Tag: بریکنگ

پشاور:پی پی پی چیئرمین و وزیرِ خارجہ بلاول بھٹو زرداری کا پشاور میں سکھ شہریوں کی ہلاکتوں پر اظہارِ تشویش، مذمت ،اطلاعات کے مطابق وزیرخارجہ بلاول بھٹو نے سکھ شہریوں کی ہلاکتوں پرافسوس کا اظہار کرتے ہوئے کہا ہے کہ اس واقعہ میں ملوث ملزمان کو فوری طور گرفتار کیا جائے:

پی پی پی چیئرمین و وزیرِ خارجہ بلاول بھٹو زرداری کا پشاور میں سکھ شہریوں کی ہلاکتوں پر اظہارِ تشویش، مذمت

سکھ شہریوں کی ہلاکتوں میں ملوث ملزمان کو فوری طور گرفتار کیا جائے: بلاول بھٹو زرداری @BBhuttoZardari

— PPP (@MediaCellPPP) May 15, 2022

بھارتی ایجنٹوں نے فائرنگ کرکے دو سکھ شہری جان سے ماردیئے ،اطلاعات کے مطابق پشاور کے علاقے سربند میں نامعلوم افراد کی فائرنگ سے دو سکھ شہری ہلاک ہو گئے۔پولیس کے مطابق موٹر سائیکل سوار حملہ آور فائرنگ کر کے فرار ہو گئے جن کی تلاش کے لیے کارروائی کا آغاز کر دیا گیا ہے۔

وزیراعلیٰ خیبرپختونخوا محمود خان نے سکھ شہریوں کی ہلاکت کا نوٹس لیتے ہوئے ملزمان کی فوری گرفتاری کا حکم دیا ہے۔

وزیر اعلیٰ محمود خان نے سکھ شہریوں کی ہلاکت کے واقعے کو شہر کے ماحول اور بین المذاہب ہم آہنگی کو خراب کرنے کی سازش قرار دیتے ہوئے متاثرہ خاندانوں کو انصاف فراہم کرنے کی یقین دہانی کرائی ہے۔

محمود خان کا کہنا ہے کہ صوبائی حکومت بین المذاہب ہم آہنگی جیسی ایسی کوششوں کو کسی صورت کامیاب نہیں ہونے دے گی۔

یاد رہے کہ بھارتی خفیہ ایجنسیوں کی طرف سے پاکستانی سکھ شہریوں پرقاتلانہ حملے کئی سالوں سے جاری ہیں اور ان حملوں میں اب تک کئی سکھ جان سے ہاتھ دھو بیٹھے ہیں ،

اسی طرح کا ایک واقعہ پچھلے سال ستمبر میں بھی پیش آیا تھا ، جب پشاور میں نامعلوم افراد نے معروف حکیم سردار ستنام سنگھ کو اس وقت فائرنگ کر کے ہلاک کر دیا تھا جب وہ اپنے دواخانے میں موجود تھے۔

تفتیشی ٹیم کی جانب سے جائے وقوعہ کے آس پاس لگے سی سی ٹی وی کیمروں کی ریکارڈنگ بھی حاصل کی گئی تھی لیکن اس کے باوجود کچھ حاصل نہ ہوسکا ، اس وقت بھی اس واردات کے فوراً بعد تمام ناکہ بندیوں پر تعینات پولیس اہلکاروں کے ذریعے مشکوک افراد کی کڑی نگرانی کی جا رہی تھی لیکن اس کے باوجود یہ تازہ واقعہ رونما ہوگیا

سردار ستنام سنگھ معروف حکیم تھے اور انھوں نے نیشنل کونسل فار طب سے حکمت کی تعلیم حاصل کی تھی۔

کراچی :دانیہ واپس آ جاؤ میں تمہیں کچھ نہیں کہوں گا،عامرلیاقت کی دانیہ شاہ کوآوازیں سوشل میڈیا کا ٹرینڈ بن گئیں،پاکستان شوبز انڈسٹری کے نامور اینکر اور سیاسی کارکن عامر لیاقت اور ان کی تیسری اہلیہ دانیہ شاہ کے درمیان ہونے والے معاملات نے جہاں سوشل میڈیا پر توجہ حاصل کی ہے وہیں عامر لیاقت اس پوری صورتحال میں معاملے کو افہام و تفہیم سے حل کرنے کی کوشش کر رہے ہیں۔

سوشل میڈیا پر عامر لیاقت حسین کی ایک ویڈیو وائرل ہے جس میں وہ مریم نامی خاتون سے بات کر رہے ہیں جو کہ غالبا میڈیا پرسنلٹی ہیں، اس کال ریکارڈنگ میں عامر لیاقت نے نہ صرف دانیہ شاہ کے جھوٹ کو فاش کیا بلکہ ایک سمجھدار شوہر ہونے کی حیثیت سے اہلیہ کو واپس گھر آنے کی دعوت بھی دے دی۔

