Baaghi TV

Tag: بریکنگ

  • عمران خان پرحملے کیخلاف پنجاب بار کونسل کا عدالتی بائیکاٹ کا اعلان

    عمران خان پرحملے کیخلاف پنجاب بار کونسل کا عدالتی بائیکاٹ کا اعلان

    لاہور:پنجاب بار کونسل نے چیئرمین تحریک انصاف عمران خان پر حملے کیخلاف کل صوبے بھر میں عدالتی بائیکاٹ کا اعلان کردیا۔

    پنجاب بار کونسل کے بیان میں کہا گیا ہے کہ عمران خان جیسے بین الاقوامی لیڈر پر حملہ سوچی سمجھی سازش ہے۔ حملہ سکیورٹی اداروں کی ناکامی ہے۔

    اعلامیے میں کہا گیا ہے کہ کل پنجاب بھر میں واقعے کیخلاف وکلا بطور احتجاج عدالتوں میں پیش نہیں ہوں گے۔

    کنٹینر پر فائرنگ، عمران خان کی جلد صحتیابی کیلئے دعاگو ہیں: ترجمان پاک فوج

    واضح رہے کہ آج شام کو وزیرآباد میں اللہ والا چوک پر پی ٹی آئی کے کینٹینر پر فائرنگ سے ایک شخص جاں بحق اور چیئرمین پی ٹی آئی عمران خان اور سینیٹر فیصل جاوید سمیت 8 افراد زخمی ہوگئے تھے۔

    وزیر آباد میں سابق وزیر اعظم عمران خان کے قافلے میں فائرنگ کے واقعے اور عمران خان کے زخمی ہونے کے بعد سربراہ تحریک انصاف کو لاہور کے شوکت خانم اسپتال میں طبی امداد کے لیے منتقل کیا گیا ہے۔

    عمران خان پر فائرنگ کرنے والے حملہ آور کو پکڑنے والا بہادر شخص کون ہے؟تفصیلات…

    دوسری طرف چیئرمین پاکستان تحریک انصاف عمران خان پر مبینہ حملے کے خلاف ملک بھر میں احتجاج کا سلسلہ جاری ہے۔

    لانگ مارچ پر ہونے والے حملے کے بعد ملک بھر میں پی ٹی آئی کارکن بڑی تعداد میں سڑکوں پر نکل آئے، مظاہرین نے سڑکیں بلاک کیں اور حکومت مخالف نعرے بازی کی۔

    اسلام آباد

    عمران خان کے قافلے پر حملے کے خلاف اسلام آباد میں پریس کلب کے باہر تحریک انصاف کی رہنما منیرہ طاہر کی سربراہی میں خواتین نے مظاہرہ کیا۔

    پاکستان تحریک انصاف کی جانب سے مری روڈ پر مشعل بردار ریلی کا اعلان کیا گیا تھا لیکن عمران خان کے کنٹینر پر فائرنگ کی خبر آنے کے بعد کارکنان غصہ میں آگئے اور پیدل ہی رحمان آباد سے شمس آباد کی جانب ریلی لے کر روانہ ہوگئے۔

    شرکاء ریلی کی جانب سے شدید نعرے بازی بھی کی گئی، ریلی سے ترجمان وزیر اعلیٰ پنجاب فیاض چوہان،مستعفی ایم این اے کنول شوزب اور اسپیکر پنجاب اسمبلی واثق قیوم عباسی نے خطاب کرتے ہوئے وفاقی حکومت کو خوب آڑے ہاتھ لیا۔

    تحریک انصاف کےلانگ مارچ پرفائرنگ؛مختلف شہروں میں احتجاج

    ریلی کے شرکاء پی ٹی آئی قایدین کے ساتھ فیض آباد کے مقام پر پہنچے جہاں مشتعل کارکنان نے ٹائروں کو آگ لگا کر فیض آباد سے راولپنڈی آنے اور جانے والی سڑکوں کو مکمل طور پر بلاک کر دیا۔

    واقعے کی اطلاع پر ترنول چوک میں عامر مغل کی قیادت میں تحریک انصاف کے کارکنوں نے مظاہرہ کیا اور ترنول پھٹک بند کر دیا جبکہ چوہڑ چوک میں بھی کارکنوں نے احتجاج کیا۔

