Baaghi TV

Tag: بریکنگ

  • لاہور پریس کلب میں 13 مئی یوم آزادی صحافت کے حوالے سے سیمینار کا انقعاد

    لاہور پریس کلب میں 13 مئی یوم آزادی صحافت کے حوالے سے سیمینار کا انقعاد

    لاہور:لاہور پریس کلب میں 13 مئی یوم آزادی صحافت کے حوالے سے سیمینار کا انقعاد ہوا جس میں مارشل لاء کے دوران تشدد کا نشانہ بننے والے مہمانان خصوصی صحافیوں کو خراج تحسین پیش کیا گیا۔

    لاہور پریس کلب میں 13 مئی یوم آزادی صحافت کے حوالے سے سیمینار کا انقعاد کیا گیا جس میں صدر پریس کلب اعظم چوہدری، سیکرٹری پریس کلب عبدالمجید و سابق صدر شہباز میاں ،، قمر زمان بھٹی نے شرکت کی جب کہ مہمانان خصوصی میں مارشل لاء کے دوران تشدد کا نشانہ بننے والے صحافیوں حسین نقی، خاور نعیم ہاشمی اور مسعود اللہ کو خراج تحسین پیش کیا گیا۔

    سینیر صحافی حسین نقی نے شرکاء سے خطاب کرتے ہوئے کہا کہ ملک اس وقت نازک حالات سے گزر رہا ہے ، تمام سیاستدانوں کو مل بیٹھ کر مسائل کا حل کرنا ہوگا ورنہ ملک خون خرابے کی طرف جائے گا۔ صحافیوں کو چاہیے کہ وہ اپنی آواز بلند کریں تاکہ جمہوریت کو مظبوط کیا جا سکے ، سیاستدان اپنی ذاتی مخالفت میں غیر سیاسی قوتوں کو دعوت دے رہے ہیں۔

    صدر پریس کلب اعظم چوہدری کا کہنا تھا کہ صحافت عظیم شعبہ ہے جس نے ملکی سلامتی و ترقی میں اپنا کردار ادا کیا اور جمہوریت کی راہ ہموار کرنے کے لیے ظلم و جبر سہا قیدیں کاٹیں اور جانوں کے نذرانے پیش کیے۔

    انہوں نے موجودہ حالات میں صحافیوں کی حالت زار کی زمہ داری میڈیا مالکان کی یونینز پر ڈالتے ہوئے کہا کہ وہ اپنے مفادات کے لیے صحافیوں کو استعمال کرتے ہیں اور پھر ان کا استحصال کرتے ہیں۔

    حکومت وقت کو تنبیہ کرتے ہوئے ان کا کہنا تھا کہ صحافیوں کو ہراساں کرنا بند کہا جائے کسی طور آذادی صحافت کو طاقت سے دبایا نہیں جا سکتا۔انہوں نے حکومت کے جانب سے صحافیوں کو دبانے کے لیے استعمال کیے جانیوالے ہتکنڈوں کی بھی شدید مذمت کی۔

  • عمران خان اپنی شخصیت کا غلام، پاکستان کے عوام پابندی لگائیں گے: خواجہ آصف:خواجہ سعد رفیق

    عمران خان اپنی شخصیت کا غلام، پاکستان کے عوام پابندی لگائیں گے: خواجہ آصف:خواجہ سعد رفیق

    لندن:وفاقی وزیر دفاع خواجہ آصف نے کہا ہے کہ عمران خان نہ کسی ادارے کا ہے نہ پاکستانی عوام کا ہے، وہ اپنی شخصیت کا غلام ہے، پاکستان کے عوام عمران خان پر پابندی لگائیں گے۔

    لندن میں میڈیا سے گفتگو کرتے ہوئے خواجہ آصف کا کہنا تھا کہ ہمارے درمیان کوئی ڈیڈلاک نہیں، ہم اکیلے فیصلے نہیں کرسکتے، اتحادیوں کی مشاورت ضروری ہے، یہاں جو مشاورت ہوئی وہ اتحادیوں کے سامنے رکھیں گے، ہم پر صرف پاکستان کے عوام کا دباؤ اور کسی کا دباؤ ہم برداشت نہیں کرینگے۔

