٹر سے نہیں اتارا گیا. راجو کے بھائی نے میڈیا کو بتایا ہے کہ خبر وہی سچ ہے جو ہم بتارہے ہیں. راجو کے بھائی نے کہا کہ میں کل سے ایک خبر سن رہا ہوں جس کے مطابق راجو کو وینٹی لیٹر سے ہٹا دیا گیا ہے ایسا کچھ نہیں ہے . ہم تو دعا گو ہیں کہ ایسا ہو لیکن

تاحال ایسا نہیں ہوا لیکن خوشی کی بات یہ ہے کہ انکی طبیعت میں پہلے سے بہتری آرہی ہے لیکن وہ مسلسل وینٹی لیٹر پر ہی ہیں. راجو مسلسل بے ہوشی کی حالت میں ہیں ڈاکٹرز پوری کوشش کررہے ہیں انکی طبیعت کی بحالی کی. ہمارے لئے یقینا وہ خوشی کا دن ہو گا جب ان کو وینٹی لیٹر سے ہٹایا جائیگا اور وہ ہم سب سے بات کریں گے لیکن فی الحال اس حوالے سے ایسی کوئی بات نہیں ہے. راجو نے کہا کہ راجو کے پوری دنیا میں مداح موجود ہیں میں ان سے اپیل کرتا ہوں کہ ہمارے بھائی کی صحت یابی کے لئے دعا کی جائے.

بالی وڈ اداکار رنبیر کپور اپنے والد رشی کپور کی طرح بولتےہوئے نہیں سوچتے یہ نہیں خیال کرتے کہ جو وہ آج بول رہے ہیں اس کے کل کیا اثرات ہوں گے. رنبیر کپور اور عالیہ بھٹ نے گزشتہ دنوں ایک انٹرویو دیا اس میں رنیبر سے ایک سوال ہوا تو انہوں نے عالیہ بھٹ کی طرف دیکھتے ہوئے کہا تھا ” کوئی پھیل گیا ہے” رنبیر کپور کو اپنے اس بیان پر کافی زیادہ مزاحمت کا سامنا کرنا پڑا. ان کے اس مذاق کو سوشل میڈیا پر بہت زیادہ تنقید کا نشانہ بنایا گیا یہاں تک کہ رنبیر کپور کی فلموں کے بائیکاٹ کا ٹرینڈ بھی چلایا گیا. رنبیر کپو ر نے جب دیکھا کہ بات ہاتھ سے نکل گئی ہے تو ان کو گھٹنے ٹیکنا پڑے اور معاف مانگ لی. رنبیر کپور نے کہا کہ میرا حس مزاح بہت اچھا نہیں ہیں مجھے محسوس نہیں‌ہواکہ میں کیا بول

رہا ہوں. میری بیوی میرے مزاج کو سمجھتی ہیں اور ان کو پتہ ہے کہ میں مزاق کررہا تھا اور میں ان کو مذاق میں چھیڑتا رہتا ہوں لیکن میرے مداحوں کو جو ذہنی اذیت ہوئی ہے میں اس پر ان سے معافی مانگتا ہوں یقینا سب ہم سے پیار کرتے ہیں اور ہمارے منہ سے نکلے الفاظوں کو غور سے سنتے ہیں اس لئے ہمیں سوچ سمجھ کر بولنا چاہیے. یوں رنیبر کپور نے معافی مانگ کر اپنے خلاف بڑھتی ہوئی نفرت اور تنقید کو بریک لگا دی.

ملائکہ اروڑا بالی ووڈ کی سب سے زیادہ پسند کی جانے والی اداکارائوں میں سے ایک ہیں۔ بڑے پیمانے پر ان کے مداح ہیں اور وہ اپنی فین فالونگ سے یقینا لطف اندوز ہوتی ہیں.اداکارہ کو اکثر اپنے جم کے باہر دیکھا جاتا ہے اور ہم سب جانتے ہیں کہ وہ اپنی فٹنس کا کتنا خیال رکھتی ہیں۔ کل رات بھی ان کو دیکھا گیا لیکن وہ جم کے باہر نہیں تھیں بلکہ اپنے بیٹے ارہان خان کو الوداع کہنے کے لیے ممبئی ایئرپورٹ پر تھیں ان کا بیٹا پڑھائی کےلئے بیرون ملک جا رہا تھا.ان کے ساتھ ان کے سابق شوہر اور ارہان کے والد ارباز خان بھی تھے۔ یہ پہلا موقع نہیں تھا جب سابق جوڑا ائیرپورٹ پر اپنے بیٹے کو الوداع کہنے کے لیے اکٹھا ہوا تھا۔اس سے پہلے بھی ایک دوسرے کے ساتھ

