Tag: بریکنگ

اسلام آباد:سپریم کورٹ کے جج جسٹس فائز عیسیٰ نے جوڈیشل کمیشن کا اجلاس فوری طلب کرنے کیلئے چیف جسٹس آف پاکستان کو خط لکھ دیا۔ کہا کہ عدالت عظمیٰ میں 5 ججز کی اسامیاں خالی ہیں، جس کی وجہ سے مقدمات کا بوجھ دن بدن بڑھتا جارہا ہے۔

جسٹس قاضی فائز عیسیٰ کی جانب سے چیف جسٹس آف پاکستان کو لکھے گئے خط میں کہا گیا ہے کہ سپریم کورٹ میں 5 ججز کی ریٹائرمنٹ کے باعث آسامیاں خالی ہیں، اس لئے فوری طور پر جوڈیشل کمیشن کا اجلاس بلایا جائے۔انہوں نے خط میں کہا ہے کہ سابق چیف جسٹس گلزار احمد کی ریٹائرمنٹ کو 239، جسٹس قاضی امین احمد کی ریٹائرمنٹ کو 187، جسٹس مقبول باقر کو 177، جسٹس مظہر عالم خان میاں خیل کو 77 اور جسٹس سجاد علی شاہ کو ریٹائر ہوئے 46 روز گزر چکے ہیں۔

خط میں کہا گیا ہے کہ فوری انصاف کی فراہمی سپریم کورٹ کا آئینی فرض ہے، سمجھ سے بالاتر ہے کہ سپریم کورٹ ججز کی 30 فیصد کم تعداد کے ساتھ کیوں کام کررہا ہے، عدالت عظمیٰ پر مقدمات کا بوجھ دن بدن بڑھتا جارہا ہے۔انہوں نے لکھا کہ سپریم کورٹ میں 50 ہزار سے زائد کیسز زیر التواء ہیں، مجھے یہ بتاتے ہوئے تکلیف ہوتی ہے کہ اگر اسامیوں کو پر نہ کیا گیا تو سپریم کورٹ میں دائر مقدمات کا کبھی بھی فیصلہ ہونے کا امکان نہیں۔

جسٹس قاضی فائز عیسیٰ کا چیف جسٹس کو مخاطب کرتے ہوئے مزید کہنا ہے کہ چیف جسٹس صاحب! متعدد بار کہہ چکا ہوں اپنا آئینی کردار ادا کریں، سپریم جوڈیشل کونسل ارکان کو اپنا کام بھی کرنےدیں۔انہوں نے مطالبہ کیا کہ فوری طور پر جوڈیشل کمیشن کا اجلاس طلب کیا جائے تاکہ ارکان ججز کی تقرری کرسکیں کیونکہ عدلیہ پر عوام کا اعتماد کسی صورت کم نہیں ہونا چاہئے۔

 مریم نواز نے عمران خان پر کڑی تنقید 

 اعظم نذیر تارڑ نے کہا ہے کہ جدید دور میں سائبر حملے عام ہوگئے ہیں

آڈیو لیک،عمران خان کیخلاف سخت کاروائی کی قرارداد اسمبلی میں جمع

اسلام آباد:وفاقی کابینہ کے اجلاس میں انکشاف ہوا ہے کہ سفارتی سائفر کی کاپی وزیراعظم ہاؤس کے ریکارڈ سے غائب ہے اور سفارتی سائفر کو فراڈ، جعلسازی،’فیبری کیشن ‘ کے بعد چوری کرلیاگیا ہے۔وزیراعظم شہبازشریف کی زیر صدارت وفاقی کابینہ کا اجلاس ہوا جس میں آڈیو لیکس کے حوالے سے اہم فیصلے کیے گئے۔

اعلامیے کے مطابق آڈیو لیکس کی تحقیقات کے لیے کابینہ کی خصوصی کمیٹی تشکیل دے دی گئی ہے اور نیشنل سکیورٹی کمیٹی کی طرف سے آڈیو لیکس کی مکمل تحقیق کے فیصلے کی تائید کی گئی ہے۔

وفاقی کابینہ کا کہنا ہے کہ آڈیوز نے سابق حکومت اور عمران نیازی کی مجرمانہ سازش بے نقاب کردی، ایک سفارتی’سائفر‘ کو من گھڑت معنی دے کر سیاسی مفادات کی خاطر قومی مفادات کا قتل کیاگیا اور سفارتی سائفر کو فراڈ، جعلسازی،’فیبری کیشن ‘ کے بعد چوری کرلیاگیا۔