    ان کا مزید کہنا تھا کہ عمران خان کی تقریریں ثابت کرتی ہیں اسے جس ہاتھ نے کھلایا اسی کو کاٹا ہے، اس نے کسی سے بھی وفا نہیں کی، گزشتہ چار سال میں جن کی سرپرستی تھی آج انہیں کیخلاف زہر اگل رہا ہے۔

    وفاقی وزیر ریلوے خواجہ سعد رفیق نے اس موقع پر کہا کہ ہماری پاکستان کی اقتصادیات پر بات ہوئی ہے، نواز شریف پر جھوٹے مقدمات بنا کر ہم سے دور کیا گیا، ہم نے عمران خان کی معاشی تباہی کے حل پر بات کی، عمران خان پہلے مذہب کارڈ کھیلتا رہا اب غداری کارڈ کھیل رہا ہے۔

    قبل ازیں وفاقی وزیر ریلوے خواجہ سعد رفیق نے کہا ہے کہ امپائر سے مل کر کھیلنے والا شخص سازشوں میں مصروف ہے۔

    لندن میں میڈیا سے گفتگو کرتے ہوئے خواجہ سعد رفیق نے کہا کہ عمران خان ایک سازشی آدمی ہے، سر سے پاؤں تک سازش میں لتھڑا ہوا ہے، یہ شخص ہمیشہ امپائر سے مل کر کھیلتا ہے، 2014 کے دھرنے میں یہ کس امپائر کو آوازیں دیتا تھا۔

    وفاقی وزیر نے مزید کہا کہ جب ان کو سپورٹ مل رہی تھی تو سب ٹھیک تھا، اداروں نے کہا اب ہم نیوٹرل ہیں، آئین کی بالادستی چاہتے ہیں، کیا نواز شریف پہلے سیاستدان ہیں جن کو ملک سے باہر رہنا پڑ رہا ہے۔

    میڈیا سے گفتگو میں وفاقی وزیر داخلہ رانا ثنا اللہ نے کہا کہ عمران خان کے لانگ مارچ کے حوالے سے کوئی مشاورت نہیں ہوئی، وہ جب تاریخ کا اعلان کریں گے تو پھر اس حوالے سے سوچیں گے، شہباز شریف کل عدالت نہ پہنچ سکے تو ایک دن کی غیر حاضری کی درخواست دے دیں گے، ڈالر کی بڑھتی قیمت گزشتہ حکومت کی معاشی تباہی کا نتیجہ ہے، عمران خان نوجوانوں کو گمراہ کر رہا ہے۔

  • نیو دہلی:خوفناک آتشزدگی، 26 افراد ہلاک، ہلاکتوں میں اضافے کا خدشہ

    نیو دہلی:خوفناک آتشزدگی، 26 افراد ہلاک، ہلاکتوں میں اضافے کا خدشہ

    نئی دہلی :نیو دہلی، خوفناک آتشزدگی، 26 افراد ہلاک، ہلاکتوں میں اضافے کا خدشہ،اطلاعات کے مطابق مغربی دہلی میں منڈکا میٹرو اسٹیشن کے قریب ایک تجارتی عمارت میں خوفناک آگ لگنے سے کم از کم 26 افراد ہلاک اور 30 افراد زخمی ہو گئے۔

    بھارتی میڈیا کے مطابق چار منزلہ عمارت میں لگنے والی خوفناک آگ لگنے سے متعدد افراد ہلاک ہو گئے ہیں، اب تک 26 لاشیں نکالی جا چکی ہیں پولیس کو خدشہ ہے کہ یہ تعداد بڑھ سکتی ہے۔ حکام نے بتایا کہ ایک منزل کی تلاش ابھی باقی ہے۔

    تقریباً 30 فائر ٹینڈرز اب بھی جائے وقوعہ پر موجود ہیں اور ایمبولینسیں امدادی کاموں کے لیے تعینات ہیں۔آگ سے جھلسنے والے 40 سے زائد افراد کو اسپتال میں داخل کرایا گیا ہے۔ پولیس نے بتایا کہ عمارت سے تقریباً 60-70 لوگوں کو بچا لیا گیا ہے۔