مریم نے دانیہ کا انٹرویو لیا تھا اور اس کے فورا بعد عامر لیاقت حسین سے رابطہ کیا گیا اور ان کی ویڈیوز سے متعلق دریافت کیا، ان ویڈیوز میں عامر لیاقت نشہ کرتے ہوئے دیکھے گئے تھے، جس پر عامر لیاقت نے مریم کو جواب دیتے ہوئے بتایا کہ یہ تمام نشے دانیہ خود لے کر آئی تھی اور اگر آپ کو میرے پر شک ہے تو میڈیکل ٹیسٹ کرا لیں میرا۔

ویڈیو میں مریم اور دانیہ شاہ کے درمیان ہونے والی گفتگو بھی سنی جا سکتی ہے، جس میں مریم نے سوال کیا کہ جب ہم آپ سے ملنے آئے تو آپ نے ویڈیو دینے سے انکار کر دیا، تو پھر آپ کے موبائل کی ویڈیوز کیسے سوشل میڈیا پر باہر نکلیں؟

اس پر دانیہ نے کہا کہ مجھے لگتا ہے میرا موبائل ہیک ہو گیا ہے، اکاؤنٹ خود بخود لاگ ان ہو رہا ہے، انسٹاگرام پر بھی تبدیلی ہو رہی ہے۔

عامر لیاقت کا مریم سے کہنا تھا کہ جن کے پاس آپ گئی ہیں، یہ جھوٹ بول رہے ہیں اور جھوٹ بولنے والوں سے میں کیا بات کروں؟ وہ جھوٹی آپ کو غلط خبریں دے رہی ہے۔ کئی دنوں تک میرے ساتھ رہی، اور اب کہہ رہی ہے کہ مجھے کھانا نہیں دیا۔میں خود تکلیف میں ہوں کہ میں نے ایک لڑکی کو سہارا دیا اور وہ مجھ پر ہی تہمت لگا رہی ہے۔

عامر لیاقت نے کہاکہ مریم آپ ایک کردار ادا کر سکتی ہیں، حالانکہ اس لڑکی نے گندی باتیں کی ہیں لیکن میں نے ان کے گھر والوں کی مدد کی، پیسے دیے، صرف اسی ماہ میں نے دانیہ کے گھر والوں کو 22 لاکھ روپے دیے۔ میں نے بیٹا بن کر ان کی مدد کی، اب اس جنگ کا ایک ہی حل نکلتا ہے کہ میں اس حالت میں بھی اسے قبول کرنے کو تیار ہوں۔

عامر لیاقت نے بینک اکاؤنٹس سے متعلق بھی بتایا کہ میرے پاس بینک اکاؤنٹس کی تفصیلات ہیں جس کے مطابق میں نے انہیں پیسے دیے، جبکہ دانیہ کو میں کچھ نہیں کہوں گا، وہ واپس اپنے گھر آجائیں۔

واضح رہےکہ عامر لیاقت اب بھی ایک سمجھدار مرد کی طرح معاملے کو حل کرنے اور رشتہ بچانے کی کوشش کر رہے ہیں دوسری جانب دانیہ شاہ ویڈیوز اور الزامات کے ذریعے معاملے کو طول دے رہی ہیں۔

اسلام آباد:پاکستان مسلم لیگ ن کے رہنما اور وفاقی وزیر منصوبہ بندی احسن اقبال نے کہا ہے کہ پاکستان کے مستقبل کے لیے ڈیجیٹل اکانومی کلیدی اہمیت رکھتی ہے۔

سماجی رابطے کی ویب سائٹ ٹوئٹر پر اپنے جاری کردہ ٹوئٹ پیغام میں وفاقی وزیر منصوبہ بندی احسن اقبال نے کہا کہ IT کی منسٹری اور انڈسٹری کے نمائندوں کیساتھ ‘ڈیجیٹل پاکستان’ پر سیر حاصل میٹنگ ہوئی، پاکستان کے مستقبل کے لئے ڈیجیٹل اکانومی کلیدی اہمیت رکھتی ہے۔

IT کی منسٹری اور انڈسٹری کے نمائندوں کیساتھ “ڈیجیٹل پاکستان” پر سیر حاصل میٹنگ ہوئی-پاکستان کے مستقبل کے لئے ڈیجیٹل اکانومی کلیدی اہمیت رکھتی ہے-گذشتہ دور حکومت میں 3G اور 4G کے لائسنس جاری کئے گئے، 1 ملین سے زائد نوجوانوں کو لیپ ٹاپ دئیے گئے، جامعات میں انکیوبیشن سنٹر بنائے گئے pic.twitter.com/W2E3pI84Is