    کراچی

    چیئرمین پی ٹی آئی عمران خان پر مبینہ حملے کے خلاف کراچی میں آٹھ 8 مختلف مقامات پر احتجاج جاری ہے۔

    احتجاج کے باعث شہر میں ٹریفک کا نظام بری طرح متاثر ہوگئی جس کے باعث شہریوں شدید کو مشکلات کا سامنا ہے۔

    احتجاج لانڈھی منزل پمپ، کورنگی سنگر چورنگی، تین تلوار چورنگی، عائشہ منزل چورنگی اور ماڑی پور روڈ پر جاری ہے جبکہ نارتھ کراچی پاور ہاؤس، شارع فیصل، حب ریور روڈ اور فائیو اسٹار چورنگی پر بھی احتجاج جاری ہے۔

    پی ٹی آئی کارکنان کی جانب سے سڑکوں پر ٹائر نزر آتش کی جارہی ہے جبکہ وزیر آباد میں پیش آئے واقعے پر پی ٹی آئی کارکنان کی جانب سے شدید نعرے بازی بھی کی جارہی ہے۔

    لاہور

    لاہور میں پی ٹی آئی کارکنوں کا شہر کے 11 مقامات پر احتجاج جاری ہے،کارکنوں نے گورنر ہائوس چوک، دبئی چوک رائے ونڈ اور بھیکے وال چوک کو بھی ٹریفک کے لئے بند کردیا۔

    عمران خان پر قاتلانہ حملے کے خلاف لبرٹی چوک، شاہدرہ چوک, جی پی او چوک, شادمان چوک، بابو صابو چوک، شمع چوک اور شوکت خانم چوک پر بھی احتجاج کیا جا رہا ہے۔

  • لانگ مارچ کو لاحق سکیورٹی خدشات سے متعلق پہلے ہی آگاہ کر دیا تھا:پولیس

    تحریک انصاف کے لانگ مارچ کو لاحق سکیورٹی خدشات سے متعلق پہلے ہی آگاہ کر دیا گیا تھا۔ذرائع کے مطابق پولیس کی جانب سے عمران خان کو بھیجے گئے لیٹر کی کاپی حاصل کر لی ہے، جس کے مطابق پولیس نے پی ٹی آئی رہنماؤں کو متعدد بار تحریری طور پر تحفظات سے آگاہ کیا تھا۔

    خط کے مطابق تحریک انصاف کے لانگ مارچ کو لاحق سکیورٹی خدشات سے متعلق پولیس نے پہلے ہی آگاہ کر دیا گیا تھا، اور لیٹر میں پولیس نے بلٹ پروف روسٹرم اور شیشہ کو ہر صورت استعمال کرنے کا بار بار کہا۔

    پولیس کی جانب سے عمران خان کے چیف سکیورٹی آفیسر کو تحریری طور پر بھی خطرے سے آگاہ کیا گیا تھا۔

     

    یاد رہے کہ گوجرانوالہ میں لانگ مارچ کے دوران چیئرمین پی ٹی آئی کے کنٹینر پر فائرنگ کا واقعہ پیش آیا ہے جس کے نتیجے میں عمران خان اور پی ٹی آئی کے مرکزی رہنماؤں سمیت 13 افراد زخمی ہوگئے ہیں۔

     

    [wp-embedder-pack width=”100%” height=”400px” download=”all” download-text=”” attachment_id=”563744″ /]

    ابتدائی اطلاعات کے مطابق فائرنگ کے اس واقعے کو عمران خان پر قاتلانہ حملہ قرار دیا گیا ہے جس میں سینیٹر فیصل جاوید بھی شدید زخمی ہوئے ہیں جب کہ حامد ناصر چٹھہ کے صاحبزادے احمد چٹھہ اور چوہدری محمد یوسف بھی زخمی ہیں۔

    ذرائع نے بتایا ہے کہ فائرنگ کے باعث عمران خان کی ٹانگ پر گولی لگی ہے جس کے باعث وہ معمولی زخمی ہوئے ہیں۔ سیکیورٹی اہلکاروں نے عمران خان کو کنٹینر کے اندر فورا نیچے محفوظ جگہ پر منتقل کیا۔ عمران خان کو کنٹینر سے نکال کر فورا بلٹ پروف گاڑی میں طبی امداد کے لیے شوکت خانم اسپتال منتقل کر دیا ہے