    بھارتی میڈیا کا کہنا ہے کہ تجارتی عمارت جس میں بنیادی طور پر دفتر کی جگہ تھی – مغربی دہلی میں منڈکا میٹرو اسٹیشن کے قریب واقع ہے۔فائر ڈپارٹمنٹ کے حکام کے مطابق آگ لگنے کی اطلاع شام 4.40 بجے ملی، جس کے بعد 20 فائر ٹینڈرز موقع پر پہنچ گئے۔

    ڈپٹی کمشنر آف پولیس (آؤٹر) سمیر شرما نے کہا کہ آگ عمارت کی پہلی منزل سے شروع ہوئی، جس میں سی سی ٹی وی کیمرہ اور راؤٹر بنانے والی کمپنی کا دفتر ہے۔

  • دباؤ یا دھمکی سے فیصلوں پر اثر انداز نہیں ہوا جاسکتا: ترجمان الیکشن کمیشن

    دباؤ یا دھمکی سے فیصلوں پر اثر انداز نہیں ہوا جاسکتا: ترجمان الیکشن کمیشن

    اسلام آباد:دباؤ یا دھمکی سے فیصلوں پر اثر انداز نہیں ہوا جاسکتا: ترجمان الیکشن کمیشن نے ردعمل دیتے ہوئے کہا ہے کہ دباؤ یا دھمکی سے فیصلوں پر اثر انداز نہیں ہوا جاسکتا۔

    خیال رہے کہ پی ٹی آئی کے چیئرمین عمران خان نے مردان جلسہ سے خطاب کرتے ہوئے کہا کہ چیف الیکشن کمشنر نے لوٹوں کو بچایا تو قوم معاف نہیں کرے گی، لوگ ان کے خلاف بھی نکلیں گے، سازشیوں کے چہرے دل پر نقش، جو سازش روک سکتے تھے ان کو بتایا تھا معاشی بحالی دم توڑ جائے گی، افسوس پھر بھی کچھ نہیں کیا گیا، آج حالات سب کے سامنے ہیں، ڈالر دو سو روپے تک پہنچنے والا ہے، اسٹاک مارکیٹ بھی مسلسل گراوٹ کا شکار ہے۔

    سابق وزیراعظم کی تقریر پر سماجی رابطے کی ویب سائٹ ٹوئٹر پر پیغام جاری کرتے ہوئے الیکشن کمیشن کے ترجمان نے کہا کہ الیکشن کمیشن تمام فیصلے آئین اور قانون کے مطابق کرتا ہے، ادارے کے فیصلوں پر کسی طرح کے دباؤ یا دھمکی سے اثر انداز نہیں ہوا جاسکتا۔

  • یو اے ای کے صدر شیخ خلیفہ بن زاید النہیان کی تدفین کردی گئی

    یو اے ای کے صدر شیخ خلیفہ بن زاید النہیان کی تدفین کردی گئی

    اسلام آباد:متحدہ عرب امارات کے صدرشیخ خلیفہ بن زاید النہیان کی تدفین کردی گئی۔

    عرب میڈیا کے مطابق ابوظہبی کے حکمران شیخ محمد بن زاید اور النہیان خاندان کے افراد نےجمعے کے روز ابوظہبی کے البطین قبرستان میں شیخ خلیفہ کی آخری رسومات ادا کیں۔

    رپوٹس کے مطابق اس سے قبل شیخ محمد بن زاید النہیان، خاندان کے دیگرافراد اور مسلح افواج کے ڈپٹی سپریم کمانڈر نے شیخ سلطان بن زاید مسجد میں مرحوم شیخ خلیفہ بن زاید النہیان کی نماز جنازہ میں شرکت کی۔

    دوسری جانب شیخ خلیفہ بن زاید آل نہیان کی غائبانہ نماز جنازہ مسجد الحرام اور مسجد نبوی میں ادا کی گئی،رپورٹس کے مطابق نمازعشاءکے بعد غائبانہ نماز جنازہ میں لاکھوں شہری شریک ہوئے۔