وفاقی کابینہ نے قرار دیا کہ سائفر کی چوری آئینی حلف، قوانین، بالخصوص ’آفیشل سیکرٹ ایکٹ‘ کی سنگین خلاف ورزی ہے، یہ ریاست کے خلاف ناقابل معافی جرائم کا ارتکاب ہے، کلیدی ریاستی مفادات پر سیاسی مفادات کو فوقیت دی گئی۔

کابینہ اجلاس میں انکشاف ہوا کہ سفارتی سائفر کی کاپی وزیراعظم ہاؤس کے ریکارڈ سے غائب ہے جبکہ سابق وزیراعظم کو بھجوائے گئے سائفر کی وزیراعظم ہاؤس میں وصولی کا ریکارڈ میں اندراج موجود ہے۔وفاقی کابینہ کا کہنا ہے کہ لازم ہے کہ ذمہ داروں کاواضح تعین کرکے قانون کے مطابق کڑی سزا دی جائے۔

کابینہ نے فیصلہ کیا کہ خصوصی کمیٹی سابق وزیراعظم اور ان کے سابق پرنسپل سیکرٹری کے خلاف کارروائی کا تعین کرے گی، خصوصی کمیٹی سینیئر وزرا کے خلاف بھی قانونی کارروائی کا تعین کرے گی جبکہ کابینہ کمیٹی میں حکومت میں شامل اتحادی جماعتوں کے نمائندے شامل ہوں گے جس میں خارجہ، داخلہ، قانون کی وزارتوں کے وزرا شامل ہوں گے۔

وفاقی کابینہ نے مریم اورنگزیب کے ساتھ لندن میں پی ٹی آئی کارکنوں کی بدتمیزی کی شدید مذمت کی اور کہا کہ کسی خاتون سے اس نوعیت کے کسی منفی رویے کی کوئی گنجائش موجود نہیں، خواتین کے بارے میں پی ٹی آئی چیئرمین کا رویہ ہمیشہ متعصبانہ، جانبدارانہ اور توہین آمیز رہا۔

خیال رہے کہ گزشتہ دنوں امریکی سائفر کے حوالے سے چیئرمین تحریک انصاف عمران خان کی سابق پرنسپل سیکرٹری اعظم خان کے ساتھ مبینہ آڈیو لیک ہوئی ہے جس میں وہ کہہ رہے ہیں کہ امریکا کا نام نہیں لینا، اب ہم نے صرف کھیلنا ہے۔آج دوسری آڈیو بھی لیک ہوئی ہے جس میں عمران خان کہتے ہیں کہ کسی کے منہ سے امریکا کا نام نہیں سننا چاہتا۔

وزیراعظم شہباز شریف کی صدارت میں ہونےوالے وفاقی کابینہ کے اجلاس میں مبینہ آڈیو لیکس میں پاکستان تحریک انصاف کے چیئر مین اور سابق وزیراعظم عمران خان کی گفتگو پر تشویش کا اظہار کیا ہے۔

وزیر اعظم شہبازشریف کی زیر صدارت وفاقی کابینہ کا اجلاس ہوا، اجلاس کے دوران مبینہ آڈیو لیکس پر بھی تبادلہ خیال کیا گیا، سیاسی امور اورآڈیو لیکس پر بحث کے دوران سرکاری حکام کو اجلاس کے دوران باہر بھیج دیا گیا۔

ذرائع کے مطابق نئے ایس او پیز پر عمل درآمد شروع کردیا گیا ہے، شرکا کے موبائل فون اور سمارٹ آلات لانے پر پابندی عائد کر دی گئی ہے۔ کابینہ ارکان کو موبائل فونز اور سمارٹ واچز ہال سے باہر رکھنے کی ہدایت کی گئی ہے۔ کابینہ اجلاس سے قبل تمام شرکاء نے اپنے موبائل فون باہر جمع کرا دیئے۔

ذرائع کے مطابق اجلاس کے دوران وفاقی کابینہ نے ریکوڈک کیس پر ریفرنس بھیجنے کی اجازت دیدی۔ کابینہ میں ریفرنس بھیجنے پر تفصیلی بحث ہوئی، وزارت قانون کی طرف سے صدر پاکستان ڈاکٹر عارف علوی کے ذریعے سپریم کورٹ میں ریفرنس دائر کیا جائے گا۔ریکوڈک پر ہونے والے سیٹلمنٹ معاہدے پر سپریم کورٹ سے رائے لی جائے گی۔