  • عمران خان پر حملہ نا قابل قبول ہے:سیاسی عدم برداشت انتہائی خطرناک: جسٹن ٹروڈو

    عمران خان پر حملہ نا قابل قبول ہے:سیاسی عدم برداشت انتہائی خطرناک: جسٹن ٹروڈو

    لاہور:کینیڈین وزیراعظم جسٹن ٹروڈو نے کہا ہے کہ پاکستان کے سابق وزیراعظم عمران خان پر حملہ نا قابل قبول ہے

    سماجی رابطے کی ویب سائٹ ٹویٹر پر اپنے ایک بیان میں انہوں نے کہا کہ پاکستان تحریک انصاف کے چیئر مین اور سابق وزیراعظم عمران خان اور ان کے حامیوں پر حملہ نا قابل قبول ہے، اس تشدد میں شدید مذمت کرتا ہوں۔

    کینیڈین وزیراعظم کا کہنا تھا کہ کسی معاشرے، جمہوریت اور سیاست میں اس کی کوئی جگہ نہیں، عمران خان اور دیگر زخمیوں کی جلد صحتیابی کے لیے دعاگو ہوں۔

     

     

    یاد رہے کہ گوجرانوالہ میں لانگ مارچ کے دوران چیئرمین پی ٹی آئی کے کنٹینر پر فائرنگ کا واقعہ پیش آیا ہے جس کے نتیجے میں ایک شخص جاں بحق جبکہ عمران خان اور فیصل جاوید سمیت 13 افراد زخمی ہوگئے۔

    ذرائع کے مطابق حملہ آور نے پہلے برسٹ چلایا پھر ایک گولی چلائی، حملہ آور نے کالے رنگ کے کپڑے پہن رکھے تھے۔

    زخمی ہونے والوں میں سینیٹر فیصل جاوید بھی شامل ہیں، اس کے علاوہ حامد ناصر چٹھہ کے صاحبزادے احمد چٹھہ اور چوہدری محمد یوسف بھی زخمی ہیں۔ بتایا جا رہا ہے کہ احمد چھٹہ کی حالت تشویش ناک ہے۔

  • عمران خان پر حملہ: آئرلینڈ کرکٹ ٹیم کے حوالے سے آئرش بورڈ کا بیان سامنے آگیا

    عمران خان پر حملہ: آئرلینڈ کرکٹ ٹیم کے حوالے سے آئرش بورڈ کا بیان سامنے آگیا

    عمران خان پر حملہ: پاکستان میں موجود آئرلینڈ کرکٹ ٹیم کے حوالے سے آئرش بورڈ کا بیان آگیا ہے ، جس میں‌ پاکستان تحریک انصاف کے چیئرمین عمران خان پر آج گجرانوالہ میں قاتلانہ حملے کے بعد لاہور میں موجود آئرلینڈ کرکٹ ٹیم کے حوالے سے آئرش کرکٹ بورڈ کا بیان سامنے آگیا ہے۔

    آئرلینڈ ویمن کرکٹ ٹیم ان دنوں تین ون ڈے میچز کی سیریز کے لیے لاہور میں موجود ہے،تاہم آج عمران خان کے ساتھ پیش آئے واقعہ پر کرکٹ آئرلینڈ نے بیان دیا ہے۔

    کرکٹ آئر لینڈ کا کہنا ہے کہ ہم سابق وزیر اعظم عمران خان کے حوالے سے پیش آنے والے واقعہ سے آگاہ ہیں، یہ واقعہ لاہور سے تقریباً 150 کلومیٹر دور پیش آیا۔

    کرکٹ آئر لینڈ نے اپنے بیان میں کہا ہے کہ ہم پی سی بی ، ملک میں سیکورٹی ایڈوائزرز اور ڈپلومیٹک سروسز کے ساتھ رابطے میں ہیں۔پی سی بی کے چیف ایگزیکٹو فیصل حسنین نے کرکٹ آئر لینڈ کے چیف ایگزیکٹو ویرن ڈیوٹرم اور منیجر بیتھ ہیلی سے براہ راست بات کی ہے۔