ایسے ہی موقعوں پر دیکھے گئے ہیں. اس موقع پر ملائکہ اروڑ نے ہلکے نیلے رنگ کی اوور سائز کی قمیض پہنی تھی ،انہوں نے اپنے بالوں کوجوڑے کی صورت میں باندھ رکھا تھا. دوسری طرف ارباز خان نے سبز رنگ کی چیک شرٹ پہنی تھی. ارہان نے جانے سے پہلے اپنی ماں اور باپ دونوں کو گلے لگایا اس کے بعد ارباز خان اور ملائکہ کے درمیان مختصر بات چیت بھی ہوئی.یاد رہے کہ ملائکہ اروڑ اور ارباز خان علیحدگی کے بعد تاحال شادی کے بندھن میں دوبارہ نہیں بندھے تاہم ملائکہ ارجن کپور کو ڈیٹ کر رہی ہیں.

بی جے پی رہنما اور بگ باس سے شہرت پانے والی سونالی پھوگٹ کا گزشتہ روز انتقال ہو گیا تھاابتدائی رپورٹس کے مطابق ان کی موت دل کا دورپڑنے سے ہوئی لیکن سونالی کی بہن نے ایک ٹی وی انٹرویو میں‌کہا ہے کہ ہمیں شک ہے کہ اس کے کھانے میں‌ذہر ملایا گیا اور زہر کھانےسے اسکی موت ہوئی ہے. سونالی کی بہن نے مزید یہ بھی کہا کہ وہ بالکل ٹھیک تھی اور اس نے ہمیں بتایا تھا کہ وہ شوٹنگ کے لئے کہیں آئوٹ ڈور جا رہی ہے اور ستایس اگست کو واپس آجائے گی . سونالی کی بہن نے مزید کہا کہ جب سونالی نے کھانا کھایا تو اس نے ماں کو کال

کرکے کہ کہا میں کھانا کھانے کے بعد کچھ اچھا محسوس نہیں‌کررہی. سونالی نے اس شک کا بھی اظہار کیا تھا کہ میرے خلاف سازش ہو رہی ہے اور مجھے لگ رہا ہے کہ میرے کھانے میں‌شاید کچھ ملایا گیا ہے .سونالی کی بہن نے یہ بھی کہا کہ سونالی نے ان سے کہا تھا ” میرے خلاف کوئی سازش ہو رہی ہے”یاد رہے کہ گزشتہ روز ایک خبر آئی تھی کہ سونالی پھوگاٹ دل کا دورہ پڑنے سے انتقال کر گئی ہیں لیکن اب ان کی بہن نے انکو زہر دینے کے شک کا اظہار کر دیا ہے.رپورٹس کہتی کے مطابق جب سونالی کا انتقال ہوا وہ گوا میں تھیں.

بھارت کے سب بڑے کامیڈی شو کو ہوسٹ کرنے والے کپل شرما جو کہ عوام میں کافی مقبولیت رکھتے ہیں ان کے مداح انڈیا سمیت پاکستان بلکہ پوری دنیا میں پائے جاتے ہیں. انہوں‌ نے سٹیج پر ہلکے پھلکے مزاح کا ایک نیا رواج ڈالا ہے جسے ہر کوئی بہت پسند کررہا ہے اور کپل شرما شو کی بڑے پیمانے پر نقل بھی کی جا رہی ہے ہر کوئی چاہتا ہے کہ وہ کپل جیسا ہوسٹ بن جائے. آج کل جیسا کہ بالی وڈ کی فلموں‌ کے بائیکاٹ کا ٹرینڈ چل رہا ہے ایسے میں بالی وڈ سے جڑی ہر شخصیت پریشان ہے بلکہ عالم یہ ہے کہ کوئی بھی اس ٹرینڈ کے خلاف یا حق میں بات کرنے سے

گھبرا رہا ہے کیونکہ ہر کوئی ڈر رہا ہے کہ کل کو اسکی فلم یا اس کے خلاف ہی بائیکاٹ کا ٹرینڈ نہ چل جائے. حال ہی میں کپل شرما سے جب اس ٹرینڈ کے بارے میں بات کی گئی تو انہوں نے صرف اتنا کہا کہ یہ ٹرینڈ وقتی ہے اس کے علاوہ انہوں‌نے کچھ بھی کہنے سے منع کیا اور کہا کہ مجھے ٹویٹر کی دنیا سے دور رکھا جائے.یوں‌کپل نے خود کو بچا لیا. کپل شرما نے تو یہاں تک کہہ دیا کہ میں تو نہیں سنا کہ اکشے کمار کی فلم کا بائیکاٹ ٹرینڈ چلا ہے. یاد رہے کہ بالی وڈ کی فلموں کے بائیکاٹ کا ٹرینڈ زور پکڑ رہا ہے اور بڑی سے بڑی بجٹ کی فلم کو یہ ٹرینڈ کھا گیا ہے.