    عرب میڈیا کے مطابق شاہ سلمان بن عبدالعزیز نے شیخ خلیفہ بن زاید آل نہیان کی غائبانہ نماز جنازہ ادا کرنے کی ہدایت کی تھی۔

    واضح رہے کہ گزشتہ روز متحدہ عرب امارات کے صدر شیخ خلیفہ بن زاید النہیان آج انتقال کرگئے تھے۔
    یو اے ای کے صدر کے انتقال پر پاکستان میں تین روزہ قومی سوگ کا اعلان،اطلاعات کے مطابق متحدہ عرب امارات (یو اے ای) کے صدر خلیفہ بن زاید آل نہیان کے انتقال پر پاکستان میں تین روزہ قومی سوگ کا اعلان کیا گیا ہے۔

    کابینہ ڈویژن کے مطابق یو اے ای کے صدر کے انتقال پر 13 سے 15 مئی تک پاکستان میں قومی سوگ منایا جائے گا اور قومی پرچم سرنگوں رہے گا۔ واضح رہے کہ متحدہ عرب امارات کے صدر شیخ خلیفہ بن زاید النہیان آج انتقال کرگئے۔

    متحدہ عرب امارات کی سرکاری خبر رساں ایجنسی نے خلیفہ بن زاید النہیان کے انتقال کی تصدیق کرتے ہوئے کہا کہ صدر کے انتقال پر 40 روزہ سوگ کا اعلان کیا گیا ہے۔

     

    میڈیا رپورٹس کے مطابق شیخ خلیفہ بن زایدالنہیان کے انتقال پر40 روز کےسوگ کے ساتھ 3روز کی عام تعطیل بھی ہوگی جب کہ اس دوران قومی پرچم سرنگوں رہے گا۔

     

    متحدہ عرب امارات کے صدر اور ابوظہبی کے حکمران 73 سالہ عزت مآب شیخ خلیفہ بن زاید النہیان طویل علالت کے بعد انتقال کر گئے۔

    اماراتی میڈیا کے مطابق متحدہ عرب امارات کی وزارت صدارتی امور نے صدر عزت مآب شیخ خلیفہ بن زاید النہیان کے انتقال کی تصدیق کرتے ہوئے کہا کہ متحدہ عرب امارات، عرب اور اسلامی قوم اور دنیا کے عوام سے تعزیت کا اظہار کرتے ہیں۔

    شیخ خلیفہ بن زاید النہیان اپنے والد شیخ زاید بن سلطان النہیان کے انتقال کے بعد 3 نومبر 2004 سے متحدہ عرب امارات کے صدر اور ابوظہبی کے حکمران کی حیثیت سے خدمات انجام دیں۔

     

    شیخ خلیفہ بن زاید النہیان 1948 میں پیدا ہوئے وہ  متحدہ عرب امارات کے دوسرے صدر اور ابوظہبی کی امارات کے 16 ویں حکمران تھے اور ملک کے پہلے صدر  شیخ زاید بن سلطان کے بڑے صاحب زادے تھے۔

    صدر خلیفہ بن زاید النہیان کافی عرصے سے مختلف بیماریوں میں مبتلا ہوکر کافی کمزور ہوگئے تھے جس کے باعث ملکی امور ولی عہد محمد بن زاید النہیان چلا رہے تھے۔

     

  • عمران خان ایٹم بم مارنے والا بیان دیتے ہوئے شرم آنی چاہیے:مریم نواز

    عمران خان ایٹم بم مارنے والا بیان دیتے ہوئے شرم آنی چاہیے:مریم نواز

    لاہور:عمران خان ایسے جملے کہنے چھوڑ دے:اطلاعات کے مطابق ن لیگ کی نائب صدر مریم نوازنے سابق وزیراعظم عمران خان کے بیان پرسخت ردعمل دیتے ہوئےکہا ہےکہ عمران خان ایٹم بم مارنے والا بیان دیتے ہوئے شرم آنی چاہیے:

    مریم نواز نے ٹویٹ پیغام دیتے ہوئے کہاکہ “اس سے بہتر تھا کہ پاکستان پر ایٹم بم گرا دیا جاتا۔” عمران خان ہمارے ملک کے بارے میں ایسی مکروہ بات کرتے ہوئے تمھیں شرم آنی چاہیے۔ جانتے بھی ہو کیا اول فُول بک رہے ہو؟ یا مکمل طور پر مت ماری گئی ہے؟

     

    یاد رہے کہ آج سابق وزیراعظم عمران خان نے مردان میں خطاب کرتے ہوئے حکومت کو آڑے ہاتھوں لیا ہے ، پاکستان تحریک انصاف (پی ٹی آئی) کے چیئرمین اور سابق وزیراعظم عمران خان نے کہا ہے کہ ملکی مستقبل کا فیصلہ لندن میں بیٹھا چوروں کا ٹولہ نہیں، پاکستانی قوم کرے گی، حقیقی آزادی کا وقت آگیا، سیاست نہیں کر رہا، انقلاب کیلئے اسلام آباد بلا رہا ہوں، قوم بھرپور ساتھ دے، جو سازش روک سکتے تھے ان کو بتایا تھا معاشی بحالی دم توڑ جائے گی، افسوس پھر بھی کچھ نہیں کیا گیا۔

    مردان جلسے سے خطاب کرتے ہوئے سابق وزیراعظم عمران خان نے کہا کہ شاندار استقبال پر دل سے شکر گزار ہوں، مردان آنے کا ایک مقصد ہے، آپ سب کو اسلام آباد جانے کے لیے تیار کر رہا ہوں، جب کال دوں تو آپ نے میرے ساتھ اسلام آباد جانا ہے، اسلام آباد سیاست کے لیے نہیں ایک انقلاب کے لیے بلا رہا ہوں، پاکستان کو حقیقی آزادی دلانے کی جدوجہد میں شرکت کرنا ہوگی۔

    سابق وزیراعظم نے کہا کہ ہم نے اپنی ایکسپورٹ میں تاریخی اضافہ کیا، ہم نے ریکارڈ ٹیکس اکٹھا کیا، عالمی سطح پر مہنگائی کے دوران ہم نے پٹرولیم مصنوعات کی قیمتیں کم کیں، کسانوں کو پہلی دفعہ پورا معاوضہ ملا، ورلڈ بینک کے مطابق کورونا کے دوران سب سے زیادہ روزگار پاکستانیوں کو ملا، ہماری انڈسٹری بڑھ رہی تھی، جب معیشت 5 اعشاریہ 6 فیصد پر گروتھ تب میر جعفروں نے مل کر سازش کی، جب مجھے سازش کا پتا چلا تو ان کے پاس گیا جو سازش کو روک سکتے تھے،

    عمران خان نے کہا کہ انہیں کہا اگر سازش کامیاب ہوئی تو ملک تباہی کی طرف جائے گا، شوکت ترین کو بھیجا ان کو بتاؤ جو اپنے آپ کو نیوٹرل کہتے ہیں، شوکت ترین نے بھی انہیں بتایا لیکن افسوس سازش کو نہیں روکا گیا، آج اسٹاک مارکیٹ نیچے اور ڈالر 200 پر جارہا ہے، آج میڈیا کے لوگ مہنگائی بارے عوام سے کیوں نہیں پوچھتے، جب ملک پاؤں پر کھڑا ہو رہا تھا تب انہوں نے سازش کے ذریعے ہماری حکومت گرائی۔

    عمران خان نے کہا کہ مجھے پتا ہے کس، کس نے سازش کی ہے، ایک، ایک کا پتا ہے، چیف جسٹس کو صدر مملکت نے خط لکھا ہے، کمیشن بنائیں، اوپن کورٹ میں سماعت کرائیں تاکہ پوری قوم کو میر جعفر کا پتا چلے، بلاول کے سارے پیسوں کا امریکیوں کو پتا ہے کدھر، کدھر پڑے ہیں، یہ کبھی امریکا کے خلاف بات نہیں کرے گا، بلاول امریکیوں کو کہے گا پیسے دے دو ورنہ عمران واپس آجائے گا، امریکا اگر پیسے دے گا تو پھر اڈے مانگے گا، دہشت گردی کے خلاف جنگ میں پہلے ہی بہت شہادتیں دے چکے ہیں،