    کرکٹ آئر لینڈ کے بیان میں کہا گیا ہے کہ تازہ واقعہ کے بعد تھریٹ لیول میں کوئی تبدیلی نہیں آئے گی، آئر لینڈ ویمن اسکواڈ کو تمام صورتحال کے بارے آگاہ کیا گیا ہے۔ دورے کے دوران سیکورٹی کے جو اقدامات کیے گئے ہیں ان میں کوئی تبدیلی نہیں کی گئی، اگر حالات میں تبدیلی ہوئی تو مزید اپ ڈیٹ فراہم کی جائے گی۔

    واضح رہے پاکستان اور آئر لینڈ کی ویمن کرکٹ ٹیموں کے درمیان تین ون ڈے میچز کی سیریز کا پہلا میچ کل قذافی اسٹیڈیم لاہور میں کھیلا جائے گا۔

  • عمران خان پرحملےکرنے والےمجرم کا ویڈیوبیان لیک کرنے والے پولیس اہلکارمعطل

    عمران خان پرحملےکرنے والےمجرم کا ویڈیوبیان لیک کرنے والے پولیس اہلکارمعطل

    وزیرآباد: وزیراعلی چودھری پرویزالٰہی نے بیان لیک کرنے پر متعلقہ تھانے کے ایس ایچ او سمیت سارے عملے کو معطل کر دیا

    اطلاعات کے مطابق عمران خان اور ساتھیوں پرقاتلانہ حملہ کرنے والے مجرم کوبچانے اور اس کیس کوکمزور کرنے کے معاملے کا انکشاف ہوا ہے ، انہیں حالات کے پیش نظر وزیر اعلی چودھری پرویزالٰہی نے انسپکٹر جنرل پولیس کو غیر ذمہ دار اہلکاروں کے خلاف سخت تادیبی کارروائی کی ہدایت کردی

    تحریک انصاف کےلانگ مارچ پرفائرنگ؛مختلف شہروں میں احتجاج

    اس سلسلے میں معلوم ہوا ہے کہ چوہدری پرویزالہی کے حکم پر وزیرآباد تھانے کے تمام عملے کے موبائل قبضے میں لے لئے گئے ، موبائل فونز کا فرانزک آڈٹ کرایا جائے گا۔اس کے ساتھ ساتھ وزیر اعلی چودھری پرویزالٰہی نےبیان لیک ہونے کے واقعہ کی انکوائری کا حکم دے دیا ہے

    چودھری پرویزالٰہی نے آئی جی پنجاب کو ہدایت جاری کرتے ہوئے کہا ہے کہ اس کھیل کے پیچھے چپھے محرکات کی تحقیقات کرکے حقائق سامنے لائے جائیں

    سابق وزیراعظم عمران خان پر ہونے والے قاتلانہ حملے کے حوالے سے ہ وزیر اعلی چودھری پرویزالٰہی کی زیر صدارت ہنگامی اجلاس ہوا ہے ، اس اہم اجلاس میں فائرنگ کے واقعہ کا جائزہ لیا گیا

    عمران خان لوگوں کو گمراہ کررہا تھا، اس لئےمارنےکا فیصلہ کیا،حملہ آور

    اس حوالے سے مشاورتی اس اہم اجلاس میں انسپکٹر جنرل پولیس، سپیکر پنجاب اسمبلی سبطین خان،شفقت محمود، ایم پی اے حافظ عمار یاسر، اختر ملک،میاں محمودالرشید، پرنسپل سیکرٹری وزیر اعلی محمد خان بھٹی، کمشنر لاہورڈویژن، سی سی پی او لاہور اور متعلقہ حکام بھی لاہور اجلاس میں شریک ہوئے

  • اسلام آباد میں پاکستان تحریک انصاف کےکارکنوں‌ کی پکڑدھکڑجاری

    اسلام آباد میں پاکستان تحریک انصاف کےکارکنوں‌ کی پکڑدھکڑجاری

    اسلام آباد:اسلام آباد میں پاکستان تحریک انصاف کےکارکنوں‌ کی پکڑدھکڑجاری ،اطلاعات کے مطابق ایک طرف پاکستان تحریک انصاف کے لانگ مارچ قافلے پرفائرنگ ہوئی ہے اور اس فائرنگ کے نتیجے میں ایک شخص جانبحق جبکہ چیئرمین پاکستان تحریک انصاف عمران خان زخمی ہوئے ہیں

    یہ بھی معلوم ہوا ہے کہ عمران خان کے علاوہ سینیٹر فیصل جاوید خان اور ایم پی اے احمد چھٹہ زخمی ہوگئے ہیں

