Tag: برطانیہ

برطانیہ نے ایک نئے قانون کے تحت منتخب نمائندوں، ججوں اور مقامی کونسلروں کے گھروں کے باہر احتجاج کو جرم قرار دینے کا اعلان کیا ہے۔ یہ اقدام سیاست میں بڑھتی ہوئی ہراسانی اور دھمکیوں کو روکنے کی کوششوں کا حصہ ہے۔

غیر ملکی خبر رساں ادارے ’رائٹرز‘ کے مطابق برطانوی حکومت نے کہا ہے کہ نئے ’کرائم اینڈ پولیسنگ بل‘ کے تحت پولیس کو ایسے مظاہروں کو روکنے کا اختیار حاصل ہوگا جو کسی عوامی عہدیدار کو اس کے سرکاری فرائض یا ذاتی زندگی میں متاثر کرنے کے مقصد سے کیے جائیں۔قانون کی خلاف ورزی پر 6 ماہ تک قید کی سزا دی جا سکے گی۔سیکیورٹی وزیر ڈین جاروس نے اپنے بیان میں کہا کہ ’’برطانوی سیاست میں حصہ لینے والوں کو جس سطح کی بدسلوکی کا سامنا ہے، وہ چونکا دینے والی ہے، یہ ہماری جمہوریت کے لیے خطرہ ہے۔

ان کا مزید کہنا تھا کہ ’’لوگوں کو سیاست میں حصہ لیتے وقت اپنے یا اپنے خاندان کے تحفظ کے حوالے سے خوفزدہ نہیں ہونا چاہیے۔ایک پارلیمانی سروے کے مطابق 96 فیصد ارکانِ پارلیمان نے ہراسانی یا دھمکیوں کا سامنا کیا، جبکہ انتخابی نگران ادارے کے مطابق گزشتہ عام انتخابات میں نصف سے زائد امیدواروں کو بھی اسی نوعیت کے خطرات لاحق رہے۔

گزشتہ برس وزیراعظم کیر اسٹارمر کے گھر کے باہر فلسطین نواز مظاہرین نے بچوں کے جوتے اور ایک بینر چھوڑا تھا، جس میں اسرائیل پر اسلحہ پابندی کی حمایت کا مطالبہ کیا گیا تھا۔اسی طرح 2023 میں سابق وزیراعظم رِشی سونک کے گھروں کے باہر بھی ماحولیاتی کارکنوں نے احتجاج کیا تھا۔حکومت کے مطابق نئے قانون میں احتجاج سے متعلق مزید سخت اقدامات شامل ہوں گے، جن میں جنگی یادگاروں پر چڑھنے، آتش بازی یا فلیئرز کے استعمال اور چہرہ چھپانے کے لیے ماسک پہننے پر پابندی شامل ہے۔

حکومتی وزرا کا کہنا ہے کہ ان اقدامات کا مقصد جمہوری اداروں کے تحفظ اور عوامی سلامتی کو یقینی بنانا ہے، تاہم ناقدین کے مطابق اس قانون سے اظہارِ رائے اور احتجاج کے حق پر مزید قدغنیں لگ سکتی ہیں۔نیا ’کرائم اینڈ پولیسنگ بل‘ اس وقت برطانوی پارلیمان سے منظوری کے مراحل میں ہے، اور توقع ہے کہ اسے آئندہ سال شاہی توثیق حاصل ہو جائے گی

قومی اسمبلی اجلاس کا 19 نکاتی ایجنڈا جاری، وزرا سوالات کے جوابات دیں گے

پاکستان کی سنسنی خیز مقابلے میں جنوبی افریقہ کو 2 وکٹوں سے شکست

بھارت: مسافر ٹرین اور مال گاڑی میں تصادم، 8 افراد ہلاک

برطانیہ میں کام کرنے کے لیے نئی ڈیجیٹل آئی ڈی اسکیم لازمی قرار دے دی گئی۔

برطانوی وزیراعظم کیئر اسٹارمر نے اعلان کیا کہ ڈیجیٹل آئی ڈی کے ذریعے ملک میں قیام اور کام کرنے کے حق کی تصدیق کی جائے گی، جبکہ نوکری کے آغاز پر ڈیجیٹل آئی ڈی دکھانا ضروری ہوگا۔میڈیا رپورٹس کے مطابق ڈیجیٹل آئی ڈی ہر وقت ساتھ رکھنے کی ضرورت نہیں ہوگی، یہ فون میں کنٹیکٹ لیس کارڈ کی طرح کام کرے گی۔ برطانوی شہریوں اور قانونی طور پر مقیم افراد کے لیے یہ سہولت مفت فراہم کی جائے گی۔

خیال رہے کہ برطانیہ میں عام شہریوں کے لیے دوسری جنگِ عظیم کے بعد سے شناختی کارڈ لازمی نہیں رہے اور یہ معاملہ ہمیشہ متنازع رہا ہے۔سول رائٹس کارکنوں کا کہنا ہے کہ یہ اقدام آزادی پر قدغن اور ذاتی معلومات کے لیے خطرہ ہے۔ ماضی میں سابق وزیراعظم ٹونی بلیئر نے بھی بایومیٹرک شناختی کارڈ متعارف کرانے کی کوشش کی تھی، تاہم عوامی مخالفت کے باعث منصوبہ ترک کر دیا گیا تھا۔

ایران-روس کے درمیان 25 ارب ڈالر کے ایٹمی بجلی گھر وں کامعاہدہ

ماڈرن اسپتال کے تحت فری میڈیکل کیمپ 28 ستمبر کو لگے گا

اسلامی مزاحمتی تحریک حماس نے برطانیہ، آسٹریلیا اور کینیڈا کی جانب سے فلسطین کو آزاد ریاست کے طور پر تسلیم کرنے کے فیصلے کا خیرمقدم کیا ہے اور اسے فلسطینی عوام کی طویل جدوجہد کی بڑی کامیابی قرار دیا ہے۔

اتوار کو جاری بیان میں حماس کے ترجمان نے کہا کہ فلسطین کو بطور ریاست تسلیم کرنا ایک اہم اور مثبت قدم ہے، جو آزاد اور خودمختار فلسطینی ریاست کے قیام کے حق کو مزید مضبوط بناتا ہے۔حماس نے عالمی برادری پر زور دیا کہ وہ فلسطینی ریاست کے قیام کے لیے اب عملی اقدامات کرے اور واضح کیا کہ اس ریاست کا دارالحکومت القدس (یروشلم) ہونا چاہیے۔

بیان میں کہا گیا کہ فلسطینی عوام دہائیوں سے ظلم، قبضے اور نسل کشی کے خلاف مزاحمت کر رہے ہیں، لہٰذا اب وقت ہے کہ دنیا انصاف پر مبنی مؤقف اختیار کرے اور فلسطینی ریاست کو اقوام متحدہ میں مکمل رکنیت فراہم کرے۔

بھارتی کھلاڑیوں کے رویے پر وفاقی وزیر اطلاعات کا ردعمل آگیا

شام میں پارلیمانی انتخابات 5 اکتوبر کو ہوں گے

ڈریپ کی ملک گیر کارروائیاں: جعلی ادویات کے 3 بیچز ضبط

پاک–بھارت میچ میں حارث رؤف اور ابھیشیک شرما کے درمیان گرما گرمی