    دہشت گردی کی جنگ میں ہمارے فوجی جوان شہید ہوئے، اگر امریکا پیسے دے گا تو پھر کسی اور کی جنگ میں شرکت کا کہیں گے، ہم نے کسی کی غلامی نہیں کرنی، بلاول میں جرات نہیں ہوگی کہ روس سے 30 فیصد پٹرول لینے کا کہے، ہماری حکومت روس سے 30 فیصد سستا تیل لینے کی بات کر رہی تھی، روس سے سستا تیل، گندم ملنے سے پاکستان کے عوام کو فائدہ ہونا تھا، اس حکومت کو وہ کرنا پڑے گا جو امریکا کہے گا، اس حکومت کو یوکرین جنگ میں روس کے خلاف بیان دینے کا کہا جائے گا، جب غلام اوپر بیٹھ جائیں تو پھر وہی کریں گے جو امریکا کہے گا۔

  • میں قوم کو اسلام آباد سیاست کے لیے نہیں، انقلاب کے لیے بلا رہا ہوں:عمران خان

    میں قوم کو اسلام آباد سیاست کے لیے نہیں، انقلاب کے لیے بلا رہا ہوں:عمران خان

    مردان:عمران خان نے کہا ہے کہ میں قوم کو اسلام آباد سیاست کے لیے نہیں، انقلاب کے لیے بلا رہا ہوں۔

    چیئر مین پاکستان تحریک انصاف عمران خان نے جلسے سے خطاب کرتے ہوئے کہا ہے کہ شاندار استقبال کرنے پر مردان کا شکریہ، شاندار استقبال پر مردان کا دل سے شکریہ ادا کرتا ہوں۔

    انہوں نے کہا کہ یہاں آپ سب کو اسلام آباد مارچ کیلئے تیار کرنے آیا ہوں، میں مردان والوں کو اسلام آباد سیاست کیلئے نہیں انقلاب کیلئے بلا رہا ہوں، میں پاکستان کو حقیقی آزادی دینے کیلئے آپ سب کو بلا رہا ہوں۔

    عمران خان نے کہا ہے کہ نوجوانوں نے خاص طور پر اسلام آباد مارچ میں شرکت کرنی ہے، میری عمر سے جو بھی کم ہے وہ نوجوان ہے، 70 سال سے کم عمر افراد نوجوان ہیں۔

    چیئر مین پاکستان تحریک انصاف نے کہا کہ میں پاکستان کی ساری ماؤں، بہنوں اور بچوں کو بھی دعوت دینے آیا ہوں، میرے والدین کہتے تھے تحریک پاکستان میں عورتیں، بچے اور بزرگ سب شامل تھے۔

    انہوں نے کہا کہ لندن میں بیٹھنے والوں نے نہیں بلکہ تم نے اس ملک کے فیصلے نہیں کرنے، پاکستان کی قیادت کون کرے گا یہ فیصلہ عوام کرے گی۔

    عمران خان نے کہا ہے کہ پاکستان پر یہ فیصلہ کن وقت ہے، امریکا کے غلاموں سے اس ملک کو آزاد کرنا ہے،

    چیئرمین پاکستان تحریک انصاف نے کہا کہ ڈیزل نے آتے ہی وہ وزارت لی جس میں کمائی ہو، اگر الیکشن کی تاریخ نہ دی تو عوام کا سمندر اسلام آباد آ رہا ہے، عوام کا یہ سمندر سب کچھ بہا کر لے جائے گا۔

    انہوں نے کہا کہ امریکا کے ساتھ مل کر سازش کی گئی، امریکا کے ایک چھوٹے سے سرکاری افسر نے مجھے ہٹانے کی دھمکی دی، ڈونلڈ لو نے کہا عمران خان کو نہ ہٹایا تو تمہیں نقصان ہو گا۔

    عمران خان نے کہا ہے کہ امریکی افسر نے کہا اگر شہباز شریف کو بٹھا دیا تو پاکستان کو معاف کر دیں گے، اس سے پوچھتا ہوں تم ہو کون پاکستان کو معاف کرنے والے، ہم امریکیوں کے نوکر اور غلام نہیں ہیں۔