    جبکہ دوسری طرف وفاقی دارالحکومت میں تحریک انصاف کے ذمہ داران اور کارکنان کی پکڑ دھکڑ جاری ہے
    اس کے ساتھ ساتھ یہ بھی معلوم ہوا ہے کہ آج صبح بھی گرفتاریاں کی گئیں، اسلام آباد پولیس نے رکن بیت المال اسلام آباد سردار زاہد اکبر کے گھر پر صبح 5 بجے دھاوا بولا اورسردار زاہد اکبر کو تحویل میں لے لیا گیا

    یہ بھی معلوم ہوا ہے کہ سردار زاہد اکبر کو تحویل میں آئی نائن پولیس سٹیشن کی پولیس نے لیا ،صدر تحریک انصاف اسلام آباد علی اعوان نے سردار زاہد اکبر کی رہائشگاہ پر پولیس کے رات گئے چھاپے اور گرفتاری کی شدید مذمت کی ہے

    علی اعوان نے مذمت کرتے ہوئے کہا کہ مجرموں کی امپورٹڈ سرکار پوری طرح خوفزدہ، نہایت بوکھلاہٹ کا شکار ہے، علی اعوان نے مزید کہا کہ حقیقی آزادی مارچ میں عوام کی تاریخی شرکت دیکھ کر انکی کانپیں ٹانگ رہی ہیں،

    علی اعوان نےاس موقع پرکہا کہ امپورٹڈ سرکار جتنا مرضی زور لگا لے، عوام کو خوفزدہ کرسکتی ہے نہ مارچ میں شرکت سے روک سکتی ہے،عدالت عظمیٰ اسلام آباد میں خلافِ قانون پولیس گردی اور ریاستی عناصر کی لاقانونیت کا نوٹس لے،

    علی اعوان نے کہاکہ پرامن احتجاج کے اپنے جمہوری حق سے دستبردار ہوں گے نہ ازِسرِ نو فوری صاف شفاف انتخابات کے مطالبے سے پیچھے ہٹیں گے،

  • ‘یااللہ تیرا شکر:عمران خان ٹھیک ہیں’،قاتلانہ حملے پر سابقہ اہلیہ جمائما کا ردعمل

    ‘یااللہ تیرا شکر:عمران خان ٹھیک ہیں’،قاتلانہ حملے پر سابقہ اہلیہ جمائما کا ردعمل

    لاہور:گوجرانوالہ میں لانگ مارچ کے دوران چیئرمین پی ٹی آئی کے کنٹینر پر فائرنگ سے ایک شخص جاں بحق جبکہ عمران خان اور فیصل جاوید سمیت 13 افراد زخمی ہوگئے۔

    زخمی ہونے والوں میں سینیٹر فیصل جاوید بھی شامل ہیں، اس کے علاوہ حامد ناصر چٹھہ کے صاحبزادے احمد چٹھہ اور چوہدری محمد یوسف بھی زخمی ہیں۔ بتایا جا رہا ہے کہ احمد چھٹہ کی حالت تشویش ناک ہے۔

    اس واقعہ کی جہاں سیاسی رہنما مذمت کررہے ہیں وہیں چیئرمین پی ٹی آئی عمران خان کی سابقہ اہلیہ جمائما گولڈ اسمتھ کا بیان بھی سامنے آگیا ہے۔

    سوشل میڈیا پر جاری بیان میں جمائما نے کہا کہ’ خو فزدہ کر دینے والی خبر آئی لیکن خدا کا شکر عمران خان ٹھیک ہیں۔

    انہوں نے عمران خان کے بیٹوں کی طرف سے حملہ آور کو پکڑنے والے آدمی کا شکریہ بھی ادا کیا۔

    گوجرانوالہ میں لانگ مارچ کے دوران چیئرمین پی ٹی آئی کے کنٹینر پر فائرنگ کا واقعہ پیش آیا ہے جس کے نتیجے میں عمران خان سمیت تحریک انصاف کے 4 رہنما زخمی ہوگئے۔

     

    زخمی ہونے والوں میں سینیٹر فیصل جاوید بھی شامل ہیں، اس کے علاوہ حامد ناصر چٹھہ کے صاحبزادے احمد چٹھہ اور چوہدری محمد یوسف بھی زخمی ہیں۔ بتایا جا رہا ہے کہ احمد چھٹہ کی حالت تشویش ناک ہے۔