ذرائع کے مطابق کابینہ نے بجلی کی بچت اور پیداوار سے متعلق عملدرآمدی لائحہ عمل کی سمری موخر کر دی۔

وزیراعظم شہباز شریف نے کہا ہے کہ آڈیو لیکس نے عمران خان نیازی کے جھوٹے بیانیے اورموجودہ حکومت کے خلاف زہریلے پروپیگنڈے کو بری طرح بے نقاب کردیا ہے، اب قوم کے سامنے حقیقت عیاں ہوچکی ہے،ہم نے ریاست کو بچانے کےلئے اپنی سیاست کو دائو پرلگا دیا،ملک کو دیوالیہ ہونے سے بچا یا،عوام سچ اور جھوٹ ، خدمت اور فراڈ، ریاکاری اور سچائی میں تفریق کریں ،عوام ہمیشہ صحیح فیصلہ کرتے ہیں ۔

 مریم نواز نے عمران خان پر کڑی تنقید 

 اعظم نذیر تارڑ نے کہا ہے کہ جدید دور میں سائبر حملے عام ہوگئے ہیں

آڈیو لیک،عمران خان کیخلاف سخت کاروائی کی قرارداد اسمبلی میں جمع

اسلام آباد:امریکا نے پاکستان پر واجب الادا 13 کروڑ 20 لاکھ ڈالرز قرض واپسی مؤخر کردی۔امریکی سفارتخانے کے مطابق امریکی سفیر ڈونلڈ بلوم نے پاک امریکا معاہدے پر دستخط کردیے ہیں۔

جی20قرض معطلی اقدام کے تحت دوسرا پاک امریکا دوطرفہ معاہدہ طے پا گیا۔اطلاعات کےمطابق پاکستان میں امریکی سفارتخانے کے ترجمان نے ٹویٹر پیغام میں کہا کہ پاکستان میں امریکی سفیر ڈونلڈ بلوم نے دوسرے پاک امریکہ دوطرفہ معاہدے پر دستخط کر دیے۔

امریکی سفیر کا کہنا ہے کہ پاکستان میں دستیاب اہم وسائل کو ری ڈائریکٹ کرنا ہماری ترجیح ہے، معاہدے کے تحت امریکہ پاکستان کو قرض کی مد میں 132 ملین ڈالر کا ریلیف دے گا۔

واضح رہے کہ گزشتہ روز پاک،امریکا تعلقات کی75ویں سالگرہ کی تقریب سے خطاب میں پاکستان میں تعینات امریکی سفیر ڈونلڈ بلوم نے اردو میں ایک جملہ ادا کیا کہ ’اچھا دوست برے وقت کو بھی اچھا بنا دیتا ہے‘، جس پر وزیراعظم شہباز شریف سمیت تقریب میں شریک افراد نے بھرپور داد دی۔

Ambassador Blome today signed the second U.S.-Pakistan bilateral agreement under the #G20 Debt Service Suspension Initiative, providing $132 million in U.S. debt relief to Pakistan. Our priority is to redirect critical resources in Pakistan. pic.twitter.com/UlwFzoXPWw

— U.S. Embassy Islamabad (@usembislamabad) September 30, 2022

تقریب سے خطاب میں وزیراعظم کا کہنا تھا کہ پاکستان اور امریکا کے تعلقات کی طویل تاریخ ہے، امریکا پاکستان کو سب سے پہلے تسلیم کرنے والے ممالک میں شامل ہے، پاک،امریکا تعلقات کو چین یا افغانستان کے تناظرمیں نہیں دیکھنا چاہیے۔

مریم نواز نے عمران خان پر کڑی تنقید 

 اعظم نذیر تارڑ نے کہا ہے کہ جدید دور میں سائبر حملے عام ہوگئے ہیں

آڈیو لیک،عمران خان کیخلاف سخت کاروائی کی قرارداد اسمبلی میں جمع

اسلام آباد: دفترخارجہ نےکہاہےکہ پاکستان کی کوشش ہے کہ امریکا میں قید ڈاکٹرعافیہ صدیقی کا معاملہ بہترانداز میں اٹھائے اور اس پر مختلف پہلوؤں سے جائزہ لیا جا رہا ہے۔