    چیئرمین پاکستان تحریک انصاف نے کہا کہ شہباز شریف بوٹ پالش اور آصف زرداری امریکیوں کے غلام ہیں، ڈیزل نے امریکی سفارتکار کو کہا مجھے موقع دیدیں میں بہتر خدمت کروں گا۔

    انہوں نے کہا کہ یہ امریکیوں کے غلام ہیں، ہم اس کی امت ہیں جو دنیا کی تاریخ کا عظیم ترین لیڈر تھا، خوف کی زنجیر انسان کو پرواز نہیں کرنے دیتی، اللہ ایمان والوں کے خوف دور کردیتا ہے۔

    عمران خان نے کہا ہے کہ زندگی اور موت اللہ کے ہاتھ میں ہے، میرے خلاف میڈیا پر کمپین کی گئی، عوام میری اتنی ہی عزت افزائی کر رہی ہے۔

    چیئرمین پاکستان تحریک انصاف نے کہا کہ کبھی غلام بڑے کام نہیں کر سکتا، صرف آزاد آدمی بڑے کام کرتا ہے، ہمارے اوپر بٹھائے گئے امریکا کے غلام کبھی قوم کو عظیم قوم نہیں بننے دیں گے، جب ہمیں حکومت ملی یہ چور 10 سال حکومت کر چکے تھے۔

  • افغانستان :کابل کی ایک مسجد میں بم دھماکہ، 3 افراد زخمی

    افغانستان :کابل کی ایک مسجد میں بم دھماکہ، 3 افراد زخمی

    کابل:افغانستان کے دارالحکومت کابل کی ایک جامع مسجد میں دھماکے کے نتیجے میں تین افراد زخمی ہوگئے ہیں ، ادھر اطلاعات کے مطابق سیکورٹی اداروں نے مسجد میں ہونے والے دھماکے کی تحقیقات شروع کردی ہیں‌

    یاد رہے کہ دوہفتے قبل افغان دارالحکومت کی ایک مسجد میں زوردار دھماکا ہوا تھا جس کے نتیجے میں 50 نمازی جاں بحق اور 20 زخمی ہوگئےتھے۔ عالمی خبر رساں ادارے کے مطابق افغانستان کے دارالحکومت کابل میں مسجد خلیفہ آغا گل جان میں اس وقت دھماکا ہوگیا جب وہاں نماز جمعہ ادا کی جارہی تھی اور سیکڑوں نمازی شریک تھے۔

    دھماکا اتنا زوردار تھا کہ مسجد کے دروازے اور شیشے ٹوٹ گئے جب کہ آس پاس کی عمارتوں کے کھڑکیوں کے شیشے بھی ٹوٹ گئے۔ دھماکے کے بعد بھگدڑ مچ گئی اور ہر طرف آہ و بکا کی آوازیں سنائی دے رہی تھیں۔ ریسکیو ادارے نے امدادی کاموں کے دوران 30 سے زائد افراد کو اسپتال منتقل کیا جن میں سے 50 کے جاں بحق ہونے کی تصدیق کردی گئی تھی جب کہ 20 شدید زخمی ہیں جن میں سے 6 کی حالت نازک ہے۔ دھماکے کے بعد طالبان اہلکاروں نے جائے وقوعہ کا محاصرہ کرلیا۔ تاحال دھماکے کی نوعیت کا تعین نہیں ہوسکا ہے۔ اس حوالے سے طالبان سیکیورٹی فورسز تفتیش کر رہی ہیں۔

  • میڈیا پر خبریں چلنے کے بعد پی سی بی حرکت میں آگیا

    میڈیا پر خبریں چلنے کے بعد پی سی بی حرکت میں آگیا

    لاہور:میڈیا پر خبریں چلنے کے بعد پی سی بی حرکت میں آگیا،اطلاعات کے مطابق پاکستان کرکٹ بورڈ نے میڈیا پر خبریں چلنے کے بعد چئیرمین پی سی بی رمیز راجہ کے اخراجات کی تفصیلات اپنی ویب سائٹ پر جاری کر دی۔
    پی سی بی کے مطابق چئیرمین رمیز راجہ نے چھ ماہ میں 39 لاکھ 17 ہزار روپے کی رقم خرچ کی.