    گوجرانوالہ میں لانگ مارچ کے دوران چیئرمین پی ٹی آئی کے کنٹینر پر فائرنگ سے ایک شخص جاں بحق جبکہ عمران خان اور فیصل جاوید سمیت 13 افراد زخمی ہوگئے۔

    زخمی ہونے والوں میں سینیٹر فیصل جاوید بھی شامل ہیں، اس کے علاوہ حامد ناصر چٹھہ کے صاحبزادے احمد چٹھہ اور چوہدری محمد یوسف بھی زخمی ہیں۔ بتایا جا رہا ہے کہ احمد چھٹہ کی حالت تشویش ناک ہے۔

    غیر ملکی خبررساں ایجنسی کے مطابق وائٹ ہاؤس نے عمران خان پر قاتلانہ حملے کی مذمت کی ہے۔

    خبرایجنسی کے مطابق وائٹ ہاؤس نے اپنے بیان میں کہا ہے کہ عمران خان پر حملے کی شدید مذمت کرتے ہیں۔

    اس واقعے پر سابق صدر آصف علی زرداری اور وزیر خارجہ بلاول بھٹو زرداری کا ردعمل سامنے آیا ہے۔

    سابق صدر آصف زرداری نے عمران خان کے کنٹینر پر فائرنگ کی مذمت کی ہے۔ آصف زرداری نے اپنے بیان میں کہا کہ عمران خان اور دیگر کی جلد صحتیابی کیلئے دعا گو ہوں، واقعے کی مکمل تحقیقات کرائی جائیں۔

    علاوہ ازیں وزیر خارجہ بلاول بھٹو زرداری نے بھی عمران خان پر حملے کی شدید الفاظ میں مذمت کی ہے۔

    بلاول نے اپنے بیان میں کہا کہ عمران خان کی جلدصحت یابی کیلئے دعاگو ہوں۔

    پاکستان مسلم لیگ ن کے قائد اور سابق وزیراعظم میاں نواز شریف اور مریم نواز نے بھی پاکستان تحریک انصاف کے چیئر مین عمران خان پر حملے کی مذمت کی ہے۔

     

     

    سماجی رابطے کی ویب سائٹ ٹویٹر پر اپنے ایک بیان میں سابق وزیراعظم نے لکھا کہ میں عمران خان اور ان کے ساتھیوں پر فائرنگ کی مذمت کرتا ہوں اور زخمیوں کی صحتیابی کے لئیے دعا گو ہوں۔

    تحریک انصاف کےلانگ مارچ پرفائرنگ؛مختلف شہروں میں احتجاج

    دوسری طرف سماجی رابطے کی ویب سائٹ ٹویٹرپر لیگی نائب صدر مریم نواز نے لکھا کہ عمران خان پر فائرنگ کی مذمت کرتی ہوں اور ان سمیت تمام زخمیوں کی صحت کے لیے اللّہ تعالی سے دعاگو ہوں۔

     

     

    اس کے ساتھ ساتھ وزیراعظم نے واقعے کی شدید الفاظ میں مذمت کرتے ہوئے وزیر داخلہ رانا ثناء اللہ کو آئی جی پولیس اور چیف سیکرٹری پنجاب سے فوری رپورٹ طلب کرنے کی ہدایت کی ہے۔

    عمران خان لوگوں کو گمراہ کررہا تھا، اس لئےمارنےکا فیصلہ کیا،حملہ آور

    وزیراعظم شہباز شریف نے کہا وفاقی حکومت پنجاب حکومت کو سیکیورٹی اور تفتیش کے لیے ہر ممکن تعاون فراہم کرے گی۔ ہماری ملکی سیاست میں تشدد کی کوئی جگہ نہیں ہونی چاہیے۔

    وفاقی وزیر داخلہ رانا ثناء اللّٰہ نے واقعے کی شدید مذمت اور اس پر گہری تشویش کا اظہار کرتے ہوئے چیف سیکرٹری اور آئی جی پولیس پنجاب سے واقعے کی رپورٹ طلب کرلی۔

    رانا ثنا اللہ نے وفاقی سیکیورٹی ایجنسیز سے بھی فائرنگ واقعے کی رپورٹ طلب کرلی ہے۔