— Ahsan Iqbal (@betterpakistan) May 14, 2022

جاری کردہ ٹوئٹ میں احسن اقبال لکھتے ہیں کہ گزشتہ دور حکومت میں 3G اور 4G کے لائسنس جاری کئے گئے، 1 ملین سے زائد نوجوانوں کو لیپ ٹاپ دئیے گئے اور جامعات میں انکیوبیشن سینٹر بنائے گئے۔

انہوں نے کہا کہ 2017 میں ڈیجیٹل پاکستان پالیسی لانچ ہوئی، آرٹیفیشل انٹیلیجنس، سائبیرسیکورٹی،اور بگ ڈیٹا کے سینٹر آف ایکسیلنس قائم کئے۔

احسن اقبال نے لکھا کہ اسی سفر کو جاری رکھنے کے لئے انڈسٹری کے نمائندوں سے تعلیمی نصاب میں بہتری، اسٹارٹ اپ کلچر کا فروغ، انڈسٹری کی مشکلات دور کرنے کے لئے اقدامات پہ مفید بات چیت ہوئی۔

اسلام آباد::محکمہ موسمیات کا کہنا ہے کہ شہر میں ہوا میں نمی کے تناسب میں اضافے کے باعث دن میں حبس بھی ہوگا جبکہ گرد آلود ہوائیں چلنے کا بھی امکان ہے۔

محکمہ موسمیات نے بتایا کہ شہر کا موجودہ درجہ حرارت 30 ڈگری سینٹی گریڈ ہے جبکہ دن میں درجہ حرارت 36 سے 38 ڈگری سینٹی گریڈ تک رہے گا۔

محکمہ موسمیات کا کہنا ہے کہ شہر میں 12 کلومیٹر فی گھنٹے کی رفتار سے ہوا چل رہی ہے البتہ دن میں ہوا 15 سے 20 کلومیٹر فی گھنٹے کی رفتار سے چلے گی۔محکمہ موسمیات نے مزید بتایا کہ شہر قائد میں گرمی کی شدت مزید تین سے چار دن تک رہے گی۔

ملک کے بیشترعلاقوں میں آج بھی موسم شدید گرم رہے گا، میدانی علاقے ہیٹ ویو کے زیر اثر رہیں گے، رات کو خیبرپختونخوا، کشمیر اور گلگت بلتستان میں بارش کا امکان ہے۔

موسم کا حال بتانے والوں نے ملک میں ہیٹ ویو کا سلسلہ آج بھی جاری رہنے کی پیشگوئی کی ہے، لاہور اور فیصل آباد میں درجہ حرارت سینتالیس، بہاولپور، ڈی جی خان ،سرگودھا ،ساہیوال میں پارہ اڑتالیس تک جانے کی پیشگوئی ہے۔

سندھ میں گرمی حدوں کو چھو رہی ہے، موہنجو داڑو، دادو اور نوابشاہ میں درجہ حرارت پچاس سے بھی اوپر جانے کا امکان ہے، بلوچستان کے علاقے سبی میں بھی پارہ پچاس تک جانے کی توقع ہے۔

گرمی سے کیسے بچا جائے؟

طبی ماہرین کا کہنا ہے کہ شہری خود کو ہیٹ ویو سے بچائیں، ساتھ ہی پانی اور مشروبات کا استعمال زیادہ کریں، سر کو ڈھانپ کر رکھیں اور دن کے اوقات میں غیر ضروری طور پر گھروں سے باہر نہ نکلیں۔

ماہرین نے کہا ہے کہ ضرورت کےتحت گھر سے نکلنا ہو تو سر کو ڈھانپ کر نکلیں ، محنت کش افراد مشقت کم کردیں ، ہلکے رنگوں والے کپڑے پہنیں ، جہاں تک ممکن ہو رش سے دور اور سایہ دار مقام پر رہیں۔
ماہرین کا کہنا ہے کہ جسم کا عام درجہ حرارت 37 ڈگری سینٹی گریڈ ہوتا ہے اور اگر اس سے زیادہ ہو تو اعضا درست انداز میں کام نہیں کرتے ، لو اسی وقت لگتی ہے جب جسم کا درجہ حرارت 40 ڈگری سینٹی گریڈ سے زیادہ ہوجائے اور پھر انسان ہیٹ اسٹروک کا شکارہوجاتا ہے۔

ماہرین کے مطابق ہیٹ اسٹروک جسم میں خون گرم کرتا ہے جس سے خون میں موجود پروٹین پگھلنے لگتے ہیں ، جسم کے اندرونی درجہ حرارت کو کم رکھنے کےلیے تیزی سے پسینہ خارج ہوتا ہے ، جسم کا پانی کم ہونے سے خون گاڑھا ہونے لگتا ہے اور بلڈ پریشر گرنے لگتا ہے۔