بگ بی امیتابھ بچن بھی ہوگئے ہیں کورونا کا شکار.امیتابھ بچن نے یہ خبر اپنے مداحوں کو ایک ٹویٹ کے زریعے دی انہوں نے کہا کہ مجھے کچھ علامات ظاہر ہوئیں تھیں جن کے بعد میں نے اپنا ٹیسٹ کروایا اور کورونا کی تشخصٰ ہوئی ہے. انہوں نے ساتھ میں یہ بھی کہا کہ جو لوگ پچھلے کچھ دنوں سے مجھے ملے وہ اپنا ٹیسٹ کروائیں اور خیال رکھیں.امتیابھ بچن اس سے پہلے بھی کورونا میں مبتلا ہو گئے تھے انہوں نے کامیابی سے اس مرض‌کو شکست دی تھی امیتابھ بچن کے چاہنے والے یہ خبر سننے کے بعد جہاں اداس ہیں وہیں اپنے پسندیدہ اداکار کی صحتیابی کے لئے بھی دعا گو ہیں. امیتابھ بچن سے قبل اداکارہ شفالی شاہ بھی کورونا میں مبتلا ہوگئیں تھیں انہوں نے

بھی یہ خبر اپنے مداحوں کے ساتھ ایک انسٹاگرام پوسٹ کے ذریعے شئیر کی تھی. تاہم گزشتہ روز انہوں نے اپنی ایک سوشل میڈیا پوسٹ کے زریعے بتایا کہ انہوں نے تنہائی اختیار اور تمام ایس او پیز کو فالو کرنے بعد اپنا ٹسیٹ کروایا جو کہ نیگیٹیو آیا ہے لہذا وہ کورونا فری ہو چکی ہیں .بتایا جا رہا ہے کہ امیتابھ بچن کورونا پازیٹیو آنے کے بعد تنہائی میں چلےگئے ہیں اور کسی سے مل نہیں رہے ان کے ڈاکٹروں‌نے ان کو تجویز کیا ہے کہ وہ مکمل طور پر تنہائی میں رہیں کیونکہ وہ عمر کے اس حصے میں‌جہاں ان کے لئے کورونا جیسی بیماری مشکل کھڑی کر سکتی ہے .

بالی وڈ کی اداکارہ اور اکشے کمار کی اہلیہ ٹونکل کھنہ نے اپنے یوٹیوب چینل پر بات چیت کرتے ہوئے کہا ہے کہ میں نے اپنے بچوں کو پالنے کے لئے بھرپور ماں کا کردار ادا کیاہے. میں نے ہمیشہ پیسے جوڑے بجائے ان کو خرج کرنے کے ، میں جو پیسے جوڑتی تھی اس سے بچوں کی فیسوں کی ادائیگی کرتی تھی، میرا شروع سے ہی دل رہا ہے کہ میرے بچے بڑے ہو کر یہ نہ کہیں کہ ان کی ماں نے انکو صرف آلو پراٹھے کھلائے بلکہ یہ کہیں کہ ہمارے تعلیمی اخراجات بھی پورے کئے. ٹونکل کھنہ نے مزید کہا کہ میں‌نے بچوں کو پڑھانے لکھانے کے ساتھ ساتھ خود بھی مختم قسم کے کورسسز کئے. انہوں نے یہ بھی بتایا کہ جب انہیں ان کی پہلی فلم کا پہلا چیک ملا تو انہوں نے اس چیک سے اپنے لئے گاڑی خریدی تھی. ٹونکل ایک ذمہ دار ماں ہیں یہ

تو سب جانتے ہیں لیکن وہ ایک بھرپور گھرداری کرنے والی خاتون ہیں یہ شاید کم لوگ جانتے ہیں. اکشے کمار کا کہنا ہے کہ میرا گھر ٹونکل نے شروع سے ہی بہت اچھے سے سنبھالا ہوا ہے. یاد رہے کہ اداکارہ ٹونکل کھنہ نے بوبی دیول کے ساتھ 1995 میں فلم برسات سے اپنے فلمی کیرئیر کا آغاز کیا اس کے بعد متعدد فلموں میں کام کیا لیکن ٹونکل بہت بڑی اداکارہ نہ بن سکیں. ان کی فلموں نے اچھا بزنس کیا لیکن غیر معمولی بزنس کسی بھی فلم نے نہ کیا جس کی وجہ سے وہ ہمیشہ ایک ایورج اداکارہ ہی مانی گئیں. انہوں نے 2001 میں آخری فلم لو کے لئے کچھ بھی کرے گا میں کام کیا اس کے بعد وہ آج تک کسی فلم میں نظر نہیں آئیں.