  • لانگ مارچ پرحملہ قابل مذمت،پولیس پر سوالیہ نشان۔تجزیہ:شہزاد قریشی

    لانگ مارچ پرحملہ قابل مذمت،پولیس پر سوالیہ نشان۔تجزیہ:شہزاد قریشی

    َِّاسلام آباد( رپورٹ شہزاد قریشی)سابق وزیراعظم اور تحریک انصاف کے سربراہ عمران خان کے آزادی مارچ پر حملہ قابل مذمت کے ساتھ ساتھ پنجاب حکومت اور آئی جی پولیس سمیت سیکورٹی اداروں پر سوالیہ نشان ہے ؟ عمران خان اور ان کے باقی ساتھی اس حملے میں شدید زخمی ہوئے ہیں

    تحریک انصاف کےلانگ مارچ پرفائرنگ؛مختلف شہروں میں احتجاج

    ملکی تاریخ اس طرح کے سانحات سے بھری پڑی ہے سیاسی لیڈروں بالخصوص و زرائے اعظموں کو سڑکوں اور جلسوں میں گولی مار دی جاتی ہے۔ موجودہ وزیراعلیٰ پنجاب پرویز الہی کا دور حکومت تھا تو 27 دسمبر2007 کو ملک کی مقبول ترین عوامی لیڈر محترمہ بے نظیر بھٹو کو راولپنڈی لیاقت آباد میں شہید کردیا گیا

    عمران خان لوگوں کو گمراہ کررہا تھا، اس لئےمارنےکا فیصلہ کیا،حملہ آور

    اور آج پھر صوبہ پنجاب میں پرویز الہی کی حکومت ہے اور سابق وزیراعظم عمران خان اوراُن کےساتھیوں پر قاتلانہ حملہ کیا گیا اوروہ شدید زخمی ہو گئے۔ پنجاب پولیس، پنجاب کے سیکورٹی اداروں پرسوالیہ نشان ہے۔ جب ایک سابق وزیراعظم بار بار کہہ رہا ہے کہ میری جان کو خطرہ ہے تو پھر پنجاب پولیس اور پنجاب کے سیکورٹی اداروں کی غفلت اور لاپرواہی کانتیجہ ہے کہ ان پر قاتلانہ حملہ ہوا۔

  • ڈرنے والے نہیں۔ کہا تھا نہیں جھکوں گا:جھکوں گانہیں ڈٹ کرمقابلہ ہوگا:عمران خان

    ڈرنے والے نہیں۔ کہا تھا نہیں جھکوں گا:جھکوں گانہیں ڈٹ کرمقابلہ ہوگا:عمران خان

    لاہور:سابق وزیراعظم اور پاکستان تحریک انصاف کے چیئر مین عمران خان نے اپنے پیغام میں کہا ہے کہ پاکستانیوں کا لانگ مارچ ہر صورت اسلام آباد پہنچے گا، ڈرنے والے نہیں۔ کہا تھا نہیں جھکوں گا، مزید ڈٹ کر مقابلہ ہوگا۔

    اس سے پہلے فائرنگ کی وجہ سے تحریک انصاف کے لانگ مارچ کے کنٹینر پر فائرنگ کے بعد عمران خان نے لانگ مارچ آج کے روز ختم کرنے کا حکم دیدیا۔

    پاکستان تحریک انصاف کے لانگ مارچ میں زخمی ہونے کے بعد سابق وزیراعظم نے اپنے ایک بیان میں حکم دیتے ہوئے کہا ہے کہ پی ٹی آئی لانگ مارچ کل دن 11 بجے سے دوبارہ سے شروع ہو گا، لانگ مارچ ہر صورت اسلام آباد پہنچے گا، ہم کسی سے ڈرنے والے نہیں۔

    انہوں نے کہا کہ ہمیں بھاگنے یا ڈرنے والے نہیں، کہا تھا کہ نہیں جھکوں گا، اب پھر کہ رہا ہوں مزید ڈٹ کر مقابلہ ہوگا۔

    کنٹینر پر فائرنگ، عمران خان کی جلد صحتیابی کیلئے دعاگو ہیں: ترجمان پاک فوج

    ادھروزیراعلیٰ پنجاب پرویز الٰہی خیریت دریافت کرنے شوکت خانم ہسپتال پہنچ گئے، وزیراعلیٰ پنجاب چودھری پرویز الٰہی نے شوکت خانم ہسپتال میں چیئر مین پی ٹی آئی عمران خان کی عیادت کی اور خیریت دریافت کی اور جلد صحت یابی کیلئے دعا کی۔