    پی سی بی کی ویب سائٹ پر اپ ڈیٹ رپورٹ کے مطابق رمیزراجا نے وہیکل الاؤنس کی مد میں 5 لاکھ 77 ہزار روپے سے زائد رقم خرچ کی.

    چئیرمین رمیز راجہ نے موبائل ، سیکورٹی ، میڈیکل کی مد میں 4 لاکھ 15 ہزار روپے حاصل کئے۔رمیز راجہ کے غیر ملکی دوروں پر دو لاکھ 39 ہزار روپے سے زائد خرچ ہوئے.چئیرمین کے اخراجات کی رپورٹ کے مطابق رمیز راجہ کے اندرون ملک سفر پر 26 لاکھ 78 ہزار اور 985 روپے کے اخراجات ہوئے.پاکستان کرکٹ بورڈ کا کہنا ہے کہ اخراجات کی تفصیلات جاری کرنا یا نہ کرنا چئیرمین کا استحقاق ہے.

     

    واضح رہے کہ رمیز راجا کے اخراجات اپ ڈیٹ نہ کرنے کے حوالے سے گزشتہ روز میڈیا پر خبرچلی تھی.خبر چلنے کے 24 گھنٹے کے بعد ہی پی سی بی نے اخراجات کی تفصیلات جاری کر دیں.سابق چئیرمین پی سی بی احسان مانی نے بھی اخراجات اپ ڈیٹ نہ کرنے پر تشویش کا اظہار کیا تھا

    چئیرمین پی سی بی کے اخراجات ویب سائٹ پر جاری کرنے کا سلسلہ احسان مانی نے شروع کیا تھا

  • سخت گرمی میں بلیک کوبرا کو پانی پلانے کی وڈیو وائرل

    سخت گرمی میں بلیک کوبرا کو پانی پلانے کی وڈیو وائرل

    نئی دہلی :بھارت میں بلیک کوبرا کو گلاس کے ذریعے پانی پلانے کی وڈیو وائرل ہو گئی ہے۔بھارتی آئی بی ایس آفیسر سوسنتا نندا نے اپنے ٹوئٹر ہینڈل اکاؤنٹ پر ایک وڈیو شئیر کی تھی جس میں ایک بندر اور چند بطخ کے بچے ایک دوسرے کو تربوز بانٹتے اور کھاتے ہوئے دکھایا گیا ہے۔

     

    بھارتی آفیسر کی وڈیو کے جواب میں ایک اور یوزر نے جوابی کمنٹس میں کوبرا سانپ کو پانی پلانے کی وڈیو شئیر کی اور ساتھ میں لکھا کہ بندر اور بطخ کے بچے تربوز کھا رہے ہیں اور یہاں ایک کوبرا گلاس سے پانی پی رہا ہے۔

     

    یوزر نے مزید لکھا کہ سانپ کو بھی ہائیڈریٹ ہونا پڑے گا ، لیکن وہ پانی پینے کے لئے منہ نہیں کھولتے بلکہ ان کے منہ کے پاس ایک چھوٹا نتھنا ہے جس سے وہ پانی چوستے ہیں۔

    یہ پوسٹ پرانی ہے، صارف نے گزشتہ سال اگست میں محترمہ نندا کو جواب دیا تھا۔ لیکن یہ ایک بار پھر وائرل ہو رہا ہے کیونکہ یہ گرمیوں کا موسم ہے اور بہت کم لوگ دراصل پیاسے کوبرا سانپ کو دیکھنے کی امید کرتے ہیں۔

    اگرچہ شدید گرمی میں ہر جانور کے لیے خود کو ٹھنڈا رکھنے کے لیے پانی پینا فطری ہے، لیکن اس ویڈیو نے انٹرنیٹ استعمال کرنے والوں کی ریڑھ کی ہڈی کو ٹھنڈا کر دیا ہے۔