ترجمان نے مزید کہا کہ بھارت کی جانب سے مجدد الف ثانی کی تقریب میں شرکت کے خواہشمند پاکستانیوں کو اجازت نہ دینا افسوسناک ہے اور یہ دونوں ممالک کے درمیان باہمی معاہدے کی بھی خلاف ورزی ہے،یہ عرس 19 سے 26 ستمبر تک ہونا تھا اور 196 زائرین نے اس عرس میں شرکت کرنا تھی۔ بھارت نے44 افراد کو ویزا جاری نہیں کیا جبکہ دیگر کے ویزوں کو پولیس رپورٹ سے مشروط کردیا گیا۔

ترجمان نے عافیہ صدیقی سے متعلق بتایا کہ امریکا میں قید عافیہ صدیقی کا معاملہ سینکڑوں پاکستانیوں کے دل کے قریب ہے،پاکستان عافیہ صدیقی کے معاملے کو اٹھانے کی ہر ممکن کوشش جاری رکھے گا۔

انھوں نے بتایا کہ پاکستان کی کوشش ہے کہ ڈاکٹر عافیہ کا معاملہ بہترانداز میں اٹھائے اور اس پر مختلف پہلوؤں سے جائزہ لیا جا رہا ہے،اس حوالے سے معاملہ عدالت میں ہے اوراس پر متعلقہ اداروں سے مشاورت کے بعد عدالت کو رپورٹ جمع کرائیں گے۔

نیویارک میں موجود پی آئی اے کی ملکیت ہوٹل پرترجمان دفتر خارجہ کا کہنا تھا کہ ہمارے لئے خوشی کا مقام ہوتا اگر روزویلٹ ہوٹل دفترخارجہ کا اثاثہ ہوتا اور یہ صورتحال کبھی نہ ہوتی تاہم یہ معاملہ پی آئی اے کا ہے اور اس پر مزید بات نہیں کرنا چاہتے۔

ترجمان نے بتایا کہ گزشتہ ہفتے وزیراعظم نے اقوام متحدہ سیکریٹری جنرل سمیت متعدد عالمی راہنماؤں سے ملاقاتیں کیں اور جنرل اسمبلی میں خطاب کے دوران تباہ کن سیلاب پر علمی برادری کی توجہ مبذول کرائی، موسمیاتی تبدیلیوں کے تباہ کن اثرات پر توجہ دلوائی اور موسمیاتی تبدیلیوں میں ترقی پذیر ممالک کے کم حصے پر روشنی ڈالی۔

انہوں نے بتایا کہ وزیر اعظم نے ثمرقند میں ایس سی او کے سربراہ اجلاس میں بھی شرکت کی اور 19 ستمبر کو ملکہ برطانیہ کی آخری رسومات میں بھی شرکت کی جبکہ گزشتہ روز مصری وزیر اعظم نے وزیراعظم سے رابطہ کیا۔اسکے علاوہ وزیر خارجہ بلاول بھٹو نے اپنی ملاقاتوں کے دوران مقبوضہ کشمیر میں مظالم کو اجاگر کیا ہے۔

ترجمان دفتر خارجہ نے کہا کہ وزیر خارجہ نے نتیجہ سیکرٹری آف اسٹیٹ انٹونی بلنکن سے مفید ملاقات کی اور اس ملاقات میں امریکہ نے پاکستان کے لیے 10 ملین ڈالرز کا اعلان کیا۔

ترجمان کا کہنا تھا کہ وزیر خارجہ نے نوجوان وزرائے خارجہ کے اجلاس میں بھی شرکت کی جبکہ اپنے متعدد ہم منصبوں سے ملاقاتیں کیں۔ترجمان نے بتایا کہ سیلاب متاثرین کی مدد کے لئے 130 سے زاید پروازیں ٹرینیں اور ٹرک سیلاب زدگان کے لیے امداد کے کر پاکستان پہنچ چکی ہیں۔

 مریم نواز نے عمران خان پر کڑی تنقید 

 اعظم نذیر تارڑ نے کہا ہے کہ جدید دور میں سائبر حملے عام ہوگئے ہیں

آڈیو لیک،عمران خان کیخلاف سخت کاروائی کی قرارداد اسمبلی میں جمع