    عمران خان پر فائرنگ کرنے والے حملہ آور کو پکڑنے والا بہادر شخص کون ہے؟تفصیلات…

    انہوں نے کہا کہ اللہ تعالٰی کا شکر ہے دشمن کے مذموم عزائم ناکام ہوئے۔ پوری قوم آپ کے ساتھ ہے اور آپ کے لئے دعا گو ہے۔ واقعہ میں ملوث ملزمان کو قانون کے کٹہرے میں لائیں گے۔ واقعہ کی جتنی بھی مذمت کی جائے کم ہے۔ کنٹینر کے قریب فائرنگ کے واقعہ پر دکھ اور افسوس کا اظہار کرتا ہوں۔ عمران خان اور دیگر رہنماؤں کے زخمی ہونے کے واقعہ پر تشویش ہے۔

    عمران خان لوگوں کو گمراہ کررہا تھا، اس لئےمارنےکا فیصلہ کیا،حملہ آور

    اس موقع پر عمران خان پھراعادہ کرتے ہوئے کہا کہ اللہ تعالٰی کا شکر ادا کرتا ہوں، خیریت سے ہوں۔

  • تحریک انصاف کےلانگ مارچ پرفائرنگ؛مختلف شہروں میں احتجاج

    تحریک انصاف کےلانگ مارچ پرفائرنگ؛مختلف شہروں میں احتجاج

    وزیر آباد میں تحریک انصاف کے لانگ مارچ پر فائرنگ کے خلاف مختلف شہروں میں احتجاج شروع ہوگیا ہے۔

    جمعرات کی سہ پہر عمران خان کی قیادت میں لانگ مارچ وزیر آباد کے اللہ والا چوک سے گزر رہا تھا کہ کنٹینر سے فائرنگ کردی گئی۔واقعے کے خلاف ملک کے مختلف شہروں میں تحریک انصاف کی جانب سے احتجاج کیا گیا ہے۔

    کراچی میں شاہراہ فیصل پر نرسری کے قریب تحریک انصاف کے کارکنوں نے احتجاج کرتے ہوئے سڑک کو تریفک کیلئے بند کردیا۔

    راولپنڈی سے تحریک انصاف کے رکن پنجاب اسمبلی اور ڈپٹی اسپیکر واثق قیوم عباسی کی کال پر تحریک انصاف کے کارکن علامہ اقبال پارک پہنچ گئے جہاں انہوں نے احتجاج کیا۔اس کے علاوہ لاہور، ملتان اور دیگر شہروں میں بھی احتجاج شروع کردیا گیا ہے۔

    دوسری جانب احتجاج کے پیش نظر ملک بھر میں سیکیورٹی بھی سخت کردی گئی ہے۔

    یاد رہے کہ آج عصرکے بعد گوجرانوالہ میں لانگ مارچ کے دوران چیئرمین پی ٹی آئی کے کنٹینر پر فائرنگ کا واقعہ پیش آیا ہے جس کے نتیجے میں عمران خان سمیت تحریک انصاف کے 4 رہنما زخمی ہوگئے۔

    ابتدائی اطلاعات کے مطابق فائرنگ کے اس واقعے کو عمران خان پر قاتلانہ حملہ قرار دیا گیا ہے جس میں سینیٹر فیصل جاوید بھی شدید زخمی ہوئے ہیں جب کہ حامد ناصر چٹھہ کے صاحبزادے احمد چٹھہ اور چوہدری محمد یوسف بھی زخمی ہیں۔

    ذرائع نے بتایا ہے کہ فائرنگ کے باعث عمران خان کی ٹانگ پر گولی لگی ہے جس کے باعث وہ معمولی زخمی ہوئے ہیں۔ سیکیورٹی اہلکاروں نے عمران خان کو کنٹینر کے اندر فورا نیچے محفوظ جگہ پر منتقل کیا۔ عمران خان کو کنٹینر سے نکال کر فورا بلٹ پروف گاڑی میں طبی امداد کے لیے شوکت خانم اسپتال منتقل کر دیا ہے۔